Xalq taʼlimi tizimini isloh qilish boʻyicha qoʻshimcha chora-tadbirlar toʻgʻrisida (F-22-son)

03.02.2022

Oʻzbekiston Respublikasi Prezidentining

farmoyishi

Xalq taʼlimi tizimini yanada rivojlantirish, sohaga doir yangi tashabbuslarni ilgari surish va ularni qoʻllab-quvvatlash, taʼlim va tarbiya sifatiga bevosita va bilvosita taʼsir qilishi mumkin boʻlgan masalalarni hal qilish, masʼul vazirlik va idoralar, mahalliy ijro etuvchi hokimiyat organlarining bu boradagi faoliyatini muvofiqlashtirib borish maqsadida:

1. Quyidagilar:

Xalq taʼlimi tizimini isloh qilish boʻyicha milliy kengash (keyingi oʻrinlarda — Milliy kengash) 1-ilovaga muvofiq tarkibda;

Xalq taʼlimi tizimini isloh qilish boʻyicha Qoraqalpogʻiston Respublikasi, viloyatlar va Toshkent shahar kengashlari (keyingi oʻrinlarda — hududiy kengashlar) 2-ilovaga muvofiq namunaviy tarkibda;

Xalq taʼlimi tizimini isloh qilish boʻyicha tuman (shahar) kengashlari (keyingi oʻrinlarda — tuman (shahar) kengashlari) 3-ilovaga muvofiq namunaviy tarkibda tashkil etilsin.

2. Milliy kengashning asosiy vazifalari etib quyidagilar belgilansin:

milliy taʼlim tizimini yoʻlga qoʻyish, darslik va oʻquv qoʻllanmalarini zamon talablari asosida takomillashtirish hamda ularning yangi avlodini yaratish, oʻquv dasturlarini ilgʻor xorijiy tajriba asosida optimallashtirish boʻyicha ishlarni muvofiqlashtirish;

oʻqituvchi kasbining maqomi va obroʻsini koʻtarish, ularning moddiy va ijtimoiy qoʻllab-quvvatlanishini taʼminlash, samarali mehnat faoliyati uchun munosib sharoitlar yaratish;

Yangi Oʻzbekiston taraqqiyoti, boy madaniy-tarixiy meros, milliy urf-odat, vatanparvarlik va umuminsoniy qadriyatlar gʻoyalari asosida maʼnaviy yetuk avlodni tarbiyalashning samarali pedagogik shakl va metodlari tatbiq etilishini tashkillashtirish;

umumiy oʻrta taʼlim muassasalari bino va inshootlarini qurish, rekonstruksiya qilish, joriy va mukammal taʼmirlash boʻyicha ishlarni muvofiqlashtirish va monitoringini olib borish, mazkur ishlarda zamonaviy texnologiyalar va energiya tejamkor materiallar qoʻllanilishini taʼminlash;

xalq taʼlimi sohasidagi ishlarning ahvolini tizimli tahlil va monitoring qilish, masʼul vazirlik, idora va mahalliy ijro etuvchi hokimiyat organlari rahbarlarining bu borada qilingan ishlar boʻyicha hisobotlarini tinglash, shu asosda ularni ragʻbatlantirish yoki javobgarlikka tortish boʻyicha choralar koʻrish;

xalq taʼlimi tizimida islohotlarni amalga oshirishda vazirlik, idora va mahalliy ijro etuvchi hokimiyat organlarining faoliyati oʻzaro kelishilgan tarzda, samarali olib borilishini, sustkashliklar va masʼuliyatsizlikka yoʻl qoʻymasligini taʼminlash, shuningdek, hududiy hamda tuman (shahar) kengashlari ishini sifatli tashkil qilish, mazkur farmoyishda belgilangan chora-tadbirlar bilan bir qatorda ularning qoʻshimcha vazifa va funksiyalarini belgilash;

xalq taʼlimi sohasidagi davlat dasturlarini ishlab chiqish va amalga oshirishni tashkillashtirish, mazkur sohadagi qonunchilik hujjatlarini va huquqni qoʻllash amaliyotini yanada takomillashtirish;

xalq taʼlimi tizimini isloh qilish boʻyicha tuman (shahar) kesimida ishlab chiqilgan yillik hududiy dasturlarning vazirlik, idora va mahalliy ijro etuvchi hokimiyat organlari tomonidan toʻliq hamda oʻz vaqtida bajarilishini nazorat qilish.

3. Milliy kengashning joriy faoliyatini taʼminlash uchun Oʻzbekiston Respublikasi Prezidentining maslahatchisi A.A. Abduvaxitov va xalq taʼlimi vaziri B.O. Saidov boshchiligida Respublika shtabi tashkil qilinsin.

4. Respublika shtabi tomonidan joylarda amalga oshiriladigan ishlar rejasi (keyingi oʻrinlarda — ish reja) va hududlarni oʻrganish reja jadvali 4 va 5-ilovalarga muvofiq tasdiqlansin.

Quyidagilarga:

vazirlik va idoralar rahbarlari hamda Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklariga — ish rejada nazarda tutilgan tadbirlarni oʻz vaqtida va sifatli bajarish;

Oʻzbekiston Respublikasi Prezidentining maslahatchisi A.A. Abduvaxitovga — ish rejada nazarda tutilgan tadbirlarni toʻliq hajmda amalga oshirish boʻyicha vazirlik, idora va mahalliy ijro etuvchi hokimiyat organlari faoliyatini samarali tashkil etish, normativ-huquqiy hujjatlar loyihalarini oʻz vaqtida va puxta ishlab chiqish yuzasidan shaxsiy javobgarlik yuklansin.

5. Hududiy kengashlar tuman (shahar) kengashlari bilan birgalikda:

2022-yil 15-fevralga qadar umumiy oʻrta taʼlim muassasalari direktorlari, pedagog kadrlar, oʻquvchilarning ota-onalari, malakali mutaxassislar va xorijiy ekspertlarni jalb qilgan holda xalq taʼlimi tizimini isloh qilish boʻyicha tuman (shahar) kesimida yillik hududiy dasturlarni ishlab chiqsin va keng muhokama qilish uchun rasmiy veb-saytlar, ommaviy axborot vositalari va ijtimoiy tarmoqlarda joylashtirsin;

2022-yil 1-martga qadar muhokama doirasida kelib tushgan takliflardan kelib chiqib qayta ishlangan hududiy dasturlarni tegishlicha Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlarida taqdimot qilsin;

2022-yil 5-martga qadar hududiy dasturlarni tasdiqlasin va Milliy kengashga kiritsin;

har oyning 20-sanasiga qadar hududiy dasturlar ijrosi boʻyicha hisobotini hamda xalq taʼlimi tizimini isloh qilish boʻyicha taklif va tashabbuslarini Respublika shtabiga kiritsin.

