Qoraqalpogʻiston Respublikasining shimoliy tumanlarida tadbirkorlikni rivojlantirishning qoʻshimcha chora-tadbirlari toʻgʻrisida (PQ-264-son)

30.05.2022

Oʻzbekiston Respublikasi Prezidentining

Qarori

Qoraqalpogʻiston Respublikasining Boʻzatov, Qoraoʻzak, Kegeyli, Qoʻngʻirot, Qonlikoʻl, Moʻynoq, Nukus, Taxiatosh, Taxtakoʻpir, Xoʻjayli, Chimboy, Shumanay tumanlarida (keyingi oʻrinlarda — shimoliy tumanlar) mavjud yer va suv resurslaridan samarali foydalanish, qishloq xoʻjaligi va tadbirkorlikni qoʻllab-quvvatlash, aholi bandligini taʼminlash va daromadini oshirish hamda qulay agrobiznes muhitini yaratish maqsadida:

1. Qoraqalpogʻiston Respublikasi Vazirlar Kengashi, Iqtisodiy taraqqiyot va kambagʻallikni qisqartirish vazirligi, Moliya vazirligi, Davlat aktivlarini boshqarish agentligining 2027-yil 1-yanvarga qadar Qoraqalpogʻiston Respublikasi hududida joylashgan boʻsh turgan davlat koʻchmas mulk obyektlarini sotishning istisno tariqasida quyidagilarni nazarda tutuvchi tartibini joriy etish toʻgʻrisidagi taklifi maʼqullansin:

auksion savdolarida sotilgan narxidan qatʼi nazar barcha xaridorlarga xarid toʻlovlarini 7 yil muddatda boʻlib toʻlash imkoniyatini berish;

auksion savdolarida sotilgan davlat koʻchmas mulk obyektlari boʻyicha tuzilgan oldi-sotdi shartnomalariga muvofiq toʻlovlar 3 oy ichida toʻliq toʻlanganda shartnoma qiymatining 25 foiziga teng miqdorda chegirmalar berish;

jismoniy va yuridik shaxslarga tadbirkorlik va shaharsozlik faoliyatini amalga oshirish uchun qishloq xoʻjaligiga moʻljallanmagan boʻsh turgan yer uchastkalariga ijara huquqini elektron onlayn-auksionda sotib olish qiymatini qonunchilikda belgilangan tartibda boʻlib toʻlash imkoniyatini yaratish;

tuman hokimliklari balansidagi boʻsh turgan binolarni xususiy maktabgacha taʼlim tashkiloti tashkil etish uchun davlat-xususiy sheriklik asosida tadbirkorlik subyektlariga tanlov orqali berish va binoni tuman hokimligi balansida qoldirish, uch yildan soʻng xususiy sherikka davlat-xususiy sheriklik toʻgʻrisidagi bitimni imzolash paytida baholangan qiymatning 50 foizi miqdorida haq toʻlash hisobiga besh yil davomida toʻlash sharti bilan taqdim etilgan binolarni xususiylashtirish imkonini berish.

2. Shimoliy tumanlarda 2025-yil 1-yanvarga qadar eksperiment tariqasida qishloq xoʻjaligida foydalanishdan chiqib ketgan hamda yangidan oʻzlashtirishga moʻljallangan yer maydonlarini investorlarga “E-AUKSION” elektron savdo platformasida ochiq elektron tanlov asosida 30 yilga qishloq xoʻjaligi faoliyatini yuritish uchun ijaraga berishning quyidagilarni nazarda tutuvchi tartibi joriy etilsin:

a) ijara huquqini yutib olish uchun toʻlanadigan toʻlovning eng koʻp miqdorini taklif etgan talabgor ustuvorlikka ega boʻlib, qolgan mezonlar boʻyicha ball berish tartibi qoʻllanilmaydi;

b) ochiq elektron tanlov gʻolibi ijara huquqini yutib olish uchun toʻlanadigan toʻlov eng koʻp miqdorining 50 foizini toʻlagan davrdan boshlab, ushbu yer maydonlariga ijara huquqini uchinchi shaxsga sotishi va ushbu huquqni tijorat bankidan kredit olish uchun garovga qoʻyishi mumkin;

v) shimoliy tumanlardan roʻyxatdan oʻtib, mazkur yer maydonlarida faoliyat yuritadigan qishloq xoʻjaligiga ixtisoslashgan tadbirkorlik subyektlariga (bundan klasterlar mustasno) ushbu faoliyatdan olinadigan daromadi boʻyicha aylanmadan olinadigan soliq, shuningdek, mazkur tumanlardagi qishloq xoʻjaligi mahsuloti yetishtirish va saqlash maqsadida foydalaniladigan yer uchastkalari va mol-mulki boʻyicha yuridik shaxslardan olinadigan yer soligʻi va yuridik shaxslarning mol-mulkiga solinadigan soliq stavkalari 50 foizga kamaytiriladi;

g) Qishloq xoʻjaligi vazirligi talabnomalariga muvofiq foydalanishdan chiqqan sugʻoriladigan yerlarni oʻzlashtirish, sugʻoriladigan yerlarda yer tuzish, buzilgan yerlarni rekultivatsiya qilish yuzasidan loyiha hujjatlarini ishlab chiqish hamda qishloq xoʻjaligi yerlarining avtomatlashtirilgan yer-axborot tizimini yaratish va yangilab borish ishlariga Davlat budjetidan mablagʻlar ajratiladi;

d) qishloq xoʻjaligida foydalanilmayotgan har bir gektar yerni foydalanishga kiritish hamda zaruratga koʻra sugʻorish tik qudugʻini burgʻilash yoki nasos stansiyasini qurish va ishga tushirish boʻyicha xarajatlarning bir qismi Davlat budjeti mablagʻlari hisobidan tuzilgan investitsiya shartnomasi yoki davlat-xususiy sheriklik toʻgʻrisidagi bitim doirasida bir marta qoplab beriladi.

