Fuqarolarning oʻzini oʻzi boshqarish organlari huzuridagi tadbirkorlik faoliyatini rivojlantirishga koʻmaklashish boʻyicha maslahat markazining namunaviy nizomining 8-bandiga oʻzgartirish kiritish haqida (2499-3-son)

23.11.2021

Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Oʻzbekiston Respublikasi Moliya vazirligi Oʻzbekiston Respublikasi Davlat soliq qoʻmitasining

Qarori

[Oʻzbekiston Respublikasi Adliya vazirligi tomonidan 2021-yil 23-noyabrda roʻyxatdan oʻtkazildi, roʻyxat raqami 2499-3]

Oʻzbekiston Respublikasining “Tomorqa xoʻjaligi toʻgʻrisida”gi Qonuniga muvofiq Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Moliya vazirligi, Davlat soliq qoʻmitasi qaror qiladi:

1. Oʻzbekiston Respublikasi Iqtisodiyot vazirligi, Moliya vazirligi, Davlat soliq qoʻmitasining 2013-yil 24-iyundagi 36, 62 va 2013-34-son qarori (roʻyxat raqami 2499, 2013-yil 8-avgust) (Oʻzbekiston Respublikasi qonun hujjatlari toʻplami, 2013-y., 32-son, 435-modda) bilan tasdiqlangan Fuqarolarning oʻzini oʻzi boshqarish organlari huzuridagi tadbirkorlik faoliyatini rivojlantirishga koʻmaklashish boʻyicha maslahat markazining namunaviy nizomining 8-bandi oʻninchi xatboshisidagi “shaxsiy tomorqa xoʻjaliklardan” degan soʻzlar “tomorqa xoʻjaliklardan” degan soʻzlar bilan almashtirilsin.

2. Mazkur qaror Oʻzbekiston Respublikasi Savdo-sanoat palatasi, Mahalla va oilani qoʻllab-quvvatlash vazirligi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Iqtisodiy taraqqiyot va kambagʻallikni qisqartirish vaziri D. KUChKAROV

Toshkent sh.,

2021-yil 12-noyabr,

40-son

Moliya vaziri T. IShMETOV

Toshkent sh.,

2021-yil 5-noyabr,

64-son

Davlat soliq qoʻmitasi raisi Sh. KUDBIYEV

Toshkent sh.,

2021-yil 2-noyabr,

2021-40-son

Kelishildi:

Oʻzbekiston Savdo-sanoat palatasi Raisi A. IKRAMOV

2021-yil 2-noyabr

Mahalla va oilani qoʻllab-quvvatlash vaziri R. MAMATOV

2021-yil 4-noyabr