Texnologik loyihalashtirish meʼyorlarini ishlab chiqish, kelishish va tasdiqlash tartibi (1.01.03-96-son)

01.01.1997

Oʻzbekiston Respublikasi Davlat arxitektura va qurilish qoʻmitasining

qurilish meʼyorlari va qoidalari

1. QOʻLLASH JABHASI

1.1 Mazkur qurilish meʼyorlari va qoidalari amaldagi texnologik loyihalashtirishni ishlab chiqish, kelishish, tasdiqlash va oʻzgartirish kiritish tartibini belgilab beradi.

1.2 Texnologik loyihalashtirish meʼyorlari korxonalar va inshootlar qurilishida, shuningdek, loyiha oldi materiallari uchun loyihalarni ishlab chiqish chogʻida (rekonstruksiya — qayta tiklash, kengaytirish yoki texnik jihozlash) qoʻllanishi kerak.

Meʼyorlarni qoʻllash toʻgʻriligi loyihalarni va loyiha oldi materiallarini ekspertiza qilish paytida tekshiriladi.

2. MEʼYOR UCHUN ASOSLAR

2. Mazkur qurilish meʼyorlari uchun quyidagi meʼyoriy hujjatlar asos qilib olingan:

QMQ 1.01.03-96 “Qurilishda meʼyoriy hujjatlar tizimi. Meʼyoriy hujjatlarni bayon qilish, bezatish qoidalari”

3. UMUMIY QOIDALAR

3.1 Ishlab chiqarish korxonalari va inshootlarni texnologik loyihalashtirishning meʼyorlari hamda texnologik jarayonlariga boʻlgan talablar barcha vazirliklar, idoralar, uyushmalar, shuningdek, ushbu jarayonlarni amalga oshiruvchi ularning idoraviy taalluqligidan va mulkchilik shaklidan qatʼiy nazar, texnologik loyihalashtirish respublika meʼyorlari toifasiga kiradi.

3.2 Respublika texnologik loyihalashtirish meʼyorlari, bir xil texnologik jarayonlar turli vazirliklar, uyushmalar, idoralar, konsernlarda kechsa yoki loyihalashtirish bir va ayni shu ishlab chiqarishda qilingan hollarda turli taalluqlilik va mulkchilikning shaklidan qatʼiy nazar, texnologik jarayonlari va koʻrsatib oʻtilgan ishlab chiqarish korxonalari loyiha tashkilotlarida yetarlicha egallangan va 5 yilgacha eskirmaydigan shart bilan ishlab chiqiladi.

Faqatgina amaldagi namunaviy va ishlab chiqiladigan loyihalarda nazarda tutiladigan texnologik jarayonlar, shu bilan birga respublikaning boshqa meʼyoriy hujjatlari bilan tartibga solinadigan ishlab chiqarishning texnologik jarayonlari (transport, aloqa, elektr energetikasi, gidrotexnika, suv xoʻjaligi qurilishi va boshqa obyektlarida), respublika texnologik loyihalashtirish meʼyorlari ishlab chiqilmaydi.

3.3 Ayni bir vazirlikda, idora, uyushma, konsernda boʻlgan korxonalar va inshootlarni texnologik loyihalashtirish meʼyorlari, mana shu vazirliklar, idoralar, uyushmalar, konsernlarning loyiha tashkilotlari uchun majburiy hisoblan gan korxona va inshootlarda texnologik jarayonlarni loyihalarga qoʻyilgan talablar, texnologik loyihalashtirishning idoraviy meʼyorlari toifalariga kiradi.

Tez oʻzgaruvchan texnologik jarayonlarda ishlaydigan ishlab chiqarishda texnologik loyihalashtirishning vaqtinchalik meʼyorlari ishlab chiqilishi mumkin.

3.4 Texnologik loyihalashtirish meʼyorlari fan va texnikaning yaqin kelajakda taraqqiy etishini, ilgʻor texnologiyani, progressiv asosiy va yordamchi asbob-uskunani qoʻllash bilan mahsulot ishlab chiqarish boʻyicha optimal quvvatini hisobga oladigan soha korxonalarini loyihalashtirishdagi asosiy texnik yoʻnalishlardan kelib chiqqan holda ishlab chiqilishi kerak va ularni loyihalashtirishda quyidagilar bilan taʼminlangan boʻlishi kerak:

texnologiya va jahonning eng ilgʻor yutuqlari darajasida yoki ulardan ustun darajada yaratish jabhasida yangi yutuqlarni tatbiq qilish;

korxonalar, bino va inshootlar qurilishida tannarxni pasaytirish va muddatini qisqartirish;

ishlab chiqarishda sermehnatlilikni va materiallar koʻp sarf boʻlishini qisqartirish; mahsulot sifatini oshirish; mahsulot ishlab chiqarishda yuqori texnik-iqtisodiy koʻrsatkichlarga erishish;

mehnatning meʼyoriy sanitariya-gigiyenasi va xavfsizlik sharoitini yaratish;

tabiiy boyliklardan oqilona foydalanish va atrof muhitni muhofaza qilish (yer, suv, havo, yer osti boyliklari, oʻsimlik va hayvonot olami).

3.5 Texnologik loyihalashtirish meʼyorlari oʻz ichiga ularning progressivlilik darajasini aks ettiruvchi texnik-iqtisodiy koʻrsatkichlarni qamrab olishi kerak.

3.6 Texnologik loyihalashtirishning yangi va amaldagi meʼyorlarini ishlab chiqish tegishli ilmiy-tadqiqot institutlarini, vazirliklarni, uyushmalarni, konsernlarni, davlat, kooperativ, ijara, aksionerlik, qoʻshma korxonalarni, muassasa va tashkilotlarni jalb etgan holda loyiha institutlari bilan birgalikda amalga oshiriladi. Texnologik loyihalashtirish meʼyorlarini ishlab chiqishda turli tashkilotlardan mutaxassislarning ishchi guruhlari bilan bajarishga ruxsat etiladi.

