Fransiya taraqqiyot agentligi ishtirokida “Chorvachilik sohasini barqaror rivojlantirishni moliyalashtirish” loyihasini amalga oshirish chora-tadbirlari toʻgʻrisida (PQ-84-son)

13.01.2022

Oʻzbekiston Respublikasi Prezidentining

Qarori

Chorvachilik mahsulotlari yetishtirish va qayta ishlash sohasida ilgʻor xorijiy texnologiyalarni faol joriy etish, fermer xoʻjaliklari va qishloq xoʻjaligi tashkilotlarining moddiy-texnika bazasini mustahkamlash, ularning ishlab chiqarish salohiyatini oshirish, shuningdek, Fransiya taraqqiyot agentligi bilan hamkorlikni yanada kengaytirish maqsadida:

1. Quyidagilar:

a) 2021-yil 28-iyunda Oʻzbekiston Respublikasi va Fransiya taraqqiyot agentligining (keyingi oʻrinlarda — FTA) “Chorvachilik sohasini barqaror rivojlantirishni moliyalashtirish” loyihasini (keyingi oʻrinlarda — Loyiha) moliyalashtirish uchun 15 yil muddatga, shu jumladan 4 yillik imtiyozli davr bilan, 6 oylik EURIBOR+1% yillik stavkada 100,0 mln yevro miqdorida qarz ajratish toʻgʻrisida bitimi (keyingi oʻrinlarda — qarz bitimi) imzolanganligi;

b) Loyihaning umumiy qiymati 147,07 mln yevro ekvivalentida boʻlib, shundan:

100 mln yevro — FTAning qarzi;

29,96 mln yevro ekvivalentidagi mablagʻlar — Loyiha ishtirokchilari (benefitsiarlar)ning ulushi;

17,10 mln yevro ekvivalentidagi mablagʻlar, shu jumladan soliq va bojxona toʻlovlari shaklida — 13,48 mln yevro ekvivalentidagi mablagʻlar, investitsiya davrida moliyaviy xarajatlarni toʻlash shaklida — 3,61 mln yevro ekvivalentidagi mablagʻlar Oʻzbekiston Respublikasining Loyihani amalga oshirishdagi ulushini tashkil etishi maʼlumot uchun qabul qilinsin.

2. Oʻzbekiston Respublikasi Bojxona kodeksiga asosan Oʻzbekiston Respublikasining xalqaro shartnomalari boʻyicha xalqaro moliya institutlari va xorijiy hukumat moliya tashkilotlari tomonidan berilgan qarzlar (kreditlar) hisobidan yuridik shaxslar tomonidan bojxona hududiga olib kiriladigan tovarlar bojxona bojidan ozod qilinganligi maʼlumot uchun qabul qilinsin.

Belgilansinki:

Loyihani amalga oshirish doirasida FTA qarzi hisobidan xarid qilinadigan tovarlarni (ish, xizmatlarni) va maxsus transport vositalarini olib kirishda (sotib olishda) qoʻshilgan qiymat soligʻi tovarlarni (ish, xizmatlarni) olib kiruvchilar (import qiluvchilar, xizmatlarni sotib oluvchilar) tomonidan toʻlanadi;

ushbu bojxona boji imtiyozlari natijasida boʻshagan mablagʻlar hamda tovarlarni olib keluvchilar tomonidan toʻlangan qoʻshilgan qiymat soligʻi summasi Oʻzbekiston Respublikasining Loyihani amalga oshirishdagi ulushi deb hisoblanadi;

Loyiha Qoraqalpogʻiston Respublikasi va barcha viloyatlarda amalga oshiriladi;

Loyiha boʻyicha jalb etiladigan kreditga xizmat koʻrsatish bilan bogʻliq ehtimoldagi tavakkalchiliklarni qoplash maqsadida mazkur kreditni qayta kreditlash doirasida Oʻzbekiston Respublikasi marjasi 0,5 foiz miqdorida boʻladi;

