Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchilari faoliyatini tashkil etish chora-tadbirlari toʻgʻrisida (PQ-31-son)

03.12.2021

Oʻzbekiston Respublikasi Prezidentining

Qarori

Oʻzbekiston Respublikasi Prezidentining 2021-yil 3-dekabrdagi “Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish boʻyicha davlat siyosatining ustuvor yoʻnalishlari toʻgʻrisida”gi PF-29-son Farmoniga muvofiq, shuningdek, mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimlarining yordamchilari (keyingi oʻrinlarda — hokim yordamchilari) faoliyatini samarali tashkil etish maqsadida:

1. Hokim yordamchilari faoliyatini tashkil etish boʻyicha respublika komissiyasi (keyingi oʻrinlarda — Respublika komissiyasi) tashkil etilsin, uning tarkibi 1-ilovaga muvofiq tasdiqlansin.

2. Respublika komissiyasi (Qoʻchqorov) bir hafta muddatda hokim yordamchilari faoliyatini samarali tashkil etish maqsadida iqtisodiyot va investitsiya komplekslariga kiruvchi vazirlik, idoralar, tijorat banklarining masʼul xodimlarini (keyingi oʻrinlarda — respublika vakillari) har bir tuman va shaharga biriktirsin, ularning ish joyi, oylik ish haqi va boshqa ijtimoiy toʻlovlarini saqlab qolgan holda, biriktirilgan hududga bir yillik xizmat safariga yuborilishini taʼminlasin.

Mahallabay ishlash va tadbirkorlikni rivojlantirish agentligi, uning Qoraqalpogʻiston Respublikasi, viloyatlar va Toshkent shahridagi hududiy boshqarmalari hamda mahallabay ishlash va tadbirkorlikni rivojlantirish markazlari (keyingi oʻrinlarda — markazlar) Respublika komissiyasi va respublika vakillarining ishchi organlari etib belgilansin.

3. Belgilansinki:

a) Respublika komissiyasi aʼzolari:

shaharchalar, qishloqlar, ovullarda, shuningdek shaharlar, shaharchalar, qishloqlar hamda ovullardagi mahallalarda (keyingi oʻrinlarda — mahallalar) tadbirkorlikni rivojlantirish, aholi bandligini taʼminlash va kambagʻallikni qisqartirish boʻyicha ishlarni tizimli tashkil etadi;

oʻzi biriktirilgan hududdagi respublika vakillari faoliyatiga bevosita rahbarlik qiladi, maqsadli koʻrsatkichlarga erishilishi uchun masʼul va javobgar boʻladi;

Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari bilan birga oʻzi biriktirilgan hududga ajratilgan mablagʻlarning tuman va shaharlar kesimida taqsimlanishini taʼminlaydi;

b) respublika vakillari:

tuman (shahar) hokimining birinchi oʻrinbosari bilan birga markazlar hamda hokim yordamchilari faoliyatiga koʻmaklashadi;

har kuni bitta mahallaga chiqqan holda kamida oʻnta xonadonga shaxsan tashrif buyurib, mavjud holatni hokim yordamchilari bilan birga oʻrganadi, aholiga amalga oshirilayotgan davlat siyosati va islohotlarning mazmun-mohiyatini tushuntiradi, aniqlangan muammolarni joyida hal qilish choralarini koʻradi;

hokim yordamchilari, hududlarni ijtimoiy-iqtisodiy rivojlantirish masalalari boʻyicha sektor rahbarlari bilan birgalikda har bir mahallani ijtimoiy-iqtisodiy rivojlantirish yoʻnalishlarini belgilaydi, xonadonbay roʻyxat asosida har bir mahalla kesimida haqiqiy ijtimoiy vaziyatni aniqlaydi hamda oyma-oy amalga oshiriladigan chora-tadbirlar rejasini ishlab chiqadi;

har bir mahallaning “oʻsish nuqtasi”dan kelib chiqib, yetakchi tadbirkorlar va hokim yordamchilari taklif etayotgan yangi loyihalarni amalga oshirishga koʻmaklashadi, mahallalarda aholining kundalik ehtiyojlari uchun zarur boʻlgan xizmatlar turlarini rivojlantiradi;

aholini, birinchi navbatda ishsiz yoshlar va ayollarni kasb-hunar va tadbirkorlikka oʻqitish hamda ularning bandligini taʼminlash ishlarini tashkil qiladi;

tuman (shahar) hokimlari hamda tuman fermer, dehqon xoʻjaliklari va tomorqa yer egalari kengashi bilan hamkorlikda aholi tomorqalaridan samarali foydalanib, uy sharoitida dehqonchilik, chorvachilik, parrandachilik, quyonchilik, asalarichilik, urugʻchilik, koʻchatchilik, gulchilik kabi faoliyat turlarini yoʻlga qoʻyishga koʻmaklashadi;

tuman (shahar) hokimlari bilan birgalikda hududga ajratilgan mablagʻlarning mahallalar kesimida taqsimlanishini taʼminlaydi;

v) hokim yordamchilari:

mahalladagi ishsiz aholini ish bilan taʼminlash, ularga doimiy daromad manbaini yaratishga koʻmaklashish uchun ustuvor ravishda mahalladagi muvaffaqiyatga erishgan tadbirkorlik subyektlari bilan hamkorlikda faoliyatini olib boradi;

respublika vakillari bilan birgalikda oʻziga biriktirilgan mahallani rivojlantirish boʻyicha 2022-yilga moʻljallangan “Yoʻl xaritasi”ni ishlab chiqadi va ijrosini taʼminlaydi;

ajratilayotgan resurslardan samarali foydalanish yuzasidan doimiy monitoringni amalga oshiradi;

amalga oshirilgan ishlar natijadorligi yuzasidan tuman (shahar) hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari bilan birgalikda doimiy ravishda hokimga hisobot berib boradi.

4. Respublika komissiyasi aʼzolari va respublika vakillariga mahalliy budjet daromadlarining orttirib bajarilgan qismidan mahallalardagi muammolarni hal etishga yoʻnaltirish boʻyicha takliflar mahalliy vakillik organlariga kiritish huquqi berilsin.

