2022-2026-yillarda Fargʻona viloyati hududlarini kompleks ijtimoiy-iqtisodiy rivojlantirish va aholi turmush darajasini yanada yaxshilashga doir qoʻshimcha chora-tadbirlar toʻgʻrisida (221-son)

28.04.2022

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida” 2022-yil 28-yanvardagi PF-60-son Farmoni ijrosini taʼminlash, Fargʻona viloyati hududlarida sanoat, qishloq xoʻjaligi va xizmatlar sohasining kelgusi besh yildagi istiqbollarini hamda har bir tuman va shaharning “oʻsish nuqtalari”ni belgilash, ijtimoiy sohani rivojlantirish orqali aholi salomatligi hamda turmush darajasini yanada yaxshilash maqsadida Vazirlar Mahkamasi qaror qiladi:

1. Hududlarni kompleks ijtimoiy-iqtisodiy rivojlantirish boʻyicha belgilangan yangi tartib asosida Fargʻona viloyatining tuman va shaharlaridagi mavjud muammo va imkoniyatlar chuqur oʻrganilgan holda, hududlar kesimida muhim loyihalar shakllantirilganligi va mahalliy jamoatchilik ishtirokida keng muhokama qilinganligi maʼlumot uchun qabul qilinsin.

2. Fargʻona viloyatida 2022 — 2026-yillarda yalpi hududiy mahsulot hajmini 1,5 baravar, sanoat mahsulotlari hajmini 1,5 baravarga, qishloq xoʻjaligi mahsulotlari ishlab chiqarishni 1,2 baravar, xizmatlar hajmini 3,1 baravar hamda qurilish ishlari hajmini 1,5 baravarga oshirishni nazarda tutuvchi shahar va tumanlar kesimidagi maqsadli koʻrsatkichlar parametrlari 1-ilovaga muvofiq tasdiqlansin.

Iqtisodiy taraqqiyot va kambagʻallikni qisqartirish vazirligi Investitsiyalar va tashqi savdo vazirligi hamda Fargʻona viloyati hokimligi bilan birgalikda:

2022-yil uchun tasdiqlangan maqsadli koʻrsatkichlar parametrlariga erishish uchun aniq manzilli chora-tadbirlarni amalga oshirsin;

har yili 1-noyabrga qadar kelgusi yillar maqsadli parametrlarini taʼminlashga qaratilgan kompleks chora-tadbirlarni va ularni amalga oshirish “yoʻl xaritasi”ni tasdiqlash uchun Vazirlar Mahkamasiga kiritib borsin.

3. Hududlarda aholi bilan oʻtkazilgan uchrashuvlar davomida bildirilgan takliflar va aholini uzoq yillardan buyon qiynab kelayotgan mavjud muammolarni tezkor bartaraf etishga qaratilgan hamda amaliy tadbirlarni oʻz ichiga olgan “yoʻl xaritasi” 2-ilovaga muvofiq maʼqullansin.

Fargʻona viloyati hokimligi, vazirlik, idora, xoʻjalik birlashmalari va tijorat banklari rahbarlariga “yoʻl xaritasi”da nazarda tutilgan tadbirlarning oʻz vaqtida va sifatli ijrosini taʼminlash yuzasidan shaxsiy masʼuliyat yuklansin.

4. Oʻzbekiston Respublikasi Bosh vazirining oʻrinbosari — Iqtisodiy taraqqiyot va kambagʻallikni qisqartirish vazirining (J. Qoʻchqorov) Fargʻona viloyati shahar va tumanlarining ixtisoslashuvi, “oʻsish nuqtalari” va “drayver sohalari”ni 3-ilovaga muvofiq belgilash hamda sanoat, qishloq xoʻjaligi va xizmat koʻrsatish sohalarini rivojlantirish boʻyicha investitsiya loyihalarining yigʻma parametrlarini 4-ilovaga muvofiq tasdiqlash toʻgʻrisidagi taklifiga rozilik berilsin.

Vazirlar Mahkamasi (J. Qoʻchqorov) Fargʻona viloyati hokimligi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi bilan birgalikda ikki hafta muddatda sanoat, qishloq xoʻjaligi va xizmat koʻrsatish sohalarini rivojlantirish boʻyicha investitsiya loyihalarining manzilli roʻyxatini tasdiqlasin hamda loyihalarni amalga oshirish ishlarini har oyda muhokama qilib borsin.

