Har tomonlama hamkorlik boʻyicha Oʻzbekiston — Ukraina qoʻshma komissiyasining Oʻzbekistonga oid qismini tuzish toʻgʻrisida (526-son)

28.11.1997

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidenti va Ukraina Prezidenti tomonidan har tomonlama hamkorlik boʻyicha Oʻzbekiston — Ukraina qoʻshma komissiyasini tashkil etish toʻgʻrisida 1997-yil 28-martda imzolangan Protokolga muvofiq hamda anʼanaviy doʻstona aloqalarni yanada rivojlantirish va Oʻzbekiston Respublikasi bilan Ukraina oʻrtasida tuzilgan xalqaro shartnomalarni amalga oshirish maqsadida Vazirlar Mahkamasi qaror qiladi:

1. Har tomonlama hamkorlik boʻyicha Oʻzbekiston — Ukraina qoʻshma komissiyasining Oʻzbekistonga oid qismi 1-ilovaga* muvofiq tuzilsin.

* 1-ilova berilmaydi.

2. Har tomonlama hamkorlik boʻyicha Oʻzbekiston — Ukraina qoʻshma komissiyasining Oʻzbekistonga oid qismi kichik komissiyalari tarkibi 2-ilovaga* muvofiq tasdiqlansin.

* 2-ilova berilmaydi.

3. Oʻzbekiston Respublikasi Vazirlar Mahkamasining “Koʻp tomonlama hamkorlikni kengaytirish masalalari boʻyicha Oʻzbekiston — Ukraina qoʻshma komissiyasining Oʻzbekistonga oid qismini tuzish toʻgʻrisida” 1997-yil 24-yanvardagi 49-son qarori oʻz kuchini yoʻqotgan deb hisoblansin.

Vazirlar Mahkamasining Raisi I. KARIMOV

Toshkent sh.,

1997-yil 28-noyabr,

526-son