Bunda, tashabbuslar va takliflar Respublika shtabiga taqdimot koʻrinishida kiritiladi hamda ularga tahliliy maʼlumotnoma va jadvallar, rivojlangan mamlakatlarning tajribasini oʻrganish boʻyicha maʼlumotnoma va boshqa materiallar, shuningdek, zarur hollarda, normativ-huquqiy hujjatlar loyihalari ilova qilinadi.

Respublika shtabi (Abduvaxitov, Saidov) har oyning 25-sanasigacha hududiy kengashlar tomonidan taqdim etilgan hisobotlar, tashabbuslar va takliflarni umumlashtirib Milliy kengashga kiritsin.

6. Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tuman va shahar hokimlari:

uch kun muddatda kengashlarning tashkiliy yigʻilishlarini oʻtkazib, tegishli yoʻnalish doirasida belgilangan vazifalar sifatli va oʻz vaqtida amalga oshirilishini taʼminlash boʻyicha savolnoma, tarmoq grafigi va taqdimot materiallari namunalarini tasdiqlasin hamda kengash aʼzolarining vazifalar taqsimotini belgilasin;

kengashlar ishini samarali tashkil qilish uchun barcha zarur choralarni amalga oshirsin, ularning faoliyatiga ilmiy va taʼlim muassasalari, xalqaro tashkilotlar mutaxassislari, shuningdek, mahalliy hamda xorijiy ekspert va maslahatchilarni jalb qilsin;

har kuni tegishli kengashlar tomonidan tayyorlanayotgan takliflarning, shu jumladan joyiga chiqqan holda muhokamasini tashkil etib borsin;

takliflarni tayyorlash jarayonida kengash aʼzolari oʻrtasida samarali va doimiy kommunikatsiya hamda hamkorlikni yoʻlga qoʻysin;

kengashlar tomonidan har tomonlama asoslantirilgan takliflar ishlab chiqilishini va ularning oʻz vaqtida Respublika shtabiga kiritilishini taʼminlasin.

7. Belgilansinki, 2022-yil 1-martdan boshlab har oyda ikkita hududiy kengashlar xalq taʼlimi tizimini isloh qilish boʻyicha tayyorlagan taklif va tashabbuslarini Milliy kengashga taqdimot qiladi.

Respublika shtabi (Abduvaxitov, Saidov) hududiy kengashlarga taqdimot materiallarini tayyorlashda koʻmaklashsin.

8. Tashqi ishlar vazirligi (Kamilov):

Respublika shtabi soʻroviga asosan Oʻzbekiston Respublikasining xorijiy mamlakatlardagi diplomatik vakolatxonalarini jalb qilgan holda xalq taʼlimi tizimini isloh qilish yuzasidan rivojlangan davlatlarning tajribasini chuqur oʻrganib, ular boʻyicha maʼlumotlarning tezkor taqdim etilishini taʼminlasin;

ushbu maʼlumotlarni tayyorlashda xorijiy davlatlarning nufuzli ekspertlari, olimlari va mutaxassislari bilan uchrashuvlar va muhokamalar oʻtkazish (shu jumladan, videokonferensaloqa shaklida), ulardagi asosiy normativ-huquqiy hujjatlarni tarjima qilish choralarini koʻrsin;

Investitsiyalar va tashqi savdo vazirligi bilan birgalikda xalqaro tashkilotlar va xalqaro moliya institutlaridan xalq taʼlimi tizimini isloh qilish yuzasidan tayyorlangan tahliliy axborotlar va hisobotlar, shuningdek, tavsiya va takliflarni Respublika shtabiga taqdim etsin;

Davlat xizmatini rivojlantirish agentligi, “El-yurt umidi” jamgʻarmasi bilan birgalikda zarur hollarda kengash aʼzolarini rivojlangan xorijiy davlatlarga qisqa muddatli xizmat safariga yuborishni tashkil etsin.

9. Mazkur farmoyishning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 3-fevral,

F-22-son

Oʻzbekiston Respublikasi Prezidentining 2022-yil 3-fevraldagi F-22-son farmoyishiga 1-ILOVA

Xalq taʼlimi tizimini isloh qilish boʻyicha milliy kengash

TARKIBI

1. Sh.M. Mirziyoyev — Oʻzbekiston Respublikasi Prezidenti, Milliy kengash raisi 2. A.N. Aripov — Oʻzbekiston Respublikasi Bosh vaziri, Milliy kengash raisi oʻrinbosari 3. A.A. Abduvaxitov — Oʻzbekiston Respublikasi Prezidentining maslahatchisi, Milliy kengash raisi oʻrinbosari Milliy kengash aʼzolari 4. T.K. Narbayeva — Oʻzbekiston Respublikasi Oliy Majlisi Senati Raisi 5. N.M. Ismoilov — Oʻzbekiston Respublikasi Oliy Majlisi Qonunchilik palatasi Spikeri 6. U.I. Inoyatov — Oʻzbekiston Respublikasi Oliy Majlisi Qonunchilik palatasi Spikerining oʻrinbosari — Oʻzbekiston Xalq demokratik partiyasi fraksiyasi rahbari 7. A.K. Qodirov — Oʻzbekiston Respublikasi Oliy Majlisi Qonunchilik palatasi Spikerining oʻrinbosari — “Milliy tiklanish” demokratik partiyasi fraksiyasi rahbari 8. B.A. Abduhalimov — Oʻzbekiston “Adolat” sotsial-demokratik partiyasi Siyosiy Kengashi raisi 9. J.A. Qoʻchqorov — Bosh vazir oʻrinbosari — iqtisodiy taraqqiyot va kambagʻallikni qisqartirish vaziri 10. S.Oʻ. Umurzoqov — Bosh vazir oʻrinbosari — investitsiyalar va tashqi savdo vaziri 11. A.A. Abduxakimov — Bosh vazir oʻrinbosari — turizm va sport vaziri 12. A.A. Azizov — Davlat xavfsizlik xizmati raisi 13. N.T. Yoʻldoshev — Bosh prokuror 14. R.M. Djurayev — Milliy gvardiya qoʻmondoni 15. D.M. Kenjayev — Oʻzbekiston Respublikasi Prezidenti maslahatchisining oʻrinbosari 16. R.Q. Davletov — adliya vaziri 17. P.R. Bobojonov — ichki ishlar vaziri 18. B.N. Qurbonov — mudofaa vaziri 19. T.A. Ishmetov — moliya vaziri 20. Sh.X. Shermatov — axborot texnologiyalari va kommunikatsiyalarini rivojlantirish vaziri 21. N.B. Xusanov — bandlik va mehnat munosabatlari vaziri 22. A.V. Shin — maktabgacha taʼlim vaziri 23. A.H. Toshqulov — oliy va oʻrta maxsus taʼlim vaziri 24. I.Y. Abduraxmonov — innovatsion rivojlanish vaziri 25. B.A. Musayev — sogʻliqni saqlash vaziri 26. O.A. Nazarbekov — madaniyat vaziri 27. R.T. Mamatov — mahalla va oilani qoʻllab-quvvatlash vaziri 28. A.X. Quldashev — favqulodda vaziyatlar vazirining birinchi oʻrinbosari 29. A.A. Xodjayev — Axborot va ommaviy kommunikatsiyalar agentligi direktori 30. A.Z. Saʼdullayev — Yoshlar ishlari agentligi direktori 31. U.N. Tashkenbayev — Taʼlim sifatini nazorat qilish davlat inspeksiyasi boshligʻi 32. S.D. Toshboyev — Din ishlari boʻyicha qoʻmita raisi 33. X.Oʻ. Umarova — Prezident taʼlim muassasalari agentligi direktori 34. M.M. Vaxobov — Vazirlar Mahkamasi Taʼlim va sogʻliqni saqlash masalalari kotibiyati mudiri 35. A.J. Xadjayev — Oʻzbekiston Milliy teleradiokompaniyasi raisi 36. M.M. Xodjimatov — Respublika maʼnaviyat va maʼrifat markazi rahbari 37. B.O. Saidov — xalq taʼlimi vaziri, Milliy kengash kotibi