5. 2022-yilda Fargʻona viloyatida muhandislik-kommunikatsiya, ishlab chiqarish va xizmat koʻrsatish infratuzilmasini rivojlantirish hamda ijtimoiy soha obyektlarini qurish, rekonstruksiya qilish va taʼmirlash boʻyicha kompleks tadbirlar 5 va 6-ilovalarga muvofiq tasdiqlansin.

Iqtisodiy taraqqiyot va kambagʻallikni qisqartirish vazirligi va Moliya vazirligi ushbu qaror doirasida respublika budjetidan mablagʻlar oʻz vaqtida ajratib borilishini taʼminlasin.

Fargʻona viloyati hokimligi mahalliy budjet mablagʻlari hisobidan amalga oshiriladigan loyihalarni belgilangan muddatlarda moliyalashtirsin.

6. Fargʻona viloyati hokimligining takliflariga asosan viloyatning shahar va tumanlarida ijtimoiy va ishlab chiqarish infratuzilmasini rivojlantirish boʻyicha shakllantirilgan istiqbolli loyihalarning manzilli roʻyxati 7-ilovaga muvofiq tasdiqlansin.

Iqtisodiy taraqqiyot va kambagʻallikni qisqartirish vazirligi, Moliya vazirligi joriy yilda 7-ilovaga kiritilgan obyektlarning loyiha hujjatlarini ishlab chiqish uchun zarur mablagʻlarni 2022-yilgi ijtimoiy va ishlab chiqarish infratuzilmasini rivojlantirish dasturi doirasida kelgusi yilgi loyiha-qidiruv ishlari uchun nazarda tutilgan mablagʻlar hisobidan moliyalashtirsin hamda 2023-yilga moʻljallangan ijtimoiy va ishlab chiqarish infratuzilmasini rivojlantirish dasturiga kiritsin.

7. Fargʻona viloyati hokimligi Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi, tegishli davlat boshqaruvi organlari, tashkilotlar va loyiha tashabbuskorlari bilan birgalikda bir oy muddatda mazkur qarorda nazarda tutilayotgan loyihalarni (keyingi oʻrinlarda — Dastur) amalga oshirishning barcha bosqichlari, shu jumladan, loyihalarni foydalanishga topshirishning aniq muddatlari koʻrsatilgan tarmoq jadvallari ishlab chiqilishini taʼminlasin.

8. Vazirlar Mahkamasining Rayosatiga zarur hollarda Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi tomonidan belgilangan tartibda asoslantirilgan va kelishilgan takliflar Vazirlar Mahkamasiga kiritilgan taqdirda, Dasturga tegishli oʻzgartirish va qoʻshimchalar kiritish huquqi berilsin.

9. Shunday nazorat tartibi oʻrnatilsinki, unga koʻra:

har oyda shahar va tumanlar sektor rahbarlari xalq deputatlari Kengashlarida Dastur ijrosi yuzasidan hisobot berib boradi;

har oy yakuni bilan Fargʻona viloyati hokimi xalq deputatlari viloyat Kengashida Dastur parametrlari va koʻrsatkichlari ijrosi hamda erishilgan natijalarni muhokama qiladi;

har chorakda Oʻzbekiston Respublikasi Bosh vazirining oʻrinbosarlari tegishli vazirliklar, idoralar, xoʻjalik birlashmalari va tijorat banklari ishtirokida joyiga chiqqan holda, oʻz yoʻnalishlari boʻyicha Dasturdagi vazifalarning bajarilishi yuzasidan oʻrganishlar oʻtkazadi va zarur tadbirlarni belgilaydi;

har chorak yakuni bilan Dastur ijrosi Vazirlar Mahkamasi Rayosati majlislarida koʻrib chiqiladi;

amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidenti Administratsiyasiga har chorak yakuni boʻyicha axborot kiritib boriladi.

10. Qurilish vazirligi Dastur doirasida ijtimoiy va ishlab chiqarish infratuzilmasi obyektlarini qurish, taʼmirlash va obodonlashtirish ishlari boʻyicha loyiha-smeta hujjatlarining belgilangan tartibda davlat ekspertizasidan oʻtkazilishini va qurilish-montaj ishlari sifatli bajarilishi yuzasidan tizimli davlat nazorati amalga oshirilishini taʼminlasin.

