SHNQ 2.08.01-2019 “Turar joy binolari” shaharsozlik normalari va qoidalari (480-son)

15.10.2019

Oʻzbekiston Respublikasi Qurilish vazirligi

1. QOʻLLANISH SOHASI

Ushbu meʼyorlar yangi qurilayotgan va rekonstruksiya qilinayotgan turar joy binolarini, shu jumladan, mulkchilik shaklidan qatʼiy nazar, birxonadonli va birlashtirilgan (juftlangan) uylar, 16-qavatgacha boʻlgan koʻp xonadonli uylar (16 qavat ham), maxsus turar-joylarni loyihalash va qurishga tatbiq qilinadi

Ushbu meʼyorlar binolarga koʻchib kirish va egalik qilish shartlariga, shuningdek inventar va koʻchma (koʻchirib yuriladigan) binolarni loyihalashga tatbiq qilinmaydi.

Turar-joy binolarini loyihalashda, ushbu meʼyorlar talablari bilan bir qatorda, qayd etilgan ilovalarga muvofiq amaldagi meʼyoriy hujjatlar ham hisobga olinishi kerak; sanitariya-gigiyena, yongʻinga qarshi va funksional-tipologik talablar va turar joyni shakllantirish parametrlari, zilzilabardoshlik, mikroiqlim qulaylikni, energiya tejamkorlik va energiya samaradorlikni taʼminlash talablari, zamonaviy muhandislik jihozlarini qoʻllash talablari kompleks xolda hisobga olinishi kerak. Ushbu meʼyorlar tabiiy iqlim sharoitlari xususiyatlarini va turar joy turlariga aholining maishiy ehtiyojini shuningdek nogironlarning hayotiy faoliyati sharoitlarini hisobga oladi. Ushbu meʼyorlar matnida havola qilinayotgan meʼyoriy hujjatlar 1-ilovada keltirilgan. Havola qilinayotgan meʼyoriy hujjatlar amaldagilar qatoridan chiqarilganda, ular oʻrniga kiritilgan meʼyorlarga amal qilmoq lozim.

Mazkur meʼyorlarning 1A-ilovada keltirilgan termin va atamalar, shuningdek, 1-ilovada keltirilgan meʼyoriy hujjatlarda qabul qilingan boshqa termin va atamalardan foydalanilgan.

Turar-joy uylar, yotoqxonalar, qariyalar va nogironlar internat uylarining qavatlar sonini, yashash va umumiy yuzalarini, qurilish hajmini hisoblab chiqish qoidalari 2-ilovada keltirilgan.

Ushbu meʼyorlarda majburiy talablar bilan bir qatorda tavsiyaviy qoidalar ham keltirilgan boʻlib, unda turar-joyning qulayligi boʻyicha asosiy sinflari (klasslari) aniqlangan: “oddiy (meʼyoriy)”, “yaxshilangan” va “yuqori”; turar joy qulayligi sinfi boʻyicha xususiyatlari va parametrlari 3-ilovada keltirilgan.

SanPin 0146-04 sanitariya-gigiyena normalariga muvofiq keluvchi turar joy qulaylik darajasi “oddiy (meʼyoriy)” sinfiga mos keladigan meʼyoriy parametrlarga rioya qilish majburiy boʻlib; “yaxshilangan” va “yuqori” klass qulaylikli turar-joy parametrlari xususiy qurilish uchun tavsiyaviydir.

2. UMUMIY KOʻRSATMALAR

Sanitariya-gigiyena talablari, yoritilganlik, insolyatsiya va shamollatish.

2.1. Turar joy binolari qurilishi va rekonstruksiya qilinishi ushbu shaharsozlik normalari va qoidalari (keyingi oʻrinlarda SHNQ deb yuritiladi) hamda Oʻzbekiston Respublikasi hududida amalda boʻlgan shaharsozlik faoliyatini texnik jihatdan tartibga solish sohasidagi normativ hujjatlar talablari asosida bajarilgan loyihalar boʻyicha amalga oshirilishi kerak.

Turar-joy binolarini loyihalashda odamlarning sogʻligʻi va hayotini saqlash, atrof-muhitni muhofazalash, uzoq vaqtga chidamlilik, taʼmirlashga yaroqlilik, energiya samaradorlik, shuningdek energiya tejamliligini taʼminlovchi choralar va boshqa talablar SHNQlarga muvofiq koʻzda tutilishi kerak.

2.2. Turar-joy binolarini shaharlar va qishloqlarning aholi yashash joylari hududlarida joylashtirish, yoʻnaltirish, ular bilan boshqa inshootlar orasidagi masofa, ularga qarashli yer uchastkalarining oʻlchami qurilish loyihalari boʻyicha hamda mos ravishda SHNK 2.01.01 va SHN 2.07.01 talablariga muvofiq oʻrnatilishi kerak.

2.3. Binolarning qavatliligi, uzunligi va kompozitsion-tarhiy yechimlari qurilish loyiha hujjatlari, ushbu SHNQ hamda yongʻin va seysmik xavfsizligi (SHNQ 2.01.02 va SHNQ 2.01.03) talablariga binoan aniqlanadi.

Qariyalar va nogironligi boʻlgan shaxslarni joylashtirish uchun ixtisoslashtirilgan kvartirali turar joy binolari hamda internat-uylari 3 qavatdan baland boʻlmasligi kerak.

2.4. Koʻpxonadonli va ixtisoslashtirilgan turar-joy binolari loyihalariga yashash xonadonlari va binolarning jamoat xonalaridan foydalanish boʻyicha yoʻriqnoma ilova qilinishi lozim. Uyning xonadonlari va xonalardan foydalanish boʻyicha yoʻriqnomalarda kvartiralar (egalari) va bino hajmi ichidagi xonalar ijarachilariga, shuningdek foydalanuvchi tashkilotlarga, ekspluatatsiya jarayonida xavfsizlikni taʼminlash uchun zarur boʻlgan maʼlumotlar, shu jumladan, asosiy konstruksiyalar va muhandislik tizimlari haqida maʼlumotlar, karkasning koʻrinmaydigan elementlari va uzellarining, koʻrinmaydigan oʻtkazgichlar va muhandislik tarmoqlarining joylanish sxemalari, shuningdek uy konstruksiyalari va elektr tarmogʻiga yuklanishlarning eng katta koʻrsatkichlari keltirilgan boʻlishi kerak. Ushbu maʼlumotlar ijro hujjatlarining nusxasi koʻrinishida taqdim etilishi mumkin. Bundan tashqari yoʻriqnoma yongʻin xavfsizligini taʼminlash tizimlarini saqlash va ularga texnik xizmat koʻrsatish qoidalarini va yongʻin vaqtida evakuatsiya qilish rejasini oʻz ichiga olgan boʻlishi kerak.

2.5. Koʻp xonadonli uylarda va maxsus uy-joylarda quyidagilarni koʻzda tutmoq lozim:

xoʻjalik-ichadigan suv, yongʻinga qarshi va issiq suv taʼminotini, kanalizatsiya va tarnovlarni — QMQ 2.04.01 va SHNQ 2.04.02 ga muvofiq; isitish va ventilyatsiya, tutundan muhofazani — QMQ 2.04.05 ga muvofiq;

meʼyoriy hujjatlar talablariga koʻra elektr yoritish, kuch elektr uskunasi, telefonlashtirish, radiolashtirish, televizor antennalari va qoʻngʻiroqli signalizatsiyani, shuningdek, avtomat yongʻin signalizatsiyasini, yongʻin vaqtida xabar berish va evakuatsiyani boshqarish tizimini, yongʻin boʻlinmalari va odamlarni qutqarish vositalarini tashishi uchun liftlarni;

bir xonadonli va birlashtirilgan (juftlangan) uylarda muhandislik tarmoqlari va uskunasi loyihalashga topshiriqda koʻzda tutiladi;

turar-joy binolari tomlarida eshittirishlarni birgalikda qabul qilish antennalarni va radioeshittirishning oʻtkazuvchi tarmoqlari stoykalarini oʻrnatishni koʻzda tutmoq lozim. Radio releli machtalar va minoralar oʻrnatish taqiqlanadi.

2.6. Turar-joy binolari shu tariqa loyihalanishi, qurilishi va jihozlanishi kerakki, unda yashovchilar xonadon va uy ichida harakatlanayotganida, shuningdek uyga kirish va chiqishda, uning qismlaridan va muhandislik jihozlaridan, uy tevarak-atrofidan foydalanishida jarohat olish xavfi boʻlmasligi kerak.

Turar-joy bino xonalari unga yomgʻir, qor-muz yoki yer-osti suvlari va foydalanish jarayonida favqulodda vujudga kelgan suvlarning kirishidan konstruktiv vositalar (tadbirlar) va texnik moslamalar bilan himoyalanishi kerak.

2.7. Binoning kiraverishidagi xona polining sathi kirish oldidagi trotuar sathidan kamida 0,15 m baland boʻlishi kerak.

Binolarda oʻtish va mashinada oʻtish yoʻlaklari SHNQ 2.01.03 dagi meʼyorlar boʻyicha va ushbu SHNQning 5.9-b. boʻyicha qilinadi.

2.8. Turar-joy binolarini loyihalash SanPiN 0146-04 va SHNQ 2.01.01 ga muvofiq qurilish-iqlimiy mintaqalashtirishga mos ravishda, mintaqa va mintaqa ostilar asosiy xususiyatlarini hisobga olgan holda amalga oshirilishi kerak:

I mintaqa — sahro iqlimi taʼsirida boʻlgan, oʻta noqulay yozgi sharoitga ega hududlardan iborat. I mintaqada ayniqsa yuqori davomli jazirama davrli IA va IB ostmintaqalar, havosi yuqori darajada changli IA, IB va IG ostmintaqalar ajratilgan, IG ostmintaqa sovuq qishi bilan ajralib turadi.

II mintaqa — togʻoldi vohalar, tabiiy-iqlimiy va landshaft sharoitlari nisbatan yaxshi boʻlgan vodiylar va yassitogʻli tumanlar.

III mintaqa — togʻli hududlar — oʻta noqulay ekstremal qishgi sharoitlari bilan ajralib turadi.

Oʻzbekistonning maʼmuriy tumanlari boʻyicha qurilish-iqlimiy zonalari va ostmintaqalari roʻyxati 4-ilovada keltirilgan.

I qurilish-iqlimiy mintaqada turar-joy binolarining arxitektura-tarhiy yechimlari istiqomatgohni yozgi jazirama, shuningdek shamol va changdan himoyalashni taʼminlashi kerak. Yashash xonalarini chang-toʻzon taʼsiridan himoyalangan hovli boʻshliqlariga ochilishini taʼminlaydigan, maksimal keng korpusli turar-joy uylarning ixcham qurshalgan(oʻralgan) yoki yarim qurshalgan(oʻralgan) kompozitsion-tarhiy yechimlarini qoʻllash tavsiya qilinadi; koʻpqavatli uylarda uy strukturasi ichiga “chuqur kiritilgan” oynavand peshayvonlar, kamqavatli uylarda esa yopiq hovlilar qoʻllash maqsadga muvofiqdir.

II qurilish-iqlimiy mintaqada arxitektura-tarhiy yechimlar iqlimning orombaxsh sharoitlaridan maksimal foydalanishga, shu bilan bir vaqtda istiqomatgohni ortiqcha jaziramadan himoyalashga qaratilgan boʻlishi kerak. Jaziramadan himoyalash soyabonlash, istiqomatgohni tashqi koʻkalamzor muhitga ochish, orombaxsh salqin shamollar yoʻnalishini hisobga olgan holda shamollatish hisobiga taʼminlanadi.

III qurilish-iqlimiy mintaqada arxitektura-tarhiy yechimni tanlashda yetakchi omil, bu istiqomatgohni qish davrida oʻta noqulay iqlim taʼsiridan himoyalashdir. Istiqomatgoh va peshayvonlar asosan janubiy (janubi-sharq, janubi-gʻarb) ufqqa qaratilgan, ixcham kompozitsion-tarhiy yechimlar qoʻllash maqsadga muvofiq boʻladi.

2.9. Shaxsiy uy-joylarni va koʻpxonadonli turar joylardagi xonadonlarni ularga bittadan oilani koʻchib kirishi shartidan kelib chiqib loyihalashtirilishi kerak. Istiqomatgoh maydonining hisobiy koʻrsatkichlari taʼminlanganlikning erishilgan darajasini, ijtimoiy-iqtisodiy shart-sharoitlarni, qurilishni resurs bilan taʼminlanganligini hisobga olgan xolda loyihalash topshirigʻi bilan oʻrnatiladi, lekin 1 odamga umumiy maydon 16 m2 dan, kreslo-aravachadagi nogironlar uchun esa, 23 m2 dan past boʻlmasligi kerak.

2.10. Yashash xonalari va oshxonalarni polidan shipgacha balandligini kamida 2,7 m qabul qilish lozim. Sanitar-gigiyena shart-sharoitlari boʻyicha poldan shipgacha eng maqsadga muvofiq balandlik 3 m boʻlib hisoblanadi. Xonalar balandligi loyihalash topshirigʻi bilan oʻrnatiladi.

Izohlar:

1. Uy qurilishi korxonalari buyumlaridan quriladigan uylarda hamma zonalar uchun balandlik 2,8 m deb qabul qilinishi mumkin (poldan shipgacha).

2. Yordamchi xonalar balandligini 2,4 m gacha pasaytirishga yoʻl qoʻyiladi.

3. Qayta tiklanayotgan binolarda, hamda mansarda qavatlarda yashash va yordamchi xonalar balandligi loyihalash topshirigʻi bilan oʻrnatishga yoʻl qoʻyiladi.

2.11. Yashash xonalarini yertoʻla qavatlarda joylashtirishga yoʻl qoʻyilmaydi.

Yangi qurilayotgan turar joy binolarining yarim yertoʻla (sokol) qavatlarida quyidagi shartlar bajarilgan hollarda yashash xonalarini joylashtirishga yoʻl qoʻyiladi:

yerosti suvlari yer sathidan 3 m va undan pastda boʻlgan hududlarda;

yarim yertoʻla (sokol) qavatining kamida 1/3 qismi yer sathidan yuqorida loyihalashtirilganda;

yarim yertoʻla (sokol) qavati xonalarining poldan shiftgacha boʻlgan balandligi 2,4 m dan kam boʻlmaganda;

yarim yertoʻla (sokol)dan oʻtuvchi gorizontal muhandislik tizimlar (tarmoqlar) yashash xonalarini inobatga olgan holda joylashtirilganda;

xonalarning tashqi devorlari va pollarida issiqlik himoyasi taʼminlanganda;

0331-16-son SanQvaN talablari bajarilganda;

yashash xonalaridan toʻgʻridan-toʻgʻri tashqariga chiquvchi derazalar oʻrnatilganda;

tabiiy yorugʻlik va insolyatsiya darajasining 22-fevraldan 22-oktabrgacha boʻlgan davrda 2 soatdan kam boʻlmagan darajasi taʼminlanganda;

havoning yaxshi aylanishi (mexanik ventilyatsiyasi) taʼminlanganda;

yarim yertoʻla (sokol) qavatidagi oshxona va sanitariya xonalari kanalizatsiya tizimi binoning umumiy kanalizatsiya tizimi sathidan yuqori joylashganda hamda qaytaruvchi klapan bilan jihozlanganda;

taom tayyorlash uchun elektr plitalardan foydalanilganda;

tabiiy va suyultirilgan gazlarda, yengil alangalanuvchi va yonuvchi suyuqliklarda hamda portlab yonish xavfiga ega boʻlgan boshqa moddalar va materiallarda ishlovchi qurilma va asbob-uskunalar koʻzda tutilmaganda.

Yarim yertoʻla (sokol)da yashash xonadonlari joylashtirilganda quyidagi evakuatsiya talablari taʼminlanishi lozim:

kirish eshiklari tashqi tomonga ochilishi hamda yongʻin xavfi vujudga kelganda odamlarni evakuatsiya qilish uchun kamida ikkita toʻgʻridan-toʻgʻri tashqariga chiquvchi joylari koʻzda tutilishi;

xonadonlar faqatgina yoʻlak tipida loyihalashtirilishi hamda kvartiradan evakuatsiya chiqish joyiga bittadan koʻp boʻlmagan burilish orqali yetib borilishini taʼminlanishi;

xonadonning chiqish eshigidan eng uzoqda joylashgan evakuatsiya chiqish joyigacha boʻlgan masofa 12 metrdan oshmasligi;

binoning yuqori qavatlari bilan yarim yertoʻla (sokol) qavatlarining zina kataklari toʻgʻridan-toʻgʻri bogʻlanmasligi;

har bir xonadondan oʻlchamlari 0,8 x 1,2 m dan kam boʻlmagan avariya chiqish joylari bilan taʼminlanishi;

avariya chiqish joylari odamlarni qutqarishga toʻsqinlik qiluvchi vositalar bilan toʻsilmasligi (metall panjara va boshqa turdagi toʻsiqlar).

Yarim yertoʻla qavatida joylashgan xonadonlarning foydali va yashash maydonlari loyihalarda 0,5 koeffitsiyent bilan hisobga olinadi.

2.12. Yashash xonalari, oshxonalar, oqovalashtirilmagan hojatxonalar, zinapoya boʻlmalari (xonadon ichidagidan tashqari), yoʻlakli tipdagi binolarda umumiy yoʻlaklar, vestibyullar, hamda bino ichiga joylashtirilgan jamoat xonalari tabiiy yoritishga ega boʻlishi kerak.

Tabiiy yoritishni SHNQ 2.01.05 ga muvofiq, SHNQ 2.01.04 talablarini hisobga olgan holda, xonalar uchun pol sathida tabiiy yoritilganlik koeffitsiyentining (TYOK) meʼyorlangan qiymatini 5-ilovaga muvofiq qabul qilib loyihalashtirish lozim. Bunda yorugʻlik proyomlari maydonini yashash xonalari va oshxona pollari maydoniga nisbati, odatda, 1:5,5 dan koʻp boʻlmasligi, minimal nisbati I va III mintaqalarda 1:10 dan va II mintaqada 1:8 dan kam boʻlmasligi kerak; mansarda qavatlari uchun yuqorida koʻrsatilgan nisbat hamma mintaqalarda 1:10 qilib qabul qilinishiga yoʻl qoʻyiladi.

Yoʻlakli tipdagi binolar umumiy yoʻlaklar derazasining yuzasi pol yuzasining 1/16 qismidan kam boʻlmasligi kerak.

Tashqi devordagi yorugʻlik proyomlari orqali bir chekkadan (toretsdan) yoritilganda, yotoqxonalar umumiy yoʻlaklarining uzunligi 24 m dan, ikki chekkasidan boʻlganda 48 m dan oshmasligi kerak. Yoʻlaklar uzunligi bundan koʻp boʻlsa, yorugʻlik karmonlari orqali qoʻshimcha tabiiy yoritish koʻzda tutilishi kerak. Ikki yorugʻlik karmonlari orasidagi masofa 24 m dan, yorugʻlik karmoni bilan yoʻlak oxiridagi (toretsdagi) yorugʻlik proyomi orasidagi masofa 30 m dan oshmasligi kerak. Yorugʻlik karmonining kengligi (eni) chuqurligining yarmidan kam boʻlmasligi kerak (yondosh yoʻlak kengligi hisobga olinmaydi). Yorugʻlik karmoni xizmatini oʻtashi mumkin boʻlgan zinapoya boʻlmasi orqali, uning ikki tomonida joylashgan yoʻlaklarni 12 m gacha yoritish mumkin.

Izoh: Yotoqxonalarda ikki kishilik yashash yacheykaning taxmon-oshxonasini va kichik gabaritli birxonali xonadonlardagi elektrplita va shamollatgich (tashqariga tortish) jihozli taxmon-oshxonalarni tabiiy yoritishsiz loyihalashga yoʻl qoʻyiladi.

2.13. Tabiiy yoritilgan xonalar framuga, darcha (fortochka) yoki boshqa qurilmalar orqali shamollatish bilan taʼminlanishi kerak.

Quyidagilarga yoʻl qoʻyiladi:

tik yoʻnalishda shamollatish (ventilyatsiya kanallari, shaxtalar orqali), bunda har bir shamollatish kanaliga faqat bitta kvartira biriktirilishi (ulanadi) kerak. Havoning bir kvartiradan boshqasiga oqib oʻtishiga yoʻl qoʻyilmasligi kerak;

havo almashish, odatda, issiqlikni rekuperativ utilizatorlarga ega mexanik shamollatgichlar qoʻllash hisobiga;

havo almashish, hojatxonalar va oshxonalar ventilyatsiya kanallari orqali mexanik ventilyatsiyani qoʻllab.

Bir tomonlama joylashgan bir va ikki xonali kvartiralarni oynaklanmagan xoll maydonchalar, zinapoya boʻlmasi yoki tashqariga ochiq kvartiradan tashqari xonalar orqali shamollatishga yoʻl qoʻyiladi.

Yoʻlakli (koridor) turdagi yotoqxona binolarida yashash xonalarini bevosita tabiiy yoritilgan va toʻgʻri yoki burchaklama shamollatiladigan, uzunligi 24 m gacha boʻlgan umumiy yoʻlaklar (koridorlar) orqali shamollatishga yoʻl qoʻyiladi.

2.14. Turar-joy binolarini tarhlanishi (planirovkasi), joylanishi va ufqqa nisbatan oʻrni yashash xonalarining 22-mart — 2-sentabr davrida uzluksiz davom etadigan insolyatsiyasi 2,5 soatdan kam boʻlmasligini taʼminlashi kerak; kun davomida insolyatsiyaning umumiy vaqti 0,5 soatga oshganda yashash xonalarini insolyatsiyasi bir marta uzilishiga yoʻl qoʻyiladi.

Bir-, ikki- va uch xonali xonadonlarda kamida bir xonada; toʻrt-, besh-, oltixonalikda- kamida ikki xonada insolyatsiyaning meʼyorlangan davomiyliligi taʼminlanishi kerak.

Yotoqxonalarda, odatda, yashash xonalarining kamida 60%, internat-uylar esa kamida 75% insolyatsiya qilinishi kerak.

Izoh: Turar-joy binolarini joylashishini, ufqqa nisbatan oʻrni, binolar oraligʻi SHNK 2.07.01 talablariga muvofiq boʻlishi kerak.

2.15. Turar-joy binolari ufqqa nisbatan noqulay joylashganda yashash xonalarini ortiqcha quyosh radiatsiyasi va isib ketishdan saqlash koʻzda tutilishi kerak. I va II mintaqalarda yashash xonalari derazalari ufqning gʻarbiy qismiga 200 — 290° oraligʻida qaratilmasligi kerak. Ufqning koʻrsatilgan qismiga: ikkixonali kvartirada — bitta xonani, uchxonalikda-ikkitagacha, yotoqxonalarda — oftobdan soyabon qurilmasi boʻlganda yoki maxsus oynaklangan boʻlsa, koʻpi bilan 25% yashash xonalari qaratilishiga yoʻl qoʻyiladi.

I va II mintaqalarda yashash xonalari ufqning 200 — 290° sektoriga qaratilganda oftobdan tashqi soyabon qurilmalari qoʻllanilishi kerak; turar joy qulayligi “yaxshilangan” va “yuqori” klassida oftobdan soyabon qurilmasi: I mintaqada — 70 — 290° oraligʻida, II mintaqada — 180 — 290° oraligʻida qoʻllanilishi tavsiya etiladi.

II mintaqada 1 — 4 qavatli binolarda oftobdan soyabon koʻkalamzorlash vositasi bilan taʼminlanadi. I mintaqada koʻkalamzorlash hisobiga erishiladigan oftobdan soyabon 2-qavatgacha boʻlgan binolarda samaralidir. IA va IG ostmintaqalarda sidirgʻa (yoriqlarsiz) soyabon tavaqalari qoʻllash tavsiya etiladi.

