Aholiga narkologik yordam koʻrsatish tizimini yanada takomillashtirish boʻyicha qoʻshimcha chora-tadbirlar toʻgʻrisida (PQ-244-son)

16.05.2022

Oʻzbekiston Respublikasi Prezidentining

Qarori

Soʻnggi yillarda mamlakatimizda narkologik kasalliklarning oldini olish, tashxislash va davolash, ularga chalingan shaxslarni tibbiy-ijtimoiy reabilitatsiya qilishni rivojlantirish boʻyicha kompleks chora-tadbirlar amalga oshirilmoqda.

Sogʻliqni saqlash vazirligining Respublika narkologiya markazi negizida Respublika ixtisoslashtirilgan narkologiya ilmiy-amaliy tibbiyot markazi tashkil etilib, barcha hududlarda uning filiallari faoliyati yoʻlga qoʻyildi va aholiga narkologik yordam koʻrsatish samaradorligi oshirildi.

Shu bilan birga, narkologiya xizmatini malakali kadrlar bilan taʼminlash, moddiy-texnika bazasini yaxshilash, uni zamonaviy diagnostika va laboratoriya uskunalari bilan jihozlash, bemorlarni davolash va tibbiy-ijtimoiy reabilitatsiya qilish uchun qulay shart-sharoitlar yaratish boʻyicha qoʻshimcha choralarni koʻrish zarur.

Narkologik kasalliklarning oldini olish, tashxis qoʻyish va davolashni yanada takomillashtirish, narkologiya xizmatining moddiy-texnika bazasini mustahkamlash va kadrlar salohiyatini oshirish, narkologiya muassasalari faoliyati samaradorligini oshirish, sohaga axborot-kommunikatsiya texnologiyalarini keng joriy etish orqali qogʻozbozlik va byurokratiyani kamaytirish maqsadida:

1. Quyidagilar aholiga narkologik yordam koʻrsatish tizimini yanada takomillashtirishning ustuvor yoʻnalishlari etib belgilansin:

narkologik kasalliklarning oldini olish, ularni erta tashxislash, va davolash, bemorlarni tibbiy-ijtimoiy reabilitatsiya qilishning yaxlit modelini joriy qilish orqali aholiga samarali narkologik yordam koʻrsatish tizimini shakllantirish;

aholiga narkologik yordam koʻrsatish sohasida yuqori malakali kadrlar tayyorlash, qayta tayyorlash, narkologiya muassasalarining narkolog-shifokorlarga boʻlgan ehtiyojini qondirish, ularning malakasini muntazam ravishda, shu jumladan xorijning yetakchi klinikalari va tibbiyot tashkilotlarida oshirib borish, narkologiya xizmati uchun zarur boʻlgan ijtimoiy xodim, tibbiy psixolog va psixoterapevtlarni tayyorlash;

narkologiya sohasida fundamental, amaliy va innovatsion ilmiy tadqiqotlarni faollashtirish, narkologik kasalliklarning oldini olish, tashxis qoʻyish, davolash va psixoaktiv moddalarga qaram boʻlib qolgan shaxslarni reabilitatsiya qilish amaliyotiga zamonaviy metodikalar hamda raqamli texnologiyalarni keng joriy etish;

aholiga narkologik yordam koʻrsatish tizimining samarali faoliyatini taʼminlovchi huquqiy bazani takomillashtirish, narkologiya muassasalari bino va inshootlarini qurish, rekonstruksiya qilish hamda kapital taʼmirlash, shuningdek, zamonaviy tibbiy asbob-uskunalar bilan jihozlash orqali narkologiya xizmatining moddiy-texnika bazasini mustahkamlash.

2. Quyidagilar:

2022 — 2026-yillarda Oʻzbekiston Respublikasi narkologiya xizmatini yanada rivojlantirish chora-tadbirlari dasturi 1-ilovaga muvofiq;

2022-2023-yillarda narkologiya muassasalarini tibbiyot uskunalari bilan jihozlashning (qoʻshimcha jihozlashning) asosiy parametrlari 2-ilovaga muvofiq;

2022-yil yakuniga qadar narkologik bemorlarni ixtiyoriy va majburiy davolash uchun narkologiya dispanserlarida qoʻshimcha tashkil etiladigan oʻrinlar fondi 3-ilovaga muvofiq tasdiqlansin.

3. Sogʻliqni saqlash vazirligi va Ichki ishlar vazirligining narkologik kasalliklarga chalingan shaxslarni majburiy ravishda davolash tartibini takomillashtirish yuzasidan quyidagi takliflariga rozilik berilsin:

a) ichki ishlar organlariga oʻz tashabbusiga koʻra narkologik kasalliklarga chalingan shaxslarni majburiy davolashga yuborish yuzasidan hujjatlarni tayyorlash va rasmiylashtirish huquqini berish;

b) 2023-yil 1-yanvardan boshlab:

narkologik kasalliklarga chalingan shaxslarni majburiy davolashga yuborish boʻyicha barcha tibbiy tekshiruvlarni narkologiya dispanserlarining oʻzida, zarur hollarda boshqa muassasalarda amalga oshirish;

narkologiya dispanserlaridagi mavjud koykalar haqidagi maʼlumotlarni real vaqt rejimida olish imkoniyatini yaratish.

4. Ichki ishlar vazirligi va Oliy sudning narkologik kasalliklarga chalingan shaxslarni majburiy davolashga yuborish toʻgʻrisidagi ishlarni elektron tarzda sudlarga yuborish va sudlar tomonidan ularni videokonferensaloqa rejimida koʻrib chiqish mumkinligi haqidagi taklifi maʼqullansin.

5. Sogʻliqni saqlash vazirligi (B. Musayev) Ichki ishlar vazirligi (P. Bobojonov) bilan birgalikda huquqni muhofaza qiluvchi organlar tomonidan narkologiya dispanserlari yoki tuman (shahar) davolash-profilaktika muassasalariga olib kelingan probatsiya nazoratidagi shaxslarni alkogolli ichimliklar, giyohvandlik vositalari taʼsirida yoki oʻzgacha tarzda mast holatda ekanligini aniqlash boʻyicha tibbiy tekshiruvdan oʻtkazish tartibini joriy etsin.

6. Axborot texnologiyalari va kommunikatsiyalarini rivojlantirish vazirligi (Sh. Shermatov) Sogʻliqni saqlash vazirligi (B. Musayev) bilan hamkorlikda narkologiya dispanserlaridagi mavjud boʻsh koykalar soni toʻgʻrisida maʼlumotlarni real vaqt rejimida olish imkoniyatini beruvchi axborot tizimini ishlab chiqsin hamda Oliy sud va Ichki ishlar vazirligiga ushbu tizimdan foydalanish imkoniyatini yaratsin.

Belgilansinki:

mavjud boʻsh koykalar, shuningdek, boʻshash ehtimoli boʻlgan koykalar soni haqidagi maʼlumotlar axborot tizimiga narkologiya dispanserlari tomonidan kiritiladi;

Respublika ixtisoslashtirilgan ruhiy salomatlik ilmiy-amaliy tibbiyot markazi (keyingi oʻrinlarda — Markaz) va uning hududiy filiallarida elektron tibbiy hujjatlar aylanishini amalga oshirish imkonini beruvchi yagona tibbiy-axborot tizimi ishlab chiqiladi hamda amaliyotga tatbiq qilinadi.

7. 2023-yil 1-yanvardan boshlab Markaz va uning hududiy filiallarining ambulator va statsionar boʻlimlarida 1 stavkadan faoliyat koʻrsatuvchi tibbiy psixolog yoki psixoterapevt lavozimlari joriy etilsin.

Sogʻliqni saqlash vazirligi (B. Musayev), Moliya vazirligi (T. Ishmetov) manfaatdor idoralar bilan birgalikda uch oy muddatda mazkur qaror talablaridan kelib chiqib, Markaz va uning filiallari xodimlarining shtat normativlarini qayta koʻrib chiqsin.

8. Sogʻliqni saqlash vazirligi va Ichki ishlar vazirligining Qoraqalpogʻiston Respublikasi, viloyatlar hamda Toshkent shahrining tuman (shahar) tibbiyot birlashmalari tarkibida 4-ilovaga muvofiq kamida 10 oʻrinli mastlik holatida boʻlgan shaxslarga tibbiy yordam koʻrsatish tumanlararo punktlarini (keyingi oʻrinlarda — punktlar) tashkil etish toʻgʻrisidagi taklifi maʼqullansin.