Moliya vazirligi Suv xoʻjaligi vazirligi va Qishloq xoʻjaligi vazirligi bilan birgalikda bir oy muddatda qishloq xoʻjaligida foydalanilmayotgan yer maydonlarini foydalanishga kiritishda zaruratga koʻra sugʻorish tik qudugʻini burgʻilash yoki nasos stansiyasini qurish va ishga tushirish boʻyicha xarajatlarning bir qismini qoplash tartibini ishlab chiqsin va Vazirlar Mahkamasiga kiritsin;

e) qishloq xoʻjaligi yerlarini foydalanishga kiritgan yerdan foydalanuvchilarga qishloq xoʻjaligi ekinlarini mustaqil joylashtirish huquqi beriladi.

3. Qoraqalpogʻiston Respublikasi Vazirlar Kengashi, Qishloq xoʻjaligi vazirligi, Suv xoʻjaligi vazirligi, Iqtisodiy taraqqiyot va kambagʻallikni qisqartirish vazirligi va Kadastr agentligi 2022-2023-yillarda har bir shimoliy tuman kesimida kamida 1 000 gektar qishloq xoʻjaligida foydalanishdan chiqib ketgan hamda yangidan oʻzlashtiriladigan yer maydonlarini elektron savdoga chiqarish uchun aniqlasin.

Bosh prokuratura elektron savdoga haqiqatdan ham foydalanishdan chiqib ketgan qishloq xoʻjaligi yerlari qoʻyilayotganligi ustidan nazorat oʻrnatsin.

4. Iqtisodiy taraqqiyot va kambagʻallikni qisqartirish vazirligi, Qishloq xoʻjaligi vazirligi va Davlat aktivlarini boshqarish agentligi 2024-yil yakuniga qadar mazkur qarorning 2-bandida nazarda tutilgan eksperimentni yanada takomillashtirish va uni Surxondaryo, Qashqadaryo, Buxoro, Navoiy, Sirdaryo va Jizzax viloyatlarining alohida tumanlarida tatbiq etish boʻyicha Vazirlar Mahkamasiga takliflar kiritsin.

5. Vazirlar Mahkamasi oʻn kun muddatda Qoraqalpogʻiston Respublikasi tumanlarida qishloq xoʻjaligi foydalanishdan chiqib ketgan hamda yangidan oʻzlashtiriladigan yer maydonlarini qishloq xoʻjaligi faoliyatini yuritish uchun investorlarga “E-AUKSION” elektron savdo platformasida ochiq elektron tanlov asosida ijaraga berish tartibini tasdiqlasin.

6. Quyidagilar:

2022 — 2024-yillar davomida Qoraqalpogʻiston Respublikasining shimoliy tumanlarida qishloq xoʻjaligi sohasini rivojlantirish va tadbirkorlikni qoʻllab-quvvatlashga doir chora-tadbirlar dasturi 1-ilovaga muvofiq;

Qoraqalpogʻiston Respublikasining shimoliy tumanlarida qishloq xoʻjaligida foydalanishdan chiqib ketgan sugʻoriladigan yer maydonlarini 2022 — 2024-yillarda qayta foydalanishga kiritish koʻrsatkichlari 2-ilovaga muvofiq tasdiqlansin.

Bosh vazir oʻrinbosarlari Sh.M. Gʻaniyev, J.A. Qoʻchqorov ikki hafta muddatda:

2022 — 2024-yillar davomida Qoraqalpogʻiston Respublikasining shimoliy tumanlarida qishloq xoʻjaligi sohasini rivojlantirish va tadbirkorlikni qoʻllab-quvvatlashga doir chora-tadbirlar dasturini amalga oshirish boʻyicha “Yoʻl xaritasi”ni;

Qoraqalpogʻiston Respublikasining shimoliy tumanlarida qishloq xoʻjaligi va oziq-ovqat sanoati sohalarida amalga oshiriladigan investitsiya loyihalarining manzilli roʻyxatini;

Qoraqalpogʻiston Respublikasining shimoliy tumanlarida qishloq xoʻjaligida qayta foydalanishga kiritiladigan yer maydonlariga 2022 — 2024-yillarda qishloq xoʻjaligi ekinlarini joylashtirish koʻrsatkichlarini;

Qoraqalpogʻiston Respublikasining shimoliy tumanlarida 2022 — 2024-yillarda yangi mevali bogʻlarni barpo etish va mevali bogʻlarni turlar boʻyicha joylashtirish koʻrsatkichlarini;

Qoraqalpogʻiston Respublikasining shimoliy tumanlarida 2022 — 2024-yillarda yangi uzumzorlarni barpo etish boʻyicha koʻrsatkichlarni;

Qoraqalpogʻiston Respublikasining shimoliy tumanlarida qayta foydalanishga kiritiladigan yer maydonlarida 2022 — 2024-yillarda asosiy turdagi qishloq xoʻjaligi mahsulotlarini turlari boʻyicha yetishtirish va realizatsiya qilishning prognoz koʻrsatkichlarini;

Qoraqalpogʻiston Respublikasining shimoliy tumanlarida chorvachilik, parrandachilik (tuyachilik, yilqichilik, kurkachilik, bedanachilik, tuyaqushchilik) yoʻnalishlari boʻyicha 2022 — 2024-yillarda amalga oshiriladigan loyihalar koʻrsatkichlarini tasdiqlasin.

