Tomorqa xoʻjaliklarida yetishtirilgan mahsulotlarni kafolatli xarid qilish tizimini moliyaviy jihatdan qoʻllab-quvvatlash toʻgʻrisida (81-son)

21.02.2022

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Tomorqadan foydalanish samaradorligini oshirish, shuningdek, aholining tadbirkorlik tashabbuslarini moliyaviy qoʻllab-quvvatlash boʻyicha qoʻshimcha chora-tadbirlar toʻgʻrisida” 2021-yil 16-dekabrdagi PQ-54-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Tomorqadan foydalanish samaradorligini oshirish, shuningdek, aholining tadbirkorlik tashabbuslarini moliyaviy qoʻllab-quvvatlash boʻyicha qoʻshimcha chora-tadbirlar toʻgʻrisida” 2021-yil 16-dekabrdagi PQ-54-son qaroriga muvofiq tomorqada yetishtirilgan mahsulotlarni kafolatli xarid qilish maqsadida 2026-yil 1-yanvarga qadar tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, quritish, saralash va qadoqlash uskunalari xarid qilish xarajatlarining 30 foizi miqdorida, biroq 150 mln soʻmdan ortiq boʻlmagan miqdorda subsidiya berish hamda 2022-yilda ushbu chora-tadbirlarni amalga oshirish uchun Kambagʻallikni qisqartirish va bandlik vazirligi huzuridagi Dehqon xoʻjaliklari va tomorqa yer egalari faoliyatini qoʻllab-quvvatlash jamgʻarmasiga Oʻzbekiston Respublikasi Davlat budjetidan tegishli mablagʻlar yoʻnaltirilishi belgilanganligi maʼlumot uchun qabul qilinsin.

2. Quyidagilarni nazarda tutuvchi tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi toʻgʻrisidagi nizom ilovaga muvofiq tasdiqlansin:

omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya olish uchun tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga qoʻyiladigan shartlar;

tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan holda omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilishga sarflangan xarajatlarning bir qismiga subsidiya olish boʻyicha talabgorlarning arizalariga asosan manzilli roʻyxatlarni shakllantirish tartibi;

Oʻzbekiston Respublikasi Yagona interaktiv davlat xizmatlari portali yoki Qishloq xoʻjaligi vazirligining “Agrosubsidiya” axborot tizimi orqali talabgorlar tomonidan subsidiya ajratish boʻyicha ariza bilan birga taqdim etiladigan hujjatlar toʻplami hamda ularni koʻrib chiqish tartibi;

tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi;

omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismini qoplash uchun subsidiya ajratilishini va Kambagʻallikni qisqartirish va bandlik vazirligi huzuridagi Dehqon xoʻjaliklari va tomorqa yer egalari faoliyatini qoʻllab-quvvatlash jamgʻarmasi bilan talabgor oʻrtasida tuzilgan shartnoma shartlari bajarilishini monitoring qilish tartibi.

3. Belgilab qoʻyilsinki:

tomorqada yetishtirilgan mahsulotlarni kafolatli xarid qilish maqsadida tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga 2026-yil 1-yanvarga qadar omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining 30 foizi miqdorida, biroq 150 mln soʻmdan ortiq boʻlmagan miqdorda Kambagʻallikni qisqartirish va bandlik vazirligi huzuridagi Dehqon xoʻjaliklari va tomorqa yer egalari faoliyatini qoʻllab-quvvatlash jamgʻarmasi tomonidan subsidiya beriladi;

omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish boʻyicha Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalarni va import kontraktlarni kompleks ekspertiza qilish markazi” DUK tomonidan xulosa beriladi.

4. Oʻzbekiston Respublikasi Iqtisodiyot va moliya vazirligi Oʻzbekiston Respublikasi Davlat budjetining 2023 — 2025-yillar uchun moʻljallangan parametrlarida tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining 30 foizi miqdorida, biroq 150 mln soʻmdan ortiq boʻlmagan miqdorda subsidiya berish uchun zarur mablagʻlarni nazarda tutsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 21-fevral,