2.16. Tashqari muhitga ochilmaydigan zinapoya boʻlmalari har qavatda tashqi devordagi deraza orqali yoritilishi kerak; bunda deraza yuzasi 1,2 m2 dan kam boʻlmasligi kerak. Shamollatish har qavatdagi derazalarni ochish yoʻli bilan taʼminlanadi. Tepadan (zenitniy) yoritilgan L2 tipdagi zinapoya boʻlmasini 5.14-b. talablarini hisobga olgan holda 3-qavatgacha boʻlgan binolarda qoʻllashga yoʻl qoʻyiladi

2.17. Yongʻinga qarshi maqsadlar uchun moʻljallanmagan yozgi xonalar (peshayvonlar) oynavand qilib loyihalanishi kerak (balkon, terassa va hovlichalardan tashqari).

Qoʻshni seksiyalarga, tashqi (ochiq) zonalar, avariya vaziyatidagi chiqishlar (avariyniy vixod), tutun kirmaydigan zinapoyalar qoshidagi ochiq joydan oʻtish uchun ishlatiladigan yozgi xonalarni (balkonlar, lodjiyalar) oynaklashga yoʻl qoʻyilmaydi.

2.18. Yoʻl qoʻyilgan shovqin darajasi SHNQ 2.01.08 talablariga muvofiq va 6-ilovadagi koʻrsatkichlar boʻyicha qabul qilishi lozim.

2.19. Turar joylarni kriminal (jinoiy) xatti harakatlar va ularning oqibatlaridan himoya qilishga qaratilgan chora-tadbirlar, loyihalash topshirigʻida koʻzda tutiladi (derazalar, kirish eshiklari, chordoq, yertoʻla va boshqa xonalar eshiklariga himoya konstruksiyalari qoʻllash, qoʻriqlash signalizatsiyasi va nazorat tizimi (sistema) oʻrnatish, domofonlar, kodli qulflar, va b.).

2.20. Turar joy binolarining tomi va tom usti SHNQ 2.01.04 va SHNQ 2.03.10 ga muvofiq loyihalashtiriladi.

3. TURAR JOY UYLARI VA ULARNING TARKIBIY QISMLARI

Turar — joy uylarning tiplari

3.1. Turar-joy uylar quyidagi asosiy tiplarga boʻlinadi:

bir oilali (bir kvartirali), yer uchastkalarida alohida turuvchi;

juftlangan, 2 va undan koʻp kvartirali, har biridan kvartira qoshidagi yer uchastkasiga bevosita chiqiladi;

koʻpkvartirali (bir- va koʻpseksiyali, galereyali, seksiyali-galereyali, seksiyali-yoʻlakli (koridor).

Turar-joy uylar tiplarining tavsifi 1A-ilovada berilgan.

Turar-joy uylari va kvartiralar tiplari, kvartiralar xonalarining xoʻjalik — xizmat koʻrsatish (yordamchi) xonalar tarkibi va yuzalari aniq qurilish sharoiti uchun ushbu meʼyorlar va ijtimoiy-demografik talablar boʻyicha loyihalash topshirigʻi bilan belgilanadi (oʻrnatiladi).

3.2. Birxonadonli va juftlangan yer uchastkali xususiy turar joy uylarni loyihalashda SHNK 2.07.01 ga muvofiq istiqomatgoh qarorgohlarini shakllantirish talablari va parametrlari (yoʻlning qatnov qismi chetidan qoldiriladigan joy, uylar oraligʻi, uy va xoʻjalik qurilmalari oraligʻi, yoʻl qoʻyiladigan qavatlar soni insolyatsiya va b.) hisobga olinishi kerak.

3.3. Kam qavatli xususiy bir xonadonli uylar, yashash va xoʻjalik xonalar bloklarini kichik ochiq hovli atrofida joylashtirib loyihalashtirish mumkin, shuningdek xonalararo ochiq va yarim ochiq bogʻlovlar (bostirma, galereya (yoʻlak) qoʻllashga yoʻl qoʻyiladi.

Turar joy uyning tarhiy tuzilishini, juftlab (yopishtirib) yoki ustiga yashash va yordamchi xonalar qurish hisobiga oʻzgartirishga yoʻl qoʻyiladi; bu holda zilzila va yongʻin xavfsizligi talablari, sanitariya-gigiyena meʼyorlari hisobga olinishi; qoʻshni turar joy uyning insolyatsiya rejimi yomonlashmasligi kerak.

Uchastkalarda yordamchi xonalar va inshootlarni loyihalashda SHNK 2.07.01 va ushbu SHNQ (3,15 va 3,16-b.b.) talablarini hisobga olish kerak.

Izohlar: 1. Bir xonadonli xususiy quriladigan uylar loyihasi, shu jumladan xonalar bloklarini qoʻshib qurish loyihasi ushbu SHNQ talablariga muvofiq ishlanadi.

2. Xizmat koʻrsatuvchi kichik korxonalar bloki va xususiy tadbirkorlik ustaxonalarini yopishtirib (juftlab) qurish loyihalari shaharsozlik normalari va qoidalariga (SHNQ 2.07.01 va SHNQ 2.08.02) muvofiq boʻlishi kerak.

3.4. Juda zich aholili shahar qurilishi uchun bloklangan kam qavatli turar-joylarni oʻzaro bogʻliq turar-joy guruhlar koʻrinishida loyihalash, ushbu meʼyorlar va SHNK 2.07.01 talablarini hisob olib amalga oshirilishi kerak; bu holda ochiq hovlilarning yuzasi 3-xonali xonadon uchun — 30 m2; 6-xonali xonadonlar uchun — 60 m2 dan kam boʻlmasligi kerak.

3.5. Koʻpxonadonli turar-joy uylar ushbu meʼyorlar qoidalariga muvofiq va SHNK 2.07.01 shaharsozlik loyihasi talablariga muvofiq loyihalashtirilishi kerak. Turar-joy uylarni kompozitsion-tarhiy (hajmiy-tarhiy) yechimlari energiya tejamkorlik va energiya samaradorlik tamoyillarini hisobga olishi, yashash uchun qulay sharoitlarni, koʻkalamzorlashtirilgan yondosh maydonlar bilan bogʻliqlikni taʼminlashi kerak. Hovli boʻshliqlarining aeratsiyasi uchun qurilish boʻlmagan maydonlar, ikki yoqlama ochiq piyoda va avtomobil oʻtish yoʻlaklari koʻzda tutilishi mumkin. Bu xolda yashash hovlilar tranzitdan ajratilgan boʻlishi kerak. Koʻpxonadonli uylarning 1-qavatlaridan shaharsozlik loyihasiga muvofiq xonadonlarga tegishli yer uchastkalariga chiqish joylarini (20 — 50 m2) koʻzda tutishga yoʻl qoʻyiladi.

3.6. Transport harakati serqatnov magistral va katta koʻchalar boʻylab joylashtiriladigan, “magistral” va “aksentli” deb ataladigan turar-joy uylarni, shovqin, chang, qizishdan tarhiy, konstruktiv choralar (usullar) bilan himoyalanishni taʼminlaydigan qilib loyihalash kerak. Bu holda yashash xonalari va asosiy yozgi xonalarni (ayvonlar) magistralga qaratilishini (chiqishini) cheklab, ularni obodonlashtirilgan koʻkalamzor yashash hovlilarga ochilishini taʼminlash kerak.

Izohlar: 1. Xonadonlarning magistralga oʻgirilgan yashash xonalari “shovqindan himoyalovchi” maxsus konstruksiyali derazalar bilan jihozlangan boʻlishi kerak.

2. Turar-joylarni magistrallarning salbiy taʼsiridan himoyalash ekranlar, toʻsqich, tavaqali darchalar, qalin himoya koʻkalamzorlash (mahalliy sharoitlar boʻyicha) hisobiga amalga oshiriladi.

3. Magistral va koʻchalar qatnov qismidan turar-joy uygacha masofa SHNK 2.07.01 boʻyicha qabul qilinadi

Kvartiralar (xonadonlar)

3.7. Turar-joy maydonining ijtimoiy meʼyorlarini hisobga olib, fuqarolarga beriladigan kvartiralarda yashash xonalari va yordamchi xonalar: oshxona, dahliz, vanna xona (yoki dush boʻlmasi), hojatxona (yoki bir xonaga joylashgan sanuzel), omborxona (yoki devor ichiga qurilgan xoʻjalik shkaflari) koʻzda tutilishi kerak. Shuningdek, yozgi xonalar(ayvonlar) qurish tavsiya etiladi. Kvartiralar maydoni 1 jadval va 7-ilova (1-jadv.) koʻrsatkichlarini hisobga olib qabul qilinadi.

1-jadval

Kvartiralar tipi Oila tarkibi, odam Kvartira maydoni* (yozgi xonalarsiz), m2 Shu jumladan yashash maydoni, m2 1-xonali 1-xonali 2-xonali 3-xonali 4-xonali 5-xonali 6-xonali 1 2 3 4 5 6 7(8) 28 — 30 32 — 36 48 64 80 96 114 14 — 16 18 — 20 30 40 53 66 78

* Kvartiralarning meʼyorlanadigan maydoni (yozgi xonalarsiz va sovuq kladovkalarsiz) yashash va yordamchi xonalarni oʻz ichiga oladi.

Izohlar:

1. Jadvalda berilgan raqamlar, shahar va qishloq joylardagi “ijtimoiy” kvartirali turar-joylarning barcha turlariga taalluqlidir. Kvartiralar maydoni 1 yashovchiga yashash maydon 16m2 boʻlgan ijtimoiy meʼyor hisobidan keltirilgan (1 odamga 1 xonalidan tashqari).

2. Konkret (aniq) shaharsozlik sharoitlarida kvartiralarining tarkibi va maydon koʻrsatkichlari, ijtimoiy-iqtisodiy holatni, aholi tarkibining demografik xususiyatlarini, qurilishning resurs bilan taʼminlanganligini hisobga olib, loyihalash topshirigʻi bilan belgilanadi. 3 avloddan tashkil topgan murakkab oilalar uchun xonalar tarkibi va maydonlari (qariyalar va kreslo-aravachalardagi nogironlar ehtiyojlarini hisobga olgan holda) loyihalash topshirigʻiga koʻra oʻrnatiladi.

3.8. 1 odam uchun kvartirada xona maydoni 14 m2 dan, 2 odam uchun 18 m2 dan kam boʻlmasligi kerak.

2-3 xonali kvartiralarda umumiy xonaning maydoni 16 m2 dan kam boʻlmasligi kerak.

Yotoqxona yashash xonasi maydoni 2 kishi uchun 12 m2 dan kam boʻlmasligi kerak, ota-onalar yotoqxonasi uchun 13-14 m2 tavsiya qilinadi. 1 kishilik yotoqxona xonasi 8 m2 dan kam boʻlmasligi kerak, qayta-tiklash (rekonstruksiya sharoitida), mansarda qavatida joylashtirilganda esa 7 m2 ga yoʻl qoʻyiladi (kvartirada boshqa yashash xonalari mavjud boʻlganda).

Kvartiralarning barcha turlarida yotoqxona va alkovlar orqali boshqa xonalarga oʻtiladigan boʻlmasligi kerak.

Oshxona maydoni, odatda, 8 m2 dan kam boʻlmasligi kerak.

Qayta-tiklash sharoitida bir xonali kvartiralar uchun oshxonalar va taxmonsimon oshxonalarni 5 m2 qilib loyihalash mumkin.

I qurilish — iqlimiy zona sharoitida 1 kishiga yotoqxona-yashash xonasi 9-10 m2 boʻlishi, 2 kishiga esa 14 m2 dan kam boʻlmasligi, 1 xonali kvartirada yashash xonasi 16 — 18 m2 boʻlishi kerak.

Izohlar:

1. Kvartiralar yashash va yordamchi xonalarining oʻlchamlari jihozlar zaruriy toʻplami va ergonomika talablarini hisobga olgan holda aniqlanadi. Yotoqxonaning eni, odatda, 2,2 m dan, umumiy xonaniki esa — 3 m dan kam boʻlmasligi kerak.

2. Yaxshilangan va yuqori qulaylikli kvartiradagi xonalarning maydonlari: mehmonxona, yemakxona, kabinet (kutubxona), bolalar xonasi (oʻyinlar uchun), mashq qilish (trenajer) xonasi, bilyard xonasi, xoʻjalik kladovkasi, ichkariga qurilgan garajlar, xususiy (shaxsiy) ustaxona va b. loyihalash topshirigʻi bilan aniqlanadi.

3. Alohida isitish qozoni uchun xona 5 m2 dan kam boʻlmasligi kerak.

3.9. Fuqarolar yoki tashkilotlar shaxsiy mablagʻlari hisobiga quriladigan, nodavlat turar-joy fondining turar-joy uylari, oddiy, yaxshilangan va yuqori qulaylikli kvartiralarni oʻz ichiga olishi mumkin. Turli qulaylik darajasiga ega turar-joylarning xususiyatlari va parametrlari 3-ilovada keltirilgan Yaxshilangan qulaylikli kvartiralar 1 yashovchiga umumiy maydon 23 m2 dan kam boʻlmasligi, yuqori qulayliklikka ega boʻlganida esa, 1 kishiga 30 m2 dan kam boʻlmasligi hisobidan va har bir oila aʼzosining alohida xona bilan taʼminlanishini hisobga olgan holda loyihalashtiriladi.

Izoh: Yaxshilangan va yuqori qulaylikli kvartiralar xonalari tarkibi va maydonlari 7-ilova (2-jadv.) koʻrsatkichlarini hisobga olgan holda, muhandislik uskunalari bilan jihozlanishini esa, 14-ilova boʻyicha qabul qilinishi tavsiya qilinadi.

3.10. Oshxona eni, jihozlar bir tomonda joylashganda 1,7 m dan; ikki tomonida joylashganda — 2,2 m dan; dahliz eni, odatda, 1,4 m dan, kvartira ichi yoʻlaklari: yashash xonalariga olib boruvchi — 1,1 m dan, yordamchi xonalarga olib boruvchi — 0,9 m dan kam boʻlmasligi kerak.

3.11. Yozgi xonalar — ayvonlar, balkon, lodjiyalar, qavatlardagi kvartiralarga yondosh hovlilar loyihalash topshirigʻida koʻzda tutiladi.

Avariya-evakuatsiya chiqishlari bilan qoʻshilgan yozgi xonalar mazkur meʼyorlarning 5.24 bandiga muvofiq bajarilishi kerak

3.12. Kvartiralarning sanitariya-gigiyena xonalari ushbu meʼyorlarning 9.6-b boʻyicha sanitariya-gigiyena asbob-uskunalari bilan jihozlanganlik talablarini hisobga olgan holda loyihalashtirilishi kerak.

Hojatxonalar qoʻlyuvgichlari bilan loyihalanib, eni, odatda 1,6 m dan, birlashtirilgan sanuzellarniki esa — 2,2 m dan kam boʻlmasligi kerak.

Izohlar:

1. Birlashtirilgan hojatxonalar kichik yoki yuz-qoʻlyuvgichga ega hojatxonali yoki yotoqxona xonalar qoshida bir nechta birlashtirilgan hojatxonalari boʻlgan katta kvartiralarda qoʻllanadi.

2. Kir yuvish mashinalari uchun joyni vannaxona yoki birlashtirilgan hojatxonalarda, 0,45 x 0,75 m hisobida koʻzda tutilishi tavsiya qilinadi.

3.13. Kreslo-aravachadagi nogironlar yotoqxonasidan tashqari, oshxona va yashash xonalaridan unitazli xonalarga bevosita kirishga yoʻl qoʻyilmaydi; yuqori qulaylikli turar-joy yotoqxonalardan kirishga yoʻl qoʻyiladi (loyihalash topshirigʻi boʻyicha).

Quyidagilarni joylashtirishga yoʻl qoʻyilmaydi:

hojatxona va vanna (yoki dush) xonalarini bevosita yashash xonalari tepasiga;

oshxonalarni bevosita yashash xonalari tepasiga (ostiga).

Jihozlar va quvurlarni(truboprovod) bevosita kvartiralarni ajratadigan devorlarga, yashash xonalarining pardevorlariga oʻrnatishga yoʻl qoʻyilmaydi.

Xoʻjalik xonalari va imoratlari

3.14. Koʻp kvartirali turar joy binolarining birinchi (yoki yarim yertoʻla (sokol) qavatida, supurish-sidirish anjomlarini saqlash uchun rakovinali omborlar koʻzda tutilishi kerak.

Yertoʻla va yarim yertoʻla (sokol) qavatlarda, texnik qavatdan tashqari uyda yashovchilar uchun xoʻjalik omborlarini joylashtirishga yoʻl qoʻyiladi. Omborlar joylashtirilgan qavatdan chiqish yongʻin xavfsizligi talablarini (SHNQ 2.01.02) hamda loyihalashning ushbu SHNQ talablarini hisobga olgan holda (6.13, 6.14-b) koʻzda tutilishi kerak.

3.15. Kamqavatli birkvartirali turar-joy uylarda ichiga, juftlab (yopishtirib) qurilgan va alohida turuvchi xoʻjalik xonalari va shaxsiy mehnat faoliyati uchun xonalar koʻzda tutilishi mumkin, ularning maydonlari loyihalash topshirigʻi bilan belgilanadi.

Parranda va mol saqlash uchun qurilmalar, oqovalashtirilmagan hojatxonalar va dush xonalar turar-joy uylariga yopishtirib (juftlab) qurilmasligi kerak, ular sanitariya-gigiyena va SHNK 2.07.01 boʻyicha yongʻinga qarshi talablarini hisobga olib joylashtirilishi kerak.

Izohlar:

1. Yordamchi va xoʻjalik xonalarining tahminiy maydonlari 8-ilovada keltirilgan.

2. Xoʻjalik xonalari va qurilmalarining balandligi, odatda, 2,4 m dan kam boʻlmasligi kerak.

3.16. Birkvartirali va bloklangan turar-joy uylarda ichiga quriladigan garajlarga (tahminan 3 x 6 m hisobida) yoʻl qoʻyiladi.

Ichiga qurilgan garaj boshqa xonalardan I-tip yongʻinga qarshi pardevor bilan va III-tip yongʻinga qarshi qavatyopma bilan ajratilishi kerak.

Garaj tepasida boshqa xonalar derazalari joylashganda, darvoza tepasiga himoya soyabon koʻzda tutilishi kerak.

Izoh: Avtomobil saqlaydigan, yopiq, hovli ichkarisiga oʻtiladigan joyning eni 3 m dan kam boʻlmasligi kerak.

4. IXTISOSLASHTIRILGAN TURAR JOYLAR

Yotoqxonalar

4.1. Oʻquvchi, talaba, yolgʻiz va kichikilalilarni vaqtincha yashash uchun yotoqxonalarni 2-jadvaldagi koʻrsatkichlarga muvofiq loyihalash lozim.

2-jadval

Yotoqxonalar tipi Binolar sigʻimi, oʻrin 1 yashovchiga yashash maydoni, m2/od. Sigʻimi, oʻrin xonada yashash yacheykasida* I — oʻrta maxsus va professional taʼlim muassasalari talabalari uchun 100 — 600 6-7 (I a va I g ostmintaqalar uchun — 8) 2-3 4 — 12 (20 gacha mumkin) II a — OOʻYU talabalari uchun 100 — 1000 4,5 — 6 (I a va I g ostmintaqalar uchun — 9) 2 — 6 (4 — 8) 4 — 8 (10 — 12 gacha mumkin) II b — OOʻYU aspirantlari, ishchi va xizmatchilar uchun 100 — 1000 7-8 (I a va I g ostmintaqalar uchun — 9) 1-2 (3) 2 — 6 (8 — 10 gacha mumkin) III — kichik oilalilar uchun (bolali) 50 — 400 shuning oʻzi 2-3 2-3 (kvartira tipida)

* Yashash yacheykasi, yashash xonalari va yordamchi xonalar (dahliz, hojatxona, oshxonalar)ni oʻz ichiga oladi.

Izoh: Yotoqxonalar va yashash yacheykalari sigʻimi loyihalash topshirigʻida mahalliy sharoitlarga qarab belgilanadi. Oqovalashtirilmagan hududlarda yotoqxonalar sigʻimi 50 oʻrindan oshmasligi kerak.

4.2. Yashash xonalari 2-jadvalda koʻrsatilgan maydon koʻrsatkichlari bilan 3 kishigacha yashashi hisobidan loyihalanishi lozim.

Xonalar oʻtilmaydigan (neproxodnoy) boʻlib, eni 2,2 m dan kam boʻlmasligi kerak. Har bir yashovchiga, yuzasi kamida 0,5 m2 li, devor ichiga qurilgan shkaf (yashash xonasi yoki dahlizda) koʻzda tutilishi kerak. Bir kishilik xona yuzasi 8 m2 dan, I a va I g ostmintaqada — 9 m2 dan kam boʻlmasligi kerak. Bir bolali ota-onalarning vaqtincha yashashi uchun xona yuzasi 20 m2 dan kam boʻlmasligi kerak.

Yashash xonalari yordamchi xonalari (dahliz, dushli hojatxona, oshxona yoki taxmonsimon oshxona) boʻlgan yashash yacheykalariga jamlanadi. Kichik oilalarning vaqtincha yashashi uchun kvartira tipidagi — bir xonali kvartiralar koʻzda tutiladi.

Sanitariya-gigiyena jihozlari 9.7-bandni hisobga olgan holda koʻzda tutilishi kerak. 3 va undan ortiq kishiga moʻljallangan yashash yacheykalarida yuz-qoʻl yuvgichli hojatxona va dush; 2 kishilikda esa, birlashtirilgan sanuzel koʻzda tutilishi lozim.

Izoh: Qavatda sanitariya boʻlmasi umumiy boʻlganida, ayollar sanitariya boʻlmasida shaxsiy gigiyena kabinasi — 3 m2 (bide, unitaz, qoʻlyuvgich) koʻzda tutilishi kerak

4.3. Barcha tipdagi yotoqxonalarning birinchi qavatida loyihalash topshirigʻi boʻyicha, kreslo-aravachalardagi nogironlar uchun yashash yacheykalari koʻzda tutilishi lozim. Kreslo-aravachadagi 1 nogiron uchun yashash xonasi 14 m2 dan, 2 kishiga — 18 m2 dan kam boʻlmasligi kerak. Kreslo-aravachalardagi nogironlar xonalari jihozlarini amaldagi meʼyorlar (SHNQ 2.07.02) boʻyicha qabul qilish lozim.

4.4. Barcha tipdagi yotoqxona (I tipdan tashqari) yashash yacheykalarida, maydoni kamida 5 m2 li; yashovchilar soni 7 va ortiq boʻlsa — 1 kishiga 0,9 m2 hisobidan oshxona va taxmonsimon oshxonalar koʻzda tutilishi lozim. 25 tagacha yashovchilar uchun umumiy oshxona boʻlishi mumkin.

Oʻquv binosi oshxonasida ovqatlanish tashkil qilingan oʻrta maxsus oʻquv yurtlari oʻquvchilariga moʻljallangan yotoqxonalarda oshxona oʻrniga yashash guruhiga kub xonalari (5 m2) koʻzda tutiladi.

4.5. Oʻrta-maxsus va professional taʼlim muassasalari talabalari uchun I tip yotoqxonalarda 50 kishilik yashash guruhi tarkibida yashash yacheykalarini xonalarning quyidagi tarkibi bilan toʻplash (tuzish)ni koʻzda tutish lozim:

tarbiyachi xonasi (8 m2);

dam olish va oʻquv mashgʻulotlari xonasi (30 m2 dan 2 ta);

kiyim yuvish, quritish va dazmollash xonasi (8 m2);

oshxona-kutubxona (5 m2).