Sogʻliqni saqlash vazirligi (B. Musayev):

Ichki ishlar vazirligi (P. Bobojonov) bilan birgalikda bir oy muddatda alkogolli mastlik holatida boʻlib, mustaqil harakatlanish qobiliyatini yoʻqotgan yoki qayerdaligini aniq anglab yetmaydigan shaxslarni (bundan alkogoldan ogʻir zaharlanish holatlari mustasno) punktlarga yetkazish va ularga tibbiy yordam koʻrsatish tartibini nazarda tutuvchi Hukumat qarori loyihasini Vazirlar Mahkamasiga kiritsin;

Moliya vazirligi (T. Ishmetov), Qoraqalpogʻiston Respublikasi Vazirlar Kengashi, viloyatlar hamda Toshkent shahar hokimliklari bilan birgalikda ikki oy muddatda punktlarni tegishincha hududiy sogʻliqni saqlash tizimi tashkilotlarining umumiy oʻrinlar va shtat birliklari doirasida hamda mahalliy budjet mablagʻlari hisobidan tashkil etish choralarini koʻrsin.

Ichki ishlar vazirligi (P. Bobojonov), Milliy gvardiya (R. Djurayev) punktlarda xodimlar xavfsizligini taʼminlash, qoʻriqlash xizmatini tashkil etish va videokuzatuv moslamalarini oʻrnatish choralarini koʻrsin.

9. Belgilansinki:

Sogʻliqni saqlash vazirligi tegishli hokimliklar bilan birgalikda narkologiya muassasalarining bino va inshootlarini qurish, rekonstruksiya qilish va kapital taʼmirlash ishlarini Oʻzbekiston Respublikasi Prezidentining 2021-yil 10-dekabrdagi PQ-43-son qarori talablaridan kelib chiqib, har yilgi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga sogʻliqni saqlash muassasalarini qurish-taʼmirlash ishlari uchun ajratilgan mablagʻlar doirasida belgilangan tartibda kiritib boradi;

narkologiya muassasalarining oʻrinlar fondini belgilash normativini qayta koʻrib chiqish natijasida, narkologik bemorlarni majburiy va ixtiyoriy davolash uchun qoʻshimcha talab etiladigan oʻrinlarning 265 tasi respublika ftiziatriya yordami koʻrsatish tizimidagi sihatgohlardagi oʻrinlarni maqbullashtirish hisobidan amalga oshiriladi.

10. Sogʻliqni saqlash vazirligi (B. Musayev):

Ichki ishlar vazirligi (P. Bobojonov), Xalq taʼlimi vazirligi (B. Saidov), Oliy va oʻrta maxsus taʼlim vazirligi (A. Toshkulov), Yoshlar ishlari agentligi (A. Saʼdullayev) bilan hamkorlikda aholi, ayniqsa, voyaga yetmagan va yoshlar orasida psixoaktiv moddalar isteʼmol qilinishining oldini olish va barvaqt aniqlashga qaratilgan profilaktika tizimini ishlab chiqsin va amaliyotga keng joriy etsin;

manfaatdor idoralar bilan birgalikda tuman (shahar) koʻp tarmoqli markaziy poliklinikalarining shtat normativlarini qayta koʻrib chiqib, shifokor-narkolog lavozimlarining shtat meʼyorlari bir shtat birligidan kam boʻlmagan miqdorda belgilanishini nazarda tutsin;

Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish jamgʻarmasi mablagʻlari hisobidan har yili Markaz va uning hududiy filiallaridan shaffof tanlov asosida tanlab olingan 10 nafargacha shifokor mutaxassislarni nufuzli xorijiy narkologiya markazlarida malaka oshirishga yuborsin.

11. Moliya vazirligi (J. Abruyev) Sogʻliqni saqlash vazirligi (O. Fazilkarimov) bilan birgalikda 2022-2023-yillarda narkologiya muassasalarini tibbiyot uskunalari bilan jihozlash uchun 32,5 milliard soʻm miqdoridagi mablagʻlarni ajratish choralarini koʻrsin.

Bunda, mazkur xarajatlar 2022-yilda sogʻliqni saqlash sohasiga ajratilgan mablagʻlar doirasida, 2023-yilda esa Davlat budjeti parametrlarida sogʻliqni saqlash sohasiga qoʻshimcha mablagʻlar ajratish orqali qoplanadi.

12. Vazirlar Mahkamasi mazkur qarorda belgilangan chora-tadbirlar bajarilishini har chorakda tanqidiy muhokama qilib borsin va kamchiliklarga yoʻl qoʻygan mansabdor shaxslarga nisbatan qatʼiy javobgarlik choralari koʻrilishini taʼminlasin.

13. Sogʻliqni saqlash vazirligi (B. Musayev), Ichki ishlar vazirligi (P. Bobojonov):

bir oy muddatda mazkur qaror talablaridan kelib chiqib, Oʻzbekiston Respublikasining “Narkologik kasalliklar profilaktikasi va ularni davolash toʻgʻrisida”gi Qonuniga tegishli oʻzgartish va qoʻshimchalar kiritish boʻyicha qonun loyihasini belgilangan tartibda kiritsin;

manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur qarorning ijrosini samarali tashkil qilishga masʼul va shaxsiy javobgar etib sogʻliqni saqlash vaziri B.A. Musayev, ichki ishlar vaziri P.R. Bobojonov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Ushbu qarorning oʻz vaqtida ijro etilishini nazorat qilish Oʻzbekiston Respublikasi Bosh vaziri A.N. Aripov, Oʻzbekiston Respublikasi Prezidenti maslahatchisining birinchi oʻrinbosari L.N. Toʻychiyev va Oʻzbekiston Respublikasi Prezidenti maslahatchisining oʻrinbosari D.B. Kadirov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 16-may,

PQ-244-son

Oʻzbekiston Respublikasi Prezidentining 2022-yil 16-maydagi PQ-244-son qaroriga 1-ILOVA

2022 — 2026-yillarda Oʻzbekiston Respublikasi narkologiya xizmatini yanada rivojlantirish