81-son

Vazirlar Mahkamasining 2022-yil 21-fevraldagi 81-son qaroriga ILOVA

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi toʻgʻrisida

NIZOM

1-bob. Umumiy qoidalar

1. Ushbu Nizom 2022 — 2025-yillarda tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

manzilli roʻyxat — omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilgan yoki xarid qilishni rejalashtirgan, kooperatsiya asosida ish tashkil etgan tadbirkorlik subyektlari roʻyxati;

omborxonalarni jihozlash — qishloq xoʻjaligi mahsulotlarini saqlashga moʻljallangan yopiq turdagi binolar hamda sovitkichli omborxonalarda mahsulotlarni saqlash uchun qulayliklar yaratish qurilmalari, shuningdek, sovitish uchun ishlatiladigan jihozlar, omborxona devorlari uchun ishlatiladigan panellar, kichik hajmli koʻchma muzlatkichlar va boshqalar;

subsidiya — omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismini qoplash uchun tadbirkorlik subyektlariga (tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilar bilan kooperatsiya asosida ish tashkil etgan tadbirkorlik subyektlari (jismoniy shaxslar) davlat tomonidan beriladigan pul mablagʻi;

talabgorlar — tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan holda omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya olish boʻyicha murojaat qilgan tadbirkorlik subyektlari (jismoniy shaxslar);

qishloq xoʻjaligi mahsulotlarini quritish, saralash va qadoqlash uskunalari — qishloq xoʻjaligi mahsulotlarini quritish, saralash va qadoqlashga moʻljallangan asbob-uskunalar, texnologiyalar (liniyalar).

3. Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlarini moliyaviy qoʻllab-quvvatlash maqsadida Kambagʻallikni qisqartirish va bandlik vazirligi huzuridagi Dehqon xoʻjaliklari va tomorqa yer egalari faoliyatini qoʻllab-quvvatlash jamgʻarmasiga (keyingi oʻrinlarda — Jamgʻarma) 2022 — 2025-yillarda Oʻzbekiston Respublikasi Davlat budjetidan ajratilgan mablagʻlar hisobidan tadbirkorlik subyektlariga 4 ta yoʻnalish boʻyicha, jumladan, omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining 30 foizi miqdorida, biroq 150 mln soʻmdan ortiq boʻlmagan miqdorda subsidiya beriladi.

Oʻzbekiston Respublikasi Davlat budjetidan ushbu maqsadlar uchun ajratiladigan mablagʻlar hisobi Jamgʻarmada ochiladigan maxsus shaxsiy gʻazna hisobvaragʻida yuritiladi.

Bunda moliya yili yakuni boʻyicha Jamgʻarmaning maxsus shaxsiy gʻazna hisobvaragʻida foydalanilmay qolgan mablagʻlar kelgusi moliya yili uchun subsidiya berishda sarflanadi.

4. Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi ushbu Nizomga 1-ilovaga muvofiq sxema boʻyicha amalga oshiriladi.

2-bob. Subsidiya ajratish shartlari

5. Omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya olish uchun tadbirkorlik subyektlari:

yuridik shaxslar davlat roʻyxatidan oʻtkazilganlik toʻgʻrisidagi guvohnomaga, jismoniy shaxslar shaxsini tasdiqlovchi pasportga ega boʻlgan;

tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan;

faoliyatini samarali amalga oshirish uchun zarur boʻlgan egalik yoki boshqa mulkiy huquq, shuningdek, ijara huquqi asosida texnik jihatdan tartibga solish sohasidagi normativ hujjatlar talablariga javob beradigan ishlab chiqarish bino va inshootlariga hamda zarur texnik-texnologik vositalarga ega boʻlishi (kichik hajmli koʻchma muzlatkichlardan tashqari);

omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalari talabgor tomonidan manzilli roʻyxatga kiritish uchun ariza berilgan sanadan koʻpi bilan bir yil oldin xarid qilingan yoki xarid qilishni rejalashtirgan;

omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarining xaridi boʻyicha tuzilgan shartnomalar Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUK tomonidan ekspertizadan oʻtkazilgan boʻlishi lozim.

3-bob. Talabgorlarning manzilli roʻyxatini shakllantirish tartibi

6. Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilar bilan kooperatsiya asosida ish tashkil etgan holda omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilishga sarflangan xarajatlarning bir qismiga subsidiya olish boʻyicha talabgorlarning arizalariga asosan manzilli roʻyxat har yili 1-fevral holatiga bir marta shakllantiriladi.

Qoraqalpogʻiston Respublikasi Vazirlar Kengashi va viloyatlar hokimliklarining takliflariga koʻra Kambagʻallikni qisqartirish va bandlik vazirligi bilan kelishilgan holda manzilli roʻyxatga bir oyda bir marta oʻzgartirish va qoʻshimchalar kiritilishi mumkin.