3.7 Texnologik loyihalashtirish meʼyorlari quyidagi nomenklaturada ishlab chiqarish zarur;

mashinalar, asbob-uskunalar, korxonalar, ishlab chiqarish vaqtini tejash va ish tartibini tuzish;

mashina, agregat, moslamalarni joylashtirish meʼyorlari va ularning ishchi maydonlari meʼyorlari;

sarf-xarajat meʼyorlari, xom ashyo, asosiy va yordamchi materiallar, yoqilgʻi, ehtiyot qismlar, suv, elektr energiyasi, gaz, bugʻ, havo, kislorod va boshqalar parametrlari va sifatiga qoʻyiladigan talablar;

zaxiralar meʼyorlari va xom ashyo, asosiy va yordamchi materiallar, yarim fabrikatlar, tayyor mahsulotlarni joylash, ombor va qoʻshimcha binolar meʼyoriy hujjatlari;

ishchilar vaqtini tejash va ish tartibini tuzish, asosiy va yordamchi ishchi, injener-texnik xodimlar va xizmatchilarning meʼyordagi soni;

portlash, portlash-yongʻin va yongʻin xavfsizligi boʻyicha ishlab chiqarish toifalari (agarda ular vazirlik, idora, konsern, uyushma tasdiqlagan alohida roʻyxatda keltirilmagan boʻlsa);

harorat, tozalik, namgarchilik va havo harakati tezligi, shovqin va titrash darajasi boʻyicha binolar, inshootlar va asbob-uskunalarning texnologik jarayonlariga qoʻyilgan maxsus talablar;

texnologik jarayonlarni mexanizatsiya va avtomatizatsiya darajasi;

chiqindi va oʻtkinchi materiallardan foydalanish va ularni saqlash meʼyorlari; zararli chiqindilardan foydalanish va chiqitga chiqarish meʼyorlari; atrof tabiat muhitini elektr magniti maydoni, radioaktivlik va boshqalardan biologik muhofaza qilish meʼyorlari;

ishlab chiqarishni ixtisoslashtirish va kooperatsiya qilish darajasi; mahsulotning material va energiyaga boʻlgan talabi; mahsulot tannarxi (qayta ishlanganda); mehnat unumdorligi (mahsulotning sermehnatliligi). Texnologik loyihalashtirish meʼyorlari nomenklaturasi ishlab chiqarishning oʻziga xos jihatlarini hisobga olgan holda vazirliklar, idoralar, konsernlar, uyushmalar bilan birgalikda aniqlanishi mumkin (texnologik loyihalashtirish meʼyorlari nomenklaturasi Davarxitektqurilishqoʻm va Oʻzbekiston Respublikasi Davlat Fan va texnika qoʻmitasi bilan kelishish kerak boʻladi).

3.8 Texnologik loyihalashtirish meʼyorlari Oʻzbekiston Respublikasida loyihalashtirish va qurilish boʻyicha amaldagi meʼyoriy hujjatlar va yoʻriqnomalar talablari, standartlar, sanitariya va yongʻinga qarshi meʼyorlar, xavfsizlik texnikasi qoidalari hamda atrof muhitni muhofaza qilish meʼyorlari bilan moslashtiriligan boʻlishi darkor. Mazkur meʼyorlar koʻrsatib oʻtilgan hujjatlarda mavjud qoidalarni takrorlamasligi hamda ortiqcha maʼlumot materiallari boʻlmasligi kerak.

3.9 Texnologik loyihalashtirish meʼyorlariga muntazam ravishda fan va texnikaning yutuqlarini oʻz vaqtida tatbiq qilish zarurati bilan bogʻliq oʻzgartirish va qoʻshimchalar, shu bilan birga muvofiq keladigan boshqa meʼyoriy hujjatlardagi oʻzgartirishlar kiritib turilishi zarur. Texnologik loyihalashtirish meʼyorlari amaldagi qurilish meʼyorlari va qoidalari asosida kam deganda besh yilda bir marta qayta koʻrilishi va qayta tasdiqlanishi kerak.

3.10 Texnologik loyihalashtirish meʼyorlarini ishlab chiquvchi tashkilotlar mana shu meʼyorlarni tasdiqlagan muassasalar bilan bir qatorda meʼyoriy hujjatlar talablari fan va texnikaning yangi yutuqlariga toʻgʻri kelishi, jumladan, yanada progressiv texnologik jarayonlarni, asbob-uskunalarning yuqori unumdorligi, ishlab chiqarish mexanizatsiyasi va avtomatizatsiyasining samarali vositalarini tatbiq etishda muvofiq kelishi ustidan masʼul boʻladilar; loyihalarda yuqori texnik-iqtisodiy koʻrsatkichlarni taʼminlovchi ishlab chiqarish va mehnat borasidagi ilmiy tashkilotning, shuningdek, koʻrsatib oʻtilgan qurilish meʼyorlari, korxonalar, bino va inshootlarni loyihalashtirish boʻyicha qoidalar va yoʻriqnomalarning sanitariya va yongʻinga qarshi meʼyorlar, texnika xavfsizligi qoidalari va qurilish boʻyicha boshqa meʼyoriy hujjatlar bilan mos kelishiga javob beradilar.

3.11 Texnologik loyihalashtirish meʼyorlarining bayoni QMQ 1.01.03-96 talablariga muvofiq kelishi zarur.

4. TEXNOLOGIK LOYIHALASHTIRISH MEʼYORLARINI ISHLAB CHIQISH TARTIBI

4.1 Texnologik loyihalashtirish meʼyorlarini ishlab chiqishda tashkiliy-uslubiy birlikka erishish, shuningdek, ish bosqichlarini bajarishni nazorat qilish uchun texnologik loyihalashtirish meʼyorlarini ishlab chiqishning toʻrtta bosqichini belgilab beradi:

1-bosqich: texnologik loyihalashtirish meʼyorlarini ishlab chiqishga texnik topshiriqni ishlab chiqish va tasdiqlash (zaruriyat tugʻilganda amalga oshiriladi);

2-bosqich: texnologik loyihalashtirish meʼyorlari loyihasini ishlab chiqish (birinchi tahriri) va uni taqriz uchun joʻnatish;

3-bosqich: taqrizni ishlash, texnologik loyihalashtirish meʼyorlari loyihasini ishlab chiqish (tugallangan tahrirda), uni kelishuv va tasdiq uchun tavsiya etish;

4-bosqich: texnologik loyihalashtirish meʼyorlarini tasdiqlash va davlat roʻyxatidan oʻtkazish.

Eslatma: Texnologik loyihalashtirish meʼyorlarini ishlab chiqishda bosqichlarni qoʻshib olib borishga ruxsat etiladi.

4.2 Texnologik loyihalashtirish meʼyorlariga boʻlgan texnik topshiriqlar 1-ilovaga binoan ishlab chiqiladi va Davarxitekqurilishqoʻm va Oʻzbekiston Respublikasi Davlat Fan va texnika qoʻmitasi bilan kelishgan holda tasdiqlanadi.