CHORA-TADBIRLARI DASTURI

T/r Chora-tadbirlar nomi Amalga oshirish mexanizmi Bajarish muddati Mablagʻ Moliyalashtirish manbalari Masʼul ijrochilar I. Normativ-huquqiy bazani takomillashtirish 1. Oʻzbekiston Respublikasining “Narkologik kasalliklar profilaktikasi va ularni davolash toʻgʻrisida”gi Qonun oʻzgartirish va qoʻshimchalar kiritish. 1. Narkologik kasalliklarga chalingan shaxslarni majburiy davolashga yuborish tashabbusi bilan chiqadigan shaxslar doirasini kengaytirishni nazarda tutuvchi qonun loyihasini ishlab chiqish va kelishish. 2. Qonun loyihasini Vazirlar Mahkamasiga kiritish. 2022 yil 1 sentabr - - Sogʻliqni saqlash vazirligi, Ichki ishlar vazirligi 2. Narkologiya xizmatining zamonaviy tuzilmasi, vazifalari va ehtiyojlaridan kelib chiqib, narkologiya muassasalarining shtat normativlarini qaytadan koʻrib chiqish. Sogʻliqni saqlash vazirligi tomonidan tizimdagi tashkilotlarning yangilangan shtat normativlarini ishlab chiqish va Moliya vazirligi tomonidan tasdiqlanishini taʼminlash. 2022-yil 1-iyul - - Sogʻliqni saqlash vazirligi, Moliya vazirligi, Bandlik va mehnat munosabatlari vazirligi 3. Oʻzbekiston Respublikasining “Huquqbuzarliklar profilaktikasi toʻgʻrisida”gi Qonuni asosida narkologik bemorlarni majburiy davolash va profilaktik kuzatishni taʼminlash boʻyicha axborot almashish va hamkorlik qilish uchun normativ-huquqiy bazani yaratish. Sogʻliqni saqlash vaziri va ichki ishlar vazirining qoʻshma qarorini ishlab chiqish. 2022-yil 1-iyul - - Sogʻliqni saqlash vazirligi, Ichki ishlar vazirligi 4. Narkologik kasalliklarga chalingan shaxslarni hisobga olish tizimini takomillashtirish. Oʻzbekiston Respublikasining “Narkologik kasalliklar profilaktikasi va ularni davolash toʻgʻrisida”gi Qonuni talablarini inobatga olgan holda nodavlat tibbiyot tashkilotlari tomonidan “Elektron sogʻliqni saqlash” axborot tizimi yagona kompleksi doirasida narkologik kasalliklarga chalingan shaxslarga koʻrsatilgan tibbiy yordam yuzasidan Sogʻliqni saqlash vazirligiga elektron hisobot taqdim etish mexanizmini yoʻlga qoʻyish boʻyicha Vazirlar Mahkamasiga taklif kiritish. 2022-yil 1-avgust - - Sogʻliqni saqlash vazirligi, Ichki ishlar vazirligi, Adliya vazirligi, Bosh prokuratura 5. Ilgʻor xorijiy texnologiyalardan foydalangan holda narkologik bemorlarga tashxis qoʻyish, ularni davolash va tibbiy-ijtimoiy reabilitatsiya qilish standartlari va klinik bayonnomalarini qayta koʻrib chiqish. Sogʻliqni saqlash vazirining buyrugʻini ishlab chiqish. 2022-yil 1-iyul - - Sogʻliqni saqlash vazirligi Majburiy davolash uchun ixtisoslashgan davolash-profilaktika muassasalarida alkogolizm, giyohvandlik yoki toksikomaniyaga chalingan shaxslarga narkologik yordam koʻrsatish tartibi toʻgʻrisidagi nizomni tasdiqlash. Sogʻliqni saqlash vazirining buyrugʻini ishlab chiqish. 2022-yil 1-iyul Sogʻliqni saqlash vazirligi, Ichki ishlar vazirligi 6. Alkogolli ichimliklar, giyohvandlik vositalari taʼsiridan yoki oʻzgacha tarzda mast holatda boʻlgan shaxslarni tibbiy tekshiruvdan oʻtkazish tartibini takomillashtirish. Transport vositalari haydovchilarining mast holatda ekanligini aniqlash tartibi toʻgʻrisidagi nizomga oʻzgartirish va qoʻshimchalar kiritish. 2022-yil 1-sentabr - - Sogʻliqni saqlash vazirligi, Ichki ishlar vazirligi, Bosh prokuratura, Oliy sud 7. Alkogolli mastlik holatida boʻlib, mustaqil harakatlanish qobiliyatini yoʻqotgan yoki oʻzining qayerdaligini aniq anglab yetmaydigan shaxslarga tibbiy yordam koʻrsatish tartibini belgilash. Alkogolli mastlik holatida boʻlib, mustaqil harakatlanish qobiliyatini yoʻqotgan yoki oʻzining qayerdaligini aniq anglab yetmaydigan shaxslarni (alkogoldan ogʻir zaharlanish holatlari bundan mustasno) mastlik holatida boʻlgan shaxslarga tibbiy yordam koʻrsatish tumanlararo punktlariga yetkazish va ularga tibbiy yordam koʻrsatish tartibini nazarda tutuvchi Hukumat qarori loyihasini Vazirlar Mahkamasiga kiritish. 2022-yil 1-iyul - - Sogʻliqni saqlash vazirligi, Ichki ishlar vazirligi II. Narkologik kasalliklarning oldini olish, ularga erta tashxis qoʻyish, ularni davolash va narkologik bemorlarni tibbiy-ijtimoiy reabilitatsiya qilishni takomillashtirish 8. Psixoaktiv moddalarni notibbiy maqsadda isteʼmol qilish xavf guruhini erta aniqlash va profilaktik ishlarning samarali usullarini joriy etish, narkologiya muassasalarining sogʻliqni saqlashning birlamchi boʻgʻini muassasalari, taʼlim muassasalari, huquqni muhofaza qilish organlari, mahalla faollari bilan oʻquv seminarlarini oʻtkazish orqali hamkorlik qilish mexanizmini takomillashtirish. 1. Pedagoglar, ichki ishlar xodimlari, mahalla faollari uchun psixoaktiv moddalar isteʼmol qilganlik belgilarini aniqlash mavzusida oʻquv seminarlarni oʻtkazish dasturini ishlab chiqish, tasdiqlash va reja asosida tashkil etish. 2. Tibbiyot xodimlarining kasbiy malakasini rivojlantirish markazi narkologiya kafedrasida masofaviy sikllarda birlamchi boʻgʻin shifokorlarining psixoaktiv moddalarga qaram boʻlgan shaxslarni erta aniqlash boʻyicha malakasini oshirish. 2022 — 2026-yillarda (har yili 1-yanvargacha tasdiqlanadi) - Budjetdan ajratilgan mablagʻlar doirasida Sogʻliqni saqlash vazirligi, Ichki ishlar vazirligi, Xalq taʼlimi vazirligi, Oliy va oʻrta maxsus taʼlim vazirligi, Mahalla va nuroniylarni qoʻllab-quvvatlash vazirligi, Yoshlar ishlari agentligi 9. Bolalar va oʻsmirlar oʻrtasida psixoaktiv moddalar notibbiy isteʼmolining hamda yoshlar oʻrtasida giyohvandlik tarqalishining oldini olish maqsadida umumiy oʻrta va oʻrta maxsus taʼlim muassasalarida “maktab profilaktikasi” tizimini joriy etish. 1. Pedagoglar va maktab psixologlari uchun psixoaktiv moddalarga qaramliklarning oldini olish boʻyicha oʻquv-uslubiy materiallar ishlab chiqish. 2022-yil 1-iyul - - Xalq taʼlimi vazirligi, Oliy va oʻrta maxsus taʼlim vazirligi, Sogʻliqni saqlash vazirligi, Ichki ishlar vazirligi 2. Pedagoglar va maktab psixologlari uchun psixoaktiv moddalarga qaramlikning oldini olish boʻyicha oʻquv-seminarlari tashkil etish. Reja-grafik asosida (har yili 1-yanvargacha tasdiqlanadi) 3. Psixoaktiv moddalarga qaramlikning oldini olish boʻyicha “maktab profilaktikasi” tizimini joriy etish toʻgʻrisida xalq taʼlimi vazirining buyrugʻini ishlab chiqish va tasdiqlash. 2022-yil 1-avgust 4. Profilaktika dasturlarini umumiy oʻrta va oʻrta maxsus taʼlim muassasalariga pilot loyihasi sifatida joriy etish, olingan natijalarni oʻrganish, tahlil qilish. 2022/2023 oʻquv yili 5. Umumiy oʻrta va oʻrta maxsus taʼlim muassasalarida psixoaktiv moddalarga qaramlikning oldini olish boʻyicha profilaktika tizimini keng joriy etish. 2023 — 2026-yillarda 10. Zamonaviy axborot texnologiyalaridan foydalangan holda aholini psixoaktiv moddalarning yangi turlari tarqalganidan va ularni isteʼmol qilishning salbiy oqibatlaridan xabardor qilish. Narkologik kasalliklarga chalingan shaxslarga yordam koʻrsatish tizimini takomillashtirish. 1. Ommaviy axborot vositalari (televideniye, radio, bosma va Internet nashrlari) orqali keng targʻibot ishlarini olib borish. 