Sanab oʻtilgan xonalarning jami maydoni 1 kishiga 1,6 m2 hisobidan qabul qilinishi kerak. Loyihalash topshirigʻi boʻyicha ish kiyimi va poyabzalini saqlash uchun qoʻshimcha xona (8 — 10 m2) koʻzda tutilishi tavsiya etiladi.”.

4.6. Yolgʻizlar uchun yotoqxonalarda yozgi xonalar har bir qavatda, odatda, jamoat xonalari qoshida yoki xollarda, (tahminan 1 yashovchiga 1 m2 hisobidan) koʻzda tutilishi kerak. Kichik oilalar yotoqxonalarida yozgi xonalar yashash yacheykalar qoshida koʻzda tutiladi (1 yashovchiga 2 m2 hisobidan, lekin 5 m2 dan kam emas).

4.7. Jamoatchilik xonalari (dam olish va muloqot, oʻquv mashgʻulotlari va ommaviy tadbirlar uchun, medpunkt, izolyator) odatda, binoning yer ustki qavatlarida joylashishi kerak. Yertoʻla va yarim yertoʻla (sokol) qavatlarda SHNQ 2.08.02 ga muvofiq kir saqlash, asbob-uskunalar, sport anjomlari, omborlari, taʼmirlash ustaxonalari, xoʻjalik va texnik hamda baʼzi jamoat xonalarini joylashtirish mumkin.

Jamoat xonalarining tarkibi va maydonlari 3-jadval boʻyicha solishtirma hisobiy koʻrsatkichlarni (1 kishiga m2) va 9-ilova koʻrsatkichlarini hisobga olgan holda loyihalash topshirigʻi bilan oʻrnatiladi.

3-jadval

Maxsus turar joy tipi Maydon, m2, 1 kishiga, yashovchilar sonida, kishi 50 100 200 300 — 500 600 — 800 Yotoqxona oʻquvchilar uchun 2,6 2,5 2,5 2,5 2,5 talabalar uchun 2,5 2,4 2,4 2,4 2,4 aspirantlar uchun 2,6 2,5 2,5 2,5 2,3 ishchi va xizmatchilar 2,3 2,2 2,2 2,0 1,8 Kichik oilalar yotoqxonasi 1,5 1,3 1,2 1,1 -

Izohlar:

1. Oʻquv yurtlari yotoqxonasi jamoat xonalari maydonining meʼyori tarkibida yashash guruhining jamoat xonalari va butun binodagi jamoat xonalari hisobga olingan.

2. Bolali oilalar vaqtincha yashaydigan yotoqxonalarda va vestibyulda aravachalar saqlash va bolalarni qisqa muddat boʻlishlari uchun xona (sanitariya xonalari bilan kamida 15 m2) koʻzda tutish tavsiya qilinadi.

Qariya va nogironlar uy-internatlari

4.8. Uy-internatlar sigʻimi, xonalar maydoni va tarkibi ijtimoiy taʼminot tashkilotlari topshirigʻi bilan tahminan 50 dan to 200 — 300 oʻrinli (ijtimoiy-iqtisodiy asoslash boʻyicha) qilib belgilanadi,.

Yashash xonalarini 1 va 2 oʻringa loyihalash lozim, shu jumladan:

bir oʻrinli — maydoni 10 m2, kreslo-aravachadagi nogiron uchun — 14 m2;

ikki oʻrinli — maydoni 16 m2, kreslo-aravachadagi nogironlar uchun — 18 m2.

Yashash xonalari yashash yacheykalariga (dahliz va sanitariya boʻlmalari bilan) birlashtiriladi, ular oʻz navbatida yashash guruhlar yoki boʻlimlarga jamlanadilar. Yashash yacheykasining sigʻimi 2 — 4 oʻrin hisobidan qabul qilinadi.

Izohlar:

1. Doimiy parvarishga muhtoj va yotgulik (yotib qolgan) shaxslar yashash xonalarini SHNQ 2.08.02. boʻyicha davolash muassasalari kasalxona va statsionlarlari palatalari uchun meʼyorlar boʻyicha loyihalashtirish lozim.

2. Yashash xonalari qoshida dushi bilan sanitariya boʻlmalari koʻzda tutiladi; yashash guruhi (10 — 15 yashovchi) hisobidan umumiy dush va vanna xonalari koʻzda tutilishi mumkin.

4.9. Uy-internatlarda:

yashash guruhi yoki boʻlimlari umumiy maishiy xonalari;

butun bino hisobidan xizmat koʻrsatish xonalari (oshxona va ovqatlanish, madaniy-maishiy va tibbiy, xizmatchi — xoʻjalik, davolash — mehnat) koʻzda tutilishi kerak.

Jamoat xonalari maydonlari loyihalash topshirigʻi boʻyicha 1 yashovchiga 9-10 m2 hisobidan 10-ilovani hisobga olgan holda qabul qilinadi.

4.10. Boshi berk yoʻlakka chiquvchi xonalarning umumiy sigʻimi 30 kishidan oshmasligi kerak.

Qariyalar va kreslo — aravachada nogironi bor oilalar uchun ixtisoslashtirilgan kvartiralar

4.11. Qariyalar va kreslo-aravada nogironi bor oilalar uchun kvartirali uylarni amaldagi imtiyozli koʻchib kirish ijtimoiy meʼyorlariga muvofiq loyihalashtirish kerak. Loyihalash topshirigʻi boʻyicha kvartiralar tipi, xonalar maydoni va tarkibi oʻrnatiladi.

Qariyalar va kreslo-aravachada nogironi bor oilalar kvartirasi xonalarini tahminiy tarkibi va maydoni 11-ilovada keltirilgan.

4.12. Bir xonali kvartira yashash xonasining maydoni 16 m2, 2 kishiga 18 — 20 m2 boʻlishi kerak. Ikki xonali kvartirada umumiy xona 16 m2 dan, kreslo-aravachada nogironli kvartirada 18 m2 dan kam boʻlmasligi kerak.

Yotoq xonalari maydoni: bita qariyaga — 10 m2, bita nogironga — 14 m2, ikki qariya er-xotinga — 16 m2, kreslo-aravachada nogiron er-xotinga — 18 m2 dan kam boʻlmasligi kerak.

Oshxona 8 m2 dan, eni 1,8 m dan kam boʻlmasligi kerak. Nogironlar oilasi kvartirasi oshxonasining eni 2,2 m dan kam boʻlmay, oshxona yuzasi oʻrtasida aravacha harakatlanishi uchun 1,4 x 1,4 m li joy (zona) koʻzda tutilishi kerak.

Kreslo-aravachada nogironli kvartira dahlizining eni 1,8 m dan, ichki yoʻlaklar eni — 1,35 m dan, eshiklar eni 0,9 m dan kam boʻlmasligi kerak;

Nogironlar oilasi kvartirasida yozgi xonalarning eni 1,6 m, yuzasi 8 m2 dan kam boʻlmasligi kerak.

Kreslo-aravachada nogironi bor oilalar kvartirasi dahlizida kreslo-aravacha saqlanadigan joy (0,9 x 1,5 m) koʻzda tutilishi kerak.

4.13. Kvartiralar sanitariya-texnika jihozlari 9.6-b.ga muvofiq, hojatxona birlashtirilgan sanitariya boʻlmalari xonalari oʻlchamlari 3.12-b.ga muvofiq qabul qilinishi kerak.

Nogiron yotoq xonasi qoshidagi sanuzel kamida 2,2 x 2,2 m qilib loyihalanadi, jihozlari SHNQ 2.07.02 boʻyicha qabul qilinadi, kirishlar yotoq xonasidan va ichki yoʻlakdan (yoki dahlizdan) koʻzda tutiladi.

4.14. Qariyalar va nogironlar oilalari uchun moʻljallangan kvartirali uylarda jamoat xizmat koʻrsatish xonalari loyihalash topshirigʻi boʻyicha 1-yashovchiga 1,5 — 2,5 m2 hisobidan qabul qilinadi; ichkariga qurilgan xizmat koʻrsatish xonalarining tahminiy tarkibi 12-ilovada keltirilgan.

Izoh: Nogironlarni uyda yoki jamoat boʻlib ishlashi uchun ustaxonalar loyihalash topshirigʻi boʻyicha koʻzda tutiladi.

5. YONGʻIN XAVFSIZLIGI, EVAKUATSIYA YOʻLLARI

5.1. Turar-joy binolarni loyihalashda ushbu meʼyorlar va SHNQ 2.01.02 talablarini, shu jumladan funksional yongʻin xavfi boʻyicha binolar klassifikatsiyasi hisobga olinishi kerak.

f1.1 — qariyalar va nogironlar uy-internatlari;

f1.2 — yotoqxonalar;

f1.3 — koʻpkvartirali turar-joy uylar, shu jumladan qariyalar va nogironlar uchun kvartirali uylar;

f1,4 — birkvartirali va bloklashtirilgan turar-joy uylar.

Kvartirali turar-joy binolarning yoʻl qoʻyilgan balandligi va yongʻinga oid boʻlinma chegarasidagi qavat yuzasi oʻtga chidamlilik darajasi va konstruktiv yongʻin xavfi klassiga qarab 4-jadvalga muvofiq qabul qilinadi.

4-jadval

Binoning oʻtga chidamlilik darajasi Binoning konstruktiv yongʻin xavflilik klassi Binoning yoʻl qoʻyilgan eng katta balandligi, m Qavatning yongʻinga oid boʻlinmasining yoʻl qoʻyilgan eng katta yuzasi, m2 I, II SO 50 2500 II SI 28 2200 III SO SI 22 16 1800 1600 IV SO CI C2 5 3 5 3 5 3 1000 1400 800 1200 500 900 V meʼyorlanmaydi 5 3 500 800

Izohlar:

1. Binoning isitilmaydigan juftlangan imoratlari oʻtga chidamlilik darajasini, binoning isitiladigan qismining oʻtga chidamlilik darajasi boʻyicha qabul qilish lozim.

2. Shamolning oylik oʻrtacha tezligi 4 m/sek va undan yuqori hududlarda, jadval koʻrsatkichlari 0,7 koeffitsiyent bilan qabul qilinadi.

Bino balandligi, ustki texnik qavat hisoblanmaganda, yuqorigi qavatning joylashish balandligi bilan aniqlanadi, qavatni joylashish balandligi esa, oʻt oʻchirish mashinalari yuradigan yuza sathi bilan, tashqi devordagi ochiladigan deraza tagi sathining farqi bilan aniqlanadi.

5.2. Qariyalar va nogironlar oilasiga moʻljallangan kvartirali uylar, qariyalar va nogironlar uy-internatlarini oʻtga chidamlilik darajasi II dan past boʻlmasligi kerak.

5.3. Yotoqxona binolarida yongʻinga qarshi devorlar oraligʻidagi qavatning yuzasi va binoning eng katta balandligi oʻtga chidamlilik darajasi va konstruktiv yongʻin xavfliligi klassiga qarab: seksiya tipidagi turar-joy binolardagi yotoqxonalar uchun — 4-jadval boʻyicha, yoʻlakli tipdagi binolardagi yotoqxonalar uchun esa — 5-jadval boʻyicha qabul qilinishi kerak.

5-jadval

Binoning oʻtga chidamlilik darajasi Binoning konstruktiv yongʻin xavflilik klassi Binoning yoʻl qoʻyilgan eng katta balandligi, m Qavatning yoʻl qoʻyilgan eng katta yuzasi, m2 I, II CO SI 28 16 2500 1000 III CI CI 15 9 1000 1200 IV, V Meʼyorlanmaydi 3 400

IV va V oʻtga chidamlilik darajasiga ega yotoqxona binolarining yongʻin boʻlinmalarini, ikkitadan ortiq yongʻin boʻlinmalari toʻsilganda, 2-tipdagi yongʻinga qarshi devor bilan ajratishga yoʻl qoʻyiladi.

5.4. I, II va III olovbardoshlik darajasidagi binolarda yuk koʻtaruvchi elementlarning talab qilinadigan olovbardoshlik chegarasini taʼminlash uchun konstruktiv yongʻindan himoyalashni qoʻllashga yoʻl qoʻyiladi.

I, II va III olovbardoshlik darajasidagi binolarda seksiyalararo devor va pardevorlar, boshqa xonalardan umumiy yoʻlakni ajratuvchi pardevorlar kamida YEI45, IV olovbardoshlik darajasidagi binolarda — kamida YEI15 olovbardoshlik chegarasiga ega boʻlishlari kerak .

I, II va III olovbardoshlik darajasidagi binolarda kvartiralararo yuk koʻtaruvchi devor va pardevorlar kamida YEI30 olovbardoshlik chegarasiga va KO yongʻin xavfi klassiga, IV olovbardoshlik darajasidagi binolarda — kamida YEI15 olovbardoshlik chegarasiga va K1 dan past boʻlmagan yongʻin xavfi klassiga ega boʻlishlari kerak.

Xonalararo pardevorlarning (shu jumladan shkafli, yigʻilib-ajraluvchi, eshikli va suriladigan) yongʻin xavfi klassi meʼyorlanmaydi.

5.5. I, II va III olovbardoshlik darajasidagi galereyali (binoning old tomonida uzun umumiy yoʻlakli) uylar galereya (uzun ayvon, yoʻlak)lari konstruksiyalarining R belgisi boʻyicha olovbardoshlik chegarasi binoning qavatyopmalari uchun qabul qilingan qiymatlarga mos boʻlishi va KO yongʻin xavfi klassiga ega boʻlishi kerak. IV olovbardoshlik darajasidagi binolarda galereyalar konstruksiyalari kamida R15 olovbardoshlik chegarasiga va KO yongʻin xavfi klassiga ega boʻlishlari kerak.

5.6. IV olovbardoshlik darajasidagi ikki qavatli binolar yuk koʻtaruvchi elementlari kamida R30 olovbardoshlik chegarasiga ega boʻlishlari kerak

5.7. Yuqori zichlikka ega kamqavatli qurilishlarda (1-2 qavatli uylar bilan) yashash bloklari oʻrtasidagi uzilish SHNK 2.07.01 boʻyicha qabul qilinishi kerak. Bunda yongʻinga qarshi devorlar oraligʻidagi yuza 600 m2 dan oshmasligi kerak.

5.8. I, II va III olovbardoshlik darajasidagi binolar ustiga 4-jadvalda oʻrnatilgan binoning balandligidan qatʼiy nazar, R 45dan kam boʻlmagan olovbardoshlik chegarasiga va KO yongʻin xavfi klassiga ega yuk koʻtaruvchi elementlari boʻlgan bitta mansarda qavatini qurishga yoʻl qoʻyiladi. Ushbu qavat tashqi devorlari, ustiga qurilayotgan quyi qavat konstruksiyalariga qoʻyiladigan talablarga mos kelishi kerak.

5.9. Binolarda 150m oraliqda transport oʻtadigan eni 3,5 m dan, balandligi 4,25 m dan kam boʻlmagan yoʻlaklar koʻzda tutilishi kerak. Zinapoya boʻlmalarida oʻtish yoʻlaklari har 100 m masofada joylashgan boʻlishi kerak.

Transport oʻtish yoʻlaklarini ikki qarama-qarshi tomonida oʻt oʻchirish gidrantlari oʻrnatilganda, zinapoya boʻlmalarida oʻtish yoʻlaklari boʻlmasligi mumkin.

5.10. 3 va unda ortiq qavatli binolarda lodjiya va binolarni oʻrash (oynavand konstruksiyalardan tashqari) yonmaydigan materiallardan bajarilishi kerak.

5 va undan ortiq qavatli I, II va III olovbardoshlik darajasidagi binolarda tashqi soyabonlar yonmaydigan materiallardan bajarilishi kerak. Bunda soyabon konstruksiyasi oʻt oʻchiruvchilar va qutqaruvchilarni kvartiraga kirishi va undan yashovchilarni evakuatsiya qilish imkoniyatini taʼminlashi kerak.

5.11. Ichiga — yopishtirib qurilgan qismi tomining yuk koʻtaruvchi konstruksiyalarining olovbardoshlik chegarasi R45 dan kam boʻlmasligi va yongʻin xavfi klassi KO boʻlishi kerak. Turar-joy uyda, binoning ichiga — yopishtirilgan qismiga qaralgan derazalar boʻlganda, tutashgan joyda tom sathi, asosiy binoning yuqori qavatlarida joylashgan yashash xonalari poli sathidan baland boʻlmasligi kerak; tom yopma isitgichi (uteplitel) yonmaydigan boʻlishi kerak.

5.12. Chordoqli tomlarda tomqoplamasi, stropillar va obreshetkalarni yonadigan materiallardan qilish mumkin. Chordoqli binolarda (V olovbardoshlik darajasidagi oʻtga chidamli binolardan tashqari) stropillar va obreshyotkalar yonuvchi materiallardan qilinganda, tomqoplama yonmaydigan boʻlishi, stropillar va obreshyotkalarga esa, oʻtdan himoyalash ishlovi berilishi kerak. Bu konstruksiyalarni konstruktiv himoyalash taʼminlanganda, ular yonishni ichkaridan tarqalish imkonini vujudga keltirmasliklari kerak.

5.13. Jamoat xonalari yashash qismi xonalaridan 1-tip pardevor va 3-tip teshiklarsiz qavatyopma bilan, I olovbardoshlik darajasidagi binolarda 2-tip qavatyopma bilan ajratilishi kerak.

Evakuatsiya yoʻllari

5.14. Qavatdan evakuatsiya chiqishlar soni va zinapoya boʻlmalari tiplari yongʻin xavfi boʻyicha binolar tasnifini hisobga olgan holda SHNK 2.01.02 ga muvofiq qabul qilinadi.

Balandligi 28 m gacha (28 m ham) turar — joy binolarda har qavatda tashqi devorda derazasi boʻlgan L1 tipidagi oddiy zinapoya boʻlmalari qurilishi kerak.

Balandligi 3 qavatdan koʻp boʻlmagan, I va II olovbardoshlik darajasidagi seksiya tipidagi turar-joy binolarida L2 tip zinapoya boʻlmalarini qoʻllashga yoʻl qoʻyiladi; zinapoya boʻlmalarini yoritish tomdagi yuzasi 4 m2 dan kam boʻlmagan yorugʻlik tushadigan proyomlar orqali loyihalanadi. Bunda ikkinchi va uchinchi qavat har bir kvartirasida balkon yoki lodjiya, hamda zinapoyalar (marshlar) oraligʻi(boʻshligʻi) 0,7 m dan kam boʻlmagan, zinapoya boʻlmasini butun balandligida 2 m2 dan kam boʻlmagan gorizontal kesim yuzaga ega yorugʻlik tushish shaxtasi koʻzda tutilishi kerak.

Zinapoya boʻlmalarida binoga yondosh ochiq joyga (tashqariga) bevosita yoki yondosh yoʻlaklar eshikli pardevorlar bilan ajratilgan vestibyullar orqali chiqishi boʻlishi kerak.

Izoh: Zinapoyalar va zinapoya boʻlmalari tiplari boʻyicha tavsiyalar 1A-ilovada keltirilgan.

5.15. Kvartiralar va yotoqxona xonalari eshiklaridan zinapoya boʻlmasiga yoki tashqariga chiqish joyigacha boʻlgan eng olis masofalar 6-jadval boʻyicha qabul qilinishi kerak.

Turar-joy bino seksiyasida kvartiradan oxirida yuzasi 12 m2 dan kam boʻlmagan derazasiz yoʻlakka (xoll) chiqishda, eng uzoq joylashgan kvartira eshigidan bevosita zinapoya boʻlmasiga yoki tutunlanmaydigan zinapoya boʻlmasining havo boʻshligʻi zonasiga olib boruvchi tamburgacha boʻlgan masofa 12 m dan oshmasligi kerak; yoʻlakda (xollda) deraza boʻlsa yoki tutun yoʻqotiladigan boʻlsa, bu masofa 6-jadval boʻyicha, boshi berk yoʻlak uchun kabi qabul qilinishi mumkin.

5.16. Yoʻlakning eni: zinapoyalar oraligʻi yoki yoʻlak oxiri bilan zinapoya oraligʻi 40 m gacha boʻlganda — 1,4 m, 40 m dan yuqori — 1,6 m. Galereyaning eni 1,2 m dan kam boʻlmasligi kerak.

Yoʻlaklarni bir biridan va yoʻlak oxiridan 30 m gacha masofada joylashgan, yopgichlar bilan jihozlangan, olovbardoshligi YEI30 boʻlgan eshikli pardevorlar bilan ajratish kerak.

6-jadval

Olovbardoshlik darajasi Binoning konstruktiv yongʻin xavflilik klassi Kvartira yoki yotoqxona xonasi eshigidan chiqishgacha boʻlgan eng olis masofa, m Zinapoya boʻlmalari yoki tashqi kirishlar oraligʻida joylashganda Boshi berk yoʻlak yoki galereyaga chiqishda I, II CO 40 25 II S1 30 20 III CO C1 30 25 20 15 IV CO C1, C2 25 20 15 10 V Meʼyorlanmaydi 20 10

5.17. Zinapoya (marsh)lar va nishab yoʻlaklar (panduslar) kengligi va qiyaligi, pogʻonalar balandligi va eni, zinapoya maydonchalari eni, zinapoyalar, yertoʻla, foydalaniladigan chordoqlar boʻyicha oʻtish joylarining balandligi, hamda eshiklarning oʻlchami, harakatlanish (oʻtish) qulayligi va xavfsizligini, kvartira va ichiga qurilgan jamoat xonalariga kerakli boʻlgan narsa va jihozlarni tashish imkoniyatini taʼminlashi kerak.

Pogʻonalar balandligi va kengligi har xil boʻlgan zinapoyalarni qoʻllashga yoʻl qoʻyilmaydi. Bita zinapoya(marsh) yoki sathlar farqida koʻtarilishlar (pogʻonalar) soni 3 tadan kam, 18 tadan koʻp boʻlmasligi kerak. Zinapoyalar (marshlar) va uning maydonchalarida, nishab yoʻlaklarda dastali toʻsiqlar,qariyalar va nogiron oilalarga moʻljallangan kvartirali uylarda, uy-internatlarda — devorga yopishgan qoʻshimcha tutqichlar boʻlishi kerak.

Zinapoyalar (marshlar)ning eng koʻp qiyaligi va eng kam kengligi 7-jadvalga muvofiq qabul qilinishi kerak.

7-jadval

Zinapoya marshlari ishlatiladigan joylar Eng kichik kengligi, m Eng katta qiyaligi Binolarning yashaladigan qavatlariga olib boradigan zinapoyalar: seksiyali: ikki qavatli uch va undan koʻp qavatli yoʻlakli 1,05 1,05 1,2 1:1,5 1:1,75 1:1,75 Yertoʻla va yarim yertoʻla (sokol) qavatlarga olib boruvchi, hamda kvartira ichidagi zinapoyalar (marshlar) 0,9 1:1,25

Izohlar:

1. Zinapoya marshing eni, toʻsiqlar orasidagi yoki devor va toʻsiq orasidagi masofa bilan belgilanadi.

2. Kvartira ichidagi zinapoyalarni yogʻochdan qilish mumkin. Zinapoyalar vintsimon yoki oʻrtasidagi kengligi 18 sm dan kam boʻlmagan qochirin (zabejnie) pogʻonali boʻlishi mumkin.

3. Zina maydonchasining kengligi zinapoya(marsh) kengligidan kam boʻlmasligi kerak, tavaqalari tashqariga ochiladigan liftlar oldida esa 1,6 m dan kam boʻlmasligi kerak.

4. Zinalarning toʻgʻri marshlaridagi oraliq maydonchalarning kengligi 1 m dan kam boʻlmasligi kerak.

5. Zina boʻlmasiga chiqadigan eshiklar ochilgan holatida, zina maydonchasi va marshlarining hisobiy kengligini kamaytirmasligi kerak.

