Vazirlar Mahkamasining 1997-yil 30-sentabrdagi 459-son qaroriga oʻzgartirishlar kiritish toʻgʻrisida (139-son)

24.04.2002

Oʻzbekiston Respublikasi Vazirlar Mahkamasining

qarori

Vazirlar Mahkamasi qaror qiladi:

1. Vazirlar Mahkamasining 1997-yil 30-sentabrdagi 459-son qarorini oʻzgartirish yuzasidan:

Xonobod shahri mehnatga haq toʻlash boʻyicha viloyatga boʻysunuvchi shaharlar guruhiga kiritilsin, u koʻrsatib oʻtilgan qarorning 7-ilovasidan chiqarilsin va 6-ilovaning II guruhiga kiritilsin;

Xonobod shahar hokimligi apparatining shtatdagi xodimlari soni, xizmat koʻrsatuvchi xodimlardan tashqari, 15 kishidan iborat etib, Qoʻrgʻontepa tumani hokimligi apparatiniki esa, uni mehnatga haq toʻlash boʻyicha qishloq tumanlari I guruhida qoldirgan holda, 23 kishidan iborat etib tasdiqlansin.

2. Andijon viloyati hokimligi Moliya vazirligi, boshqa manfaatdor vazirliklar va idoralar bilan birgalikda bir oy muddatda Qoʻrgʻontepa tumani va Xonobod shahri tasarrufidagi boshqaruv organlari xodimlarining cheklangan sonini belgilasin.

Belgilab qoʻyilsinki, Xonobod shahrining viloyatga boʻysunuvchi shaharga aylantirilishi bilan bogʻliq 2002-yildagi xarajatlari Andijon viloyati budjetiga qoʻshimcha ravishda tushgan daromadlar hisobiga qoplanadi.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari K.N.Toʻlaganov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2002-yil 24-aprel,

139-son