7. Qoraqalpogʻiston Respublikasi va viloyatlarda tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan talabgorlarga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilishga sarflangan xarajatlarning bir qismini qoplash uchun subsidiya ajratishga koʻmaklashuvchi respublika ishchi guruhining namunaviy tarkibi ushbu Nizomga 2-ilovaga muvofiq tuziladi.

8. Omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya olishni xohlovchi talabgorlar manzilli roʻyxatga kirish uchun ariza bilan har yili 1-fevralga qadar Oʻzbekiston Respublikasi Yagona interaktiv davlat xizmatlari portali (keyingi oʻrinlarda — YIDXP) yoki Qishloq xoʻjaligi vazirligining “Agrosubsidiya” axborot tizimi (keyingi oʻrinlarda — “Agrosubsidiya” AT) orqali kambagʻallikni qisqartirish va bandlikka koʻmaklashish tuman boʻlimlariga murojaat qiladi. Talabgorlar arizani ushbu Nizomga 3-ilovaga muvofiq toʻldirgan holda elektron shaklda yuboradi.

9. Talabgorlar arizaga kooperatsiya asosida ish tashkil etganligini tasdiqlovchi kambagʻallikni qisqartirish va bandlikka koʻmaklashish tuman boʻlimlari va tuman hokimi yordamchisining tavsiyanomasini ilova qiladi.

10. Talabgorlarning tizimga kelib tushgan arizasiga oʻziga xos raqam (identifikatsiya raqami) biriktiriladi.

11. Kambagʻallikni qisqartirish va bandlikka koʻmaklashish tuman boʻlimlari tomonidan talabgorning arizasi rad etilganda, talabgor hujjatlar boʻyicha kamchiliklarni bartaraf etgan holda har yili 1-fevralga qadar qayta taqdim etishi mumkin.

12. Kambagʻallikni qisqartirish va bandlikka koʻmaklashish tuman boʻlimlari tuman moliya boʻlimi bilan birga besh ish kunida talabgorlar tomonidan taqdim etilgan ariza va ilova qilingan hujjatlarni oʻrganadi.

13. Oʻrganish natijalariga koʻra talabgorlarning manzilli roʻyxati shakllantiriladi va manzilli roʻyxat tumandagi tegishli hokim yordamchisi, tuman iqtisodiyot va moliya boʻlimi boshligʻi tomonidan imzolanib, kambagʻallikni qisqartirish va bandlikka koʻmaklashish tuman boʻlimlarining raisi tomonidan tasdiqlanadi.

14. Omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya olish boʻyicha talabgorlarning manzilli roʻyxatini sifatli shakllantirish, taqdim etilgan maʼlumotlarning aniqliligi yuzasidan javobgarlik kambagʻallikni qisqartirish va bandlikka koʻmaklashish tuman boʻlimlarining raisi, tuman iqtisodiyot va moliya boʻlimining boshligʻi hamda tumandagi tegishli hokimi yordamchisiga yuklanadi.

15. Kambagʻallikni qisqartirish va bandlikka koʻmaklashish tuman boʻlimlari tasdiqlangan manzilli roʻyxatni har yili 15-fevralga qadar respublika ishchi guruhiga taqdim qiladi.

16. Kambagʻallikni qisqartirish va bandlikka koʻmaklashish tuman boʻlimlari talabgorlarga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya olish boʻyicha talabgorlarning manzilli roʻyxatiga kiritilganligi toʻgʻrisida har yili 20-fevralga qadar sanani koʻrsatgan holda xabarnoma yuboradi.

17. Kambagʻallikni qisqartirish va bandlikka koʻmaklashish tuman boʻlimlari tomonidan talabgorlarning arizasini rad etish toʻgʻrisida qaror qabul qilinganda, talabgorlarga arizasi rad etilganligi haqida uch ish kunida yozma yoki elektron shaklda xabarnoma yuboriladi. Bunda arizani rad etishning asoslangan sabablari koʻrsatilishi shart.

18. Talabgorlar kambagʻallikni qisqartirish va bandlikka koʻmaklashish tuman boʻlimlarining manzilli roʻyxatga kiritishni rad etish toʻgʻrisidagi qaroridan norozi boʻlgan taqdirda, belgilangan tartibda yuqori turuvchi tashkilotga yoki sudga shikoyat qilish huquqiga ega.