Izoh: Milliy kengash aʼzolari boshqa ishga oʻtgan taqdirda uning tarkibiga ushbu lavozimga yangi tayinlangan yoki tegishli funksiyalarni bajarish yuklangan shaxslar kiritiladi.

Oʻzbekiston Respublikasi Prezidentining 2022-yil 3-fevraldagi F-22-son farmoyishiga 2-ILOVA

Xalq taʼlimi tizimini isloh qilish boʻyicha Qoraqalpogʻiston Respublikasi, viloyatlar va Toshkent shahar kengashlarining

namunaviy tarkibi

1. Lavozimiga koʻra — Qoraqalpogʻiston Respublikasi Vazirlar Kengashi raisi, Toshkent shahar va viloyatlar hokimlari, hududiy kengash raisi 2. Lavozimiga koʻra — Qoraqalpogʻiston Respublikasi xalq taʼlimi vaziri, viloyatlar va Toshkent shahar xalq taʼlimi boshqarmalari boshliqlari, hududiy kengash raisi oʻrinbosari 3. Lavozimiga koʻra — Qoraqalpogʻiston Respublikasi, viloyatlar va Toshkent shahar prokurorlari 4. Lavozimiga koʻra — Qoraqalpogʻiston Respublikasi, viloyatlar va Toshkent shahri boʻyicha Milliy gvardiyaning boshqarma boshliqlari 5. Lavozimiga koʻra — Qoraqalpogʻiston Respublikasi ichki ishlar vaziri, viloyatlar va Toshkent shahar ichki ishlar boshqarmalari boshliqlari 6. Lavozimiga koʻra — Qoraqalpogʻiston Respublikasi adliya vaziri, viloyatlar va Toshkent shahar adliya boshqarmalari boshliqlari 7. Lavozimiga koʻra — Qoraqalpogʻiston Respublikasi, viloyatlar va Toshkent shahar mudofaa ishlari boshqarmalari boshliqlari 8. Lavozimiga koʻra — Qoraqalpogʻiston Respublikasi, viloyatlar va Toshkent shahar favqulodda vaziyatlar boshqarmalari boshliqlari 9. Lavozimiga koʻra — Qoraqalpogʻiston Respublikasi, viloyatlar va Toshkent shahar turizm va sport bosh boshqarmalari boshliqlari 10. Lavozimiga koʻra — Qoraqalpogʻiston Respublikasi moliya vaziri, viloyatlar va Toshkent shahar moliya bosh boshqarmalari boshliqlari 11. Lavozimiga koʻra — Qoraqalpogʻiston Respublikasi iqtisodiy taraqqiyot va kambagʻallikni qisqartirish vaziri, viloyatlar iqtisodiy taraqqiyot va kambagʻallikni qisqartirish bosh boshqarmalari boshliqlari 12. Lavozimiga koʻra — Qoraqalpogʻiston Respublikasi va viloyatlar innovatsion rivojlanish boshqarmalari boshliqlari 13. Lavozimiga koʻra — Qoraqalpogʻiston Respublikasi, viloyatlar va Toshkent shahar axborot texnologiyalari va kommunikatsiyalarini rivojlantirish boshqarmalari boshliqlari 14. Lavozimiga koʻra — Qoraqalpogʻiston Respublikasi bandlik va mehnat munosabatlari vaziri, viloyatlar va Toshkent shahar bandlik bosh boshqarmalari boshliqlari 15. Lavozimiga koʻra — Qoraqalpogʻiston Respublikasi maktabgacha taʼlim vaziri, Toshkent shahar Maktabgacha taʼlim bosh boshqarmasi, viloyatlar maktabgacha taʼlim boshqarmalari boshliqlari 16. Lavozimiga koʻra — Qoraqalpogʻiston Respublikasi, viloyatlar va Toshkent shahar kasbiy taʼlimni rivojlantirish va muvofiqlashtirish hududiy boshqarmalari boshliqlari 17. Lavozimiga koʻra — Qoraqalpogʻiston Respublikasi sogʻliqni saqlash vaziri, viloyatlar sogʻliqni saqlash boshqarmalari, Toshkent shahar sogʻliqni saqlash bosh boshqarmasi boshliqlari 18. Lavozimiga koʻra — Qoraqalpogʻiston Respublikasi madaniyat vaziri, viloyatlar va Toshkent shahar madaniyat boshqarmalari boshliqlari 19. Lavozimiga koʻra — Qoraqalpogʻiston Respublikasi mahalla va oilani qoʻllab-quvvatlash vaziri, viloyatlar va Toshkent shahar mahalla va oilani qoʻllab-quvvatlash boshqarmalari boshliqlari 20. Lavozimiga koʻra — Taʼlim sifatini nazorat qilish boʻyicha hududiy boʻlim boshligʻi 21. Lavozimiga koʻra — Yoshlar ishlari agentligi Qoraqalpogʻiston Respublikasi, viloyatlar va Toshkent shahar boshqarmalari boshliqlari 22. Lavozimiga koʻra — Pedagogika taʼlim yoʻnalishi boʻyicha kadrlar tayyorlaydigan davlat oliy taʼlim muassasalari rektori 23. Lavozimiga koʻra — Yoshlar siyosati, ijtimoiy rivojlantirish va maʼnaviy ishlar boʻyicha hokim oʻrinbosari, hududiy kengash kotibi