5. TEXNOLOGIK LOYIHALASHTIRISH MEʼYORLARI LOYIHASINI ISHLAB CHIQISH (BIRINCHI TAHRIRI) VA TAQRIZ UCHUN JOʻNATISH

5.1 Texnologik loyihalashtirish meʼyorlari loyihasi standartlashtirish, standartlashtirish grafikasi, mahsulotning yangi turlarini yaratish yuzasidan rejalar, manfaatdor tashkilotlar va vazirliklar, idoralar, konsernlar, uyushmalar va tayyorlovchi korxonalarning tashabbusiga koʻra takliflarni tuzish boʻyicha texnika qoʻmitalarining ish rejalariga asoslanib, ishlab chiqiladi.

5.2 Texnologik loyihalashtirish meʼyorlarini ishlash bilan bir vaqtda 8-bobga muvofiq tushuntirish xati tuziladi hamda zaruriyat boʻlsa, texnologik meʼyorlarni tatbiq etish boʻyicha asosiy tashkiliy-texnik tadbirlar rejalarining loyihasi ishlab chiqiladi (keyinchalik-asosiy tadbirlar rejasining loyihasi deb ataladi).

Agarda texnologik loyihalashtirish meʼyorlarining loyihasini ishlab chiqishda qaytadan koʻrib chiqish, oʻzgartirish kiritish yoki amaldagi oʻzaro bir-biriga bogʻliq meʼyoriy hujjatlarni (MH) bekor qilish zarurati tugʻilsa, unda yetakchi ishlab chiqayotgan tashkilot qayta koʻrib chiqish, oʻzgartirish kiritish yoki amaldagi MH ni bekor qilish haqida asosli takliflarni tayyorlashi va ushbu takliflarni asosiy tadbirlar loyihasiga kiritishi zarur.

5.3 Texnologik loyihalashtirish meʼyorlari loyihasi, tushuntirish xati, asosiy tadbirlar rejalarining loyihasini zaruriyat boʻlsa, taqrizga joʻnatgunga qadar oldindan ilmiy texnika (ilmiy) kengashda (seksiyada) yoki yetakchi ishlab chiquvchi tashkilotning texnika majlisida buyurtmachi tashkilot (asosiy isteʼmolchi) vakilining ishtirokida koʻrib chiqiladi.

5.4 Texnologik loyihalashtirish meʼyorlari loyihasi tushuntirish xati hamda asosiy tadbirlar rejalarining loyihasi bilan birgalikda nusxalari koʻpaytiriladi va quyidagi roʻyxat boʻyicha barcha qiziqqan tashkilotlarga taqriz uchun (2-ilova) joʻnatiladi;

1) buyurtmachi tashkilotga (asosiy isteʼmolchiga) yoki meʼyorlar loyihasi kelishilganiga koʻra asosiy deb tayinlangan uning tashkilotlaridan biriga;

2) davlat nazorat idorasiga, kasaba uyushmasi idorasiga, transport vazirligiga, sogʻliqni saqlash vazirligiga, agarda meʼyorlar loyihasida ularga tegishli talablar boʻlsa, atrof muhitni muhofaza qilish qoʻmitasiga;

3) mahsulot birkitilishi yoki agarda ular meʼyorlarni ishlab chiquvchilari boʻlmasa, faoliyat jabhasi boʻyicha asosiy tashkilotlarga;

4) meʼyorlarni tatbiq qiluvchi va tatbiq qilishni taʼminlovchi tashkilotlar va korxonalarga;

5) MH ga oid amaldagi qayta koʻrib chiqish, oʻzgartirish kiritish, texnologik loyihalashtirish meʼyorlarining loyihasini ishlab chiqishga aloqador bekor qilish kerak boʻlgan qoidalarni tasdiqlovchi idoralarga.

5.5 Korxona va tashkilotlar tavsiya qilingan texnologik loyihalashtirish meʼyorlari loyihasini koʻrib chiqqach, taqriz yozadilar va uni bevosita yetakchi ishlab chiquvchi tashkilotga texnologik loyihalashtirish meʼyorlari loyihasini olganlaridan 15 kundan kechiktirmay joʻnatadilar.

5.6 Texnologik loyihalashtirish meʼyorlari loyihasini tuzish, bayon qilish, bezash va taqriz mohiyati 9.1-kichik bandiga muvofiq qilinadi.

6. TAQRIZ YOZISH, TEXNOLOGIK LOYIHALASHTIRISH MEʼYORLARI LOYIHASINI ISHLAB CHIQISH (TUGALLANGAN TAHRIRI), KELISHISH VA UNI TASDIQLASH UCHUN TAVSIYA ETISH

6.1 Yetakchi ishlab chiquvchi tashkilot olingan taqrizlar asosida 9.2-kichik bandga muvofiq taqrizlar axborotini tayyorlaydi.

6.2 5.5-band ostida belgilab berilgan muddatdan soʻng joʻnatilgan taqrizlar koʻrib chiqiladi va yetakchi ishlab chiquvchi tashkilotning koʻrib chiqib, taqriz yozish axborotiga kiritiladi.

6.3 Yetakchi ishlab chiquvchi tashkilot va birgalikda bajaruvchi tashkilotlar axborotlar asosida texnologik loyihalashtirish meʼyorlari loyihasini tugal tahrir qilib chiqadilar va tushuntirish xatiga va asosiy tadbirlar loyihasiga aniqlik kiritadilar.

6.4 Ishlab chiquvchi tashkilot va boshqa manfaatdor tashkilotlar orasida texnologik loyihalashtirish meʼyorlari va asosiy tadbirlar loyihasi boʻyicha bir-birlariga zid fikrlar boʻlsa, ishlab chiquvchi tashkilot zid fikrlarni koʻrib chiqish uchun majlis oʻtkazadi.

Yigʻilishga asosiy manfaatdor tashkilotlar, jumladan, buyurtmachilar (asosiy isteʼmolchi) vakillari, texnologik loyihalashtirish meʼyorlari loyihasini koʻrib chiqish yuzasidan yigʻilishda qaror qabul qilishga vakolat berilgan kishilar taklif qilinadilar. Majlis qatnashchilarining tarkibi koʻrib chiqilayotgan masalalarni har tomonlama muhokama qilish va shular boʻyicha qaror qabul qilish imkoniyatini taʼminlashi zarur.