5. Hokim yordamchilari oʻz vazifalarini amalga oshirishda foydalanadigan moliyaviy instrumentlarning 2022-yil uchun manbalari etib quyidagilar belgilansin:

a) oilaviy tadbirkorlikni rivojlantirish dasturlari doirasida ajratiladigan kreditlar — 10 trln soʻm;

b) aholining bandligini taʼminlash, ularning oʻzini oʻzi band qilishi, shuningdek, tadbirkorlik faoliyatini yoʻlga qoʻyishi uchun ajratiladigan mablagʻlar — 1 218 mlrd soʻm, shundan:

Bandlikka koʻmaklashish davlat jamgʻarmasidan ish bilan band boʻlmagan aholiga tadbirkorlik qilish va oʻzini oʻzi band qilish uchun subsidiyalar, kredit resurslari va boshqa xarajatlar uchun — 785 mlrd soʻm, ish bilan band boʻlmagan aholini kasb-hunarga, tadbirkorlik va hunarmandchilikka oʻqishga yoʻnaltirish uchun — 210 mlrd soʻm;

Jamoat ishlari jamgʻarmasidan ishsiz aholini haq toʻlanadigan jamoat ishlariga jalb etish xarajatlari uchun — 222 mlrd soʻm;

v) Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi hisobidan ajratiladigan subsidiyalar — 50 mlrd soʻm;

g) hokim yordamchilari tavsiyalari asosida mahalla infratuzilmasini yaxshilash uchun koʻzda tutiladigan mablagʻlar — 250 mlrd soʻm;

d) “Saxovat va koʻmak” jamgʻarmasi, “Ayollar daftari” jamgʻarmasi, “Yoshlar daftari” jamgʻarmasi — 851 mlrd soʻm miqdorida.

Mazkur bandning “b” — “d” kichik bandlarida koʻrsatib oʻtilgan mablagʻlarning respublika hududlari kesimidagi taqsimoti 2-ilovaga muvofiq tasdiqlansin.

6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Iqtisodiy taraqqiyot va kambagʻallikni qisqartirish vazirligi, Moliya vazirligi, Markaziy bank, Bandlik va mehnat munosabatlari vazirligi bilan kelishgan holda bir oy muddatda mazkur qarorga 2-ilovada koʻrsatilgan mablagʻlarni tuman (shahar) va har bir mahalla kesimida mahallaning ijtimoiy-iqtisodiy holati va xonadonlar sonidan kelib chiqib taqsimlasin.

Bandlik va mehnat munosabatlari vazirligi, oilaviy tadbirkorlikni rivojlantirish dasturlari doirasida kreditlar ajratishga masʼul tijorat banklari, Oʻzbekiston fermer, dehqon xoʻjaliklari va tomorqa yer egalari kengashi, mahalliy ijro hokimiyati organlari mazkur bandda koʻrsatilgan xarajatlarning oyma-oy uzluksiz moliyalashtirib borilishini taʼminlasin.

7. Belgilansinki:

mazkur qarorning 3-ilovasida koʻrsatilgan, oilaviy tadbirkorlikni rivojlantirish dasturlari doirasidagi kreditlar, Bandlik va mehnat munosabatlari vazirligining Bandlikka koʻmaklashish davlat jamgʻarmasi va Jamoat ishlari jamgʻarmasi, Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi, “Ayollar daftari” jamgʻarmasi, “Yoshlar daftari” jamgʻarmasi hisobidan tadbirkorlik faoliyatini yoʻlga qoʻyish, oʻzini oʻzi band qilish va ish bilan taʼminlash uchun ajratiladigan subsidiyalar hokim yordamchilarining tavsiyalari asosida ajratiladi;

hokim yordamchilari yuqoridagi yoʻnalishlar boʻyicha kreditlar va subsidiyalar ajratish koʻzda tutilgan har bir loyihaning samaradorligi va maqsadga muvofiqligini chuqur oʻrgangan holda ularni ajratish uchun masʼul idora va tashkilotlarga oʻz tavsiyasini beradi.

8. Hokim yordamchilarining oylik ish haqi miqdori ular biriktirilgan mahalladagi xonadonlar soniga mutanosib ravishda quyidagicha belgilansin:

xonadonlar soni 500 tagacha boʻlgan mahallada — mehnatga haq toʻlashning eng kam miqdorining 6 baravari miqdorida;

xonadonlar soni 501 tadan 1 000 tagacha boʻlgan mahallada — mehnatga haq toʻlashning eng kam miqdorining 6,5 baravari miqdorida;

xonadonlar soni 1 000 tadan ortiq boʻlgan mahallada — mehnatga haq toʻlashning eng kam miqdorining 7 baravari miqdorida.

9. Belgilansinki:

hokim yordamchilariga toʻlanadigan oʻrtacha oylik ish haqi miqdori nomzodning ushbu lavozimga ishga qabul qilingunga qadar avvalgi ish joyi boʻyicha oʻrtacha oylik ish haqi miqdoridan kam boʻlgan taqdirda yetishmagan qismi hokim yordamchilari faoliyatini qoʻllab-quvvatlash jamgʻarmasi hisobidan kompensatsiya qilib boriladi;

markazlar xodimlariga tuman (shahar) iqtisodiy taraqqiyot va kambagʻallikni qisqartirish boʻlimlari xodimlari uchun belgilangan va Davlat budjeti mablagʻlari hisobidan moliyalashtiriladigan mehnatga haq toʻlash shartlari tatbiq etiladi.

10. Vazirlar Mahkamasi bir oy muddatda hokim yordamchilari faoliyatini qoʻllab-quvvatlash jamgʻarmasi toʻgʻrisidagi nizomni tasdiqlasin, unda, shu jumladan quyidagilarni nazarda tutsin:

boshqa hududlardan kelib ishlayotgan hokim yordamchilari va respublika vakillari uchun bazaviy hisoblash miqdorining ikki baravari miqdorida turar joy ijarasi xarajatlari uchun kompensatsiya toʻlash;

ish faoliyatida yaxshi natijalarga erishgan hokim yordamchilari va respublika vakillarini har oy mukofotlash;

hokim yordamchilari ish haqining avvalgi ish joyi boʻyicha oʻrtacha oylik ish haqi miqdoridan kam boʻlgan qismini kompensatsiya qilib borish;

oʻz shaxsiy avtomobilidan foydalanayotgan respublika vakillarining transport xarajatlari, shuningdek, bir oyda bir marotaba doimiy yashash joyiga temir yoʻl transportida borib kelishi uchun kompensatsiya toʻlash;

yil yakuni boʻyicha oʻziga biriktirilgan hududda yuqori natijalarga erishgan respublika vakillariga va hokim yordamchilariga ipoteka krediti asosida uy-joy xarid qilish uchun uy-joy qiymatining 50 foizigacha subsidiya toʻlash.