Oʻzbekiston Respublikasi Prezidentining 2022-yil 3-fevraldagi F-22-son farmoyishiga 3-ILOVA

Xalq taʼlimi tizimini isloh qilish boʻyicha tuman (shahar) kengashlarining

namunaviy tarkibi

1. Lavozimiga koʻra — tuman (shahar) hokimlari, tuman (shahar) kengashi raisi 2. Lavozimiga koʻra — tuman (shahar) xalq taʼlimi boʻlimlari mudirlari, tuman (shahar) kengashi raisining oʻrinbosari 3. Lavozimiga koʻra — tuman (shahar) prokurori 4. Lavozimiga koʻra — qurilish boʻlimi boshligʻi 5. Lavozimiga koʻra — turizm va sport boʻlimi boshligʻi 6. Lavozimiga koʻra — adliya boʻlimi boshligʻi 7. Lavozimiga koʻra — ichki ishlar organlari faoliyatini muvofiqlashtirish boʻlimi (boshqarmasi) boshligʻi 8. Lavozimiga koʻra — mudofaa ishlari boʻlimi boshligʻi 9. Lavozimiga koʻra — favqulodda vaziyatlar boʻlimi boshligʻi 10. Lavozimiga koʻra — moliya boʻlimi boshligʻi 11. Lavozimiga koʻra — axborot texnologiyalari va kommunikatsiyalarini rivojlantirishni muvofiqlashtirish boʻlimi boshligʻi 12. Lavozimiga koʻra — aholi bandligiga koʻmaklashish markazlari boshligʻi 13. Lavozimiga koʻra — maktabgacha taʼlim boʻlimi boshligʻi 14. Lavozimiga koʻra — tibbiyot birlashmasi boshligʻi 15. Lavozimiga koʻra — madaniyat boʻlimi boshligʻi 16. Lavozimiga koʻra — mahalla va oilani qoʻllab-quvvatlash boʻlimi boshligʻi 17. Lavozimiga koʻra — Yoshlar ishlari agentligi tuman boʻlimi boshligʻi 18. Lavozimiga koʻra — Yoshlar siyosati, ijtimoiy rivojlantirish va maʼnaviy ishlar boʻyicha hokim oʻrinbosari, tuman (shahar) kengashi kotibi

Oʻzbekiston Respublikasi Prezidentining 2022-yil 3-fevraldagi F-22-son farmoyishiga 4-ILOVA

Xalq taʼlimi tizimini isloh qilish boʻyicha milliy kengashning joriy faoliyatini taʼminlash uchun tashkil etilgan respublika shtabi tomonidan joylarda amalga oshiriladigan