5.18. Zina, qiya yoʻlkacha (pandus), maydoncha, terassa, balkon, lodjiya, tom, hamda sathlari farqli (baland-past) joylarda toʻsiqlar balandligi 1,2 m dan kam boʻlmasligi kerak.

5.19. Qariyalar va nogiron oilalar kvartiralari bor uylarda binoga kiraverishda, vestibyulda, lift va axlat tashlagich yaqinida, yoʻlaklarda pogʻonalar(zinalar) va ostonalar boʻlmasligi kerak. Bunday hollarda eni 1,2 m dan kam boʻlmagan qiyaligi 1:20 dan koʻp boʻlmagan nishab yoʻlakchalar koʻzda tutilishi kerak. Kvartiradan tashqaridagi yoʻlaklar kengligi 1,8 m dan kam boʻlmasligi, eshiklar eni — 0,9 m dan kam boʻlmasligi, kerak.

5.20. Balandligi 28 m gacha boʻlgan binolarda L1 oddiy zina boʻlmalarida axlat tashlagichlarini oʻtkazish, qavat qoʻshimcha elektroshitlari, isitish asboblarini, pochta qutilarini oʻrnatishga yoʻl qoʻyiladi, bunda zinapoyalar va maydonchalarning meʼyoriy enini kamaytirishga yoʻl qoʻyilmaydi.

Oddiy zina boʻlmalari hajmida qorovulxonadan tashqari xonalar boʻlmasligi kerak. Birinchi, yertoʻla yarim yertoʻla (sokol) qavat zinapoyalari ostida isitish tarmogʻini boshqarish, suv oʻlchash, elektr kirishi-taqsimlanishi qurilmalarini joylashtirishga yoʻl qoʻyiladi.

5.21. Zina boʻlmalari hajmida, tutunlanmaydiganidan tashqari, birinchi qavatdan pastga tushmaydigan, olovbardoshlik chegarasi meʼyorlanmagan yonmaydigan materialdan qilingan toʻsuvchi lift shaxtalari konstruksiyalariga ega, ikkitagacha passajir liftlari joylashtirishga yoʻl qoʻyiladi.

5.22. Yoʻlakli va galereya tipdagi binolarda zina boʻlmalari va lift xollari har qanday xonalar va har bir qavatdagi yoʻlaklardan tavaqalarida zichlagichli yopgichlar bilan jihozlangan eshiklar bilan ajratilishi kerak. Oynavand eshiklarning oynasi oʻzaklangan boʻlishi kerak.

5.23. Balandligi 15 m dan kam, Ia, Ib va II qurilish-iqlimiy zonalar uchun loyihalashtirilayotgan turar-joy binolarda zina boʻlmalari oʻrniga olovbardoshlik chegarasi R60 dan kam boʻlmagan yonmaydigan materiallardan bajarilgan, yogʻingarchilikdan himoyalangan tashqarida ochiq zinalar qoʻllashga yoʻl qoʻyiladi.

5.24. Seksiya maydoni 500 m2 gacha boʻlgan seksiya tipidagi turar joy binolarda seksiya qavatidan L1 tipidagi bita oddiy zina boʻlmasiga evakuatsiya chiqishini koʻzda tutishga yoʻl qoʻyiladi. Bunda 15 m dan yuqorida joylashgan har bir kvartirada balkon yoki lodjiyaga chiqqan derazalar orasi kamida 1,6 m yoki balkon (lodjiya) chetidan (torets) derazagacha kamida 1,2 m li yopiq devori boʻlgan balkon yoki ochiq (oynalanmagan) lodjiyaga avariya evakuatsiya chiqishi koʻzda tutilishi kerak. Qavatda toʻrt kvartiradan ortiq seksiyalarda uch va undan ortiq xonali kvartiralarda eni 1,2 m dan kam boʻlmagan balkon yoki lodjiyaga chiqadigan derazalar orasi 1,6 m dan kam boʻlmagan yopiq devorli balkon yoki lodjiya boʻlishi kerak.

Ikki qavatda (sathda) joylashgan kvartiradan, kvartira xonalari 6-qavatdan yuqori joylashmagan va zina boʻlmasiga bevosita chiqishi boʻlmagan kvartira qavati ushbu band talablariga muvofiq qoʻshimcha chiqish bilan taʼminlangan boʻlsa, zinapoya boʻlmasiga har bir qavatdan chiqish koʻzda tutilmasligi mumkin.

5.25. Qavatdagi kvartiralar umumiy maydoni 500 m2 dan ortiq seksiyalarda evakuatsiya kamida ikkita oddiy yoki tutunlanmaydigan zinapoya boʻlmasiga amalga oshirilishi kerak. Qavatdagi kvartiralar umumiy maydoni 500 dan 550 m2 gacha boʻlganda, kvartiralarda adresli yongʻindan xabarlovchi datchiklar oʻrnatilgan boʻlsa va 5.24-b. talablari bajarilganda, kvartiradan oddiy zina boʻlmasiga chiqish boʻlishiga yoʻl qoʻyiladi.

5.26. Balandligi 28 m gacha, qavatdagi kvartiralar umumiy maydoni 500 m2 va undan koʻp yoʻlakli (galereyali) tipdagi turar joy binolarda, umumiy yoʻlaklar (galereyalar) kamida 2 ta L1 tipdagi oddiy zina boʻlmasiga chiqishi boʻlishi kerak. Umumiy maydoni 500 m2 dan kam boʻlganda, bitta oddiy L1 tipdagi zina boʻlmasiga chiqishga yoʻl qoʻyiladi. Bu holda yoʻlaklar (galereya) oxirida 3-tip tashqi zinalarga chiqish koʻzda tutilishi kerak.

Oddiy zina boʻlmasi binoni oxirida joylashganda, 6-jadval talablari bajarilganida, yoʻlak (galereya)ni qarama-qarshi tomonida (oxirida) bitta 3-tip zina qilishga yoʻl qoʻyiladi.

5.27. Tashqaridan kiriladigan yotoqxona binolarida uzunligi 1,2 m dan kam boʻlmagan, nogironlar uylarida-uzunligi 1,6 m, eni 2,2 m dan kam boʻlmagan tamburlar qilishga yoʻl qoʻyiladi.

5.28. Odamlarni (piyodalarni) bino otmostkalari boʻylab oʻtkazmaydigan choralar koʻrilishi, hamda himoya soyabon yoki bostirmalar qurib, ustlariga oyna siniqlari(buzilish natijasida) tushishdan saqlash koʻzda tutilishi lozim.

28 m dan baland binolarga qoʻshimcha talablar

5.29. Qavatdagi kvartiralar umumiy maydoni 500 m2 gacha, 28 m dan yuqori seksiyali yoki seksiya-galereyali binolarda bitta tutunlamaydigan N1 tip zina boʻlmasiga yoki u bilan tutashgan ochiq yoʻlaklarga chiqish koʻzda tutilishi kerak. Bu holda 15 m dan yuqori joylashgan hamma kvartiralar uchun 5.24-b. talablariga muvofiq, balkon yoki ochiq lodjiyalarga evakuatsiya chiqishlari koʻzda tutilishi kerak.

Tutunlanmaydigan zina boʻlmalari birinchi qavat doirasida bevosita tashqariga chiqishi kerak. N1 tipdagi tutunlamaydigan zina boʻlmasidan tashqariga chiqish, yondosh(tutash) yoʻlaklarni 1-tipdagi yongʻinga qarshi pardevorlar bilan ajratilgan (toʻsilgan) vestibyul orqali boʻlishiga yoʻl qoʻyiladi. Bu holda zina boʻlmasini vestibyul bilan aloqasi (oʻtilishi) boshqa qavatlardagi kabi havo zonasi orqali boʻlishi mumkin; havo zonasi proyomini 1-qavatda metall panjara bilan toʻsishga yoʻl qoʻyiladi.

5.30. Qavatdagi kvartiralar umumiy maydoni 500 m2 dan ortiq seksion-galereyali binolarda chiqish kamida ikkita oddiy yoki tutunlanmaydigan zina boʻlmasiga koʻzda tutilishi kerak. 5.24. va 5.29-b. lar talablari bajarilganda va kvartira xonalari adresli yongʻindan habarlovchi datchiklar yoki avtomat oʻt oʻchiruvchilar bilan jihozlanganda bitta tutunlanmaydigan N1 tipdagi zina boʻlmasiga chiqishga yoʻl qoʻyiladi.

5.31. N1 tipdagi zina boʻlmasi tashqi havo zonasiga lift xollidan oʻtishga yoʻl qoʻyiladi, bunda lift shaxtalari va undagi eshik qurilmalari SHNQ 2.01.02 ga muvofiq bajarilishi kerak.

Havo zonasi orqali N1 tipdagi zina boʻlmasiga oʻtuvlarning tutunlanmasligi ularning hajmiy-tarhiy va konstruktiv yechimlar bilan taʼminlanishi kerak: bu oʻtuvlar ochiq boʻlib, binoning ichki burchaklarida joylashmasligi va eni kamida 1,2 m, toʻsiq balandligi 1,2 m boʻlishi kerak; tashqi havo zonasidagi eshiklar orasidagi devor kengligi kamida 1,2 m, zina boʻlmasi eshigi bilan eng yaqin deraza orasi devorining kengligi — kamida 2 m boʻlishi kerak.

5.32. 28 m dan baland binolarda yongʻinda lift shaxtasining yuqori qismiga alohida kanal orqali tashqi havo berishni taʼminlash kerak. Bunda lift shaxtasida ortiqcha bosim QMQ 2.04.05 ga binoan hisob boʻyicha qabul qilinishi kerak.

Havo bosimi va tutunni haydash ventilyatsiya qurilmalari 1tipdagi yongʻinga qarshi pardevorlar bilan toʻsilgan alohida ventilyatsiya kameralarida joylashtirilishi kerak. Ventilyatorlarni kvartiralar dahlizlari, yotoqxona xonalari va madaniy-maishiy xizmat xonalarida oʻrnatilgan yongʻin signalizatsiyasi xabarbergichlaridan avtomat tarzda, hamda har qavatdagi oʻt oʻchirish krani shkaflarida oʻrnatilgan tugmachalardan masofadan ulashni koʻzda tutish kerak.

5.33. 28 m dan baland binolarda tomlariga va tutashtirib qurilgan qozonxona oʻrnatishga yoʻl qoʻyilmaydi.

5.34. Yiliga oʻrtacha 20 va undan koʻp soat davomli momaqaldiroqli yomgʻir boʻladigan joylarda 400 m radius tevarak atrofdagi qurilishlardan 25 m dan ortiq koʻtarilib turgan, hamda bir-biridan 400 m dan olisroq alohida turgan 30 m dan baland binolar bevosita yashin urilishidan va yer usti metall konstruksiyalar orqali yuqori kuchlanish toklaridan himoya bilan jihozlanishi kerak.

6. YASHALMAYDIGAN QAVATLAR

6.1. Yangi qurilish loyihalarida koʻp kvartirali turar-joy uylarning yarim yertoʻla (sokol), birinchi va ikkinchi qavatlarida, yashash sharoitini yomonlashishiga va xavfsizligini buzishga olib keluvchi (shu jumladan yashash muhitining sanitariya-gigiyena sifatini, tinchligini, yongʻin xavfsizligini buzish) obyektlardan tashqari, madaniy — maʼrifiy va savdo-maishiy xizmatga moʻljallangan xonalar, hamda idora, ofislar, xususiy yurist, vrach qabulxonalari va boshqalar joylashtirilishi mumkin.

Jamoat xonalari joylashgan yashalmaydigan qavatning balandligi SHNQ 2.08.02 ga binoan qilinishi kerak; yashaladigan qavat balandligi qoʻllanilishga ham yoʻl qoʻyiladi.

Jamoat xonalarini loyihalashda, uyning yashash muhitini boʻlishi mumkin boʻlgan yomon taʼsirlardan himoya choralari ushbu meʼyorlarga muvofiq koʻzda tutilishi kerak.

6.2. Koʻp kvartirali turar joy uylarning ichki tutashtirib qurilgan xonalarida, shuningdek yertoʻla va yarim yertoʻla (sokol) qavatlarida quyidagilarni joylashtirishga yoʻl qoʻyilmaydi:

uyni qurishda oʻtiriladigan joylari soni loyiha hujjatlarida nazarda tutilmagan, shuningdek soat 23.00 dan keyin ham ishlaydigan umumiy ovqatlanish korxonalari, restoranlar, kafelar, kafeteriylar, barlar;

kimyoviy tovarlar, sabzavot va baliq mahsulotlarini, shuningdek gaz ballon, kimyo vositalari, yengil alangalanuvchi va yonuvchi suyuqliklar hamda portlab yonish xavfliligi jihatidan xavfli boʻlgan boshqa moddalar va materiallar bor boʻlgan mahsulotlarni sotuvchi doʻkonlar;

oʻz ishlab chiqarishida tez yonuvchi moddalarni qoʻllovchi kimyoviy tozalash xonalari;

10 tadan ortiq ish oʻrniga ega boʻlgan poyabzal tikish va taʼmirlash ustaxonalari;

hammomlar va saunalar;

aloqa tarmoq stansiyalari, shaharlararo aloqaning kecha-kunduz foydalaniladigan soʻzlashuv punktlari va telegraf;

jamoat hojatxonalari;

marosimlar bilan bogʻliq xizmatlar koʻrsatish muassasalari;

sanoat korxonalari faoliyatining barcha turlari;

uy hayvonlari va parrandalari boqishga yoki koʻpaytirishga moʻljallangan joylar;

jismoniy va yuridik shaxslarning transport vositalari uchun garajlar (maxsus loyiha asosida qurilgan garajlar bundan mustasno);

yashash joylari, kinoteatr, yotoqxona va mehmonxonalar tashkil etish.

Turar joy binosida hamda uning tomi va konstruksiyalarida jamoat ahamiyatiga ega boʻlgan binoga xizmat koʻrsatishga moʻljallanmagan, oʻzidan zararli moddalar ajratuvchi, shovqin va vibratsiya hosil qiluvchi, yomon taʼsir koʻrsatuvchi nurlanish manbai boʻlgan qurilmalarni joylashtirishga yoʻl qoʻyilmaydi, ushbu SHNQga muvofiq turar joy binolarida joylashtiriladigan shtatli uskuna bundan mustasno.

Yashashga moʻljallangan hamda texnik qavatlarda va chordoqlarda koʻchma yoki boshqacha radioaloqa baza stansiyalari hamda boshqa radiouzatuvchi qurilmalarni joylashtirishga yoʻl qoʻyilmaydi.

Yashashga moʻljallanmagan jamoatchilik va maʼmuriy-xizmatchilik xonalarida SHNQ 2.08.02 ga muvofiq avtomatik yongʻin signalizatsiyasi, yongʻindan xabarlash va avtomatik oʻt oʻchirish koʻzda tutilishi kerak.

Sintetik buyumlar (gullar, gilamlar) sotuvchi magazinlarni turar joy binolarining olovbardoshlik chegarasi REI150 boʻlgan yopiq devorlariga tutashgan xonalarda joylashtirishga yoʻl qoʻyiladi.

Loyihalanayotgan koʻp-kvartirali 5 va undan koʻp qavatli turar joy uy-majmualarning ichki tutashgan xonalarida kam sigʻimli (1-2 guruhga moʻljallangan) bolalar yasli-bogʻchasi va bolalarni qisqa muddatda boʻladigan xonalari tashqariga oʻz mustaqil chiquvchi yoʻli bilan va SHNQ 2.08.02 talablarini hisobga olgan xolda koʻzda tutilishi mumkin.

6.3. Qurilgan va foydalanilayotgan turar joy binolarni rekonstruksiya qilishda birinchi qavatda kichik savdo-maishiy korxonalar hamda idora va ofislarni ushbu SHNQ talablariga rioya qilgan holda loyihalashga yoʻl qoʻyiladi.

Qurilgan va foydalanilayotgan turar joy binolarini rekonstruksiya qilishda birinchi qavatda savdo va ovqatlanish korxonalari, sartaroshxona, ofis va idoralar, ishlab chiqarish jarayonlari boʻlgan maishiy xizmat korxonalari, kiyim tikish va taʼmirlash, kichik ustaxonalar va qabul punktlarini joylashtirishda ushbu SHNQning 6.2-bandida keltirilgan cheklovlar inobatga olinishi lozim.

Mavjud turar joy binolarining texnik tagxonalari, yertoʻla va yarim yertoʻla (sokol) qavatlarida maishiy xizmat koʻrsatish korxonalari, xususiy biznes ustaxonalari va tadbirkorlik faoliyati obyektlari qonunchilik hujjatlarida belgilangan tartibda joylashtirilishi mumkin.

Koʻp kvartirali uyning yertoʻlasida quyidagilar joylashtirilishiga yoʻl qoʻyiladi:

oziq-ovqat va nooziq-ovqat tovarlari bilan savdo qilish doʻkonlari;

maishiy xizmat koʻrsatish korxonalari (sartaroshxonalar, poyabzal tikish va taʼmirlash, optika, soat sozlash ustaxonalari, tikuvchilik va kashtachilik, atelye);

umumiy ovqatlanish korxonalari (restoranlar, kafe, kafeteriylar, muzqaymoq va chanqovbosdi ichimliklar barlari, gazakxonalar);

bank xizmatlari koʻrsatish tashkilotlari (banklarning boʻlimlari va valyuta almashtirish punktlari);

aloqa xizmatlari koʻrsatish tashkilotlari (pochta boʻlimi) va kuryerlik faoliyati;

gazetalar, jurnallar va kitob mahsulotlari bilan savdo qilish doʻkonlari;

bijuteriya va jevaklarni tayyorlash va taʼmirlash ustaxonalari;

gulchambarlar, sunʼiy gullar va gul marjonlarini tayyorlash ustaxonalari;

rassomchilik va haykaltaroshlik ustaxonalari;

xizmat koʻrsatish va tadbirkorlarning ofislari hamda idoralari;

video va fotosuratga olish hamda kompyuter xizmatlari;

tarjima va tahrir xizmatlari;

dizayn, chizmachilik-grafika tashkilotlari;

kiyim-kechak va idishlarni ijaraga berish tashkilotlari;

rieltorlik tashkilotlari;

gazlamalarga naqshlar solish, trafaretli bosma va qoʻlda rasm chizish ustaxonalari;

jismoniy tarbiya va sport muassasalari;

davlat tashkilotlari;

sugʻurta tashkilotlari.

6.4. Turar-joy uylarning yuqori qavatida rassom va arxitektorlarning xususiy ijodiy ustaxonalari, hamda ishlovchilar 5 tagacha boʻlgan ofislar joylashtirishga yoʻl qoʻyiladi. Bunda qavatning zina boʻlmasi bilan aloqasi tambur orqali koʻzda tutilishi kerak.

6.5. Koʻpkvartirali uylarda joylashgan jamoatchilik xonalari yashaladigan qismidagi xonalardan 1-tipdagi yongʻinga qarshi pardevorlar va 3-tipdagi proyomsiz qavatyopma bilan, 1-darajali olovbardoshlikka ega binolarda — 2-tip qavatyopma bilan ajratilishi kerak.

6.6. Ichiga qurilgan jamoatchilikka xizmat koʻrsatuvchi muassasa xonalaring (yashovchilarga moʻljallangan maxsus jamoatchilik xonalaridan tashqari) binoning yashaladigan qismidan ajratilgan alohida kirish va chiqishlari boʻlishi kerak.

Umumiy maydoni 300 m2 dan koʻp boʻlmagan va ishchilar soni 15 tagacha boʻlgan birinchi va yarim yertoʻla (sokol) qavatda joylashgan jamoatchilik xonalaridan bitta evakuatsiya chiqishi boʻlishiga yoʻl qoʻyiladi.

Ichki va ichki-tutashtirib qurilgan xizmat koʻrsatish korxonalariga uyga kirish tomondan yuk tushirishga yoʻl quyilmaydi. Yuk tushirish binoning oynalari boʻlmagan yon tomonidan maxsus yuk tushirish joylari bilan koʻzda tutilishi kerak, yirik magazinlar uchun esa tunneldan yer osti yuk tushirish koʻzda tutilishi kerak. Ichki qurilgan, maydoni 150 m2 gacha boʻlgan jamoat xonalariga yuk tushirish joyi loyihalanmaslikka yoʻl qoʻyiladi.

6.7. Texnik tagxona turar-joy binolarda muhandislik tarmoqlarini joylashtirish (oʻtkazish) uchun moʻljallangan.

Yertoʻla qavatda joylashgan va muhandislik jihozlarini joylashtirish va kommunikatsiyalarni oʻtkazishga moʻljallangan xonalar, boshqa xonalardan yongʻinga qarshi pardevorlar bilan ajratilishi kerak.

Texnik tagxonaning har bir pardevor va ichki devorida, yongʻinga qarshi toʻsiqlardan tashqari, ship ostida har birining yuzasi 0,02m2 dan kam boʻlmagan tuynuklar koʻzda tutilishi lozim.

Jamoat xonalarining yashaladigan qismidan oʻtadigan muhandislik tarmoqlari, yoki yashash qismining ichki qurilgan xonalardan oʻtadigan kommunikatsiyalari (suv va isitish metal trubalaridan tashqari) yongʻinga qarshi pardevorlar bilan toʻsilgan mustaqil(alohida) shaxtalarda oʻtkazilishi kerak.

Texnik tagxonalarning pol sathidan qavatyopma ostigacha boʻlgan balandligi — 1,8 m dan; xususiy issiqlik punktlarining balandligi — 2,2 m dan kam boʻlmasligi kerak

6.8. Chordoqlarda, shu jumladan texnik chordoqlarda, binoni uzunligi boʻylab oxirigacha, balandligi 1,6 m dan, eni 1,2 m dan kam boʻlmagan ikki yogʻi ochiq oʻtish koʻzda tutilishi kerak; uzunligi 2 m dan oshmaydigan alohida uchastkalarda oʻtish balandligini 1,2 m, enini esa 0,9 m gacha kamaytirish mumkin.

Texnik tagxona, yarim yertoʻla (sokol) va yertoʻla qavatlarda binoni uzunligi boʻylab oxirigacha, balandligi 1,8 m (toza oʻlchamda) dan kam boʻlmagan ikki yogʻi ochiq oʻtish koʻzda tutilishi kerak, uzunligi 1 m dan oshmagan ayrim uchastkalarda oʻtish balandligini 1,6 m gacha kamaytirish mumkin (toza oʻlchamda).

Yirik panelli binolar yer-toʻla va texnik tagxona koʻndalang devorlarida balandligi 1,6 m proyomlar qilishga yoʻl qoʻyiladi; bunda ostonaning balandligi 0,3 m dan oshmasligi kerak.

6.9. Tortish ventilyatsiyasi koʻzda tutilmagan yertoʻla va texnik tagxonalar tashqi devorlarida umumiy yuzasi pol yuzasining 1/400 dan kam boʻlmagan, bino perimetri boʻyicha tashqi devorlarda bir meʼyorda joylashgan tuynuklar koʻzda tutilishi kerak. Bitta tuynukning yuzasi 0,05 m2 dan kam boʻlmasligi kerak.

6.10. Noseksion turar-joy uylarda texnik, yertoʻla va yarim yertoʻla (sokol) qavatlar va chordoqlar 1-tip yongʻinga qarshi pardevorlar bilan yuzasi 500 m2 oshmagan boʻlinmalarga, seksiyaliklarda esa-seksiyalarga ajratilishi kerak. Yertoʻla va sokol qavatlarning har bir boʻlinma yoki seksiyasida oʻlchamlari, 0,9 x 1,2 m boʻlgan, kamida ikkita deraza (lyuk) boʻlishi kerak.

Zina boʻlmasining har biridan chordoqqa chiqish koʻzda tutilishi kerak. Chordoqning har bir seksiyasidan tomga chiqish koʻzda tutilishi kerak.

