Tashqi begʻaraz koʻmak mablagʻlarini jalb etish mexanizmlarini va donorlar bilan ishlash tizimini takomillashtirishga oid qoʻshimcha chora-tadbirlar toʻgʻrisida (786-son)

29.12.2021

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Tashqi begʻaraz koʻmak mablagʻlarini jalb etish mexanizmlarini va donorlar bilan ishlashni takomillashtirish chora-tadbirlari toʻgʻrisida” 2019-yil 10-oktabrdagi PF-5848-son Farmoniga muvofiq Vazirlar Mahkamasi qaror qiladi:

1. Quyidagilar:

tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash, tashqi begʻaraz koʻmak mablagʻlarini jalb qilish va donorlar bilan hamkorlik dasturlariga qoʻshimcha loyihalarini ishlab chiqish, monitoring qilish va bitimlar loyihalarini ishlab chiqish, tashqi begʻaraz koʻmak loyihalarini moddiy-texnik qoʻllab-quvvatlash hamda Muvofiqlashtiruvchi kengashning faoliyatini tashkil etishni nazarda tutuvchi Tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash, amalga oshirish va monitoring qilish tartibi toʻgʻrisidagi nizom 1-ilovaga muvofiq;

insonparvarlik yordamini jalb qilish va olish, insonparvarlik yordami yuklarini qabul qilish, hisobga olish, manzilli taqsimlash va ulardan maqsadli foydalanish ustidan nazorat qilish va monitoring qilish tartibini nazarda tutuvchi Insonparvarlik yordami yuklarini qabul qilish, hisobga olish, manzilli taqsimlash va maqsadli foydalanish ustidan nazorat qilish hamda insonparvarlik yordami loyihalarini monitoring qilish tartibi toʻgʻrisidagi nizom 2-ilovaga muvofiq tasdiqlansin.

2. Oʻzbekiston Respublikasi Hukumatining ayrim qarorlariga 3-ilovaga muvofiq oʻzgartirish va qoʻshimchalar kiritilsin.

3. Oʻzbekiston Respublikasi Hukumatining baʼzi qarorlari 4-ilovaga muvofiq oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 29-dekabr,

786-son

Vazirlar Mahkamasining 2021-yil 29-dekabrdagi 786-son qaroriga 1-ILOVA

Tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash, amalga oshirish va monitoring qilish tartibi toʻgʻrisidagi

NIZOM

1-bob. Umumiy qoidalar

1. Ushbu Nizom tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash, amalga oshirish va monitoring qilish tartibini belgilaydi.

2. Ushbu Nizomning amal qilishi Oʻzbekiston Respublikasi Prezidenti va Vazirlar Mahkamasi hujjatlari bilan ularni tayyorlash va amalga oshirishning boshqacha tartibi belgilangan loyihalarga nisbatan tatbiq etilmaydi.

3. Ushbu Nizomda quyidagi asosiy tushunchalar qoʻllaniladi:

axborot tizimi — Oʻzbekiston Respublikasi Investitsiyalar va tashqi savdo vazirligi tomonidan joriy etiladigan va yuritiladigan “Tashqi begʻaraz koʻmak loyihalarini elektron tarzda kelishish, monitoring qilish va hisobga olish” boʻyicha avtomatlashtirilgan axborot tizimi;

vakolatli organ — loyihalarni tayyorlash, amalga oshirish va monitoring qilish faoliyatini muvofiqlashtirish vazifasi yuklangan Oʻzbekiston Respublikasi Investitsiyalar va tashqi savdo vazirligi;

grant — qonunchilik hujjatlariga zid boʻlmagan faoliyatni amalga oshirish uchun maqsadli yoʻnaltirilgan yoki maqsadli boʻlmagan asosda pul yoki natura shaklida donorlar tomonidan koʻrsatiladigan tashqi begʻaraz koʻmak turi;

donor bilan hamkorlik dasturi — maʼlum bir davr uchun Oʻzbekiston Respublikasining donorlar bilan hamkorligining asosiy yoʻnalishlarini belgilab beruvchi hamda tashqi begʻaraz koʻmak hisobiga moliyalashtirish uchun taklif etilayotgan loyihalar roʻyxatini oʻz ichiga olgan hujjat;

loyiha bitimlari — loyihalarni moliyalashtirish uchun asos boʻladigan hujjatlar majmuasi (almashinuv notalari, moliyaviy shartnomalar va boshqalar);

loyiha ijrochisi — loyihani amalga oshirish uchun tashqi begʻaraz koʻmak oluvchiga tovarlarni (ishlarni, xizmatlarni) yetkazib beruvchi, taqdim qiluvchi yuridik yoki jismoniy shaxs (yoki ularning konsorsiumi);

loyiha taklifi — amalga oshirilishi rejalashtirilgan loyihaning asosiy parametrlarini aniqlaydigan, donorning metodologiyasiga muvofiq tayyorlangan va donorning loyiha boʻyicha tayyorgarlik koʻrishi va qaror qabul qilishi uchun asos boʻladigan hujjat;

loyiha hujjatlari — donor va tashqi begʻaraz koʻmak oluvchilar oʻrtasida kelishilgan loyihani moliyalashtirish va amalga oshirish muddatlari toʻgʻrisida batafsil maʼlumotlardan tashkil topgan hamda donor (loyiha ijrochisiga) loyihani amalga oshirishi uchun asos boʻladigan hujjatlar toʻplami;

muvofiqlashtiruvchi kengash — Oʻzbekiston Respublikasi Prezidentining “Tashqi begʻaraz koʻmak mablagʻlarini jalb etish mexanizmlarini va donorlar bilan ishlashni takomillashtirish chora-tadbirlari toʻgʻrisida” 2019-yil 10-oktabrdagi PF-5848-son Farmoni bilan tashkil etilgan Tashqi begʻaraz koʻmak mablagʻlarini jalb qilish masalalari boʻyicha muvofiqlashtiruvchi kengash;

tashqi begʻaraz koʻmak beruvchi donorlar (keyingi oʻrinlarda — donorlar) — tashqi begʻaraz koʻmak mablagʻini taqdim qiluvchi, faoliyati Oʻzbekiston Respublikasi qonunchilik hujjatlariga zid boʻlmagan xorijiy davlatlar, xalqaro va xorijiy hukumat va nohukumat tashkilotlar, xorijiy kompaniyalar va jamgʻarmalar;

tashqi begʻaraz koʻmak mablagʻlari — tashqi begʻaraz koʻmak beruvchi donorlar tomonidan taqdim etiladigan texnik koʻmak va grant, maqsadli begʻaraz koʻmak mablagʻlari, jumladan, pul va tovarlar (ishlar, xizmatlar);

tashqi begʻaraz koʻmakni oluvchilar — Oʻzbekiston Respublikasi, Oʻzbekiston Respublikasi Hukumati, davlat boshqaruvi organlari, mahalliy ijro etuvchi hokimiyat organlari, fuqarolarning oʻzini oʻzi boshqarish organlari, shuningdek faoliyatida foyda olishni maqsad qilmagan yuridik va jismoniy shaxslar (donorlar va vakolatli organning boshqa kelishuvlari bundan mustasno);

tashqi begʻaraz koʻmak loyihasi (keyingi oʻrinlarda — loyiha) — donorlar tomonidan pul, tovarlar (ishlar, xizmatlar) sifatida taqdim qilinadigan tashqi begʻaraz koʻmak loyihasi hisobiga qisman yoki toʻla taʼminlangan, donorlar va tashqi begʻaraz koʻmak oluvchilar bilan kelishilgan umumiy maqsadli tashkiliy-texnik tadbirlar majmui;

tashqi begʻaraz koʻmak mablagʻlarini jalb qilish dasturi — vakolatli organ tomonidan tasdiqlanadigan istiqbolli va ustuvor loyihalar hamda donorlarga tashqi begʻaraz koʻmak mablagʻlari hisobiga moliyalashtirish uchun taklif etilayotgan loyihalarning yigʻma roʻyxatini oʻz ichiga olgan hujjat;

texnik koʻmak — asbob-uskunalar va texnologiyalarni sotib olish, tajriba-konstruktorlik ishlarini amalga oshirish, ilmiy yoki boshqa tadqiqotlarni oʻtkazish, xodimlarni davolash, oʻqitish, malakasini oshirish va ularni qayta tayyorlash, maslahat xizmatlari koʻrsatish hamda qonunchilik hujjatlariga muvofiq boshqa maqsadlar uchun pul yoki natura shaklida donorlar tomonidan koʻrsatiladigan tashqi begʻaraz koʻmak turi;

yagona reyestr — vakolatli organ tomonidan doimiy ravishda shakllantiriladigan va uning rasmiy veb-saytida joylashtiriladigan amalga oshirilayotgan loyihalarning roʻyxati.

4. Tashqi begʻaraz koʻmak oluvchilar bir loyiha boʻyicha qiymati 100 ming AQSH dollaridan oshmaydigan tashqi begʻaraz koʻmak mablagʻlarni jalb etish uchun mustaqil ravishda donorlar bilan muzokaralar olib boradi, bunda imzolangan loyiha bitimlarining nusxalarini vakolatli organga majburiy tartibda taqdim etadi.

5. Tashqi begʻaraz koʻmak mablagʻlarini jalb qilish dasturlari va donorlar bilan hamkorlik dasturlarini kelishish, tasdiqlash, hisobga olish shuningdek tashqi begʻaraz koʻmak oluvchilar va loyiha ijrochilari tomonidan kiritilgan maʼlumotlar asosida tashqi begʻaraz koʻmak loyihalarining amalga oshirilishini monitoringi tegishli vazirliklar va idoralarning axborot tizimiga bepul ulanishi orqali olib boriladi.

2-bob. Tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash tartibi

6. Tashqi begʻaraz koʻmak mablagʻlari hisobidan moliyalashtiriladigan loyihalarni tayyorlash, amalga oshirish va monitoring qilish ushbu Nizomga 1-ilovaga muvofiq sxemaga asosan amalga oshiriladi.

7. Vakolatli organ har yili 1-fevralga qadar tashqi begʻaraz koʻmak oluvchilarni tegishli parametrlarni koʻrsatgan holda donorlar mablagʻlari hisobiga amalga oshirilishi uchun taklif qilingan loyihalarni qabul qilish boshlanganligi toʻgʻrisida xabardor qiladi.

8. Tashqi begʻaraz koʻmak oluvchilar har yili 1-martga qadar donorlar tomonidan moliyalashtirish uchun taklif etilayotgan istiqbolli va ustuvor loyihalarning roʻyxatini loyiha takliflari bilan birga ushbu Nizomga 2 va 3-ilovalarga muvofiq ularning ustuvorlik koʻrsatkichlarining tartib raqamini koʻrsatgan holda vakolatli organga taqdim etadi.

Loyiha takliflari 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishlari boʻyicha Harakatlar strategiyasini amalga oshirish boʻyicha davlat dasturlari, 2030-yilgacha boʻlgan davrda barqaror rivojlanish sohasidagi milliy maqsad va vazifalar, Oʻzbekiston Respublikasining Investitsiya dasturlari, sanoat va hududlarni rivojlantirish dasturlari, Oʻzbekiston Respublikasi Prezidenti va Vazirlar Mahkamasining hujjatlarini hisobga olgan holda tashqi begʻaraz koʻmak oluvchilar tomonidan shakllantiriladi.

9. Vakolatli organ taqdim etilgan loyiha takliflarni hamkorlik yoʻnalishlariga, donorlarning moliyaviy imkoniyatlariga, shuningdek rivojlanishning davlat dasturlariga muvofiqligi yuzasidan koʻrib chiqadi hamda 1-aprelga qadar amalga oshirish uchun taklif etilayotgan istiqbolli va ustuvor loyihalarning yigʻma roʻyxatini (keyingi oʻrinlarda — yigʻma roʻyxat) ushbu Nizomga 4-ilovaga muvofiq shakllantiradi.

Loyiha takliflari ushbu Nizomga 3-ilovaga muvofiq tashqi begʻaraz koʻmak oluvchilar tomonidan ishlab chiqiladi.

Donorlar tomonidan talab etilgan holatlarda, tashqi begʻaraz koʻmak oluvchilar loyiha takliflarini donor tomonidan soʻralgan shaklga muvofiq ishlab chiqib, vakolatli organga kiritadi.

10. Vakolatli organ donorlarga taqdim etish uchun loyiha boʻyicha qoʻshimcha maʼlumotlarni tashqi begʻaraz koʻmak oluvchilardan soʻrab olish huquqiga ega.

11. Tashqi begʻaraz koʻmak oluvchilardan kelib tushgan loyiha takliflarning yigʻma roʻyxatini shakllantirish jarayonida yuzaga kelgan kelishmovchiliklar tegishli tashqi begʻaraz koʻmak oluvchilar ishtirokida muvofiqlashtiruvchi kengash yigʻilishi doirasida bartaraf etiladi.

12. Vakolatli organ 15-aprelga qadar shakllantirilgan yigʻma roʻyxat asosida tashqi begʻaraz koʻmak mablagʻlarini jalb qilish dasturini tasdiqlaydi va oʻzining rasmiy veb-saytiga joylashtiradi.

13. Vakolatli organ:

tegishli tashqi begʻaraz koʻmak oluvchilar bilan birgalikda donorlar bilan mablagʻlarni jalb qilish choralarini koʻradi;

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi va Moliya vazirligi bilan birgalikda donorlar tomonidan maʼqullangan loyihalar asosida donorlar bilan hamkorlik yoʻnalishlarini, shu bilan birga loyihalarning barcha parametrlarini oʻz ichiga olgan hamkorlik dasturini ishlab chiqadi va tasdiqlaydi.

14. Donorlar bilan hamkorlik dasturi tasdiqlangan kundan boshlab besh kun ichida vakolatli organning rasmiy veb-saytiga joylashtiriladi.

Donorlar bilan hamkorlik dasturi koʻrsatkichlariga aniqlik kiritish va ularni oʻzgartirish vakolatli organ tomonidan muvofiqlashtiruvchi kengash bilan kelishilgan holda amalga oshiriladi.

15. Zarurat tugʻilganda, donorlar bilan hamkorlik dasturlariga kiritilgan loyihalar uchun loyiha bitimlari imzolanadi. Bunda, tashqi begʻaraz koʻmak oluvchilar loyiha bitimlarini oʻz vaqtida imzolanishini taʼminlaydi.

3-bob. Tashqi begʻaraz koʻmak mablagʻlarini jalb qilish va donorlar bilan hamkorlik dasturlariga qoʻshimcha loyihalarni ishlab chiqish tartibi

16. Tasdiqlangan tashqi begʻaraz koʻmak mablagʻlarini jalb qilish dasturlari va donorlar bilan hamkorlik dasturlariga yangi loyihalarni kiritish uchun tashqi begʻaraz koʻmak oluvchilar vakolatli organga tashqi begʻaraz koʻmak loyihalari taklifi va salohiyatli donorlar koʻrsatilgan tushuntirish xatini taqdim etadi.

Agar loyihaning tashabbuskori donor boʻlsa, u ushbu Nizomga 2-ilovaga muvofiq loyiha taklifini bevosita vakolatli organ orqali tashqi begʻaraz koʻmak oluvchiga koʻrib chiqishi uchun taqdim etadi.

Tashqi begʻaraz koʻmak oluvchilar oʻtkazilgan tahlillar asosida vakolatli organga loyiha taklifini, amalga oshirish maqsadga muvofiqligi toʻgʻrisidagi xulosani hamda loyihani tashqi begʻaraz koʻmak mablagʻlarini jalb qilish dasturiga kiritish toʻgʻrisidagi taklifni taqdim etadi.

Agar loyiha taklifini qayta ishlash zarur boʻlsa, vakolatli organ loyiha hujjatlarini tashqi begʻaraz koʻmak oluvchilarga yoki donorga mavjud kamchiliklarni koʻrsatgan holda qaytaradi.

17. Tashqi begʻaraz koʻmak oluvchilarning maqsadga muvofiqlik toʻgʻrisidagi xulosasi va takliflarini koʻrib chiqish natijalari asosida vakolatli organ tashqi begʻaraz koʻmak mablagʻlarini jalb qilish dasturiga va zarurat boʻlsa, donor bilan hamkorlik dasturiga oʻzgartirish va qoʻshimchalar kiritadi.

18. Tashqi begʻaraz koʻmak oluvchilar loyihalarni sifatli ishlab chiqilishi, zaruratga koʻra, donorlar, manfaatdor vazirliklar va idoralar, loyihalash va ilmiy-tadqiqot institutlari mutaxassislari va mustaqil ekspertlarni jalb qilgan holda ularni tayyorlash tartibiga rioya qilinishi uchun javob beradi.

19. Tashqi begʻaraz koʻmak oluvchilar donorlar tomonidan kelib tushgan loyiha takliflari nusxalarini ular qabul qilgan kundan boshlab bir ish kuni ichida vakolatli organga koʻrib chiqish va ularni amalga oshirish ustidan monitoring qilish uchun majburiy tartibda kiritadi.

4-bob. Tashqi begʻaraz koʻmak mablagʻlarini jalb etishni nazarda tutuvchi bitimlar loyihalarini ishlab chiqish tartibi

20. Oʻzbekiston Respublikasi bilan xorijiy davlatlar hamda xalqaro hukumatlararo tashkilotlar oʻrtasidagi davlatlararo, hukumatlararo, idoralararo xalqaro shartnomalar toifasiga kiruvchi bitimlarni ishlab chiqish, kelishish va imzolash “Oʻzbekiston Respublikasining xalqaro shartnomalari toʻgʻrisida”gi Qonunda belgilangan tartibda amalga oshiriladi.

21. Mazkur Nizomning 20-bandida koʻrsatilgan xalqaro shartnoma toifasiga kirmaydigan va davlat organlari tashqi begʻaraz koʻmak oluvchilar hisoblangan bitimlar loyihalari ular tomonidan donorlar bilan birgalikda ishlab chiqiladi va manfaatdor vazirliklar va idoralarga kelishish uchun kiritiladi.

Manfaatdor vazirliklar va idoralar ishlab chiqilgan bitim loyihalarini ekspertlar darajasida koʻrib chiqib, kiritilgan kundan boshlab besh kun muddatda tegishli xulosa beradi.