IShLAR REJASI

T/r Chora-tadbirlar nomi Amalga oshirish mexanizmi Ijro muddati Masʼul vazirlik va idoralar I. Hudud rahbarlarining maktablarni rivojlantirish boʻyicha masʼuliyatini oshirish 1. Xalq taʼlimi tizimini isloh qilish boʻyicha Qoraqalpogʻiston Respublikasi, viloyatlar, Toshkent shahri, tuman va shaharlar kengashlarini (keyingi oʻrinlarda — hududiy kengashlar) tashkil etish. 1. Xalq taʼlimi tizimini isloh qilish boʻyicha Qoraqalpogʻiston Respublikasi, viloyatlar, Toshkent shahri, tuman va shaharlar kengashlarini tashkil etish. 2. Kengashlarning birinchi yigʻilishini oʻtkazish hamda kengash vazifalarini belgilash. 2022-yil 15-fevral Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari 2. Xalq taʼlimi tizimini isloh qilish boʻyicha tuman (shahar) kesimida yillik hududiy dasturni ishlab chiqish va tasdiqlash. 1. Umumiy oʻrta taʼlim muassasalari direktorlari, pedagog kadrlar, oʻquvchilarning ota-onalari, malakali mutaxassislar va xorijiy ekspertlarni jalb qilgan holda xalq taʼlimi tizimini isloh qilish boʻyicha tuman (shahar) kesimida yillik hududiy dasturlarni ishlab chiqish, ularni keng muhokama qilish uchun Internet va ijtimoiy tarmoqlarda joylashtirish hamda ommaviy axborot vositalarida yoritish. 2022-yil 20-fevral Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari 2. Muhokama doirasida kelib tushgan takliflardan kelib chiqib, hududiy dasturlarning tegishlicha Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlarida taqdimotini oʻtkazish. 2022-yil 1-mart 3. Hududiy dasturlarni tasdiqlash va Xalq taʼlimi tizimini isloh qilish boʻyicha milliy kengashga (Keyingi oʻrinlarda — Milliy kengash) kiritish. 2022-yil 5-mart 4. Hududiy dasturlar ijrosi boʻyicha hisobotni hamda xalq taʼlimi tizimini isloh qilish boʻyicha taklif va tashabbuslarni Oʻzbekiston Respublikasi Prezidentining maslahatchisi A.A. Abduvaxitov va xalq taʼlimi vaziri B.O. Saidov boshchiligida tashkil etilgan shtabga kiritish. Har oyning 20 sanasiga qadar 3. Tuman (shahar) xalq taʼlimi boʻlimlari va umumiy oʻrta taʼlim muassasalarini malakali rahbar kadrlar bilan taʼminlash. 1. Tuman (shahar) xalq taʼlimi boʻlimlari va umumiy oʻrta taʼlim muassasalariga malakali rahbar kadrlarni jalb qilish, ularning malakasini doimiy oshirish hamda bilimlarini baholab borish tizimini joriy etish boʻyicha chora-tadbirlar rejasini ishlab chiqish. Bunda: tuman (shahar) xalq taʼlimi boʻlimlari va umumiy oʻrta taʼlim muassasalari rahbar kadrlarining bilim va koʻnikmalarini baholash; baholash natijalaridan kelib chiqib tuman (shahar) xalq taʼlimi boʻlimlari va umumiy oʻrta taʼlim muassasalari rahbar kadrlari uchun malaka oshirish kurslarini tashkil etish; tuman (shahar) xalq taʼlimi boʻlimlari va umumiy oʻrta taʼlim muassasalariga malakali rahbar kadrlarni, shu jumladan xorijiy mutaxassislarni jalb qilishni nazarda tutish. 2022-yil 1-aprel Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Xalq taʼlimi vazirligi (S?idov), Moliya vazirligi (Ishmetov) 2. Tuman (shahar) xalq taʼlimi boʻlimlari va umumiy oʻrta taʼlim muassasalarining rahbar kadrlarini mahalliy budjet mablagʻlari hisobidan qoʻshimcha ragʻbatlantirish tizimini yaratish. 2022-yil 1-sentabr II. Maktablarning moddiy-texnika bazasini va infratuzilmasini mustahkamlash 4. Umumiy oʻrta taʼlim muassasalarining moddiy-texnika bazasini va infratuzilmasini mustahkamlash boʻyicha chora-tadbirlar rejasini ishlab chiqish. 1. Hududdagi umumiy oʻrta taʼlim muassasalarining moddiy-texnika bazasini, jihozlanishini va infratuzilmasini tahlil qilish. 2022-yil 15-fevral Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Qurilish vazirligi (Zokirov) 2. Taʼmirtalab, infratuzilmasi nochor boʻlgan umumiy oʻrta taʼlim muassasalarini aniqlash. 2022-yil 1-mart 3. Mahalliy budjet mablagʻlarini taʼmirtalab, infratuzilmasi nochor boʻlgan umumiy oʻrta taʼlim muassasalariga yoʻnaltirish. 2022-yil iyuldan boshlab 5. Umumiy oʻrta taʼlim muassasalarida qurilish-taʼmirlash ishlarini samarali tashkil etish. 1. Maktablarni qurish, rekonstruksiya qilish va mukammal taʼmirlash ishlarini tashkil etish. Bunda, maktablarning yangi binolarini qurish va ularni bevosita mahalla faollari, ota-onalar va jamoatchilik nazorati ostida foydalanishga qabul qilish mexanizmini joriy etish. 2022-yil 1-avgustdan boshlab Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Qurilish vazirligi (Zokirov), Xalq taʼlimi vazirligi (Saidov), Mahalla va oilani qoʻllab-quvvatlash vazirligi (Mamatov), Bosh prokuratura (E.Yuldashev), Investitsiyalar va tashqi savdo vazirligi (Vafayev) 2. Umumiy oʻrta taʼlim muassasalarining laboratoriya jihozlari bilan taʼminlanganlik holatini va hojatxonalar sanitariya-gigiyena talablariga javob berishini oʻrganish. 2022-yil 1-mart 3. Umumiy oʻrta taʼlim muassasalarini qurish, rekonstruksiya qilish va mukammal taʼmirlash hamda jihozlashga xalqaro moliya institutlarining grantlarini jalb qilish. 2022-yil 1-noyabr 6. “Barkamol avlod” bolalar maktablari hamda “Bolalar kutubxonalari”ning moddiy-texnika bazasini mustahkamlash. 1. “Barkamol avlod” bolalar maktablari hamda “Bolalar kutubxonalari” moddiy-texnika bazasi holatini tahlil qilish. 2022-yil 1-aprel Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Qurilish vazirligi (Zokirov), Xalq taʼlimi vazirligi (Saidov) 2. Tahlil asosida ushbu muassasalarni qurish, rekonstruksiya qilish va mukammal taʼmirlash hamda jihozlash boʻyicha mahalliy budjet mablagʻlari hisobiga moliyalashtiriladigan dastur ishlab chiqish. 