Texnik qavat va chordoqlarda yongʻinga qarshi pardevorlardagi eshiklar zichlagichli tavaqali qiyin yonadigan boʻlishi mumkin. Binoning oʻrta qismida joylashgan texnik qavat va texnik chordoqlardan SHNQ 2.01.02 ga muvofiq ikkita chiqish koʻzda tutilishi kerak. Koʻrsatilgan qavatlarga kirishni umumiy zina boʻlmalaridan qilishga yoʻl qoʻyiladi.

II olovbardoshlik darajasiga ega, 5 qavatgacha (5-qavat ham) binolarning, hamda III va IV olovbardoshlik darajasiga ega binolarning yertoʻla va sokol qavatdagi kladovka orasidagi pardevorlarini olovbardoshliligini va olovning tarqalishini meʼyorlanmaydigan chegarada qilib loyihalashtirishga yoʻl qoʻyiladi.

Yer toʻla va sokol qavatda texnik yoʻlakni boshqa qolgan xonalardan ajratib turadigan pardevorlar I tip yongʻinga qarshi boʻlishi kerak.

6.11. Yer toʻla va yarim yertoʻla (sokol) qavatlardan chiqishni SHNK 2.01.02. ga muvofiq qilish kerak. Yertoʻla va sokol qavatlardan chiqishlar evakuatsiyali boʻlganida, u bevosita tashqariga chiqishi kerak; birinchi qavatda yashaladigan qism chiqishidan 1-tip yongʻinga qarshi pardevor bilan ajratilib alohida tashqariga chiqish boʻlganida, yashaladigan qismning zina boʻlmasidan chiqish koʻzda tutilishiga yoʻl qoʻyiladi.

6.12. Yertoʻla va yarim yertoʻla (sokol) qavatlarda, yonuvchan gaz va suyuqliklar, hamda yengil alangalanuvchi materiallar qoʻllanadigan yoki saqlanadigan xonalarni joylashtirishga yoʻl qoʻyilmaydi.

6.13. Yangi qurilayotgan turar joy binolarining yarim yertoʻla (sokol) va yertoʻla qavatlarida yashaydiganlar uchun xoʻjalik omborlari hamda madaniy-maishiy xizmat koʻrsatish muassasalari ushbu SHNQ va SHNQ 2.08.02 talablariga rioya qilgan holda joylashtirilishi mumkin.

Bunda uyning muhandislik kommunikatsiyalariga xizmat koʻrsatish maqsadida toʻsqinliksiz (qarshiliksiz) yetib borish imkoniyati taʼminlanishi kerak, shuningdek turar joy binosining yongʻin xavfsizligi va sanitariya-gigiyena holatlarining (bulgʻatish, islar, shovqin) yomonlashuviga olib keladigan xonalarni joylashtirishga yoʻl qoʻyilmaydi. Bunday xonalarga turar joyga kirish tomonidan kiradigan joylarni tashkil etishga ruxsat etilmaydi. Kirish va chiqishlar ushbu SHNQning 6.11-bandiga muvofiq bajarilishi kerak.

6.14. Yangi qurilayotgan binolarning yertoʻla va yarim yertoʻla (sokol) qavatlarida ushbu normalar, SHNK 2.02.02 va avtomobillarga xizmat koʻrsatish korxonalarining loyihalash meʼyorlari talablariga rioya qilgan holda yashovchilarning avtomobillariga garaj-manzillar loyihalashga yoʻl qoʻyiladi. Yuqori qavatlar avtomobil manzilgohlari(garaji) qavatidan I-tipdagi qavatyopma bilan ajratilishi kerak. Bunda koʻp kvartirali uylarda yashash xonalari va ichki qurilgan bolalar va davolash-sogʻlomlashtirish xonalari garaj-manzilgohlarning bevosita ustida joylashmasligi kerak.

Izoh: Ichki qurilgan garaj-manzilgohlarning balandligi amaldagi meʼyorlar boʻyicha oʻrnatiladi.

6.15. Uyda ichki — tutash qurilgan qismga qaratilgan derazalar boʻlganda, ichki-tutash qurilgan qism tomi, asosiy binoni yuqori joylashgan yashash xonalarining polidan yuqori boʻlmasligi kerak, tomning asosiy binodan (fasad boʻylab) chiqib turishi — 3 m dan oshmasligi kerak.

Ichki — tutash qurilgan qismning tom konstruksiyalari 5.11-b. talablariga muvofiq boʻlishi kerak.

7. LIFTLAR

7.1. Yuqori qavat polining sathi yer sathidan 13 m va undan koʻp boʻlgan turar joy binolarda liftlar koʻzda tutilishi kerak; loyihalash topshirigʻi boʻyicha yuqori qavat polining bundan kam sathida ham liftlar boʻlishi mumkin.

7.2. Liftlar, maxsus kvartirali qariyalar uyida, ustki qavat polining sathi 8 m va undan koʻp boʻlganda, kreslo-aravachalardagi nogiron oilalari bor uylarda — 3 m dan ortiq boʻlganda koʻzda tutilishi kerak. Kreslo-aravachalardagi nogironlar uchun maxsus koʻtargichlar oʻrnatilishi mumkin.

Izoh: Nogiron oilalar uchun kvartiralar, odatda, birinchi qavatlarda joylashtirilishi kerak.

7.3. Koʻp kvartirali uy yoki yotoqxonalarning har bir seksiyasiga 13-ilovaga muvofiq liftlar oʻrnatilishi kerak.

Qariyalar va kreslo-aravachalardagi nogironlar oilasi uchun turar joy uylarda 630 kg yuk koʻtaradigan liftlar koʻzda tutilishi kerak.

Balandligi 28 m dan yuqori boʻlgan binolarda passajir liftlarning biri oʻt oʻchirish boʻlimlarini tashishga moʻljallangan boʻlishi kerak.

Turar joy binolarida oʻrnatiladigan liftlar GOST 5746-2015, GOST 33984.1-2016 va GOST 28911-2021da belgilangan talablarga muvofiq boʻlishi lozim.

7.4. Lift oldidagi maydonchaning eni bemorlarni tez-yordam zambillarida tashishga imkon berishi kerak va 400 kg yuk koʻtaruvchi liftda — 1,5 m; kabina eni 2100 mm li 630 kg li liftda — 1,6 m; kabina eni 1100 mm, uzunligi 2100 mm da — 2,1 m boʻlishi kerak.

Kreslo-aravachalardagi nogironlar yashaydigan uylarda lift oʻrnatishda SHNQ 2.07.02 talablari hisobga olinishi kerak.

Lift shaxtalari yashash xonalari bilan yonma-yon joylashmasligi kerak. Liftlarning mashina xonalarini yashash xonalarining bevosita ustida, hamda yonida joylashtirishga yoʻl qoʻyilmaydi.

7.5. Lift uskunasidan foydalanuvchilarning xavfsizligini, shuningdek avariya holatlarida foydalanuvchilar va qutqaruv xizmati oʻrtasida doimiy aloqani taʼminlash uchun lift shaxtalari aloqa vositalari (video-tasvir uzatish qurilmalari, lift uskunalarining texnik holatini monitoring qilish va avariya holatlarini real vaqt rejimida qayd etuvchi dispetcherlik bloki va boshqalar) bilan jihozlanishiga imkoniyat yaratilgan boʻlishi lozim.

7.6. Turar joy binolarida liftlar oʻrnatilishida SHNQ 2.07.02-22da belgilangan talablarga rioya qilish zarur.

7.7. Liftning yon devorlarida 900 ±100 mm balandlikda tutqichlar oʻrnatilgan boʻlishi kerak.

7.8. Koʻp kvartirali uylarning chiqish eshiklari lift eshigi bilan qarama-qarshi (toʻgʻridan-toʻgʻri) holatda joylashmasligi, shuningdek lift eshiklari va yon devorlarning rangi bir-biridan ajralib turishi lozim.

7.9. Liftlarni koʻtarish mexanizmlaridan chiqadigan shovqin eshitilmasligi uchun shaxtalar shovqin izolyatsiyasi bilan jihozlanishi lozim.

7.10. Liftning kabinasi, posangisi va muvozanatlovchi moslamalari bitta shaxta ichida joylashgan boʻlishi kerak.

7.11. Lift shaxtasi qoʻzgʻalmas (statsionar) elektr yoritgich bilan taʼminlangan boʻlishi, bunda taʼmirlash ishlari davomida 1 m2 uchun kamida 50 lx yorugʻlik boʻlishi zarur.

Agar tashqi yoritish shaxta ichida 1 m2 uchun kamida 50 lx yorugʻlikni taʼminlasa, oynavandlangan toʻr bilan oʻralgan yoki qisman oʻralgan lift shaxtalari qoʻzgʻalmas (statsionar) elektr yoritish uskunalari bilan jihozlanishi talab etilmaydi.

8. CHIQINDILARNI YOʻQOTISH

8.1. Chiqindilarni yoʻqotish tizimi mahalliy boshqaruv organlari — hokimiyatlar tomonidan belgilanadi va loyihalash topshirigʻida koʻrsatiladi.

Chiqindilarni yoʻqotish, odatda, turar-joy uylari yaqinida chiqindi konteynerlari maydonchalari qurish yoʻli bilan koʻzda tutiladi. Chiqindi yigʻuvchi konteynerlar asfaltbeton yoki beton zaminida, koʻpkvartirali uylarning blok-seksiyasiga yoki uylarga kirish joyiga va kvartiralar derazalariga 20 m dan yaqin boʻlmagan masofada joylashishi kerak; uyga kirish joyidan uzoqligi 200 m dan oshmasligi kerak (ixtisoslashtirilgan turar joylarda uzoqligi loyihalash topshirigʻida koʻrsatiladi).

8.2. Loyihalash topshirigʻi boʻyicha chiqindi tushirgichlar har qanday qavatli binolarda ham qurilishi mumkin.

Chiqindi tushirgich qurilmalari zamonaviy sanitariya-gigiyena va texnik talablarga muvofiq boʻlishi kerak.

8.3. Chiqindi tushirgich stvoli havooʻtkazmaydigan, qurilish konstruksiyalaridan tovush himoyalangan, yashash xonalariga tutashmasligi (yopishmasligi) kerak. Chiqindi tashlash qopqoqlari kvartira derazalaridan koʻrinmaydigan boʻlishi va ularning joylanishi yashash muhitning sanitar-gigiyena holatini buzmasligi kerak.

Chiqindi tushirgich amaldagi sanitariya meʼyorlariga muvofiq stvolini vaqti-vaqti bilan yuvish, tozalash va dezinfeksiya qilib turiladigan moslamalar bilan jihozlangan boʻlishi kerak.

Chiqindi yigʻuvchi kamera chiqindi tushirgich stvolini bevosita ostida joylashishi unga issiq va sovuq suv ulangan boʻlishi kerak. Chiqindi yigʻuvchi kamerani yashash xonalari ostida yoki yonida joylashtirishga yoʻl qoʻyilmaydi. Kameraning balandligi (ichki oʻlcham-da) 1,95 m dan kam boʻlmasligi kerak. Kamera tashqariga ochiladigan eshikli, mustaqil, binoga kirishdan yopiq (gluxoy) devor (ekran) bilan ajratilgan chiqishi boʻlishi kerak va olovbardoshlik darajasi RE160, yongʻin xavfi klassi KO-1s va olov tarqatish chegarasi nol boʻlgan yongʻinga qarshi pardevorlar va qavatyopma bilan ajratilishi kerak.

9. MUHANDISLIK JIHOZLARI

Umumiy qoidalar

9.1. Yashash xonalarida mikroiqlimning eng muvofiq va yoʻl qoʻyiladigan parametrlari (oʻlchamlari) va havo almashinuvi miqdorini 8-jadval boʻyicha qabul qilish kerak.

Yilning sovuq davrida turli xonalarda havoning hisobiy harorati va havoalmashinuvi soni 9-jadval boʻyicha qabul qilinishi kerak.

8-jadval

Parametrlar (oʻlchamlar) Yil davri Hisobiy harorat, °S Nisbiy namlik, % Havo harakati tezligi, ≤ m/sek Havoalmashinuv miqdori Eng muvofiq Sovuq Iliq 21-22 (22-23) 26-27 30 — 60 30 — 45 0,15 0,2 1m2 pol yuzasiga 4m3/soat - Yoʻl qoʻyiladigan Sovuq Iliq 20/21 - 65 gacha - 0,2 - 1m2 pol yuzasiga 3m3/soat -

Izohlar:

1. Qavs ichidagi qiymatlar yolgʻiz qariyalar va nogironi bor oilalar uyiga tegishli.

2. Chiziqlar, ushbu koʻrsatkich meʼyorlanmasligini bildiradi.

3. Bittadan ortiq tashqi devorli xonalar uchun sovuq davrdagi haroratni 1°S ga yuqori olish kerak.

9-jadval

Xonalar Havoning hisobiy harorati, °S Havoalmashinuvi soni (marta) Ichkariga tortish Tashqariga tortish Kvartira yoki yotoqxonalardagi yashash xonasi 8 Jadv. q. Yotoqxonalardagi jamoat va maʼmuriyat xonalari 20 - 1 Xonadan i yotoqxonalar oshxonasi elektr plitali gaz plitali 18 - - 60 m3/soat 90 m3/soat Vannaxona 25 - 25 m3/soat Alohida hojatxona 8 - 25 m3/soat Birlashgan sanuzel 25 - 50 m3/soat Umumiy dushxona 25 - 5,0 Umumiy yuvinish xonasi 18 - 0,5 Kiyimni tozalash va dazmollash uchun garderob xonasi 18 - 1,5 Vestibyul, umumiy yoʻlak, zina boʻlmasi 16 - - Kir yuvish xonasi 15 Hisob boʻyicha, lekin 4 dan kam emas 7,0 Yotoqxonalarda dazmollash, quritish xonasi 15 Hisob boʻyicha, lekin 2 dan kam emas 3,0 Yotoqxonalarda shaxsiy buyum, sport inventari, hoʻjalikdagi kirlarni saqlash kladovkalari 14 - 0,5 Oʻtxona 16 - 3,0 Liftlarning mashina xonasi 10 - Hisob boʻyicha, lekin 0,5 dan kam emas

Izoh: 1A, 1B, 1V, va II ost zonalardagi binolarning zina boʻlmalarida, hamda kvartirali isitiladigan uylarda havo harorati meʼyorlanmaydi.

9.2. Muhandislik taʼminoti tizimini qurishda ishlatiladigan uskuna, buyum va materiallar amaldagi davlat standarti talablariga javob berishi lozim.

9.3. Muhandislik jihozlari tizimi yongʻinportlash xavfsizligini, koʻzdan kechirib turish, tozalash va taʼmirlash imkonini taʼminlagan holda, SHNQ 2.04.05, SHNQ 2.04.08, SHNQ 2.04.17, SHNQ 2.04.20 va SHNQ 2.04.18 larga muvofiq loyihalash kerak. Tizim ishlashidan hosil boʻlgan shovqin turar-joy uylar uchun yoʻl qoʻyilgan darajadan oshmasligi kerak. Qoʻshimcha shovqin chiqaradigan uskunalar alohida mustaqil tayanch konstruksiyalarga oʻrnatilishi kerak.

Muhandislik tizimini elektromexanik va elektron uskunalari tabiiy yoritiladigan va favqulodda suv bosmaydigan xonalarda joylashishi kerak. Ushbu uskunalarni texnik tagxonalarda joylashtirishga yoʻl qoʻyilmaydi.

Shovqin va vibratsiya manbalari boʻlgan, nasosxonalar, ventkameralar, issiqlik punktlari yashash xonalari bilan yonma-yon, ustida va ostida joylashmasligi kerak.

Yaxshilangan va yuqori klass qulaylikka ega obyektlarda yuqorida qayd etilgan xonalar turar joy binoni hajmidan tashqarida umuman boshqa joyda joylashishi kerak.

9.4. Turar-joy uylari ichiga qurilgan jamoat va xoʻjalik xonalarida 6.1 va 6.3-b.ga muvofiq, shuningdek bolalar maktabgacha tashkilotlarida 6.2-b.ga muvofiq gaz uskunalarini oʻrnatishga yoʻl qoʻyilmaydi, alohida chiqishi boʻlgan, alohida ajratilgan xonada joylashtirilgan, isitish uchun moʻljallangan, avtomatlashgan gaz apparat va qozonlar bundan istisnodir. Ushbu isitish tizimiga issiq suv taʼminoti uchun suv isitgichlarini ulashga yoʻl qoʻyiladi.

9.5. Oqovalashtirilgan hududlarda quriladigan binolarda ichki suv taʼminoti va oqova tizimi koʻzda tutilishi kerak. Ichki oqovalashtirish tizimi mavjud boʻlmaganda, binoga vodoprovod olib kirishga yoʻl qoʻyilmaydi va tashqi vodoprovod kolonkalari, tashqaridagi hojatxonalar koʻzda tutilishi kerak.

9.6. Oqovalashtirilgan kvartirali uylarda quyidagilar koʻzda tutilishi lozim:

5-6 xonali kvartiralarda: vannali sanitar xonasi, yuz-qoʻl yuvgich va unitazi bilan va sanitar xona unitaz, yuz-qoʻl yuvgich va dushi bilan;

2 — 4 xonalilarda: hojatxona unitaz va yuz-qoʻl yuvgich bilan va vanna xona vanna va yuz-qoʻl yuvgich bilan;

bir xonali va kichik oʻlchamli 2-xonali kvartiralarda: birlashtirilgan sanitar xonasi unitaz, yuz-qoʻl yuvgich, vanna bilan, qariyalar uchun ixtisoslashgan uylarda qayd etilgan sanitariya jihozlariga qoʻshimcha loyihalash topshirigʻi boʻyicha oyoq vannasi koʻzda tutilishi kerak.

Yaxshilangan va yuqori klass qulaylikka ega kvartiralar loyihalash topshirigʻi va 14-ilovaga muvofiq sanitariya — texnika asboblari bilan jihozlanishi mumkin.

Kreslo-aravachadagi nogironi bor oilaga moʻljallangan kvartiralarda sanitariya boʻlmasi unitaz, yuz-qoʻl yuvgich va devorga mahkamlangan maxsus qaytarma (otkidnoy) oʻtirgichli dush xamda trap (koʻchma zina) ni oʻz ichiga olishi kerak.

9.7. Oqovalashtirilgan yotoqxona sanitariya-gigiyena xonalarining uskunalari quyidagi hisobdan qabul qilinishi kerak:

yolgʻizlarga: 1 unitaz, 1 dush (yoki vanna), 1 yuz-qoʻlyuvgich 4 — 6 odamga;

kichik oilaga: 1 unitaz, 1 dush (yoki vanna), 1 yuz-qoʻl yuvgich — 2-3 odamga;.

Qariya va nogironlar uy-internatlardagi yashash xonalari qoshida birlashgan sanitariya boʻlmalari (unitaz, yuz-qoʻl yuvgich, dush, oyoq vannasi) koʻzda tutiladi. Vannali vanna xonasi 10 — 15 yashovchidan iborat guruhga koʻzda tutiladi.

Izoh: Yaxshilangan va yuqori qulaylikka ega yotoqxona va uy-internatlarda sanitariya texnika uskunalari toʻplami loyihalash topshirigʻi boʻyiga oʻrnatiladi.

9.8. Turar-joy uylar elektr energiyasi, gaz, sovuq va issiq suv sarfini hisoblash asboblari bilan jihozlangan boʻlishi kerak.

Ovqat tayyorlash uchun uskunalar

9.9. Qattiq yonilgʻidagi plitalar 2 qavatgacha (2-chi qavat ham), gaz yonilgʻida — 10 qavatgacha (10-chi qavat ham) turar-joy uylarda yoʻl qoʻyiladi. 5-qavat va undan yuqori turar-joy uylarda gazsimon yonilgʻidagi plitalar alangani nazorat qilish avtomatikasi bilan jihozlanishi lozim. 10-qavatdan yuqori turar-joy uylar, yotoqxonalar, qariyalar va nogironi bor oilalar uylari oshxonalarida (nechta qavatligidan qatʼiy nazar) elektr plitalar oʻrnatilishi lozim.

Har bir oshxonani idish-tovoq yuvgich bilan jihozlash kerak.

9.10. Oshxonadagi gaz va elektr plitalari konforkalarining soni: bir xonali kvartiralarda kamida 2 ta, ikki-oltixonalida — toʻrtta, yanada kattaroq kvartiralarda — oltita qabul qilinishi kerak.

Yotoqxona oshxonalarida: I tip yotoqxonalarda — 50 odam yashovchi guruhga bitta toʻrt konforkali plita; II tipda — har bir yashov yacheykasidagi (boʻlma) 2 ta odam uchun bir-ikki konforkali plita; III tipda — har bir oila yacheykasiga bitta uch konforkali plita koʻzda tutilishi kerak.

9.11. Kvartiraga qarashli uchastkadagi yozgi oshxona oqovalashtirilgan boʻlsa, uni plita va idish-tovoq yuvgich bilan jihozlash tavsiya qilinadi.

Sovuq va issiq suv taʼminoti

9.12. Oqovalashtirilmagan hududlarda istiqomat qiluvchilarni suv bilan taʼminlash, uydan 100 m dan olis boʻlmagan masofada joylashgan suv olish kolonkalardan koʻzda tutiladi. Issiq suv plitalarda, oʻchoqlarda, quyoshdan isitish qurilmalarida tayyorlanadi.

Oqovalashtirilgan hududlardagi binolarda ichimlik-xoʻjalik va yongʻinga qarshi suv taʼminoti, hamda markazlashgan issiqlik taʼminoti tizimidan yoki zavodda ishlangan mahalliy suv issitgichlardan issiq suv taʼminoti koʻzda tutilishi kerak.

12 va undan koʻp qavatli turar joy uylarda, yotoqxonalarda esa, qurilish hajmi 5000 m3 va undan ortiq binolarda yongʻinga qarshi suv taʼminoti qurish kerak. Yongʻinga qarshi suv taʼminoti tizimi bino fasadiga chiqarilgan oʻt oʻchirish mashinalarini ulash uchun diametri 80 mm li birlashtiruvchi golovkali patrubkalar bilan jihozlangan boʻlishi kerak.

9.13. Qattiq yonilgʻidagi mahalliy suvisitgichlar ikki qavatgacha, gazli suvisitgichlar — besh qavatdan oshmagan turar-joy binolarda yoʻl qoʻyiladi. Elektrsuvisitgichlar qavatlar soni bilan chegaralanmaydi, lekin elektr taʼminoti tashkiloti bilan kelishilishi kerak.

9.14. Xoʻjalik va maishiy ehtiyojga beriladigan sovuq va issiq suv sifati OʼzDST 950 — 2000 ga muvofiq boʻlishi kerak. Issiq suvni olish joyidagi haroratni 50°C dan past va 75°S ortiq boʻlmagan holda ushlab turish kerak.

9.15. Issiq suv taʼminoti tizimida suvni uzatish uchun alohida issiq va sovuq suv ulagichlar bilan smesitellarni oʻrnatish koʻzda tutilgan boʻlishi kerak. Sanitar jihoz oldidagi suv bosimi bir sekunddagi hisobiy sarfga yetadigan boʻlishi va 0,6 MPa dan oshmasligi kerak. Qariyalar uchun vannalardagi va invalidlar uchun sanuzellardagi smesitellar, 50°S dan ortiq temperaturadagi issiq suv kelishining oldini oladigan termostatik regulator bilan boʻlishi kerak

9.16. Suv taʼminoti tizimining (vodoprovod) har bir kvartiraga, xoʻjalik blokiga, saunaga, hamda yuvgich bachkalari va joydagi suvisitgich kolonkalariga tarmoqlangan joylarida yopadigan armatura oʻrnatish koʻzda tutilishi kerak.