Yetakchi ishlab chiquvchi tashkilot majlis qatnashchilariga nizoli masalalar boʻyicha taqrizlar axborotida koʻchirma yoʻllaydilar. Majlisga, ushbu yigʻilish boshlanishiga qadar 10 kundan kechikmay qatnashchilar xabardor boʻlishlarini nazarda tutgan holda taklif qilinadilar.

Majlis qarori yigʻishi ishtirokchilari imzo chekkan bayonnoma qarori bilan rasmiylashtiriladi.

Bayonnomada yoki bayonnoma qaroriga ilova qilingan alohida roʻyxatda majlis ishtirokchisining har birini ism-sharifi va ishlash vazifasini (tashkilot nomi ham) koʻrsatiladi.

Texnologik loyihalashtirish loyihasining aniqlashtirilgan tahriridagi ayrim bandlar boʻyicha zid fikrlar boʻlsa, majlis bayonnomasida ushbu bandlar boʻyicha tashkilotlar vakillarining alohida fikrlari borligi qayd qilinadi.

Alohida fikrlar alohida varaqda yoki bevosita majlis bayonnomasida bayon etilishi va unga oʻz fikriga ega vakillar imzo chekishlari zarur.

6.5 Majlisda qabul qilingan qaror asosida texnologik loyihalashtirish meʼyorlari loyihasi tugal tahrir qilinadi va tushuntirish xati va asosiy tadbirlar rejasining loyihasiga aniqlik kiritiladi.

6.6 Ishlab chiquvchi tashkilot texnologik loyihalashtirish meʼyorlari loyihasining tugal tahririni tasdiqlash uchun tavsiya etishdan avval, buyurtmachi tashkilotning (asosiy isteʼmolchi) yoki standartlash boʻyicha asosiy deb tayinlangan uning tashkilotlaridan biriga rozilik olish uchun joʻnatadi.

Bundan tashqari, texnologik loyihalashtirish meʼyorlari loyihasi davlat nazorat idoralari, kasaba uyushmasi idoralari, Davlat tabiatni muhofaza qilish qoʻmitasi, Sogʻliqni saqlash vazirligi, agarda meʼyorlar loyihasida ularga tegishli talablar boʻlsa, Davlat Fan va texnika qoʻmitasi bilan kelishilgan boʻlishi kerak.

6.7 Zamirida standartlardan asos qilib olingan umumiy texnik shartlar yoki umumiy texnik talablar standartlaridan, shuningdek, kasaba uyushmalari idoralari, davlat nazorat idoralari, Davlat tabiatni muhofaza qilish qoʻmitasi, Sogʻliqni saqlash vazirligi, transport vazirliklari bilan kelishilgan qoida va meʼyorlar boʻlgan texnologik loyihalashtirish meʼyorlari loyihasi mazkur idoralarga roziligini olishi shart emas.

6.8 Ishlab chiquvchi tashkilot texnologik loyihalashtirish meʼyorlari loyihasining tugal tahriridagi nusxasini bir vaqtning oʻzda kelishish uchun barcha rozilik beruvchi idoralarga joʻnatadi (3-ilova) shu tahrirdagi nusxasiga tushuntirish xati, asosiy tadbirlar rejasining loyihasi va zid fikrlarni koʻrib chiqish boʻyicha oʻtkazilgan majlis bayonnomasining bir nusxasini (majlis oʻtkazilganda) yoʻllaydi.

6.9 Texnologik loyihalashtirish meʼyorlarining loyihasiga rozilik berish meʼyorlar loyihasi kelib tushgan kundan 15 kunlik muhlat ichida amalga oshiriladi.

Texnologik loyihalashtirish meʼyorlarining loyihasiga fikrlar

boʻlsa, unda tushuntirish xati va asosiy tadbirlar rejasining

loyihasi shu fikrlar bilan birga texnik-iqtisodiy jihatdan asoslab berilgan holda ishlab chiquvchi tashkilotga xuddi shu muddat ichida joʻnatiladi.

Texnologik loyihalashtirish meʼyorlari loyihasi boʻyicha belgilangan muddat ichida fikrlar kelib tushmasa, loyihaga rozilik berilgan hisoblanadi.

6.10 Texnologik loyihalashtirish meʼyorlari loyihasiga rozilik berganlikni tasdiqlash rahbar (rahbar oʻrinbosari) imzo chekkan alohida xat bilan yoki rahbar (rahbar oʻrinbosari) ning meʼyorlar loyihasining asl nusxasi yoki ikkinchi nusxasiga “ROZILIK BERILDI” degan katta harflar ostiga imzo chekilishi bilan rasmiylashtiriladi.

Meʼyorlar loyihasiga qoʻshimcha imzolar yoki vizalar va “Ogohlantirishlar bilan rozilik berildi”ga oʻxshash yozuvlar bilan toʻxtatishga ruxsat etilmaydi.

6.11 Zid fikrlar qolsa va ular bilan kelishish imkoni boʻlmasa, unda 4-ilovaga muvofiq maʼlumotnoma tuzilishi zarur.

Texnologik loyihalashtirish meʼyorlari loyihasi boʻyicha tashkilotlar oʻrtasida qarama-qarshi fikrlar mavjud boʻlsa, yakuniy qarorni Oʻzbekiston Respublikasi Davarxitekqurilishqoʻmitasi qabul qiladi.

6.12 Texnologik loyihalashtirish meʼyorlariga oʻzgartirish kiritish ishi, agarda bu ilgari kelishilgan tashkilotlar manfaatlariga putur yetkazmasa, faqat buyurtmachi (asosiy isteʼmolchi) bilan kelishgan holda qilinadi.

Texnologik loyihalashtirish meʼyorlarini bekor qilish yoki amal qilish muhlatini choʻzish ishlari faqat buyurtmachi (asosiy isteʼmolchi) bilan kelishilgan holda amalga oshiriladi.

6.13 Texnologik loyihalashtirishning kelishilgan meʼyorlari yoki kelishuv xati — yetakchi ishlab chiquvchi tashkilotga joʻnatilishi kerak.

6.14 Texnologik loyihalashtirish meʼyorlari loyihasining tugallangan tahririni tasdiqlash uchun tavsiya etish oldidan asosiy tashkilot yoki ularga biriktirilgan mahsulotlarni standartlash boʻyicha TK yoki faoliyat JABHASIda ilmiy-texnik va meʼyorlarni huquqiy ekspertizadan oʻtkazadi.