7. Belgilab qoʻyilsinki, suv tanqis boʻlgan mahallalar (ovullar)da Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasiga ajratilgan mablagʻlar hisobidan belgilangan tartibda sugʻorish tik quduqlari qaziladi yoki mavjud kanallardan suv chiqarish uchun nasos agregatlari oʻrnatiladi.

Fermer, dehqon xoʻjaliklari va tomorqa yer egalari kengashiga aholi tomorqalaridan, ijaraga berilgan yerlardan samarali foydalanish, hudud iqlimi va yerlarning hosildorligidan kelib chiqqan holda qishloq xoʻjaligi oʻsimliklarini toʻgʻri tanlash, parvarishlash hamda mahsulot yetishtirish uchun har bir tumanga bir nafardan agronom biriktirish hamda ularning hokim yordamchilari bilan hamkorligini taʼminlash tavsiya etilsin.

8. Qishloq xoʻjaligi vazirligi Davlat soliq qoʻmitasi huzuridagi Kadastr agentligi, tumanlar hokimliklari va boshqa manfaatdor tashkilotlar bilan birgalikda oʻzlashtiriladigan yangi yer uchastkalarini ijaraga berish uchun ularning qisqa muddatlarda ochiq elektron tanlovga chiqarilishini taʼminlasin.

9. “Hududiy elektr tarmoqlari” aksiyadorlik jamiyati qayta foydalanishga kiritilgan va oʻzlashtirilgan yerlarda hamda boshqa ekin yerlarida suv tejovchi texnologiyalarni joriy qilish uchun budjet mablagʻlari hisobidan elektr tarmoqlari va transformator punktlari qurilishini taʼminlasin.

10. Belgilansinki, Qoraqalpogʻiston Respublikasi tumanlarida yashovchi va tadbirkorlik faoliyatini olib boruvchi jismoniy shaxslarga Davlat budjeti mablagʻlari hisobidan har yili tasdiqlanadigan parametrlar doirasida quyosh fotoelektrik stansiyasi, quyosh suv isitish tizimlari va shamol elektr stansiyalarini qurishda butlovchi qismlarni sotib olish xarajatlarining 30 foizi miqdorida, biroq 3 million soʻmdan oshmaydigan miqdorda kompensatsiyalar taqdim etiladi.

11. Vazirlar Mahkamasi, Oliy va oʻrta maxsus taʼlim vazirligi, Sogʻliqni saqlash vazirligi, Xalq taʼlimi vazirligi 2022/2023 oʻquv yilidan boshlab davlat grantlari boʻyicha belgilangan kvotalar doirasida Qoraqalpogʻiston Respublikasidagi qishloq xoʻjaligi va axborot texnologiyalari yoʻnalishlaridagi oliy taʼlim muassasalariga maxsus qoʻshimcha qabul kvotalari ajratilishini taʼminlasin.

Bunda, maxsus kvota boʻyicha oʻqishga qabul qilingan yoshlarning oliy maʼlumotga ega boʻlganidan soʻng, yoʻllanma berilgan korxona, tashkilot va boshqa muassasalarda kamida 5 yil davomida mehnat qilish majburiyati nazarda tutilsin.

12. Oʻzbekiston Respublikasi Yoshlar ishlari agentligi Yoshlarga oid davlat siyosatini qoʻllab-quvvatlash jamgʻarmasi hisobidan:

shimoliy tumanlarda doimiy yashovchi yetim, boquvchisini yoʻqotgan yoki nogironligi boʻlgan hamda professional va oliy taʼlim muassasalarida taʼlim olayotgan yoshlarning toʻlov-kontrakt summasining 100 foizigacha, ammo bazaviy hisoblash miqdorining 60 baravaridan oshmagan miqdorda toʻlab berish;

shimoliy tumanlarda doimiy yashovchi yoshlarning Oʻzbekiston Respublikasida faoliyat koʻrsatayotgan oliy taʼlim tashkilotlarida bakalavriatning kunduzgi taʼlim shaklida hamda magistratura bosqichida toʻlov-kontrakt asosida tahsil olishlari uchun tijorat banklari tomonidan taʼlim kreditlari ajratilishida ushbu jamgʻarmaning kafilligini berish;

IELTS imtihon tizimidan 6 va undan yuqori koʻrsatkichni, TOEFL imtihon tizimidan 60 va undan yuqori koʻrsatkichni qayd etgan shimoliy tumanlarda doimiy yashovchi yoshlarning ushbu imtihonlarni topshirish xarajatlarini AT “Xalq banki”ning tuman filiallari orqali toʻliq qoplab berish;

shimoliy tumanlarda doimiy yashovchi yoshlarning zamonaviy kasb, axborot-kommunikatsiya texnologiyalari, xorijiy tillar va tadbirkorlikka oʻqitish boʻyicha olti oygacha muddatli oʻquv kurslarida oʻqishlari uchun har oyda bazaviy hisoblash miqdorining 4 baravarigacha miqdorda subsidiya ajratish;

shimoliy tumanlarda doimiy yashovchi ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi olti oygacha muddatli oʻquv kurslarida oʻqishlari uchun har oyda bazaviy hisoblash miqdorining 1 baravarigacha miqdorda subsidiya ajratish;

shimoliy tumanlarda doimiy yashovchi ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarning mahalliy bosqichlarida qatnashish xarajatlari uchun bazaviy hisoblash miqdorining 4 baravarigacha hamda xalqaro bosqichlarida qatnashish xarajatlari uchun bazaviy hisoblash miqdorining 40 baravarigacha miqdorda subsidiya ajratish;

shimoliy tumanlarda doimiy yashovchi yoshlarni taʼlim, madaniyat va sanʼat, sport, “IT” va fanlar boʻyicha oʻqitishga ixtisoslashgan oʻquv markazlari joylashgan binolarning uch oy muddatgacha boʻlgan noturar joy ijara xarajatlari uchun bazaviy hisoblash miqdorining 50 baravarigacha miqdorda subsidiya ajratish choralarini koʻrsin.