11. Oʻzbekiston Respublikasi Prezidenti huzuridagi Davlat xizmatini rivojlantirish agentligi Oʻzbekiston Respublikasi Prezidenti huzuridagi Davlat boshqaruvi akademiyasi hamda Iqtisodiy taraqqiyot va kambagʻallikni qisqartirish vazirligi bilan birgalikda:

birinchi bosqichda — 2021-yil 15-dekabrga qadar respublika vakillari uchun yangi joriy etilayotgan tizimning tub mohiyati va samarali faoliyat koʻrsatishini taʼminlash boʻyicha bir haftalik oʻquv-seminarlarini tashkil etsin;

ikkinchi bosqichda — 2021-yil 30-dekabrga qadar respublika vakillari ishtirokida hokim yordamchilari va markazlar xodimlari uchun amaliy mashgʻulotlarni tashkil etsin;

uchinchi bosqichda — 2022-yil davomida har chorakda respublika vakillari, hokim yordamchilari va markazlar xodimlari oʻrtasida oʻzaro tajriba almashish kurslarini tashkil etsin.

Bosh vazir oʻrinbosari J.A. Qoʻchqorov:

uch kun muddatda oʻquv-seminarlariga iqtisodiy va investitsiya komplekslariga kiruvchi idoralar, mahalliy hokimliklar va boshqa tashkilotlarning yetarli malaka va tajribaga ega boʻlgan rahbar xodimlarini jalb qilsin;

hokim yordamchilari va respublika vakillari faoliyati samaradorligini baholash tizimini joriy etsin hamda doimiy ravishda ularning faoliyati monitoringini olib borsin.

Oʻquv seminarlarini tashkil etish bilan bogʻliq xarajatlar Oʻzbekiston Respublikasi Prezidenti huzuridagi Davlat xizmatini rivojlantirish agentligi qoshidagi Davlat xizmatini rivojlantirishni qoʻllab-quvvatlash jamgʻarmasi hisobidan qoplanishi belgilansin.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari zimmasiga oʻquv-seminarlarini oʻtkazish bilan bogʻliq tashkiliy masalalarni hal etish vazifasi yuklansin.

12. 2022/2023 oʻquv yilidan boshlab oliy maʼlumotga ega boʻlmagan hokim yordamchilarini davlat oliy taʼlim muassasalarining iqtisodiy taʼlim yoʻnalishlariga Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining tavsiyasiga koʻra davlat granti asosida sirtqi taʼlim shakliga suhbat asosida oʻqishga qabul qilish amaliyoti joriy etilsin.

13. Quyidagilar:

hokim yordamchisi lavozimi va markazlar faoliyati tashkil etilishi munosabati bilan tuman va shaharlar hokimliklarining namunaviy tashkiliy tuzilmasi 4 — 7-ilovalarga muvofiq;

Tuman (shahar) mahallabay ishlash va tadbirkorlikni rivojlantirish markazlari xodimlarining cheklangan soni 8-ilovaga muvofiq tasdiqlansin.

14. Belgilansinki, hokim yordamchilari va markazlar xodimlarining shtat birliklari mos ravishda mahalla fuqarolar yigʻini raisining obodonlashtirish, tomorqa va tadbirkorlik masalalari boʻyicha oʻrinbosari, tuman (shahar) bandlikka koʻmaklashish markazlarining ishga joylashtirish inspektori, tumanlar va shaharlardagi Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari shtat birliklarini maqbullashtirish hisobidan tashkil etiladi.

Bandlik va mehnat munosabatlari vazirligi Oʻzbekiston kasaba uyushmalari Federatsiyasi Kengashi bilan birgalikda shtat birliklari qisqartirilgan xodimlarni ish bilan taʼminlashga koʻmaklashish choralarini koʻrsin.

15. Vazirlar Mahkamasi:

a) ikki hafta muddatda:

Mahallabay ishlash va tadbirkorlikni rivojlantirish agentligi faoliyatini tashkil etish chora-tadbirlari toʻgʻrisidagi qarorni;

hokim yordamchilari va markazlarning asosiy vazifalari, funksiyalari, huquqlari, vakolatlari va javobgarligini belgilash boʻyicha namunaviy nizomni tasdiqlasin;

b) 2022-yil 1-mayga qadar:

“business.gov.uz” yagona interaktiv portalini oʻrnatilgan tartibda Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil (keyingi oʻrinlarda — Tadbirkorlarning huquqlarini himoya qilish boʻyicha vakil) tasarrufiga begʻaraz ravishda oʻtkazib bersin;

Tadbirkorlarning huquqlarini himoya qilish boʻyicha vakil, Iqtisodiy taraqqiyot va kambagʻallikni qisqartirish vazirligi hamda Savdo-sanoat palatasi bilan birgalikda tadbirkorlik subyektlarining murojaatlarini qabul qilish, umumlashtirish, monitoring olib borish va nazorat qilishning yangi tizimini joriy etish boʻyicha normativ-huquqiy hujjat loyihasini Oʻzbekiston Respublikasi Prezidenti Administratsiyasiga kiritsin.

Bunda, jumladan, quyidagilar nazarda tutilsin:

“Onlayn mahalla” elektron platformasini “business.gov.uz” yagona interaktiv portaliga integratsiya qilish orqali tadbirkorlarning murojaatlarini hokim yordamchilari tomonidan mahallaning oʻzida koʻrib chiqish va hal etish, ularning vakolatiga kirmaydigan masalalar boʻyicha murojaatlarni tegishli vakolatli organlar tomonidan koʻrib chiqish uchun “business.gov.uz” yagona interaktiv portaliga kiritish;

vakolatli organlar tomonidan “business.gov.uz” yagona interaktiv portali orqali kelib tushgan murojaatlarning qonunchilikda belgilangan tartibda koʻrib chiqilishini Tadbirkorlarning huquqlarini himoya qilish boʻyicha vakil tomonidan tashkillashtirish va nazorat qilish, shuningdek jismoniy va yuridik shaxslarning murojaatlari toʻgʻrisidagi qonunchilikni buzganlik uchun taʼsir choralarini qoʻllash;

Tadbirkorlarning huquqlarini himoya qilish boʻyicha vakil tomonidan Iqtisodiy taraqqiyot va kambagʻallikni qisqartirish vazirligi va Savdo-sanoat palatasi bilan birgalikda tadbirkorlikni rivojlantirishga toʻsqinlik qilayotgan sabablar va sharoitlarni hududlar va sohalar kesimida doimiy ravishda tahlil qilish va tizimlashtirish, Oʻzbekiston Respublikasi Prezidenti Administratsiyasiga ishbilarmonlik muhitini yaxshilash hamda qonunchilikni takomillashtirish boʻyicha har chorakda aniq takliflar kiritish;

Savdo-sanoat palatasi qoshida tashkil etilgan “Sall-markaz” xizmati hamda “business.gov.uz” yagona interaktiv portali axborot tizimidan foydalanish uchun zarur mablagʻlarni Davlat budjeti parametrlarida koʻzda tutish.

16. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ikki hafta muddatda tuman (shahar) hokimlari tomonidan:

Hokim yordamchilari faoliyatini tashkil etish tartibi toʻgʻrisidagi nizomni, markazlarning ustavi va tuzilmasini tasdiqlanishi;

hokim yordamchilari va markazlarni tegishli bino (xona), moddiy-texnika va zamonaviy axborot vositalari (mebel, kompyuter toʻplami, aloqa, Internet va boshqalar) bilan taʼminlanishi boʻyicha choralar koʻrsin.

17. Moliya vazirligi (T.A. Ishmetov), Axborot texnologiyalari va kommunikatsiyalarini rivojlantirish vazirligi (Sh.X. Shermatov):

hokim yordamchilari va respublika vakillariga “Ijtimoiy himoya yagona reyestri” axborot tizimiga ulangan, masofadan turib hisobotlar taqdim etish hamda videokonferensaloqa shaklida yigʻilishlarda ishtirok etish imkonini beruvchi maxsus planshetlar ajratilishini taʼminlasin.

Davlat budjeti va davlat maqsadli jamgʻarmalari mablagʻlari hisobidan beriladigan ijtimoiy nafaqalar, subsidiya va imtiyozli kreditlar uchun arizalarni maxsus planshetlarda qabul qilib olish va roʻyxatdan oʻtkazish koʻnikmalari boʻyicha oʻquv-treninglarini tashkil etsin.

18. Bosh vazir oʻrinbosari J.A. Qoʻchqorov:

har haftada Respublika komissiyasi, respublika vakillari, hududlarni ijtimoiy-iqtisodiy rivojlantirish masalalari boʻyicha sektor rahbarlari, hokimlarning birinchi oʻrinbosarlari va hokim yordamchilari ishtirokida mahallalarda amalga oshirilayotgan ishlarni muhokama qilsin;

har haftada hududlarga chiqib, mahallabay ishlash tizimi asosida amalga oshirilayotgan ishlarni joyida oʻrganib borsin, hokim yordamchilari va respublika vakillari faoliyatining samarali tashkil etilishini taʼminlasin;

har oyda amalga oshirilgan ishlar natijalari toʻgʻrisida Oʻzbekiston Respublikasi Prezidenti Administratsiyasiga axborot kiritib borsin.

Respublika vakillari va hokim yordamchilarining mazkur qarorda belgilangan vazifalardan boshqa ishlarni bajarishga, shu jumladan yigʻilishlarga Bosh vazir oʻrinbosari J. Qoʻchqorov ruxsatisiz jalb etish taqiqlansin.

20. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga mahalliy davlat hokimiyati organlari tashkiliy tuzilmasini isloh qilish boʻyicha amalga oshirilayotgan ishlarni keng yoritib borish tavsiya etilsin.

21. Iqtisodiy taraqqiyot va kambagʻallikni qisqartirish vazirligi Adliya vazirligi hamda manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

22. Mazkur qaror ijrosini samarali tashkil qilishga masʼul va shaxsiy javobgar etib iqtisodiy taraqqiyot va kambagʻallikni qisqartirish vazirining birinchi oʻrinbosari S.M. Xolxoʻjayev hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Bosh vazir oʻrinbosari J.A. Qoʻchqorov zimmasiga mazkur qaror ijrosi uchun masʼul idoralar faoliyatini muvofiqlashtirish, hokim yordamchisi faoliyatini joylarda tashkil etish hamda mazkur tizimni amaliyotga toʻliq tatbiq qilish yuzasidan kunlik nazoratni amalga oshirish yuklansin.

Oʻzbekiston Respublikasi Prezidenti Administratsiyasi (R.A. Gulyamov, B.M. Mavlonov) amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga har oy yakuni boʻyicha axborot kiritib borsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 3-dekabr,

PQ-31-son

Oʻzbekiston Respublikasi Prezidentining 2021-yil 3-dekabrdagi PQ-31-son qaroriga 1-ILOVA

Hokim yordamchilari faoliyatini tashkil etish boʻyicha respublika komissiyasi

TARKIBI

T/r F.I.O. Lavozimi Hudud 1. J.A. Qoʻchqorov Bosh vazir oʻrinbosari — iqtisodiy taraqqiyot va kambagʻallikni qisqartirish vaziri, Respublika komissiyasi raisi 2. S.S. Annaklichev “Oʻzsanoatqurilishbank” ATB boshqaruvi raisi Qoraqalpogʻiston Respublikasi 3. A.A. Kamalov Markaziy bank raisining oʻrinbosari Andijon viloyati 4. O.A. Butayev “Mikrokreditbank” ATB boshqaruvi raisi Buxoro viloyati 5. R.U. Mamatqulov “Agrobank” ATB boshqaruvi raisi Jizzax viloyati 6. N.B. Xusanov Bandlik va mehnat munosabatlari vaziri Qashqadaryo viloyati 7. Ch.S. Mirzayev “Turon bank” ATB boshqaruvi raisi Navoiy viloyati 8. N.N. Saydullayev “Asaka” banki boshqaruvi raisi Namangan viloyati 9. A.K. Mirsoatov “Oʻzmilliybank” AJ boshqaruvi raisi Samarqand viloyati 10. S.M. Xolxoʻjayev iqtisodiy taraqqiyot va kambagʻallikni qisqartirish vazirining birinchi oʻrinbosari Surxondaryo viloyati 11. B.E. Zaxidov Markaziy bank raisining birinchi oʻrinbosari Sirdaryo viloyati 12. Sh.X. Atabayev AT “Xalq banki” boshqaruvi raisi Toshkent viloyati 13. A.A. Muratov “Qishloq qurilish bank” ATB boshqaruvi raisi Fargʻona viloyati 14. N.K. Musamuxamedov Davlat bojxona qoʻmitasi raisining oʻrinbosari Xorazm viloyati 15. Sh.D. Kudbiyev Davlat soliq qoʻmitasi raisi Toshkent shahri 16. Lavozimiga koʻra Mahallabay ishlash va tadbirkorlikni rivojlantirish agentligi direktori oʻrinbosari, Respublika komissiyasi kotibi

Izoh: Respublika komissiyasi aʼzolari boshqa ishga oʻtgan taqdirda uning tarkibiga ushbu lavozimga yangidan tayinlangan yoki zimmasiga tegishli vazifalar yuklatilgan shaxslar kiritiladi.