19. Respublika ishchi guruhi hududlar va tumanlar kesimida omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya olishni xohlovchi talabgorlarning manzilli roʻyxatini besh ish kunida tahlil qilgan holda umumlashtiradi va tasdiqlaydi hamda har yili 20-fevralga qadar Oʻzbekiston Respublikasi Iqtisodiyot va moliya va Jamgʻarmaga taqdim etadi.

4-bob. Talabgorlarning subsidiya ajratish boʻyicha ariza bilan murojaat qilish va arizani koʻrib chiqish tartibi

20. Omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya olish boʻyicha talabgorlarning manzilli roʻyxatiga kiritilgan talabgorlar subsidiya olish boʻyicha arizani ushbu Nizomga 4-ilovaga muvofiq shaklda toʻldirgan holda, YIDXP yoki “Agrosubsidiya” AT orqali kambagʻallikni qisqartirish va bandlikka koʻmaklashish tuman boʻlimlariga elektron shaklda yuboradi.

Arizaga quyidagi hujjatlar ilova qilinadi:

omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilinganligini tasdiqlovchi hujjat (tuzilgan oldi-sotdi shartnomasi va toʻlov topshiriqnomasi) nusxasi;

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUK xulosasi.

Kambagʻallikni qisqartirish va bandlikka koʻmaklashish tuman boʻlimlari tomonidan talabgorlardan ushbu bandda nazarda tutilmagan hujjatlarni taqdim etishni talab qilishga yoʻl qoʻyilmaydi.

21. Kambagʻallikni qisqartirish va bandlikka koʻmaklashish tuman boʻlimlari tuman moliya boʻlimi bilan birga talabgorlardan subsidiya ajratish haqidagi ariza kelib tushgan kundan boshlab besh ish kunida omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalari xarid qilinib, ularning oʻrnatilganligini joyiga chiqqan holda oʻrganadi.

Oʻrganish natijalari boʻyicha ijobiy xulosa qilingan taqdirda, ushbu Nizomga 5-ilovaga muvofiq shakldagi xulosa ikki nusxada rasmiylashtiriladi. Xulosaning birinchi nusxasi kambagʻallikni qisqartirish va bandlikka koʻmaklashish tuman boʻlimlarida 5 yilgacha saqlanadi va ikkinchi nusxasi subsidiya oluvchi talabgorlarga beriladi.

22. Talabgorlar tomonidan taqdim etilgan hujjatlar ushbu Nizomning 20-21-bandlarida nazarda tutilgan talablarga javob bermagan taqdirda, kambagʻallikni qisqartirish va bandlikka koʻmaklashish tuman boʻlimlarining subsidiya ajratishni rad etish toʻgʻrisidagi xulosasi ushbu Nizomga 6-ilovaga muvofiq shaklda rasmiylashtiriladi.

23. Talabgorlar kambagʻallikni qisqartirish va bandlikka koʻmaklashish tuman boʻlimlarining subsidiya ajratishni rad etish toʻgʻrisidagi qaroridan norozi boʻlgan taqdirda, belgilangan tartibda yuqori turuvchi tashkilotga yoki sudga shikoyat qilish huquqiga ega.

24. Kambagʻallikni qisqartirish va bandlikka koʻmaklashish tuman boʻlimlari subsidiya ajratish toʻgʻrisidagi xulosalar va maʼlumotlarni xulosalar rasmiylashtirilgandan keyin uch ish kunida Respublika ishchi guruhiga taqdim etib boradi.

25. Respublika ishchi guruhi kambagʻallikni qisqartirish va bandlikka koʻmaklashish tuman boʻlimlarining talabgorlarga subsidiya ajratish toʻgʻrisidagi xulosalari va maʼlumotlarini besh ish kunida oʻrganib chiqadi va tahlil qiladi.

26. Respublika ishchi guruhi oʻrganish natijalariga koʻra, talabgorlarga subsidiya ajratish maqsadga muvofiqligi toʻgʻrisidagi xulosani ushbu Nizomga 7-ilovaga muvofiq shaklda yoki talabgorlarga subsidiya ajratish maqsadga muvofiq emasligi toʻgʻrisidagi xulosani ushbu Nizomga 8-ilovaga muvofiq shaklda rasmiylashtiradi.