Veterinariya va chorvachilikni rivojlantirish davlat qoʻmitasi Loyihaning oʻz vaqtida va toʻliq amalga oshirilishi, uning muvofiqlashtirilishi va boshqarilishi, shuningdek, Loyihani amalga oshirish davrida monitoring va hisobot yuritilishi uchun masʼul ijro etuvchi organ hisoblanadi;

kredit liniyasini boshqarish, FTAning qarzi oʻz vaqtida oʻzlashtirilishi va maqsadli foydalanilishini taʼminlash, shuningdek, subloyihalarni amalga oshirish boʻyicha monitoring va hisobotni yuritish funksiyalari Loyihada ishtirok etuvchi Oʻzbekiston Respublikasi tijorat banklariga yuklanadi;

qarz bitimi doirasida yuzaga kelgan barcha toʻlovlar Loyihada ishtirok etuvchi banklar bilan qayta kreditlash bitimlari imzolangunga qadar Davlat budjeti hisobidan qoplab beriladi va qayta kreditlash bitimlari imzolanganidan soʻng Loyihada ishtirok etuvchi tijorat banklari tomonidan ularga ajratilgan mablagʻlar miqdoriga mutanosib ravishda Oʻzbekiston Respublikasining respublika budjetiga qaytariladi;

Loyihani amalga oshirish davri 5 yilni (2022 — 2026-yillar) tashkil etadi.

3. Quyidagilar:

“Chorvachilik sohasini barqaror rivojlantirishni moliyalashtirish” loyihasining asosiy texnik-iqtisodiy koʻrsatkichlari 1-ilovaga muvofiq;

“Chorvachilik sohasini barqaror rivojlantirishni moliyalashtirish” loyihasi doirasida mablagʻlardan foydalanish sxemasi 2-ilovaga muvofiq;

“Chorvachilik sohasini barqaror rivojlantirishni moliyalashtirish” loyihasi doirasida Fransiya taraqqiyot agentligining qarzini soʻndirish, foiz va komissiya toʻlovlarini amalga oshirishning prognoz jadvali 3-ilovaga muvofiq;

“Chorvachilik sohasini barqaror rivojlantirishni moliyalashtirish” loyihasini amalga oshirish boʻyicha “Yoʻl xaritasi” 4-ilovaga muvofiq tasdiqlansin.

4. Veterinariya va chorvachilikni rivojlantirish davlat qoʻmitasi bir oy muddatda belgilangan tartibda qoʻmita huzurida yuridik shaxs maqomiga ega boʻlgan FTA ishtirokida “Chorvachilik sohasini barqaror rivojlantirishni moliyalashtirish” loyihasini amalga oshirish guruhini (keyingi oʻrinlarda — loyihani amalga oshirish guruhi) tashkil etsin.

5. Veterinariya va chorvachilikni rivojlantirish davlat qoʻmitasi raisi, Qoraqalpogʻiston Respublikasi Vazirlar Kengashi Raisi va viloyatlar hokimlari zimmasiga Loyiha doirasidagi tadbirlarni samarali amalga oshirish uchun zarur shart-sharoitlarni yaratish, shuningdek, FTA va milliy qonunchilik hujjatlari talablariga muvofiq tegishli hisobotlar va hujjatlarning oʻz vaqtida tayyorlanishi hamda taqdim etilishini taʼminlash uchun shaxsiy masʼuliyat yuklansin.

6. Moliya vaziriga Oʻzbekiston Respublikasi nomidan Veterinariya va chorvachilikni rivojlantirish davlat qoʻmitasi hamda Loyihada ishtirok etuvchi tijorat banklari bilan FTAning qarz mablagʻlarini qayta kreditlash boʻyicha uch tomonlama bitimlarni imzolash, shuningdek, zarur hollarda ushbu bitimlarga oʻzgartirishlar va qoʻshimchalar kiritish vakolati berilsin.

Investitsiyalar va tashqi savdo vazirligi hamda Veterinariya va chorvachilikni rivojlantirish davlat qoʻmitasi ikki oy muddatda Loyihada ishtirok etuvchi kamida beshta tijorat banklarining roʻyxatini shakllantirsin.