Tashqi begʻaraz koʻmak oluvchilar manfaatdor vazirliklar va idoralar bilan birgalikda ishlab chiqilgan va kelishilgan bitim loyihasini Vazirlar Mahkamasiga koʻrib chiqish uchun kiritadi.

Vazirlar Mahkamasi bitim loyihalarini kelishish va imzolash yoki qayta ishlab chiqish yuzasidan bir hafta muddatda tegishli topshiriq beradi.

Vakolatli organ tashqi begʻaraz koʻmak oluvchilar bilan birgalikda kelishilgan va tasdiqlangan bitim loyihalari ustidan muzokaralar olib borilishini va imzolanishini taʼminlaydi.

5-bob. Tashqi begʻaraz koʻmak loyihalarini amalga oshirish

22. Tashqi begʻaraz koʻmak oluvchilarning rahbarlari imzolangan loyiha hujjatlari va bitimlarini kuchga kirishi uchun zarur boʻlgan barcha shartlarni bajarilishini taʼminlaydi.

23. Loyiha ijrochisi har bir donor tomonidan oʻzining tartibiga muvofiq tanlanib olinadi.

24. Loyiha ijrochisi alohida yoki konsorsium tarkibida boʻlgan yuridik yoki jismoniy shaxs boʻlishi mumkin.

25. Har bir loyiha tegishli loyiha hujjatlari va imzolangan loyiha bitimiga muvofiq amalga oshiriladi.

26. Loyiha ijrochisi loyihani amalga oshirish uchun qonunchilik hujjatlarida belgilangan tartibda mahalliy va (yoki) xorijiy mutaxassislarni, uzoq muddatli (olti oydan ortiq) yoki qisqa muddatli (olti oygacha) shartnoma asosida jalb qilishi mumkin.

Davlat organlari va idoralari tomonidan tadbirkorlikka oid barcha begʻaraz koʻmak loyihalarini amalga oshirishda Savdo-sanoat palatasi loyiha hamkori sifatida jalb qilinadi.

27. Loyiha tashqi begʻaraz koʻmak oluvchilarining rahbarlari tashqi begʻaraz koʻmak loyihalarining sifatli va oʻz vaqtida amalga oshirilishini taʼminlash hamda tasdiqlangan maqsadli koʻrsatkichlarga erishish uchun tashqi begʻaraz koʻmak mablagʻlarini jalb etish va oʻzlashtirishda bevosita ishtirok etgan xodimlarga nisbatan tashkilotlarning budjetdan tashqari mablagʻlari, mahalliy budjetlarning qoʻshimcha manbalari, tashqi begʻaraz koʻmak mablagʻlari, shuningdek, qonunchilik hujjatlarida taqiqlanmagan boshqa manbalar hisobidan mehnatga haq toʻlashning eng kam miqdorining oʻn besh baravarigacha biroq oʻzlashtirilgan tashqi begʻaraz koʻmak mablagʻlari summasining ikki foizidan oshmaydigan miqdorda bir martalik mukofotlash tarzidagi ragʻbatlantirish choralarini qoʻllaydi.

28. Amalga oshirilayotgan tashqi begʻaraz koʻmak loyihalarining hisobini yuritish, muvofiqlashtirish va monitoring qilish maqsadida vakolatli organ loyihalarni roʻyxatdan oʻtkazadi.

29. Amalga oshirilayotgan loyihalarni roʻyxatdan oʻtkazish uchun tashqi begʻaraz koʻmak oluvchilar yoki donor vakolatli organga loyiha yuzasidan barcha hujjatlar (loyiha taklifi, loyiha bitimi va boshqalar), shu bilan birga loyihani amalga oshirish boʻyicha tarmoq jadvalini aks ettiruvchi arizani taqdim etadi.

Vakolatli organ taqdim etilgan hujjatlarni koʻrib chiqish davomida loyiha tashqi begʻaraz koʻmak oluvchilardan yoki donordan qoʻshimcha maʼlumotlarni talab qilib olishi mumkin.

30. Vakolatli organ roʻyxatdan oʻtkazilgan loyihalarning yagona reyestrini yuritadi, ularning roʻyxatdan oʻtkazilganligi toʻgʻrisidagi maʼlumotlarni axborot tizimiga doimiy ravishda kiritilishini taʼminlaydi.

6-bob. Tashqi begʻaraz koʻmak loyihalarini moddiy-texnik qoʻllab-quvvatlash

31. Tovarlar (ishlar, xizmatlar)ni tashqi begʻaraz koʻmak hisobiga sotib olish donorlar tomonidan belgilangan tartibda amalga oshiriladi.

32. Loyihalarni amalga oshirish jarayonida qonunchilik hujjatlarida nazarda tutilgan imtiyoz va preferensiyalar taqdim etilishi natijasida boʻshaydigan mablagʻlar summasi, basharti donorlar bilan bitimlarda oʻzgacha tartib nazarda tutilmagan boʻlsa, Oʻzbekiston Respublikasining tashqi begʻaraz koʻmak loyihalarini amalga oshirishga qoʻshadigan hissasi hisoblanadi.

33. Loyiha bilan tashqi begʻaraz koʻmak pul shaklida berilishi nazarda tutilgan taqdirda, budjet tashkilotlari, vazirliklar, idoralar va davlat maqsadli jamgʻarmalari tomonidan olingan tashqi begʻaraz koʻmak mablagʻlari Yagona gʻazna hisobvaragʻiga joylashtiriladi.

34. Tashqi begʻaraz koʻmak mablagʻlari hisobiga moliyalashtiriladigan loyihalarga soliq va bojxona imtiyozlari Oʻzbekiston Respublikasining Soliq kodeksi, Bojxona kodeksi, Oʻzbekiston Respublikasining xalqaro shartnomalari hamda boshqa qonunchilik hujjatlarida belgilangan tartibda taqdim etiladi.

Bunda, tovarlar (ishlar va xizmatlar)ning tashqi begʻaraz koʻmakka tegishliligi tashqi begʻaraz koʻmak oluvchilar yoki donor tomonidan taqdim etilgan ariza, loyiha hujjatlari, bitimlari va roʻyxatdan oʻtkazilganligi toʻgʻrisidagi maʼlumoti hamda vakolatli organning tegishli xulosasi asosida aniqlanadi.

35. Tashqi begʻaraz koʻmak oluvchilar loyiha tugagan kundan boshlab besh yil mobaynida har yili vakolatli organga va tegishli statistika organiga tashqi begʻaraz koʻmak orqali taqdim etilgan tovarlar (ishlar va xizmatlar)dan foydalanish yoki mablagʻlarning sarflanishi toʻgʻrisidagi maʼlumotlarni taqdim etadi.

36. Oʻzbekiston Respublikasi soliq va bojxona organlariga, zaruratga koʻra, soliq va bojxona rasmiylashtiruvi uchun tovarlarning tashqi begʻaraz koʻmakka tegishliligi toʻgʻrisidagi xulosalar tashqi begʻaraz koʻmak loyihalarini amalga oshirish toʻgʻrisidagi loyiha hujjatlari va bitimlariga muvofiq vakolatli organ tomonidan beriladi.

37. Tashqi begʻaraz koʻmak mablagʻlari donor yoki vakolatli organ bilan kelishilmasdan maqsadsiz ishlatilgan taqdirda, mazkur imtiyozning amal qilishi bojxona toʻlovlari va soliqlarni toʻlash majburiyatlari tiklangan holda bekor qilinadi.

38. Loyiha tashqi begʻaraz koʻmak oluvchilariga tashqi begʻaraz koʻmakni jalb etish toʻgʻrisidagi bitimlar boʻyicha oʻz majburiyatlarini bajarish bilan bogʻliq xarajatlarni budjetdan tashqari jamgʻarmalar hamda qonunchilikda taqiqlanmagan boshqa manbalar hisobiga qoplash huquqi beriladi.

7-bob. Tashqi begʻaraz koʻmak loyihalari amalga oshirilishini monitoring qilish tartibi

39. Ishlab chiqilayotgan va yagona reyestrga kiritilgan loyihalar monitoring obyektlari hisoblanadi.

40. Tashqi begʻaraz koʻmak loyihalari amalga oshirilishini monitoring qilish vakolatli organ tomonidan quyidagilarni tahlil qilish va umumlashtirish orqali amalga oshiriladi:

tasdiqlangan loyiha hujjatlari va loyiha bitimlari, shu jumladan, loyihani amalga oshirish boʻyicha tarmoq jadvallari va boshqa tegishli maʼlumotlarni aks ettiruvchi hujjatlar;

donorlar, tashqi begʻaraz koʻmak oluvchilar va loyiha ijrochisi tomonidan taqdim etilgan tezkor maʼlumotlar;

vakolatli organ monitoringni tashkil qilish uchun vazirliklar, idoralar, xalqaro tashkilotlar va konsalting kompaniyalarining mutaxassislarini jalb qilishga haqli.

41. Monitoring quyidagi maqsadlarda amalga oshiriladi:

loyihalarning oʻz vaqtida va samarali bajarilishini taʼminlash;

tashqi begʻaraz koʻmak oluvchilar va loyiha ijrochisi faoliyatini muvofiqlashtirish, loyihalarni amalga oshirish bilan bogʻliq masalalarni oʻz vaqtida hal etish uchun ularning javobgarligini oshirish;

loyihalarning ishlab chiqishga va amalga oshirishga toʻsqinlik qiluvchi omillarni aniqlash va oʻrganish, ularni hal etish boʻyicha tezkor choralarni koʻrish;

donorlar oldida loyihalar boʻyicha olingan majburiyatlarni oʻz vaqtida amalga oshirilishini taʼminlash ustidan nazorat oʻrnatish, ularning bajarilishini taʼminlashga koʻmaklashish.

42. Tashqi begʻaraz koʻmak oluvchilar har chorakda (hisobot choragidan keyingi oyning 10-kunidan kechiktirmay) vakolatli organga va Moliya vazirligiga oʻzlashtirilgan tashqi begʻaraz koʻmak mablagʻlari va amalga oshirilayotgan loyihalar toʻgʻrisida ushbu Nizomga 5-ilovaga muvofiq maʼlumotni taqdim etadilar.

Moliya vazirligi tashqi begʻaraz koʻmak mablagʻlari maqsadli foydalanilishi ustidan nazoratni amalga oshiradi hamda mazkur sohadagi huquqbuzarliklarning oldini olish va profilaktika qilish yuzasidan tizimli choralarni koʻradi.

43. Tashqi begʻaraz koʻmak oluvchilarining rahbarlari taqdim etilgan maʼlumotlarning toʻgʻriligi uchun shaxsan javob beradilar.

44. Vakolatli organ:

loyihalarning amalga oshirilishi toʻgʻrisidagi, shuningdek, qoʻshimcha tahliliy maʼlumotlar asosida tendensiyalarni oʻrganadi;

loyihalarni amalga oshirishdagi byurokratik toʻsiqlarni aniqlaydi, imtiyozlar va preferensiyalar tizimining samaradorligini tahlil qiladi;

loyihalarni amalga oshirish uchun normativ-huquqiy bazani takomillashtirish boʻyicha takliflar va tavsiyalar ishlab chiqadi;

tashqi begʻaraz koʻmaklar mablagʻlarini jalb qilish samaradorligini oshirish uchun zaruratga koʻra Oʻzbekiston Respublikasi Hukumatining hujjatlarini tayyorlash ishlarini tashkil etadi;

vazirliklar, idoralar, tashkilotlar va mahalliy ijro etuvchi hokimiyat organlari bilan birgalikda loyihalarni tayyorlash va amalga oshirish jarayonida muammoli masalalarni hal etish boʻyicha takliflar tayyorlaydi;

loyihalarni oʻz vaqtida va sifatli tayyorlash hamda amalga oshirishni taʼminlash uchun zarur boʻlgan boshqa tadbirlarni tashkil etadi;

doimiy ravishda donorlar bilan amalga oshirilayotgan loyihalarni, shu jumladan ularni amalga oshirishdagi muammolarni muhokama qiladi.

45. Loyihalar monitoringi natijalari har chorakda vakolatli organ tomonidan Vazirlar Mahkamasiga maʼlumot tariqasida taqdim etiladi.

8-bob. Muvofiqlashtiruvchi kengashning asosiy vazifalari va funksiyalari

46. Quyidagilar muvofiqlashtiruvchi kengashning asosiy vazifalari hisoblanadi:

donorlar bilan doimiy muloqot platformasini shakllantirish, tashqi begʻaraz koʻmak loyihalarini moliyalashtirish va amalga oshirish bilan bogʻliq muammoli masalalarni va munozarali masalalarni koʻrib chiqish;

Oʻzbekiston Respublikasining donorlar bilan hamkorligining ustuvor yoʻnalishlarini belgilash, tashqi begʻaraz koʻmak loyihalarini amalga oshirish uchun hamkorlik geografiyasini kengaytirish va moliyalashtirishning yangi salohiyatli manbalarini izlash boʻyicha tizimli ishlar olib borish;

tashqi begʻaraz koʻmak loyihalarini kelishish va ishlab chiqish tartib-taomillarini soddalashtirish va mexanizmlarini takomillashtirish, ulardan maqsadli va samarali foydalanishni taʼminlash boʻyicha takliflar tayyorlash;

davlat organlari va tashkilotlari, mahalliy ijro etuvchi hokimiyat organlarining tashqi begʻaraz koʻmak mablagʻlarini jalb qilish va ularning hajmlarini koʻpaytirish, donorlar bilan yaqin hamkorlik aloqalarini oʻrnatish boʻyicha qilingan ishlar toʻgʻrisida, shuningdek, Oʻzbekiston Respublikasining xorijdagi muassasalarining tashqi iqtisodiy faoliyat bilan shugʻullanuvchi xodimlarining hisobotlarini tinglash.

47. Muvofiqlashtiruvchi kengash unga yuklangan vazifalarni amalga oshirish uchun quyidagi funksiyalarni bajaradi:

hamkorlikni kengaytirish va loyihalarni amalga oshirish takliflarini koʻrib chiqish;

tashqi begʻaraz koʻmak mablagʻlari hisobiga moliyalashtirish taklif etilayotgan ustuvor va istiqbolli loyihalarni tanlab olish mezonlarini, shuningdek, dasturlarni shakllantirishda yuzaga keladigan kelishmovchiliklarni koʻrib chiqish va muhokamalar asosida tegishli qaror qabul qilish;

davlat boshqaruvi organlarining, xoʻjalik birlashmalarining, mahalliy ijro etuvchi hokimiyat organlarining, nodavlat notijorat tashkilotlarining, fuqarolarning oʻzini oʻzi boshqarish organlariga, yuridik va jismoniy shaxslarining tashqi begʻaraz koʻmak loyihalarini muvofiqlashtirish va ishlab chiqish tartibiga oʻzgartirish va qoʻshimchalar kiritish toʻgʻrisidagi murojaatlarini koʻrib chiqish;

tashqi begʻaraz koʻmak oluvchilar tomonidan olingan va oʻzlashtirilgan tashqi begʻaraz koʻmak mablagʻlarini hamda amalga oshirilayotgan tashqi begʻaraz koʻmak loyihalari boʻyicha maʼlumotlarni oʻrganib chiqish va oʻzlashtirish jarayonini optimallashtirish boʻyicha ularga tegishli koʻrsatmalar berish.

48. Tashqi begʻaraz koʻmak oluvchilarining murojaatlari muvofiqlashtiruvchi kengash tomonidan quyidagi masalalar boʻyicha koʻrib chiqiladi:

tashqi begʻaraz koʻmak mablagʻlarini jalb qilish dasturiga loyiha takliflarini kiritish hamda yuzaga keladigan kelishmovchiliklar;

tashqi begʻaraz koʻmak loyihalarini ishlab chiqish va tasdiqlash tartibiga oʻzgartirish va qoʻshimchalar kiritish;

donorlar bilan hamkorlikning ustuvor yoʻnalishlarini aniqlash, shuningdek ular bilan oʻzaro aloqalar geografiyasini kengaytirish;

tashqi begʻaraz koʻmak oluvchilarning murojaatlarini koʻrib chiqish;

tashqi begʻaraz koʻmakka oid boshqa masalalar.

49. Vakolatli organ muvofiqlashtiruvchi kengash qarori qabul qilingan kundan boshlab uch kun muddatda kelib tushgan murojaatlar toʻgʻrisida Muvofiqlashtiruvchi kengash aʼzolarini xabardor qiladi.

50. Muvofiqlashtiruvchi kengash oʻziga yuklatilgan vazifalar va funksiyalar doirasida quyidagi huquqlarga ega:

vazirliklar, idoralar, xoʻjalik birlashmalari va tijorat banklaridan statistik va tahliliy maʼlumotlarni olish maqsadida soʻrov yuborish;

vazirliklar va idoralarga Muvofiqlashtiruvchi kengash tomonidan koʻrib chiqilayotgan masalalar yuzasidan vakolatlar doirasida koʻrsatmalar berish;

yigʻilishlarda yuridik va jismoniy shaxslarning muvofiqlashtiruvchi kengash zimmasiga yuklatilgan vazifalar doirasidagi murojaatlarini tinglash;

donorlar orasida soʻrovnomalar oʻtkazish;

muvofiqlashtiruvchi kengash qonunchilik hujjatlariga muvofiq boshqa huquqlarga ega boʻlish mumkin.

9-bob. Muvofiqlashtiruvchi kengash tarkibi va uning faoliyatini tashkil etish

51. Yuklangan vazifa va funksiyalarni bajarish maqsadida Muvofiqlashtiruvchi kengash raisi:

muvofiqlashtiruvchi kengash majlislarida raislik qiladi;

muvofiqlashtiruvchi kengash ish rejasiga takliflar kiritadi;

muvofiqlashtiruvchi kengash majlislarini chaqiradi, muvofiqlashtiruvchi kengash, uning kotibi faoliyatini, majlislarda koʻrib chiqilayotgan masalalar tayyorlanishini va qabul qilingan qarorlar ijrosini tashkil etadi, shuningdek, har chorakda tomonlarni ularning bajarilishi jarayonidan xabardor qiladi;

tomonlar hamkorligiga va muvofiqlashtiruvchi kengash qarorlarini ishlab chiqish hamda amalga oshirishda ular oʻrtasida kelishuvga erishilishiga koʻmaklashadi;

oʻz vakolatlari doirasida boshqa funksiyalarni bajaradi.

