2022-yilda kutilayotgan suv tanqisligi sharoitida qishloq xoʻjaligi ekinlarini suv bilan ishonchli taʼminlashga qaratilgan kechiktirib boʻlmaydigan chora-tadbirlar toʻgʻrisida (243-son)

10.05.2022

Oʻzbekiston Respublikasi Vazirlar Mahkamasining

qarori

2022-yil yozgi sugʻorish mavsumida kutilayotgan suv tanqisligi sharoitida qishloq xoʻjaligi ekinlarini sugʻorish uchun suv bilan ishonchli taʼminlash hamda mavjud suv resurslaridan samarali foydalanish maqsadida Vazirlar Mahkamasi qaror qiladi:

1. Suv xoʻjaligi vazirligi, Qoraqalpogʻiston Respublikasi Vazirlar Kengashi hamda viloyatlar hokimliklarining 2022-yilda Qoraqalpogʻiston Respublikasi, viloyatlar va tumanlarda qishloq xoʻjaligi ekinlarini sugʻorish uchun suv olish limitlari toʻgʻrisidagi takliflari 1, 1.1 — 1.13-ilovalarga muvofiq maʼqullansin.

2. 2022-yil yozgi sugʻorish mavsumida kutilayotgan suv tanqisligining salbiy taʼsirini yumshatish hamda mavjud suv resurslaridan samarali foydalanish tadbirlarini muvofiqlashtirish boʻyicha respublika ishchi guruhining (keyingi oʻrinlarda — Respublika ishchi guruhi) tarkibi 2-ilovaga muvofiq tasdiqlansin.

3. Quyidagilar Respublika ishchi guruhining asosiy vazifalari etib belgilansin:

suv omborlaridagi suv resurslaridan foydalanishni toʻliq nazoratga olish, ayniqsa, yirik suv omborlaridan suv chiqarish va nasos stansiyalaridan foydalanishni qatʼiy ravishda Qoraqalpogʻiston Respublikasi Vazirlar Kengashi Raisi va viloyatlar hokimlarining aniq hisob-kitoblariga asoslangan talabnomalar boʻyicha amalga oshirish;

mavjud sugʻorish va kollektor-drenaj tarmoqlarining mavsumga shayligini taʼminlash bilan bogʻliq barcha tadbirlarning bajarilishi boʻyicha qatʼiy monitoring olib borish tizimini yoʻlga qoʻyish;

ekin maydonlarining mavjud infratuzilmasini hisobga olgan holda, elektr energiyasi va suv bilan uzluksiz taʼminlash imkoniyatidan kelib chiqib, suvni tejaydigan sugʻorish texnologiyalarining “bir kanal — bir tizim” tamoyili asosida joylashtirilishiga eʼtibor qaratish;

sugʻorish mavsumi davomida har oʻn kunda suv resurslaridan samarali foydalanish holatini tanqidiy oʻrganish hamda bu borada mutasaddilar va hududlar rahbarlarining hisobotlarini eshitib borish.

Respublika ishchi guruhi (Sh.M. Gʻaniyev) ushbu vazifalarni tezkor va samarali bajarish maqsadida bir hafta muddatda Suv xoʻjaligi vazirligida respublika ishchi guruhining shtabini tashkil qilsin.

4. Qoraqalpogʻiston Respublikasi Vazirlar Kengashi, viloyatlar va tumanlar hokimliklari kutilayotgan suv tanqisligining salbiy taʼsirini yumshatish, suv resurslaridan samarali foydalanishni muvofiqlashtirish boʻyicha viloyat va tumanlarda hududiy ishchi guruhlar tarkibi uch kun muddatda tasdiqlanishini taʼminlasin.

Belgilansinki, tumanda va har bir sektor hududida sugʻorish shtablari tashkil etilib, ular tomonidan suv tanqisligining salbiy taʼsirini yumshatish boʻyicha amalga oshirilayotgan ishlar, shuningdek, suv resurslaridan samarali foydalanishni nazorat qilish, suv taqsimoti va hisob-kitobini yuritish, suvchilarga dalada zarur sharoit yaratish hamda ish haqlarini oʻz vaqtida berish va tungi sugʻorish ishlari muvofiqlashtirib boriladi.

