Oʻzbekiston Respublikasi Oliy Majlisi Senati Kengashining qarorlarini tasdiqlash toʻgʻrisida (SQ-441-IV-son)

19.11.2021

Oʻzbekiston Respublikasi Oliy Majlisi Senatining

Qarori

“Oʻzbekiston Respublikasi Oliy Majlisining Senati toʻgʻrisida”gi Oʻzbekiston Respublikasi Konstitutsiyaviy Qonunining 9-moddasiga muvofiq Oʻzbekiston Respublikasi Oliy Majlisining Senati qaror qiladi:

1. Oʻzbekiston Respublikasi Oliy Majlisi Senati Kengashining qarorlari ilovaga muvofiq tasdiqlansin.

2. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2021-yil 19-noyabr,

SQ-441-IV-son

Oʻzbekiston Respublikasi Oliy Majlisi Senatining 2021-yil 19-noyabrdagi SQ-441-IV-sonli qaroriga ILOVA

Oʻzbekiston Respublikasi Oliy Majlisi Senati Kengashi qarorlarining roʻyxati

Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2021-yil 28-oktabrdagi “Oʻzbekiston Respublikasi Oliy Majlisining Bola huquqlari boʻyicha vakili (Bolalar ombudsmani) faoliyatini tashkil etish toʻgʻrisida”gi 1445-IV/KQ-275-IV-sonli Qoʻshma qarori;

Oʻzbekiston Respublikasi Oliy Majlisi Senati Kengashining 2021-yil 15-noyabrdagi “B.M. Sharipovni Senatning Orolboʻyi mintaqasini rivojlantirish masalalari qoʻmitasi tarkibidan chiqarish toʻgʻrisida”gi KQ-277-IV-sonli qarori.