52. Yuklangan vazifalar va funksiyalarini bajarish maqsadida Kengash kotibi:

muvofiqlashtiruvchi kengash raisi bilan kelishish uchun yigʻilishlarning muddatlari, oʻtkazilish joyi va kun tartibi boʻyicha takliflarni shakllantiradi;

muvofiqlashtiruvchi kengash aʼzolarini navbatdagi yigʻilishining muddati, oʻtkazilish joyi va kun tartibi boʻyicha xabardor qiladi, ularni zarur materiallar bilan taʼminlaydi;

muvofiqlashtiruvchi kengashning bayonnomalarini yuritadi va yigʻilish oʻtkazilishini va ish yuritishini tashkil etadi;

tasdiqlangan qarorlarni muvofiqlashtiruvchi kengash aʼzolariga tarqatadi;

muvofiqlashtiruvchi kengash qarorlarining ijrosini monitoring qiladi;

muvofiqlashtiruvchi kengash raisining muvofiqlashtiruvchi kengash faoliyatiga oid topshiriqlarini bajaradi;

muvofiqlashtiruvchi kengash kun tartibiga kiritilgan masalalar boʻyicha tahliliy materiallarni tayyorlaydi.

53. Yuklangan vazifalar va funksiyalarni bajarish maqsadida Muvofiqlashtiruvchi kengash aʼzolari:

muvofiqlashtiruvchi kengash yigʻilishida ishtirok etadi va qarorlarni qabul qilishda ovoz beradi;

muvofiqlashtiruvchi kengash qarorlarini ijro etish natijalari boʻyicha muvofiqlashtiruvchi kengashga hisobot taqdim etadi;

muvofiqlashtiruvchi kengash yigʻilishining kun tartibi va masalalarni muhokama qilish tartibi boʻyicha takliflar kiritadi;

muvofiqlashtiruvchi kengash yigʻilishlariga materiallarni tayyorlashda ishtirok etadi.

muvofiqlashtiruvchi kengash aʼzolari muvofiqlashtiruvchi kengash oʻz vaqtida va samarali ishlashini taʼminlash boʻyicha boshqa funksiyalarni ham bajarishi mumkin.

10-bob. Muvofiqlashtiruvchi kengash faoliyatini tashkil etish va qarorlarni qabul qilish tartibi

54. Muvofiqlashtiruvchi kengash oʻz faoliyatini yigʻilishlar shaklida amalga oshiradi, yigʻilishlar bir yilda kamida 4-marta oʻtkaziladi.

55. Muvofiqlashtiruvchi kengash yigʻilishlari muvofiqlashtiruvchi kengash raisining qarori, rais boʻlmagan hollarda oʻrinbosarlarining qarori, shuningdek, muvofiqlashtiruvchi kengash raisi bilan kelishgan holda muvofiqlashtiruvchi kengash aʼzolarining tashabbusi boʻyicha chaqiriladi.

56. Muvofiqlashtiruvchi kengash yigʻilishda aʼzolarning kamida uchdan ikki qismi ishtirok etganda qaror qabul qilish huquqiga ega.

57. Koʻriladigan masalalar boʻyicha qarorlar ochiq ovoz berish orqali koʻpchilik ovoz bilan qabul qilinadi. Muvofiqlashtiruvchi kengash har bir aʼzosi, shu jumladan, rais ham bitta ovozga ega boʻladi. Muvofiqlashtiruvchi kengash qarorlari muvofiqlashtiruvchi kengashning barcha aʼzolari uchun majburiy xususiyatga ega.

58. Oʻzbekiston Respublikasi Hukumatining qarorini talab qiladigan masalalar yuzasidan tegishli takliflarni muvofiqlashtiruvchi kengash Oʻzbekiston Respublikasi Vazirlar Mahkamasiga kiritadi.

59. Muvofiqlashtiruvchi kengash yigʻilishlarida koʻrib chiqilgan masalalar va qabul qilingan qarorlar yigʻilish bayonnomasi shaklida rasmiylashtiriladi.

60. Muvofiqlashtiruvchi kengash tomonidan qabul qilingan qarorga norozi boʻlgan muvofiqlashtiruvchi kengash aʼzolari (aʼzosi) tegishli qaror qabul qilingan kundan boshlab uch ish kuni mobaynida oʻz takliflari yoki fikrlarini yozma ravishda muvofiqlashtiruvchi kengash masʼul kotibiga taqdim etishlari mumkin.

11-bob. Yakunlovchi qoida

61. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash, amalga oshirish va monitoring qilish tartibi toʻgʻrisidagi nizomga 1-ILOVA

Tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash, amalga oshirish va monitoring qilish

SXEMASI

Bosqichlar Subyektlar Tadbirlar Muddatlar 1-bosqich Investitsiyalar va tashqi savdo vazirligi Tashqi begʻaraz koʻmakni oluvchilarni donorlar mablagʻlari hisobiga amalga oshirilishi uchun taklif qilingan loyihalarni qabul qilish boshlanganligi toʻgʻrisida xabardor qiladi. Har yili 1-fevralga qadar 2-bosqich Tashqi begʻaraz koʻmak oluvchilar Donorlar tomonidan moliyalashtirish uchun taklif etilayotgan istiqbolli va ustuvor loyihalarning roʻyxatini, loyiha takliflari bilan birga, ularning ustuvorlik koʻrsatkichlarining tartib raqamini koʻrsatgan holda vakolatli organga taqdim etadi. Loyiha takliflari tashqi begʻaraz koʻmak oluvchilar tomonidan ishlab chiqiladi. Har yili 1-martga qadar 3-bosqich Investitsiyalar va tashqi savdo vazirligi Taqdim etilgan loyiha takliflar koʻrib chiqadi va taklif etilayotgan istiqbolli va ustuvor loyihalarning yigʻma roʻyxatini shakllantiradi. Har yili 1-aprelga qadar 4-bosqich Investitsiyalar va tashqi savdo vazirligi Shakllantirilgan yigʻma roʻyxat asosida tashqi begʻaraz koʻmak mablagʻlarini jalb qilish dasturini tasdiqlaydi va veb-saytiga joylashtiradi. Har yili 15-aprelga qadar 5-bosqich Investitsiyalar va tashqi savdo vazirligi, Tashqi begʻaraz koʻmak oluvchilari Tashqi begʻaraz koʻmak mablagʻlarini jalb qilish dasturi asosida donorlar bilan tashqi begʻaraz koʻmak mablagʻlarini jalb qilish yuzasijan tegishli choralar koʻradi. Zarurat boʻlsa, tashqi begʻaraz koʻmak oluvchilari tashabbusi asosida dasturlarga oʻzgartirish va qoʻshimchalar kiritadi. Doimiy asosda 6-bosqich Investitsiyalar va tashqi savdo vazirligi, Iqtisodiy taraqqiyot vazirligi, Moliya vazirligi Donorlar tomonidan maʼqullangan loyihalar asosida, ular bilan hamkorlik yoʻnalishlarini, shu bilan birga loyihalarning barcha parametrlarini oʻz ichiga olgan donor bilan hamkorlik dasturlarini ishlab chiqadi va tasdiqlaydi. Belgilangan muddatlarda 7-bosqich Tashqi begʻaraz koʻmak oluvchilari, tegishli vazirlik va idoralar, Investitsiyalar va tashqi savdo vazirligi Donorlar bilan hamkorlik dasturlariga kiritilgan loyihalar uchun loyiha bitimlarini imzolaydi. Zaruratga koʻra 8-bosqich Tashqi begʻaraz koʻmak oluvchilari Har bir loyiha tegishli loyiha hujjatlari va imzolangan loyiha bitimiga muvofiq amalga oshiradi. Kelishuvlarga muvofiq 9-bosqich Tashqi begʻaraz koʻmak oluvchilari Loyiha ijrochilari har bir donor tomonidan oʻzining tartibiga muvofiq tanlanib olinadi. Kelishuvlarga muvofiq 10-bosqich Investitsiyalar va tashqi savdo vazirligi Amalga oshirilayotgan tashqi begʻaraz koʻmak loyihalari hisobini yuritish, muvofiqlashtirish va monitoring qilish maqsadida loyihalarni roʻyxatdan oʻtkazadi. Belgilangan muddatlarda 11-bosqich Investitsiyalar va tashqi savdo vazirligi Roʻyxatdan oʻtkazilgan loyihalarning yagona reyestrini yuritadi, ularning roʻyxatdan oʻtkazilganligi toʻgʻrisidagi maʼlumotlarni axborot tizimiga kiritadi. Doimiy asosda 12-bosqich Tashqi begʻaraz koʻmak oluvchilari Tovar (ish, xizmat)larni tashqi begʻaraz koʻmak hisobiga sotib olish donorlar tomonidan belgilangan tartibda amalga oshiradi. Kelishuvlarga muvofiq 13-bosqich Investitsiyalar va tashqi savdo vazirligi Tovar (ish va xizmat)ning tashqi begʻaraz koʻmakka tegishliligi boʻyicha tegishli xulosasi taqdim etadi. Zarur hollarda 14-bosqich Tashqi begʻaraz koʻmak oluvchilari Oʻzlashtirilgan tashqi begʻaraz koʻmak mablagʻlari va amalga oshirilayotgan loyihalar toʻgʻrisida maʼlumotni vakolatli organga va Moliya vazirligiga taqdim etadi. Har chorakda 15-bosqich Investitsiyalar va tashqi savdo vazirligi Tashqi begʻaraz koʻmak loyihalari amalga oshirilishini monitoring qiladi. Har chorakda 16-bosqich Moliya vazirligi Tashqi begʻaraz koʻmak mablagʻlari maqsadli foydalanilishi ustidan nazoratni amalga oshiradi hamda mazkur sohadagi huquqbuzarliklarning oldini olish va profilaktika qilish yuzasidan tizimli choralarni koʻradi. Doimiy asosda

Tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash, amalga oshirish va monitoring qilish tartibi toʻgʻrisidagi nizomga 2-ILOVA

Donorlar tomonidan moliyalashtirish uchun taklif etilayotgan istiqbolli va ustuvor loyihalarning

ROʻYXATI

T/r Loyiha nomi Donor nomi Grant (texnik koʻmak) qiymati (ming. doll.) Loyihani amalga oshirish uchun asos hujjatlar Loyiha maqsadi Amalga oshirilgan ishlar 1 ... ..

Rahbar (imzo) F.I.O.

Tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash, amalga oshirish va monitoring qilish tartibi toʻgʻrisidagi nizomga 3-ILOVA

Loyiha taklifi

____________________________________________________________________________________________________________________

(loyihaning nomi)

I. Ariza beruvchi tashkilot toʻgʻrisida maʼlumotlar:

a) nomlanishi va rekvizitlari;

b) faoliyatining asosiy turi;

v) ilgari amalga oshirilgan loyihalari.

II. Loyihaning maqsadi:

III. Loyihaning vazifalari:

IV. Kutilayotgan natijalar va loyihani amalga oshirish samarasi:

V. Loyiha doirasida nazarda tutilayotgan tadbirlar:

VI. Loyihani amalga oshirish nazarda tutilayotgan muddat:

VII. Loyihaning umumiy summasi:

VIII. Berilayotgan grant summasi:

IX. Kutilayotgan xarajatlar toifasi:

a) joriy xarajatlar;

b) asbob-uskunalar;

v) oʻqitish;

g) maslahat xizmatlari;

d) boshqa xarajatlar (nomi koʻrsatiladi).

X. Bogʻlanish uchun masʼul shaxs:

a) F.I.O.;

b) lavozimi;

v) telefoni;

g) elektron pochta manzili.

XI. Loyiha amalga oshiriladigan hudud:

Tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash, amalga oshirish va monitoring qilish tartibi toʻgʻrisidagi nizomga 4-ILOVA

Tashqi begʻaraz koʻmak mablagʻlari (grant) hisobiga moliyalashtiriladigan istiqbolli va ustuvor loyihalarning

YIGʻMA ROʻYXATI

T/r Loyiha nomi Donor nomi Grant (texnik koʻmak) mablagʻlari qiymati (ming. doll.) Loyiha maqsadi Amalga oshirilgan ishlar 1 ...

Tashqi begʻaraz koʻmak mablagʻlari hisobiga moliyalashtiriladigan loyihalarni tayyorlash, amalga oshirish va monitoring qilish tartibi toʻgʻrisidagi nizomga 5-ILOVA

20 _____ yilning ______ choragida olingan va oʻzlashtirilgan tashqi begʻaraz koʻmak mablagʻlari hisobiga moliyalashtiriladigan loyihalar toʻgʻrisida MAʼLUMOT

Oluvchi __________________________________________________________ (toʻliq nomi) Telefon, el. manzil ___________________________________________

№ Loyiha nomi Donor nomi Loyiha boshlanishi (oy, yil) Loyiha yakuni (oy, yil) Holati (boshlangan, amalga oshirilmoqda, yakunlangan, ishlar olib borilmoqda, Donor bilan ishlar olib borilmoqda) Loyiha qiymati (mln.doll.) Oʻzlashtirish summasi (mln.doll.) Soha Loyihani amalga oshirishda asos hujjatlar 1 2 3 4 5 6 7 8 9

Tashqi begʻaraz koʻmak mablagʻlari ishtirokidagi loyihalarning maqsadi va amalga oshirishda kutilayotgan natijalar Loyiha amalga oshirish joyi Amalga oshirilgan ishlar 10 11 12

Vazirlar Mahkamasining 2021-yil 29-dekabrdagi 786-son qaroriga 2-ILOVA

Insonparvarlik yordami yuklarini qabul qilish, hisobga olish, manzilli taqsimlash va maqsadli foydalanish ustidan nazorat qilish hamda insonparvarlik yordami loyihalarini monitoring qilish tartibi toʻgʻrisida

NIZOM

1-bob. Asosiy qoidalar

1. Mazkur Nizom Oʻzbekiston Respublikasida insonparvarlik yordami yuklarini qabul qilish, hisobga olish, manzilli taqsimlash va maqsadli foydalanish ustidan nazorat qilish hamda insonparvarlik yordami loyihalarini monitoring qilishni tartibga soladi.

2. Ushbu Nizomda quyidagi asosiy tushunchalar qoʻllaniladi:

vakolatli organ — Oʻzbekiston Respublikasi Iqtisodiyot va moliya vazirligi;

donorlar — xorijiy davlatlar, xalqaro va chet el hukumati hamda nohukumat tashkilotlari, shuningdek boshqa yuridik va jismoniy shaxslar;

Departament — Oʻzbekiston Respublikasi Bosh vaziri kotibiyatining Axborot-tahlil va yuridik taʼminlash departamenti;

Boʻlim — Oʻzbekiston Respublikasi Bosh vaziri kotibiyatining Axborot-tahlil va yuridik taʼminlash departamentining Insonparvarlik yordami yuklarini qabul qilish, hisobga olish va taqsimlash ishlarini muvofiqlashtirish boʻlimi;

insonparvarlik yordami — aholiga tibbiy va ijtimoiy yordam koʻrsatish, ijtimoiy soha muassasalarini qoʻllab-quvvatlash, tabiiy ofatlar, avariyalar va halokatlar, epidemiyalar, epizootiyalar va boshqa favqulodda vaziyatlarning oldini olish hamda ularning oqibatlarini tugatish uchun dori vositalari va tibbiy jihozlar, oziq-ovqat, xalq isteʼmoli tovarlari, boshqa tovarlar, shu jumladan asbob-uskunalar, transport va texnika, homiylik xayriyalari, ishlarni bajarish va xizmatlar koʻrsatish, shu jumladan, insonparvarlik yordami yuklarini tashish, kuzatib borish va saqlash uchun beriladigan maqsadli begʻaraz yordam;

insonparvarlik yordamini oluvchi — Oʻzbekiston Respublikasi, Oʻzbekiston Respublikasi Hukumati yoki u vakolat bergan davlat boshqaruvi organlari, xoʻjalik birlashmalari, nodavlat notijorat tashkilotlar, fuqarolarning oʻzini oʻzi boshqarish organlari, shuningdek faoliyati foyda olishga qaratilmagan yuridik va jismoniy shaxslar;

insonparvarlik yordami yuklari isteʼmolchilari — tibbiy va ijtimoiy yordamga muhtoj aholi, ijtimoiy soha muassasalari, insonparvarlik yordamining bevosita foydalanuvchilari boʻlgan Oʻzbekiston Respublikasining yuridik va jismoniy shaxslari.

3. Insonparvarlik yordami sifatida olingan tovarlar bojxona rasmiylashtiruvi amalga oshirilgandan keyin insonparvarlik yordamini oluvchilar tomonidan “Insonparvarlik yordami” yozuvini qayd etgan, insonparvarlik yordamini oluvchining rekvizitlarini koʻrsatgan holda tamgʻalanadi.

4. Tamaki mahsulotlari, alkogolli mahsulotlar, harbiy maqsaddagi tovarlar, shuningdek olib kelinishi taqiqlangan tovarlar insonparvarlik yordami yuklari jumlasiga kiritilishi mumkin emas.

5. Insonparvarlik yordami yuklarini qabul qilish, bojxona rasmiylashtiruvi, transportda tashish, toʻplash, saqlash, xatlovdan oʻtkazish, yuklarning xavfsizligi boʻyicha qoʻriqlash va boshqa karantin tadbirlarini oʻtkazish, insonparvarlik yordamini aniq yoʻnaltirilgan tarzda taqsimlash va ulardan samarali, maqsadli foydalanish uchun masʼuliyat:

Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari tomonidan tuziladigan insonparvarlik yordami boʻyicha hududiy komissiyalarga (keyingi oʻrinlarda — hududiy komissiyalar);

ijtimoiy soha vazirliklari va idoralari, shuningdek nodavlat notijorat tashkilotlari rahbarlari tomonidan tuziladigan insonparvarlik yordami boʻyicha tarmoq komissiyalariga (keyingi oʻrinlarda — tarmoq komissiyalari) hamda insonparvarlik yordamini oluvchilarga yuklatiladi.