2022-yil 1-may 3. Dastur asosida “Barkamol avlod” bolalar maktablari va “Bolalar kutubxonalari”ning moddiy-texnika bazasini mustahkamlash. Dasturda koʻrsatilgan muddatlarda 7. “Namunaviy maktab” loyihalarini ishlab chiqish. “Namunaviy maktab” loyihalarini ishlab chiqish. Bunda: maktablarning yer maydoni va binolaridan samarali foydalanish; qoʻshimcha binolarni barpo etish orqali maktablarning quvvatlarni �shirish; maktablarning binolari, inshootlari, sinf xonalari va jihozlarining (parta, doska, laboratoriya jihozlari) foydalanish uchun qulayligini taʼminlash; maktablarga quyosh paneli va issiq suv kollektori oʻrnatishga eʼtibor qaratishni nazarda tutish. 2022-yil 1-mart Qurilish vazirligi (Zokirov), Xalq taʼlimi vazirligi (Saidov), Kadastr agentligi (Umarov), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari 8. Xalq taʼlimi vazirligining umumiy oʻrta taʼlim muassasalarini qurish, rekonstruksiya qilish va taʼmirlash ishlariga buyurtmachi boʻlish vakolatini tugatish. Xalq taʼlimi vazirligi huzuridagi “Xalq taʼlimi sohasida loyiha hujjatlariga texnik topshiriqlarni ishlab chiqish va qurilish obyektlari sifatini monitoring qilish boʻyicha injiniring kompaniyasi” DUKning umumiy oʻrta taʼlim muassasalarini qurish, rekonstruksiya qilish va taʼmirlash ishlariga buyurtmachi boʻlish vakolatini tugatishni nazarda tutuvchi �ormativ-huquqiy hujjat loyihasini ishlab chiqish va Vazirlar Mahkamasiga kiritish. 2022-yil 15-mart Xalq taʼlimi vazirligi (Saidov), Qurilish vazirligi (Zokirov) 9. Toshkent shahridagi maktablar infratuzilmasini yaxshilash va taʼlim sifatini oshirishga qaratilgan dasturni ishlab chiqish. Toshkent shahridagi maktablar infratuzilmasini yaxshilash va taʼlim sifatini oshirishga qaratilgan dasturni ishlab chiqish. Bunda, dasturlarni ishlab chiqish uchun finlyandiyalik mutaxassislarni jalb etish. 2022-yil 15-mart Toshkent shahri hokimligi (Ortiqhoʻjayev), Sergeli tumani hokimligi (Shukurov), Xalq taʼlimi vazirligi (Saidov) 10. Umumiy oʻrta taʼlim muassasalari uchun elektron doskalar ishlab chiqarishni yoʻlga qoʻyish. Umumiy oʻrta taʼlim muassasalari uchun elektron doskalar ishlab chiqarishni mahalliylashtirish boʻyicha taklif ishlab chiqish va Vazirlar Mahkamasiga kiritish. 2022-yil 1-mart “Oʻzeltexsanoat” uyushmasi (Yunusov), Investitsiyalar va tashqi savdo vazirligi (Qudratov), Axborot texnologiyalari va kommunikatsiyalarini rivojlantirish vazirligi (Shermatov) 11. Maktabgacha va maktab taʼlimi tizimini rivojlantirish strategiyasini ishlab chiqish. 1. Jahon banki, YUNISEF, Osiyo taraqqiyot banki kabi nufuzli tashkilotlar va moliya institutlari bilan hamkorlikda Maktabgacha va maktab taʼlimi tizimini rivojlantirish strategiyasini (National Compact) ishlab chiqish va xalqaro hamkorlar bilan birga tasdiqlash. 2023-yil iyun Maktabgacha va maktab taʼlimi vazirligi (X. Umarov), Iqtisodiyot va moliya vazirligi (Sh. Kudbiyev), Qoraqalpogʻiston Respublikasi Vazirlar Kengashi, viloyatlar, Toshkent shahri, tuman va shahar hokimliklari 2. Strategiyani (National Compact) maktabgacha va maktab taʼlimi tizimiga joriy etib borish boʻyicha asosiy koʻrsatkichlarni maktabgacha va maktab taʼlimi vaziri buyrugʻi bilan belgilash. 2023/2024 oʻquv yilidan boshlab har yili sentyabr oyida III. Umumiy oʻrta taʼlim muassasalarida taʼlim sifati va pedagoglar salohiyatini oshirish 12. Xalqaro tajribani inobatga olgan holda fanlarni oʻqitish metodikasini takomillashtirish. 1. Chora-tadbirlar dasturini tasdiqlash. Bunda, chora-tadbirlar dasturida quyidagilarni nazarda tutish: oʻqituvchilar uchun zamonaviy metodik qoʻllanmalar yaratish; oʻquvchilarda mantiqiy fikrlash, xususiy xulosalardan umumiy xulosalar chiqarish va umumiy xulosalarni xususiy hollarga tatbiq qilish koʻnikmalarini rivojlantirishga qaratilgan mediaresurslar yaratish; aniq va tabiiy fanlarni amaliyot bilan bogʻlash; malakali xorijiy mutaxassislarni umumtaʼlim maktablarida dars berishga jalb qilish. 2022-yil 1-iyun Xalq taʼlimi vazirligi (Saidov), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari 13. Xorijiy nashriyotlarning darsliklarini amaliyotga joriy etish. Xalqaro miqyosda keng foydalaniladigan darsliklarni taʼlim jarayoniga tatbiq etish. 2022/2023 oʻquv yilidan boshlab Xalq taʼlimi vazirligi (Saidov) 14. Individual dasturlar orqali maktab oʻqituvchilarining malakasini oshirish. Maktab oʻqituvchilarini “Uzluksiz kasbiy taʼlim” elektron platformasi orqali pedagoglarning bilim va pedagogik mahoratini rivojlantirishga qaratilgan malaka oshirish kursiga jalb qilish. 2022-yil 1-maydan boshlab Xalq taʼlimi vazirligi (Saidov), A. Avloniy nomidagi ilmiy-tadqiqot instituti (Radjiyev), Taʼlim sifatini nazorat qilish davlat inspeksiyasi (Tashkenbayev) 15. Maktab oʻqituvchilariga metodik yordam beruvchi mobil metodik guruhlarni tashkil etish. 1. Har bir hududda yetakchi oliy taʼlim muassasasi huzurida professor-oʻqituvchilar, akademik litsey hamda umumtaʼlim maktablarining malakali va tajribali oʻqituvchilaridan tashkil topgan mobil metodik guruhlarni tashkil etish. 2022-yil 1-mart Oliy va oʻrta maxsus taʼlim vazirligi (Toshkulov), Xalq taʼlimi vazirligi (Saidov), oliy taʼlim muassasalari rektorlari, Taʼlim sifatini nazorat qilish davlat inspeksiyasi (Tashkenbayev), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari 2. Har oyda mobil metodik guruhlar tomonidan hududlardagi kamida ikkitadan taʼlim sifati past, muhiti ogʻir boʻlgan maktablarga borib, pedagoglarga ilgʻor oʻqitish metodikalari va innovatsiyalarga oʻrgatish tizimini yoʻl�a qoʻyish. 2022-yil 1-apreldan boshlab 16. Taʼlim sifatini oshirish uchun xorijiy mutaxassislarni jalb qilish. 1. Har bir tuman (shahar) hokimligi tomonidan aniq va tabiiy fanlar hamda chet tillari boʻyicha xorijiy mutaxassis (metodist, oʻqituvchi)ni mahalliy budjet mablagʻlari hisobidan jalb qilish va ularga barcha shart-sharoitlarni taʼminlash. Bunda: xorijiy mutaxassis tomonidan oʻqituvchilarga metodik yordam koʻrsatishni tashkil etish; xalqaro standartlarga mos boʻlgan darsliklarni Milliy oʻquv dasturi bilan moslashtirish; jalb qilinadigan mutaxassislar tomonidan hududdagi maktablarda taʼlim sifatini taʼminlash maqsadida maktablar roʻyxatini Xalq taʼlimi vazirligi bilan kelishish. 