Oʻzbekiston Respublikasi Prezidentining 2021-yil 3-dekabrdagi PQ-31-son qaroriga 2-ILOVA

2022-yilda aholini tadbirkorlik faoliyatini yoʻlga qoʻyish, oʻzini oʻzi band qilish va ish bilan taʼminlash boʻyicha ajratiladigan subsidiyalarning hududlar kesimida

MAQSADLI PARAMETRLARI

mln soʻm T/r Hududlar nomi Jami shu jumladan Aholining oʻzini oʻzi band qilish va bandligini taʼminlash, shuningdek ularga tadbirkorlik faoliyatini yoʻlga qoʻyish uchun ajratiladigan mablagʻlar shundan Fermer, dehqon xoʻjaliklari va tomorqa yer egalari Kengashi mablagʻlari Mahalla infratuzilmasini yaxshilash uchun Hokim yordamchilariga ajratiladigan mablagʻ “Saxovat va koʻmak” jamgʻarmasi (“Temir daftar”) “Ayollar daftari” jamgʻarmasi “Yoshlar daftari” jamgʻarmasi Bandlikka koʻmaklashish davlat jamgʻarmasi mablagʻlari hisobidan Jamoat ishlari jamgʻarmasi mablagʻlari hisobidan JAMI 2 159 146 1 007 895 785 871 222 024 50 000 250 000 250 551 300 350 300 350 1. Qoraqalpogʻiston Respublikasi 129 103 70 847 59 266 11 581 3 000 13 856 12 200 14 600 14 600 2. Andijon viloyati 168 946 83 207 62 112 21 095 4 000 23 059 14 280 22 200 22 200 3. Buxoro viloyati 140 107 79 361 65 265 14 096 4 000 14 045 7 101 17 800 17 800 4. Jizzax viloyati 99 894 53 576 45 797 7 779 3 500 10 218 8 200 12 200 12 200 5. Qashqadaryo viloyati 178 571 86 134 65 873 20 261 1 500 24 137 18 000 24 400 24 400 6. Navoiy viloyati 113 381 47 851 40 260 7 591 8 500 7 330 14 200 17 750 17 750 7. Namangan viloyati 182 263 88 513 70 486 18 027 4 000 20 750 21 200 23 900 23 900 8. Samarqand viloyati 196 953 78 993 52 621 26 372 5 500 28 560 24 300 29 800 29 800 9. Surxondaryo viloyati 164 132 93 515 74 700 18 815 4 000 19 417 16 800 15 200 15 200 10. Sirdaryo viloyati 88 971 54 344 48 644 5 700 1 000 6 227 9 800 8 800 8 800 11. Toshkent viloyati 217 148 92 793 69 042 23 751 2 000 21 485 36 070 32 400 32 400 12. Fargʻona viloyati 210 224 91 095 67 875 23 220 4 500 27 629 28 000 29 500 29 500 13. Xorazm viloyati 123 866 60 709 48 355 12 354 4 500 13 657 14 200 15 400 15 400 14. Toshkent shahri 145 588 26 958 15 575 11 383 19 630 26 200 36 400 36 400

Oʻzbekiston Respublikasi Prezidentining 2021-yil 3-dekabrdagi PQ-31-son qaroriga 3-ILOVA

Hokim yordamchisi tomonidan tavsiya beriladigan kredit, subsidiya, grant va moddiy yordam turlarining