11. Davlat boshqaruvi organlari, xoʻjalik birlashmalari, tijorat banklari va Fargʻona viloyati hokimligi oʻn kun muddatda mazkur qarorda nazarda tutilgan chora-tadbirlar hamda loyihalarning oʻz vaqtida va sifatli ijrosini taʼminlash yuzasidan aniq harakatlar rejalarini puxta ishlab chiqib, kollegial organlar va xalq deputatlari viloyat Kengashi majlislarida tasdiqlanishini taʼminlasinlar.

Bosh vazir oʻrinbosarlari va maslahatchilari mazkur harakatlar rejalarida belgilangan tadbirlarning soʻzsiz va har tomonlama toʻliq amalga oshirilishi boʻyicha samarali nazorat oʻrnatsin.

12. Quyidagilarga:

Fargʻona viloyati hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosariga — iqtisodiy oʻsish taʼminlanishi, kambagʻallik qisqartirilishi, yangi ish oʻrinlari yaratilishi, tadbirkorlik rivojlantirilishi, ipoteka kreditlarini muvofiqlashtirish, soliq va budjet tushumlari oshirilishi yuzasidan;

Fargʻona viloyati hokimining qurilish, kommunikatsiyalar, kommunal xoʻjaligi, ekologiya va koʻkalamzorlashtirish masalalari boʻyicha oʻrinbosariga — muhandislik-kommunikatsiya va yoʻl infratuzilmasi obyektlarini qurish, rekonstruksiya qilish va mukammal taʼmirlash tadbirlarini hamda “Yangi Oʻzbekiston” massivlari, koʻp qavatli uy-joylar qurilishini va renovatsiya dasturlarini oʻz vaqtida sifatli amalga oshirilishi yuzasidan;

Fargʻona viloyati hokimining oʻrinbosari — investitsiyalar va tashqi savdo boshqarmasi boshligʻiga — investitsiya muhiti yaxshilanishi, investorlar hamda investitsiyalar, ayniqsa, toʻgʻridan-toʻgʻri xorijiy investitsiyalar keng jalb etilishi hamda eksport salohiyati oshirilishi, kichik sanoat zonalari rivojlantirilishi yuzasidan;

Fargʻona viloyati hokimining qishloq va suv xoʻjaligi masalalari boʻyicha oʻrinbosariga — qishloq xoʻjaligiga moʻljallangan yerlardan samarali foydalanilishi, foydalanishdan chiqib ketgan yerlarning oʻzlashtirilishi, meva-sabzavotchilik, chorvachilik hamda qishloq xoʻjaligi mahsulotlari yetishtirish rivojlantirilishi yuzasidan;

Fargʻona viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosariga — ijtimoiy soha obyektlarining moddiy-texnika bazasini mustahkamlanishi, taʼlim, sogʻliqni saqlash va sport sohalarida aholiga sifatli xizmat koʻrsatilishi, yoshlarning boʻsh vaqtlari mazmunli oʻtkazilishi, hududlardagi yoshlar yetakchilari bilan tizimli ishlar tashkil etilishi yuzasidan;

Fargʻona viloyati hokimining oʻrinbosari — oila va xotin-qizlar boshqarmasi boshligʻiga — xotin-qizlarning taʼlim va kasbiy koʻnikmalari oshirilishi, ularning munosib kasb tanlashiga sharoit yaratilishi, gender tenglik taʼminlanishi, xotin-qizlarning turmush va mehnat sharoitlarini yanada yaxshilash ishlarining tashkil etilishi yuzasidan;

Fargʻona viloyati hokimining turizm, madaniyat, madaniy meros va ommaviy kommunikatsiyalarni rivojlantirish masalalari boʻyicha oʻrinbosariga — turizm jadal rivojlantirilishi, hududning turistik salohiyatidan samarali foydalanilishi, turizm infratuzilmasi yaxshilanishi, ichki va ziyorat turizmi rivojlantirilishi, yangi turizm mahsulotlari yaratilishi yuzasidan shaxsiy masʼuliyat yuklansin.

13. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari A.J. Ramatov, J.A. Qoʻchqorov, S.U. Umurzakov, Sh.M. Gʻaniyev, A.A. Abduxakimov, Z.B. Mahkamova hamda Fargʻona viloyati hokimi X.H. Bozarov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 28-aprel,

221-son

Vazirlar Mahkamasining 2022-yil 28-apreldagi 221-son qaroriga 1-ILOVA

2022 — 2026-yillarda Fargʻona viloyatini kompleks ijtimoiy-iqtisodiy rivojlantirish boʻyicha

maqsadli koʻrsatkichlar parametrlari

Vazirlar Mahkamasining 2022-yil 28-apreldagi 221-son qaroriga 2-ILOVA

Hududlarda aholi bilan oʻtkazilgan uchrashuvlar davomida bildirilgan takliflar va aholini uzoq yillardan buyon qiynab kelayotgan mavjud muammolarni tezkor bartaraf etishga qaratilgan hamda amaliy tadbirlarni oʻz ichiga olgan

“yoʻl xaritasi”

Vazirlar Mahkamasining 2022-yil 28-apreldagi 221-son qaroriga 3-ILOVA

Fargʻona viloyati shahar va tumanlarining ixtisoslashuvi, “oʻsish nuqtalari”, “drayver sohalari”

T/r Hudud nomi Tuman (shahar)larning “oʻsish nuqtalari”, “drayver sohalari” 1. Margʻilon shahar Yengil sanoat, charm-poyabzal va hunarmandchilikni yanada rivojlantirish 2. Fargʻona shahar Yengil sanoat, tibbiyot va taʼlim xizmatlarini tashkil etish 3. Quvasoy shahar Qurilish materiallari ishlab chiqarish va bogʻdorchilikni yanada rivojlantirish 4. Qoʻqon shahar Yengil sanoat, terini qayta ishlash, hunarmandchilik va turizm xizmatlarini tashkil etish 5. Bagʻdod tumani Yengil sanoat va mebel sanoatini rivojlantirish 6. Beshariq tumani Qurilish mollari, yengil sanoat mahsulotlari ishlab chiqarish va tibbiy turizmni rivojlantirish 7. Buvayda tumani Mebel ishlab chiqarish, temirchilik va sholichilikni rivojlantirish 8. Dangʻara tumani Mashinasozlik, yengil sanoat, elektrotexnika sanoatini rivojlantirish 9. Yozyovon tumani Yengil sanoat, qishloq xoʻjaligi (baliqchilik), yoʻl boʻyi xizmatlarini tashkil etish 10. Oltiariq tumani Yengil sanoat mahsulotlari ishlab chiqarish, uzumchilik, tibbiy turizmni rivojlantirish 11. Qoʻshtepa tumani Yengil sanoat mahsulotlari ishlab chiqarish, uzumchilik va bogʻdorchilikni rivojlantirish 12. Rishton tumani Yengil sanoat, hunarmandchilik turizmi (kulolchilik)ni yanada rivojlantirish 13. Soʻx tumani Bogʻdorchilik, kartoshkachilik va ekoturizmni tashkil etish 14. Toshloq tumani Yengil sanoat, issiqxona xoʻjaligi (limonchilik)ni rivojlantirish 15. Uchkoʻprik tumani Yengil sanoat, qurilish materiallari, chorvachilik, issiqxona xoʻjaligi (limonchilik)ni rivojlantirish 16. Fargʻona tumani Tibbiy turizm, yengil sanoat va malinachilikni rivojlantirish 17. Furqat tumani Oziq-ovqat sanoati va chorvachilikni rivojlantirish 18. Oʻzbekiston tumani Qurilish materiallari sanoati, bogʻdorchilik 19. Quva tumani Yengil sanoat, bogʻdorchilik, gulchilik

Vazirlar Mahkamasining 2022-yil 28-apreldagi 221-son qaroriga 4-ILOVA

2022-yilda Fargʻona viloyatini sanoat, xizmat koʻrsatish va qishloq xoʻjaligi mahsulotlarini qayta ishlash sohalarini rivojlantirish boʻyicha investitsiya loyihalarining