9.17. Ichki suv taʼminoti tizimida bino perimetrining har 60 — 70 m da bittadan tashqi devordagi tuynuklarda oʻrnatiladigan suv sepish joʻmragi koʻzda tutilishi yoʻl qoʻyiladi. Suv taʼminoti rejimli boʻlgan hududlarda suv sepish joʻmraklari oʻrnatilmaydi.

9.18. Vanna va dushxonalarda yoz vaqtida oʻchirib qoʻyish imkonini beruvchi sxema boʻyicha sochiq quritgich oʻrnatilishi koʻzda tutilishi kerak.

9.19. Avtomat kir yuvish mashinasini sovuq va issiq suv, hamda oqova quvurlariga ulash uchun ularda probkalar bilan yopib qoʻyiladigan shtutserlar koʻzda tutilishi kerak.

9.20. Vanna va dush poddonlarining metal korpuslari suv quvurlari bilan metal oʻtkazgichlar vositasida tutashtirilishi kerak.

Oqovalashtirish

9.21. Ichki maishiy oqovalashtirish tizimi oʻrnatilgan hamma sanitariya texnik asboblardan (unitaz, vanna, dush, yuz-qoʻl yuvgich, bide va b.) chiqadigan oqova suvlarni ketkazish uchun moʻljallangan boʻlishi lozim.

9.22. Konstruksiyasida gidravlik yopqich (zatvor) boʻlmagan sanitariya-texnik asboblarni (dush poddonlari, kir yuvish mashinalarining magʻzava chiqish joyi va b.) chiqish joyiga asboblarning ostiga gidravlik yopqichlar oʻrnatilishi kerak.

9.23. Oqova suvlarni ketkazish oʻz oqimi bilan ketadigan yopiq quvurlar boʻyicha, ifloslanib tiqilib qolish ehtimolini maksimal kamaytiradigan qilib oʻrnatib, amalga oshirilishi kerak. Boshqa-boshqa xonadonlarda joylashgan sanitariya asboblarini umumiy tarmoq quvurga ulashga yoʻl qoʻyilmaydi.

9.24. Ichki oqovalashtirish tarmogʻini yashash xonalari, namlik boʻlishi mumkin boʻlmagan xonalar, hamda oshxona va vestibyullarning shipi osti boʻylab, devor va pol ichi bilan oʻtkazishga yoʻl qoʻyilmaydi.

9.25. Uyning ichki oʻz oqimili oqovalashtirish tarmogʻi ventilyatsiyasini (qishloqdagi 1-qavatli uylardan tashqari) tortadigan (vityajnoy) qismi bino tomidan yuqoriga ochiq havoga chiqarilgan uy oqovalashtirish moʻrisi orqali amalga oshirish kerak. Quvurlarning havo tortadigan moʻri qismini ochiladigan deraza va balkonlardan kamida 6 m masofada, tortuvchi ventilyatsiya bloklarining uchidan(ogolovok) kamida 1 m masofada joylashtirish kerak.

Oqovalashtirish moʻrilarini ventilyatsiya kanali va shaxtalari ichidan oʻtkazish man qilinadi.

Oqovalashtirish moʻrilarini chordoq boʻshligʻida toʻxtatishga yoʻl qoʻyilmaydi.

9.26. Yashash qismi oqovasini, magazinlar, umumiy ovqatlanish va maishiy xizmat koʻrsatish korxonalari oqovasi bilan (bino tashqarisida joylashgan birinchi oqovalashtirish qudugʻigacha) birlashtirish man qilinadi.

9.27. Yuqori klass qulaylikli xonadonlarda ichki oqova tarmogʻini montaj-shaxta, kanal va toʻrtburchak quvurlarda (koroblarda) berkitib oʻtkazish koʻzda tutilgan.

Isitish

9.28. Isitish tizimlari binoning yashash xonalarida havoni hisobiy haroratini 8 va 9-jadvallarga koʻra taʼminlashi kerak.

9.29. Turar-joy binolarda bugʻli isitish tizimi va gaz bilan isitiladigan kaminlar qoʻllashga yoʻl qoʻyilmaydi. Suvli isitish tizimi qoʻllanilganda, quvurdan yasalgan isitish qismlarni qurilish konstruksiyasi (qavatyopma, devor, pardevor)ichiga oʻrnatish tavsiya etilmaydi.

9.30. Isitish asboblari yuzasidagi harorat 105°S dan, qariya va nogironlar xonalarida esa 95°S dan oshmasligi kerak.

9.31. Isitish radiator va konvektorlari ochiq, odatda, tashqi devorlarda, koʻpincha deraza ostida joylashtiriladi.

Mahalliy issiqlik manbaidan ishlaydigan isitish tizimida isitish asboblarini ichki devorlarga oʻrnatishga yoʻl qoʻyiladi.

9.32. Pechkali isitish 2 qavatdan koʻp boʻlmagan turar joy binolarda va 25 oʻrindan koʻp boʻlmagan 1-qavatli yotoqxonalarda yoʻl qoʻyiladi.

Pechkali isitiladigan xonalarda havo haroratining 1 sutka davomida oʻzgarishi ± 3°S dan oshmasligi kerak

9.33. Har bir xonadonda qattiq yonilgʻida ishlaydigan isitish qozonini qoʻllash ikki qavatgacha (2-qavat ham) turar-joy binolarda, gazsimonida esa toʻqqiz qavatgacha (9-qavat ham) yoʻl qoʻyiladi.

9.34. Elektr energiyasi bilan isitishda ishlab chiqaruvchi korxonalarda ishlab chiqarilgan elektr isitish asboblaridan foydalanish koʻzda tutilishi lozim. Isitish uchun elektr energiyasi sarfi KMK 2.01.18 da belgilangan meʼyorlar doirasida boʻlishi kerak.

Ventilyatsiya va havoni konditsionerashtirish

9.35. Turar-joy binolarda 8 va 9-jadvallarga koʻra havo almashinuv koʻrsatkichini taʼminlab, tabiiy qoʻzgʻatishli vetilyatsiya koʻzda tutilishi kerak.

Mikroiqlimni optimal parametrlari vetilyatsiya bilan taʼminlana olinmaganda, loyihalash topshirigʻi boʻyicha havoni konditsionerlash qoʻllanilishi mumkin

9.36. Favqulodda tutunga qarshi ventilyatsiyani SHNQ 2.01.02 va SHNQ 2.04.05 larga muvofiq loyihalash kerak.

9.37. Toza xonalarga tashqi havoni uyushmagan kirishi va uni iflosroq xonalarga koʻchishi koʻzda tutilishi kerak.

Xonadon va yotoqxona yashash xonalari ventilyatsiyasini oshxona, hojatxona, oʻtxona, vanna va dushxonalardan tik tortuvchi kanallar yordamida amalga oshirish kerak.

9.38. Har bir xonadon doirasida:

oshxona va oʻtxonadan alohida-alohida kanallar koʻzda tutilishi kerak;

hojatxona, vanna, dush va gigiyena xonalaridan tortuvni yotiq (gorizontal) havooʻtkazgichlar orqali bitta kanalga birlashtirishga yoʻl qoʻyiladi.

9.39. Tik tashqariga tortuvchi (vityajnoy) kanallarni bino ustiga atmosferaga chiqquncha yoki ochiq chordoq boʻshligʻigacha tranzit qilib chiqarish kerak.

9.40. 5-qavatgacha (5-qavat ham) turar-joy binolarda, sanuzel va oshxonadan tortuvchi kanallar har qavat uchun mustaqil alohida bajarilishi kerak.

6 va undan koʻp qavatli binolarda, yuqori klass qulaylikli binolardan tashqari, har qavatdan bir turli xonalardan tortuvni quyidagi shartlar bajarilganda yigʻma tortuv kanaliga ulash yoʻl qoʻyiladi:

tortuvlarni birlashtirish ventilyatsiya blokning bitta tiklik chegarasida, balandligi 2 m dan kam boʻlmagan yoʻldosh kanalcha vositasida bajariladi;

yigʻma kanalga 6-qavatli binolarda faqat pastki uch qavatning tortuvlari, 7-8, 9-10, 11-12, 13-14 va 15-16 qavatli binolarda mos ravishda pastki toʻrt, besh, olti, yetti va sakkiz qavat ulanadi.

9.41. Suvisitgich, qozon va pechkalarning moʻrilari tortuv kanali oʻrnida qaralmasligi kerak.

9.42. Gaz asboblari turgan xonalarning tortuv kanallarida boshqariladigan (regulirovka) panjara qoʻyishga yoʻl qoʻyilmaydi.

9.43. Yuqorigi ikki qavatdagi, yuqori klass qulaylikka ega kvartiralarda hamma qavatlardagi sanuzel va oshxonalar tortuv kanalining kirishida (ogʻzida) tortuvchi maishiy ventilyatorlar oʻrnatilishi koʻzda tutilishi kerak.

Oʻtxona, gazli suvisitgichli xonalarda, xamda yigʻma kanalga birlashadigan tortuv kanallari kirishida ventilyator oʻrnatishga yoʻl qoʻyilmaydi.

9.44. Turar-joy binolari ichiga qurilgan obyektlarning ventilyatsiyasi mustaqil boʻlishi kerak. Yongʻinportlash xavfi bor moddalar boʻlmaydigan va 1,5 karra havoalmashinuvi yetarli boʻlgan (notarial idora, yuridik maslahat, jamgʻarma kassalari va sh.oʻ.) ichki qurilgan jamoat xonalaridan tabiiy tortuvni, 9.40-b. talablariga rioya qilib, turar-joy binoning tortuv tizimiga birlashtirish (qoʻshish)ga yoʻl qoʻyiladi.

9.46. Turar-joy binolarda havoni konditsionerlash odatda, mustaqil (avtonom) konditsionerlardan foydalanib bajariladi. 1a va 1b zonalardagi yaxshilangan klass qulaylikli binolarning 1 — 4 xonali xonadonlarida bitta konditsioner; undan kattaroq xonadonlarda ikkita konditsioner oʻrnatish koʻzda tutilishi tavsiya qilinadi.

I va II zonalardagi yuqori klass qulaylikka ega binolarda yashash xonalari mos ravishda 70% va 50% konditsionerlar bilan jihozlanadi.

Elektrotexnika qurilmalari

9.47. Turar joy binolarida elektr yoritish va kuch elektr uskunalari oʻrnatilishi lozim.

Turar-joy binolari elektr oʻtkazgichlari ishonchlilik darajasiga koʻra quyidagi kategoriyalarga kiritilishi lozim:

elektr plitalar hamda issiq suv bilan taʼminlash maqsadida foydalaniladigan elektr suv isitgichlar oʻrnatilgan, balandligi 16-qavatgacha boʻlgan uy-joy binolari (bir-sakkiz kvartirali uylar bu hisobga kirmaydi), gaz plitalar va oʻtin-koʻmir yoqiladigan plitalar oʻrnatilgan, balandligi 5 dan 10-qavatgacha boʻlgan uy-joylar, 50 kishiga moʻljallangan umumiy yotoqxonalar II-kategoriyaga mansub;

gaz plitalar va oʻtin-koʻmir yoqiladigan plitalar oʻrnatilgan, balandligi 5-qavatdan oshmaydigan uy-joy binolari, elektr plitalar hamda issiq suv bilan taʼminlash maqsadida ishlatiladigan elektr suv isitgichlar oʻrnatilgan bir — sakkiz kvartirali uylar, 50 kishiga moʻljallangan umumiy yotoqxonalar binolari — III-kategoriyaga mansub.

9.48. Elektr uskunalari konstruksiyasi, tayyorlanishi, oʻrnatilish usuli, izolyatsiyasining klassi va himoyalanganlik darajasi elektr tarmogʻidagi kuchlanishga hamda atrof muhit-sharoitiga mos kelishi zarur.

9.49. Kvartiradagi va turar-joy yacheykalaridagi guruhlangan elektr tarmoqlari yashirin qilib oʻtkazilishi, buning uchun ular devor ichiga yotqizilgan naylardan viklyuchatellar va rozetkalar devorga oʻyib, botirilgan qilib oʻrnatilishi kerak.

Turli kvartiralar orasidagi devorga, yuqori qulaylikka ega obyektlarda esa, bir kvartira doirasida ham bir oʻq boʻylab 2 ta viklyuchatel yoki rozetkani yonma-yon oʻrnatishga yoʻl qoʻyilmaydi.

9.50. Kvartiralarning hamda umumiy yotoqxonalarning yashash xonalariga xonaning har bir toʻliq va toʻliqmas 6 m2 maydoniga 6A tokka bittadan rozetkalarni oʻrnatish kerak. I va II zonalardagi kvartiralar umumiy xonasida maishiy konditsionerga moʻljallangan 10 (16) A tokka yerlangan kontaktli rozetka oʻrnatiladi.

Kvartira yoʻlaklarida yulaklarning har bir toʻliq va toʻliqmas 10 m2 maydoniga 6A tokka kamida bittadan rozetkalar joylashtirilishi zarur.

Oshxonalarga 6A tokka moʻljallangan uchta rozetka, oshxona maydoni 8 m2 dan katta boʻlganida esa toʻrtga rozetka va bundan tashqari, yerlangan kontaktli, 10 (16)A tokka moʻljallangan bitta rozetka oʻrnatilishi lozim. Elektr plitalardan foydalanilganda, 23A tokka moʻljallangan va yerlangan kontaktli rozetka oʻrnatilishi zarur.

Yaxshilangan va yuqori qulaylikka ega binolarda konditsioneri bor xonalarning hammasiga 10 (16)A tokka moʻljallangan yerlangan kontaktli rozetkalar oʻrnatiladi.

9.51. Yashash xonalaridagi shtepsel rozetkalari vilka chiqarib olingandan keyin ular teshiklarini berkitib qoʻyish imkonini beruvchi himoya moslamalari yoki plastmassa qopqoqlar bilan taʼminlangan boʻlishi lozim.

Sanuzellarga, vannaxona va dushxonalarga, yuvinish xonalariga, dusholdi xonalarga, omborxonalarga rozetkalar oʻrnatish mumkin emas, yuvinish xonalari hamda vannaxonalardagi taqsimlovchi transformator orqali ulanadigan rozetkalar bundan mustasno.

9.52. Kvartira dahliziga elektr qoʻngʻiroq kvartiraga kiriladigan eshik yoniga esa qoʻngʻiroq tugmachasi oʻrnatilishi lozim.

9.53. Yashash xonalarda, oshxonalarda, dahliz va verandalarda, shuningdek, maydoni 5 m2 dan katta lodjiyalarda zarur boʻlganida shipga, lodjiyalarda esa, devorga, osib qoʻyiladigan yoki mahkamlanadigan umumiy yoritish yoritgichlarini oʻrnatishga moʻljallangan klemmali kolodkalar yoki mahkamlovchi moslamalar oʻrnatilishi kerak. Maydoni 10 m2 va undan katta boʻlgan yashash xonalariga, lampalarni ikki qismlab yoqsa boʻladigan koʻp lampali yoritgichlar oʻrnatish imkoniyatini koʻzda tutish zarur. Kvartiralardagi hojatxonalarda eshik tepasida devorga patron, vannaxonalarda esa, umivalnik tepasiga yoritgich oʻrnatilishi kerak.

9.54. Evakuatsiya vaziyatidagi yoritish 6 qavatli va undan balandroq turar joy binolarida, shuningdek, 50 nafar va bundan koʻproq kishi istiqomat qiladigan umumiy yotoqxonalarda koʻzda tutilishi lozim.

9.55. Yuqori qulaylikka ega binolarda evakuatsiya vaziyatidagi yoritish, zinapoyalarni, vestibyullarni, lift xollarini, tabiiy yoritishga ega lift oldi maydonchalarini, uylar podyezdlari va kirishlarini yoritish qorongʻi tushgach avtomat tarzda yoki masofadan dispetcherlik punktidan yoqiladigan va tong otishi bilan oʻchadigan boʻlishi lozim.

Aloqa va signalizatsiya

9.56. Turar joy binolari simli eshittirish (radiotranslyatsiya) tarmoqlari, telefon va antennali televideniye tarmoqlari bilan jihozlanishi kerak.

Qariyalar hamda nogironlar oilalari istiqomat qiladigan kvartiralarda, umumiy yotoqxona binosidagi hojatxona, vanna-xona va boshqa sanitariya-gigiyena xonalaridan tashqari hamma xonalarda, 10 qavatli va bundan baland turar joy binolari kvartiralarda yongʻin signalizatsiyasi va yongʻin haqida xabar berish uskunalarini oʻrnatish koʻzda tutilishi lozim.

Turar-joy binolari loyihalash topshirigʻida koʻzda tutilgan boʻlsa, soatlashtirish, qoʻriqlash va avtomatik yongʻin signalizatsiyasi tizimi bilan jihozlanishi mumkin.

9.57. Yongʻinga qarshi qurilmalarni avtomatik boshqarish temir shkaflarini birinchi qavatda elektr shchit xonasida joylashtirish kerak.

9.58. Har bir uyda telefon apparati oʻrnatish, va axborot uzatish tizimiga ulanish uchun texnik imkoniyatlar yaratishni koʻzda tutish lozim.

9.59. Qariyalar hamda nogironlarga moʻljallangan uy-internatlarda xizmat koʻrsatish xodimlarini chaqirish uchun signalizatsiya tizimini koʻzda tutish lozim.

9.60. Yaxshilangan va yuqori qulaylikka ega uch qavatli va undan balandroq uy-joy binolariga domofonlar (qulflash-soʻzlashish qurilmalari) oʻrnatiladi.

9.61. Yaxshilangan va yuqori qulaylikka ega binolar qoʻriqlash signalizatsiyasi tizimi bilan jihozlanadi.

9.62. 50 nafardan koʻproq kishi yashaydigan umumiy yotoqxonalarga elektr soatli qurilmalar oʻrnatish koʻzda tutilishi lozim.

10. ENERGIYA TEJAMKORLIK VA ENERGIYA SAMARADORLIK

10.1. Bino shunday tarzda loyihalanishi va qurilishi kerakki, uni ekspluatatsiya qilishda, xonalardagi mikroiqlim koʻrsatkichlariga va boshqa yashash sharoitlariga oʻrnatilgan talablarni taʼminlashda energetik resurslarning tejamli (samarali) sarflanishiga erishilsin.

10.2. Binoning energiya tejamkorligi va energiya samaradorligini taʼminlash uchun quyidagi talablarga rioya qilish lozim:

toʻsuvchi konstruksiyalarning issiqlik oʻtkazishga keltirilgan qarshiligi, havo oʻtkazuvchanligi va issiqbardoshligi SHNQ 2.01.04 bilan oʻrnatilgandan past boʻlmasligi kerak;

isitish, ventilyatsiya, havoni konditsionerlash va issiq suv taʼminoti muhandislik tizimlari va uskunasi energiya tejamkor, avtomatik va qoʻl bilan boshqarilishga ega, va SHNQ 2.04.05, SHNQ 2.04.16 talablariga muvofiq boʻlishi kerak.

binoning muhandislik tizimlari, markazlashgan taʼminotda, issiqlik energiyasi, sovuq va issiq suv, elektr energiyasi va gaz sarfini hisoblash asboblari bilan jihozlangan boʻlishi kerak;

isitish, ventilyatsiya va konditsionerlashga nisbiy solishtirma energiya sarflari SHNQ 2.01.18 da oʻrnatilgandan yuqori boʻlmasligi kerak;

10.3. Binoning optimal texnik-iqtisodiy koʻrsatkichlariga erishish va isitish va konditsionerlashga nisbiy solishtirma energiya sarflarini qisqartirish maqsadida quyidagilarni qoʻllash tavsiya etiladi:

qurilish hajmi birligiga toʻgʻri keladigan tashqi toʻsish konstruksiyalarining mumkin boʻlgan eng kam yuzasiga ega binolarning eng ixcham hajmiy-tarhiy yechimini. Binolar ixchamligi yoʻl qoʻyilgan darajada korpus kengligini oshirish va qavatlar sonini koʻpaytirish hisobiga, tabiiy yoritish va shamollatish talablaridan kelib chiqib, xonalarni maqsadga muvofiq blokirovka qilish hisobiga erishiladi;

bino va uning xonalarini sovuq shamol va quyosh radiatsiyasi oqimlarining afzalroq (eng koʻp) yoʻnalishlarini hisobga olib, qutb tomonlariga nisbatan yoʻnaltirishni (oriyentatsiya);

yuqori FIK (KPD) ega, mos nomenklatura qatoriga tegishli samarali muhandislik uskunasi;

chiqib ketayotgan havo va oqova suvlarni utilizatsiya qilish (qayta qoʻllash), energiyaning qayta tiklanuvchan manbalaridan (quyosh, shamol va b.) foydalanish.

10.4. Yangi qurilayotgan binolarni loyihalashtirishda ularning energiya samaradorligi va seysmik xavfsizligini kompleks taʼminlash maqsadida toʻsuvchi konstruksiyalar materiallarini SHNQ 2.01.03 va SHNQ 2.01.04 talablari va tavsiyalariga muvofiq, ular massasini anchaga kamaytirish, qishda issiqlikni himoyalash va yozgi issiq sharoitda issiqlikka chidamlilik yuqori koʻrsatkichlari taʼminlanishini hisobga olib tanlash tavsiya etiladi.

10.5. Binoning energiya samaradorligini meʼyoriy koʻrsatkichlar boʻyicha nazorat qilish maqsadida oʻz ichiga binoning energetik pasportini olgan “Energiya samaradorlik” boʻlimini loyiha hujjatlari tarkibiga kiritish kerak. “Energiya samaradorlik” boʻlimi SHNK 1.03.01 ga muvofiq ishlab chiqiladi.

1-ILOVA

NORMATIV HUJJATLARGA HAVOLALAR

1. SHNK 1.03.01-16 “Korxonalar, bino va inshootlarni kapital qurilishi loyiha-smeta hujjatlari tarkibi, ishlab chiqish, kelishish va tasdiqlash tartibi”.

2. QMQ 2.01.01-94 “Loyihalash uchun iqlimiy va fizikaviy-geologik maʼlumotlar”.

3. SHNK 2.01.02-04 “Bino va inshootlarning yongʻin xavfsizligi”.

4. SanPiN 0146-04 “Oʻzbekiston iqlim sharoitlarida turar-joy binolarini loyihalashning sanitariya qoidalari va meʼyorlari”.

5. SanPiN 0096-00 “Radiotexnika obyektlari vujudga keltiradigan elektr magnit maydonlari taʼsiridan aholini muhofazalash sanitariya qoidalari va meʼyorlari”.

6. SHNQ (QMQ) 2.01.03-96 “Zilzilaviy hududlarda qurilish”.

7. SHNQ (QMQ) 2.01.04-2018 “Qurilish issiqlik texnikasi”.

8. SHNQ (QMQ) 2.01.05-98 “Tabiiy va sunʼiy yoritish”.

9. SHNQ (QMQ) 2.01.07-96 “Yuklar va taʼsirlar”.

10. SHNQ (QMQ) 2.01.08-96 “Shovqindan himoyalanish”.

11. SHNQ (QMQ) 2.01.18-2018 “Binolar va inshootlarni isitish shamollatish va konditsionerlash uchun energiya sarfi meʼyorlari”.

12. SHNQ (QMQ) 3.03.01-98 “Yuk koʻtaruvchi va toʻsuvchi konstruksiyalar”.

13. SHNQ (QMQ) 2.03.10-95* “Tomlar va tomqoplamalar”.

14. SHNQ (QMQ) 2.03.13-97 “Pollar”.

15. SHNQ (QMQ) 2.04.01-98* “Binolar ichki vodoprovodi va kanalizatsiyasi”.

16. SHNQ (QMQ) 2.04.05-97* “Isitish, ventilyatsiya va konditsiyalash”.

17. SHNQ (QMQ) 2.04.16-2018 “Quyosh issiq suvtaʼminoti qurilmalari”.

18. SHNQ (QMQ) 2.04.17-98 “Turar-joy va jamoat binolarining elektrjihozlari”.

19. SHNQ (QMQ) 2.04.20-98 “Turar-joy va jamoat binolari muhandislik uskunalarining aloqa, signalizatsiya va dispetcherlashtirish qurilmalari”.