5-bob. Subsidiya ajratish tartibi

27. Respublika ishchi guruhi hudud va tuman kesimida talabgorlarga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish maqsadga muvofiqligi toʻgʻrisidagi xulosalarni hamda umumlashtirilgan maʼlumotlarni xulosalar rasmiylashtirilgandan keyin uch ish kunida Oʻzbekiston Respublikasi Moliya vazirligiga va Jamgʻarmaga taqdim etadi.

28. Jamgʻarma va talabgorlar oʻrtasida tuziladigan shartnoma qonunchilik hujjatlarida belgilangan tartibda (YIDXP yoki “Agrosubsidiya” AT orqali) tuziladi va elektron raqamli imzo bilan tasdiqlash orqali amalga oshiriladi.

29. Jamgʻarmaga ajratilgan mablagʻlar hisobidan subsidiya ajratish boʻyicha shartnoma tuzilgandan keyin uch ish kunida talabgorlarning tijorat banklaridagi asosiy hisobvaraqlariga budjet hisobi va hisoboti yuritilishini kompleks avtomatlashtirish uchun moʻljallangan “UzASBO” dasturiy majmui orqali oʻtkazib beriladi.

6-bob. Subsidiya ajratilishini hamda Jamgʻarma va talabgorlar oʻrtasida tuzilgan shartnoma shartlari bajarilishini monitoring qilish tartibi

30. Talabgorlarning tijorat banklaridagi hisobvaraqlariga subsidiya oʻz vaqtida va toʻliq oʻtkazib berilishi monitoringi Jamgʻarma tomonidan “UzASBO” dasturiy majmui bilan maʼlumot almashish orqali amalga oshiriladi.

31. Jamgʻarma va talabgorlar oʻrtasida tuzilgan shartnoma shartlarining bajarilishi hamda omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalaridan samarali va maqsadli foydalanish kambagʻallikni qisqartirish va bandlikka koʻmaklashish tuman boʻlimlari va tuman moliya boʻlimi hamda tegishli tuman hokimi yordamchisi tomonidan nazorat qilinadi.

32. Agar talabgorlar tomonidan shartnoma shartlarining bajarilmaslik hamda omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalaridan samarali va maqsadli foydalanilmaslik holatlari aniqlansa, bu haqda kambagʻallikni qisqartirish va bandlikka koʻmaklashish tuman boʻlimlari va tuman moliya boʻlimi tegishli dalolatnomani rasmiylashtiradi. Ushbu dalolatnoma Jamgʻarma va talabgorlar oʻrtasida tuzilgan shartnomani bekor qilish uchun asos boʻladi.

33. Kambagʻallikni qisqartirish va bandlikka koʻmaklashish tuman boʻlimlari tuzilgan dalolatnomaga muvofiq talabgorlarga olingan subsidiyani masʼul idora uchun ochiladigan maxsus shaxsiy gʻazna hisobvaragʻini koʻrsatgan holda qaytarish toʻgʻrisidagi ogohlantirish xatini yuboradi.

34. Talabgorlar ogohlantirish xatini olgan kundan boshlab bir oy muddatda subsidiyani ixtiyoriy ravishda qaytarmasa yoki qaytarishni rad etsa, subsidiyani majburiy undirish masalasi sud tartibida hal qilinadi.

7-bob. Yakunlovchi qoidalar

35. Subsidiya berishda yuzaga keladigan kelishmovchiliklar tomonlar oʻrtasida muzokaralar oʻtkazish orqali hal qilinadi.

Bunda taraflar oʻrtasida kelishmovchiliklar muzokaralar oʻtkazish orqali hal etilmagan taqdirda, nizolar sud tartibida hal qilinadi.

351. Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasini amalga oshirish boʻyicha muvofiqlashtiruvchi kengash huzuridagi Agrar va oziq-ovqat sohalarini subsidiyalash boʻyicha Texnik ishchi guruh tomonidan 2025-yil 1-yanvarga qadar ushbu subsidiyaning samaradorlik koʻrsatkichi baholanadi. Bunda:

subsidiyani ajratish natijasida subsidiya ajratilgan subyektlarning mahsulot yetishtirish hamda ularni realizatsiya qilish hajmi oshganda, subsidiyaning samaradorlik koʻrsatkichi “ijobiy”;

subsidiya oluvchi subyekt tomonidan olingan subsidiyadan foydalanilmayotganligi yoki undan samarasiz foydalanayotganligi, shuningdek, subsidiyalardan boshqa maqsadlarda foydalanilganligi aniqlanganda, subsidiyaning samaradorlik koʻrsatkichi “salbiy” deb baholanadi.

