Oʻzbekiston Respublikasi Oliy Majlisi Qonunchilik palatasining 2020-yil 12-fevraldagi “Oʻzbekiston Respublikasi Oliy Majlisi Qonunchilik palatasining Normativ-huquqiy atamalar komissiyasini tuzish toʻgʻrisida”gi 90-IV-sonli Qaroriga oʻzgartishlar kiritish haqida (1866-IV-son)

22.02.2022

Oʻzbekiston Respublikasi Oliy Majlisi Qonunchilik palatasining

Qarori

Oʻzbekiston Respublikasi Oliy Majlisi Qonunchilik palatasi Normativ-huquqiy atamalar komissiyasining faoliyatini yanada samarali tashkil etish maqsadida Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasining 2020-yil 12-fevraldagi “Oʻzbekiston Respublikasi Oliy Majlisi Qonunchilik palatasining Normativ-huquqiy atamalar komissiyasini tuzish toʻgʻrisida”gi 90-IV-sonli Qarorining (Oʻzbekiston Respublikasi Oliy Majlisi palatalarining Axborotnomasi, 2020-yil, № 2, 120-modda) 1 va 2-bandlari quyidagi tahrirda bayon etilsin:

“1. Qonun loyihalarida normativ-huquqiy atamalar oʻz mazmuniga muvofiq yagona shaklda va toʻgʻri qoʻllanilishini, adabiy til qoidalari va normalari talablariga hamda yuridik, texnik va boshqa maxsus qoidalarga aniq rioya etilishini taʼminlash maqsadida Oʻzbekiston Respublikasi Oliy Majlisi Qonunchilik palatasining vakolatlari muddatiga quyidagi tarkibda Oʻzbekiston Respublikasi Oliy Majlisi Qonunchilik palatasining Normativ-huquqiy atamalar komissiyasi tuzilsin:

Komissiya raisi: Atodjonov Djumonozor Azodovich — Fuqarolarning sogʻligʻini saqlash masalalari qoʻmitasi aʼzosi Komissiya raisining oʻrinbosari: Ashmatov Farxodbek Burxonjonovich — Mudofaa va xavfsizlik masalalari qoʻmitasi aʼzosi Komissiya aʼzolari: Islamov Oʻktam Shukurullayevich — Xalqaro ishlar va parlamentlararo aloqalar qoʻmitasi aʼzosi Xudayberdiyev Zafar Raximovich — Innovatsion rivojlanish, axborot siyosati va axborot texnologiyalari masalalari qoʻmitasi aʼzosi Djabborov Umidjon Raxmonovich — Innovatsion rivojlanish, axborot siyosati va axborot texnologiyalari masalalari qoʻmitasi aʼzosi Babenko Yelena Vladimirovna — Ekologiya va atrof-muhitni muhofaza qilish masalalari qoʻmitasi aʼzosi Mardayev Botir Xurramovich — Sanoat, qurilish va savdo masalalari qoʻmitasi aʼzosi

2. Komissiya huzurida quyidagi tarkibda ishchi guruh tashkil etilsin:

Djurayeva Saida Abdukamilovna — Oʻzbekiston Respublikasi Oliy Majlisi Qonunchilik palatasi Devonining Lingvistik ekspertiza va tahririyat boʻlimi mudiri Shoxnazarov Tohir Tuxtamurodovich — Oʻzbekiston Respublikasi Oliy Majlisi Qonunchilik palatasi Devoni Yuridik boshqarmasining sektori mudiri Kengboyev Jasur Jamirovich — Oʻzbekiston Respublikasi Oliy Majlisi Qonunchilik palatasi Devoni Axborot-tahlil boʻlimining sektori mudiri”.

2. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2022-yil 22-fevral,

1866-IV-son