51. Oʻzbekiston Respublikasi hududidan tranzit olib oʻtiladigan yuklarning insonparvarlik yordamiga tegishliligi boʻyicha yozma tasdiqnoma Oʻzbekiston Respublikasi Tashqi ishlar vazirligi tomonidan taqdim etiladi.

6. Insonparvarlik yordami yuklarini qabul qilish, hisobga olish, manzilli taqsimlash va maqsadli foydalanilishi ustidan nazorat qilish hamda insonparvarlik yordami loyihalarini monitoring qilish ushbu Nizomga ilovaga muvofiq sxemaga asosan amalga oshiriladi.

2-bob. Insonparvarlik yordami yuklarini qabul qilish, hisobga olish, manzilli taqsimlash va maqsadli foydalanish ustidan nazorat qilish tartibi

7. Insonparvarlik yordami sifatida Oʻzbekiston Respublikasiga keltiriladigan yuklarning insonparvarlik yordamiga mansubligini koʻrib chiqish va tahlil qilish uchun insonparvarlik yordamini oluvchi Departamentga quyidagi hujjatlarni taqdim etadi:

donorlar bilan insonparvarlik yordami boʻyicha hamkorlik toʻgʻrisidagi bitim, kelishuv, shartnoma yoki dastur;

yukni joʻnatuvchining yuk insonparvarlik yordamiga mansubligi toʻgʻrisidagi invoysi (schyot-faktura);

insonparvarlik yordami yukini oluvchining yukdan foydalanish maqsadi toʻgʻrisidagi xati;

yoʻl-transport yuk xatlari;

zarurat boʻlganda, karantin va boshqa inspeksiya xizmatlarining qonunchilik hujjatlariga muvofiq yukning respublikaga keltirilishiga ruxsat etilgan yuklar roʻyxatiga muvofiqligi toʻgʻrisidagi xulosasi.

Taqdim etilgan hujjatlar Boʻlim tomonidan koʻrib chiqiladi va natijasi boʻyicha xulosa tayyorlanadi.

Yuklarning insonparvarlik yordamiga mansubligi toʻgʻrisida tayyorlangan xulosa Boʻlim boshligʻi tomonidan imzolanadi (tasdiqlanadi).

8. Imzolangan (tasdiqlangan) xulosa belgilangan tartibda vakolatli organga hamda Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasiga ijro uchun yuboriladi.

9. Boʻlimning xulosasi asosida yuklarning bojxona rasmiylashtiruvi qonunchilik hujjatlariga muvofiq amalga oshiriladi.

10. Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi Oʻzbekiston Respublikasiga keltirilgan insonparvarlik yordami yuklari va yuklarni oluvchilar toʻgʻrisidagi maʼlumotlarni belgilangan tartibda har chorakda Departamentga hamda vakolatli organga taqdim etib boradi.

11. Aeroportlar, temir yoʻl va avtotransport stansiyalarining omborxonalarida saqlanayotgan insonparvarlik yordami yuklarini saqlash, xabardor qilish, bojxona tartib-qoidalari, deklaratsiyalash, bekor turib qolish, tushirish-yuklash ishlari va boshqa xizmatlar uchun bojlar, yigʻimlar va boshqa turdagi toʻlovlar undirilmaydi.

12. Insonparvarlik yordami yuklari sifatini va ularning xavfsizligini nazorat qilish belgilangan tartibda toʻlov undirilmasdan davlat nazoratining vakolatli organlari tomonidan amalga oshiriladi.

13. Insonparvarlik yordami yuklarining ularni tashish vaqtidagi saqlanishi tegishli transport tashkilotlari va Ichki ishlar vazirligining Davlat yoʻl harakati xavfsizligi xizmati boʻlinmalari tomonidan toʻlov undirilmasdan amalga oshiriladi.

14. Insonparvarlik yordamini oluvchilar insonparvarlik yuklarining hisobga olinishiga, saqlanishiga, ulardan maqsadli va samarali foydalanilishiga, tovarlarning bojxona rasmiylashtiruvini amalga oshirishga hamda ularning aniq yoʻnaltirilgan holda taqsimlanishiga masʼul hisoblanadi.

Insonparvarlik yordami sifatida keltirilgan tovarlarni hisobga olish va saqlash tijorat tovarlaridan alohida amalga oshiriladi.

15. Insonparvarlik yordami yuklarining maqsadli foydalanilishi va ularni aniq yoʻnaltirilgan holda taqsimlash ustidan nazorat hududiy va tarmoq komissiyalari tomonidan amalga oshiriladi.

16. Hududiy va tarmoq komissiyalari shuningdek insonparvarlik yordamini oluvchilar insonparvarlik yordami yuklarini olinganligi, maqsadli foydalanilganligi hamda aniq yoʻnaltirilgan holda taqsimlanishini nazorat qilinganligi toʻgʻrisidagi maʼlumotlarni hisobot davridan keyingi oyning 10-sanasidan kechikmay vakolatli organga va Departamentga taqdim etib boradi.

17. Insonparvarlik yordami yuklaridan maqsadli foydalanilishi va ularning aniq yoʻnaltirilgan tarzda taqsimlanishi boʻyicha oʻrganishlar belgilangan tartibda vakolatli organ tomonidan tasdiqlagan jadval boʻyicha, zarurat boʻlganda, mustaqil ekspertlarni jalb etgan holda oʻtkaziladi.

Vakolatli organ tomonidan oʻrganish natijalariga koʻra tegishli maʼlumotnoma Departamentga kiritiladi.

18. Insonparvarlik yordamini oluvchi yoki uning isteʼmolchisi hisoblanadigan budjet tashkilotlarining moliya-xoʻjalik faoliyatini rejali tekshirishlarni oʻtkazish vaqtida vakolatli organ tomonidan ularni tekshirish rejalariga insonparvarlik yordami yuklarining maqsadli foydalanilishi va ularning aniq yoʻnaltirilgan tarzda taqsimlanishini nazorat qilish ham kiritiladi.

19. Oʻtkazilgan tekshirishlar yakunlari boʻyicha dalolatnoma tuziladi, unda insonparvarlik yordami yuklarini bojxona rasmiylashtiruvi, qabul qilish, hisobga olish va aniq yoʻnaltirilgan tarzda taqsimlash talablariga muvofiqligi, shu jumladan:

insonparvarlik yordami yuklarini saqlash sharoitlari va taqsimlash shartlari;

insonparvarlik yordami sifatida keltirilgan tovarlarda markirovkaning mavjudligi;

olingan insonparvarlik yordami yuklari boʻyicha hisobga olish hujjatlarining (hisobga olish daftarlari, kitoblari va boshqalar, shu jumladan elektron shaklda) mavjudligi va toʻliqligi;

insonparvarlik yordami yuklari isteʼmolchilarining yuklarning olinganligi toʻgʻrisida belgi qoʻyilgan holdagi nomlari koʻrsatilgan roʻyxatlarini tuzish;

insonparvarlik yordami sifatida olingan foydalanilmagan tovarlar miqdorining hisobi, sabablari, foydalanishga yaroqlilik muddati oʻtib ketgan tovarlar (mahsulotlar)ni koʻrsatgan holda;

insonparvarlik yordami boʻyicha kelib tushgan fuqarolarning murojaatlari va shikoyatlari yuzasidan amalga oshirilgan ishlar aks ettiriladi.

3-bob. Insonparvarlik yordami loyihalarining amalga oshirilishini monitoring qilish tartibi

20. Donorlar tomonidan insonparvarlik yordami doirasida berilgan mablagʻlar, tovarlar va xizmatlardan foydalanish samaradorligini oshirish insonparvarlik loyihalarini amalga oshirish monitoringining maqsadi hisoblanadi.

21. Insonparvarlik loyihalari monitoringining muntazam ravishda oʻtkazilishi yuzasidan masʼuliyat hududiy va tarmoq komissiyalariga yuklanadi.

22. Insonparvarlik yordami boʻyicha hududiy va tarmoq komissiyalari tomonidan insonparvarlik yordami loyihalarining amalga oshirilishi toʻgʻrisidagi hisobotlar va unga tushuntirish xati vakolatli organga hamda Departamentga har chorakda keyingi oyning 10-sanasidan kechikmay taqdim etiladi.

4-bob. Yakunlovchi qoida

23. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Insonparvarlik yordam yuklarini qabul qilish, hisobga olish, manzilli taqsimlash va maqsadli foydalanish ustidan nazorat qilish hamda insonparvarlik yordami loyihalarini monitoring qilish tartibi toʻgʻrisidagi nizomga ILOVA

Insonparvarlik yordami yuklarini qabul qilish, hisobga olish, manzilli taqsimlash va maqsadli foydalanilishi ustidan nazorat qilish hamda insonparvarlik yordami loyihalarini monitoring qilish

SXEMASI

Bosqichlar Subyektlar Tadbirlar Muddatlar 1-bosqich Insonparvarlik yordamini oluvchilar Donorlar tomonidan insonparvarlik yordamini oluvchilarga insonparvarlik yuklari kelib tushadi. Zarur hollarda 2-bosqich Insonparvarlik yordamini oluvchilar Yuklarning insonparvarlik yordamiga mansubligini koʻrib chiqish va tahlil qilish uchun Oʻzbekiston Respublikasi Bosh vaziri kotibiyatining Axborot-tahlil va yuridik taʼminlash departamentiga (keyingi oʻrinlarda — Departament) zarur hujjatlarni taqdim etadi. Belgilangan muddatlarda 3-bosqich Departament 1. Taqdim etilgan hujjatlar Departamentning Insonparvarlik yordami yuklarini qabul qilish, hisobga olish va taqsimlash ishlarini muvofiqlashtirish boʻlimi (keyingi oʻrinlarda — Boʻlim) tomonidan koʻrib chiqadi va natijasi boʻyicha xulosa tayyorlanadi. 2. Yuklarning insonparvarlik yordamiga mansubligi toʻgʻrisidagi tayyorlangan xulosa Boʻlim boshligʻi tomonidan imzolanadi (tasdiqlanadi). 3. Belgilangan tartibda tasdiqlangan xulosa vakolatli organga hamda Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasiga ijro uchun yuboriladi. Belgilangan muddatlarda 4-bosqich Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi 1. Xulosaga asosan yuklarning bojxona rasmiylashtiruvini amalga oshiradi. Belgilangan muddatlarda 2. Oʻzbekiston Respublikasiga keltirilgan insonparvarlik yordami yuklari va yuklarni oluvchilar toʻgʻrisidagi maʼlumotlarni belgilangan tartibda Departamentga hamda vakolatli organga taqdim etib boradi. Har chorakda 5-bosqich Vakolatli organ 1. Insonparvarlik yordami yuklaridan maqsadli foydalanilishi va ularning aniq yoʻnaltirilgan tarzda taqsimlanishi boʻyicha oʻrganishlar belgilangan tartibda tasdiqlangan jadval boʻyicha, zarurat boʻlganda, mustaqil ekspertlarni jalb etgan holda oʻtkazadi. 2. Oʻrganish natijalariga koʻra tegishli maʼlumotnomani Departamentga kiritadi. Belgilangan muddatlarda 6-bosqich Insonparvarlik yordamini oluvchilar Insonparvarlik yuklarini hisobga oladi, saqlaydi, ulardan maqsadli va samarali foydalanilishini taʼminlaydi. Belgilangan muddatlarda 7-bosqich Insonparvarlik yordamini oluvchilar Hududiy va tarmoq komissiyalar Insonparvarlik yordami yuklari olinganligi, ulardan maqsadli foydalanilganligi hamda ularning aniq yoʻnaltirilgan holda taqsimlanishini nazorat qiladi va ular toʻgʻrisidagi maʼlumotlarni vakolatli organga kiritadi. Har chorakda 8-bosqich Hududiy va tarmoq komissiyalari Insonparvarlik loyihalari monitoringini muntazam ravishda oʻtkazadi va insonparvarlik yordami loyihalarining amalga oshirilishi toʻgʻrisidagi hisobotlarni vakolatli organ va Departamentga taqdim etadi. Har chorakda keyingi oyning 10-sanasiga qadar

Vazirlar Mahkamasining 2021-yil 29-dekabrdagi 786-son qaroriga 3-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 1995-yil 12-oktabrdagi 398-son qarori bilan tasdiqlangan xoldinglar toʻgʻrisidagi nizomning 7-bandidagi “chet el investitsiyalari toʻgʻrisidagi” soʻzlari “investitsiyalar va investitsiya faoliyati toʻgʻrisidagi” soʻzlari bilan almashtirilsin.

2. Vazirlar Mahkamasining “Xalqaro tiklanish va taraqqiyot banki ishtirokida “Qishloq xoʻjaligi korxonalarini qoʻllab-quvvatlash” loyihasini amalga oshirishga doir amaliy chora-tadbirlar toʻgʻrisida” 2002-yil 15-fevraldagi 52-son qarorining 8-bandidan “huzuridagi Agrosanoat majmui va oziq-ovqat taʼminoti sohasidagi loyihalarni amalga oshirish agentligi” soʻzlari chiqarib tashlansin.

3. Vazirlar Mahkamasining “Xalqaro taraqqiyot uyushmasi ishtirokidagi “Qishloq xoʻjaligi korxonalarini qoʻllab-quvvatlash. II bosqich” loyihasini amalga oshirish chora-tadbirlari toʻgʻrisida” 2008-yil 27-avgustdagi 196-son qarorida:

a) 3-bandning ikkinchi xatboshidan “huzuridagi Agrosanoat majmui va oziq-ovqat taʼminoti sohasidagi loyihalarni amalga oshirish agentligi” soʻzlari chiqarib tashlansin;

b) 8-bandning birinchi xatboshidan “huzuridagi Agrosanoat majmui va oziq-ovqat taʼminoti sohasidagi loyihalarni amalga oshirish agentligi” soʻzlari chiqarib tashlansin.

4. Vazirlar Mahkamasining “Angren” erkin iqtisodiy zonasi faoliyatini tashkil etish chora-tadbirlari toʻgʻrisida” 2012-yil 29-maydagi 146-son qarorida:

a) 3-bandning toʻrtinchi xatboshida “erkin” soʻzi “maxsus” soʻzi bilan almashtirilsin;

b) 4-banddagi “MIZ” qisqartmasi “EIZ” qisqartmasi bilan almashtirilsin;

v) 6-bandda:

birinchi xatboshida “MIZ” qisqartmasi va “Istiqlol koʻchasi, 2-uy” soʻzlari tegishlicha “EIZ” qisqartmasi va “Amir Temur koʻchasi, 7-uy” soʻzlari bilan almashtirilsin;

ikkinchi xatboshida “MIZ” qisqartmasi “EIZ” qisqartmasi bilan almashtirilsin.

5. Vazirlar Mahkamasining 2012-yil 13-iyuldagi 213-son qarori bilan tasdiqlangan “Angren” erkin iqtisodiy zonasi direksiyasi” davlat unitar korxonasining Ustavida:

a) 5-bandda “Istiqlol koʻchasi, 2-uy” soʻzlari “Amir Temur koʻchasi, 7-uy” soʻzlari bilan almashtirilsin;

b) 11-bandda:

3-kichik bandda “erkin” soʻzi “maxsus” soʻzi bilan almashtirilsin;

4-kichik bandda “MIZ” qisqartmasi “EIZ” qisqartmasi bilan almashtirilsin;

v) 13-bandda “Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashiga (keyingi oʻrinlarda Respublika kengashi deb ataladi)” soʻzlari “Toshkent viloyati maxsus iqtisodiy zonalari va kichik sanoat zonalari maʼmuriy kengashi (keyingi oʻrinlarda — maʼmuriy kengash)” soʻzlari bilan almashtirilsin;

g) 15-bandning birinchi xatboshi, 30 va 38-bandlarda “Respublika kengashi” soʻzlari “Maʼmuriy kengash” soʻzlari bilan almashtirilsin;

d) 18-bandda “Respublika kengashi” soʻzlari “maʼmuriy kengashining vakolatli davlat organi bilan kelishilgan taqdimnomasiga koʻra Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi” soʻzlari bilan almashtirilsin;

e) 21-banddan “Respublika kengashi” soʻzlari chiqarib tashlansin;

j) 39-bandda “Respublika kengashiga” soʻzlari “Vazirlar Mahkamasiga” soʻzlari bilan almashtirilsin.

6. Vazirlar Mahkamasining “Jizzax” erkin iqtisodiy zonasi faoliyatini tashkil etish chora-tadbirlari toʻgʻrisida” 2013-yil 15-maydagi 130-son qarorida:

a) 2-bandning ikkinchi xatboshida “Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashiga (keyingi oʻrinlarda Respublika kengashi deb ataladi)” soʻzlari “Jizzax viloyati maxsus iqtisodiy zonalari va kichik sanoat zonalari maʼmuriy kengashiga (keyingi oʻrinlarda — maʼmuriy kengash)” soʻzlari bilan almashtirilsin;

b) 3-bandning toʻrtinchi xatboshida “erkin” soʻzi “maxsus” soʻzi bilan almashtirilsin;

v) 5-bandda “MIZ” qisqartmasi “EIZ” qisqartmasi bilan almashtirilsin;

g) 3-ilovada:

11-bandning toʻrtinchi xatboshida “erkin” soʻzi “maxsus” soʻzi bilan almashtirilsin;

13-bandda “Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashiga (keyingi oʻrinlarda Respublika kengashi deb ataladi)” soʻzlari “Jizzax viloyati maxsus iqtisodiy zonalari va kichik sanoat zonalari maʼmuriy kengashiga (keyingi oʻrinlarda — maʼmuriy kengash)” soʻzlari bilan almashtirilsin;

15-bandning birinchi xatboshi, 30 va 38-bandda “Respublika kengashi” soʻzlari “Maʼmuriy kengash” soʻzlari bilan almashtirilsin;

18-bandda “Respublika kengashi” soʻzlari “maʼmuriy kengashning vakolatli davlat organi bilan kelishilgan taqdimnomasiga koʻra Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi” soʻzlari bilan almashtirilsin;

21-banddan “Respublika kengashi” soʻzlari chiqarib tashlansin;

39-bandda “Respublika kengashiga” soʻzlari “Vazirlar Mahkamasiga” soʻzlari bilan almashtirilsin;

d) 5-ilova izohida “Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashi” soʻzlari “Jizzax viloyati maxsus iqtisodiy zonalari va kichik sanoat zonalari maʼmuriy kengashi” soʻzlari bilan almashtirilsin.