5. 2022-yilda amalga oshiriladigan irrigatsiya tizimlari va ulardagi gidrotexnika inshootlarini, nasos agregatlari va sugʻorish quduqlarini taʼmirlash-tiklash va qurish ishlari rejasi 3-ilovaga muvofiq tasdiqlansin.

6. Suv xoʻjaligi vazirligi Qishloq xoʻjaligi vazirligi, Qoraqalpogʻiston Respublikasi Vazirlar Kengashi hamda viloyatlar hokimliklari bilan birgalikda:

oʻn kun muddatda ushbu qarorga 1-ilovadan kelib chiqib, har bir irrigatsiya tizimi kanali va sugʻorish tarmogʻi, shuningdek, suvdan foydalanuvchilar, fermer xoʻjaliklari va boshqa suv isteʼmolchilari boʻyicha suv olish limitlarini tasdiqlab, tegishli shartnomalar rasmiylashtirilishini hamda shartnomalar reyestrini suvdan foydalanish va suv isteʼmoli boʻyicha belgilangan tartibda nazorat qilib borish uchun Vazirlar Mahkamasi huzuridagi Agrosanoat majmui ustidan nazorat qilish inspeksiyasining hududiy boshqarmalari va tumanlar boʻlimlariga berilishini;

suv tanqisligi sharoitida xarid qilingan koʻchma dizel va boshqa turdagi nasos agregatlarini ikki hafta muddatda xatlovdan oʻtkazib, qoʻshimcha suv yetkazib berish maqsadida ularning kollektor-drenaj tarmoqlariga oʻrnatilishini taʼminlasin.

7. Moliya vazirligi, Qoraqalpogʻiston Respublikasi Vazirlar Kengashi hamda viloyatlar hokimliklari ushbu qarorga 3-ilovada keltirilgan tadbirlarni amalga oshirish uchun talab qilinadigan 200 mlrd soʻmning:

100 mlrd soʻmini bir hafta muddatda Suv xoʻjaligi vazirligiga suvni tejaydigan sugʻorish texnologiyalarini joriy etish uchun ajratilgan mablagʻlar hisobidan moliyalashtirsin va suvni tejaydigan sugʻorish texnologiyalarini joriy etishga ajratilgan mablagʻlarning oʻzlashtirilishidan kelib chiqib, davlat budjeti xarajatlarining maqbullashtirilgan qismi hisobidan tiklab bersin;

100 mlrd soʻmini asoslovchi hisob-kitoblar taqdim etilgan holda davlat budjeti xarajatlarining maqbullashtirilgan, shu jumladan, Suv xoʻjaligi vazirligiga ajratilgan mablagʻlarning maqbullashtirilgan qismidan shakllangan mablagʻlar hisobidan moliyalashtirsin.

8. Qishloq xoʻjaligi vazirligi:

a) Suv xoʻjaligi vazirligi bilan birgalikda bir oy muddatda Fargʻona vodiysi magistral kanallarida suv sarfini monitoring qilish hamda masofadan boshqarishning avtomatlashtirilgan tizimini joriy etish loyihasini amalga oshirish toʻgʻrisida taklif ishlab chiqib, belgilangan tartibda Vazirlar Mahkamasiga kiritsin;

b) Investitsiyalar va tashqi savdo vazirligi hamda Moliya vazirligi bilan birgalikda 2023-yil va keyingi yillarda suv sarfini monitoring qilish va masofadan boshqarishning avtomatlashtirilgan tizimini joriy etish loyihalariga xalqaro moliya institutlarining kredit va grantlarini jalb etish choralarini koʻrsin;

v) 2022-yil 1-oktabrga qadar Suv xoʻjaligi vazirligi maʼlumotlari asosida Qishloq xoʻjaligi vazirligining Geoaxborot tizimida respublikada suv resurslarini boshqarish va ulardan foydalanish boʻyicha quyidagi imkoniyatlarga ega axborot tizimini ishga tushirsin:

yerni masofadan zondlash texnologiyalari, shu jumladan, sunʼiy yoʻldosh va dronlar yordamida olingan maʼlumotlar asosida hududlarda suv tanqisligini tahlil qilish va sugʻorish tizimining doimiy monitoringini olib borish;

ekinlar monitoringini yuritishda vegetatsiya davriyligi, suv bilan taʼminlanganlik hamda boshqa spektral indekslardan keng foydalanishni yoʻlga qoʻyish va qarorlar qabul qilish;

tuproq va iqlim xususiyatlariga hamda sugʻorish imkoniyatlariga mos ekinlarni joylashtirish boʻyicha tahlil va tavsiyalar berish;

yer uchastkalarining suvni tejaydigan texnologiyalar bilan taʼminlanganlik darajasini aniqlash.

9. Suv xoʻjaligi vazirligi tizimidagi tashkilotlar tomonidan nasos stansiyalari va vertikal sugʻorish quduqlarini ishlatish uchun 2022-yilda sarflanadigan elektr energiyasi miqdorlari 4-ilovaga muvofiq tasdiqlansin.

Belgilansinki:

Moliya vazirligi, Suv xoʻjaligi vazirligi hamda Qoraqalpogʻiston Respublikasi Vazirlar Kengashi va viloyatlar hokimliklari 2022-yil uchun belgilangan elektr energiyasi miqdorlarining amaldagi isteʼmolidan kelib chiqib, respublika budjetida elektr energiyasi uchun koʻzda tutilgan mablagʻning 20,4 mlrd soʻmini qayta taqsimlash hamda mahalliy budjetlarda suv xoʻjaligi tizimidagi nasos stansiyalarining elektr energiyasi xarajatlarini qoplash uchun koʻzda tutilgan mablagʻlar va mahalliy budjetlarining qoʻshimcha manbalari hisobidan moliyalashtirilishini taʼminlaydi.

Qoraqalpogʻiston Respublikasi Vazirlar Kengashi va viloyatlar hokimliklari nasos stansiyalari va vertikal sugʻorish quduqlarining belgilangan elektr energiyasi miqdori hamda unga ajratilgan mablagʻlar va tasdiqlangan suv olish limitlari doirasida ishlatilishini taʼminlaydi;

Suv xoʻjaligi vazirligi nasos stansiyalari va vertikal sugʻorish quduqlarini texnik soz holatda boʻlishi va samarali ishlashini tashkil etadi hamda har oyda Vazirlar Mahkamasiga axborot kiritadi;

Energetika vazirligi “Hududiy elektr tarmoqlari” AJ va “Milliy elektr tarmoqlari” AJ bilan birgalikda 2022-yil uchun belgilangan elektr energiyasi miqdorlarini ajratish hamda nasos stansiyalari va vertikal sugʻorish quduqlarini belgilangan rejim asosida uzluksiz elektr energiyasi bilan taʼminlaydi.

10. Vazirlar Mahkamasi huzuridagi Agrosanoat majmui ustidan nazorat qilish inspeksiyasi suvdan foydalanish va suv isteʼmoli tartibiga, shuningdek, suv olish limitlariga qatʼiy rioya etilishi boʻyicha tizimli nazorat oʻrnatsin hamda bu borada qonunbuzilish holatlariga yoʻl qoʻygan shaxslarga nisbatan tegishli choralar koʻrib, amalga oshirilgan ishlar yuzasidan har oyda Vazirlar Mahkamasiga axborot berib borsin.