20. SHNQ (QMQ) 3.05.01-97 “Ichki sanitariya-texnik tizimlar”.

21. SHNQ 2.07.01-03* “Shaharsozlik. Shahar va qishloq hududlarini rejalashtirish va qurish”.

22. SHNQ 2.07.02-07 “Insonlarning hayoti va faoliyati muhitini nogironlar ehtiyojini va aholining kamharakatlanuvchi guruhlarini hisobga olgan holda loyihalash”.

23. SHNQ 2.08.02-09* “Jamoat binolari va inshootlari”.

24. QMQ 2.04.09-07 “Bino va inshootlarni yongʻindan saqlash avtomatikasi”.

25. GOST 25772-83* “Zina, balkon va tomlarning poʻlat toʻsiqlari. Umumiy texnik talablar”.

1A-ILOVA

ATAMALAR VA TAVSIFLAR

Balkon — fasad devori tekisligidan chiqib turuvchi, konsol(rafaq)da joylashgan toʻsiqli maydoncha

Bloklashtirilgan uy — 2 va undan koʻp kvartiradan iborat, xar biri yer uchastkasiga chiqish va alohida muhandislik tizimi bilan taʼminlangan kvartira tipidagi bino.

Xizmat koʻrsatish bloki — istiqomatgohni (xonadon, yashash yacheykalari) qoʻshimcha toʻldiruvchi madaniy-maishiy va xoʻjalik xonalar guruhi.

Veranda — binoning asosiy hajmiga yopishtirib qurilgan oynavand yozgi xona.

Uy-internatlar — yolgʻiz qariyalar va nogironlarga tibbiy va madaniy — maishiy xizmat koʻrsatish, yashash sharoitlari taʼminlanadigan ixtisoslashgan istiqomatgoh.

Yashash guruhi — bir nechta yashash yacheykasi va xizmat koʻrsatish xonalarini birlashtiradigan, yotoqxona yoki internatning tarhiy elementi.

Turar joy seksiyasi (yoki blok-seksiya) — binoni tuynuksiz devorlar bilan ajratilgan qismi boʻlib, undan bitta zina boʻlmasiga bevosita yoki uzunligi 12 m dan oshmagan yoʻlak orqali chiqiladi; seksiya qavatidagi kvartiralarning umumiy maydoni 500 m2 dan oshmasligi kerak.

Yotoqxona yashash yacheykasi — yotoqxonaning yashash va yordamchi xonalarini birlashtirgan birlamchi elementi; yashash yacheykasi: bitta, ikki yoki uchta xona, dahliz, sanuzel, oshxonani oʻz ichiga oladi.

Turar-joy hovli — maishiy va xoʻjalik maqsadlarida faol foydalaniladigan, uyga tutashgan ochiq boʻshliq.

Galereya tipidagi turar-joy binosi — kvartiradan yoki yotoqxona xonasidan umumiy galereya orqali kamida ikkita zinaga chiqiladigan bino.

Yoʻlakli tipdagi turar-joy binosi — kvartiradan (yoki yotoqxona xonasidan) umumiy yoʻlak orqali kamida ikkita zinaga chiqiladigan bino.

Zina-lift uzeli — zina boʻlmasi va liftlarning tik kommunikatsiyalarini joylashtirishga moʻljallangan xona.

Zinalar va zina boʻlmalari — yashovchilarni qavatlararo aloqasi va evakuatsiyasi uchun moʻljallangan; zinalar quyidagi tiplarga boʻlinadi: 1 — ichki, zina boʻlmalarida joylashadigan; 2 — ichki ochiq; 3 — tashqi ochiq;

oddiy, odatdagi zina boʻlmalari:

L1 — har qavat tashqi devorlarida ochiq yoki oynavand tuynuklar bilan;

L2 — tomdagi ochiq yoki oynavand tuynuklar orqali tabiiy yoritilgan;

tutunlanmaydigan zina boʻlmalari:

N1 — zina boʻlmasiga qavatdan tashqi havo zonasi orqali tutunlanmagan ochiq oʻtishlar boʻylab kiriladi;

N2 — yongʻinda zina boʻlmasiga bosim ostida havo beriladi;

N3 — zina boʻlmasiga qavatdan yongʻinda bosim ostida havo beriladigan tambur shlyuz orqali kiriladi;

yongʻin zinapoyalar:

P1 — tik oʻrnatilgan;

P2 — marshli qiyaligi 1:6 dan oshmagan.

Yozgi xona — yilning issiq (iliq) davrida, dam olish va xoʻjalik — maishiy maqsadda foydalanish uchun moʻljallangan ochiq (yarimochiq) yoki oynavand isitilmaydigan xona; yozgi xonalarning qoʻyidagi turlari boʻladi: veranda (ravon ayvon), lodjiya (peshayvon), terassalar, balkon (osma ayvon), anʼanaviy ayvon va yopilgan hovlilar.

Lift xolli — liftga (liftlarga) kirish oldidagi xona.

Lodjiya — bino hajmiga kiritilgan, uch tomoni devor, oldi ochiq yoki oynavand yozgi xona.

Koʻpkvartirali uy — ikki xonadondan koʻp boʻlgan, umumiy xonalari va muhandislik tizimlari boʻlgan uy.

Kvartiraning umumiy maydoni — 2-ilova boʻyicha hisoblanadigan, kvartirani yashash va yordamchi xonalarining jamlangan maydoni.

Yotoqxona — yolgʻiz — oʻquvchi, talaba, aspirant — magistrant, ishchi va xizmatchilar vaqtincha yashashi uchun ixtisoslashtirilgan istiqomatgoh; yotoqxonalarda yashash yacheykalari va ularni toʻldiruvchi jamoat-xizmat koʻrsatish xonalari koʻzda tutiladi; kichik oilalilar uchun kvartira tipidagi yotoqxonalar qurishga yoʻl qoʻyiladi.

Tekislangan yer sathi — bino atrofidagi loyiha boʻyicha tekislangan yer sathi.

Yertoʻla (pogreb) — oziq — ovqat mahsulotlarni saqlash uchun yerga chuqurlashtirilgan xoʻjalik inshooti; uy ostida yoki alohida joylashishi mumkin.

Kvartira oldidagi yer maydoni — uyga (kvartiraga) yondoshgan, unga bevosita chiqiladigan yer maydoni.

Yorugʻlik kamari (karman) — yoʻlakka yondoshgan, uni yoritish uchun xizmat qiladigan tabiiy yoritilgan xona; yorugʻlik kamari boʻlib, yoʻlakdan eni 1,2 m dan kam boʻlmagan oynavand eshik bilan ajratilgan zina boʻlmasi ham xizmat qilishi mumkin, bu holda yorugʻlik kamarini kengligi qilib zina boʻlmasidagi oynavand eshik kengligi olinadi.

Tomdagi yorugʻlik tuynugi (fonar) — zina boʻlmasini yoki yopiq ichki hovli-atriumni yoritadigan oynavand tom konstruksiyasi.

Uy-joy maydonining ijtimoiy meʼyori — 1-odamga toʻgʻri keladigan, va qonunchilikda oʻrnatiladigan uy-joy maydonining oʻlchami.

Maxsus uy-joylar — qariyalar va nogironli oilalar uchun yotoqxonalar, kvartirali uylar, yolgʻiz qariyalar va nogironlar uchun uy-internatlar.

Tambur — sovuq havo, tutun, hidlar kirishidan himoyalovchi eshiklar orasidagi oʻtiladigan boʻshliq; binoga, xonaga, zina boʻlmasiga kirishda oʻrnatiladi.

Terassa — binoga yopishgan ochiq yoki yopilgan dam olish uchun maydoncha — hovli, shu jumladan quyi qavatning tomida ham joylashishi mumkin.

Sovuq ombor — uyning isitilmaydigan hajmida joylashgan ombor.

Chordoq — tom yuzasi, tashqi devorlar va yuqori qavat yopmasi orasidagi boʻshliq.

Shamollatish uchun shaxta (quduq) — shamollatish uchun, binoni balandligiga teng ichi boʻsh tik boʻshliq, gorizontal kesimi yuzasi kvartira umumiy maydonining 1/30 dan kam boʻlmasligi kerak.

Erker — qisman yoki toʻliq oynalangan, fasad tekisligidan chiqib turadigan xonaning bir qismi, yoritish va insolyatsiya (quyosh tushishi) ni yaxshilash uchun qoʻllaniladi.

Mansarda qavati (mansarda) — chordoq boʻshligʻida joylashtiriladigan yashaladigan qavat.

Yer usti qavati — xonalar polining sathi, tekislangan yer sathidan baland boʻlgan qavat.

Yertoʻla (podval) qavat — xonalar polini sathi tekislangan yer sathidan pastligi xona balandligining yarmidan koʻp boʻlgan qavat.

Texnik qavat — muhandislik uskunalarini joylashtirish va kommunikatsiyalarni oʻtkazishga moʻljallangan qavat; binoning ostki (texnik yertoʻla), ustki (texnik chordoq), yoki oʻrta qismida joylashishi mumkin.

yarim yertoʻla (sokol) qavati — xonalar polining sathi, tekislangan yer sathidan pastligi xona balandligini yarmidan koʻp boʻlmagan qavat va qavat yopmasi sathining yerdan balandligi kamida 2 m.

2-ILOVA

Turar-joy binolarning kvartira, umumiy va yashash maydonlari, xonalar maydoni, qurilish hajmi, maydoni va qavatlarini hisoblash qoidalari

1. Kvartira maydonini lodjiyalar, balkonlar, verandalar, terassalar, sovuq omborlar, tamburlarni hisobga olmay, yashaladigan va yordamchi xonalar maydoni yigʻindisi sifatida aniqlash kerak.

2. Kvartira va yotoqxona yashash yacheykasi yashash maydonini yashaladigan xonalar maydoni yigʻindisi deb hisoblash kerak.

3. Kvartiraning umumiy maydonini undagi xonalar, omborlar va ichiga qurilgan shkaflar hamda quyidagi pasaytiruvchi koeffitsiyentlar bilan hisoblanadigan sovuq omborlar va yozgi xonalar maydonlari yigʻindisi deb hisoblash kerak. Bunda:

sovuq omborlar va oynavand yozgi xonalar uchun — 1,0;

oynalanmagan lodjiyalar uchun — 0,5;

balkon va terassa uchun — 0,3.

4. Yotoqxona va uy-internatlar umumiy maydonini yashash xonalari, yordamchi xonalar va jamoat xonalari maydoni, hamda 3-band boʻyicha hisoblanadigan yozgi xonalar maydonlari yigʻindisi deb hisoblash kerak.

5. Turar-joy bino kvartiralarining umumiy maydoni shu bino kvartiralarining 3-band boʻyicha hisoblangan umumiy maydonlari yigʻindisi deb hisoblash kerak.

6. Turar-joy bino maydonini tashqi devorning ichki yuzalari oraligʻida oʻlchangan hamma qavatlar maydoni, hamda yozgi xonalar (lodjiya, balkon) maydonlari yigʻindisi deb hisoblash kerak.

Zina boʻlmalari, lift va boshqa shaxtalar maydoni ularning shu qavat sathidagi maydoni hisobi bilan bitta qavat maydoniga qoʻshiladi.

Chordoq, xoʻjalik va texnik yertoʻla, xamda zina boʻlmasi va lift shaxtasi tamburlari maydoni bino maydoniga kiritilmaydi.

7. Turar-joy binolar xonalarining maydonini, pol sathida (plintuslar hisobisiz) devor va pardevorlarning pardozlangan yuzalari orasidagi oʻlchamlari boʻyicha hisoblash kerak.

Pechka va pechka-kamin egallagan maydon xona maydoniga kiritilmaydi.

Kvartira ichidagi zina osti maydoni poldan chiqib turgan konstruksiya ostigacha boʻlgan balandligi 1,6 m va undan ortiq boʻlsa, oʻsha zina joylashgan xona yuzasiga kiritiladi.

Mansarda qavatdagi xona maydonini hisoblashda, qiya shipli shu xonaning balandligi 1.6 m dan kam boʻlmagan qismining maydoni hisobga olinadi.

8. Ichiga yoki ichki-tutashtirib qurilgan jamoat xonalarining maydoni SHNQ 2.08.02 ga muvofiq hisoblanadi.

Balandligi koʻp qavatli (mnogosvetniy) xonaning maydoni binoni umumiy maydoniga faqat bir qavat chegarasida kiritilishi kerak.

9. Turar-joy binoning qurilish hajmi ±0.00 belgidan yuqori qism (yerustki qismi) va bu belgidan quyi qism (yer ostki qismi) hajmlari yigʻindisi deb hisoblanadi.

Binoning yer ustki va ostki qismi qurilish hajmi shu qismlarning har biridagi pol sathidan boshlab, chegaralovchi yuzalar, shu jumladan qurshab oluvchi konstruksiyalar, oynavon tomlar va boshqalar doirasida aniqlanadi; bunda turtib chiqib turgan meʼmoriy qismlar va konstruksiya qismlari, yertoʻladagi kanallar, terassa, balkon, kolonka (portik), oʻtib yuriladigan yoʻllar hajmi va poydevori tayanch (ustuncha)lardan iborat boʻlgan binolar tagidagi boʻshliqlar hisobga olinmaydi (sof oʻlchovda).

Binoning qurilishi hajmiga isitilmaydigan verandalar, sovuq chordoq, texnik qavat va yertoʻlalar kiritiladi.

10. Bino quriladigan maydon binoni tashqi tomonidan yarim yertoʻla (sokol) sathida oʻralgan gorizontal kesim maydoni, shuningdek turtib chiqib turgan qismlar, binoning ustunlar ustida joylashgan qismi ostidagi maydon, bino ostidan avtomobil oʻtish joylari maydoni deb hisoblanadi.

11. Binoning qavatlar sonini belgilayotganda yer ustidagi qavatlarning hammasi, shu jumladan texnik qavat, mansarda qavat, sokol qavat, agar yopmasining usti yerning tekislangan sathidan 2 m dan balandroq boʻlsa, hisobga kiritiladi.

Bino ostidagi yertoʻla (podpolye) balandligidan qatʼiy nazar, hamda balandligi 1,8 m dan kam boʻlgan qavatlararo har qanday boʻshliq qavatlar soniga kiritilmaydi.

Binoning turli qismlarida qavatlar soni turlicha boʻlganda, shuningdek bino nishab joyda joylashishi hisobiga qavatlar soni koʻpaysa, qavatlar soni binoning har bir qismi uchun alohida hisoblanadi.

Yuqori qavat ustida joylashgan texnik qavat bino etajlar sonini belgilayotganda va liftlar soni hisoblanganda hisobga olinmaydi.

3-ILOVA

Turar joylarni turli qulaylilik klassi taʼrifi

Qulaylilik klassi Xonalarning tarkibi va maydonlari Havo-isitish tartibi va muhandislik uskunalar taʼrifi 1 2 3 Oddiy Turar-joy bilan taʼminlanganlik “ijtimoiy” meʼyorlar boʻyicha qabul qilinadi: (16 m2/odamdan kam emas; nogironlarga — 23 m2/odam.) Kvartira xonalarining tarkibi va maydonlari sanitariya-gigiyena va funksional talablar bilan kam boʻlmagan prinsipi asosida aniqlanadi. Xonalar soni yashovchilar sonidan bitta kam (p-1) Mikroiqlimning yoʻl qoʻyilgan parametrlari, muhandislik uskunalari bilan jihozlanganligi bexatar va sogʻlom yashash sharoiti sanitariya-gigiyena meʼyorlariga, (qulaylikning minimal zaruriy darajasiga) mos keladi. Yaxshilangan Yashash maydoni 20 dan 30 m2 gacha. Kvartira tarkibi oddiy klas turar joyidan koʻproq rivojlangan. Xonalar soni yashovchilar sonidan kam boʻlmasligi kerak (p) Yilning sovuq davri uchun mikraiqlimning eng muvofiq koʻrsatkichlari, xuddi shunday 1a va 2b zonalardagi yashash xonalarida issiq davrda ham. Muhandislik uskunalari bilan jihozlanganligi yuqori darajada. Yuqori Yashash maydoni 30 m2/odam hisobidan yuqori. Kvartiralarning rivojlangan tarkibi, xonalarning eng muvofiq maydonlari, uxlaydigan joysiz xonalari bor (shu jumladan mehmonxona, kabinet, oʻyin xona, kutubxona), bir nechta sanuzellar va yordamchi xonalar. Yilning sovuq va iliq davrlarida mikroiqlimni eng muvofiq koʻrsatkichlari. Muhandislik uskunalarining progressiv tizimlari va qurilmalari bilan yuqori darajada jihozlanganligi.

Izohlar:

1. Qulaylilik klassi oddiy normativ boʻlgan kvartiralar tarkibi va maydonlari, turlari 3 boʻlim talablariga muvofiq qabul qilinishi kerak.

2. Qulaylilik klassi yaxshilangan va yuqori boʻlgan nodavlat mablagʻlar (nobudjet) hisobiga quriladigan kvartiralarning tarkibi va maydonlari, turlari 7-ilova (2 jadv.) ni hisobga olgan xolda loyihalash topshirigʻi bilan belgilanadi.

4-ILOVA

Oʻzbekiston Respublikasi maʼmuriy tumanlari boʻyicha qurilishi-iqlimiy zona va ostzonalar roʻyxati

Viloyatlarning nomi Tumanlarning nomi Zona va ostzonalar Ia Ib Iv Ig II III 1. 2. 3. 4. 5. 6. 7. 8. 9. 1. Qoraqalpogʻiston respublikasi Amudaryo - - + - - - Beruniy - - + - - - Bozatuz - - - + - - Qoraoʻzak - - + + - - Kegayli - - + + - - Qoʻngʻirot + - + + - - Konlikoʻl - - + + - - Moʻynoq - - + - - - Nukus - - + + - - Taxtakoʻpir + - + + - - Toʻrtkoʻl - - + - - - Xoʻjayli - - - + - - Chimboy - - - + - - Shumanay - - + - - - Ellikqala - - + - - - 2. Andijon viloyati Oltinkoʻl - - - - + - Andijon - - - - + - Baliqchi - - - - + - Boʻz - - - - + - Jalaquduq - - - - + - Izboskan - - - - + - Ulugʻnor - - - - + - Qoʻrgʻontepa - - - - + - Asaka - - - - + - Marhamat - - - - + - Shahriston - - - - + - Paxtaobod - - - - + - Xoʻjaobod - - - - + - Buloqboshi - - - - + - 3. Buxoro viloyati Olot + - - - - - Buxoro + + - - - - Vobkent - + - - - - Gʻijduvon - + - - - - Kogon + - - - - - Qorakoʻl + - - - - - Peshku - + - - - - Romiton - + - - - - Jondor + + - - - - Shafrikon + + - - - - Qoravulbozor + - - - - - 4. Jizzax viloyati Arnasoy - + - - - - Baxmal - - - - + + Gʻallaorol - - - - + + Jizzax - - - - + + Doʻstlik - + - - - - Zomin - + - - + + Zarbdor - + - - + + Mirzachoʻl - + - - - - Zafarobod - + - - - - Forish - + - - - - Paxtakor - + - - - - 5. Qashqadaryo viloyati Boxoriston - + - - + + Gʻuzor + + - - - - Dehqonobod - + - - - - Qamashi - + - - + + Qarshi - + - - + + Kosonsoy - + - - - - Kitob - + - - - - Muborak - + - - + + Nishon + + - - - - Kasbi - + - - - - Usmon Yusupov - + - - - - Chiroqchi + + - - - - Shahrisabz - + - - - - Yakkabogʻ - + - - + + 6. Navoiy viloyati Qanimex - + - - + + Qiziltepa + - - - - - Navbahor + - - - + - Navoiy + + - - + - Nurota + + - - - - Tomdi + - - - + + Uchquduq + + + - - - Xatirchi + + + - - - 7. Namangan viloyati Zadaryo - - - - + + Kosonsoy - - - - + - Namangan - - - - + - Norin - - - - + - Pop - - - - + + Toʻraqoʻrgʻon - - - - + - Uychi - - - - + - Uchqoʻrgʻon - - - - + - Chortoq - - - - + - Chust - - - - + + Yangiqoʻrgʻon - - - - + - 8. Samarqand viloyati Oq daryo - - - - + - Goʻzalkent - + - - + - Bulungʻur - - - - + - Jomboy - - - - + - Ishtihon - - - - + - Kattaqoʻrgʻon - - - - + - Qoshrovot - - - - + - Norpoy + - - - + - Poyariq + - - - + - Pastdargʻom - - - - + - Paxtachi - - - - + - Samarqand - - - - + - Nurobod - - - - + - Urgut - - - - + - Toyloq - - - - + - Chelak - - - - + - 9. Surxondaryo viloyati Oltinsoy - + - - + - Angor + - - - - - Boysun - + - - + + Bandixon - + - - + + Muzrovot + - - - - - Denov - + - - + - Jarqoʻrgʻon + + - - - - Qumqoʻrgʻon + + - - + - Qiziriq + + - - - - Sariosiyo - + - - + + Termiz - + - - - - Sherobod + + - - + + Shoʻrchi - + - - + + Uzun - + - - + - 10. Sirdaryo viloyati Oqoltin - + - - + - Boyevut - + - - + - Sayxunobod - + - - - - Guliston - + - - - - Sharof Rashidov - + - - - - Mirzaobad - + - - - - Mehnatobod - + - - - - Sirdaryo - + - - - - Xovos - - - - + - 11. Toshkent viloyati Oqqoʻrgʻon - - - - + - Oxongaron - - - - + + Bekobod - + - - - - Boʻstonliq - - - - + - Boʻka - - - - + - Quyi Chirchiq - - - - + - Zangiota - - - - + - Yuqori Chirchiq - - - - + - Parkent - - - - + + Pskent - - - - + + Oʻrta Chirchiq - - - - + + Qibray - - - - + - Toshkent - - - - + - Chinoz - - - - + - Yangiyoʻl - - - - + - 12. Fargʻona viloyati Oltiariq - - - - + - Oxunboboyev - - - - + - Bogʻdod - - - - + - Buvayda - - - - + - Beshariq - - - - + - Quva - - - - + - Uchkoʻprik - - - - + - Rishton - - - - + - Toshloq - - - - + - Oʻzbekiston - - - - + - Fargʻona - - - - + - Dangara - - - - + - Yozyovon - - - - + - Soʻx - - - - + - Furqat - - - - + - 13. Xorazm viloyati Bogʻot - - - - - - Gurlan - - + - - - Qoʻshkoʻpir - - + - - - Oʻrganch - - + - - - Hazorasi + - + - - - Xonqa - - + - - - Xiva - - + - - - Shovot - - + - - - Yangiariq - - + - - - Yangibozor - - + - - -

5-ILOVA

Turar joy binolar xonalarini tabiiy yoritilganlik koeffitsiyentining (TYOK) meʼyorlangan qiymatlari

Xonalar Geografik kenglik TYOK ni meʼyorlangan qiymatlari, pol sathida % Derazalarni ufq tomonlariga qarab joylashishi 136 — 225° 225 — 315° 46 — 136° 316 — 45° Yashash xonalari, oshxona, jamoat xonalari Shimolroq 40° sh.k. 0,3 0,3 0,4 Zina boʻlmalari, umumiy yoʻlaklar, 40° sh.k. va janubroq 0,2 0,3 0,6 oqovalashtirilmagan hojatxonalar Hamma joyda 0,1 0,1 0,1

6-ILOVA

Turar joy binolari uchun yoʻl qoʻyiladigan shovqin darajasi

T/r pp Xonalar yoki maydonlar nomi Kun vaqti, soat Tovush bosimi darajasi, DB, oʻrtacha geometrik chastotali oktava boʻlmalarida, Gs Tovush darajasi, DBA Qisqa vaqtdagi tovushning maksimal darajasi, DBA 63 125 250 500 1000 2000 4000 8000 1. Kvartiralar, qariya va nogironlar uy-internatlarining yashash xonalari 7-23 23-7 63 55 52 44 45 35 39 29 35 25 32 22 30 20 28 18 40 30 55 45 2. Yotoqxonalar yashash xonalari 7-23 23-7 67 59 57 48 49 40 44 34 40 30 37 27 35 25 33 23 45 35 60 40 3. Turar-joy uylarga bevosita yondosh maydonlar*) 7-23 23-7 75 67 66 57 59 49 54 44 50 40 47 37 45 35 43 33 55 45 70 60 4. Yotoqxona binolariga bevosita yondosh maydonlar*) 7-23 23-7 79 71 70 61 63 54 58 49 55 45 52 42 50 40 49 38 60 50 75 65

* — toʻsuvchi konstruksiyalardan 2m da.