7. Veterinariya va chorvachilikni rivojlantirish davlat qoʻmitasi:

Loyihani amalga oshirish davrida Loyihani amalga oshirish guruhining yillik xarajatlar smetasini va shtatlar jadvalini tasdiqlash uchun har yili Moliya vazirligiga kiritsin;

Loyiha boʻyicha oʻzlashtirilgan mablagʻlar hamda erishilgan natijalar yuzasidan maʼlumotlarni oʻzining rasmiy veb-saytida muntazam joylashtirib borsin.

8. Adliya vazirligi:

Oʻzbekiston Respublikasi va FTA oʻrtasidagi qarz bitimi;

Veterinariya va chorvachilikni rivojlantirish davlat qoʻmitasi hamda Loyihada ishtirok etuvchi tijorat banklari bilan birgalikda Loyiha doirasida FTAning qarzlarini qayta kreditlash bitimlari va ularga kiritiladigan oʻzgartirishlar yuzasidan belgilangan tartibda yuridik xulosalar bersin.

9. Mazkur qarorning ijrosini samarali tashkil qilishga masʼul va shaxsiy javobgar etib Veterinariya va chorvachilikni rivojlantirish davlat qoʻmitasi raisi B.T. Norqobilov belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va Sh.M. Gʻaniyev zimmasiga yuklansin.

Amalga oshirilayotgan chora-tadbirlar natijadorligi yuzasidan 2022-yil 15-may va 2022-yil 15-dekabrga qadar Oʻzbekiston Respublikasi Prezidentiga axborot berilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2022-yil 13-yanvar,

PQ-84-son

Oʻzbekiston Respublikasi Prezidentining 2022-yil 13-yanvardagi PQ-84-son qaroriga 1-ILOVA

“Chorvachilik sohasini barqaror rivojlantirishni moliyalashtirish” loyihasining asosiy texnik-iqtisodiy

KOʻRSATKICHLARI

T/r Koʻrsatkich nomi Oʻlchov birligi Jami Shu jumladan: Fransiya taraqqiyot agentligi mablagʻlari Kredit oluvchi loyiha tashabbuskorlarining mablagʻlari Oʻzbekiston Respublikasi ulushi 1. Loyihaning umumiy qiymati* ming yevro 147 068,0 100 000,0 29 966,7 17 101,3 2. Umumiy kapital qoʻyilmalar miqdori ming yevro 133 583,0 100 000,0 29 966,7 3 616,3 2.1. Chorvachilik tarmogʻida ishlab chiqarishni rivojlantirish ming yevro 119 866,7 89 900,0 29 966,7 2.2. Boshqa sarf-xarajatlar ming yevro 10 100,0 10 100,0 2.3. Investitsiya davridagi moliyaviy xarajatlar ming yevro 3 616,3 3 616,3 3. Bojxona boji va soliq toʻlovlari imtiyozlari ming yevro 13 485,0 13 485,0 4. Loyiha amalga oshirilishi uchun jalb qilinayotgan mavjud asosiy fondlar qiymati ming yevro Loyihaning amalga oshirilishi uchun jalb qilinayotgan fondlar mavjud emas 5. Loyiha doirasida jalb etiladigan kredit muddati yil 7 6. Investitsiya davri davomiyligi oy 60 7. Yaratilayotgan ishlab chiqarish fondlarining qiymati ming yevro 119 866,7 8. Qarzni toʻlash muddati yil 15 9. Imtiyozli davr yil 4

Izoh: *Yakuniy qiymat koʻrsatkichlari batafsil loyiha-smeta hujjatlari, tovarlar (ishlar va xizmatlar) yetkazib berish boʻyicha belgilangan tartibda oʻtkaziladigan xarid tartib-taomillari natijalari asosida belgilanadi.

Oʻzbekiston Respublikasi Prezidentining 2022-yil 13-yanvardagi PQ-84-son qaroriga 2-ILOVA

“Chorvachilik sohasini barqaror rivojlantirishni moliyalashtirish” loyihasi doirasida mablagʻlardan foydalanish