13. Qoraqalpogʻiston Respublikasi Vazirlar Kengashi shimoliy tumanlardagi “Yoshlar daftari” jamgʻarmalari mablagʻlari hisobidan “Yoshlar daftari”ga kiritilgan va shimoliy tumanlarda doimiy yashovchi yoshlar oliy taʼlim muassasalariga kirish imtihonlariga tayyorgarlik koʻrishi uchun ularning nodavlat taʼlim muassasalarida taʼlim olish xarajatlarini qoplash choralarini koʻrsin.

14. Axborot va ommaviy kommunikatsiyalar agentligi Oʻzbekiston Milliy teleradiokompaniyasi, Oʻzbekiston Milliy axborot agentligi bilan birgalikda mazkur qarorning mazmun-mohiyati hamda maqsad va vazifalarining ommaviy axborot vositalarida keng yoritilishini taʼminlasin.

15. Mazkur qarorning ijrosini samarali tashkil qilishga masʼul va shaxsiy javobgar etib Qoraqalpogʻiston Respublikasi Vazirlar Kengashi Raisi Q.R. Sariyev belgilansin.

Mazkur qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 30-may,

PQ-264-son

Oʻzbekiston Respublikasi Prezidentining 2022-yil 30-maydagi PQ-264-son qaroriga1-ILOVA

2022 — 2024-yillar davomida Qoraqalpogʻiston Respublikasining shimoliy tumanlarida qishloq xoʻjaligi sohasini rivojlantirish va tadbirkorlikni qoʻllab-quvvatlashga doir

