“Toshkent shahrida yer usti halqa metro liniyalarining qurilishi” loyihasining texnik-iqtisodiy hisobini tasdiqlash toʻgʻrisida (715-son)

26.11.2021

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Toshkent shahrida yer usti halqa metro liniyalarining qurilishi” loyihasini amalga oshirish chora-tadbirlari toʻgʻrisida” 2017-yil 19-maydagi PQ-2979-son qarori ijrosini taʼminlash, shuningdek, transport infratuzilmasidan yanada samarali foydalanishni tashkil etish, Toshkent metropolitenining avtobus shohbekatlari bilan uzviy bogʻliqligini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Toshkent shahrida yer usti halqa metro liniyalarining qurilishi” loyihasini amalga oshirish chora-tadbirlari toʻgʻrisida” 2017-yil 19-maydagi PQ-2979-son qarori hamda “Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2018-yil 24-maydagi PF-5447-son Farmoniga muvofiq “Toshkent shahrida yer usti halqa metro liniyalarining qurilishi” loyihasi amalga oshirilayotganligi maʼlumot uchun qabul qilinsin.

2. “Toshkent shahrida yer usti halqa metro liniyalarining qurilishi” loyihasining texnik-iqtisodiy hisobi ilovaga muvofiq tasdiqlansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 26-noyabr,

715-son

Vazirlar Mahkamasining 2021-yil 26-noyabrdagi 715-son qaroriga ILOVA

“Toshkent shahrida yer usti halqa metro liniyalarining qurilishi” loyihasining asosiy texnik-iqtisodiy koʻrsatkichlari

T/r Koʻrsatkich nomlanishi Oʻlchov birligi Jami shu jumladan: Davlat budjeti mablagʻi Tiklanish va taraqqiyot jamgʻarmasi krediti Xitoy Xalq Respublikasining Eksimbanki krediti Davlat ulushi 1. Loyihaning umumiy qiymati ming AQSh dollari ekv. 354 364,79 208 398,23 108 390,20 500,00 37 076,36 2. Kapital qoʻyilmalar qiymati, shu jumladan: ming AQSh dollari ekv. 317 288,43 208 398,23 108 390,20 500,00 2.1. mashina va uskunalar ming AQSh dollari ekv. 61 004,89 12 345,80 48 159,09 500,00 2.2. qurilish-montaj ishlari ming AQSh dollari ekv. 238 453,17 180 722,06 57 731,11 2.3. investitsiya davridagi moliyaviy xarajatlar ming AQSh dollari 3 642,79 3 642,79 2.4. boshqa xarajatlar ming AQSh dollari ekv. 14 187,58 11 687,58 2 500,00 3. Qoʻshilgan qiymat soligʻi va bojxona imtiyozlari koʻrinishida, shu jumladan: ming AQSh dollari ekv. 37 076,36 37 076,36 3.1. qoʻshilgan qiymat soligʻi boʻyicha ming AQSh dollari ekv. 33 091,66 33 091,66 3.2. bojxona toʻlovlari boʻyicha ming AQSh dollari ekv. 3 942,35 3 942,35 3.3. foizlarga soliqlar ming AQSh dollari ekv. 42,35 42,35 4. Mavjud asosiy fondlar qiymati ming AQSh dollari ekv. hisobga olinmagan 5. Korxonaning quvvati, shu jumladan: yoʻlning uzunligi km 25,92 yoʻlovchilar aylanmasi yiliga ming yoʻlovchi 35 102,30 6. Ishga joylashtirish moʻljallanayotganlar soni kishi 681 7. Investitsiya davrining davomiyligi oy 51 8. Kredit va boshqa qarz mablagʻlarini soʻndirish muddati: Tiklanish va taraqqiyot jamgʻarmasi, shu jumladan, imtiyozli davr yil 15 4 Xitoy Xalq Respublikasining Eksimbanki, shu jumladan, imtiyozli davr yil 20 5