7. Vazirlar Mahkamasining “Ichimlik suv taʼminoti va kanalizatsiya tizimini takomillashtirish loyihalarini amalga oshirish uchun xalqaro moliyaviy va iqtisodiy institutlar va xorijiy hukumat moliya tashkilotlari tomonidan berilayotgan qarz va kredit mablagʻlarini jamlash, qaytarish va ularga xizmat koʻrsatish tartibi toʻgʻrisidagi nizomni tasdiqlash haqida” 2014-yil 12-iyundagi 154-son qarorida:

a) 4-bandning “a” kichik bandi quyidagi tahrirda bayon etilsin:

“a) Oʻzbekiston Respublikasi Uy-joy-kommunal xizmat koʻrsatish vaziriga, “Oʻzsuvtaʼminot” AJ boshqaruv raisiga, tegishliligi boʻyicha Qoraqalpogʻiston Respublikasi Vazirlar Kengashi Raisiga, viloyatlar va Toshkent shahar hokimlariga:”;

b) ilovaning 2-bandidagi “Kommunxizmat” agentligi” soʻzlari “Oʻzsuvtaʼminot” AJ” soʻzlari bilan almashtirilsin.

8. Vazirlar Mahkamasining “Erkin iqtisodiy zonalar faoliyatini tashkil etish chora-tadbirlari toʻgʻrisida” 2017-yil 10-apreldagi 196-son qarorida:

a) 3-bandning ikkinchi xatboshida “Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashiga (keyingi oʻrinlarda Respublika kengashiga deb ataladi)” soʻzlari “Samarqand, Buxoro, Fargʻona va Xorazm viloyatlari maxsus iqtisodiy zonalari va kichik sanoat zonalari maʼmuriy kengashlariga (keyigi oʻrinlarda maʼmuriy kengash)” soʻzlari bilan almashtirilsin;

b) 5-band quyidagi tahrirda bayon etilsin:

“5. Maxsus iqtisodiy zonalari va kichik sanoat zonalari direksiyalari Oʻzbekiston Respublikasining “Maxsus iqtisodiy zonalar toʻgʻrisida”gi Qonunida belgilangan vazifa va funksiyalarni amalga oshiradi.”;

v) 7-bandning beshinchi xatboshi quyidagi tahrirda bayon etilsin:

“Hazorasp” erkin iqtisodiy zonasi direksiyasi” davlat unitar korxonasi Xorazm viloyati, Urganch shahri, Al-Xorazmiy koʻchasi, 23-uy manziliga joylashtirilsin”;

g) 1-ilovada:

III boʻlim quyidagi tahrirdagi 4-band bilan toʻldirilsin:

“4. Beshariq tumani “Sobirtepa” massivi yer maydonlarini ichiga oluvchi sanoat zonasi quyidagi chegaralar bilan:

shimoliy tomondan — “Andarxon” bojxona posti binosi va inshootlari;

janubiy tomondan — “Asomiddinov Roziq xoji” bogʻdorchilik yoʻnalishidagi fermer xoʻjaligi yer maydoni;

sharqiy tomondan — “Sobirtepa” massivi qishloq xoʻjaligi dala yoʻli;

gʻarbiy tomondan — “Asomiddinov Roziq xoji” bogʻdorchilik yoʻnalishidagi fermer xoʻjaligi yer maydoni.”;

IV boʻlim quyidagi mazmundagi 10-band bilan toʻldirilsin:

“10. Urganch tumani, “Bekobod” qishlogʻi va “Gʻoybu” qishlogʻi yer uchastkalari quyidagi chegarlar bilan:

shimoliy tomondan — “Buxoro Ural Magistral” gaz quvuri hududi;

sharqiy tomondan — ochiq maydon;

janubiy tomondan — ochiq maydon;

gʻarbiy tomondan — ochiq maydon”;

d) 6 — 9-ilovalarda:

11-bandning toʻrtinchi xatboshida “erkin” soʻzi “maxsus” soʻzi bilan almashtirilsin;

13-bandda “Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashiga (keyingi oʻrinlarda Respublika kengashi deb ataladi)” soʻzlari “Maʼmuriy kengashga” soʻzlari bilan almashtirilsin;

15-bandning birinchi xatboshida, 30-bandda, 32-bandning toʻrtinchi xatboshi va 38-bandda “Respublika kengashi” soʻzlari “Maʼmuriy kengash” soʻzlari bilan almashtirilsin;

16-bandda:

birinchi xatboshida “Respublika kengashi” soʻzlari “Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi” soʻzlari bilan almashtirilsin;

beshinchi xatboshidan “Muassis nomidan” soʻzlari chiqarib tashlansin;

18-bandda “Respublika kengashi” soʻzlari “Maʼmuriy kengashining vakolatli davlat organi bilan kelishilgan taqdimnomasiga Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi” soʻzlari bilan almashtirilsin;

21-banddan “va Respublika kengashi” soʻzlari chiqarib tashlansin;

39-bandda “Respublika kengashi” soʻzlari “Vazirlar Mahkamasiga” soʻzlari bilan almashtirilsin;

e) 5-ilovaning izohida “Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashi” soʻzlari “Samarqand, Buxoro, Fargʻona va Xorazm viloyatlari maxsus iqtisodiy zonalari va kichik sanoat zonalari maʼmuriy kengashlari” soʻzlari bilan almashtirilsin.

9. Vazirlar Mahkamasining rus tilida qabul qilingan “Investitsiya loyihalari oʻz vaqtida va sifatli amalga oshirilishi uchun loyihalar tashabbuskorlari boʻlgan tashkilotlarning masʼuliyatini oshirish chora-tadbirlari toʻgʻrisida” 2017-yil 15-maydagi 285-son qaroriga 2-ilovaga quyidagi mazmundagi 251-band qoʻshilsin:

“251. Assotsiatsiya “Uzpromstroymateriali”.

11. Vazirlar Mahkamasining “2017 — 2019-yillarda “Urgut”, “Gʻijduvon”, “Qoʻqon” va “Hazorasp” erkin iqtisodiy zonalarining transport, ishlab chiqarish va muhandislik-kommunikatsiya infratuzilmalarini jadal rivojlantirish chora-tadbirlari toʻgʻrisida” 2017-yil 2-iyundagi 341-son qarorining 3 va 11-bandlaridan ikkinchi xatboshilar chiqarib tashlansin.

12. Vazirlar Mahkamasining “Jizzax viloyatining ishlamay turgan va kam quvvatli korxonalari faoliyatini tiklash va ulardan samarali foydalanish chora-tadbirlari toʻgʻrisida” 2017-yil 5-iyundagi 352-son qaroriga 2-ilovadan 1-pozitsiya chiqarib tashlansin.

13. Vazirlar Mahkamasining “Zomin-farm” erkin iqtisodiy zonasi direksiyasi”, “Kosonsoy-farm” erkin iqtisodiy zonasi direksiyasi”, “Sirdaryo” erkin iqtisodiy zonasi direksiyasi”, “Boʻstonliq-farm” erkin iqtisodiy zonasi direksiyasi”, “Parkent-farm” erkin iqtisodiy zonasi direksiyasi” davlat unitar korxonalarining ustavlarini tasdiqlash toʻgʻrisida” 2017-yil 25-iyuldagi 542-son qarorida:

a) 1-bandning ikkinchi xatboshida “Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashiga (keyingi oʻrinlarda Respublika kengashiga deb ataladi)” soʻzlari “Jizzax, Namangan, Sirdaryo, Surxondaryo va Toshkent viloyatlari maxsus iqtisodiy zonalari va kichik sanoat zonalari maʼmuriy kengashlariga (keyingi oʻrinlarda — maʼmuriy kengash)” soʻzlari bilan almashtirilsin;

b) 3 — 5, 7 va 8-ilovalarda:

11-bandning toʻrtinchi xatboshida “erkin” soʻzi “maxsus” soʻzi bilan almashtirilsin;

13-bandda “Erkin iqtisodiy zonalar va kichik sanoat zonalari faoliyatini muvofiqlashtiruvchi Respublika kengashiga (keyingi oʻrinlarda Respublika kengashi deb ataladi)” soʻzlari “maʼmuriy kengashga” soʻzlari bilan almashtirilsin;

15-bandning birinchi xatboshida, 30-bandda, 32-bandning toʻrtinchi xatboshida “Respublika kengashi” soʻzlari “Maʼmuriy kengash” soʻzlari bilan almashtirilsin;

16-bandda:

birinchi xatboshida “Respublika kengashi” soʻzlari “Vazirlar Mahkamasi” soʻzlari bilan almashtirilsin;

beshinchi xatboshidan “Muassis nomidan” soʻzlari chiqarib tashlansin;

18-bandda “Respublika kengashi” soʻzlari “Maʼmuriy kengashining vakolatli davlat organi bilan kelishilgan taqdimnomasiga koʻra Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi” soʻzlari bilan almashtirilsin;

21-banddan “va Respublika kengashi” soʻzlari chiqarib tashlansin;

39-bandda “Respublika kengashiga” soʻzlari “Vazirlar Mahkamasiga” soʻzlari bilan almashtirilsin.

14. Vazirlar Mahkamasining “Fargʻona viloyatida joylashgan ishlamay turgan va kam quvvatli korxonalar faoliyatini tiklash, shuningdek davlat mulki obyektlaridan samarali foydalanish chora-tadbirlari toʻgʻrisida” 2017-yil 25-avgustdagi 672-son qaroriga 2-ilovadan 4-pozitsiya chiqarib tashlansin.

15. Vazirlar Mahkamasining “Jizzax viloyati Zomin tumanining Dashtobod shahrida kichik sanoat zonasini tashkil etish toʻgʻrisida” 2017-yil 8-noyabrdagi 897-son qarorida:

a) 4-band oʻz kuchini yoʻqotgan deb hisoblansin;

b) 6-banddan toʻrtinchi xatboshi chiqarib tashlansin.

16. Vazirlar Mahkamasining “Suv xoʻjaligi obyektlari boʻylarida ihota va daraxtzorlar barpo etish hamda hududlarni obodonlashtirish chora-tadbirlari toʻgʻrisida” 2017-yil 20-dekabrdagi 1004-son qarori 4-bandining ikkinchi xatboshidan “huzurida Suv xoʻjaligi sohasidagi loyihalarni amalga oshirish agentligi” soʻzlari chiqarib tashlansin.

17. Vazirlar Mahkamasining “Oʻzbekiston Respublikasi Prezidentining “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida” 2017-yil 25-oktabrdagi PQ-3356-son qarorini amalga oshirish chora-tadbirlari toʻgʻrisida” 2018-yil 16-yanvardagi 29-son qaroriga 4-ilovaning 7-bandi quyidagi mazmundagi xatboshi bilan toʻldirilsin:

“2-yer uchastkasi:

1-boshlangʻich nuqta “Qoraqalpoq” aholi yashash punktining sharqidagi “Hamdam” kanalining ichki irmogʻi(ariq)ning chap qirgʻogʻi bilan kesishuvchi ichki koʻchaning kesishmasida joylashgan.

1-nuqtadan chegara “Qoraqalpoq” aholi yashash punktining sharqidagi ichki koʻchaning tutash joyidagi 2-nuqtagacha quruq yer boʻylab shimoliy yoʻnalishda 447 metr masofaga davom etadi.

2-nuqtadan chegara aholi yashash punktining boshlanish joyidan 3-nuqtagacha quruq yer boʻylab shimoliy yoʻnalishda 240 metr masofaga davom etadi.

3-nuqtadan chegara ajratilayotgan yer maydonining oʻrta joydagi 4-nuqtagacha quruq yer maydoni boʻylab janubiy yoʻnalishda 330 metr masofaga davom etadi.

4-nuqtadan chegara 5-nuqtagacha “Qoraqalpoq” aholi yashash punktining sharqiy yoʻnalishda 317 metr masofaga davom etadi.

5-nuqtadan chegara 6-nuqtagacha ichki sugʻorish tarmogʻining gʻarbiy yoʻnalishda 335 metr masofaga davom etadi.

6-nuqtadan chegara 7-nuqtagacha tuman zaxira yer maydonining shimoliy yoʻnalishda 208 metr masofaga davom etadi.

7-nuqtadan chegara 1-nuqtagacha Ichki sugʻorish tarmogʻining Shimoliy yoʻnalishda 142 metr masofaga davom etadi”.

18. Vazirlar Mahkamasining 2018-yil 23-yanvardagi 43-son qarori bilan tasdiqlangan Budjetga toʻlovlar kelib tushishining koʻrsatkich prognozlari bajarilgani hamda qoʻshimcha daromadlar aniqlangani va undirib olingani uchun moliya va soliq organlari rahbarlari, mansabdor shaxslarini ragʻbatlantirish va ularga nisbatan moddiy javobgarlik choralarini qoʻllash tartibi toʻgʻrisidagi nizomning 2-bandi beshinchi xatboshida “Hisob palatasining Oʻzbekiston Respublikasi Davlat budjetiga tushumlarning toʻliqligini nazorat qilish inspeksiyasi” soʻzlari “Hisob palatasi” soʻzlari bilan almashtirilsin.

20. Vazirlar Mahkamasining “Xorazm viloyatida qoʻshimcha kichik sanoat zonalarini tashkil etish toʻgʻrisida” 2018-yil 26-apreldagi 308-son qaroriga ilovadan 2-pozitsiya chiqarib tashlansin.

21. Vazirlar Mahkamasining “Chorvoq” erkin turistik zonasi faoliyatini tashkil etish chora-tadbirlari toʻgʻrisida” 2018-yil 15-maydagi 365-son qarorida:

a) 1 — 4-bandlarda “erkin turistik” soʻzlari “turistik-rekreatsion” soʻzlari bilan almashtirilsin;

b) 1 — 6-ilovalarning rus tilidagi matni nomida “svobodnoy turistskoy” soʻzlari “turistsko-rekreatsionnoy” soʻzlari bilan almashtirilsin;

g) 3-ilovaning rus tilidagi matnida:

nomida hamda 1 va 38-bandlarda “svobodnoy turistskoy” soʻzlari “turistsko-rekreatsionnoy” soʻzlari bilan almashtirilsin;

1, 2, 3, 6, 8, 10, 12, 13, 14, 16 — 22, 27, 32, 34 — 37, 39-bandlarida “STZ” qisqartmasi “TRZ” qisqartmasi bilan almashtirilsin;

d) 4-ilovaning rus tilidagi matni nomida hamda izoh qismida “svobodnoy turistskoy” soʻzlari “turistsko-rekreatsionnoy” soʻzlari hamda “Respublikanskiy sovet po koordinatsii deyatelnosti administrativnix sovetov svobodnix ekonomicheskix zon i malix promishlennix zon” soʻzlari “Administrativniy sovet spetsialnoy ekonomicheskoy zoni Tashkentskoy oblasti” soʻzlari bilan almashtirilsin;

e) 5-ilovaning rus tilidagi matnida:

nomida hamda 1 va 10-bandlarda “svobodnoy turistskoy” soʻzlari “turistsko-rekreatsionnoy” soʻzlari bilan almashtirilsin;

4-band quyidagi tahrirda bayon qilinsin:

“4. Ofitsialnoye naimenovaniye Direksii:

a) na gosudarstvennom yazike:

polnoye — “Chorvoq” turistik rekreatsion zona Direktsiyasi” Davlat unitar korxonasi;

sokrashennoye — “Chorvoq” TRZ Direktsiyasi” DUK;

b) na russkom yazike:

polnoye — Gosudarstvennoye unitarnoye predpriyatiye “Direksiya turistsko-rekreatsionnoy zoni “Charvak””;

sokrashennoye — GUP “Direksiya TRZ “Charvak””;

v) na angliyskom yazike:

polnoye — “Directorate of tourist and recreational zone “Charvak” State Unitary Company;

sokrashennoye — “Directorate of TRZ “Charvak” SUC”;

13-banddan “Respublikanskomu sovetu po koordinatsii deyatelnosti administrativnix sovetov svobodnix ekonomicheskix zon i malix promishlennix zon (daleye — Respublikanskiy sovet)” soʻzlari chiqarib tashlansin;

15-band oʻz kuchini yoʻqotgan deb hisoblansin;

16-bandda “vneseniye v Respublikanskiy sovet” soʻzlari “po soglasovaniyu s upolnomochennim gosudarstvennim organom vneseniye v Kabinet Ministrov” soʻzlari bilan almashtirilsin;

18-bandda “Respublikanskim sovetom” soʻzlari “Kabinetom Ministrov” soʻzlari bilan almashtirilsin;

21-banddan “Respublikanskim sovetom” soʻzlari chiqarib tashlansin;

30-bandda “Respublikanskiy sovet” soʻzlari “Administrativniy sovet” soʻzlari bilan almashtirilsin;

32-bandning toʻrtinchi xatboshida, 38 va 39-bandlarda “Respublikanskim sovetom” soʻzlari “Kabinetom Ministrov” soʻzlari bilan almashtirilsin;

yo) 6-ilovaning rus tilidagi matni nomida, 10, 11, 15, 16-bandlarda “svobodnoy turistskoy” soʻzlari “turistsko-rekreatsionnoy” soʻzlari bilan almashtirilsin.

22. Vazirlar Mahkamasining “Oʻzbekiston Respublikasi Suv xoʻjaligi vazirligi faoliyatini tartibga soluvchi normativ-huquqiy hujjatlarni tasdiqlash toʻgʻrisida” 2018-yil 3-iyuldagi 500-son qarorida:

a) 1-ilovada:

8-bandda:

uchinchi xatboshi chiqarib tashlansin;

toʻrtinchi — yigirma oltinchi xatboshilar tegishli ravishda uchunchi — yigirma beshinchi xatboshilar deb xisoblansin;

66-bandning birinchi xatboshisidan “Suv xoʻjaligi sohasidagi loyihalarni amalga oshirish agentligi” soʻzlari chiqarib tashlansin;

b) 2-ilovada 2-bandning beshinchi xatboshidan hamda 5-bandning “v” kichik bandidan “Suv xoʻjaligi sohasidagi loyihalarni amalga oshirish agentligi” soʻzlari chiqarib tashlansin;

v) 3-ilovaning 3-bandidan va 10-bandning ikkinchi xatboshidan “Suv xoʻjaligi sohasidagi loyihalarni amalga oshirish agentligi” soʻzlari chiqarib tashlansin;

g) 4a-ilovadan 33-pozitsiya chiqarib tashlansin.