ROʻYXATI

T/rKredit, subsidiya, grant yoki moddiy yordam turiXulosa mazmuniXulosa kimga taqdim etilishi1.Oilaviy tadbirkorlikni tashkil etish uchun tijorat banki krediti.Kredit taqdim etish yuzasidan tavsiyaIjobiy tavsiya — tijorat bankigaRad etish toʻgʻrisida — fuqaroga2.Yengil konstruksiyali issiqxonalar oʻrnatish uchun — bazaviy hisoblash miqdorining 30 baravarigacha miqdorda uchun subsidiya ajratish.Subsidiya ajratish yuzasidan tavsiyaIjobiy tavsiya — Mahallabay ishlash va tadbirkorlikni rivojlantirish markazi (keyingi oʻrinlarda — Markaz)Rad etish toʻgʻrisida — fuqaroga3.Sugʻorish vositalarini xarid qilish uchun — bazaviy hisoblash miqdorining 10 baravarigacha miqdorda uchun subsidiya ajratish.Subsidiya ajratish yuzasidan tavsiyaIjobiy tavsiya — MarkazgaRad etish toʻgʻrisida — fuqaroga4.Urugʻliklar va koʻchatlar sotib olish uchun — bazaviy hisoblash miqdorining 3 baravarigacha miqdorda uchun subsidiya ajratish.Subsidiya ajratish yuzasidan tavsiyaIjobiy tavsiya — MarkazgaRad etish toʻgʻrisida — fuqaroga5.Qishloq xoʻjaligi kooperativlari ustav fondiga ulush sifatida kiritishi uchun — bazaviy hisoblash miqdorining 10 baravarigacha miqdorda uchun subsidiya ajratish.Subsidiya ajratish yuzasidan tavsiyaIjobiy — MarkazgaRad etish toʻgʻrisida — fuqaroga6.“Oʻzbekipaksanoat” uyushmasi tarkibidagi qoʻlda gilam va ipak mato toʻqish bilan shugʻullanuvchilarga Aholini tadbirkorlikka jalb qilish jamgʻarmasi mablagʻlari hisobidan 3 tadan kam boʻlmagan ish oʻrni yaratish sharti bilan gilam va ipak mato toʻqish dastgohini xarid qilishga sarflanadigan xarajatlarni qoplash uchun — har bir dastgoh uchun bazaviy hisoblash miqdorining 10 baravari miqdorida subsidiya ajratish.Subsidiya ajratish yuzasidan tavsiyaIjobiy tavsiya — MarkazgaRad etish toʻgʻrisida — ish beruvchiga7.“Yaylov xoʻjaligini rivojlantirish” uyushmasi aʼzolariga qoʻl mehnati uchun uskunalar xarid qilish boʻyicha xarajatlarni qoplash uchun kamida bitta ish oʻrni yaratish sharti bilan bazaviy hisoblash miqdorining 10 baravari miqdorida subsidiya ajratish.Subsidiya ajratish yuzasidan tavsiyaIjobiy tavsiya — MarkazgaRad etish toʻgʻrisida — ish beruvchiga8.Tadbirkorlik va oʻzini oʻzi band qilish faoliyatini boshlamoqchi boʻlgan ishsiz, shu jumladan “Temir daftar”, “Ayollar daftari” va “Yoshlar daftari”ga kiritilgan fuqarolarga faoliyatini boshlash uchun kerak boʻlgan asbob-uskuna, mehnat qurollarini xarid qilish uchun 7 million soʻmgacha subsidiyalar ajratish.Subsidiya ajratish yuzasidan tavsiyaIjobiy tavsiya — MarkazgaRad etish toʻgʻrisida — fuqaroga9.Tadbirkorlik faoliyatini boshlayotgan ishsiz fuqarolarga tadbirkorlik subyekti sifatida davlat roʻyxatidan oʻtgandan soʻng dastlabki uch oy mobaynida olingan bino va insh?otning ijara toʻlovi uchun subsidiya ajratish.Subsidiya ajratish yuzasidan tavsiyaIjobiy tavsiya — MarkazgaRad etish toʻgʻrisida — fuqaroga10.Hunarmandlarning “Hunarmand” uyushmasiga aʼzolik badali xarajatlarini qoplash uchun subsidiya ajratish.Subsidiya ajratish yuzasidan tavsiyaIjobiy tavsiya — Markazga Rad etish toʻgʻrisida — fuqaroga11.Oʻrmon fondi yerlarini ijaraga olgan ijarachilar Aholi bandligiga koʻmaklashish markazida (keyingi oʻrinlarda — ABKM) roʻyxatdan oʻtgan ishsiz shaxslarni ishga qabul qilgan taqdirda, ularga ish haqi toʻlash xarajatlarini qoplash uchun — 6 oy davomida oʻrtacha ish haqining 50 foizi miqdorida, biroq har bir oy uchun bazaviy hisoblash miqdorining 2 barobaridan oshmagan miqdorda subsidiya ajratish.Subsidiya ajratish yuzasidan tavsiyaIjobiy tavsiya — ABKMgaRad etish toʻgʻrisida — ish beruvchiga12.Usta-shogird anʼanalari asosida yoshlarga hunar oʻrgatayotgan kulollarga shogirdlar tayyorlashi, zarur xom ashyo sotib olishi va shogirdlarni ish haqi bilan taʼminlashi uchun subsidiya ajratish.Subsidiya ajratish yuzasidan tavsiyaIjobiy tavsiya — MarkazgaRad etish toʻgʻrisida — kulollarga13.Kasb-hunar taʼlimi muassasalariga — band boʻlmagan shaxslar, ayniqsa, mehnat migratsiyasidan qaytgan fuqarolar, Ijtimoiy reyestrga kiritilgan oilalarda yashovchi xotin-qizlarni kasbga qayta oʻqitishga sarflanadigan xarajatlarni moliyalashtirish uchun grant ajratish.Grant ajratish yuzasidan tavsiyaIjobiy tavsiya — ABKMgaRad etish toʻgʻrisida — kasb-hunar taʼlimi muassasalariga14.Kasb-hunarga oʻqitish markazlari, kollejlar va oliy oʻquv yurtlarida kasb-hunarga tayyorlash, agrotexnologiya, bogʻdorchilik, sabzavotchilik, chorvachilik, parrandachilik, baliqchilik hamda asalarichilik sohasida fermer va dehqon xoʻjaliklarining rahbarlari va ishchilari hamda tomorqa yer egalarini qayta tayyorlash va malakasini oshirishni moliyalashtirish uchun grant ajratish.Grant ajratish yuzasidan tavsiyaIjobiy tavsiya — kasb-hunarga oʻqitish markazlari, kollejlar va oliy oʻquv yurtlariga Rad etish toʻgʻrisida — kasb-hunarga oʻqitish markazlari, kollejlar va oliy oʻquv yurtlariga15.Nodavlat kasb-hunarga oʻqitish markazlariga “Yoshlar daftari”ga kiritilgan yoshlarni tadbirkorlikka va kasb-hunarga oʻqitish uchun sarflangan xarajatlarning 75 foizigacha qismini “Yoshlar daftari” jamgʻarmasi mablagʻlari hisobidan qoplab berish.Oʻqitish xarajatlarini qoplab berish boʻyicha tavsiyaIjobiy tavsiya — tuman (shahar) vasiylik kengashiga Rad etish toʻgʻrisida — talabgorga 16.Tomorqa yer egasi boʻlgan yoki “Har bir yoshga — bir gektar” tamoyili asosida ikkilamchi ijara huquqi asosida ekin maydonlari ajratib berilgan yoshlarga urugʻlik va koʻchatlar xarid qilish uchun BHMning 8 baravarigacha miqdorda Vasiylik kengashi qaroriga muvofiq xarajatlarni toʻlab berish.Urugʻlik va koʻchatlar xarid qilish uchun xarajatlarni toʻlab berish yuzasidan tavsiyaIjobiy tavsiya — Vasiylik kengashigaRad etish toʻgʻrisida — fuqaroga17.“Yoshlar daftari”ga kiritilgan yosh tadbirkor yoki oʻzini oʻzi band qilgan shaxs sifatida soliq xizmati organlarida roʻyxatdan oʻtgan yosh fuqaroga faoliyatini amalga oshirayotgan noturar joyning 12 oygacha ijara xarajatlarining bir yilda 30 foizi, biroq BHMning 25 baravarigacha qismini qoplab berish.Ijara xarajatlarini qoplab berish boʻyicha tavsiyaIjobiy tavsiya — Vasiylik kengashigaRad etish toʻgʻrisida — fuqaroga18. Tadbirkorlik yoki oʻzini oʻzi band qilish faoliyatini boshlamoqchi boʻlgan yoshlarga asbob-uskuna yoki mehnat qurollari (motokultivatorlar, oʻt oʻrish oʻroq mashinalari, perforatorlar, payvandlash apparatlari, oʻsimliklarga ishlov berish qurilmalari, duradgorlik, chilangarlik, qurilish uskunalari, kompyuter jamlanmasi va boshqalar)ni xarid qilish uchun bazaviy hisoblash miqdorining 40 baravarigacha miqdorda Vasiylik kengashi qaroriga muvofiq subsidiya ajratish.Asbob uskuna va mehnat qurollari xarid qilish uchun subsidiya ajratish uchun tavsiyaIjobiy tavsiya — Vasiylik kengashigaRad etish toʻgʻrisida — fuqaroga19.“Har bir yoshga — bir gektar” tamoyili asosida gʻalladan boʻshagan yerlarda takror sugʻoriladigan yer maydonlaridan ekin ekish uchun va dehqon xoʻjaligi yuritish uchun ikkilamchi ijara huquqi asosida ekin maydonlarida ekin ekish uchun ikkilamchi ijaraga yer berish.Ikkilamchi ijara huquqi asosida ekin maydonlarini ajratib berish uchun tavsiyaIjobiy tavsiya — yer uchastkasi egalarigaRad etish toʻgʻrisida — fuqaroga20.“Ayollar daftari”ga kiritilgan xotin-qizlarga ajratilgan yer maydonlarini sugʻorish tizimi (artezian quduqlar, tomchilatib sugʻorish tizimi va boshqalar) va elektr energiyasi bilan taʼminlash, berilgan yerlarni oʻzlashtirish uchun (yer haydash, urugʻlik koʻchat xarid qilish va boshqalar) subsidiya ajratish.Subsidiya ajratish yuzasidan tavsiyaIjobiy tavsiya — ABKMgaRad etish toʻgʻrisida — fuqaroga21.Band boʻlmagan aholini haq toʻlanadigan jamoat ishlariga jalb qilish (ikki haftalik, lekin olti oydan koʻp boʻlmagan muddatga, ayrim hollarda esa Bandlik va mehnat munosabatlari vazirligi bilan kelishilgan holda, oʻn bir oygacha).Haq toʻlanadigan jamoat ishlariga jalb qilish boʻyicha tavsiyaIjobiy tavsiya — ABKMgaRad etish toʻgʻrisida — ish beruvchiga, band boʻlmagan fuqaroga