2022 — 2026-yillarda media-reja asosida (har yili 1-yanvargacha tasdiqlanadi) - - Sogʻliqni saqlash vazirligi, Xalq taʼlimi vazirligi, Oliy va oʻrta maxsus taʼlim vazirligi, Axborot va ommaviy kommunikatsiyalar agentligi, Oʻzbekiston Milliy teleradiokompaniyasi, Oʻzbekiston Milliy axborot agentligi, Mahalla va nuroniylarni qoʻllab-quvvatlash vazirligi, Yoshlar ishlari agentligi 2. Aholi, ayniqsa yoshlar orasida yashirin narkomaniyani barvaqt aniqlash, uni davolash va psixologik yordam koʻrsatishni tashkil qilish maqsadida narkologiya dispanserlari huzurida “call-markaz”lar faoliyatini yoʻlga qoʻyish. 2022 yil yakuniga qadar - - Sogʻliqni saqlash vazirligi 11. Psixoaktiv moddalarga qaram boʻlgan hamda ogʻir ruhiy va somatik asoratlarni boshidan oʻtkazayotgan bemorlarga shoshilinch narkologik yordam koʻrsatish tizimini rivojlantirish. 1. Psixoaktiv moddalarga qaram boʻlgan hamda ogʻir ruhiy va somatik asoratlarni boshidan oʻtkazayotgan bemorlar uchun intensiv terapiya palatalarini tashkil etish. 2. Respublika ixtisoslashtirilgan ruhiy salomatlik ilmiy-amaliy tibbiyot markazi (keyingi oʻrinlarda — Markaz)ning barcha hududiy filiallarini intensiv palata jihozlari bilan taʼminlash. 2022 — 2024-yillarda - Budjetdan ajratilgan mablagʻlar doirasida Sogʻliqni saqlash vazirligi III. Narkologiya xizmatini yuqori malakali kadrlar bilan taʼminlash, narkologiya sohasida ilmiy tadqiqotlar koʻlamini oshirish 12. Tibbiyot oliy taʼlim muassasalari va Tibbiyot xodimlarining kasbiy malakasini rivojlantirish markazi kafedralari bazasida birlamchi ixtisoslik sikllari, magistratura, va klinik ordinaturada narkologiya, tibbiy psixologiya va psixoterapiya sohasida mutaxassislar tayyorlash va muntazam ravishda ularning malakasini oshirish. 1. Toshkent tibbiyot akademiyasi, Toshkent pediatriya tibbiyot instituti, Samarqand davlat tibbiyot universiteti va Tibbiyot xodimlarining kasbiy malakasini rivojlantirish markazining tegishli kafedralarida narkologiya, tibbiy psixologiya va psixoterapiya ixtisosliklari boʻyicha magistratura, klinik ordinatura uchun kvota oʻrinlari sonini ehtiyojdan kelib chiqib oshirish. 2. Tibbiyot xodimlarining kasbiy malakasini rivojlantirish markazining narkologiya, tibbiy psixologiya va oʻsmirlar psixopatologiyasi kafedrasida narkolog, tibbiy psixolog va psixoterapevt mutaxassislarni birlamchi ixtisoslashtirish sikllarida tayyorlash hamda muntazam ravishda oʻquv rejaga asosan soha boʻyicha umumiy va mavzuyiy sikllarda ularning malakasini oshirish. 2022 — 2026-yillarda - Muassasalarning budjetdan ajratilgan mablagʻlari doirasida Sogʻliqni saqlash vazirligi, Oliy va oʻrta maxsus taʼlim vazirligi 13. Toshkent shahar narkologiya dispanseri (Markazning Toshkent shahar filiali) bazasida hududiy narkologiya muassasalarining ijtimoiy xodimlarini oʻqitish. Sogʻliqni saqlash vazirligi tomonidan oʻquv dasturlarini tasdiqlash. 2022 — 2026-yillarda - Budjetdan ajratilgan mablagʻlar doirasida Sogʻliqni saqlash vazirligi 14. Narkologik kasalliklarning oldini olish, ularni tashxislash va davolashning ustuvor yoʻnalishlari boʻyicha narkologiya sohasida fundamental, amaliy va innovatsion ilmiy tadqiqotlar olib borish. 1. Narkologik kasalliklarni erta aniqlash, tashxislash hamda davolash va bemorlarni reabilitatsiya qilish borasidagi dolzarb muammolarni tadqiq qilish boʻyicha fundamental, amaliy va innovatsion tadqiqotlar, dasturlar va loyihalarni amalga oshirish. 2022 — 2026-yillarda - Davlat budjetidan ilmiy faoliyatga oid davlat dasturlarini amalga oshirish uchun ajratiladigan mablagʻlar, Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari Sogʻliqni saqlash vazirligi, Innovatsion rivojlanish vazirligi, Markaz 2. Ilmiy tadqiqotlar natijalarini amaliyotga keng joriy etish. 3. Markazning ilmiy-tadqiqot ishlari bilan shugʻullanadigan tuzilmalari xodimlari mehnatiga haq toʻlash, bino va inshootlarni saqlash xarajatlarini moliyalashtirish, shuningdek, joriy xarajatlarini 2023-yildan boshlab Davlat budjeti mablagʻlari hisobidan qoplashni tashkil qilish yuzasidan Vazirlar Mahkamasiga taklif kiritish. 2022-yil 1-avgust - - Sogʻliqni saqlash vazirligi, Moliya vazirligi 15. Markaz va uning filiallari xodimlarining ilmiy salohiyatini oshirish, tibbiyot sohasidagi ilgʻor xorijiy amaliyotga mos ravishda ularning bilim va koʻnikmalarini rivojlantirish. Markaz va uning filiallari xodimlarini nufuzli xorijiy tibbiyot muassasalari va markazlari (Rossiyaning V.P. Serbskiy nomidagi psixiatriya va narkologiya markazi va boshqalar)ga malaka oshirish va stajirovka oʻtash uchun yuborish, shuningdek, yetakchi xorijiy mutaxassislarni Markazga jalb etish, mahorat darslari, vebinar, telemeditsina amaliyotini yoʻlga qoʻyish. 2022 — 2026-yillar reja-jadval asosida - Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish jamgʻarmasi mablagʻlari, Davlat budjetidan ushbu maqsadlar uchun ajratilgan mablagʻlar Sogʻliqni saqlash vazirligi, Markaz 16. Markaz huzurida ilmiy darajalar beruvchi ilmiy kengash tashkil qilish. 1. Markaz huzuridagi ilmiy darajalar beruvchi ilmiy kengash nizomini ishlab chiqish; 2. Ilmiy kengash tarkibini tasdiqlash. 2022-yil - - Sogʻliqni saqlash vazirligi, Oliy attestatsiya komissiyasi, Markaz IV. Narkologiya muassasalarining moddiy-texnika bazasini mustahkamlash 17. Narkologiya muassasalarini zamonaviy tibbiyot uskunalari bilan jihozlash. 1. Markaz va uning filiallarining moddiy-texnika bazasini xatlovdan oʻtkazish. 2022-yil 1-iyul 32,5 mlrd soʻm Davlat budjetidan ushbu maqsadlar uchun ajratilgan mablagʻlar Sogʻliqni saqlash vazirligi, Investitsiyalar va tashqi savdo vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Markaz va uning filiallarini zarur tibbiy uskunalar bilan jihozlash. 2022-2023-yillar 3. Markazda psixofiziologik laboratoriya tashkil etish va ilmiy tadqiqotlar oʻtkazish. 2022-2023-yillar 18. Narkologiya muassasalari binolarida qurilish-taʼmirlash ishlarini olib borish va ularni rekonstruksiya qilish. Tegishli mahalliy hokimliklar bilan birgalikda narkologiya xizmati muassasalarining bino va inshootlarini qurish, rekonstruksiya qilish va kapital taʼmirlash ishlarini har yilgi Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturiga belgilangan tartibda kiritish choralarini koʻrish. 2022 — 2026-yillar - Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida Sogʻliqni saqlash vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi V. Xalqaro hamkorlikni kengaytirish 19. Xalqaro tashkilotlar va yetakchi ilmiy markazlar bilan hamkorlikni mustahkamlash hamda psixoaktiv moddalarga qaramlik muammolari boʻyicha birgalikda ilmiy tadqiqotlar oʻtkazish. 1. Nufuzli xorijiy ilmiy, tibbiyot tashkilotlari bilan hamkorlik memorandumlarini tuzish. 2. Doimiy asosda oʻzaro tajriba almashishni yoʻlga qoʻyish. 2022 — 2026-yillarda - Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish jamgʻarmasi mablagʻlari Sogʻliqni saqlash vazirligi, Tashqi ishlar vazirligi, Markaz 20. Xalqaro tashkilotlar koʻmagida narkologiya muassasalari xodimlari uchun zamonaviy davolash-reabilitatsiya texnologiyalarini joriy etish boʻyicha treninglar tashkil etish. BMTning Narkotiklar va jinoyatchilikka qarshi kurash boshqarmasi (UNODC), Yevropada xavfsizlik va hamkorlik tashkiloti (OSCE) va boshqa xalqaro tashkilotlar bilan hamkorlikda zarur tadbirlarni amalga oshirish. 2022 — 2026-yillarda - Ijrochilar mablagʻlari, xalqaro hamkorlar mablagʻlari Sogʻliqni saqlash vazirligi