CHORA-TADBIRLAR DASTURI

T/r Chora-tadbirlar nomi Amalga oshirish mexanizmi Ijro muddati Masʼullar I. Yer va suv resurslaridan oqilona foydalanish va ekologik muhitni yaxshilash 1. Qoraqalpogʻiston Respublikasining shimoliy tumanlarida 92 495 gektar (62 ming gektar qayta foydalanishga kiritiladigan yerlar, 30 ming gektar ekin ekib kelinayotgan, biroq irrigatsiya melioratsiya tadbirlari talab etiladigan ekin yerlari) yer maydonlarini qayta foydalanishga kiritish: 2022-yilda 24 078 gektar; 2023-yilda 37 016 gektar; 2024-yilda 31 400 gektar. 1. 37 372 gektar yer maydonda kapital yer tekislash. 2. 1 893 km ariqlarni va 986 km zovurlarni tozalash. 3. 151 km yangi ariqlar va 140 km yangi zovurlar qazish hamda 624 km ariqlarni betonlash. 4. 1 090 dona gidrotexnik inshootlarni qurish va rekonstruksiya qilish hamda 3 185 dona gidrotexnik inshootlarni taʼmirlash va tiklash. 5. 114 dona yangi nasoslar oʻrnatish va 135 km elektr liniyalarini tortish. 6. 21 dona sugʻorish uchun yer osti tik quduqlarini qazish va 90 842 gektar ekin maydonida suv tejovchi texnologiyalarni joriy etish. 2022 — 2024-yillarda alohida grafik asosida Suv xoʻjaligi vazirligi, Moliya vazirligi, Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi, Qoraqalpogʻiston Respublikasining shimoliy tumanlariga biriktirilgan viloyatlar hokimliklari, Qishloq xoʻjaligi vazirligi 2. Qishloq xoʻjaligida qayta foydalanishga kiritilgan 92 495 gektar yer maydonlarining tuproq-iqlim sharoiti, suv bilan taʼminlanganligi, tashqi va ichki bozor talablarini hisobga olgan holda ushbu maydonlarda qishloq xoʻjaligi ekinlarini yerdan foydalanuvchilar tomonidan mustaqil joylashtirilishini tashkil etish. 1. Qishloq xoʻjaligi yerlarini foydalanishga kiritgan yerdan foydalanuvchilarga qishloq xoʻjaligi ekinlarini mustaqil joylashtirish boʻyicha takliflarni umumlashtirish. Har yili may oyida Qishloq xoʻjaligi vazirligi, Qoraqalpogʻiston Respublikasi Vazirlar Kengashi, Qoraqalpogʻiston Respublikasining shimoliy tumanlariga biriktirilgan viloyatlar hokimliklari, Suv xoʻjaligi vazirligi 2. Qishloq xoʻjaligi mahsulotlarini ishlab chiqarish va realizatsiya qilish boʻyicha prognoz koʻrsatkichlarni hisob-kitob qilish. Har yili iyul oyida 3. Shimoliy tumanlarda 4534 gektar maydonda yangi mevali bogʻlar va 3355 gektar maydonda yangi uzumzorlar barpo etish: 2022-yilda 848 gektar yangi mevali bogʻ va 1611 gektar yangi uzumzor; 2023-yilda 1617 gektar yangi mevali bogʻ va 1101 gektar yangi uzumzor; 2024-yilda 2069 gektar yangi mevali bogʻ va 643 gektar yangi uzumzor. 1. Yangi mevali bogʻlar va uzumzorlar barpo etish uchun talab etiladigan mablagʻlar manbalarini aniqlash va moliyalashtirish ishlarini amalga oshirish. 2. Mevali bogʻlar va uzumzorlar barpo etish uchun subsidiyalar ajratish. 3. Koʻchatlarni oʻtqazish va suv tejovchi texnologiyalarni joriy etish ishlarini amalga oshirish. 2022 — 2024-yillarda alohida grafik asosida Qishloq xoʻjaligi vazirligi, Moliya vazirligi, Qoraqalpogʻiston Respublikasi Vazirlar Kengashi, Qoraqalpogʻiston Respublikasining shimoliy tumanlariga biriktirilgan viloyatlar hokimliklari 5. “Yashil hududlar”ni koʻpaytirish orqali hududlarda ekologik va ijtimoiy vaziyatni yaxshilash. 1. Orol dengizining qurigan hududida yana qoʻshimcha 500 ming gektar oʻrmonzor va butazorlarni barpo etish. 2022 — 2024-yillar Oʻrmon xoʻjaligi davlat qoʻmitasi, Ekologiya va atrof-muhitni muhofaza qilish davlat qoʻmitasi, Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi 2. Shahar va tumanlar markazida jami 280 gektar, jumladan Nukus shahrida 50 gektar maydonda jamoat parklari va yashil maydonlar tashkil qilish. 2022 — 2024-yillar 3. Nukus shahri atrofidagi “yashil belbogʻ” maydonini yana 200 gektarga kengaytirish. 2022 — 2024-yillar 4. Yoʻl boʻyi hududlari, mahallalar, korxonalar, ijtimoiy obyektlar, dalalar atrofida 15 mln tup daraxt va manzarali butalar ekish. 2022-2023-yillar 6. Qoraqalpogʻiston Respublikasi tumanlarida qishloq xoʻjaligi yerlarining dala chetlarida har yili 250 gektar maydonda ihota daraxtzorlarini barpo etish. 1. Barpo etiladigan ihota daraxtzorlar maydonlarini aniqlash. 2022-yil Oʻrmon xoʻjaligi davlat qoʻmitasi, Qoraqalpogʻiston Respublikasi Vazirlar Kengashi 2. Oʻrmon xoʻjaliklari tomonidan zarur boʻlgan iqlim sharoitiga mos daraxt va butalar koʻchatlarini yetishtirish uchun koʻchatxona tashkil etish. 3. Bahor va kuz mavsumlarida daraxt va butalar koʻchatlaridan ihota maydonlarini barpo etish. 2022 — 2024-yillar 7. Orolboʻyi hududida har yili noanʼanaviy turdagi dorivor oʻsimliklarning plantatsiyasini tashkil etish. 1. Qoraqalpogʻiston Respublikasi oʻrmon xoʻjaliklarida jami 250 gektar maydonda dorivor godji, lavanda, naʼmatak va boshqa turdagi dorivor oʻsimliklarning koʻchatlarini yetishtirish va plantatsiyasini barpo etish. 2. Yetishtirilgan dorivor oʻsimliklarni qayta ishlovchi korxonalarga yetkazib berish. 