Izoh: hokim yordamchisi qonunchilik hujjatlarida nazarda tutilgan boshqa kredit, subsidiya, grant yoki moddiy yordam ajratish boʻyicha ham tavsiya berishi mumkin.

Oʻzbekiston Respublikasi Prezidentining 2021-yil 3-dekabrdagi PQ-31-son qaroriga 4-ILOVA

Hudud markazlari — shaharlar hokimliklari boshqaruv apparatining

NAMUNAVIY TASHKILIY TUZILMASI

Yordamchi — 1 Hokim Hokimning moliya-iqtisodiyot va kambagʻallikni qisqartirish masalalari boʻyicha birinchi oʻrinbosari — boʻlim boshligʻi Hokimning kapital qurilish, kommunikatsiyalar va kommunal xoʻjalik masalalari boʻyicha oʻrinbosari Hokim oʻrinbosari — shahar investitsiyalar va tashqi savdo boʻlimi boshligʻi Hokimning yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari Hokim oʻrinbosari — mahalla va oilani qoʻllab-quvvatlash boʻlimi boshligʻi Hokimining xotin-qizlar masalalari boʻyicha maslahatchisi* Tashkiliy-nazorat guruhi rahbari Yetakchi mutaxassis — 1 1-toifali mutaxassis — 0-1** Bosh mutaxassis — 1 yetakchi mutaxassis — 1 1-toifali mutaxassis — 1 Bosh mutaxassis — 1 Yetakchi mutaxassis — 0-1** Bosh mutaxassis — 1 Yetakchi mutaxassis — 0-1** Bosh mutaxassis — 1 Yetakchi mutaxassis — 1 Bosh mutaxassis — 1 Yetakchi mutaxassis — 1 1-toifali mutaxassis — 1** Mahallabay ishlash va tadbirkorlikni rivojlantirish markazi 26 — 220 Huquqni muhofaza qilish organlari faoliyati, harbiy safarbarlik va favqulodda vaziyatlar masalalari guruhi — 1 Bolalarni himoya qilish shuʼbasi mudiri — 1 Bosh mutaxassis — 1 Buxgalteriya 1-2** Axborot xizmati rahbari — matbuot kotibi 1 Bosh yuriskonsult 1 Devonxona Bosh mutaxassis — 1 Yetakchi mutaxassis — 1-2** Maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchi

* Hokimning oʻrinbosari maqomiga tenglashtirilgan, ushbu shtat birligi tuman mahalla va oilani qoʻllab-quvvatlash boʻlimi hisobidan saqlanadi.

** Boshqaruv xodimlarining cheklangan soni hudud markazi — shaharlarning toifasidan kelib chiqqan holda belgilanadi.

Boshqaruv xodimlarining cheklangan soni — 27 — 41 nafar.

Mahallabay ishlash va tadbirkorlikni rivojlantirish markazi boshqaruv xodimlari soni — 4 — 6 nafar.

Har bir mahallaga biriktirilgan hokim yordamchilari soni — 22 — 214 nafar.

Oʻzbekiston Respublikasi Prezidentining 2021-yil 3-dekabrdagi PQ-31-son qaroriga 5-ILOVA

Viloyat boʻysunuvidagi shaharlar hokimliklari boshqaruv apparatining

NAMUNAVIY TASHKILIY TUZILMASI

* Bekobod, Xonobod, Shirin va Quvasoy shaharlari hokimliklariga tegishli.

** Quvasoy shahar hokimligiga tegishli.

*** Hokimning oʻrinbosari maqomiga tenglashtirilgan, ushbu shtat birligi shahar mahalla va oilani qoʻllab-quvvatlash boʻlimi hisobidan saqlanadi.

**** Boshqaruv xodimlarining cheklangan soni viloyatga boʻysunuvchi shaharlarning toifasidan kelib chiqqan holda belgilanadi.

Boshqaruv xodimlarining cheklangan soni —19 — 37 nafar.

Mahallabay ishlash va tadbirkorlikni rivojlantirish markazi boshqaruv xodimlari soni — 3 — 5 nafar.

Har bir mahallaga biriktirilgan hokim yordamchilari soni — 4 — 68 nafar.

Oʻzbekiston Respublikasi Prezidentining 2021-yil 3-dekabrdagi PQ-31-son qaroriga 6-ILOVA

Qishloq tumanlari hokimliklari boshqaruv apparatining

NAMUNAVIY TASHKILIY TUZILMASI

* Taxtakoʻpir, Moʻynoq, Qoʻngʻirot, Toʻrtkoʻl, Amudaryo, Nukus, Shumanay, Taxiatosh, Xoʻjayli, Izboskan, Paxtaobod, Jalaquduq, Xoʻjaobod, Buloqboshi, Marhamat, Olot, Qorakoʻl, Mirzachoʻl, Forish, Baxmal, Yangiobod, Dehqonobod, Gʻuzor, Mirishkor, Shahrisabz, Kitob, Uchquduq, Tomdi, Pop, Chust, Kosonsoy, Yangiqoʻrgʻon, Chortoq, Uychi, Uchqoʻrgʻon, Bulungʻur, Urgut, Mirzaobod, Oqoltin, Xovos, Jarqoʻrgʻon, Qumqoʻrgʻon, Uzun, Termiz, Muzrabot, Sherobod, Boʻstonliq, Qibray, Zangiota, Toshkent, Ohangaron, Yangiyoʻl, Chinoz, Bekobod, Boʻka, Piskent, Dangʻara, Furqat, Beshariq, Oʻzbekiston, Quva, Fargʻona, Oltiariq, Rishton, Soʻx, Bogʻot, Yangiariq, Xiva, Qoʻshkoʻpir, Shovot, Gurlan tumanlari hokimliklariga tegishli.

