Pensiya, nafaqa va boshqa toʻlovlardan chegirma qilish tartibi toʻgʻrisidagi yoʻriqnomaga oʻzgartirishlar va qoʻshimcha kiritish haqida (2835-3-son)

18.04.2022

Oʻzbekiston Respublikasi moliya vazirining

buyrugʻi

[Oʻzbekiston Respublikasi Adliya vazirligi tomonidan 2022-yil 18-aprelda roʻyxatdan oʻtkazildi, roʻyxat raqami 2835-3]

Oʻzbekiston Respublikasining 2021-yil 29-oktabrdagi OʻRQ-726-son “Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuni, Oʻzbekiston Respublikasi Prezidentining 2021-yil 3-fevraldagi PF-6155-son “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturi toʻgʻrisida”gi Farmoni va 2021-yil 4-maydagi PQ-5102-son “Fuqarolarga davlat pensiyalarini tayinlash jarayonini soddalashtirish hamda pensiya va nafaqalarni yetkazish tizimini yanada takomillashtirish chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2016-yil 5-oktabrdagi 77-son buyrugʻi (roʻyxat raqami 2835, 2016-yil 26-oktabr) (Oʻzbekiston Respublikasi qonun hujjatlari toʻplami, 2016-y., 43-son, 510-modda) bilan tasdiqlangan Pensiya, nafaqa va boshqa toʻlovlardan chegirma qilish tartibi toʻgʻrisidagi yoʻriqnomaga ilovaga muvofiq oʻzgartirishlar va qoʻshimcha kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir T. IShMETOV

Toshkent sh.,

2022-yil 30-mart,

10-son

Oʻzbekiston Respublikasi moliya vazirining 2022-yil 30-martdagi 10-son buyrugʻiga ILOVA

Pensiya, nafaqa va boshqa toʻlovlardan chegirma qilish tartibi toʻgʻrisidagi yoʻriqnomaga kiritilayotgan oʻzgartirishlar va qoʻshimcha

1. 7-banddagi “pensiya va nafaqalar toʻlovi monitoringi guruhi” degan soʻzlar “Pensiya, nafaqa va boshqa toʻlovlarni tayinlash (qayta hisoblash) va boshqa toʻlovlarni tashkil qilish shuʼbasi (bundan buyon matnda shuʼba deb yuritiladi)” degan soʻzlar bilan almashtirilsin.

2. 10-bandning ikkinchi xatboshisi quyidagi tahrirda bayon etilsin:

“Komissiya qarori loyihasi Pensiya jamgʻarmasi boʻlimi shuʼbasi tomonidan mazkur Yoʻriqnomaning ilovasiga muvofiq shakl boʻyicha tayyorlanadi va rasmiylashtiriladi, unda summalarni toʻlovchi (pensioner yoki nafaqa oluvchi), ortiqcha toʻlashning sababi va davri, chegirmaning har oylik summasi yoki foizi koʻrsatiladi.”.

3. 11-bandda:

ikkinchi xatboshidagi “dasturiy taʼminotga” va “dasturiy taʼminot ishidagi” degan soʻzlar tegishli ravishda “Pensiya jamgʻarmasining axborot tizimiga” va “ Pensiya jamgʻarmasining axborot tizimidagi” degan soʻzlar bilan almashtirilsin;

uchinchi xatboshidagi “dasturiy taʼminotga” degan soʻzlar “Pensiya jamgʻarmasining axborot tizimiga” degan soʻzlar bilan almashtirilsin.

4. 13-band quyidagi tahrirda bayon etilsin:

“13. Pensioner yoki nafaqa oluvchi Pensiya jamgʻarmasi boʻlimining ortiqcha toʻlangan pensiya yoki nafaqa summasini ushlab qolish toʻgʻrisidagi qaroridan norozi boʻlgan taqdirda, sudga murojaat qilishi mumkin.

Tayinlanganiga va qayta hisoblanganiga (pensioner yoki nafaqa oluvchi tomonidan taqdim etilgan qoʻshimcha hujjatlarga asosan) uch yil va undan ortiq vaqt oʻtgan pensiya va nafaqa ishlariga Pensiya jamgʻarmasi boʻlimi tomonidan ortiqcha toʻlangan pensiya yoki nafaqa summasini ushlab qolish toʻgʻrisida qaror qabul qilinishiga yoʻl qoʻyilmaydi.