SXEMASI

ming yevro T/r Komponentlar nomi Qarz summasi Qarzni qaytarish Qarzni toʻlash usuli Davlat budjeti hisobidan Loyiha ishtirokchilari hisobidan miqdori foiz miqdori foiz miqdori foiz 1-komponent. Kapital investitsiya 1.1. Kredit liniyasi 65 900 65,90% 65 900 100% Ishtirok etuvchi tijorat banklari tomonidan amalga oshiriladi 1.2. Inklyuziv investitsiya 30 500 30,50% 1.2.1. Kredit liniyasi (soʻmdagi subloyihalar uchun) 24 000 24% 24 000 100% Ishtirok etuvchi tijorat banklari tomonidan amalga oshiriladi 1.2.2. Kichik va oʻrta hajmdagi korxonalar uchun kafolat 6 500 6,5% 6 500 100% Davlat budjeti mablagʻlari hisobidan amalga oshiriladi 1.2.3. Investitsion subsidiyalar Begʻaraz grant hisobidan moliyalashtiriladi* 2-komponent. Imkoniyatlarni kuchaytirish 2.1. Taʼminot tomonini moliyalashtirish Begʻaraz grant hisobidan moliyalashtiriladi* 2.2. Talabgorlarni moliyalashtirish Begʻaraz grant hisobidan moliyalashtiriladi* 3-komponent. Institutsional rivojlantirish va loyihani boshqarish 3.1. Loyihani boshqarish 2 000 2% 2 000 100% Davlat budjeti mablagʻlari hisobidan amalga oshiriladi 3.2. Audit va aloqa 700 0,7% 700 100% Davlat budjeti mablagʻlari hisobidan amalga oshiriladi 3.3. Veterinariya xizmatini rivojlantirish 900 0,9% 900 100% Davlat budjeti mablagʻlari hisobidan amalga oshiriladi Jami: 100 000 100% 10 100 10,1% 89 900 89,9%

Izoh: * Qoʻshimcha moliyalashtirish uchun Yevropa Ittifoqining 11,5 mln yevro miqdoridagi granti jalb qilinadi.

Oʻzbekiston Respublikasi Prezidentining 2022-yil 13-yanvardagi PQ-84-son qaroriga 3-ILOVA

“Chorvachilik sohasini barqaror rivojlantirishni moliyalashtirish” loyihasi doirasida Fransiya taraqqiyot agentligining qarzini soʻndirish, foiz va komissiya toʻlovlarini amalga oshirishning

PROGNOZ JADVALI

Qarz miqdori — 100 mln yevro Qarz muddati — 15 yil Imtiyozli davr — 4 yil Qarz boʻyicha foiz stavkasi — 6 oylik EURIBOR + 1%* Majburiyat uchun vositachilik haqi — 0,5% (oʻzlashtirilmagan qarz qismidan) Boshlangʻich bir martalik toʻlov — 0,5% (umumiy qarz miqdoridan) yevro Toʻlov muddatlari Asosiy qarz boʻyicha toʻlovlar Umumiy foiz stavkasi Majburiyat uchun vositachilik haqi Boshlangʻich bir martalik toʻlov** Jami 28.08.2021 - - - 500 000 500 000 15.04.2022 - 67 800 120 000 - 187 800 15.10.2022 - 229 767 152 500 - 382 267 15.04.2023 - 342 767 101 111 - 443 878 15.10.2023 - 402 092 76 250 - 478 342 15.04.2024 - 459 533 50 833 - 510 367 15.10.2024 - 516 975 25 417 - 542 392 15.04.2025 - 571 278 - - 571 278 15.10.2025 4 545 455 574 417 - - 5 119 871 15.04.2026 4 545 455 545 311 - - 5 090 765 15.10.2026 4 545 455 522 197 - - 5 067 652 15.04.2027 4 545 455 493 376 - - 5 038 831 15.10.2027 4 545 455 469 977 - - 5 015 432 15.04.2028 4 545 455 443 867 - - 4 989 322 15.10.2028 4 545 455 417 758 - - 4 963 212 15.04.2029 4 545 455 389 508 - - 4 934 962 15.10.2029 4 545 455 365 538 - - 4 910 992 15.04.2030 4 545 455 337 573 - - 4 883 028 15.10.2030 4 545 455 313 318 - - 4 858 773 15.04.2031 4 545 455 285 639 - - 4 831 093 15.10.2031 4 545 455 261 098 - - 4 806 553 15.04.2032 4 545 455 234 989 - - 4 780 443 15.10.2032 4 545 455 208 879 - - 4 754 333 15.04.2033 4 545 455 181 770 - - 4 727 225 15.10.2033 4 545 455 156 659 - - 4 702 114 15.04.2034 4 545 455 129 836 - - 4 675 290 15.10.2034 4 545 455 104 439 - - 4 649 894 15.04.2035 4 545 455 77 902 - - 4 623 356 15.10.2035 4 545 455 52 220 - - 4 597 674 15.04.2036 4 545 455 26 110 - - 4 571 564 Jami 100 000 000 9 182 591 526 111 500 000 110 208 702