2. Tuman (shahar) hokimlari tomonidan fizika va matematika fanlari oʻqituvchilari bilan uchrashuvlar oʻtkazish. 2022/2023 oʻquv yilidan boshlab Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari, Xalq taʼlimi vazirligi (Saidov), Taʼlim sifatini nazorat qilish davlat inspeksiyasi (Tashkenbayev) 17. Malakali va tajribali oʻqituvchilarni ragʻbatlantirish. 1. Xalq taʼlimi vaziri jamgʻarmasini tashkil etishga oid Oʻzbekiston Respublikasi Prezidentining qarori loyihasini ishlab chiqish. Qaror loyihasida jamgʻarma mablagʻlari hisobidan ilgʻor pedagogik texnologiyalarni joriy etayotgan, taʼlim sifatini oshirishga oʻz hissasini qoʻshayotgan, oʻquvchilari yuqori bilim koʻrsatkichlariga erishgan oʻqituvchilarni ragʻbatlantirish tartibi belgilanadi. 2022-yil 15-fevral Xalq taʼlimi vazirligi (Saidov), Taʼlim sifatini nazorat qilish davlat inspeksiyasi (Tashkenbayev), Moliya vazirligi (Ishmetov), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari 2. Qaror loyihasini Vazirlar Mahkamasiga kiritish. 2022-yil 15-mart 18. Maktablarni rivojlantirish boʻyicha jahondagi (global) ijobiy tendensiyalarni amaliyotga joriy etish. 1. Maktablar boshqaruvida zamonaviy va samarali modellarni joriy etish boʻyicha xalqaro tajribadan kelib chiqib takliflarni tayyorlash. 2022-yil 1-sentabr Xalq taʼlimi vazirligi (Saidov) 2. Fanlarning xususiyatidan kelib chiqib, oʻquv jarayoniga amaliy koʻnikmaga yoʻnaltirilgan mashgʻulotlarni keng joriy etish. 2022/2023 oʻquv yilidan boshlab 3. Fan dasturlariga raqamli savodxonlikni rivojlantirishga qaratilgan mavzularni kiritish. 2022/2023 oʻquv yilidan boshlab 19. Xalqaro tajribalarni inobatga olgan holda, pedagogika yoʻnalishidagi oliy taʼlim muassasalari faoliyatini tubdan isloh qilishni nazarda tutuvchi normativ-huquqiy hujjat loyihasini tayyorlash. Pedagogika yoʻnalishidagi oliy taʼlim muassasalari faoliyatini tubdan isloh qilishni nazarda tutuvchi Oʻzbekiston Respublikasi Prezidentining qarori loyihasini ishlab chiqish. Bunda: pedagogika taʼlim yoʻnalishlarining oʻquv reja va amaliyot jadvallariga tegishli oʻzgartirishlar kiritish; Toshkent shahridagi 5 ta hamda hududlardagi 17 ta pedagog kadrlar tayyorlaydigan oliy taʼlim muassasalarining fakultetlarini maktablarga biriktirish; pedagogika yoʻnalishidagi talabalar uchun 1-kursdan boshlab darslarning 4 kunini oliy taʼlim muassasasida, 2 kunini maktabda bevosita amaliyot oʻtash tartibida tashkil etishni belgilash. 2022-yil 1-aprel Oliy va oʻrta maxsus taʼlim vazirligi (Toshkulov), Xalq taʼlimi vazirligi (Saidov), Taʼlim sifatini nazorat qilish davlat inspeksiyasi (Tashkenbayev), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari IV. Maktabdan tashqari taʼlimni rivojlantirish va oʻquvchilarni vatanparvarlik ruhida tarbiyalash 20. Mahallalarda madaniy, sport va kitobxonlik tadbirlarini tashkil etish. Mahalladagi yoshlar uchun yoshlar yetakchilari tomonidan maktablarda darsdan tashqari vaqtda musobaqa, konsert, kitobxonlik, “Zakovat” va boshqa intellektual oʻyinlar tashkil etish. Yil davomida Mahalla va oilani qoʻllab-quvvatlash vazirligi (Mamatov), Xalq taʼlimi vazirligi (Saidov), Madaniyat vazirligi (Nazarbekov), Yoshlar ishlari agentligi (Saʼdullayev) 21. Maktablarda besh tashabbus doirasida toʻgaraklar tashkil etish. 1. Mavjud bolalar-oʻsmirlar sport maktablarini ular joylashgan hududdagi maktablarga biriktirish hamda kamida 1 ta sport toʻgaragi faoliyatini yoʻlga qoʻyish. 2022-yil 1-mart Sportni rivojlantirish vazirligi (Ikramov), Madaniyat vazirligi (Nazarbekov), Xalq taʼlimi vazirligi (Saidov), Yoshlar ishlari agentligi (Saʼdullayev), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari 2. Umumiy oʻrta taʼlim tizimida sport va jismoniy tarbiyani yanada rivojlantirishga doir Oʻzbekiston Respublikasi Prezidenti qarori loyihasini ishlab chiqish. 2022-yil 1-mart Bunda: bolalar va oʻsmirlar sport maktablari metodistlari tomonidan umumiy oʻrta taʼlim maktablarining jismoniy tarbiya oʻqituvchilariga metodik yordam koʻrsatish; har bir maktabda futbol, basketbol, voleybol, gandbol va boshqa jamoaviy oʻyin turlari boʻyicha jamoalar tuzish hamda muntazam ravishda maktab jamoalari oʻrtasida musobaqalar oʻtkazish; sport musobaqalari boʻyicha tuman va viloyat bosqichi gʻoliblari uchun hokim sovrinini taʼsis etish; maktablarni zarur sport anjomlari bilan taʼminlashni nazarda tutish. 3. Maktablarda, ularning joylashgan hududi hamda oʻquvchilarning qiziqishlariga qarab baxshichilik, maqom, estrada, teatr, rassomchilik yoʻnalishlarida toʻgaraklar va badiiy havaskorlik jamoalarini tashkil etish. 2022-yil 1-iyun 22. Maktab oʻquvchilarini vatanparvarlik ruhida tarbiyalash. 1. Har bir harbiy okrugning 2022-yilga moʻljallangan maktab oʻquvchilarini vatanparvarlik ruhida tarbiyalash boʻyicha “yoʻl xaritasi”ni ishlab chiqish. 2. Maktab oʻquvchilari uchun poligonlarda harbiy dala mashgʻulotlarini oʻtkazish hamda ularni chavandozlar maktabiga jalb qilish boʻyicha chora-tadbirlar rejasini ishlab chiqish. 3. Ijtimoiy-maʼnaviy muhiti sogʻlom boʻlmagan, tarbiyasi ogʻir oʻquvchilarga harbiy taʼlim muassasalari, “Temurbeklar maktablari”, harbiy qism ofitser va serjantlarini yakka tartibda biriktirish. 2022-yil 1-mart Mudofaa vazirligi (Qarshiyev), Milliy gvardiya (Joʻrayev), Xalq taʼlimi vazirligi (Saidov), Ichki ishlar vazirligi (Bobojonov), Favqulodda vaziyatlar vazirligi (Qoʻldoshev), Qoraqalpogʻiston Respublikasi Vazirlar Kengashi, viloyatlar, Toshkent shahar, tuman va shahar hokimliklari