23. Vazirlar Mahkamasining “Tadbirkorlik subyektlarini Andijon viloyatining kichik sanoat zonalariga jalb etishga doir qoʻshimcha chora-tadbirlar toʻgʻrisida” 2018-yil 18-sentabrdagi 741-son qaroriga ilovaning rus tilidagi matnida “Territoriya(ga)” ustuni 2-pozitsiyasidagi “30,0” raqami “16,0” raqami bilan almashtirilsin”.

24. Vazirlar Mahkamasining “Fargʻona viloyatida anor yetishtirishni koʻpaytirish va sohani rivojlantirish chora-tadbirlari toʻgʻrisida” 2018-yil 4-oktabrdagi 791-son qarorining 12-bandidan “huzuridagi Agrosanoat majmui va oziq-ovqat taʼminoti sohasidagi loyihalarni amalga oshirish agentligi” soʻzlari chiqarib tashlansin.

25. Vazirlar Mahkamasining “Buxoro-agro” erkin iqtisodiy zonasi direksiyasi faoliyatini tashkil etish chora-tadbirlari toʻgʻrisida” 2018-yil 6-oktabrdagi 803-son qarorida:

a) 2-bandning ikkinchi xatboshida “erkin” soʻzi “maxsus” soʻzi bilan almashtirilsin;

b) 2-ilovada:

11-bandning ikkinchi xatboshisida “erkin” soʻzi “maxsus” soʻzi bilan almashtirilsin;

13-banddan “va Erkin iqtisodiy zonalar va kichik sanoat zonalari maʼmuriy kengashlarining faoliyatini muvofiqlashtirish boʻyicha respublika kengashiga (keyingi oʻrinlarda Respublika kengashi deb ataladi)” soʻzlari chiqarib tashlansin;

16-band oʻz kuchini yoʻqotgan deb hisoblansin;

15-bandning birinchi xatboshi, 19-bandda, 30-bandning toʻrtinchi xatboshida “Respublika kengashi” soʻzlari “Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi” soʻzlari bilan almashtirilsin;

22-bandning ikkinchi xatboshida “Erkin iqtisodiy zonalar va kichik sanoat zonalari maʼmuriy kengashlarining faoliyatini muvofiqlashtirish boʻyicha Respublika kengashiga” soʻzlari “maʼmuriy kengashga” soʻzlari bilan almashtirilsin.

26. Vazirlar Mahkamasining “Fargʻona viloyatida qoʻshimcha kichik sanoat zonalari tashkil etish chora-tadbirlari toʻgʻrisida” 2018-yil 12-dekabrdagi 1007-son qaroriga ilovadan 3 va 5-pozitsiyalar chiqarib tashlansin.

27. Vazirlar Mahkamasining “Namangan” erkin iqtisodiy zonasi faoliyatini tashkil etish chora-tadbirlari toʻgʻrisida” 2018-yil 27-dekabrdagi 1054-son qaroriga 3-ilovaning 11-bandi ikkinchi xatboshida “erkin” soʻzi “maxsus” soʻzi bilan almashtirilsin.

28. Vazirlar Mahkamasining “Andijon, Chirchiq, Buxoro, Samarqand va Toshkent (TS-8) shaharlarida markazlashtirilgan issiqlik taʼminoti tizimini rekonstruksiya qilish va energiya samaradorligini oshirish” loyihasini amalga oshirish chora-tadbirlari toʻgʻrisida” 2019-yil 12-apreldagi 306-son qarorining 2-bandi ikkinchi xatboshidagi “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi” va “agentlik” soʻzlari “Oʻzsuvtaʼminot” AJ” soʻzlari bilan almashtirilsin.

29. Vazirlar Mahkamasining “Yevropa tiklanish va taraqqiyot banki ishtirokida “Xorazm viloyatida suv taʼminoti va kanalizatsiya tizimlarini modernizatsiya qilish” loyihasini amalga oshirish chora-tadbirlari toʻgʻrisida” 2019-yil 7-maydagi 383-son qarorida:

a) 3-bandning ikkinchi xatboshida “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi (keyingi oʻrinlarda “Kommunxizmat” agentligi deb ataladi)” soʻzlari “Oʻzsuvtaʼminot” AJ” soʻzlari bilan almashtirilsin;

b) 4-bandda “Kommunxizmat” agentligi, “Tuyamoʻyin — Urganch” mintaqalararo suv quvuridan foydalanish boshqarmasi (keyingi oʻrinlarda “Tuyamoʻyin — Urganch” MSQFB deb ataladi)” soʻzlari “Oʻzsuvtaʼminot” AJ, “Xorazm suv taʼminoti” MCHJ” soʻzlari bilan almashtirilsin;

v) 5-bandda “Kommunxizmat” agentligi, “Tuyamoʻyin-Urganch” MSQFB” soʻzlari “Oʻzsuvtaʼminot” AJ, “Xorazm suv taʼminoti” MCHJ” soʻzlari bilan almashtirilsin;

g) 6-bandda “Kommunxizmat” agentligi bosh direktori” soʻzlari “Oʻzsuvtaʼminot” AJ boshqaruv raisi” soʻzlari bilan almashtirilsin;

d) 9-band oʻz kuchini yoʻqotgan deb hisoblansin.

30. Vazirlar Mahkamasining “Yevropa tiklanish va taraqqiyot banki ishtirokida “Namangan viloyatida suv taʼminoti va kanalizatsiya tizimlarini modernizatsiya qilish” loyihasini amalga oshirish chora-tadbirlari toʻgʻrisida” 2019-yil 7-maydagi 384-son qarorida:

a) 3-bandning ikkinchi xatboshida “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi (keyingi oʻrinlarda “Kommunxizmat” agentligi deb ataladi)” soʻzlari “Oʻzsuvtaʼminot” aksiyadorlik jamiyati (keyingi oʻrinlarda “Oʻzsuvtaʼminot” AJ deb ataladi)” soʻzlari bilan almashtirilsin;

b) 4- va 5-bandlarda “Kommunxizmat agentligi, Namangan viloyatining “Suvoqova” davlat unitar korxonasi” soʻzlari “Oʻzsuvtaʼminot” AJ, “Namangan suv taʼminoti” MCHJ soʻzlari bilan almashtirilsin;

v) 6-bandning birinchi xatboshidan “Kommunxizmat” agentligi bosh direktori” soʻzlari chiqarib tashlansin;

g) 6 va 7-bandlarning uchinchi xatboshilarida “Namangan viloyatining “Suvoqova” davlat unitar korxonasi” soʻzlari “Namangan suv taʼminoti” MCHJ” soʻzlari bilan almashtirilsin.

31. Vazirlar Mahkamasining 2019-yil 10-maydagi 390-son qarori bilan tasdiqlangan Oʻzbekiston Respublikasi Investitsiyalar va tashqi savdo vazirligi toʻgʻrisidagi nizomda:

a) 2-band quyidagi tahrirda bayon etilsin:

“2. Vazirlik yagona davlat investitsiya siyosatini amalga oshirish, xorijiy, birinchi navbatda, toʻgʻridan-toʻgʻri investitsiyalarni jalb qilishni muvofiqlashtirish, xalqaro moliya institutlari (boshqaruv ofislari) va xorijiy hukumat moliya tashkilotlari bilan hamkorlik qilish, shuningdek, tashqi savdo va xalqaro iqtisodiy hamkorlik, respublikaga tashqi begʻaraz koʻmak mablagʻlarini (grant, texnik koʻmak, maqsadli begʻaraz yordam) jalb qilish sohasida yagona davlat siyosatini shakllantirish va muvofiqlashtirish uchun masʼul vakolatli davlat organi hisoblanadi”;

b) 9-band quyidagi mazmundagi xatboshilar bilan toʻldirilsin:

“Xalqaro hamkorlik va rivojlanish agentligi;

Elektron kooperatsiya portali markazi”;

v) 11-bandda:

quyidagi mazmundagi beshinchi xatboshi bilan toʻldirilsin:

“davlat organlari va tashkilotlarining respublikaga tashqi begʻaraz koʻmak (grantlar, texnik koʻmak, maqsadli begʻaraz yordam) mablagʻlarini jalb qilish boʻyicha faoliyatini muvofiqlashtirish, shuningdek, ularning maqsadli foydalanilishini hisobga olish va monitoring qilish”;

beshinchi — oʻn ikkinchi xatboshilar tegishli ravishda oltinchi — oʻn uchinchi xatboshilar deb hisoblansin;

quyidagi mazmundagi xatboshi bilan toʻldirilsin:

“mahalliy sanoatni jadal rivojlantirishni taʼminlash”;

g) 12-bandda:

quyidagi mazmundagi “31”kichik band bilan toʻldirilsin:

“31) davlat organlari va tashkilotlarining respublikaga tashqi begʻaraz koʻmak (grant, texnik koʻmak, maqsadli begʻaraz yordam) mablagʻlarini jalb qilish boʻyicha faoliyatini muvofiqlashtirish, shuningdek, ularning maqsadli foydalanilishini hisobga olish va monitoring qilish sohasida:

tashqi begʻaraz koʻmak mablagʻlarini jalb qilish hamda donor bilan hamkorlik dasturlarini ishlab chiqadi va tasdiqlaydi;

tashqi begʻaraz koʻmak mablagʻlari hisobidan moliyalashtirish taklif etilayotgan loyiha tashabbuslarini ishlab chiqish va kelishish jarayonlarini muvofiqlashtiradi;

tashqi begʻaraz koʻmak loyihalarini hisobga olish va ularning amalga oshirilishini monitoring qilishni taʼminlaydi;

Oʻzbekiston Respublikasining donorlar bilan hamkorligini rivojlantirish va samaradorligini oshirish borasida takliflar ishlab chiqadi”;

quyidagi mazmundagi “12” kichik band bilan toʻldirilsin:

“12) mahalliy sanoatni jadal rivojlantirishni taʼminlash sohasida:

mavjud tabiiy va iqtisodiy resurslarni jalb qilish, tumanlar (shaharlar) salohiyatini ishga solish va ularning nisbiy ustunliklaridan foydalanish asosida mahalliy sanoatni rivojlantirish “drayverlari” boʻlgan tarmoqlarni aniqlaydi;

tarmoqlarning ichki va tarmoqlararo kooperatsiya aloqalarini kengaytirish va chuqurlashtirish, korxonalarni global ishlab chiqarish zanjirlariga jalb qilish va ishlab chiqarilgan mahsulotlarni uchinchi davlatlarga hamkorlikda eksport qilishni yoʻlga qoʻyadi;

sifatli va raqobatbardosh mahsulotlar ishlab chiqarishni taʼminlaydigan xususiy va xorijiy investitsiyalar hamda zamonaviy texnologiyalarni jalb qilish uchun shart-sharoitlar yaratadi;

“qoʻshimcha qiymat zanjirlari”ni kengaytirish, ishlab chiqarish tannarxi va xarajatlarini kamaytirish, tayyor mahsulotlar va materiallar ishlab chiqarishni mahalliylashtirishni chuqurlashtirish asosida ishlab chiqarilayotgan mahsulotlarning raqobatbardoshligini oshiradi;

kichik sanoat va maxsus iqtisodiy zonalar imkoniyatlaridan samarali foydalanishni taʼminlaydi va faoliyatini muvofiqlashtiradi;

zamonaviy tendensiyalarni hisobga olgan holda mahalliy sanoat korxonalari uchun professional kadrlar tayyorlaydi, trening dasturlaridan keng foydalanadi;

tarmoqlar va hududlarning sanoat salohiyatini oshirish maqsadida tartibga solish muhiti va standartlarni takomillashtiradi;

yirik ishlab chiqaruvchilar hamda kichik biznes va oʻrta biznes subyektlari oʻrtasidagi (kooperatsiya) elektron tizimni takomillashtiradi”;

d) 14-bandda:

“1” kichik band quyidagi mazmundagi xatboshi bilan toʻldirilsin:

“tarmoqlar va hududlarning sanoat salohiyatini oshirish maqsadida tartibga solish muhiti va standartlarni takomillashtirish boʻyicha Vazirlikka takliflar kiritadi;”;

“4” kichik band quyidagi mazmundagi xatboshi bilan toʻldirilsin:

“tarmoqlarning ichki va tarmoqlararo kooperatsiya aloqalarini kengaytirish va chuqurlashtirish, korxonalarni global ishlab chiqarish zanjirlariga jalb qilish va ishlab chiqarilgan mahsulotlarni uchinchi davlatlarga hamkorlikda eksport qilishni yoʻlga qoʻyadi;”;

“5” kichik band quyidagi mazmundagi xatboshi bilan toʻldirilsin:

“kichik sanoat va maxsus iqtisodiy zonalar imkoniyatlaridan samarali foydalanishni taʼminlaydi va faoliyatini muvofiqlashtiradi;”;

e) 16-bandda:

“1” kichik band quyidagi mazmundagi xatboshi bilan toʻldirilsin:

“mavjud tabiiy va iqtisodiy resurslarni jalb qilish, tumanlar (shaharlar) salohiyatini ishga solish va ularning nisbiy ustunliklaridan foydalanish asosida mahalliy sanoatni rivojlantirish “drayverlari” boʻlgan tarmoqlarni aniqlaydi;”;

“2” kichik band quyidagi mazmundagi xatboshi bilan toʻldirilsin:

“qoʻshimcha qiymat zanjirlari”ni kengaytirish, ishlab chiqarish tannarxi va xarajatlarini kamaytirish, tayyor mahsulotlar va materiallar ishlab chiqarishni mahalliylashtirishni chuqurlashtirish asosida sifatli va raqobatbardosh mahsulotlar ishlab chiqarishni koʻllab-quvvatlaydi”;

j) 35-bandning ikkinchi va uchinchi xatboshilari “Eksportni ragʻbatlantirish agentligi” soʻzlaridan keyin “Xalqaro hamkorlik va rivojlanish agentligi” soʻzlari bilan toʻldirilsin.

32. Vazirlar Mahkamasining “Koson va Muborak tumanlari markazlari hamda Kitob-Shahrisabz yerosti suv konidan suv olish quvuriga yaqin boʻlgan qishloq aholi punktlarining suv taʼminoti tizimini rekonstruksiya qilish” loyihasini amalga oshirish chora-tadbirlari toʻgʻrisida” 2019-yil 23-maydagi 427-son qarorida:

a) 2-bandda “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi (keyingi oʻrinlarda “Kommunxizmat” agentligi deb ataladi)” soʻzlari “Oʻzsuvtaʼminot” aksiyadorlik jamiyati (keyingi oʻrinlarda — “Oʻzsuvtaʼminot” AJ)” soʻzlari bilan almashtirilsin;

b) 6-bandda “Kommunxizmat” agentligi bosh direktori” soʻzlari “Oʻzsuvtaʼminot” AJ boshqaruv raisi” soʻzlari bilan almashtirilsin;

v) 8-bandda “Kommunxizmat” agentligi huzuridagi Arab muvofiqlashtirish guruhi loyihalarini boshqaruv guruhiga” soʻzlari “Oʻzsuvtaʼminot” AJga” soʻzlari bilan almashtirilsin.

33. Vazirlar Mahkamasining 2019-yil 5-iyundagi 461-son qarori bilan tasdiqlangan “Business city” zamonaviy ishbilarmonlik markazlari hududida joylashtirish uchun investorlarning eng yaxshi investitsiya takliflarini tanlash va ularga yer uchastkalarini berish tartibi toʻgʻrisidagi nizomning 33-bandning birinchi xatboshisi quyidagi tahrirda bayon etilsin:

“33. Investitsiyalash toʻgʻrisidagi bitim Oʻzbekiston Respublikasining “Investitsiyalar va investitsiya faoliyati toʻgʻrisida”gi qonuniga muvofiq boʻlishi hamda quyidagi asosiy qismlardan iborat boʻlishi lozim:”.

34. Vazirlar Mahkamasining “Andijon-farm” erkin iqtisodiy zonasi faoliyatini tashkil etish chora-tadbirlari toʻgʻrisida” 2019-yil 11-iyundagi 480-son qaroriga 3-ilovaning 11-bandi ikkinchi xatboshida “erkin” soʻzi “maxsus” soʻzi bilan almashtirilsin.

35. Vazirlar Mahkamasining “Toshkent viloyatining shahar va tumanlarida suv taʼminoti hamda kanalizatsiya tizimini rekonstruksiya qilish va qurish (2 bosqich)” loyihasini amalga oshirish chora-tadbirlari toʻgʻrisida” 2019-yil 20-iyundagi 516-son qarorida:

a) 3-bandning ikkinchi xatboshida “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi (keyingi oʻrinlarda “Kommunxizmat” agentligi deb ataladi),” va “Toshkent viloyati “Suvoqava” davlat unitar korxonasi (keyingi oʻrinlarda Toshkent viloyati “Suvoqava” DUK deb ataladi)” soʻzlari mos ravishda “Oʻzsuvtaʼminot” aksiyadorlik jamiyati (keyingi oʻrinlarda “Oʻzsuvtaʼminot” AJ deb ataladi),” va “Toshkent viloyati suv taʼminoti” MCHJ” soʻzlari bilan almashtirilsin;

b) 4-bandda:

ikkinchi va toʻrtinchi xatboshilarda “Kommunxizmat” agentligi,” va “Toshkent viloyati “Suvoqava” DUK” soʻzlari mos ravishda “Oʻzsuvtaʼminot” AJ” va “Toshkent viloyati suv taʼminoti” MCHJ” soʻzlari bilan almashtirilsin;

uchinchi xatboshida “Kommunxizmat” agentligining bosh direktori” va “Toshkent viloyati “Suvoqava” DUK direktoriga” soʻzlari mos ravishda “Oʻzsuvtaʼminot” AJ boshqaruv raisi” va “Toshkent viloyati suv taʼminoti” MCHJ direktoriga” soʻzlari bilan almashtirilsin;

v) 6-bandning birinchi xatboshida “Kommunxizmat” agentligi bosh direktori” soʻzlari “Oʻzsuvtaʼminot” AJ boshqaruv raisi” soʻzlari bilan almashtirilsin;

g) 8-bandda “Kommunxizmat” agentligining Osiyo taraqqiyot banki loyihalarini muvofiqlashtirish guruhiga” soʻzlari “Oʻzsuvtaʼminot” AJga” soʻzlari bilan almashtirilsin.