Izohlar:

* 6 oylik EURIBOR+1% jami foiz stavkasi 28.06.2021-yil holatiga koʻra 1,13 foizga teng deb qabul qilingan. Ushbu foiz stavkalari har bir qarz mablagʻlari yechib olingan muddatlarda FTA tomonidan qayta belgilanadi.

** Boshlangʻich bir martalik toʻlov keyinchalik loyihada ishtirok etuvchi banklar tomonidan qaytarilishi sharti bilan, dastlab Davlat budjeti hisobidan qoplab beriladi.

Oʻzbekiston Respublikasi Prezidentining 2022-yil 13-yanvardagi PQ-84-son qaroriga 4-ILOVA

“Chorvachilik sohasini barqaror rivojlantirishni moliyalashtirish” loyihasini amalga oshirish boʻyicha

“YOʻL XARITASI”

T/r Chora-tadbirlarning nomlanishi Ijro muddati Ijro holatini nazorat qilishni tashkil etish boshlanishi yakunlanishi nazoratga masʼul koʻrib chiqish muddati 1. Oʻzbekiston Respublikasi va Fransiya taraqqiyot agentligi oʻrtasida imzolangan qarz bitimiga Oʻzbekiston Respublikasi Adliya vazirligining yuridik xulosasini olish va Fransiya taraqqiyot agentligiga taqdim etish. Masʼul: Veterinariya va chorvachilikni rivojlantirish davlat qoʻmitasi (B. Norqobilov), Adliya vazirligi (R. Davletov) 2022-yil yanvar 2022-yil yanvar Vazirlar Mahkamasi (Sh. Gʻaniyev) 2022-yil yanvar 2. Loyiha doirasida mutasaddi va masʼul boʻlgan shaxslar imzolarining namunasini tasdiqlab, Fransiya taraqqiyot agentligiga taqdim etish. Masʼul: Veterinariya va chorvachilikni rivojlantirish davlat qoʻmitasi (B. Norqobilov), Moliya vazirligi (T. Ishmetov) 2022-yil yanvar 2022-yil yanvar Vazirlar Mahkamasi (Sh. Gʻaniyev, J. Qoʻchqorov) 2022-yil yanvar 3. Loyiha doirasidagi xarajatlar smetasini va loyihani amalga oshirish guruhining shtat jadvalini tasdiqlash. Masʼul: Veterinariya va chorvachilikni rivojlantirish davlat qoʻmitasi (B. Norqobilov), Moliya vazirligi (T. Ishmetov) 2022-yil yanvar 2022-yil yanvar Vazirlar Mahkamasi (Sh. Gʻaniyev, J. Qoʻchqorov) 2022-yil yanvar 4. Fransiya taraqqiyot agentligi talablariga muvofiq loyihani amalga oshirish guruhini tashkil etish. Masʼul: Veterinariya va chorvachilikni rivojlantirish davlat qoʻmitasi (B. Norqobilov) 2022-yil yanvar 2022-yil yanvar Vazirlar Mahkamasi (Sh. Gʻaniyev) 2022-yil yanvar 5. Loyiha doirasida subloyihalarni tanlash, ularni baholash, shuningdek, kreditni qayta moliyalashtirish muddatlari, foiz stavkalari (valyuta xatarini inobatga olgan holda) va boshqa shartlar nazarda tutilgan Fransiya taraqqiyot agentligi tomonidan ajratilgan qarzdan foydalanish tartibi toʻgʻrisidagi nizomni ishlab chiqish va tasdiqlash. Masʼul: Veterinariya va chorvachilikni rivojlantirish davlat qoʻmitasi (B. Norqobilov), Moliya vazirligi (T. Ishmetov), Markaziy bank (M. Nurmuratov) 2022-yil fevral 2022-yil fevral Vazirlar Mahkamasi (Sh. Gʻaniyev, J. Qoʻchqorov) 2022-yil fevral 6. Veterinariya va chorvachilikni rivojlantirish