2022 — 2024-yillar Oʻrmon xoʻjaligi davlat qoʻmitasi, Qoraqalpogʻiston Respublikasi Vazirlar Kengashi II. Qishloq xoʻjaligi va oziq-ovqat sanoati sohalarini rivojlantirish 8. Qoraqalpogʻiston Respublikasi shimoliy tumanlarining iqlim sharoitidan kelib chiqib, qish-bahor oylarida aholining asosiy oziq-ovqat, xususan, kartoshka, piyoz mahsulotlariga boʻlgan talabini, oziq-ovqat xavfsizligini va bozorlarda narx-navo barqarorligini taʼminlash maqsadida “Qoraqalpogʻiston Respublikasi sovutkichli sigʻimlar uyushmasi”ni tashkil etgan holda intervensiya tizimini joriy etish. 1. Oʻzbekiston Respublikasi Prezidentining “Qoraqalpogʻiston Respublikasi sovutkichli sigʻimlar uyushmasi”ni tashkil etgan holda intervensiya tizimini joriy etish toʻgʻrisida”gi qarori loyihasini ishlab chiqish. Bunda: Uyushma mahalliy hokimliklar bilan hamkorlikda qish-bahor oylarida aholi ehtiyojlaridan kelib chiqib, asosiy qishloq xoʻjaligi mahsulotlariga boʻlgan talabni aniqlash va mahsulotlarni saqlash boʻyicha tenderlar oʻtkazish; Uyushmaga aʼzo subyektlarga qish-bahor oylarida elektr energiya xarajatlarining 50 foiz miqdorini davlat tomonidan subsidiyalash; Uyushmaga aʼzo subyektlarga kooperatsiya tashkil etgan holda sovutkichli omborxonalar qurish xarajatlarining bir qismini qoplab berish; omborxonalarda mahsulotlarni saqlashning zamonaviy usullarini oʻrgatish boʻyicha tadbirkorlar malakasini oshirish; xorijiy moliya institutlari mablagʻlarini jalb etish nazarda tutiladi. 2022-yil iyul Qishloq xoʻjaligi vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi, Qoraqalpogʻiston Respublikasi Vazirlar Kengashi 2. Loyihani belgilangan tartibda manfaatdor vazirlik va idoralar bilan kelishish, huquqiy ekspertizadan oʻtkazish va Vazirlar Mahkamasiga kiritish. 2022-yil avgust 9. Chorvachilik va qoramolchilik sohasida 11 113 tonna sut va 45 809 tonna goʻsht ishlab chiqarishga erishish: 2022-yilda 2 324 tonna sut va 6 972 tonna goʻsht; 2023-yilda 3 538 tonna sut va 17 971 tonna goʻsht; 2024-yilda 5 251 tonna sut va 20 866 tonna goʻsht. 1. Chet ellardan qora-ola, qizil sut yoʻnalishidagi va qozoqi oqbosh, aberdin-angus goʻsht yoʻnalishidagi zotdor qoramollar va ularning urugʻlarini olib kelish. 2. Sunʼiy urugʻlantirish punktlarini jihozlash va koʻpaytirish, sunʼiy texnik-osemenatorlar soni va malakalarini oshirish. 3. Qoramollar sonini 1 392 ming bosh, shu jumladan sigirlar sonini 401 ming boshga va naslli buzoqlar sonini 264 ming boshga yetkazish. 2022 — 2024-yillar Veterinariya va chorvachilikni rivojlantirish davlat qoʻmitasi, Qoraqalpogʻiston Respublikasi Vazirlar Kengashi 10. Mahalliy baliq turini yetishtirish uchun qafas oʻrnatish: 2022-yilda 500 dona; 2023-yilda 1000 dona; 2024-yilda 1500 dona. 1. Qoraqalpogʻiston Respublikasi Moʻynoq, Taxtakoʻpir, Ellikqalʼa tumanlarining har birida kamida 3000 tadan qafas xarid qilish. 2. Baliq yetishtirish uchun talabgor oilalarni aniqlash va qafaslarni aholi xonadonlariga biriktirish. 3. Baliq mahsulotlari ishlab chiqarishni 9 ming tonnaga yetkazish. 2022 — 2024-yillar “Oʻzbekbaliqsanoat” uyushmasi, Qoraqalpogʻiston Respublikasi Vazirlar Kengashi, “Mikrokreditbank” ATB, “Agrobank” ATB, AT “Xalq banki” 11. Intensiv usulda baliq yetishtirishni yoʻlga qoʻyish: 2022-yilda 16 ming tonna; 2023-yilda 22 ming tonna; 2024-yilda 30 ming tonna. 1. Intensiv usulda tashkil etiladigan baliqxonalarning manzilli roʻyxatini shakllantirish. 2. Intensiv usulga oʻtkazish uchun mablagʻlar manbalarini aniqlash. 3. Qoraqalpogʻiston Respublikasining har bir tumanida kamida 10 tadan Xitoy texnologiyasini oʻrnatish, har bir gektaridan 100 tonna baliq yetishtirish. 2022 — 2024-yillar “Oʻzbekbaliqsanoat” uyushmasi, Qoraqalpogʻiston Respublikasi Vazirlar Kengashi, “Ipoteka-bank” ATIB 12. Har bir tumanda bugungi kunda faoliyat yuritib kelayotgan baliqchilik xoʻjaliklarini yarim intensiv xoʻjaliklarga aylantirish: 2022-yilda 800 gektar; 2023-yilda 1600 gektar; 2024-yilda 2400 gektar. 1. Yarim intensiv usulga aylantiriladigan baliqxonalar roʻyxatini tuzish. 2. Yarim intensiv usulga oʻtkazish uchun talab etiladigan mablagʻlar manbalarini aniqlash. 3. Qoraqalpogʻiston Respublikasining har bir tumanida kamida 100 gektar maydon uchun aeratorlar sotib olish va baliqchilik xoʻjaliklariga oʻrnatish. 2022 — 2024-yillar “Oʻzbekbaliqsanoat” uyushmasi, Qoraqalpogʻiston Respublikasi Vazirlar Kengashi, “Ipoteka-bank” ATIB III. Qishloq xoʻjaligi va chorvachilik mahsulotlarini qayta ishlash 13. Asosiy turdagi qishloq xoʻjaligi mahsulotlarini qayta ishlash darajasini 3 — 5 barobarga oshirish. Jumladan goʻshtni 30 foizga, sutni 50 foizga va meva-sabzavot mahsulotlarini qayta ishlash darajasini 35 foizga yetkazish. 1. Faoliyat yuritayotgan 54 ta qayta ishlash korxonalari quvvatlarini oshirish choralarini koʻrish. 2. Yangi tashabbuskorlarni moliyaviy qoʻllab-quvvatlash (kredit, subsidiya ajratish), qayta ishlash sohasiga jalb etish orqali qoʻshimcha quvvatlar yaratish. 3. Korxonalarda muammolarni aniqlash va hal qilish choralarini koʻrish. 2022 — 2024-yillar Qoraqalpogʻiston Respublikasi Vazirlar Kengashi, Iqtisodiy taraqqiyot va kambagʻallikni qisqartirish vazirligi, Qishloq xoʻjaligi vazirligi, Veterinariya va chorvachilikni rivojlantirish davlat qoʻmitasi 14. Chorvachilik yoʻnalishida sut va goʻshtni qayta ishlash boʻyicha yangi korxonalarni tashkil etish: 2022-yilda 10 ta sutni va 8 ta goʻshtni qayta ishlash boʻyicha yangi korxona; 2023-yilda 7 ta sutni va 6 ta goʻshtni qayta ishlash boʻyicha yangi korxona; 2024-yilda 8 ta sutni va 6 ta goʻshtni qayta ishlash boʻyicha yangi korxona. 