YIGʻMA PARAMETRLARi

T/r Loyiha yoʻnalishi Loyiha soni Loyihaqiymati (mln soʻm) Moliyalashtirish manbalari Ish oʻrni oʻz mablagʻi (mln soʻm) bank krediti (mln soʻm) xorijiy kredit (ming AQSH dollarida) xorijiy investitsiya (ming AQSH dollarida) Fargʻona viloyati — jami 755 5 839 719 3 183 147 469 149 67 235 129 886 23 543 Sanoat sohasi 384 3 955 221 1 869 621 271 081 58 357 105 170 16 400 Qishloq xoʻjaligi sohasi 119 722 497 432 811 99 100 7 579 9 591 2 335 Xizmatlar, servis va savdo sohalari 252 1 162 001 880 715 98 969 1 300 15 125 4 808 1. Fargʻona shahar 108 1 112 534 467 104 20 500 19 200 37 100 3 675 Sanoat sohasi 37 623 153 103 273 400 19 200 27 600 1 771 Qishloq xoʻjaligi sohasi 3 3 800 3 300 500 28 Xizmatlar, servis va savdo sohalari 68 485 581 360 531 19 600 9 500 1 876 2. Margʻilon shahar 32 140 400 133 330 7 070 0 0 1 397 Sanoat sohasi 30 135 950 131 880 4 070 1 357 Qishloq xoʻjaligi sohasi Xizmatlar, servis va savdo sohalari 2 4 450 1 450 3 000 40 3. Qoʻqon shahar 39 239 494 145 947 29 301 5 488 300 1 285 Sanoat sohasi 31 164 289 125 786 12 751 2 020 300 1 033 Qishloq xoʻjaligi sohasi 5 44 055 8 060 11 930 2 168 88 Xizmatlar, servis va savdo sohalari 3 31 150 12 100 4 620 1 300 164 4. Quvasoy shahar 66 409 605 345 684 8 421 1 000 4 000 1 525 Sanoat sohasi 25 193 786 193 626 160 780 Qishloq xoʻjaligi sohasi 11 189 169 131 164 2 505 1 000 4 000 423 Xizmatlar, servis va savdo sohalari 30 26 651 20 895 5 756 322 5. Bagʻdod tumani 28 190 461 122 811 6 600 0 5 500 762 Sanoat sohasi 11 129 476 68 426 5 500 450 Qishloq xoʻjaligi sohasi 8 12 015 9 065 2 950 118 Xizmatlar, servis va savdo sohalari 9 48 970 45 320 3 650 194 6. Beshariq tumani 40 216 203 171 223 41 650 300 0 948 Sanoat sohasi 15 98 383 63 553 31 500 300 447 Qishloq xoʻjaligi sohasi 13 39 520 31 370 8 150 177 Xizmatlar, servis va savdo sohalari 12 78 300 76 300 2 000 324 7. Buvayda tumani 33 141 707 117 705 4 150 1 789 0 847 Sanoat sohasi 21 89 187 71 549 450 1 549 674 Qishloq xoʻjaligi sohasi 4 13 929 11 015 250 240 33 Xizmatlar, servis va savdo sohalari 8 38 590 35 140 3 450 140 8. Dangʻara tumani 43 235 524 103 297 6 465 430 10 900 1 056 Sanoat sohasi 32 205 591 80 716 350 10 900 809 Qishloq xoʻjaligi sohasi 6 27 973 21 085 6 000 80 209 Xizmatlar, servis va savdo sohalari 5 1 960 1 495 465 38 9. Yozyovon tumani 35 65 447 51 451 13 996 0 0 339 Sanoat sohasi 11 21 810 20 360 1 450 102 Qishloq xoʻjaligi sohasi 12 11 733 4 537 7 196 82 Xizmatlar, servis va savdo sohalari 12 31 904 26 554 5 350 155 10. Oltiariq tumani 26 130 340 41 616 18 304 1 219 5 125 426 Sanoat sohasi 3 17 171 8 261 30 800 57 Qishloq xoʻjaligi sohasi 13 72 684 8 770 3 762 419 5 000 149 Xizmatlar, servis va savdo sohalari 10 40 485 24 585 14 513 125 220 11. Qoʻshtepa tumani 44 247 035 186 964 4 300 2 024 3 000 1 070 Sanoat sohasi 23 71 358 50 323 500 1 850 623 Qishloq xoʻjaligi sohasi 8 94 448 92 012 500 174 170 Xizmatlar, servis va savdo sohalari 13 81 230 44 630 3 300 3 000 277 12. Rishton tumani 24 330 889 135 852 7 550 16 891 0 835 Sanoat sohasi 8 269 997 81 205 3 000 16 738 443 Qishloq xoʻjaligi sohasi 4 16 722 13 027 2 000 153 121 Xizmatlar, servis va savdo sohalari 12 44 170 41 620 2 550 271 13. Soʻx tumani 31 123 407 56 835 21 450 665 3 400 359 Sanoat sohasi 5 37 690 20 900 1 250 1 400 63 Qishloq xoʻjaligi sohasi 8 22 367 9 735 5 250 665 97 Xizmatlar, servis va savdo sohalari 18 63 350 26 200 14 950 0 2 000 199 14. Toshloq tumani 33 591 080 291 884 14 150 13 684 12 050 1 612 Sanoat sohasi 23 543 540 270 594 10 100 11 684 12 050 1 465 Qishloq xoʻjaligi sohasi 4 29 280 6 380 700 2 000 70 Xizmatlar, servis va savdo sohalari 6 18 260 14 910 3 350 77 15. Oʻzbekiston tumani 16 194 863 80 613 3 250 0 10 000 224 Sanoat sohasi 5 118 735 7 535 200 10 000 98 Qishloq xoʻjaligi sohasi 2 648 398 250 29 Xizmatlar, servis va savdo sohalari 9 75 480 72 680 2 800 97 16. Uchkoʻprik tumani 69 764 892 487 395 174 045 2 400 6 920 5 090 Sanoat sohasi 65 733 758 463 036 172 820 2 400 6 420 4 992 Qishloq xoʻjaligi sohasi 1 2 100 1 100 1 000 15 Xizmatlar, servis va savdo sohalari 3 29 034 23 259 225 500 83 17. Fargʻona tumani 27 241 617 105 774 55 440 1 246 6 000 997 Sanoat sohasi 12 116 793 29 826 12 500 711 6 000 456 Qishloq xoʻjaligi sohasi 6 111 683 66 857 38 890 535 452 Xizmatlar, servis va savdo sohalari 9 13 142 9 092 4 050 89 18. Furqat tumani 30 332 294 47 740 4 945 190 25 000 656 Sanoat sohasi 9 288 601 9 935 0 105 25 000 441 Qishloq xoʻjaligi sohasi 5 10 724 6 380 3 400 85 31 Xizmatlar, servis va savdo sohalari 16 32 970 31 425 1 545 184 19. Quva tumani 31 131 926 89 923 27 562 710 591 440 Sanoat sohasi 18 95 953 68 838 19 900 650 339 Qishloq xoʻjaligi sohasi 6 19 649 8 556 3 867 60 591 43 Xizmatlar, servis va savdo sohalari 7 16 324 12 529 3 795 58