Oʻzbekiston Respublikasi Prezidentining 2022-yil 16-maydagi PQ-244-son qaroriga 2-ILOVA

2022-2023-yillarda narkologiya muassasalarini tibbiyot uskunalari bilan jihozlashning (qoʻshimcha jihozlashning)

ASOSIY PARAMETRLARI

T/r Hududlar 2022-yil yakuniga qadar 2023-yil yakuniga qadar Elektrokardiograf Qonning klinik analizatori Qonning biokimyoviy analizatori UTT apparati Bakterial filtrli jarrohlik elektrtortgich Kardiosinxronlangan defibrillyator Chiqarilgan nafasda alkogolni aniqlaydigan qurilma Rentgen Stolcha va tumbaga ega funksional karavot Gemodinamikaning asosiy koʻrsatkichlarini oʻrganish uchun apparat Amplipuls apparati Ultrayuqori chastotali terapiya uchun apparat Elektro-uyqu apparati Galvanizatsiya va dorili elekroforez uchun apparat Mahalliy darsonvalizatsiya apparati Magnitoterapiya uchun apparat Oʻpkani sunʼiy ventilyatsiya qilish uchun apparat Distillyator Dasturiy taʼminotga va printerga ega shaxsiy kompyuter Elektroensefalografiya (eeg) 32 kanalli Biologik muhitlarda psixoaktiv moddalarni aniqlovchi tibbiy uskuna 1. Qoraqalpogʻiston Respublikasi 1 1 1 1 1 1 1 1 6 1 1 1 1 1 1 1 1 1 10 1 1 2. Andijon viloyati 1 1 1 1 1 1 1 1 6 1 1 1 1 1 1 1 1 1 8 1 1 3. Buxoro viloyati 1 1 1 1 1 1 1 1 6 1 1 1 1 1 1 1 1 1 6 1 1 4. Jizzax viloyati 1 1 1 1 1 1 1 1 6 1 1 1 1 1 1 1 1 1 7 1 1 5. Qashqadaryo viloyati 1 1 1 1 1 1 1 1 6 1 1 1 1 1 1 1 1 1 6 1 1 6. Navoiy viloyati 1 1 1 1 1 1 1 1 6 1 1 1 1 1 1 1 1 1 4 1 1 7. Namangan viloyati 1 1 1 1 1 1 1 1 6 1 1 1 1 1 1 1 1 1 4 1 1 8. Samarqand viloyati 1 1 1 1 1 1 1 1 6 1 1 1 1 1 1 1 1 1 10 1 1 9. Surxondaryo viloyati 2 2 2 1 2 2 1 1 6 1 2 2 2 2 2 2 1 1 8 1 1 10. Sirdaryo viloyati 1 1 1 1 1 1 1 1 6 1 1 1 1 1 1 1 1 1 4 1 1 11. Toshkent viloyati 1 1 1 1 1 1 1 1 6 1 1 1 1 1 1 1 1 1 6 1 1 12. Fargʻona viloyati 2 2 2 2 2 2 2 2 6 1 2 2 2 2 2 2 1 2 12 1 1 13. Xorazm viloyati 1 1 1 1 1 1 1 1 6 1 1 1 1 1 1 1 1 1 6 1 1 14. Majburiy davolash uchun Toshkent shahar narkologiya shifoxonasi 1 1 1 - 1 1 - - - 1 1 1 1 1 1 1 1 1 4 1 1 15. Toshkent shahar narkologiya dispanseri 1 1 1 - 1 1 1 1 6 1 1 1 1 1 1 1 1 1 10 1 1 16. RIRSIATM 1 1 1 1 1 1 - 1 6 1 1 1 1 1 1 1 1 1 10 1 1 JAMI (soni) 18 18 18 15 18 18 15 16 90 16 18 18 18 18 18 18 16 17 115 16 16 Birlik narxi mln soʻmda 20 85 50 352 5 27 50 425 15 80 11 30 5 20 5 50 328 10 10 60 250 JAMI (qiymati) 360 1,530 900 5,280 90 486 750 6,800 1,350 1,280 198 540 90 360 90 900 5,248 170 1,150 960 4,000 Asbob-uskunalarning umumiy qiymati 8,1 mlrd soʻm Asbob-uskunalarning umumiy qiymati — 24,5 mlrd soʻm

Oʻzbekiston Respublikasi Prezidentining 2022-yil 16-maydagi PQ-244-son qaroriga 3-ILOVA

2022-yil yakuniga qadar narkologik bemorlarni ixtiyoriy va majburiy davolash uchun narkologiya dispanserlarida qoʻshimcha tashkil etiladigan oʻrinlar fondi

T/r Hududlar Jami qoʻshimcha tashkil etiladigan oʻrinlar shundan: Maqbullashtiriladigan oʻrinlar Majburiy Ixtiyoriy Muassasalar nomi Oʻrin soni 1. Qoraqalpogʻiston Respublikasi 30 20 10 2. Andijon viloyati 20 20 Viloyat ftiziatriya sihatgohi 10 Viloyat bolalar ftiziatriya sihatgohi 20 3. Buxoro viloyati 40 30 10 Viloyat bolalar ftiziatriya sihatgohi 10 4. Jizzax viloyati 10 10 5. Qashqadaryo viloyati 30 30 Viloyat bolalar ftiziatriya sihatgohi 10 Viloyat ftiziatriya sihatgohi 20 6. Navoiy viloyati 30 20 10 7. Namangan viloyati 40 20 20 Viloyat bolalar ftiziatriya sihatgohi 20 8. Samarqand viloyati 40 20 20 Viloyat ixtisoslashtirilgan bolalar ftiziatriya sihatgohi 30 9. Surxondaryo viloyati 10. Sirdaryo viloyati 30 15 15 11. Toshkent viloyati 60 40 20 Viloyat bolalar ftiziatriya sihatgohi 30 12. Fargʻona viloyati 10 10 Viloyati bolalar ftiziatriya sihatgohlari 60 Viloyati ftiziatriya sihatgohi 20 13. Xorazm viloyati 30 20 10 Viloyat bolalar ftiziatriya sihatgohi 20 14. Toshkent shahri 40 30 10 Bolalar ftiziatriya sihatgohi 15 15. Respublika ixtisoslashtirilgan narkologiya ilmiy-amaliy tibbiyot markazi 20 20 Jami: 430 265 165 265

Oʻzbekiston Respublikasi Prezidentining 2022-yil 16-maydagi PQ-244-son qaroriga 4-ILOVA

Qoraqalpogʻiston Respublikasi, viloyatlar hamda Toshkent shahrining tuman (shahar) tibbiyot birlashmalari tarkibida mastlik holatida boʻlgan shaxslarga tibbiy yordam koʻrsatish tumanlararo punktlarining