6.15 Texnologik loyihalashtirish meʼyorlarining loyihasi ishlab chiquvchi tashkilot tomonidan tasdiqlash uchun quyidagicha komplektlilikda tavsiya qilinadi:

birgalikda yuboriluvchi xat;

meʼyorlar loyihasining tugallangan tahririga tushuntirish xati;

asosiy tadbirlar rejasining loyihasi;

toʻrt nusxada texnologik loyihalashtirish meʼyorlarining loyihasi, shulardan ikkitasi birinchisi boʻlishi kerak;

meʼyorlar loyihasining kelishilganligiga dalolat beruvchi asl hujjatlar;

meʼyorlar loyihasiga taqrizlar axboroti;

boshqa zid fikrlar haqida maʼlumotnoma.

7. TEXNOLOGIK LOYIHALASHTIRISH MEʼYORLARINI TASDIQLASH VA DAVLAT ROʻYXATIDAN OʻTKAZISH

7.1 Oʻzbekiston Respublikasi Davarxitekqurilishqoʻmitasi 15 kundan oshmaydigan muhlat ichida koʻrib chiqish uchun tavsiya etiladigan texnologik loyihalashtirish meʼyorlar loyihasi va unga ilova qilinadigan hujjatlarni tayyorlaydi, shuningdek, ularni davlat roʻyxatidan oʻtkazishni taʼminlaydi.

Davarxitekqurilishqoʻm texnologik loyihalashtirish meʼyorlari loyihasini koʻrib chiqadi va uni tasdiqlash yoki meʼyorlar loyihasini qayta ishlash uchun qaytarish uchun qaror qabul qiladi.

7.2 Texnologik loyihalashtirish meʼyorlari tasdiqlanadi va Davarxitekqurilishqoʻm buyrugʻi bilan amalga joriy etiladi.

7.3 Texnologik loyihalashtirish meʼyorlari amalga kiritishning cheklangan muhlati — oshigʻi bilan 5 yilga tasdiqlanadi.

Texnologik loyihalashtirish meʼyorlarini tasdiqlashda asosiy tadbirlar rejasi loyihasiga muvofiq ishni olib borishni nazarda tutgan holda meʼyorlarni amalga joriy etish sanasi belgilanadi.

Yangitdan tasdiqlangan standartlar yoki boshqa MHlardan asos qilib olingan texnologik loyihalashtirish meʼyorlarini amalga tatbiq etish sanasi mazkur standartlar yoki MHlarni amalga kiritish sanasidan erta boʻlmasligi kerak.

Texnologik loyihalashtirish meʼyorlarini amalga kiritish amalga joriy muddati ichida oʻzining yuridik kuchini yoʻqotadi.

7.4 Texnologik loyihalashtirish meʼyorlarini davlat roʻyxatidan Oʻzbekiston Respublikasi Davarxitektqurilishqoʻm oʻtkazadi.

7.5 Texnologik loyihalashtirish meʼyorlari davlat roʻyxatiga toʻrt nusxada quyidagi shaklda keltiriladi: asl nusxasi, dublikat va ikki nusxa.

Meʼyorlar dublikati meʼyorlar asliga toʻgʻri kelishi va kerakli sifatda nusxa olish imkonini taʼminlashi kerak.

Meʼyorlarning ikkinchi nusxasi va 6.15-bandda koʻrsatilgan birgalikda joʻnatiluvchi hujjati aniq yozilgan, istalgan yoʻsinda mashinkada koʻchirilgan yoki nusxa olinib bajarilgan boʻlishi mumkin.

7.6 Texnologik loyihalashtirish meʼyorlari davlat roʻyxatidan oʻtkazish uchun muqovalanib, broshyura koʻrinishida tavsiya qilinishi kerak.

7.7 Zaruriyat tugʻilganda, texnologik loyihalashtirish meʼyorlariga kiritiladigan tuzatishlar aniq yozadigan mashinkada yoki qoʻlda qora tush, pasta, siyoh bilan yozilishi, birinchi sahifaning orqa tomonida yozilgan va rahbari imzosi bilan (rahbar oʻrinbosari) va ularni roʻyxatdan oʻtkazish uchun tavsiya qilgan idora(tashkilot) muhri bilan tasdiqlangan boʻlishi kerak.

7.8 Texnologik loyihalashtirish meʼyorlarini davlat roʻyxatidan oʻtkazish oshigʻi bilan 5 kunlik muddat ichida amalga oshiriladi.

7.9 Texnologik loyihalashtirish meʼyorlari Oʻzbekiston Respublikasi Davarxitekqurilishqoʻm tomonidan belgilanadi.

Texnologik loyihalashtirish meʼyorlarini roʻyxatdan oʻtkazishda RTLM — Oʻzbekiston Respublika texnologik loyihalashtirish meʼyorlari yoki ITLM — Oʻzidoraviy texnologik loyihalashtirish meʼyorlari, qaydning tartib raqami hamda tasdiqning oxirgi ikki raqami — suratda, soʻz bilan idora yoki meʼyorga buyurtma qiluvchi tashkilotning qisqacha nomi mahrajda yoziladi.

Masalan:

7.10 Roʻyxatdan oʻtkazish idorasi asl nusxaning, dublikat va texnologik loyihalashtirish meʼyorlarining ikkala nusxasining birinchi sahifalariga roʻyxatga olish idorasining nomi, sanasi va davlat qayd raqamini koʻrsatib, muhr (shtamp) bosadi.

7.11 Texnologik loyihalashtirish meʼyorlarining dublikati va uning ikkinchi nusxalari Davarxitektqurilishqoʻmda qoladi. Asl nusxa va meʼyorlarning ikkinchi nusxasi ishlab chiquvchiga qaytariladi.

7.12 Davarxitekqurilishqoʻm meʼyorlarni davlat roʻyxatidan oʻtkazgach, 15 kunlik muddat ichida ikkinchi nusxani Respublika ilmiy-texnika kutubxonasiga joʻnatishi zarur.

8. TEXNOLOGIK LOYIHALASHTIRISH MEʼYORLARINING LOYIHASIGA TUSHUNTIRISH XATINI TUZISH, BAYON ETISH, BEZASH VA UNING MAZMUNI

8.1 Tushuntirish xatining nomiga texnologik loyihalashtirish meʼyorlarining toʻliq nomi, meʼyorlar loyihasi tahririning tartib raqami hamda meʼyorlarni ishlab chiqish bosqichi haqidagi maʼlumotlar toʻliq keltiriladi.