davlat qoʻmitasi, Moliya vazirligi va Loyihada ishtirok etuvchi tijorat banklari oʻrtasida alohida qayta kreditlash bitimlarini imzolash. Masʼul: Veterinariya va chorvachilikni rivojlantirish davlat qoʻmitasi (B. Norqobilov), Moliya vazirligi (T. Ishmetov), Loyihada ishtirok etuvchi tijorat banklari 2022-yil fevral 2022-yil fevral Vazirlar Mahkamasi (Sh. Gʻaniyev, J. Qoʻchqorov) 2022-yil fevral 7. Loyihaning texnik iqtisodiy koʻrsatkichlarini toʻliq amalga oshirish, shu jumladan mablagʻlarni oʻzlashtirish boʻyicha tarmoq jadvallarini ishlab chiqish va tasdiqlash. Masʼul: Veterinariya va chorvachilikni rivojlantirish davlat qoʻmitasi (B. Norqobilov) 2022-yil fevral 2022-yil fevral Vazirlar Mahkamasi (Sh. Gʻaniyev) 2022-yil fevral 8. Tadbirkorlik subyektlariga chorvachilik mahsulotlarini ishlab chiqarish, qayta ishlash, saqlash va sotish, shuningdek, chorvachilik tarmogʻida xizmat koʻrsatish infratuzilmasini tashkil qilish hamda ishlab chiqarish vositalari, qishloq xoʻjaligi texnologiyalari va uskunalarini tayyorlash va/yoki yetkazib berish uchun uzoq muddatli imtiyozli mablagʻlarni taqdim etish. Masʼul: Loyihada ishtirok etuvchi tijorat banklari, Veterinariya va chorvachilikni rivojlantirish davlat qoʻmitasi (B. Norqobilov) 2022-yil mart Loyihani amalga oshirish davrida Vazirlar Mahkamasi (Sh. Gʻaniyev) Loyihani amalga oshirish davrida 9. Loyiha doirasida tadbirkorlik subyektlariga ajratilgan kreditlarning oʻz vaqtida va toʻliq qaytarilishi yuzasidan tegishli chora-tadbirlarni amalga oshirish, shu jumladan ularning maqsadli ishlatilishini taʼminlash choralarini koʻrish. Masʼul: Loyihada ishtirok etuvchi tijorat banklari Loyihani amalga oshirish davrida Loyihani amalga oshirish davrida Vazirlar Mahkamasi (Sh. Gʻaniyev) Loyihani amalga oshirish davrida 10. Loyihaning oʻz vaqtida va toʻliq amalga oshirilishini taʼminlash, uni muvofiqlashtirish va boshqarish, shuningdek, loyihani amalga oshirish davrida monitoring va hisobotini yuritish. Masʼul: Veterinariya va chorvachilikni rivojlantirish davlat qoʻmitasi (B. Norqobilov), Loyihada ishtirok etuvchi tijorat banklari Loyihani amalga oshirish davrida Loyihani amalga oshirish davrida Vazirlar Mahkamasi (Sh. Gʻaniyev) Loyihani amalga oshirish davrida 11. Loyihani amalga oshirish mobaynida yillik belgilangan oʻzlashtirish prognozlarining bajarilishi, loyihaning oʻz muddatida va sifatli amalga oshirilishi, loyihaning budjet koʻrsatkichlari ustidan doimiy nazorat olib borish. Masʼul: Veterinariya va chorvachilikni rivojlantirish davlat qoʻmitasi (B. Norqobilov), Investitsiyalar va tashqi savdo vazirligi (S. Umurzakov), Moliya vazirligi (T. Ishmetov) Loyihani amalga oshirish davrida Loyihani amalga oshirish davrida Vazirlar Mahkamasi (Sh. Gʻaniyev) Loyihani amalga oshirish davrida