11. Suv xoʻjaligi vazirligi respublika sugʻorish shtabini tashkil qilib, ushbu qarorda belgilangan tadbirlarning oʻz vaqtida, toʻliq va sifatli bajarilishini taʼminlash boʻyicha qatʼiy nazorat oʻrnatsin hamda bu borada sustkashlikka yoʻl qoʻygan barcha boʻgʻindagi rahbarlar va masʼullarga nisbatan qatʼiy choralar koʻrish toʻgʻrisida har oyda Vazirlar Mahkamasiga taklif kiritib borsin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 10-may,

243-son

Vazirlar Mahkamasining 2022-yil 10-maydagi 243-son qaroriga 1-ILOVA

2022-yilda Qoraqalpogʻiston Respublikasi va viloyatlarda qishloq xoʻjaligi ekinlarini sugʻorish uchun

SUV OLISH LIMITLARI

* Manbalardagi suvning haqiqiy miqdoridan va ob-havo sharoitidan kelib chiqib, Oʻzbekiston Respublikasi Suv xoʻjaligi vazirligi tomonidan suv olish limitlariga oʻzgartirishlar kiritilishi mumkin.

Vazirlar Mahkamasining 2022-yil 10-maydagi 243-son qaroriga 1.1-ILOVA

2022-yilda Qoraqalpogʻiston Respublikasida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.2-ILOVA

2022-yilda Andijon viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.3-ILOVA

2022-yilda Buxoro viloyatida qishloq xoʻjaligi ekinlarini sugʻorish uchun

SUV OLISH LIMITLARI

mln kub m Tuman (shahar) nomi Jami suv olish limiti shu jumladan, oylar boʻyicha aprel may iyun iyul avgust sentabr Buxoro 189,9 16,5 18,3 32,9 69,4 44,1 8,1 Vobkent 186,8 15,4 14,7 33,4 68,9 44,1 10,4 Jondor 253,7 25,0 27,1 47,2 86,5 54,2 13,7 Kogon 150,4 14,2 15,7 28,0 53,3 32,4 6,6 Qorakoʻl 198,7 20,4 20,9 35,8 66,9 42,9 11,8 Qorovulbozor 118,2 12,7 11,4 20,8 40,0 25,5 7,7 Olot 166,5 16,7 17,5 30,9 57,7 35,5 8,1 Peshku 176,9 16,2 16,5 30,8 61,2 40,4 11,8 Romitan 215,5 20,4 21,5 39,7 74,9 47,2 11,9 Shofirkon 211,8 22,7 23,2 38,3 69,2 45,2 13,3 Gʻijduvon 192,4 17,4 18,7 34,1 68,3 43,7 10,3 Buxoro sh. 192,4 1,8 2,5 2,8 5,4 2,9 1,1 JAMI 2 077,3 199,4 208,4 374,6 721,8 458,2 114,9

Vazirlar Mahkamasining 2022-yil 10-maydagi 243-son qaroriga 1.4-ILOVA

2022-yilda Jizzax viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.5-ILOVA

2022-yilda Qashqadaryo viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.6-ILOVA

2022-yilda Navoiy viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.7-ILOVA

2022-yilda Namangan viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.8-ILOVA

2022-yilda Samarqand viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.9-ILOVA

2022-yilda Surxondaryo viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.10-ILOVA

2022-yilda Sirdaryo viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.11-ILOVA

2022-yilda Toshkent viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.12-ILOVA

2022-yil aprel — sentabr oylarida Fargʻona viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 1.13-ILOVA

2022-yilda Xorazm viloyatida qishloq xoʻjaligi ekinlarini sugʻorish uchun

SUV OLISH LIMITLARI

Vazirlar Mahkamasining 2022-yil 10-maydagi 243-son qaroriga 2-ILOVA

2022-yil yozgi sugʻorish mavsumida kutilayotgan suv tanqisligining salbiy taʼsirini yumshatish va mavjud suv resurslaridan samarali foydalanish tadbirlarini muvofiqlashtirish boʻyicha Respublika ishchi guruhi

TARKIBI

Izoh. Respublika ishchi guruhi aʼzosi boshqa ishga oʻtganda uning oʻrniga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaxs kiritiladi.