ROʻYXATI

T/r T/r Tumanlararo punktlar Tumanlararo punktlarga biriktirilgan tuman va shaharlar Tumanlararo punktlarning manzili 2022-yilda tashkil etiladi Qoraqalpogʻiston Respublikasi 1. 1. Xoʻjayli tumani tibbiyot birlashmasi Taxiatosh tumani Xoʻjayli tumani Xoʻjayli tumani, T. Ibragimov koʻchasi, 24-uy 2. 2. Nukus tumani tibbiyot birlashmasi Nukus tumani Nukus tumani, Akmangit guzari koʻchasi, 34-uy 3. 3. Respublika ixtisoslashtirilgan ruhiy salomatlik ilmiy-amaliy tibbiyot markazi (keyingi oʻrinlarda — RIRSIATM) Qoraqalpogʻiston Respublikasi hududiy filiali Nukus shahri Nukus shahri, U. Bekmanov koʻchasi, 114-uy 4. 4. Toʻrtkoʻl tumani tibbiyot birlashmasi Beruniy tumani Toʻrtkoʻl tumani Toʻrtkoʻl tumani, Nukus koʻchasi, 36-uy 5. 5. Ellikqalʼa tumani tibbiyot birlashmasi* Ellikqalʼa tumani Ellikqalʼa tumani, Navoiy koʻchasi, raqamsiz uy 6. 6. Qoʻngʻirot tumani tibbiyot birlashmasi Moʻynoq tumani Qoʻngʻirot tumani Qoʻngʻirot tumani, Oltinkoʻl mahallasi 7. 7. Qonlikoʻl tumani tibbiyot birlashmasi* Qonlikoʻl tumani Qonlikoʻl tumani, A. Musayev koʻchasi, 14-uy 8. 8. Shumanay tumani tibbiyot birlashmasi* Shumanay tumani Shumanay tumani, Mamiy ovul fuqarolar yigʻini 9. 9. Chimboy tumani tibbiyot birlashmasi Chimboy tumani Chimboy tumani, Sh. Rashidov koʻchasi, 43-uy 10. 10. Qoraoʻzak tumani tibbiyot birlashmasi Qoraoʻzak tumani Taxtakoʻpir tumani Qoraoʻzak tumani, Berdax koʻchasi, raqamsiz uy 11. 11. Kegeyli tumani tibbiyot birlashmasi Kegeyli tumani Boʻzatov tumani Kegeyli tumani, Doʻstlik koʻchasi, 3-uy 12. 12. Amudaryo tumani tibbiyot birlashmasi Amudaryo tumani Amudaryo tumani, Shifokorlar mahallasi Andijon viloyati 13. 1. RIRSIATM Andijon viloyati hududiy filiali Andijon shahri Andijon tumani Oltinkoʻl tumani Andijon shahri, Yu. Otabekov koʻchasi, 3-uy 14. 2. Boʻston tumani tibbiyot birlashmasi Boʻston tumani Shahrixon tumani Boʻston tumani, Ulugʻbek koʻchasi, 1-uy 15. 3. Asaka tumani tibbiyot birlashmasi* Asaka tumani Marhamat tumani Asaka tumani, Ilgʻor qishlogʻi 16. 4. Baliqchi tumani tibbiyot birlashmasi* Baliqchi tumani Ulugʻnor tumani Baliqchi tuman, Chinobod qishlogʻi 17. 5. Paxtaobod tumani tibbiyot birlashmasi Paxtaobod tumani Izboskan tumani Paxtaobod tumani, Kelajak ovozi koʻchasi, 1-uy 18. 6. Qoʻrgʻontepa tumani tibbiyot birlashmasi* Qoʻrgʻontepa tumani Xonobod shahri Qorasuv shahri Koʻrgʻontepa tumani, Mustaqillik koʻchasi, 135-uy 19. 7. Jalaquduq tumani tibbiyot birlashmasi* Jalaquduq tumani Xoʻjaobod tumani Buloqboshi tumani Jalaquduq tumani, Oʻzbekiston koʻchasi, 95-uy Buxoro viloyati 20. 1. RIRSIATM Buxoro viloyati hududiy filiali Buxoro shahri Buxoro shahri, Joʻbor koʻchasi, 65-uy 21. 2. Qorakoʻl tumani tibbiyot birlashmasi Qorakoʻl tumani Olot tumani Qorakoʻl tumani, Ulugʻbek koʻchasi, 21-uy 22. 3. Jondor tumani tibbiyot birlashmasi* Jondor tumani Jondor tumani, M. Tarobiy koʻchasi, 157-uy 23. 4. Gʻijduvon tumani tibbiyot birlashmasi Gʻijduvon tumani Gʻijduvon tumani, Ulugʻbek koʻchasi, 100-uy 24. 5. Vobkent tumani tibbiyot birlashmasi* Vobkent tumani Shofirkon tumani Vobkent tumani, Tadbirkor koʻchasi, 35-uy 25. 6. Romitan tumani tibbiyot birlashmasi* Romitan tumani Peshkoʻ tumani Romitan tumani, Shifokorlar koʻchasi, 162-uy 26. 7. Buxoro tumani tibbiyot birlashmasi* Buxoro tumani Buxoro tumani, Fitrat koʻchasi, 17-uy 27. 8. Kogon shahri tibbiyot birlashmasi Qorovulbozor tumani Kogon tumani Kogon shahri Kogon shahri, Oltinkoʻl koʻchasi, 1-uy Jizzax viloyati 28. 1. RIRSIATM Jizzax viloyati hududiy filiali Paxtakor tumani Arnasoy tumani Doʻstlik tumani Mirzachoʻl tumani Paxtakor tumani, Dilorom koʻchasi, 2-uy 29. 2. Zomin tumani tibbiyot birlashmasi Yangiobod tumani Zarbdor tumani Zomin tumani Zomin tumani, Ulugʻbek koʻchasi, 17-uy 30. 3. Sharof Rashidov tumani tibbiyot birlashmasi Sharof Rashidov tumani Jizzax shahri Baxmal tumani Gʻallaorol tumani Sharof Rashidov tumani, Uch tol koʻchasi, 5-uy 31. 4. Forish tumani tibbiyot birlashmasi* Forish tumani Zafarobod tumani Forish tumani, Oqtepa mahallasi Qashqadaryo viloyati 32. 1. RIRSIATM Qashqadaryo viloyati hududiy filiali Qarshi shahri Qarshi tumani Nishon tumani Qarshi shahri, Besh yogʻoch koʻchasi, 7/1-uy 33. 2. Mirishkor tumani tibbiyot birlashmasi* Mirishkor tumani Yangi Mirishkor shaharchasi, Oʻzbekiston koʻchasi, 35-uy 34. 3. Kitob tumani tibbiyot birlashmasi Kitob tumani Shahrisabz shahri Shahrisabz tumani Kitob tumani, Katta yoʻl koʻchasi, 123-uy 35. 4. Yakkabogʻ tumani tibbiyot birlashmasi* Yakkabogʻ tumani Yakkabogʻ tumani, Choʻmich koʻchasi, 2-uy 36. 5. Gʻuzor tumani tibbiyot birlashmasi Gʻuzor tumani Qamashi tumani Gʻuzor tumani, Oʻzbekiston koʻchasi, 87-uy 37. 6. Dehqonobod tumani tibbiyot birlashmasi* Dehqonobod tumani Dehqonobod tumani, Guliston koʻchasi, 5-uy 38. 7. Koson tumani tibbiyot birlashmasi Koson tumani Kasbi tumani Koson tumani, Quyiobron koʻchasi, 1-uy 39. 8. Muborak tumani tibbiyot birlashmasi* Muborak tumani Muborak tumani, Istiqlol mahallasi 40. 9. Chiroqchi tumani tibbiyot birlashmasi* Chiroqchi tumani Koʻkdala tumani Chiroqchi tumani, Yangi qurilish koʻchasi, 1-uy Navoiy viloyati 41. 1. RIRSIATM Navoiy viloyati hududiy filiali Navoiy shahri Karmana tumani Navoiy shahri, Binokor koʻchasi, 5-uy 42. 2. Zarafshon shahri tibbiyot birlashmasi Zarafshon shahri Tomdi tumani Zarafshon shahri, A. Navoiy koʻchasi, 4-uy 43. 3. Uchquduq shahri tibbiyot birlashmasi* Uchquduq shahri Uchquduq tuman Uchquduq tuman, A. Temur koʻchasi, 2a-uy 44. 4. Xatirchi tumani tibbiyot birlashmasi Xatirchi tumani Xatirchi tuman, Mustaqillik mahallasi 45. 5. Nurota tumani tibbiyot birlashmasi* Nurota tumani Gʻozgʻon shahri Nurota tumani, U. Yusupov koʻchasi, 132-uy 46. 6. Qiziltepa tumani tibbiyot birlashmasi Qiziltepa tumani Qiziltepa tumani, Shifokorlar koʻchasi, 1-uy 47. 7. Navbahor tumani tibbiyot birlashmasi* Navbahor tumani Navbahor tumani, Arabxona mahallasi 48. 8. Konimex tumani tibbiyot birlashmasi* Konimex tumani Konimex tumani, Istiqlol koʻchasi, 4-uy Namangan viloyati 49. 1. RIRSIATM Namangan viloyati hududiy filiali Namangan shahri Davlatobod tumani Yangi Namangan tumani Namangan shahri, A. Navoiy koʻchasi, 70-uy 50. 2. Toʻraqoʻrgʻon tumani tibbiyot birlashmasi* Toʻraqoʻrgʻon tumani Toʻraqoʻrgʻon shahri, Namangan koʻchasi, 6-uy 51. 3. Namangan tumani tibbiyot birlashmasi* Namangan tumani Namangan tumani, Nurafshon koʻchasi, 46-uy 52. 4. Yangiqoʻrgon tumani tibbiyot birlashmasi* Yangiqoʻrgʻon tumani Chortoq tumani Yangiqoʻrgʻon tumani, A. Qoʻchqorov koʻchasi, 173-uy 53. 5. Kosonsoy tumani tibbiyot birlashmasi Kosonsoy tumani Kosonsoy shahri, Ibn Sino koʻchasi, 74-uy 54. 6. Norin tumani tibbiyot birlashmasi* Norin tumani Xaqqulobod shahri, Beruniy koʻchasi, 21-uy 55. 7. Uchqoʻrgʻon tumani tibbiyot birlashmasi* Uchqoʻrgʻon tumani Uychi tumani Uchqoʻrgʻon shahri, Ibn Sino koʻchasi, 3-uy 56. 8. Pop tumani tibbiyot birlashmasi Pop tumani Chust tumani Pop shaharchasi, Paxtakor koʻchasi, 3-uy 57. 9. Mingbuloq tumani tibbiyot birlashmasi Mingbuloq tumani Jomashuy shaharchasi, E. Oʻrmonov koʻchasi, 24-uy Samarqand viloyati 58. 1. RIRSIATM Samarqand viloyati hududiy filiali Samarqand shahri Jomboy tumani Pastdargʻom tumani Jomboy tumani, Sh. Burxonov koʻchasi, 1-uy 59. 2. Bulungʻur tumani tibbiyot birlashmasi* Bulungʻur tumani Bulungʻur shahri, Oʻzbekiston koʻchasi, 80-uy 60. 3. Tayloq tumani tibbiyot birlashmasi Samarqand tumani Tayloq tumani Tayloq tumani, Ibn Sino koʻchasi, 7-uy 61. 4. Urgut tumani tibbiyot birlashmasi Urgut tumani Urgut shahri, Navoiy shoh koʻchasi, 99-uy 62. 5. Payariq tumani tibbiyot birlashmasi* Payariq tumani Payariq tumani, Payariq mahallasi 63. 6. Ishtixon tumani tibbiyot birlashmasi* Ishtixon tumani Oqdaryo tumani Ishtixon shahri, A. Navoiy koʻchasi, 12-uy 64. 7. Qoʻshrabot tumani tibbiyot birlashmasi* Qoʻshrabot tumani Qoʻshrabot tumani, Gʻ. Gʻulom koʻchasi, 59-uy 65. 