1. Chorvachilik yoʻnalishida sut va goʻshtni qayta ishlash boʻyicha yangi korxonalarni tashkil etish boʻyicha tashabbuskorlarni aniqlash. 2. Sut va goʻshtni qayta ishlash boʻyicha yangi korxonalarni tashkil etish boʻyicha loyiha-smeta hujjatlarni ishlab chiqish va moliyalashtirish manbalarini aniqlash. 3. Sut va goʻshtni qayta ishlash boʻyicha yangi korxonalarni qurish va ishga tushirish. 2022 — 2024-yillar Veterinariya va chorvachilikni rivojlantirish davlat qoʻmitasi, Qoraqalpogʻiston Respublikasi Vazirlar Kengashi 15. Tumanlarda 10 ming gektar maydonda qizilmiya plantatsiyalarini tashkil etish va yiliga 2 ming tonna artemiya sistasini qayta ishlash choralarini koʻrish. Qizilmiya plantatsiyalarini tashkil etish boʻyicha 500 milliard soʻmlik 20 ta hamda artemiya qobigʻini yigʻish va qayta ishlash boʻyicha qiymati 495 mlrd soʻmlik 12 ta loyihani amalga oshirish. 2022 — 2024-yillar Qoraqalpogʻiston Respublikasi Vazirlar Kengashi, Investitsiyalar va tashqi savdo vazirligi, Oʻrmon xoʻjaligi davlat qoʻmitasi, Ekologiya va atrof-muhitni muhofaza qilish davlat qoʻmitasi 16. Sistanxe oʻsimligini klaster usulida qayta ishlashni yoʻlga qoʻyish va natijada yiliga ishlab chiqarish quvvati 100 tonnalik korxona tashkil etish. 1. Loyihaning biznes rejasini ishlab chiqish. 2. Xorijiy va mahalliy ekspertlarni jalb etish orqali ilmiy asoslangan xulosalarni tayyorlash. 3. Tegishli tashkilotlardan ruxsatnoma olish. 4. Moliyalashtirishni ochish va loyihani ishga tushirish. 2023-yil noyabr Qoraqalpogʻiston Respublikasi Vazirlar Kengashi, Ekologiya va atrof-muhitni muhofaza qilish davlat qoʻmitasi, Oʻrmon xoʻjaligi davlat qoʻmitasi IV. Aholi bandligini taʼminlash va kambagʻallikni qisqartirish 17. Paxta va gʻalla maydonlarini qisqartirish evaziga qishloq xoʻjaligida 30 mingta yangi ish oʻrinlari yaratish. 1. Hosildorligi past boʻlgan paxta va gʻalla maydonlarini aniqlash va yildan-yilga qisqartirib borish. 2. Dehqon xoʻjaligini yuritish uchun jami 10 ming gektar maydonni aholiga ochiq tanlov asosida 1 gektargacha uzoq muddatli ijaraga berish. 2022 — 2024-yillar Qishloq xoʻjaligi vazirligi, Suv xoʻjaligi vazirligi, Qoraqalpogʻiston Respublikasi Vazirlar Kengashi 18. Sharoiti ogʻir 38 ta mahallada 54 ta kooperatsiya birlashmalarini tashkil qilish orqali aholi daromadlarini oshirish va ishsizlikni kamaytirish. 1. Kooperatsiya asosida Boʻzatov tumanida 150 mingdan ortiq kurka yetishtirishni yoʻlga qoʻyish va 2,5 ming aholini ish bilan taʼminlash. 2. Nukus tumanida qoʻychilik, jun, goʻsht, kigiz, gilam va oʻtov ishlab chiqarishni yoʻlga qoʻyish orqali 1,5 mingta ish oʻrinlarini tashkil etish. 3. Kambagʻal oilalarni kooperatsiya asosida tadbirkorlik loyihalari bilan toʻliq qamrab olish. 2022-2023-yillar Iqtisodiy taraqqiyot va kambagʻallikni qisqartirish vazirligi, Qishloq xoʻjaligi vazirligi, Veterinariya va chorvachilikni rivojlantirish davlat qoʻmitasi, Qoraqalpogʻiston Respublikasi Vazirlar Kengashi V. Hududlarni ijtimoiy-iqtisodiy jihatdan qoʻllab-quvvatlash, qulay agrobiznes va investitsiya muhitini yaratish 19. Qishloq xoʻjaligi sohasiga xalqaro moliya institutlarining mablagʻlarini jalb etish hisobiga loyihalarni amalga oshirish. 1. Nukus shahar, Nukus, Qoʻngʻirot, Chimboy, Boʻzatov, Ellikqalʼa tumanlarida 8,6 ming tonna quvvatga ega boʻlgan muzlatkich omborxonasi, 5 ming tonna meva-sabzavotni qadoqlash va qayta ishlashni tashkil etish, 8 ta avtorefrijerator xarid qilish. 2. Nukus shahar, Nukus, Beruniy, Ellikqalʼa tumanlarida 508 ga yer maydonlarida zamonaviy bogʻ barpo etish, 2500 mln dona tara ishlab chiqarish, bogʻdorchilik sohasida 7 ta maxsus texnika xarid qilish. 3. Qoraqalpogʻiston Respublikasida Agroxizmatlar markazini tashkil etish. 2022 — 2024-yillar Qishloq xoʻjaligi vazirligi, Qoraqalpogʻiston Respublikasi Vazirlar Kengashi 20. Tijorat banklari balansidagi foydalanilmay turgan chorvachilik va parrandachilik obyektlari (binolar va inshootlar), shu jumladan qishloq xoʻjaligi mahsulotlarini qayta ishlash obyektlari (binolar va inshootlar), muzlatkichlar va omborxonalarda boshqa hududlardan jalb etilayotgan tadbirkorlar mablagʻlari hisobidan ishlab chiqarishni yoʻlga qoʻyish va foydalanish orqali iqtisodiyotni rivojlantirish maqsadida mazkur obyektlarni tadbirkorlarga belgilangan tartibda taqdim etish. 1. Tijorat banklari balansidagi foydalanilmay turgan chorvachilik va parrandachilik obyektlari (binolar va inshootlar), shu jumladan qishloq xoʻjaligi mahsulotlarini qayta ishlash obyektlari (binolar va inshootlar), muzlatkichlar va omborxonalar roʻyxatini shakllantirish. 2022-yil avgust Davlat aktivlarini boshqarish agentligi, Markaziy bank, “Asakabank” ATB, “Qishloq qurilish bank” ATB, “Ipoteka-bank” ATIB, “Mikrokreditbank” ATB, “Agrobank” ATB, “Oʻzsanoatqurilishbank” ATB, AT “Xalq banki”, AT “Aloqabank”, Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi 2. Aniqlangan obyektlarni belgilangan tartibda boshqa hududlardan jalb etilayotgan tadbirkorlarga taqdim etish. 2022-yil dekabr