Vazirlar Mahkamasining 2022-yil 10-maydagi 243-son qaroriga 3-ILOVA

2022-yilda amalga oshiriladigan irrigatsiya tizimlari va ulardagi gidrotexnika inshootlarini, nasos agregatlari va sugʻorish quduqlarini taʼmirlash-tiklash va qurish ishlari

REJASI

T/r Hududlar nomi Jami ajratiladigan mablagʻ shu jumladan: irrigatsiya obyektlarida dastlabki taʼmirlash ishlariga talab etiladigan mablagʻ shundan: nasos stansiyalari energetika boshqarmalari tomonidan amalga oshiriladigan ishlariga talab etiladigan mablagʻ shundan: sugʻorish tarmoqlarini tozalash xarajatlari gidrotexnik inshootlarni taʼmirlash sugʻorish tarmoqlarini betonlashtirish nasos agregatlari sotib olish nasos agregatlarini taʼmirlash nasos stansiyalarining bosimli quvurlarini taʼmirlash Sugʻorish quduqlarini qurish uzunligi, km talab etiladigan mablagʻ soni, dona talab etiladigan mablagʻ uzunligi, km talab etiladigan mablagʻ soni, dona talab etiladigan mablagʻ soni, dona talab etiladigan mablagʻ uzunligi, km talab etiladigan mablagʻ soni, dona talab etiladigan mablagʻ, mln soʻm* 1. Qoraqalpogʻiston Respublikasi 20 590 11 070 436 8 231 150 2 839 9 520 323 7 410 188 1 873 2,4 237 2. Andijon 22 383 1 258 160 660 132 598 21 125 123 8 125 75 2 000 3,6 2 000 40 9 000 3. Buxoro 19 955 5 372 72 2 345 122 3 027 14 583 250 6 783 78 7 800 4. Jizzax 16 344 6 411 252 3 165 280 3 246 9 933 67 5 754 44 994 14 3 185 5. Qashqadaryo 22 150 7 996 334 7 025 782 971 14 153 12 720 68 353 0,03 31 58 13 050 6. Navoiy 6 071 2 202 42 410 43 1 792 3 869 22 924 26 2 045 4 900 7. Namangan 14 047 6 683 511 2 315 275 4 368 7 364 29 6 321 55 193 0,45 650 2 200 8. Samarqand 15 181 12 131 182 4 141 58 5 235 7 2 755 3 050 10 800 10 2 250 9. Surxondaryo 16 587 2 981 119 2 100 88 881 13 606 22 1 945 145 2 464 2,38 3 796 24 5 400 10. Sirdaryo 14 949 7 354 170 5 097 308 2 257 7 595 14 2 800 20 1 000 0,14 1 413 10 2 382 11. Toshkent 9 131 6 725 203 5 696 64 1 029 2 406 9 600 14 456 6 1 350 12. Fargʻona 14 800 8 191 211 4 856 122 3 335 6 609 49 1 709 30 2 200 12 2 700 13. Xorazm 7 812 4 433 404 3 206 96 1 227 3 379 9 455 280 2 016 1 908 Jami 200 000 82 806 3 095 49 246 2 520 30 805 7 2 755 117 193 929 43 547 955 16 393 10 9 035 258 48 217

Vazirlar Mahkamasining 2022-yil 10-maydagi 243-son qaroriga 4-ILOVA

Oʻzbekiston Respublikasi Suv xoʻjaligi vazirligi tizimidagi tashkilotlar tomonidan nasos stansiyalari va vertikal sugʻorish quduqlarini ishlatish uchun 2022-yilda sarflanadigan elektr energiyasi