Oʻzbekiston Respublikasi Prezidentining 2022-yil 3-fevraldagi F-22-son farmoyishiga 5-ILOVA

Xalq taʼlimi tizimini isloh qilish boʻyicha belgilangan vazifalar ijrosini samarali tashkil etish va ularni muvofiqlashtirib borish yuzasidan respublika shtabi aʼzolarining hududlarni oʻrganish

REJA JADVALI

T/r Hudud nomi Maktablar soni Oʻrganish sanasi Shtab aʼzolari 1. Buxoro viloyati 534 2022-yil 1 — 5-fevral 1. A. Abduvaxitov — Oʻzbekiston Respublikasi Prezidenti maslahatchisi 2. B. Saidov — xalq taʼlimi vaziri 3. S. Seytkamalov — Prezident Administratsiyasi xodimi 4. R. Xakimov — Oliy va oʻrta maxsus taʼlimi vaziri oʻrinbosari 5. O. Qoʻysinov — Taʼlim sifatini nazorat qilish davlat inspeksiyasi boshligʻi oʻrinbosari 2. Navoiy viloyati 367 2022-yil 6 — 11-fevral 6. F. Esonboboyev — Oliy va oʻrta maxsus taʼlimi vazirligi boshqarma boshligʻi 7. E. Murodov — Xalq taʼlimi vazirligi boshqarma boshligʻi 8. A. Kirgizbayev — Toshkent davlat pedagogika universiteti rektori 9. D. Nabiyev — Qarshi davlat universiteti rektori 10. B. Sobirov — Navoiy davlat pedagogika instituti rektori 11. A. Nasullayev — Buxoro davlat tibbiyot instituti prorektori 3. Qashqadaryo viloyati 1 217 2022-yil 14 — 16-fevral 12. M. Daminov — Buxoro davlat universitetining pedagogika instituti direktori 13. F. Maxammatqulov — Navoiy davlat pedagogika instituti akademik lits�yi ijrochi direktori 14. A. Gʻaniyev — Qarshi davlat universitetining pedagogika instituti direktori 15. Gʻ. Jumaqulov — Buxoro davlat universiteti Qorakoʻl akademik litseyi ijrochi direktori 16. I. Xushmurodova — Qarshi davlat universiteti akademik litseyi ijrochi direktori 4. Samarqand viloyati 1 266 2022-yil 17 — 20-fevral 1. A. Abduvaxitov — Oʻzbekiston Respublikasi Prezidenti maslahatchisi 2. B. Saidov — xalq taʼlimi vaziri 3. S. Seytkamalov — Prezident Administratsiyasi xodimi 4. S. Buzrukxanov — Oliy va oʻrta maxsus taʼlimi vaziri oʻrinbosari 5. X. Ketmonov — Taʼlim sifatini nazorat qilish davlat inspeksiyasi boshligʻi oʻrinbosari 5. Jizzax viloyati 367 2022-yil 21 — 23-fevral 6. Sh. Rasulov — Oliy va oʻrta maxsus taʼlimi vazirligi xodimi 7. E. Murodov — Xalq taʼlimi vazirligi boshqarma boshligʻi 8. A. Nasullayev — Buxoro davlat tibbiyot instituti prorektori 9. A. Begmatov — Samarqand davlat universitetining Oʻzbekiston-Finlyandiya pedagogika instituti direktori v.b. 10. Sh. Sharipov — Jizzax davlat pedagogika instituti rektori 6. Sirdaryo viloyati 534 2022-yil 24 — 26-fevral 11. F. Saidamatov — Toshkent davlat pedagogika universiteti katta oʻqituvchisi 12. M. Xadjiyev — Guliston davlat universiteti rektori 13. A. Umarov — Samarqand davlat universiteti qoshidagi akademik litsey ijrochi direktori 14. J. Yusupov — Jizzax viloyati pedagogika instituti qoshidagi akademik litsey ijrochi direktori 7. Andijon viloyati 767 2022-yil 28-fevral — 2-mart 1. A. Abduvaxitov — Prezident maslahatchisi 2. B. Saidov — Xalq taʼlimi vaziri 3. S. Seytkamalov — Prezident Administratsiyasi xodimi 4. R. Xakimov — Oliy va oʻrta maxsus taʼlimi vaziri oʻrinbosari 5. O. Qoʻysinov — Taʼlim sifatini nazorat qilish davlat inspeksiyasi boshligʻi oʻrinbosari 8. Fargʻona viloyati 959 2022-yil 3-4-mart 6. O. Toshpoʻlatov — Oliy va oʻrta maxsus taʼlimi vazirligi boʻlim boshligʻi 7. E. Murodov — Xalq taʼlimi vazirligi boshqarma boshligʻi 8. I. Raximov — Toshkent davlat pedagogika universiteti oʻquv boʻlim boshligʻi oʻrinbosari 9. D. Xodjayeva — Qoʻqon davlat pedagogika instituti rektori 10. B. Rasulov — Andijon davlat universite�ining pedagogika instituti direktori 9. Namangan viloyati 712 2022-yil 5 — 7-mart 11. S. Turgʻunov — Namangan davlat universiteti rektori 12. A. Nasullayev — Buxoro davlat tibbiyot instituti prorektori 13. U. Valiyev — Andijon davlat universiteti akademik litseyi ijrochi direktori 14. X. Davronov — Namangan davlat universiteti akademik litseyi ijrochi direktori 15. A. Mahkamov — Qoʻqon davlat pedagogika instituti akademik litseyi ijrochi direktori v.b. 10. Surxondaryo viloyati 929 2022-yil 9 — 12-mart 1. A. Abduvaxitov — Oʻzbekiston Respublikasi Prezidenti maslahatchisi 2. B. Saidov — xalq taʼlimi vaziri 3. S. Seytkamalov — Prezident Administratsiyasi xodimi 4. S. Buzrukxanov — Oliy va oʻrta maxsus taʼlimi vaziri oʻrinbosari 5. X. Ketmonov — Taʼlim sifatini nazorat qilish davlat inspeksiyasi boshligʻi oʻrinbosari 11. Qoraqalpogʻiston Respublikasi 726 2022-yil 14 — 16-mart 6. B. Toʻraqulov — Oliy va oʻrta maxsus taʼlimi vazirligi xodimi 7. E. Murodov — Xalq taʼlimi vazirligi boshqarma boshligʻi 8. B. Xodjayev — Toshkent davlat pedagogika universiteti kafedra mudiri 9. Gʻ. Raximov — Samarqand davlat universiteti Denov tadbirkorlik va pedagogika instituti rektori 10. Sh. Saidaxmatov — Termiz davlat universiteti akademik litseyi ijrochi direktori 12. Xorazm viloyati 549 2022-yil 17 — 19-mart 11. B. Otemuratov — Nukus davlat pedagogika instituti rektori 12. B. Abdullayev — Urganch davlat universiteti rektori 13. A. Nasullayev — Buxoro davlat tibbiyot instituti prorektori 14. Q. Kalxorozov — Nukus davlat pedagogika instituti akademik litseyi ijrochi direktori 15. A. Kutlimuratov — Urganch davlat universiteti akademik litseyi ijrochi direktori 13. Toshkent viloyati 886 2022-yil 24 — 26-mart 1. A. Abduvaxitov — Oʻzbekiston Respublikasi Prezidenti maslahatchisi 2. B. Saidov — xalq taʼlimi vaziri 3. S. Seytkamalov — Prezident Administratsiyasi xodimi 4. R. Xakimov — Oliy va oʻrta maxsus taʼlimi vaziri �rinbosari 5. O. Qoʻysinov — Taʼlim sifatini nazorat qilish davlat inspeksiyasi boshligʻi oʻrinbosari 6. F. Esonboboyev — Oliy va oʻrta maxsus taʼlimi vazirligi boshqarma boshligʻi 14. Toshkent shahar 340 2022-yil 28 — 30-mart 7. E. Murodov — Xalq taʼlimi vazirligi boshqarma boshligʻi 8. A. Kirgizbayev — Toshkent davlat pedagogika universiteti rektori 9. G. Muxamedov — Chirchiq davlat pedagogika instituti rektori 10. A. Nasullayev — Buxoro davlat tibbiyot instituti prorektori 11. Q. Ruziyev — Chirchiq davlat pedagogika instituti akademik litseyi ijrochi direktori 12. F. Nazarova — Toshkent davlat pedagogika universiteti akademik litseyi ijrochi direktori

Izoh: Respublika shtabi tarkibiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari, ularning oʻrinbosarlari, Ichki ishlar, Mudofaa, Xalq taʼlimi, Turizm va sport hamda Moliya vazirliklari, Milliy gvardiya, Yoshlar ishlari agentligi hamda Taʼlim sifatini nazorat qilish davlat inspeksiyasining hududiy boshqarmalari boshliqlari jalb qilinadi.