8. Kattaqoʻrgʻon shahri tibbiyot birlashmasi Kattaqoʻrgʻon shahri Kattaqoʻrgʻon tumani Narpay tumani Kattaqoʻrgʻon shahri, Oʻzbekiston koʻchasi, 149-uy 66. 9. Paxtachi tumani tibbiyot birlashmasi* Paxtachi tumani Paxtachi tumani, Boʻston mahallasi 67. 10. Nurobod tumani tibbiyot birlashmasi* Nurobod tumani Nurobod shahri, Yangiqishloq koʻchasi, 1-uy Surxondaryo viloyati 68. 1. RIRSIATM Surxondaryo viloyati hududiy filiali Termiz shahri Termiz tumani Jarqoʻrgʻon tumani Termiz shahri, Uchqun koʻchasi, 5-uy 69. 2. Denov tumani tibbiyot birlashmasi Denov tumani Denov shahri Denov tumani, Sharof Rashidov mahallasi 70. 3. Sariosiyo tumani tibbiyot birlashmasi Sariosiyo tumani Uzun tumani Sariosiyo tumani, Afrosiyob koʻchasi, 37-uy 71. 4. Shoʻrchi tumani tibbiyot birlashmasi Shoʻrchi tumani Oltinsoy tumani Shoʻrchi tumani, Mustaqillik koʻchasi, 68-uy 72. 5. Qumqoʻrgʻon tumani tibbiyot birlashmasi Qumqoʻrgʻon tumani Qumqoʻrgʻon tumani, Oxunboboyev koʻchasi, 15-uy 73. 6. Qiziriq tumani tibbiyot birlashmasi Bandixon tumani Qiziriq tumani Qiziriq tumani, Ibn Sino koʻchasi, 1-uy 74. 7. Sherobod tumani tibbiyot birlashmasi* Angor tumani Sherobod tumani Sherobod tumani, Galaguzar mahallasi 75. 8. Boysun tumani tibbiyot birlashmasi* Boysun tumani Boysun tumani, Istiqlol koʻchasi, 33-uy 76. 9. Muzrabot tumani tibbiyot birlashmasi* Muzrabot tumani Muzrabot tumani, Amir Temur koʻchasi, 3-uy Sirdaryo viloyati 77. 1. RIRSIATM Sirdaryo viloyati hududiy filiali Guliston shahri Mirzaobod tumani Guliston shahri, Ibn-Sino koʻchasi, 20-uy 78. 2. Guliston tumani tibbiyot birlashmasi* Guliston tumani Guliston tumani, Ibrat koʻchasi, 24-uy 79. 3. Sirdaryo tumani tibbiyot birlashmasi* Sayxunobod tumani Sirdaryo tumani Sirdaryo tumani, Lochin koʻchasi, 16-uy 80. 4. Sardoba tumani tibbiyot birlashmasi Oqoltin tumani Sardoba tumani Sardoba tumani, Rohat koʻchasi, 15-uy 81. 5. Boyovut tumani tibbiyot birlashmasi* Shirin shahri Boyovut tumani Boyovut tumani, Sayilbogʻ koʻchasi, 4/1-uy 82. 6. Yangiyer shahri tibbiyot birlashmasi* Xovos tumani Yangiyer shahri Yangiyer shahri, Beruniy koʻchasi, 8-uy Toshkent viloyati 83. 1. RIRSIATM Toshkent viloyati hududiy filiali Angren shahri Ohangaron tumani Angren shahri, Obod turmush koʻchasi, 20-uy 84. 2. Bekobod tumani tibbiyot birlashmasi Bekobod tumani Bekobod shahri Bekobod tumani, Ibn Sino koʻchasi, 2-uy 85. 3. Boʻka tumani tibbiyot birlashmasi* Boʻka tumani Oqqoʻrgʻon tumani Boʻka tumani, A. Ikramov koʻchasi, 2-uy 86. 4. Olmaliq shahar tibbiyot birlashmasi* Olmaliq shahri Ohangaron shahri Olmaliq shahri, M. Ulugʻbek koʻchasi, 51-uy 87. 5. Nurafshon shahri tibbiyot birlashmasi Nurafshon shahri Piskent tumani Oʻrta Chirchiq tumani Nurafshon shahri, Shifokorlar koʻchasi, 22-uy 88. 6. Chirchiq shahri tibbiyot birlashmasi Chirchiq shahri Boʻstonliq tumani Qibray tumani Chirchiq shahri, 8-mikrorayon 89. 7. Parkent tumani tibbiyot birlashmasi* Parkent tumani Yuqorichirchiq tumani Parkent shahri, Alisher Navoiy shoh koʻchasi 90. 8. Yangiyoʻl shahri tibbiyot birlashmasi* Yangiyoʻl shahri Quyichirchiq tumani Yangiyoʻl tumani Chinoz tumani Yangiyoʻl shahri, Toshkent shoh koʻchasi, 2-uy 91. 9. Toshkent tumani tibbiyot birlashmasi Zangiota tumani Toshkent tumani Toshkent tumani, Ravnaq koʻchasi, 2-uy Fargʻona viloyati 92. 1. RIRSIATM Fargʻona viloyati hududiy filiali Fargʻona shahri Quvasoy shahri Fargʻona shahri, Yangi zamon koʻchasi, 61-uy 93. 2. Fargʻona tumani tibbiyot birlashmasi Fargʻona tumani Fargʻona tumani, Quvonch koʻchasi, 96-uy 94. 3. Bogʻdod tumani tibbiyot birlashmasi Rishton tumani Bogʻdod tumani Bogʻdod shaharchasi, Birdamlik koʻchasi, 12-uy 95. 4. Soʻx tumani tibbiyot birlashmasi* Soʻx tumani Soʻx tumani, Mustaqillik koʻchasi 96. 5. Fargʻona viloyati Qoʻqon shahri 2-sonli narkologiya dispanseri Qoʻqon shahri Uchkoʻprik tumani Buvayda tumani Qoʻqon shahri, Burchlik koʻchasi, 5-uy 97. 6. Dangʻara tumani tibbiyot birlashmasi Dangʻara tumani Dangʻara tumani, Istiqlol koʻchasi, 43-uy 98. 7. Oʻzbekiston tumani tibbiyot birlashmasi Oʻzbekiston tumani Furqat tumani Oʻzbekiston tumani, Gʻalaba koʻchasi, 45-uy 99. 8. Beshariq tumani tibbiyot birlashmasi* Beshariq tumani Beshariq shahri, Sirdaryo koʻchasi, 76-uy 100. 9. Margʻilon shahri tibbiyot birlashmasi Margʻilon shahri Qoʻshtepa tumani Margʻilon shahri, Xiyobon koʻchasi, 122-uy 101. 10. Yozyovon tumani tibbiyot birlashmasi Yozyovon tumani Yozyovon tumani, A. Navoiy koʻchasi, 17-uy 102. 11. Oltiariq tumani tibbiyot birlashmasi* Oltiariq tumani Oltiariq tumani, Oʻzbekiston koʻchasi, 3-uy 103. 12. Toshloq tumani tibbiyot birlashmasi* Toshloq tumani Quva tumani Toshloq shaharchasi, Navoiy koʻchasi, 20-uy Xorazm viloyati 104. 1. RIRSIATM Xorazm viloyati hududiy filiali Xiva shahri Xiva tumani Xiva tumani, Shomaxulum mahallasi 105. 2. Urganch shahri tibbiyot birlashmasi Urganch shahri Urganch tumani Urganch shahri, Yu. Babajanov koʻchasi, 2/1-uy 106. 3. Qoʻshkoʻpir tumani tibbiyot birlashmasi Qoʻshkoʻpir tumani Shovot tumani Qoʻshkoʻpir tumani, Mustaqillik koʻchasi, 69-uy 107. 4. Yangibozor tumani tibbiyot birlashmasi* Yangibozor tumani Gurlan tumani Yangibozor tumani, X. Karimov koʻchasi, 64-uy 108. 5. Hazorasp tumani tibbiyot birlashmasi* Hazorasp tumani Tuproqqalʼa tumani Hazorasp tumani, Gʻ. Gʻulom koʻchasi, 3-uy 109. 6. Xonqa tumani tibbiyot birlashmasi* Xonqa tumani Yangiariq tumani Xonqa tumani, Al-Xorazmiy koʻchasi, 70-uy 110. 7. Bogʻot tumani tibbiyot birlashmasi* Bogʻot tumani Bogʻot tumani, Toshkent koʻchasi, 2-uy Toshkent shahar 111. 1. Respublika shoshilinch tibbiy yordam ilmiy markazi Toshkent shahri Chilonzor tumani, Kichik halqa yoʻli koʻchasi, 2-uy 112. 2. 4-sonli shahar klinik shifoxonasi* Toshkent shahri Yashnobod tumani, Birlashgan koʻchasi, 1-uy 113. 3. 7-sonli shahar klinik shifoxonasi Toshkent shahri Yunusobod tumani, Gʻayratiy koʻchasi, 23-uy 114. 4. Ibn Sino nomli shahar 1-son klinik shifoxonasi* Toshkent shahri Shayxontohur tumani, Koʻkcha Darvoza koʻchasi, 40-uy 2023-2024-yillarda tashkil etiladi Qoraqalpogʻiston Respublikasi 1. 1. Moʻynoq tumani tibbiyot birlashmasi Moʻynoq tumani, Jalimbetov koʻchasi, 1-uy 2. 2. Taxtakoʻpir tumani tibbiyot birlashmasi Taxtakoʻpir tumani, Beskala koʻchasi, raqamsiz uy Andijon viloyati 3. 1. Shahrixon tumani tibbiyot birlashmasi Shahrixon shahri, R. Yodgorov koʻchasi, 105-uy Buxoro viloyati 4. 1. Shofirkon tumani tibbiyot birlashmasi Shofirkon tumani, Navroʻz koʻchasi, 112-uy Qashqadaryo viloyati 5. 1. Qamashi tumani tibbiyot birlashmasi Qamashi tumani, Farovon koʻchasi, 25-uy 6. 2. Nishon tumani tibbiyot birlashmasi Yangi Nishon shaharchasi, A. Temur koʻchasi Namangan viloyati 7. 1. Chust tumani tibbiyot birlashmasi Chust tumani, Sabzazor mahallasi Samarqand viloyati 8. 1. Pastdargʻom tumani tibbiyot birlashmasi Pastdargʻom tumani, Beruniy koʻchasi, 20-uy Surxondaryo viloyati 9. 1. Jarqoʻrgʻon tumani tibbiyot birlashmasi Jarqoʻrgʻon tumani, Shifokorlar koʻchasi, 1-uy 10. 2. Angor tumani tibbiyot birlashmasi Angor tumani, Shifokorlar koʻchasi, 14-uy 11. 3. Oltinsoy tumani tibbiyot birlashmasi Oltinsoy tumani, Boʻston koʻchasi, 5-uy Sirdaryo viloyati 12. 1. Sayxunobod tumani tibbiyot birlashmasi Sayxunobod tumani, Shifokorlar koʻchasi, 3-uy Toshkent viloyati 13. 1. Oʻrtachirchiq tumani tibbiyot birlashmasi Oʻrtachirchiq tumani, Nilufar koʻchasi, 2-uy 14. 2. Boʻstonliq tumani tibbiyot birlashmasi Gʻazalkent shahri, A. Temur koʻchasi, 12-uy 15. 3. Zangiota tumani tibbiyot birlashmasi Zangiota tumani, Markaziy shoh koʻchasi, raqamsiz uy Fargʻona viloyati 16. 1. Rishton tumani tibbiyot birlashmasi Rishton tumani, A. Roshidoniy koʻchasi, 107-uy 17. 2. Quva tumani tibbiyot birlashmasi Quva tumani, Yetakchilar koʻchasi 18. 3. Uchkoʻprik tumani tibbiyot birlashmasi Uchkoʻprik tumani, Sogʻlom avlod koʻchasi Xorazm viloyati 19. 1. Urganch tumani tibbiyot birlashmasi Urganch tumani, Ibn Sino koʻchasi, 12-uy 20. 2. Tuproqqalʼa tumani tibbiyot birlashmasi Tuproqqalʼa tumani, Xorazm koʻchasi, 1a-uy