MIQDORI

Tashkilot nomi 2022-yil boʻyicha jami shundan: I chorak II chorak III chorak IV chorak mln kVt.s mln soʻm mln kVt.s mln soʻm mln kVt.s mln soʻm mln kVt.s mln soʻm mln kVt.s mln soʻm Qoraqalpogʻiston Respublikasi Suv xoʻjaligi vazirligi huzuridagi Qoraqalpogʻiston NSEB* 83,0 37 350,0 14,5 6 525,0 28,6 12 870,0 35,8 16 110,0 4,1 1 845,0 Qoraqalpogʻiston Respublikasi Suv xoʻjaligi vazirligi huzuridagi Beruniy NSEB 31,0 13 950,0 5,3 2 385,0 11,0 4 950,0 11,5 5 175,0 3,2 1 440,0 Norin-Qoradaryo irrigatsiya tizimlari havza boshqarmasi huzuridagi NSEB 280,0 126 000,0 7,8 3 510,0 118,8 53 460,0 117,7 52 965,0 35,7 16 065,0 Amu-Buxoro irrigatsiya tizimlari havza boshqarmasi huzuridagi NSEB 184,0 82 800,0 30,6 13 770,0 62,9 28 305,0 70,3 31 635,0 20,2 9 090,0 Sirdaryo-Zarafshon irrigatsiya tizimlari havza boshqarmasi huzuridagi NSEB 31,0 13 950,0 2,9 1 305,0 10,7 4 815,0 14,5 6 525,0 2,9 1 305,0 Amu-Qashqadaryo irrigatsiya tizimlari havza boshqarmasi huzuridagi NSEB 140,0 63 000,0 14,2 6 390,0 45,2 20 340,0 50,2 22 590,0 30,4 13 680,0 Quyi Zarafshon irrigatsiya tizimlari havza boshqarmasi huzuridagi NSEB 148,0 66 600,0 15,0 6 750,0 48,7 21 915,0 53,0 23 850,0 31,3 14 085,0 Norin-Sirdaryo irrigatsiya tizimlari havza boshqarmasi huzuridagi NSEB 778,0 350 100,0 99,9 44 955,0 271,3 122 085,0 256,7 115 515,0 150,1 67 545,0 Zarafshon irrigatsiya tizimlari havza boshqarmasi huzuridagi NSEB 173,0 77 850,0 15,9 7 155,0 63,7 28 665,0 64,7 29 115,0 28,7 12 915,0 Zarafshon irrigatsiya tizimlari havza boshqarmasi huzuridagi NSEB 49,4 22 230,0 7,9 3 555,0 17,1 7 695,0 15,4 6 930,0 9,0 4 050,0 Quyi Sirdaryo irrigatsiya tizimlari havza boshqarmasi huzuridagi NSEB 915,0 411 750,0 133,7 60 165,0 294,5 132 525,0 308,8 138 960,0 178,0 80 100,0 Chirchiq-Ohangaron irrigatsiya tizimlari havza boshqarmasi huzuridagi NSEB 69,0 31 050,0 3,4 1 530,0 26,9 12 105,0 32,3 14 535,0 6,4 2 880,0 Sirdaryo-Soʻx irrigatsiya tizimlari havza boshqarmasi huzuridagi NSEB 355,0 159 750,0 42,8 19 260,0 125,2 56 340,0 127,5 57 375,0 59,5 26 775,0 Chapqirgʻoq Amudaryo irrigatsiya tizimlari havza boshqarmasi huzuridagi NSEB 97,0 43 650,0 18,5 8 325,0 30,5 13 725,0 41,5 18 675,0 6,5 2 925,0 Amu-Buxoro magistral kanalidan foydalanish boshqarmasi 1 460,0 657 000,0 231,0 103 950,0 459,8 206 910,0 522,4 235 080,0 246,8 111 060,0 Qarshi magistral kanalidan foydalanish boshqarmasi 2 130,0 958 500,0 435,0 195 750,0 613,0 275 850,0 627,1 282 195,0 454,9 204 705,0 Jizzax bosh nasos stansiyalar boshqarmasi 226,6 101 970,0 40,4 18 180,0 77,5 34 875,0 67,0 30 150,0 41,7 18 765,0 JAMI: 7 150,0 3 217 500,0 1 118,8 503 460,0 2 305,4 1 037 430,0 2 416,4 1 087 380,0 1 309,4 589 230,0

Izoh. 1) Ob-havo sharoiti va mavjud suv miqdorlaridan kelib chiqib, Suv xoʻjaligi vazirligi tomonidan ushbu elektr energiyasi miqdorlariga belgilangan tartibda Energetika vazirligi bilan kelishilgan holda tegishli oʻzgartirish kiritilishi mumkin;

2) Elektr energiyasi mablagʻlari tarif narxlariga qarab oʻzgarishi mumkin.

* NSEB — nasos stansiyalari va energetika boshqarmasi.