Sudga murojaat qilinganda, chegirma qilish toʻgʻrisidagi komissiya qarori toʻxtatib turiladi.”

5. 16-banddagi “pensiya va nafaqalar toʻlovi monitoringi guruhi” degan soʻzlar “shuʼbasi” degan soʻz bilan almashtirilsin.

6. 19-bandning birinchi xatboshisi quyidagi tahrirda bayon etilsin:

“19. Pensionerning yoki nafaqa oluvchining yashash joyi Oʻzbekiston Respublikasi hududi doirasida oʻzgarganligi toʻgʻrisida maʼlumot olinganda Pensiya jamgʻarmasi boʻlimi shuʼbasi pensiya yigʻmajildini unda ortiqcha toʻlangan pensiya va nafaqalarning qoldiq summasini koʻrsatgan holda pensionerning yoki nafaqa oluvchining yangi yashash joyi boʻyicha Pensiya jamgʻarmasi boʻlimiga yuboradi.”.

7. 20-bandning ikkinchi xatboshisidagi “pensiya va nafaqalar toʻlovi monitoringi guruhi” degan soʻzlar “shuʼbasi” degan soʻz bilan almashtirilsin.

8. 21-band quyidagi tahrirda bayon etilsin:

“21. Ijro hujjati boʻyicha undirilishni tamomlanishi (koʻrsatilgan summaning toʻliq undirilishi, ijro hujjatini yuborgan organ tomonidan qaytarib olinishi yoki sud tomonidan belgilangan muddat boʻyicha alimentlarning undirilishi) yuzasidan Pensiya jamgʻarmasi boʻlimi shuʼbasi masʼul xodimi pensionerning yoki nafaqa oluvchining Pensiya jamgʻarmasining axborot tizimi orqali amalga oshirilgan chegirmalarning toʻgʻriligini tekshiradi.

Pensiya jamgʻarmasi boʻlimi shuʼbasi masʼul xodimi Pensiya jamgʻarmasining axborot tizimidagi maʼlumotlar asosida pensioner yoki nafaqa oluvchidan chegirma qilingan summa va amalga oshirilgan undirishlar toʻgʻrisida ijro hujjatini yuborgan sud yoki boshqa organga maʼlumot xatini tayyorlaydi va Pensiya jamgʻarmasi boʻlimi shuʼba mudiriga tekshirish uchun taqdim etadi.

Pensiya jamgʻarmasi boʻlimi shuʼba mudiri chegirmalar yopilishining asosliligini va hujjatlarning toʻgʻri rasmiylashtirilganligini tekshiradi.

Ijro hujjati Pensiya jamgʻarmasi boʻlimi boshligʻi imzosi va Pensiya jamgʻarmasi boʻlimi muhri bilan tasdiqlanadi hamda masʼul xodimga qaytariladi.”.

9. 23-bandda:

ikkinchi xatboshidagi “pensiya va nafaqalar toʻlovi monitoringi guruhida” degan soʻzlar “shuʼbasida” degan soʻz bilan almashtirilsin;

uchinchi xatboshidagi “pensiya va nafaqalar toʻlovi monitoringi guruhi” degan soʻzlar “shuʼbasi” degan soʻz bilan almashtirilsin;

toʻrtinchi xatboshidagi “pensiya va nafaqalar toʻlovi monitoringi guruhida” degan soʻzlar “shuʼbasida” degan soʻz bilan almashtirilsin;

beshinchi xatboshidagi “pensiya va nafaqalar toʻlovi monitoringi guruhi” degan soʻzlar “shuʼbasi” degan soʻz bilan almashtirilsin;

10. Mazkur oʻzgartirishlar va qoʻshimchaning ilovasiga muvofiq tahrirdagi ilova bilan toʻldirilsin.

Pensiya, nafaqa va boshqa toʻlovlardan chegirma qilish tartibi toʻgʻrisidagi yoʻriqnomaga kiritilayotgan oʻzgartirishlar va qoʻshimchaga ILOVA

“Pensiya, nafaqa va boshqa toʻlovlardan chegirma qilish tartibi toʻgʻrisidagi yoʻriqnomaga ILOVA

(Qonunchilik maʼlumotlari milliy bazasi, 18.04.2022-y., 10/22/2835-3/0317-son)