* Tibbiyot birlashmalari tarkibida 53 ta mastlik holatida boʻlgan shaxslarga tibbiy yordam koʻrsatish tumanlararo punktlarining (keyingi oʻrinlarda — punktlar) shtat birliklari Qoraqalpogʻiston Respublikasi, viloyatlar hamda Toshkent shahri mahalliy budjetlari hisobidan (hududiy ichki ishlar organlari uchun mahalliy budjetlar hisobidan kiritilishi mumkin boʻlgan cheklangan shtat birliklarini saqlash mablagʻlari doirasida) kiritiladi.

Qolgan 61 ta punktlarning faoliyati 2022-yilda hududiy sogʻliqni saqlash tizimi tashkilotlarining umumiy oʻrinlari va shtat birliklari doirasida tashkil etiladi.

Izoh:

Sogʻliqni saqlash vazirligi punktlar hamda ularga biriktirilgan tuman va shaharlar roʻyxatiga oʻzgartirish va qoʻshimchalar kiritish, shuningdek, punktlar sonini kengaytirish huquqiga ega.

2023-2024-yillarda punktlar Sogʻliqni saqlash vazirligi va Moliya vazirligi bilan birgalikda Ichki ishlar vazirligining takliflariga asosan, ehtiyojdan kelib chiqib, qoʻshimcha ravishda bosqichma-bosqich tashkil etiladi.