Misol:

“Silikat gʻishtining ishlab chiqarilishi” (taqriz uchun yoʻllanayotgan birinchi tahriri) texnologik loyihalashtirish meʼyorlari loyihasiga tushuntirish xati.

8.2 Texnologik loyihalashtirish meʼyorlari loyihasiga tushuntirish xatining boblari arab raqamlariga nuqta qoʻyilib, belgilanadi va quyidagi izchillikda joylashtiriladi:

1) texnologik loyihalashtirish meʼyorlarini ishlash asoslari;

2) meʼyorlarni ishlab chiqishdan maqsad va uning vazifalari;

3) meʼyorga solish obyektining taʼrifnomasi;

4) meʼyorlarning ilmiy-texnik darajasi;

5) meʼyorlarni amalga kiritishning texnik-iqtisodiy samaradorligi;

6) meʼyorlarni tatbiq etish, amalga kiritish;

7) boshqa meʼyoriy hujjatlar bilan oʻzaro aloqadorligi;

8) taqrizga joʻnatish haqidagi maʼlumot (meʼyor loyihasining barcha tahririga nisbatan, birinchisi bundan mustasno);

9) kelishuv haqidagi maʼlumotlar (faqat tasdiq uchun tavsiya etiladigan meʼyorlar loyihasining tugallangan tahrirga nisbatan);

10) maʼlumot olish manbai;

11) qoʻshimcha maʼlumotlar.

8.3 Tushuntirish xati meʼyorlar loyihasining har bir tahririga tuziladi, tushuntirish xatida asosiy koʻrsatkichlar, meʼyorlar, taʼrifnomalar, meʼyorlar loyihasi tahririning keyingi tahrirga nisbatan boʻlgan talablari, oʻzgartirishning texnik-iqtisodiy asoslari koʻrsatiladi.

8.4 “Texnologik loyihalashtirish meʼyorlarini ishlash asosi” bobida TK standartlash ish rejasining jadvali yoki qaysi asosga koʻra meʼyorlar ishlanayotgani-koʻrsatma hujjatining nomi va raqami (rejadan tashqari tashabbuschi mavzular uchun) koʻrsatiladi.

8.5 “Meʼyorlarni ishlab chiqishdan maqsad va uning vazifalari” bobida yakuniy natijalar, ishlab chiqilayotgan meʼyorlarni qoʻllash bilan maqsadga erishish va meʼyorlarni ishlab chiqishda hal qilinishi kerak boʻlgan vazifalar keltiriladi.

8.6 “Meʼyorga solish obyektining taʼrifnomasi” bobida meʼyorga solishning mazkur obyekti boʻyicha birinchi bor meʼyorlar ishlab chiqilayotgani haqidagi maʼlumotlar yoki meʼyorga solishning mazkur obyekti boʻyicha meʼyorlar loyihasini ishlab chiqish boshlanguncha amal qilinayotgan meʼyoriy hujjatlar haqidagi maʼlumotlar keltiriladi.

Bobda meʼyorga solish obyektiga qarab, asosiy koʻrsatkichlar, meʼyorlar, taʼrifnomalar, meʼyorlar loyihasiga boʻlgan talablar va ularning juda qulay, muvofiqligi texnik-iqtisodiy jihatdan asoslab beriladi.

Texnologik loyihalashtirish meʼyorlarini qayta koʻrib chiqilgan yoki ularga oʻzgartirish kiritilgan hollarda ularda koʻrsatkichlar, meʼyorlar, taʼrifnomalar, ularni texnik-iqtisodiy asoslab berishga boʻlgan talablar koʻrsatiladi.

8.7 “Meʼyorlarning ilmiy-texnik darajasi” bobida meʼyorlarning ilmiy-texnik darajasi va undagi talablarning jahon talablariga muvofiq kelishini baholash natijalari keltiriladi; qiyoslash va baho berilgan chet elda va MDH mamlakatlaridagi shunga oʻxshash ishlar haqidagi maʼlumotlar keltiriladi. Zaruriyat tugʻilsa, bu maʼlumotlar tushuntirish xatining ilovasiga kiritiladi.

8.8 “Meʼyorlarni tatbiq etishning texnik-iqtisodiy samaradorligi” bobida meʼyorga solishning iqtisodiy afzalliklari, meʼyorga solish obyekti, tejamkorlikka erishishning asosiy manbalari va uning natura va pul birligidagi qiymati keltiriladi.

Meʼyorlarni tatbiq etishning iqtisodiy samaradorligini hisoblab chiqish imkoni boʻlmasa, meʼyorlarni tatbiq etishning ijtimoiy, ekologik yoki boshqa samarasini koʻrsatish kerak boʻladi.

8.9 “Meʼyorlarni tatbiq etish, amalga kiritish” bobida:

1) asosiy tadbirlar rejasini bajarish vaqtini hisobga olgan holda amalga kiritish taxmin qilingan sanasi asoslab beriladi;

2) taxmin qilinayotgan meʼyorlarni amalga kiritish muhlatini cheklash asoslab beriladi.

8.10 “Boshqa meʼyoriy hujjatlar bilan oʻzaro aloqadorlik” bobida:

1) amaldagi standartlar, jumladan, ISO, MEK va xalqaro tashkilotlar, texnik shartlar va meʼyorlar loyihasi oʻzaro aloqador boʻlgan boshqa MHlar;

2) amaldagi standartlar, texnik shartlar va ishlash, tasdiqlash va ishlab chiqilayotgan meʼyorlarni amalga kiritish natijasida boshqa MHlarni qayta koʻrib chiqish, oʻzgartish kiritish yoki bekor qilish zarurligi haqidagi takliflarni asoslab berib koʻrsatiladi.

8.11 “Taqrizga joʻnatish haqida maʼlumotlar” bobida quyidagilar keltiriladi:

1) taqriz uchun meʼyorlar loyihasi tahririni joʻnatgan tashkilotlar (korxonalar) soni;

2) taqriz yuborgan tashkilotlar (korxonalar) soni;

3) taqrizlarning qisqacha bayon etilgan taʼrifnomasi, jumladan, tashkilotlar (korxonalar), vazirliklar, idoralar, konsernlar, ishlab chiquvchining uyushmasi va boshqa vazirliklar, idoralardan ayrim bayon etilgan taqrizlar;

4) taqrizlarni koʻrib chiqish (bayon etilgan taqrizlar) natijalari keltiriladi.