Vazirlar Mahkamasining 2022-yil 28-apreldagi 221-son qaroriga 5-ILOVA

2022-yilda Fargʻona viloyatida muhandislik-kommunikatsiya, ishlab chiqarish va xizmat koʻrsatish infratuzilmasini rivojlantirish boʻyicha

kompleks tadbirlar

* Loyiha qiymatlari loyiha-smeta hujjatlari ishlab chiqilgandan soʻng oʻzgarishi mumkin.

Vazirlar Mahkamasining 2022-yil 28-apreldagi 221-son qaroriga 6-ILOVA

2022-yilda Fargʻona viloyatida ijtimoiy soha obyektlarini qurish, rekonstruksiya qilish va taʼmirlash boʻyicha

kompleks tadbirlar

* Loyiha qiymatlari loyiha-smeta hujjatlari ishlab chiqilgandan soʻng oʻzgarishi mumkin.

Vazirlar Mahkamasining 2022-yil 28-apreldagi 221-son qaroriga 7-ILOVA

Fargʻona viloyatining shahar va tumanlarida ijtimoiy va ishlab chiqarish infratuzilmasini rivojlantirish boʻyicha shakllantirilgan istiqbolli loyihalarning

MANZILLI ROʻYXATI

* Loyiha qiymatlari loyiha-smeta hujjatlari ishlab chiqilgandan soʻng oʻzgarishi mumkin.