Oʻzbekiston Respublikasi Markaziy banki tomonidan yangi koʻrinishdagi 50 000 (ellik ming) soʻmlik va 100 000 (yuz ming) soʻmlik banknotlarning chiqarilishi toʻgʻrisida (KQ-291-IV-son)

14.12.2021

Oʻzbekicton Respublikasi Oliy Majlisi Senati Kengashining

qarori

Oʻzbekiston Respublikasi Markaziy bankining yangi koʻrinishdagi 50 000 (ellik ming) soʻmlik va 100 000 (yuz ming) soʻmlik banknotlar chiqarish toʻgʻrisidagi taklifini koʻrib chiqib hamda “Oʻzbekiston Respublikasining Markaziy banki toʻgʻrisida”gi Oʻzbekiston Respublikasi Qonunining 40-moddasiga muvofiq Oʻzbekiston Respublikasi Oliy Majlisi Senatining Kengashi qaror qiladi:

1. Oʻzbekiston Respublikasi Markaziy banki tomonidan taqdim etilgan yangi koʻrinishdagi 50 000 (ellik ming) soʻmlik va 100 000 (yuz ming) soʻmlik banknotlarning namunalari hamda dizaynlari maʼqullansin.

2. Oʻzbekiston Respublikasi Markaziy banki yangi koʻrinishdagi 50 000 (ellik ming) soʻmlik va 100 000 (yuz ming) soʻmlik banknotlarning muomalaga chiqarilishi toʻgʻrisidagi xabarni, shuningdek, banknotlar tavsiflarini ommaviy axborot vositalarida eʼlon qilsin.

3. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2021-yil 14-dekabr,

KQ-291-IV-son