8.12 “Kelishuv haqida maʼlumotlar” bobida:

1) manfaatdor vazirliklar, idoralar, konsernlar, uyushmalar bilan meʼyorlar loyihasi kelishuvini oʻtkazish haqida;

2) manfaatdor vazirliklar (idoralar), tashkilotlar vakillari yigʻilish oʻtkazish hamda unda koʻrilgan masalalar, agarda meʼyorlar loyihasini ishlash chogʻda bir-biriga zid fikrlar qolgan boʻlsa, ularning qisqacha taʼrifi.

Agarda meʼyorlar loyihasini kelishish talab qilinsa, tushuntirish xatida, loyihani kelishishning hojati yoʻq boʻlsa, asoslab beriladi.

8.13 “Axborot manbalari” bobida meʼyorlar loyihasini ishlashda foydalanilgan axborot manbalari haqida maʼlumotlar koʻrsatiladi.

8.14 “Qoʻshimcha maʼlumotlar” bobida, zaruriyat tugʻilsa, quyidagilar kiritiladi:

1) baʼzi masalalarni hal qilish yoʻllari va (yoki) meʼyorlar loyihasi boʻyicha ayrim masalalarni meʼyorlar loyihasi taqriz uchun joʻnatilgan tashkilotlar (korxonalarga) fikr bildirishlarini iltimos qilish;

2) yetakchi ishlab chiquvchi tashkilot hamda birga bajarayotgan tashkilotlar (qarama-qarshi fikrlar boʻlsa) oʻrtasida zid fikrlar va boshqa maʼlumotlarning mohiyati.

8.15 Texnologik loyihalashtirish meʼyorlari loyihasiga yozilgan tushuntirish xatiga meʼyorlarni ishlab chiquvchi yetakchi tashkilotning (korxona) rahbari (rahbar oʻrinbosari), shuningdek, birga ishlayotgan tashkilot (korxona) rahbarining imzosi chekilgan boʻlishi kerak.

Imzolarni meʼyorlar loyihasiga tuzilgan tushuntirish xatining soʻnggi sahifasiga qoʻyiladi.

Meʼyorlar loyihasiga tuzilgan tushuntirish xatining sahifalari mustaqil ravishda raqamlangan va muqovasiz boʻlishi kerak. Meʼyorlar loyihasiga tuzilgan tushuntirish xatining sahifalariga raqam oʻng tomonning yuqori burchagiga qoʻyiladi.

9. TAQRIZ TUZISH, BAYON ETISH, BEZASH VA UNING MAZMUNI HAMDA TEXNOLOGIK LOYIHALASHTIRISH MEʼYORLARI LOYIHASIGA TAQRIZLAR

9.1 Texnologik loyihalashtirish meʼyorlari loyihasiga yozilgan taqrizni tuzish, bayon etish, bezashga qoʻyilgan talablar.

9.1.1 Taqrizda meʼyorlar loyihasi, asosiy takliflar rejasi, loyihalar loyihasiga tushuntirish xati yuzasidan asoslangan aniq fikrlar va takliflarni ichida qamrab olishi kerak.

Agarda taqrizda yangisini kiritish, texnologik loyihalashtirish meʼyorlari loyihasida nazarda tutilgan asosiy taʼrifnomalar, koʻrsatkichlar, meʼyorlar va talablarni chiqarib tashlash yoki oʻzgartirish kiritish boʻyicha takliflar boʻlsa, bu takliflar texnik-iqtisodiy jihatdan asoslab berilishi kerak.

9.1.2 Meʼyorlar loyihasiga yozilgan taqrizda fikrlar va takliflar quyidagi izchillikda bayon etiladi:

1) meʼyorlar loyihasining boricha;

2) umumiy qoidalar boʻyicha (topshirish qismi boʻyicha);

3) asosiy qism boʻyicha;

4) axborot maʼlumotlari boʻyicha;

5) asosiy tadbirlar rejasining loyihasi boʻyicha;

6) meʼyorlar loyihasiga yozilgan tushuntirish xati boʻyicha.

Ishlab chiquvchi vazirliklar (idoralar) korxonasi (tashkilot) taqriz soʻnggida unga kerakli meʼyorlar nusxasi sonini koʻrsatadi.

9.1.3 Texnologik loyihalashtirish meʼyorlari loyihasining bor boʻyicha boʻlgan fikrlar va takliflarda:

1) meʼyorlar loyihasining ilmiy-texnik darajasi haqida va uni ilm, texnika, jahon ishlab chiqarish tajribasi, MDH standartlari va xalqaro standartlarga muvofiq batafsil xulosa qilish;

2) meʼyorlar loyihasining boshqa meʼyoriy hujjatlar bilan oʻzaro aloqadorligi;

3) texnologik loyihalashtirish meʼyorlari loyihasida belgilanadigan koʻrsatkichlar, meʼyorlar va talablarning toʻlaligi va yetarliligi;

4) meʼyorga solish obyektining kelajagi borligi.

9.1.4 Umumiy qoidalar boʻyicha (topshirish qismida) taqriz va batafsil taqrizlarda mavjud fikrlar va takliflarda meʼyorlarning taalluqlilik jabhasini cheklash toʻgʻriligini koʻrsatadilar.

9.1.5 Asosiy qism boʻyicha (boblar, kichik boblar, bandlar, ilovalar boʻyicha) meʼyorlar loyihasiga fikrlar va takliflarni boblar, ilovani boricha va (yoki) alohida bandlar, kichik bandlar boʻyicha meʼyorlarni texnologik loyihalashtirish tartibida beriladi.

Bu fikrlar va takliflarda:

1) mazkur bobda (kichik bobda, bandda, kichik bandda, ilovada) mavjud meʼyorlar loyihasiga uni qoʻllash uchun meʼyorga solish obyektiga, shuningdek, ilm-texnikaning zamonaviy yutuqlariga, ilgʻor ilm-texnika va ishlab chiqarish tajribalariga xalqaro standartlar va boshqalarga muvofiqligiga boʻlgan talablarning zaruriyati va yetarliligi;

2) koʻrsatkichlarning texnik jihatdan kelajagi borligi va meʼyorlar loyihasidagi mahsulotning sifati koʻrsatiladi.

Meʼyorlar loyihasiga axborot maʼlumotlari boʻyicha fikr va takliflarni axborot maʼlumotlarini bandlar boʻyicha mana shu bandlarni bayon etish tartibida beriladi.

9.1.6 Asosiy tadbirlar rejasining loyihasi boʻyicha meʼyorlar loyihasiga yozilgan taqrizlarda meʼyorlarni tatbiq etish boʻyicha tadbirlarning hamda ularni aytilgan muhlat ichida bajarish imkoniyati yetarliligi koʻrsatiladi.