36. Tomorqa xoʻjaliklarida yetishtirilgan mahsulotlarni kafolatli xarid qilish uchun tadbirkorlik subyektlariga omborxonalarni jihozlash, shuningdek, quritish, saralash va qadoqlash uskunalarini xarid qilish xarajatlarining bir qismini qoplash uchun ajratilgan mablagʻlardan maqsadli foydalanish Davlat moliyaviy nazorati inspeksiyasi tomonidan nazorat qilinadi.

37. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladilar.

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi toʻgʻrisidagi nizomga 1-ILOVA

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish

SXEMASI

BosqichlarIjrochilarAmalga oshirish mexanizmiMuddati1-bosqichTalabgorlar1. Talabgorlar YIDXP yoki “Agrosubsidiya” AT orqali elektron shaklda ariza taqdim etadi.2. Taqdim etilgan arizaga kooperatsiya asosida ish tashkil etilganligini tasdiqlovchi kambagʻallikni qisqartirish va bandlikka koʻmaklashish tuman boʻlimlari va tuman hokimi yordamchisining tavsiyanomasini ilova qiladi.Har yili 1-aprelga qadar2-bosqichKambagʻallikni qisqartirish va bandlikka koʻmaklashish tuman boʻlimlari1. Tuman moliya boʻlimi bilan birga talabgorlarning manzilli roʻyxatini shakllantiradi, tahlil qiladi va umumlashtiradi.2. Talabgorlarning manzilli roʻyxati tuman moliya boʻlimi boshligʻi tomonidan imzolanib, kambagʻallikni qisqartirish va bandlikka koʻmaklashish tuman boʻlimlari raisi tomonidan tasdiqlanadi hamda respublika ishchi guruhiga taqdim qilinadi.Har yili 15-aprelga qadar3-bosqichTomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilishga sarflangan xarajatlarning bir qismini qoplash uchun subsidiya ajratishga koʻmaklashuvchi respublika ishchi guruhi1. Hududlar va tumanlar kesimidagi manzilli roʻyxatni tahlil qiladi, umumlashtiradi va tasdiqlaydi.2. Tasdiqlangan manzilli roʻyxatni Moliya vazirligiga va Jamgʻarmaga taqdim etadi.Har yili 20-aprelga qadar4-bosqichTalabgorlarManzilli roʻyxatga kiritilgan talabgorlar subsidiya olish boʻyicha arizani zarur hujjatlarni ilova qilgan holda YIDXP yoki “Agrosubsidiya” AT orqali elektron shaklda yuboradi.Subsidiya obyekti xarid qilingandan soʻng5-bosqichKambagʻallikni qisqartirish va bandlikka koʻmaklashish tuman boʻlimlari1. Tuman moliya boʻlimi bilan birga talabgorlarning subsidiya obyektini joyiga chiqib oʻrganadi, 2 nusxada xulosani rasmiylashtiradi. Xulosaning bir nusxasini 5 yilgacha saqlaydi.Ariza kelib tushgan kundan boshlab 5 ish kunida2. Talabgorlarga subsidiya ajratish toʻgʻrisidagi xulosalar va maʼlumotlarni respublika ishchi guruhiga taqdim etib boradi.3 ish kunida6-bosqich Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilishga sarflangan xarajatlarning bir qismini qoplash uchun subsidiya ajratishga koʻmaklashuvchi respublika ishchi guruhi1. Kambagʻallikni qisqartirish va bandlikka koʻmaklashish tuman boʻlimlarining talabgorlarga subsidiya ajratish toʻgʻrisidagi xulosasi va maʼlumotlarini oʻrganib chiqadi va tahlil qiladi. Zaruratga koʻra talabgorlarning takliflarini joyiga chiqqan holda oʻrganadi.Xulosa va maʼlumotlar kelib tushgan kundan boshlab 5 ish kunida2. Subsidiya ajratish maqsadga muvofiqligi toʻgʻrisidagi xulosalarni rasmiylashtiradi hamda umumlashtirilgan maʼlumotlarni Oʻzbekiston Respublikasi Moliya vazirligiga va Jamgʻarmaga taqdim etadi.3 ish kunida7-bosqichKambagʻallikni qisqartirish va bandlik vazirligi huzuridagi Dehqon xoʻjaliklari va tomorqa yer egalari faoliyatini qoʻllab-quvvatlash jamgʻarmasi1. Talabgorlar bilan shartnoma tuzadi va elektron raqamli imzo bilan tasdiqlaydi.Xulosa kelib tushgan kundan boshlab 3 ish kunida2. Tuzilgan shartnomaga asosan subsidiyani talabgorlarning tijorat banklaridagi asosiy hisobvaraqlariga “UzASBO” DM orqali oʻtkazib beradi.Shartnoma imzolangan kundan boshlab 3 ish kunida