** Kegeyli, Mirishkor, Chiroqchi, Payariq, Pastdargʻom, Xovos, Sherobod, Denov, Qiziriq, Qoʻrgʻontepa, Asaka, Romitan, Zomin, Nishon, Sirdaryo, Sariosiyo va Hazorasp tumanlari hokimliklariga tegishli.

*** Davlatobod va Yangi Namangan tumanlariga tatbiq etilmaydi.

**** Boshqaruv xodimlarining cheklangan soni qishloq tumanlarining toifasidan kelib chiqqan holda belgilanadi.

***** Hokimning oʻrinbosari maqomiga tenglashtirilgan, ushbu shtat birligi tuman mahalla va oilani qoʻllab-quvvatlash boʻlimi hisobidan saqlanadi.

****** Boʻstonliq tumaniga tegishli.

Boshqaruv xodimlarining cheklangan soni — 20 — 45 nafar.

Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchisi shtat birliklari ishlab chiqarish xodimlari sanalib, boshqaruv xodimlari shtat birligiga kiritilmaydi va mahallalar sonidan kelib chiqib, har bir mahallaga bittadan shtat birligi ajratish orqali belgilanadi.

Mahallabay ishlash va tadbirkorlikni rivojlantirish markazi boshqaruv xodimlari soni — 3 — 6 nafar.

Har bir mahallaga biriktirilgan hokim yordamchilari soni — 4 — 109 nafar.

Oʻzbekiston Respublikasi Prezidentining 2021-yil 3-dekabrdagi PQ-31-son qaroriga 7-ILOVA

Toshkent shahar tuman hokimliklari boshqaruv apparatining

NAMUNAVIY TASHKILIY TUZILMASI

Jamoatchilik kengashi Hokim Yordamchi — 1 Hokimning moliya-iqtisodiyot va kambagʻallikni qisqartirish masalalari boʻyicha birinchi oʻrinbosari — boʻlim boshligʻi Hokimning arxitektura, kapital qurilish, kommunikatsiyalarni rivojlantirish masalalari boʻyicha oʻrinbosari Hokimning uy-joy, kommunal xizmat koʻrsatish va obodonlashtirish masalalari boʻyicha oʻrinbosari Hokim oʻrinbosari — tuman investitsiyalar va tashqi savdo boʻlimi boshligʻi Hokimning yoshlar siyosati, ijtimoiy rivojlantirish va maʼnaviy-maʼrifiy ishlar masalalari boʻyicha oʻrinbosari Hokim oʻrinbosari — mahalla va oilani qoʻllab-quvvatlash boʻlimi boshligʻi Hokimining xotin-qizlar masalalari boʻyicha maslahatchisi* Hokim oʻrinbosari — yoshlik shaharchasi hokimi** Matbuot kotibi — axborot siyosati masalalari boʻyicha maslahatchi Hokim apparati rahbari Tashkiliy-kadrlar guruhi Rahbar — 1 Bosh mutaxassis — 1 Tashkiliy-nazorat guruhi Rahbar — 1 Bosh mutaxassis — 1 Bosh yuriskonsult — 1 Bosh mutaxassis — 1 Bosh mutaxassis — 1 Bosh mutaxassis — 1 Bosh mutaxassis — 1 Bosh mutaxassis — 1 Yetakchi mutaxassis — 1* Bosh mutaxassis — 1 Kotibiyat mudiri — 1** Bosh mutaxassis — 3** Yetakchi mutaxassis — 2** Bosh mutaxassis — 1 Axborot texnologiyalari boʻyicha mutaxassis — 1 Buxgalteriya — 2 Voyaga yetmaganlar ishlari boʻyicha idoralararo hududiy komissiya masʼul kotibi — 3 Iqtisodiy taraqqiyot va kambagʻallikni qisqartirish boʻlimi 4-5* Qurilish boʻlimi 0 — 3* Uy-joy va kommunal xizmat boʻlimi 3-4* Investitsiyalar va tashqi savdo boʻlimi 3-4* Devonxona Mudir — 1* Bosh mutaxassis — 1 Moliya boʻlimi Yer resurslari va davlat kadastri boʻlimi “Obodonlashtirish” boshqarmasi Davlat sanitariya-epidemiologiya markazi Madaniyat boʻlimi Maʼnaviy-maʼrifiy ishlar samara-dorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchi Statistika boʻlimi Maktabgacha taʼlim boʻlimi Veterinariya boshqarmasi Davlat soliq inspeksiyasi Mahallabay ishlash va tadbirkorlikni rivojlantirish markazi 21 — 75 Xalq taʼlimi boʻlimi Tibbiyot birlashmasi Bandlikka koʻmaklashish Jismoniy tarbiya va sport boʻlimi

Boshqaruv xodimlarining cheklangan soni — 38 — 58 nafar.

* Boshqaruv xodimlarining cheklangan soni tumanlarning toifasidan kelib chiqqan holda belgilanadi

** Olmazor tumani hokimligiga tegishli

Mahallabay ishlash va tadbirkorlikni rivojlantirish markazi boshqaruv xodimlari soni — 3 — 5 nafar.

Har bir mahallaga biriktirilgan hokim yordamchilari soni — 18 — 70 nafar.

Oʻzbekiston Respublikasi Prezidentining 2021-yil 3-dekabrdagi PQ-31-son qaroriga 8-ILOVA

Tuman (shahar) mahallabay ishlash va tadbirkorlikni rivojlantirish markazlari xodimlarining

CHEKLANGAN SONI

Bir tuman (shahar)da mavjud mahallalar soni Har bir tuman (shahar)da Mahallabay ishlash va tadbirkorlikni rivojlantirish markazi xodimlari soni (birlikda) 20 tagacha 3 21 tadan 40 tagacha 4 41 tadan 70 tagacha 5 71 ta va undan ortiq 6