36. Vazirlar Mahkamasining “Angren” erkin iqtisodiy zonasi faoliyatini faollashtirishga doir qoʻshimcha chora-tadbirlar toʻgʻrisida” 2019-yil 25-iyundagi 525-son qarorining 3-bandi uchinchi xatboshida “viloyatidagi erkin iqtisodiy zonalar va kichik sanoat zonalari Maʼmuriy kengashi” soʻzlari “viloyati maxsus iqtisodiy zonalari va kichik sanoat zonalari maʼmuriy kengashi” soʻzlari bilan almashtirilsin.

37. Vazirlar Mahkamasining 2019-yil 9-iyuldagi 571-son qarori bilan tasdiqlangan Oʻzbekiston Respublikasi Qishloq xoʻjaligi vazirligi toʻgʻrisida nizomning 33-bandi quyidagi tahrirda bayon etilsin:

“33. Oʻzbekiston Respublikasi qishloq xoʻjaligi vazirining iqtisod, innovatsion rivojlanish va investitsiyalar masalalari boʻyicha maslahatchisi, shuningdek, Vazirlik huzuridagi Bogʻdorchilik va issiqxona xoʻjaligini rivojlantirish agentligi rahbari Oʻzbekiston Respublikasi qishloq xoʻjaligi vazirining taqdimnomasiga binoan Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimidan ozod qilinadi”.

38. Vazirlar Mahkamasining “2019 — 2022-yillarda Andijon viloyatining sanoat salohiyatini rivojlantirish boʻyicha qoʻshimcha chora-tadbirlar toʻgʻrisida” 2019-yil 24-iyuldagi 622-son qaroriga 1-ilovaning 129-pozitsiyasida “loyiha tashabbuskori” va “masʼullar” grafalarida “Agrosanoat majmui va oziq-ovqat taʼminoti sohasidagi loyihalarni amalga oshirish agentligi” soʻzlari mos ravishda “Oʻzbekiston Respublikasi Qishloq xoʻjaligi vazirligi” soʻzlari bilan almashtirilsin.

39. Vazirlar Mahkamasining “Gʻijduvon” erkin iqtisodiy zonasi hududini kengaytirish chora-tadbirlari toʻgʻrisida” 2019-yil 13-avgustdagi 671-son qarorining 5-bandi birinchi xatboshisidagi “erkin” soʻzi “maxsus” soʻzi bilan almashtirilsin.

40. Vazirlar Mahkamasining “Opek xalqaro taraqqiyot jamgʻarmasi ishtirokida “Namangan viloyatining Zarkent, Xodikent, Isqovot, Buloqboshi, Yoshlik shaharchalari va Namangan shahrining suv taʼminotini yaxshilash” loyihasini amalga oshirish chora-tadbirlari toʻgʻrisida” 2019-yil 5-sentabrdagi 739-son qarorida:

a) 2-bandda “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi (keyingi oʻrinlarda “Kommunxizmat” agentligi deb ataladi)” soʻzlari “Oʻzsuvtaʼminot” aksiyadorlik jamiyati (keyingi oʻrinlarda — “Oʻzsuvtaʼminot” AJ)” soʻzlari bilan almashtirilsin;

b) 4-bandning uchinchi xatboshisida “Kommunxizmat” agentligi, Namangan viloyati “Suvoqova” DUK” soʻzlari “Oʻzsuvtaʼminot” AJ, “Namangan suv taʼminoti” MCHJ” soʻzlari bilan almashtirilsin;

v) 6-bandda:

birinchi xatboshida “Kommunxizmat” agentligi bosh direktori” soʻzlari “Oʻzsuvtaʼminot” AJ boshqaruv raisi” soʻzlari bilan almashtirilsin;

uchinchi xatboshida “Namangan viloyati “Suvoqava” DUKda” soʻzlari “Namangan suv taʼminoti” MCHJda” soʻzlari bilan almashtirilsin;

g) 8-bandda “Kommunxizmat” agentligi huzuridagi Arab muvofiqlashtirish guruhining ishlab turgan Loyihalarini boshqarish guruhiga” soʻzlari “Oʻzsuvtaʼminot” AJga” soʻzlari bilan almashtirilsin.

41. Vazirlar Mahkamasining “Osiyo taraqqiyot banki ishtirokida “Meva-sabzavotchilik tarmogʻida qoʻshilgan qiymat zanjiri infratuzilmasini rivojlantirish” loyihasini amalga oshirish chora-tadbirlari toʻgʻrisida” 2019-yil 11-sentabrdagi 761-son qarorida:

a) 2-bandda:

uchinchi xatboshidan “huzuridagi Agrosanoat majmui va oziq-ovqat taʼminoti sohasidagi loyihalarni amalga oshirish agentligi (keyingi oʻrinlarda Agentlik deb ataladi)” soʻzlari chiqarib tashlansin;

toʻrtinchi xatboshidan “hamda Agentlik” soʻzlari chiqarib tashlansin;

b) 5-bandning birinchi xatboshidan “hamda Agentlik” soʻzlari chiqarib tashlansin;

v) 6-bandda “Agentlik” soʻzi “Qishloq xoʻjaligi vazirligi” soʻzlari bilan almashtirilsin;

g) 7-bandning birinchi xatboshidan “va Agentlik” soʻzlari chiqarib tashlansin;

d) 11-bandning uchinchi xatboshidan “Agrosanoat majmui va oziq-ovqat taʼminoti sohasidagi loyihalarni amalga oshirish agentligi bosh direktori Sh.Sh. Shoahmedov” soʻzlari chiqarib tashlansin.

42. Vazirlar Mahkamasining “2019 — 2023-yillarda Buxoro viloyatini kompleks ijtimoiy-iqtisodiy rivojlantirish chora-tadbirlari toʻgʻrisida” 2019-yil 21-sentabrdagi 794-son qaroriga 11-ilovaning rus tilidagi matni “Obshaya ploshad territorii (ga)” ustunida:

a) 1-pozitsiyadagi “5” raqami “4,57” raqami bilan almashtirilsin;

b) 2-pozitsiyadagi “3,1” raqami “2,2” raqami bilan almashtirilsin;

v) 3-pozitsiyadagi “1,5” raqami “1,37” raqami bilan almashtirilsin;

g) 5-pozitsiyadagi “6,5” raqami “4,5” raqami bilan almashtirilsin;

d) 6-pozitsiyadagi “2,2” raqami “2,16” raqami bilan almashtirilsin;

e) 7-pozitsiyadagi “3,3” raqami “2,93” raqami bilan almashtirilsin.

43. Vazirlar Mahkamasining “Oʻzbekiston Respublikasining Xitoy Xalq Respublikasi bilan hamkorlik boʻyicha hukumatlararo qoʻmitaning beshinchi majlisi yakunlariga koʻra erishilgan kelishuvlarni amalga oshirish chora-tadbirlari toʻgʻrisida” 2019-yil 24-sentabrdagi 805-son qarorining 4-bandidagi “Vazirlar Mahkamasi va Hisob palatasiga” soʻzlari “Vazirlar Mahkamasiga” soʻzlari bilan almashtirilsin.

44. Vazirlar Mahkamasining “Sanoat yarmarkalari va elektron kooperatsiya birjasi faoliyatini tashkil etish chora-tadbirlari toʻgʻrisida” 2019-yil 30-sentabrdagi 833-son qarorida:

a) 3-bandning ikkinchi xatboshisi va 4-bandning birinchi xatboshisidagi “Iqtisodiyot va sanoat vazirligiga” soʻzlari “Investitsiyalar va tashqi savdo vazirligiga” soʻzlari bilan almashtirilsin;

b) 6-bandning birinchi xatboshisidagi “Iqtisodiyot va sanoat vazirligi” soʻzlari “Investitsiyalar va tashqi savdo vazirligi” soʻzlari bilan almashtirilsin;

v) 1-ilovada:

2-bandning yettinchi xatboshisidagi “Iqtisodiyot va sanoat vazirligi” soʻzlari “Investitsiyalar va tashqi savdo vazirligi” soʻzlari bilan almashtirilsin;

7-band quyidagi tahrirda bayon etilsin:

“7. Davlat va xoʻjalik boshqaruvi organlari quyidagi maʼlumotlarni elektron kooperatsiya birjasi portaliga oʻz vaqtida kiritishni, uning ishonchliligi, toʻliqligini va yangilab borilishini taʼminlaydilar:

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Davlat statistika qoʻmitasi, Savdo-sanoat palatasi, Investitsiyalar va tashqi savdo vazirligi hududiy boʻlinmalari va Texnik jihatdan tartibga solish agentligining Texnik jihatdan tartibga solish, standartlashtirish, sertifikatlashtirish va metrologiya sohasida davlat nazorati departamenti hududiy boʻlimlari tomonidan respublikada ishlab chiqarilayotgan sanoat mahsulotlarining hajmi va texnik parametrlari haqidagi;

Oʻzbekiston Respublikasi Davlat statistika qoʻmitasi va Davlat bojxona qoʻmitasi tomonidan sanoat mahsulotlarining import va eksport hajmi haqidagi;

Oʻzbekiston Respublikasi Investitsiyalar va tashqi savdo vazirligi, Moliya vazirligi hamda ustav fondi (kapitali)dagi davlat ulushi 50 foiz va undan ortiq boʻlgan yuridik shaxslar kelgusi davr uchun davlat xaridlarining reja-jadvallari va davlat xaridlarining oʻtgan yildagi amaldagi hajmi, shu jumladan, import tovarlari xaridi toʻgʻrisidagi;

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi mahalliy korxonalar tomonidan ishlab chiqarish tavsiya etilayotgan oʻzlashtirilishi istiqbolli mahsulot turlari toʻgʻrisidagi”;

9-banddagi va 14-bandning ikkinchi xatboshisidagi “Iqtisodiyot va sanoat vazirligi” soʻzlari “Investitsiyalar va tashqi savdo vazirligi” soʻzlari bilan almashtirilsin;

g) Sanoat yarmarkalari va elektron kooperatsiya birja portali faoliyatini tashkil etish tartibi toʻgʻrisidagi nizomga 1-ilovada “3-bosqich, 4-bosqich, 5-bosqich” bloklarining “Ijrochilar” blokidagi “Iqtisodiyot va sanoat vazirligi” soʻzlari “Investitsiyalar va tashqi savdo vazirligi” soʻzlari bilan almashtirilsin;

d) 2-ilovaning 15-pozitsiyasidagi “Iqtisodiyot va sanoat vazirligi” soʻzlari “Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi” soʻzlari bilan almashtirilsin.

45. Vazirlar Mahkamasining “Toshkent viloyati Ohangaron tumanida chorvachilikni rivojlantirish toʻgʻrisida” 2019-yil 23-oktabrdagi 890-son qarorining 3-bandidan “huzuridagi Agrosanoat majmui va oziq-ovqat taʼminoti sohasidagi loyihalarni amalga oshirish agentligi” soʻzlari chiqarib tashlansin.

46. Vazirlar Mahkamasining “Nukus” erkin iqtisodiy zonasi faoliyatini tashkil etish chora-tadbirlari toʻgʻrisida” 2019-yil 22-noyabrdagi 941-son qarorining 4-bandi va 3-ilovaning 11-bandida “erkin” soʻzi “maxsus” soʻzi bilan almashtirilsin.

47. Vazirlar Mahkamasining 2019-yil 17-dekabrdagi 1009-son qarori bilan tasdiqlangan Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini shakllantirish, amalga oshirish va hisobot tizimini yuritish hamda ushbu jarayonda davlat boshqaruvi organlari va loyihalar tashabbuskorlarining oʻzaro hamkorlik qilish tartibi toʻgʻrisida nizomda:

a) 3-bandning yettinchi xatboshisidagi “ishlab chiqarishni mahalliylashtirish va sanoatda kooperatsiya aloqalarini kengaytirish masalalari boʻyicha” soʻzlari “mahalliy sanoatni rivojlantirish masalalari boʻyicha” soʻzlari bilan almashtirilsin;

b) 6-bandning ikkinchi xatboshidan “Hisob palatasi” soʻzlari chiqarib tashlansin;

v) 7-bandning uchinchi va toʻrtinchi xatboshilaridan “Hisob palatasi” soʻzlari chiqarib tashlansin;

g) 8-bandning ikkinchi xatboshidan “Hisob palatasi” soʻzlari chiqarib tashlansin;

d) 13-bandning “g” kichik bandidan “Hisob palatasi” soʻzlari chiqarib tashlansin;

e) 1-ilovaning 2-bobi “Amalga oshiriladigan chora-tadbirlar” ustunida:

2, 3 va 4-bosqichlardan “Hisob palatasi” soʻzlari chiqarib tashlansin;

9-bosqichdan “Hisob palatasi” soʻzlari chiqarib tashlansin.

49. Vazirlar Mahkamasining “Respublika hududlarida paxta hosili terimini mexanizatsiyalash darajasini oshirish chora-tadbirlari toʻgʻrisida” 2020-yil 14-yanvardagi 21-son qarorining 10-bandidan “huzuridagi Agrosanoat majmui va oziq-ovqat taʼminoti sohasidagi loyihalarni amalga oshirish agentligi” soʻzlari chiqarib tashlansin.

50. Vazirlar Mahkamasining “Yevropa tiklanish va taraqqiyot banki ishtirokida “Toshkent shahrida suv quvurlari va kanalizatsiya tizimlarini modernizatsiya qilish” loyihasini amalga oshirish chora-tadbirlari toʻgʻrisida” 2020-yil 27-yanvardagi 38-son qarorida:

a) 2-bandning ikkinchi xatboshida “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi (keyingi oʻrinlarda “Kommunxizmat” agentligi deb ataladi)” soʻzlari “Oʻzsuvtaʼminot” aksiyadorlik jamiyati (keyingi oʻrinlarda — “Oʻzsuvtaʼminot” AJ)” soʻzlari bilan almashtirilsin;

b) 4-bandda “Uy-joy kommunal xizmat koʻrsatish vazirligi, “Kommunxizmat” agentligi, Toshkent shahar “Suvsoz” DUK” soʻzlari “Oʻzsuvtaʼminot” AJ, “Toshkent shahar ichimlik suv taʼminoti” MCHJ” soʻzlari bilan almashtirilsin;

v) 6-bandda birinchi xatboshida “Oʻzbekiston Respublikasi uy-joy kommunal xizmat koʻrsatish vaziri, “Kommunxizmat” agentligi bosh direktori” soʻzlari “Oʻzsuvtaʼminot” AJ boshqaruv raisi soʻzlari bilan almashtirilsin.

52. Vazirlar Mahkamasining “Termiz” erkin iqtisodiy zonasi faoliyatini takomillashtirish chora-tadbirlari toʻgʻrisida” 2020-yil 13-martdagi 148-son qarori 3-bandning toʻrtinchi xatboshi, 7-band va 3-ilovaning 11-bandi ikkinchi xatboshida “erkin” soʻzi “maxsus” soʻzi bilan almashtirilsin.

53. Vazirlar Mahkamasining 2020-yil 13-martdagi 155-son qarori bilan tasdiqlangan Suv xoʻjaligi sohasidagi loyiha-qidiruv ishlarini ilmiy-texnik jihatdan kuzatishni tashkil etish va moliyalashtirish tartibi toʻgʻrisidagi nizomda:

a) 8-banddan “huzuridagi Suv xoʻjaligi sohasidagi loyihalarni amalga oshirish agentligi (keyingi oʻrinlarda Agentlik deb ataladi)” soʻzlari chiqarib tashlansin;

b) 10, 12 va 19-bandlaridagi “Agentlik” soʻzi “Vazirlik” soʻzi bilan almashtirilsin.

54. Vazirlar Mahkamasining “Qashqadaryo viloyatining qarshi shahri kanalizatsiya tizimini rekonstruksiya qilish va qurish” loyihasini amalga oshirish chora-tadbirlari toʻgʻrisida” 2020-yil 14-apreldagi 220-son qarorida:

a) 2-bandning ikkinchi xatboshida “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi (keyingi oʻrinlarda — “Kommunxizmat” agentligi)” soʻzlari “Oʻzsuvtaʼminot” aksiyadorlik jamiyati (keyingi oʻrinlarda — “Oʻzsuvtaʼminot” AJ)” soʻzlari bilan almashtirilsin.

b) 4-banddan “Kommunxizmat” agentligi” soʻzlari chiqarib tashlansin.

55. Vazirlar Mahkamasining “Yevropa tiklanish va taraqqiyot banki ishtirokida “Xorazm viloyatining kanalizatsiya tizimini rekonstruksiya qilish va qurish” loyihasini amalga oshirish chora-tadbirlari toʻgʻrisida” 2020-yil 14-apreldagi 221-son qarorida:

a) 2-bandning ikkinchi xatboshida “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi (keyingi oʻrinlarda — “Kommunxizmat” agentligi)” soʻzlari “Oʻzsuvtaʼminot” aksiyadorlik jamiyati (keyingi oʻrinlarda — “Oʻzsuvtaʼminot” AJ)” soʻzlari bilan almashtirilsin;

b) 4-banddan “Uy-joy kommunal xizmat koʻrsatish vazirligi, “Kommunxizmat” agentligi” soʻzlari chiqarib tashlansin.