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi toʻgʻrisidagi nizomga 2-ILOVA

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilishga sarflangan xarajatlarning bir qismini qoplash uchun subsidiya ajratishga koʻmaklashuvchi respublika ishchi guruhining

NAMUNAVIY TARKIBI

1. Lavozimi boʻyicha — Kambagʻallikni qisqartirish va bandlik vazirining birinchi oʻrinbosari, ishchi guruh rahbari

2. Kelishuv asosida — Kambagʻallikni qisqartirish va bandlik vazirligi vakili

3. Kelishuv asosida — Iqtisodiyot va moliya vazirligi vakili

4. Kelishuv asosida — Qishloq xoʻjaligi vazirligi vakili

5. Kelishuv asosida — Agrosanoat majmui ustidan nazorat qilish inspeksiyasi vakili

6. Lavozimi boʻyicha — Kambagʻallikni qisqartirish va bandlik vazirligi huzuridagi Dehqon xoʻjaliklari va tomorqa yer egalari faoliyatini qoʻllab-quvvatlash jamgʻarmasi direktori oʻrinbosari, ishchi guruh kotibi

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi toʻgʻrisidagi nizomga 3-ILOVA

Omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya olish uchun manzilli roʻyxatga kiritish toʻgʻrisida tuman kambagʻallikni qisqartirish va bandlikka koʻmaklashish boʻlimlariga

ARIZA

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi toʻgʻrisidagi nizomga 4-ILOVA

Omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish toʻgʻrisida tuman kambagʻallikni qisqartirish va bandlikka koʻmaklashish boʻlimlariga

ARIZA

(4-ilova Oʻzbekiston Respublikasi Prezidentining 2024-yil 5-martdagi PQ-115-sonli qarori tahririda — Qonunchilik maʼlumotlari milliy bazasi, 07.03.2024-y., 07/24/115/0191-son)

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi toʻgʻrisidagi nizomga 5-ILOVA

Omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish toʻgʻrisida tuman kambagʻallikni qisqartirish va bandlikka koʻmaklashish boʻlimlarining

XULOSASI

(5-ilova Oʻzbekiston Respublikasi Prezidentining 2024-yil 5-martdagi PQ-115-sonli qarori tahririda — Qonunchilik maʼlumotlari milliy bazasi, 07.03.2024-y., 07/24/115/0191-son)

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi toʻgʻrisidagi nizomga 6-ILOVA

Omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratishni rad etish toʻgʻrisida tuman kambagʻallikni qisqartirish va bandlikka koʻmaklashish boʻlimlarining

XULOSASI

(6-ilova Oʻzbekiston Respublikasi Prezidentining 2024-yil 5-martdagi PQ-115-sonli qarori tahririda — Qonunchilik maʼlumotlari milliy bazasi, 07.03.2024-y., 07/24/115/0191-son)

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi toʻgʻrisidagi nizomga 7-ILOVA

Omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish toʻgʻrisida respublika ishchi guruhining

XULOSASI

(7-ilova Oʻzbekiston Respublikasi Vazirlar Mahkamasining 2024-yil 25-iyuldagi 453-sonli qarori tahririda — Qonunchilik maʼlumotlari milliy bazasi, 26.07.2024-y., 09/24/453/0558-son)

Tomorqa yer egalari, fermer, dehqon xoʻjaliklari, qishloq xoʻjaligi mahsulot yetkazib beruvchilari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibi toʻgʻrisidagi nizomga 8-ILOVA

Omborxonalarni jihozlash, shuningdek, qishloq xoʻjaligi mahsulotlarini quritish, saralash va qadoqlash uskunalarini xarid qilish xarajatlarining bir qismiga subsidiya ajratishni rad etish toʻgʻrisida respublika ishchi guruhining

XULOSASI

(8-ilova Oʻzbekiston Respublikasi Vazirlar Mahkamasining 2024-yil 25-iyuldagi 453-sonli qarori tahririda — Qonunchilik maʼlumotlari milliy bazasi, 26.07.2024-y., 09/24/453/0558-son)