Izohlar:

1. Havoni konditsionerlash, havoli isitish va ventilyatsiya, shuningdek tonal yoki impulsli shovqin uchun qiymatlar 5 DBA. yoki 5 DBA ga kamaytiriladi.

2. Shovqin manbaiga oʻgirilgan, toʻsuvchi konstruksiyadan 2m narida transport vositalaridan (avto, temir yoʻl, aviatsiya) hosil boʻladigan shovqin uchun tovush darajasi DBA.ni, 10 DBA.ga qabul qilishga yoʻl qoʻyiladi.

7-ILOVA

Turli klass qulaylikka ega kvartira va turar joy uylar xonalarining tarkibi va maydonlari

1-jadval

Oddiy klass qulaylikka ega kvartira xonalarining tarkibi va maydonlari

Xonalar tarkibi Kvartira tiplari va xonalar maydoni, m2 1xona (1-2 kishi) 2xona (3 kishi) 3xona (4 kishi) 4xona (5 kishi) 5xona (6 kishi) 6xona (7 kishi) Yashash xonalari umumiy xona ota-onalar yotoqxonasi 1 kishilik yotoq. 2 kishilik yotoq. 14 — 19 — — — 16 — 18 14 — — 17 — 20 14 10 — 17 — 20 14 10 12 — 14 20 — 24 14 10x2 12 — 14 20 — 24 14 10x2 12x2 Yashash maydoni 14 — 19 30 — 32 40 — 44 53 — 58 66 — 72 78 — 82 Yordamchi xonalar dahliz, yoʻlak oshxona sanitariya-xonasi (vannaxona va hojatxona) ombor va shkaflar 4 6 — 8 3,5 — 4 0,5 — 1 4 — 6 8 — 9 4-5 2-3 7 9-10 6 2-3 8 — 10 9-10 6 — 8 3-4 9 — 11 10 — 12 8-10 3 — 5 10 — 12 12-13 10 — 12 4 — 7 Jami 28 — 36 48 — 55 64 — 73 80 — 90 96 — 110 114 — 126 1 kishiga 28 — 18 16 — 18 16 — 18 16 — 18 16 — 18 16 — 18

Izoh: Kvartira xonalari tarkibi va maydoni loyihalash topshirigʻi bilan oʻrnatiladi. Topshiriq boʻyicha xoʻjalik xonalari, shaxsiy avtomashinalarga garajlar koʻzda tutilishiga yoʻl qoʻyiladi.

7-ILOVA davomi

2-jadval

Yaxshilangan va yuqori klass qulaylikka ega kvartiralar xonalarining tarkibi va maydoni

Xonalar tarkibi Yaxshilangan klass kvartiralari (bir oilali uylar) Yuqori klass kvartiralari (bir oilali uylar) Xonalar maydonlari, m2 3xona (3 kishi) 4xona (4 kishi) 5xona (5 kishi) 6xona (6 kishi) 6xona (5 kishi) 7xona (6 kishi) 8xona (7 kishi) Yashash xonalari umumiy xona mehmonxona yemakxona ota-onalar yotogʻi bolalar (oʻyin, yotoq) xonasi kabinet (kutubxona) 1 kishilik yotoq. 2 kishilik yotoq. 20 — 24 — — 16 — 20 — — 12 — 14 — 24 — 26 — — 16 — 20 — — 14x2 — 24 — 26 — — 16 — 20 14 — 14x2 16 30 — — 16 — 20 14 — 16 — 14x2 16 30 — — 16 — 20 16 — 20 16 — 20 14 — 30 — — 16 — 20 16 — 20 16 — 20 14 — 16 16 — 20 32 — 36 28 — 30 – 16 — 20 16 — 20 16 — 20 14 — 16 16 — 20 Yashash maydoni 48 — 58 68 — 74 84 — 90 104 — 110 110 — 124 128 — 148 156 — 184 Yordamchi xonalar dahliz, xoll va yoʻlaklar oshxona sanitariya xonasi ombor va shkaflar (ichki) sauna(hammom) 6 — 8 10 4 — 6 2 — 4 — 6 — 9 10 — 12 6 — 8 4-5 — 10 — 12 12 8-9 5 — 7 — 12 12 — 14 8 — 10 6 — 8 — 12 12 12 6 — 8 6 — 8 14 — 16 12 — 14 12 — 14 8 — 10 6 — 10 14 — 18 12 — 14 12 — 15 8 — 10 8 — 10 Jami 70 — 86 94 — 108 120 — 130 142 — 154 158 — 178 180 — 212 212 — 251 1 odamga 23 — 29 24 — 27 24 — 26 24 — 26 32 — 36 30 — 35 30 — 36

Izoh: Kvartiralar xonalari tarkibi va maydonlari, shu jumladan yozgi xonalar ham, loyihalash topshirigʻi bilan oʻrnatiladi; qoʻshimcha xoʻjalik xonalari, xususiy mehnat faoliyati uchun ustaxona, garajlar koʻzda tutilishiga yoʻl qoʻyiladi.

8-ILOVA

Xoʻjalik xonalari va qurilmalari

1- jadval

Xoʻjalik ehtiyojlari uchun va ustaxonalar xonalari roʻyxati va maydoni

Xonalar nomi Maydoni, m2 Xoʻjalik kladovkasi (ombori) 8 — 12 Sabzavot, meva, vino va b. saqlash xonasi 10 — 14 Xususiy mehnat faoliyati uchun ustaxona 1 ish joyiga 6 — 9m2, lekin 10m2 dan kam emas Tayyor mahsulot, xom ashyo, asboblar saqlash xonasi 8 — 12 Quruq issiq sauna-hammom (bugʻxona, dush, hojatxona, dam olish xonasi-yechinish xonasi) 8,0 — 15,0 Mashq qilish (trenajernaya), billiard xonasi 30 — 36 Shaxsiy avtomobil garaji 18 — 25 Qozonxona, oʻtxona 5,0 dan kam emas

Izoh: Xonalar tarkibi va maydonlari joylardagi sharoitlarga qarab oʻrnatiladi.

2- jadval

Hovlidagi qurilishlar tarkibi, maydoni va yashash xonalari derazasidan uzoqligi

Xonalar, qurilishlar Maydoni, m2 Derazalardan uzoqligi, m Tandir, omborli yozgi oshxona Hovlidagi hojatxona Molxona buzoqxonasi bilan Yozgi molxona bostirma Qoʻyxona, tovuqxona Yem saqlash ombori Xoʻjalik bostirmasi Avtomashina garaji Issiqxona (teplitsa) Hammom-kir yuvish xonasi Yozgi dush 15 — 25 2-3 18 — 24 10 — 15 10 — 20 6 — 8 12 — 15 18 — 24 20 — 30 8 — 12 4 6 12 15 15 12 7 7 7 10 10 10

Izoh: Xoʻjalik qurilishlari (inshootlari) maydoni joylardagi sharoitga qarab oʻrnatiladi.

9-ILOVA

Yotoqxonalar madaniy-maishiy, xoʻjalik va yordamchi xonalar tarkibi va hisob koʻrsatkichlari

T/r Xonalar Maydoni, m2/odam. sigʻimida (kishi) 50 100 200 400 600 1. Vestibyul-xoll, navbatchi, kutish joylari bilan 0,15 0,15 0,15 0,15 0,15 2. Maʼmuriyat (komendant) va xizmatchi xodimlar xonalari 0,16 0,10 0,06 0,05 0,04 3. Shaxsiy buyumlar, sport-anjomlari, xoʻjalik, kir saqlash, supurish-sidirish anjomlari saqlash omborlari 0,3 0,25 0,2 0,17 0,15 4. Mashgʻulotlar xonasi Talaba va oʻquvchilar uchun 0,2 0,2 0,2 0,2 0,2 Ishchi va xizmatchilar uchun 0,15 0,15 0,15 0,15 0,15 5. Dam olish xonalari 0,15 0,15 0,15 0,15 0,15 6. Madaniy-ommaviy tadbirlar xonasi (toʻgarak, oʻqish zali, videozal) 0,15 0,15 0,15 0,09 0,08 7. Bufet yordamchi xonasi bilan - 0,2 0,18 0,16 0,14 8. Maishiy xizmat xonalari (buyurtma stoli va b.) - - 0,11 0,11 0,1 9. Izolyator 1 koyka 1 koyka 1 koyka 2 koyka 3 koyka (maydoni amaldagi meʼyorlar boʻyicha) 10. Kir yuvish, quritish va dazmollash xonasi 0,24 0,18 0,14 0,1 0,08 (12 m2 dan kam emas) 11. Oshxonalar 0,8 0,8 0,8 0,8 0,8 (12 m2 dan kam emas) 12. Kiyim tozalash va dazmollash xonasi 0,1 0,08 0,07 0,06 0,05 (8 m2 dan kam emas) 13. Kiyim va poyabzal quritish xonasi Joydagi sharoitga qarab (ish xususiyatini hisobga olib) xonadan foydalanuvchining har biriga 0,2 m2 hisobidan, lekin 8 m2 dan kam emas

Izohlar:

1. Yotoqxonalarning hamma turlari uchun jamoat xonalarining umumiy maydoni ushbu SHNQning 4.7-bandiga muvofiq qabul qilinadi. Oʻrta-maxsus oʻquv yurtlari oʻquvchilari yotoqxonalari jamoat xonalari maydonining umumiy meʼyorlari tarkibida, yashash guruhi jamoat, yordamchi xonalari ham 1 kishiga 1,5 m2 hisobidan hisobga olingan boʻlishi kerak (4.5-bandiga muvofiq).

2. 100 oʻrindan kam sigʻimli yotoqxonalarda kir saqlash va xoʻjalik omborlar, ichiga qurilgan shkaf-stellajlar bilan almashtirilishi mumkin.

10-ILOVA

Qariyalar va nogironlar uy-internatlari xonalarining tarkibi va maydonlari

T/r Xonalar Maydoni, m2 Mustaqil harakatlanuvchilar uchun Yotib qolganlar (parvarishga muhtojlar) uchun Kreslo-aravachadagi nogironlar uchun 1 2 3 4 5 I. Yashash guruhi xonalari maydoni 1. Yashash xonalari 1 kishiga 2 kishiga 10 (12)* 16 (18)* loyihalash topshirigʻi boʻyicha** 14 (16)* 18 (20)* 2. Sanitariya xonasi (unitaz, yuz-qoʻl yuvgich, dush) 3,5 3,5 5,0 3. Ichki qurilgan shkaf kiyim, shaxsiy buyum, kir uchun (1 kishiga) 0,5 0,5 0,5 4. Dam olish xonasi (1 kishiga) 1,2 0,7 1,6 5. 6. 7. Bufet-xonasi Oshxona-tarqatish xonasi Vanna xonasi 18 dan kam emas 16 dan kam emas 14 dan kam emas 8. Sanitar xonasi kleyonka yuvish, kir saqlash, quritish, supirish-sidirish anjomlari saqlaydigan joyi bilan 16 dan kam emas 9. Maishiy xona (narsalarni yuvish va quritish, yigʻishtirish anjomlari saqlaydigan joyi bilan 12 dan kam emas 10. Toza kir saqlash xonasi 4 dan kam emas II. 3-4 yashash guruhi boʻlimining umumiy xonalari 11. 12. 13. 14. 15. Hamshira xonasi (muolaja) Xodimlar xonasi Xoʻjalik-bekasi xonasi Xodimlar hojatxonasi Xodimlar dush xonasi 12 — 14 8 10 1 kabina 1 kabina 12 — 14 8 10 1 kabina 1 kabina 14 — 16 8 10 1 kabina 1 kabina 16. 17. 18. Kiyim va kir dazmollash xonasi Klizma qilish xonasi Aravacha va kresslo-aravachalarni saqlash joyi 12 14 4 * Qavslarda yuqori qulaylikka ega yashash xonalarining maydoni berilgan. ** Kasalxona, statsionar palatalarida 1 koyka meʼyori boʻyicha (SHNQ 2.08.02). III. 50 — 300 oʻrinli uy-internatlarining umumiy xonalari 19. Vestibyul, xoll bir kishiga 0,3 — 0,4 20. Maʼmuriy-xoʻjalik xonalari (mudir, xoʻjalik mudiri, xodimlar xonasi, devonxona, kadrlar boʻlimi, buxgalteriya, anjomlarni saqlash xonasi va b.) bir kishiga 0,4 — 0,5 21. Dam olish, klub-toʻgarak mashgʻulotlari, telekoʻrsatuvlar tomosha qilish xonalari; tomosha zali, kutubxona bir kishiga 0,35 — 0,65 (24 — 30 m2 oʻlchamdagi xona) yashovchilar soni 200 nafardan oshganda (tarkibi va maydoni loyiha topshirigʻi bilan belgilanadi. 22. Tibbiy xizmat koʻrsatish va davolash-sogʻlomlashtirish muolajalari xonalari feldsher xonasi mudir xonasi 12 — 14 (yashovchilar soni 100 dan kam boʻlmaganda) 12 (yashovchilar soni 200 dan kam boʻlmaganda) terapevt shifokori xonasi 12 (100 oʻringa va undan ortiq) maslahatchi shifokorlar xonasi (laringolog, oftalmolog, yu.) har biri 18 m2 (yashovchilar soni 200 nafardan oshganda) stomatolog xonasi 14 (yashovchilar soni 200 nafardan oshganda) muolaja va bogʻlash xonasi 18 (yashovchilar soni 200 nafardan oshganda) elektr bilan davolash muolaja xonasi, yordamchi xonasi bilan 14 — 16 (+8) (yashovchilar soni 200 nafardan oshganda) issiqlik bilan davolash (ozokerit) muolaja xonasi, yordamchi xonasi bilan 14 (+8) (yashovchilar soni 200 nafardan oshganda) asbob-uskunani saqlash xonasi 6 dan kam boʻlmagan xodimlar uchun sanitariya uzellari va yigʻishtirish anjomlarini saqlash xonasi 3 + 3 davolash fizkultura xonasi 40 — 80 (yashovchilar soni 200 nafardan oshganda) zal qoshida yechinish va dush xonalari (erkak va ayollar uchun) 2 x (12+3) massaj xonasi 14 dorilarni saqlash va tarqatish xonasi (dorixona) 6 m2 dan kam boʻlmagan (yashovchilar soni 200 nafardan oshganda) yengil yonuvchan suyuqliklarni saqlash xonasi 3 ekspress laboratoriya xonasi 8 m2 dan kam boʻlmagan (yashovchilar soni 200 nafardan oshganda) sterilizatsiyalash xonasi 10 meditsina xodimlari xonasi 8 m2 dan kam boʻlmagan 23. Qabul xonasi vestibyul (gʻildirakli katalkalar joyi bilan) 12 (+2) tekshirish xonasi (sanitariya uzeli bilan) 18 (yashovchilar soni 100 nafardan oshganda) vaqtincha joylashtirish xonasi (sanitariya uzeli bilan) 14 (yashovchilar soni 100 nafardan oshganda) 24. 1-2 palatali izolyator (sanitariya uzeli bilan) 14 (har bir palataga) Post 4 25. Morg xonasi (sovutish kamerasi bilan) 10 + 6 (yashovchilar soni 200 nafardan oshganda) xodimlar xonasi (yechinish xonasi, hojatxona va dush bilan) 9 + 3 26. Arxiv 8 — 10 Chetdan kelgan qarindoshlar uchun yotoqxona (sanitariya uzellari bilan 1-2 xona) 14 (har bir xonaga) 28. Maishiy xizmat xonasi (sartaroshlik, pedikyur) 14 — 20 (yashovchilar soni 100 nafardan oshganda) 29. Oshxona sigʻimini 60 — 80%ga (amaldagi sogʻlomlar hisobidan) 1,3 zaldagi 1 oʻrin uchun amaldagi meʼyorlar boʻyicha ovqatlanish zali ovqat pishirish bloki 30. Pochta va bank xizmatlari xonasi (vestibyulda) 10 — 12 (yashovchilar soni 200 nafardan oshganda) 31. Navbatchi posti (vestibyulda) 6 32. Savdo kioski (vestibyulda) 6 (yashovchilar soni 200 nafardan oshganda) 33. Vestibyul qoshida sanuzellar (2) 5 34. Xoʻjalik xonalari: toza kirlar xonasi iflos kirlar xonasi shaxsiy buyumlar xonasi mavsumiy kiyimlar xonasi mebellar xonasi jihozlarni taʼmirlash xonasi bogʻ-dehqonchilik anjomlari saqlash xonasi xoʻjalik ombori yongʻin posti xonasi 10 — 12 6 — 8 12 — 16 12 — 16 12 — 16 12 — 16 6 — 8 15 — 16 4 35. Zararsizlantirishi (dezinfeksiya) kamera xonasi 18 — 24 (yashovchilar soni 200 nafardan oshganda) 36. Mehnat terapiyasi ustaxonalari Loyihalash topshirigʻi boʻyicha (6 — 8 bitta ish joyiga)

Izoh: Xonalar tarkibi va maydonlari loyihalash topshirigʻi bilan oʻrnatiladi.

11-ILOVA

Qariyalar va kreslo-aravachada nogironi bor oilalar kvartirasi xonalarining tarkibi va maydonlari

Xonalar tarkibi (majburiy) Xonalar maydoni, m2 1 xonali 2 xonali 2 xonali 2 kishiga 3 xonali 3-4 kishiga 4 xonali 4-5 kishiga 1 kishi 2 kishi 2 kishiga Qariyalar uchun Nogironi bor oilalar uchun Yashash xonalari: Umumiy xona 2 kishilik yotoqxona 1 kishilik yotoqxona Nogiron yotoqxonasi 16 - - - 18 - - - 16-17 16 - - 18 - - 16 20 16 — 18 - 16 22 16 — 18 10 — 14 16 Yashash maydoni 16 18 32-33 34 52 — 54 64 — 70 Yordamchi xonalar Dahliz, aravachani joyi bilan, yoʻlaklar Oshxona Sanuzel Omborlar, ichki qurilgan shkaflar 4 8 3,5 1,0 6 8 3,5 1,0 4 8 4-5 2 6 9 5 2-3 8 9-10 8 — 10 4 8 — 10 10 — 12 10 6 Umumiy maydon 32,5 36,5 50 — 52 56-57 81 — 86 98 — 108

Izoh: Kvartira xonalari tarkibi va maydonlari loyihalash topshirigʻi bilan oʻrnatiladi.

12-ILOVA

Qariyalar va nogiron oilalar uchun maxsus kvartirali uylardagi madaniy-maishiy xizmat koʻrsatish xonalarining tarkibi va maydonlari

T/r Xonalar Maydon, hisobidagi birlikka m2 Maydon, m2, hisobdagi kontingentni sonida (qariyalar va aravachadagi nogironlar) 50 100 150 1. Vestibyul-xoll qorovul, taksofon, savdo kioski(sayyor), koʻchalik kreslo-aravachalar saqlash joylari bilan 0,2 kamida 12 20 30 2. Maʼmuriy-maishiy xonalar (maʼmuriyat va xoʻjalik bekasi xonalari, maishiy xizmat punkti, kirxona quritish va dazmollash xonasi bilan, xoʻjalik va supurish-sidirish anjomlari ombori, sanuzel) 0,8 40 80 120 3. Madaniy-maʼrifat xonalari, havaskorlik mashgʻulotlari, mehmonxona, oʻquvzali, telexoll, ommaviy tadbirlar zali, stol usti oʻyinlari. 0,8 34 80 120 4. Tibbiy xonalar (hamshira xonasi, muolaja, massaj, fizioterapiya, davolash fizkultura zali) 0,2 kamida 14 20 30 5. Nogiron ishlaydigan ustaxona joylardagi sharoitga qarab Jami: 2,0 100 200 300

Izohlar:

1. Xonalar tarkibi va maydonlari loyihalash topshirigʻi bilan oʻrnatiladi. Budjet hisobiga quriladigan ijtimoiy uylarda madaniy-maishiy xonalarning umumiy maydoni 1 kishiga 1,5 — 2,0m2 hisobidan kelib chiqib qabul qilinishi kerak.

2. Tijorat xizmati xonalarini koʻrsatilgan hisobiy koʻrsatkichlardan tashqari qabul qilishga yoʻl qoʻyiladi.

3. Nogironlar ustaxonalarining maydoni loyihalash topshirigʻi boʻyicha oʻrnatiladi.

13-ILOVA

Yoʻlovchi liftlarning minimal soni

Binoning qavatlari Liftlar soni Yuk-koʻtaruvchanligi kg Tezligi m/sek Qavatdagi kvartiralarning eng katta maydoni, m2 9 gacha 10 — 12 13 — 16 1 2 2 630 yoki 1000 400, 630 yoki 1000 400, 630 yoki 1000 1,0 1,0 1,0 600 600 500

Izohlar:

1. 630 yoki 1000 kg yuk koʻtaruvchi lift kabinalarining gabaritlari 2100 x 1100 mm dan kam boʻlmasligi kerak.

2. Jadval 1 yashovchiga 16 — 18 m2 yashash maydoni, qavat balandligi — 3,0 m, lift harakati intervali 81 — 100 sek hisobidan kelib chiqib tuzilgan.

3. Qavatlardagi kvartiralar maydoni, qavat balandligi va 1 yashovchiga umumiy maydon, jadvalda qabul qilingan koʻrsatkichlar qiymatidan farq qiladigan turar-joy binolarda, liftlar soni, tezligi va yuk koʻtaruvchanligi hisoblab oʻrnatiladi.

4. Yuqori qavatlarida ikki sathli kvartiralar joylashgan turar-joy binolarda liftni sathlardan bittasida toʻxtashiga yoʻl qoʻyiladi.

14-ILOVA

Yaxshilangan va yuqori klass qulaylikka ega kvartiralarda santexnika jihozlarining har-xil turlarini qoʻllash

Qulaylik klassi Santexnika jihozlari toʻplami Yaxshilangan Odatdagi toʻplamga qoʻshilgan dush, oyoq vannasi, bide, qoʻshimcha sanuzel (dush, yuz-qoʻl yuvgich, unitaz) oʻrnatilishi mumkin. Yuqori Har-bir yotoqxona yonida (yuz-qoʻl yuvgich, vannaxona yoki dush, unitaz, bide, oyoq vanna). Bolalar yotoqxonasi yonida maxsus jihozlar qoʻllanadi. Kvartiraning umumiy zonasida: hojatxona (unitaz, bide, yuz-qoʻl yuvgich). Hammom-sauna hovuz, djakuzi vanna, davo massaj dushi bilan. Suzish uchun basseyn.