Asosiy tadbirlar rejasining loyihasiga berilgan taqrizlarda ham amaldagi oʻzaro bir-biriga bogʻliq meʼyoriy hujjatlarni qayta koʻrib chiqish, oʻzgartirish, bekor qilish haqidagi takliflar boʻyicha ham xulosa beriladi.

9.1.7 Meʼyorlar loyihasiga qilingan tushuntirish xati boʻyicha meʼyorlar loyihasining ilmiy-texnik darajasiga baho berish va uning talablari jahon darajasiga muvofiq kelishi qismida fikr va mulohazalar aytiladi.

9.1.8 Agarda meʼyorlar loyihasi, asosiy tadbirlar rejasining loyihasi va meʼyorlar loyihasiga qilingan tushuntirish xatida fikr-mulohazalar boʻlmasa, unda taqrizda quyidagilar koʻrsatiladi:

9.1.9 Texnologik loyihalashtirish loyihasiga taqrizi tashkilot (korxona) blankasida rasmiylashtiriladi.

Vazirlik, idora, konsern uyushma topshirigʻiga binoan batafsil yozilgan taqriz uchun masʼul boʻlgan tashkilot, taqrizda bu vazirlik (idora va boshqa) topshirigʻiga koʻra tayyorladi va yoʻllandi deb koʻrsatishi kerak.

9.2 Texnologik loyihalashtirish meʼyorlari loyihasiga taqrizlarning tuzilishi, bayon etilishi, bezalishi va axborot mazmuniga boʻlgan talablar.

9.2.1 Ishlab chiquvchi tashkilot meʼyorlar loyihasiga olingan taqrizlar asosida 5-ilovada keltirilgan shaklda taqrizlar axborotini tuzadi.

9.2.2 Taqrizlarda mavjud meʼyorlar loyihasi boʻyicha fikr va takliflarni taqriz axborotida quyidagicha izchillikda bayon etiladi:

1) meʼyorlar loyihasining hammasi boʻyicha;

2) umumiy qoidalar boʻyicha (ulardagi topshirish qismi boʻyicha);

3) asosiy qism boʻyicha;

4) axborot maʼlumotlari boʻyicha;

5) asosiy tadbirlar rejasining loyihasi boʻyicha;

6) meʼyorlar loyihasiga tushuntirish xati boʻyicha.

9.2.3 Taqrizlar axborotining 3-bandida taqriz joʻnatgan (batafsil taqriz) vazirlik (idora), tashkilot (korxona) nomi, xatga qoʻyilgan raqam va sanasi koʻrsatiladi.

9.2.4 Taqrizlar axborotining 4-bandida taklifdagi har bir fikr mazmuni aytib oʻtiladi. Bir xildagi fikrlarni mazkur fikrlarni bildirgan tashkilotlarning (korxonalarning) barini sanab oʻtgan holda umumiy pozitsiyaga guruhlash kerak boʻladi.

9.2.5 Taqrizlar axborotining 5-bandida meʼyorlar loyihasini yetakchi ishlab chiquvchi tashkilotning har bir keltirilgan fikrlar va takliflar boʻyicha tegishli asoslab bergan holda xulosasi keltiriladi.

Meʼyorlar loyihasi boʻyicha fikrlar va (yoki) takliflar boʻyicha xulosalarni quyidagicha koʻrinishda berishi kerak boʻladi:

1) “Qabul qilindi” — agarda fikr va (yoki) taklif toʻlaligicha qabul qilinsa;

2) “Qisman qabul qilindi” — agarda fikr va (yoki) taklif toʻlaligicha qabul qilinmasa. Soʻngra fikrdagi qoldirilgan qismi asoslanishi va (yoki) meʼyorlar loyihasining kelgusi tahriri boʻyicha fikr va (yoki) takliflarni hisobga oluvchi meʼyorlar loyihasi yangi tahririning band raqami bayon etiladi;

3) “Maʼlumot uchun qabul qilindi” — agarda ishlab chiquvchi fikrlarga va (yoki) takliflarga qoʻshilsayu, biroq bu mazkur meʼyorlar loyihasiga toʻgʻridan-toʻgʻri aloqasi boʻlmasa;

4) “Qoldirildi” — agarda fikr va (yoki) taklif qabul qilinmasa. Soʻngra fikr va (yoki) takliflarni qoldirish asoslab beriladi.

9.2.6 Taqrizlar axborotiga taqrizlarga axborotini tuzish uchun masʼul yetakchi ishlab chiquvchi tashkilot boʻlimi rahbari, ish (mavzu) rahbari, masʼul ijrochilar imzo chekishlari kerak.

9.2.7 Meʼyorlarni texnologik loyihalashtirish axborotini A4(210x297mm) bichimdagi varaqlarda, asoslab berilgan hollarda esa A3(297x420mm) bichimdagi varaqlarda matnini bosish kerak boʻladi.

Taqrizlar axborotining ikkinchi va soʻnggi sahifalarini rasmiylashtirishda taqrizlar axborotining bandlari nomlari koʻrsatilmaydi, faqatgina band raqami qoʻyiladi, xolos.

1-ILOVA

Majburiy

TEXNIK TOPSHIRIQ NAMUNASINING BIRINCHI SAHIFASI

2-ILOVA

Majburiy

Texnologik loyihalashtirish meʼyorlari loyihasi taqriz uchun joʻnatilishi zarur boʻlgan tashkilotlar (korxonalar) roʻyxatining namunasi

1-ILOVA

Texnologik loyihalashtirish meʼyorlari loyihasining taqriz uchun joʻnatilish zarur boʻlgan tashkilotlar(korxonalar) roʻyxati

3-ILOVA

Majburiy

Texnologik loyihalashtirish meʼyorlari loyihasi kelishishi zarur boʻlgan tashkilotlar (korxonalar) roʻyxatining namunasi

2-ILOVA

Texnologik loyihalashtirish meʼyorlari loyihasi kelishishi zarur boʻlgan tashkilotlar (korxonalar) roʻyxati

4-ILOVA

Majburiy

Texnologik loyihalashtirish meʼyorlari loyihasi boʻyicha qarama-qarshi fikrlar haqida

MAʼLUMOTNOMA

5-ILOVA

Majburiy

TAQRIZLAR AXBOROTI

Texnologik loyihalashtirish meʼyorlari loyihasi tahririga

_______ tahrir raqami