Oʻzbekiston Respublikasi Prezidentining 2022-yil 30-maydagi PQ-264-son qaroriga2-ILOVA

Qoraqalpogʻiston Respublikasining shimoliy tumanlari qishloq xoʻjaligida foydalanishdan chiqib ketgan sugʻoriladigan yer maydonlarini 2022 — 2024-yillarda qayta foydalanishga kiritish

KOʻRSATKICHLARI

T/r Hududlar nomi Kontur soni, ta Maydoni, (ga) Shundan foydalanishga kiritiladi Shu jumladan foydalanishga kiritish uchun bajariladigan tadbirlar Kapital yer tekislash Ariqlarni tozalash Zovurlarni tozalash Yangidan ariq qazish Yangidan zovur qazish Ariqlarni betonlash Maydoni, (ga) Jami sarf qilinadigan xarajat, (mln soʻm) maydoni, (ga) sarf qilinadigan xarajat, (mln soʻm) kilometr sarf qilinadigan xarajat, (mln soʻm) kilometr sarf qilinadigan xarajat, (mln soʻm) kilometr sarf qilinadigan xarajat, (mln soʻm) kilometr sarf qilinadigan xarajat, (mln soʻm) kilometr sarf qilinadigan xarajat, (mln soʻm) 1 2 3 4 5 6 7 8 9 10 11 12 13 14 15 16 17 18 1. Taxiatosh 90 202 202 12 370 19 281 22 1 437 16 10 227 2. Xoʻjayli 553 2 645 2 645 156 027 2 645 7 934 10 336 28 991 55 75 845 3. Shumanay 2 203 8 615 8 615 304 957 8 615 17 231 141 1 342 45 1 118 50 65 000 4. Qonlikoʻl 3 911 9 741 9 741 366 206 160 2 400 483 12 075 50 55 000 5. Qoʻngʻirot 3 143 12 572 9 395 161 206 132 2 071 69 1 449 2 120 89 44 250 6. Nukus 2 054 9 872 9 872 100 525 28 42 102 1 021 31 6 220 39 54 708 7. Kegeyli 929 7 197 7 197 265 651 1 906 13 177 90 1 806 9 346 6 171 50 66 346 8. Boʻzatov 2 095 9 507 9 507 445 099 9 507 66 548 258 3 870 97 2 413 81 184 923 9. Chimboy 3 683 10 171 10 171 349 579 10 171 20 342 268 2 677 48 1 281 10 250 3 0 59 53 280 10. Qoraoʻzak 261 10 148 10 148 164 014 87 1 097 34 510 50 32 420 11. Taxtakoʻpir 3 034 10 002 10 002 345 585 491 9 824 77 2 300 50 109 212 12. Moʻynoq 2 067 5 001 5 001 203 524 4 501 4 951 135 6 076 45 1 575 135 3 376 135 3 376 35 48 125 Jami: 24 023 95 672 92 495 2 874 743 37 372 130 224 1 893 32 800 986 31 714 151 3 797 140 3 496 624 799 336

2-ilovaning davomi T/r Hududlar nomi Shu jumladan foydalanishga kiritish uchun bajariladigan tadbirlar Gidrotexnik inshootlarni qurish va rekonstruksiya qilish Gidrotexnik inshootlarni taʼmirlash va tiklash Suv ajratgich (taqsimlagich) qurish Yangidan nasos qurish Elektr tarmoq tortish Quvur oʻrnatish Suv yetib bormaydigan hududga tik quduq qurish Suv tejovchi texnologiyalarni joriy qilish dona sarf qilinadigan xarajat, (mln soʻm) dona sarf qilinadigan xarajat, (mln soʻm) soni sarf qilinadigan xarajat, (mln soʻm) soni / quvvati sarf qilinadigan xarajat, (mln soʻm) kilometr sarf qilinadigan xarajat, (mln soʻm) dona sarf qilinadigan xarajat, (mln soʻm) soni sarf qilinadigan xarajat, (mln soʻm) gektar sarf qilinadigan xarajat, (mln soʻm) 1 2 19 20 21 22 23 24 25 26 27 28 29 30 31 32 33 34 1. Taxiatosh 17 425 2. Xoʻjayli 4 4 100 4 351 10 350 2 645 66 120 3. Shumanay 41 619 105 1 073 10 3 101 5 94 8 615 215 380 4. Qonlikoʻl 25 153 14 4 354 9 741 292 224 5. Qoʻngʻirot 43 1 672 65 1 045 21 6 300 35 5 250 9 395 99 050 6. Nukus 1 25 20 11 000 17 1 730 2 1 100 9 872 24 680 7. Kegeyli 48 930 33 206 3 2 550 2 200 7 197 179 920 8. Boʻzatov 157 3 768 4 1 400 2 350 8 055 181 827 9. Chimboy 106 1 079 23 12 650 25 3 750 10 171 254 270 10. Qoraoʻzak 23 184 4 360 7 3 150 10 148 126 293 11. Taxtakoʻpir 614 12 280 2 982 11 928 10 002 200 041 12. Moʻynoq 38 570 11 3 850 45 3 600 12 3 000 5 001 125 025 Jami: 1 090 21 521 3 185 14 252 23 184 114 49 665 135 15 324 10 350 21 7 250 90 842 1 764 831