56. Vazirlar Mahkamasining “Chiroqchi” erkin iqtisodiy zonasi faoliyatini tashkil etish chora-tadbirlari toʻgʻrisida” 2020-yil 6-maydagi 267-son qarorida:

a) 6-bandning toʻrtinchi xatboshi quyidagi tahrirda bayon etilsin:

“bir oy muddatda Direksiyaning Qashqadaryo viloyati, Qarshi shahri, Mustaqillik maydoni, 2-uy manzilidagi binoga tekin foydalanish huquqi bilan joylashtirilishini hamda zarur inventarlar bilan jihozlangan xizmat xonalari ajratilishini va keyinchalik Direksiya uchun zamonaviy maʼmuriy bino qurilishini.”;

b) 1-ilovaning matni quyidagi tahrirda bayon etilsin:

“Chiroqchi” erkin iqtisodiy zonasi tarkibiga kiruvchi hududlarning chegaralari

1-boshlangʻich nuqta Qarshi shahri, Qarshi Aeroportining himoya maydonidan tashqari hududda joylashgan.

1-nuqtadan chegara Qarshi shahri, Qarshi Aeroportining himoya maydonining janubiy gʻarb tomoni yoʻnalishda 3700 metr masofada 2-nuqtagacha davom etadi.

2-nuqtadan chegara ochiq maydon, turar va noturar joy obyektlar bilan 1500 metr masofada 3-nuqtagacha davom etadi.

3-nuqtadan chegara yoʻnalishda 2700 metr masofada 4-nuqtagacha davom etadi.

4-nuqtadan chegara mavjud obyektlar himoya zonasi bilan 1500 metr masofada 1-nuqtagacha davom etadi.”;

v) 3-ilovaning (“Chiroqchi” EIZ direksiyasi davlat unitar korxonasining Ustavi) 1-bobi 5-bandidagi “1-uy” soʻzi “2-uy” soʻzi bilan almashtirilsin.

57. Vazirlar Mahkamasining “Qishloq xoʻjaligi ekinlari navlarini sinash markazi faoliyatini takomillashtirish, qishloq xoʻjaligi oʻsimliklari turlarining Milliy genbankini yaratish toʻgʻrisida” 2020-yil 13-maydagi 282-son qarori 2-ilovasining 12, 16 va 22-pozitsiyalari “masʼul ijrochilar” grafasidan “Agrosanoat majmui va oziq-ovqat taʼminoti sohasidagi loyihalarni amalga oshirish agentligi” soʻzlari chiqarib tashlansin.

58. Vazirlar Mahkamasining “Osiyo taraqqiyot banki ishtirokida “Oʻzbekiston Respublikasida shaharlarni rivojlantirish loyihalarini tayyorlashni moliyalashtirish” loyihasini amalga oshirish chora-tadbirlari toʻgʻrisida” 2020-yil 7-iyuldagi 426-son qarorida:

a) 2-bandning ikkinchi va uchunchi xatboshilarida “Uy-joy kommunal xizmat koʻrsatish vazirligi” soʻzlari “Oʻzsuvtaʼminot” aksiyadorlik jamiyati” soʻzlari bilan almashtirilsin;

b) 4-bandning ikkinchi xatboshidan “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi (keyingi oʻrinlarda — “Kommunxizmat” agentligi) va” soʻzlari chiqarib tashlansin hamda “uy-joy kommunal xizmat koʻrsatish sohasidagi” soʻzlari “ichimlik suv va kanalizatsiya sohasidagi” soʻzlari bilan almashtirilsin;

v) 6-banddan “Kommunxizmat” agentligi va Markaz” soʻzlari chiqarib tashlansin;

g) 7-banddagi “Kommunxizmat” agentligining Osiyo taraqqiyot banki loyihalarini muvofiqlashtirish guruhiga” soʻzlari “Oʻzsuvtaʼminot” AJga” soʻzlari bilan almashtirilsin.

59. Vazirlar Mahkamasining “Osiyo infratuzilma investitsiyalari banki ishtirokida “Buxoro viloyatining suv taʼminoti va kanalizatsiya tizimlarini rivojlantirish va modernizatsiya qilish” loyihasini amalga oshirish chora-tadbirlari toʻgʻrisida” 2020-yil 12-avgustdagi 482-son qarorida:

a) 2-bandning ikkinchi xatboshida “Oʻzbekiston Respublikasi Uy-joy kommunal xizmat koʻrsatish vazirligi huzuridagi “Kommunxizmat” agentligi (keyingi oʻrinlarda — “Kommunxizmat” agentligi)” soʻzlari “Oʻzsuvtaʼminot” aksiyadorlik jamiyati (keyingi oʻrinlarda — “Oʻzsuvtaʼminot” AJ)” soʻzlari bilan almashtirilsin;

b) 4-bandning uchunchi xatboshidan “Kommunxizmat” agentligi” hamda “(keyingi oʻrinlarda — “Oʻzsuvtaʼminot” AJ)” soʻzlari chiqarib tashlansin;

v) 8-band oʻz kuchini yoʻqotgan deb hisoblansin.

60. Vazirlar Mahkamasining “Oʻzbekiston Respublikasi qishloq xoʻjaligi vazirligi huzuridagi Qishloq xoʻjaligi texnikasi va texnologiyalarini sertifikatlash va sinash markazi faoliyatini yanada takomillashtirish chora-tadbirlari toʻgʻrisida” 2020-yil 15-dekabrdagi 785-son qarorining 5-bandidan “huzuridagi Agrosanoat majmui va oziq-ovqat taʼminoti sohasidagi loyihalarni amalga oshirish agentligi” soʻzlari chiqarib tashlansin.

61. Vazirlar Mahkamasining 2021-yil 29-yanvardagi 41-son qarori bilan tasdiqlangan Davlat xaridlaridagi ishtiroki vaqtinchalik taqiqlangan va chegaralangan xorijda ishlab chiqarilgan tovarlar, shuningdek, xorijiy shaxslar tomonidan bajariladigan ishlarning (xizmatlarning) roʻyxatini shakllantirish tartibi toʻgʻrisida nizomda:

a) 2-bandning toʻrtinchi xatboshisidagi “Iqtisodiy taraqqiyot va kambagʻallikni qisqartirish vazirligining” degan soʻzlar “Investitsiyalar va tashqi savdo vazirligining” degan soʻzlar bilan almashtirilsin;

b) nizomga 1-2-ilovalarda “Subyektlar” blokidan tegishli ravishda “(Iqtisodiy taraqqiyot vazirligi)” degan soʻzlar chiqarib tashlansin.

Vazirlar Mahkamasining 2021-yil 29-dekabrdagi 786-son qaroriga 4-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan qarorlari

ROʻYXATI

1. Vazirlar Mahkamasining “Oʻzbekistonda Ovropa Ittifoqi Komissiyasining texnikaviy yordamni muvofiqlashtirish Byurosini tashkil etish toʻgʻrisida” 1994-yil 24-yanvardagi 29-son qarori.

2. Vazirlar Mahkamasining “Yevropa Ittifoqi Komissiyasining texnikaviy yordamni muvofiqlashtirish Byurosi toʻgʻrisidagi nizomni tasdiqlash haqida” 1995-yil 29-avgustdagi 347-son qarori.

3. Vazirlar Mahkamasining “Oʻzbekiston Respublikasida TASIS dasturini amalga oshirishni taʼminlashda vazirliklar va idoralarning faoliyatini muvofiqlashtirish toʻgʻrisida” 1997-yil 29-maydagi 274-son qarori (Oʻzbekiston Respublikasi QT, 1997-y., 5-son, 20-modda).

4. Vazirlar Mahkamasining “Oʻzbekiston Respublikasi Hukumatining qarorlarini toʻliq yoki qisman oʻz kuchini yoʻqotgan deb hisoblash hamda ayrim qarorlariga oʻzgartirishlar kiritish toʻgʻrisida” 1998-yil 16-apreldagi 161-son qaroriga 2-ilovaning 10-bandi.

5. Vazirlar Mahkamasining “Xalqaro tashkilotlarga Oʻzbekiston Respublikasi badallarini toʻlash tartibi toʻgʻrisidagi nizomni tasdiqlash haqida” 2000-yil 10-yanvardagi 6-son qarori (Oʻzbekiston Respublikasi QT, 2000-y., 1-son, 1-modda).

6. Vazirlar Mahkamasining “Begʻaraz yordamdan maqsadli foydalanilishini taʼminlash chora-tadbirlari toʻgʻrisida” 2002-yil 26-iyuldagi 268-qarori (Oʻzbekiston Respublikasi QT, 2002-y., 7-son, 44-modda).

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2003-yil 28-fevraldagi 112-son qaroriga ilovaning 71-bandi.

8. Vazirlar Mahkamasining “Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash hamda baʼzilariga oʻzgartirishlar kiritish toʻgʻrisida” 2005-yil 22-fevraldagi 73-son qaroriga 2-ilovaning 11-bandi.

9. Vazirlar Mahkamasining “Investitsiya loyihalarini tasdiqlash va amalga oshirish monitoringi mexanizmlarini takomillashtirish, muruvvat yordami yuklarini va texnik koʻmaklashish mablagʻlarini hisobga olish va nazorat qilish chora-tadbirlari toʻgʻrisida” 2005-yil 15-noyabrdagi 251-son qarori Oʻzbekiston Respublikasi QT, 2005-y., 11-son, 61-modda).

10. Vazirlar Mahkamasining “Vazirlar Mahkamasining “Investitsiya loyihalarini tasdiqlash va amalga oshirish monitoringi mexanizmlarini takomillashtirish, muruvvat yordami yuklarini va texnik koʻmaklashish mablagʻlarini hisobga olish va nazorat qilish chora-tadbirlari toʻgʻrisida” 2005-yil 15-noyabrdagi 251-son qaroriga qoʻshimchalar kiritish haqida” 2007-yil 3-yanvardagi 5-son qarori.

11. Vazirlar Mahkamasining “Navoiy” erkin iqtisodiy zonasi faoliyatini tashkil etish chora-tadbirlari toʻgʻrisida” 2009-yil 27-yanvardagi 21-son qarori.

12. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2009-yil 28-yanvardagi 22-son qaroriga ilovaning 1, 2 va 4-bandlari.

13. Vazirlar Mahkamasining “Navoiy” erkin iqtisodiy zonasi direksiyasi” davlat unitar korxonasi ustavini tasdiqlash toʻgʻrisida” 2009-yil 19-fevraldagi 48-son qarori.

14. Vazirlar Mahkamasining “Xalqaro tashkilotlarga Oʻzbekiston Respublikasi badallarini toʻlash tartibi toʻgʻrisidagi nizomga oʻzgartirishlar kiritish haqida” 2009-yil 19-iyundagi 171-son qarori.

15. Vazirlar Mahkamasining “Oʻzbekiston Respublikasi Hukumatining baʼzi qarorlariga oʻzgartirishlar kiritish, shuningdek ayrim qarorlarini oʻz kuchini yoʻqotgan deb hisoblash toʻgʻrisida” 2009-yil 15-oktabrdagi 274-son qaroriga ilovaning 5-bandi.

18. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2012-yil 6-sentabrdagi 261-son qaroriga ilovaning 1 va 9-bandlari.

19. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2012-yil 1-noyabrdagi 313-son qaroriga 1-ilovaning 75-bandi va 2-ilovaning 7-bandi.

21. Vazirlar Mahkamasining “Erkin iqtisodiy zonalar qatnashchilariga yer uchastkalari berish tartibi toʻgʻrisidagi nizomni tasdiqlash toʻgʻrisida” 2013-yil 26-avgustdagi 234-son qarori.

22. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2013-yil 9-sentabrdagi 244-son qaroriga 1-ilovaning 48-bandi.

23. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2016-yil 27-fevraldagi 57-son qaroriga ilovaning 5-bandi.

24. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2016-yil 26-apreldagi 122-son qaroriga (Oʻzbekiston Respublikasi QT, 2016-y., 4-son, 28-modda) 1-ilovaning 43 va 77-bandlari.

25. Vazirlar Mahkamasining “Oʻzbekiston Respublikasining erkin iqtisodiy zonalarida import oʻrnini qoplaydigan va eksportga moʻljallangan mahsulotlar ishlab chiqarishni yanada kengaytirish chora-tadbirlari toʻgʻrisida” 2017-yil 27-fevraldagi 110-son qarori.

26. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2017-yil 13-martdagi 130-son qaroriga 1-ilovaning 14-bandi.

27. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzi qarorlarini oʻz kuchini yoʻqotgan deb hisoblash toʻgʻrisida” 2017-yil 25-martdagi 155-son qaroriga 1-ilovaning 2, 4 va 11-bandlari.

28. Vazirlar Mahkamasining “Erkin iqtisodiy zonalar faoliyatini tashkil etish chora-tadbirlari toʻgʻrisida” 2017-yil 10-apreldagi 196-son qaroriga 10-ilovaning 1 va 5-bandlari.

29. Vazirlar Mahkamasining “2017 — 2019-yillarda “Urgut”, “Gʻijduvon”, “Qoʻqon” va “Hazorasp” erkin iqtisodiy zonalarining transport, ishlab chiqarish va muhandislik-kommunikatsiya infratuzilmalarini jadal rivojlantirish chora-tadbirlari toʻgʻrisida” 2017-yil 2-iyundagi 341-son qarorining 6 va 11-bandlari.

30. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2017-yil 21-avgustdagi 651-son qaroriga (Oʻzbekiston Respublikasi QT, 2017-y., 8-son, 182-modda) ilovaning 12-bandi.

31. Vazirlar Mahkamasining “2017 — 2019-yillarda “Nukus-farm”, “Zomin-farm”, “Kosonsoy-farm”, “Sirdaryo-farm”, “Boysun-farm”, “Boʻstonliq-farm” va “Parkent-farm” erkin iqtisodiy zonalari hududida transport, muhandislik-kommunikatsiya hamda ishlab chiqarish infratuzilmalarini jadal rivojlantirish chora-tadbirlari toʻgʻrisida” 2017-yil 2-sentabrdagi 691-son qarorining 3 va 7-bandlari.

32. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2017-yil 18-dekabrdagi 992-son qaroriga 1-ilovaning 7-bandi.

33. Vazirlar Mahkamasining “Oʻzbekiston Respublikasi Prezidentining “Erkin iqtisodiy zonalar va kichik sanoat zonalari faoliyati samaradorligini oshirish borasidagi qoʻshimcha chora-tadbirlar toʻgʻrisida” 2017-yil 25-oktabrdagi PQ-3356-son qarorini amalga oshirish chora-tadbirlari toʻgʻrisida” 2018-yil 16-yanvardagi 29-son qarorining 1-bandi hamda shu qarorga 1, 2 va 3-ilovalar va 5-ilovaning 1, 2, 6, 10-bandlari va 8-bandning beshinchi xatboshi.

34. Vazirlar Mahkamasining “Oʻzbekiston Respublikasi Vazirlar Mahkamasi ijro etuvchi tuzilmasi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2018-yil 12-fevraldagi 107-son qaroriga 1-ilovaning 1, 3 va 8-bandlari.

35. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzi qarorlarini oʻz kuchini yoʻqotgan deb hisoblash toʻgʻrisida” 2018-yil 13-martdagi 197-son qaroriga 1-ilovaning 12-bandi.

37. Vazirlar Mahkamasining “Vazirlar Mahkamasining “Navoiy” erkin iqtisodiy zonasi faoliyatini tashkil etish chora-tadbirlari toʻgʻrisida” 2009-yil 27-yanvardagi 21-son qaroriga oʻzgartirish kiritish haqida” 2018-yil 7-avgustdagi 629-son qarori.

38. Vazirlar Mahkamasining “Oʻzbekiston Respublikasi Vazirlar Mahkamasining tuzilmasi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2018-yil 22-avgustdagi 680-son qaroriga ilovaning 1, 2 va 4-bandlari.

39. Vazirlar Mahkamasining “Buxoro-agro” erkin iqtisodiy zonasi Direksiyasi faoliyatini tashkil etish chora-tadbirlari toʻgʻrisida” 2018-yil 6-oktabrdagi 803-son qaroriga 3-ilova bilan tasdiqlangan “Buxoro-agro” erkin iqtisodiy zonasi hududida joylashtirish uchun investitsiya loyihalarini tanlab olish hamda qatnashchilarini roʻyxatdan oʻtkazish tartibi toʻgʻrisidagi nizom.

40. Vazirlar Mahkamasining “Oʻzbekiston Respublikasi Qishloq xoʻjaligi vazirligi huzuridagi Agrosanoat majmui va oziq-ovqat taʼminoti sohasidagi loyihalarni amalga oshirish agentligi toʻgʻrisidagi nizomni tasdiqlash haqida” 2019-yil 22-martdagi 241-son qarori.

41. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2019-yil 18-apreldagi 331-son qarorining 1-bandi.

42. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2019-yil 13-maydagi 397-son qaroriga ilovaning 10 va 17-bandlari.

43. Vazirlar Mahkamasining “Agrosanoat majmui va oziq-ovqat taʼminoti sohasidagi loyihalarni amalga oshirish agentligi faoliyatini tashkil etish toʻgʻrisida” 2019-yil 21-noyabrdagi 940-son qarori.

44. Vazirlar Mahkamasining “Oʻzbekiston Respublikasi Suv xoʻjaligi vazirligi huzuridagi Suv xoʻjaligi sohasidagi loyihalarni amalga oshirish agentligi faoliyatini tashkil etish toʻgʻrisida” 2020-yil 29-yanvardagi 45-son qarori.

45. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish toʻgʻrisida” 2020-yil 14-maydagi 284-son qaroriga ilovaning 8 va 9-bandlari.

46. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2020-yil 26-iyundagi 411-son qaroriga 1-ilovaning 1 va 4-bandlari.

47. Vazirlar Mahkamasining “Oʻzbekiston Respublikasida chet el fuqarolari va fuqaroligi boʻlmagan shaxslarni roʻyxatga olish tartibini soddalashtirish chora-tadbirlari toʻgʻrisida” 2020-yil 28-sentabrdagi 593-son qaroriga 4-ilovaning 3-bandi.

48. Vazirlar Mahkamasining “Iqtisodiyotni rivojlantirish va kambagʻallikni qisqartirishga oid davlat siyosati tubdan takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2020-yil 14-dekabrdagi 777-son qaroriga ilovaning 4-bandi.

49. Vazirlar Mahkamasining “Oʻzbekiston Respublikasi Vazirlar Mahkamasining ijro etuvchi tuzilmasi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2021-yil 16-avgustdagi 524-son qaroriga 1-ilovaning 1 va 3-bandlari.