2022-2023-yillarga moʻljallangan Yangi Oʻzbekiston maʼmuriy islohotlari dasturini ishlab chiqish boʻyicha tashkiliy chora-tadbirlar toʻgʻrisida (F-5-son)

22.11.2021

Oʻzbekiston Respublikasi Prezidentining

farmoyishi

Maʼmuriy islohotlarni izchil davom ettirish yoʻlida oʻz yechimini kutayotgan masalalarni hal etish, Yangi Oʻzbekiston sharoitida davlat boshqaruvi va mahalliy davlat hokimiyati tizimining samaradorligini oshirish, ular faoliyatini natijadorlikka yoʻnaltirish orqali aholi farovonligini taʼminlash va “mobil boshqaruv apparati”ni yaratish, Oʻzbekiston Respublikasi Prezidentining saylovoldi dasturi hamda Oʻzbekiston Respublikasi Prezidenti lavozimiga kirishish marosimiga bagʻishlangan Oliy Majlis palatalarining qoʻshma majlisidagi maʼruzasi doirasida ilgari surilgan tashabbus va takliflarni realizatsiya qilish maqsadida:

1. Quyidagilar:

2022-2023-yillarga moʻljallangan Yangi Oʻzbekiston maʼmuriy islohotlari dasturini ishlab chiqishni muvofiqlashtiruvchi respublika komissiyasi (keyingi oʻrinlarda — Komissiya) 1-ilovaga muvofiq;

Davlat boshqaruvi organlarining maqomini belgilash, tuzilmalarini takomillashtirish va shtat birliklarini maqbullashtirish yuzasidan takliflarni ishlab chiqish boʻyicha ishchi guruhi 2-ilovaga muvofiq;

Davlat boshqaruvi organlari faoliyatida raqamli texnologiyalar, ochiqlik va davlat-xususiy sheriklikni rivojlantirish yuzasidan takliflarni ishlab chiqish boʻyicha ishchi guruhi 3-ilovaga muvofiq;

Davlat boshqaruvi organlarining moddiy-texnika taʼminotini takomillashtirish yuzasidan takliflarni ishlab chiqish boʻyicha ishchi guruhi 4-ilovaga muvofiq;

Davlat boshqaruvi organlarining kadrlar salohiyatini takomillashtirish yuzasidan takliflarni ishlab chiqish boʻyicha ishchi guruhi 5-ilovaga muvofiq;

Davlat boshqaruvi organlarida korrupsiyaning oldini olish yuzasidan takliflarni ishlab chiqish boʻyicha ishchi guruhi 6-ilovaga muvofiq;

Mahalliy davlat hokimiyati organlari faoliyatini tubdan takomillashtirish yuzasidan takliflarni ishlab chiqish boʻyicha ishchi guruhi 7-ilovaga muvofiq tashkil etilsin.

2. Komissiyaning asosiy vazifalari etib quyidagilar belgilansin:

maʼmuriy islohotlarni amalga oshirishda davlat boshqaruvi organlarining faoliyati oʻzaro kelishilgan tarzda, samarali olib borilishini, sustkashliklar va masʼuliyatsizlikka yoʻl qoʻymasligini taʼminlash, shuningdek, ishchi guruhlari ishini puxta va sifatli tashkil qilish, mazkur farmoyishda belgilangan chora-tadbirlar bilan bir qatorda ularning qoʻshimcha vazifa va funksiyalarini belgilash;

vazirliklar, davlat qoʻmitalari, qoʻmitalar, agentliklar, inspeksiyalar, markazlar va boshqa davlat boshqaruvi organlari (keyingi oʻrinlarda — vazirlik va idoralar)ning davlat siyosatini amalga oshirish, nazorat funksiyalarini bajarish, jismoniy va yuridik shaxslarga davlat xizmatlarini koʻrsatish sohasidagi funksiyalarini boʻlish;

vazirlik va idoralar faoliyatida aniq koʻrsatkichlar va maqsadli indikatorlarga erishish tizimini joriy qilish;

davlat boshqaruvi asoslari toʻgʻrisidagi qonunchilik hujjatlarining zamon talablariga mos ravishda puxta ishlab chiqilishi hamda kiritilishini taʼminlash.

3. Ishchi guruhlar rahbarlari R.Q. Davletov, Sh.X. Shermatov, T.A. Ishmetov, O.A. Xasanov, N.T. Yoʻldoshev, D.A. Kuchkarov 2022-2023-yillarga moʻljallangan Yangi Oʻzbekiston maʼmuriy islohotlari dasturi loyihasiga takliflar 8-ilovada belgilangan asosiy ustuvor yoʻnalishlarni inobatga olgan holda ishlab chiqilishini taʼminlasin.

4. 2022-2023-yillarga moʻljallangan Yangi Oʻzbekiston maʼmuriy islohotlari dasturining loyihasini ishlab chiqish sxemasi 9-ilovaga muvofiq tasdiqlansin.

5. Shunday tartib oʻrnatilsinki, unga muvofiq:

mazkur farmoyishning 2 — 7-ilovalariga muvofiq tashkil qilinayotgan ishchi guruhlari tomonidan tayyorlangan takliflar ishchi guruhi rahbarining imzosi bilan Oʻzbekiston Respublikasi Prezidenti Administratsiyasiga kiritiladi;

takliflar taqdimot koʻrinishida taqdim qilinadi hamda ularga tahliliy maʼlumotnoma va jadvallar, rivojlangan mamlakatlarning tajribasini oʻrganish boʻyicha maʼlumotnoma va boshqa materiallar, shuningdek, zarur hollarda, normativ-huquqiy hujjatlar loyihalari ilova qilinadi (keyingi oʻrinlarda — taqdimot materiallari);

Oʻzbekiston Respublikasi Prezidenti Administratsiyasi Vazirlar Mahkamasi hamda ishchi guruhlari bilan birgalikda taqdim qilingan taqdimot materiallarini koʻrib chiqadi hamda Komissiyaga kiritadi;

Komissiyaning yigʻilishida taqdimot materiallarini shaxsan ishchi guruhlari rahbarlari taqdimot qiladi.

6. Belgilansinki, ishchi guruhi aʼzolari asosiy ish joyidagi vazifalardan toʻliq ozod qilinadi hamda tegishli davr mobaynida ular uchun qonunchilikda belgilangan barcha shart-sharoitlar saqlab qolinadi.

Vazirlik va idoralar rahbarlari ikki kun muddatda ishchi guruhlari tarkibiga kiritilgan aʼzolar belgilangan tartibda oʻz ishida toʻliq faoliyat yuritishini taʼminlasin.

7. Ishchi guruhlari rahbarlari R.Q. Davletov, Sh.X. Shermatov, T.A. Ishmetov, O.A. Xasanov, N.T. Yoʻldoshev, D.A. Kuchkarov:

uch kun muddatda tashkiliy yigʻilishlarni oʻtkazib, tegishli yoʻnalish doirasida belgilangan vazifalar sifatli va oʻz vaqtida amalga oshirilishini taʼminlash boʻyicha savolnoma, tarmoq grafigi va taqdimot materiallari namunalarini tasdiqlasin hamda ishchi guruhi aʼzolarining vazifalar taqsimotini belgilasin;

ishchi guruhlari faoliyatini samarali tashkil qilish uchun barcha zarur choralarni amalga oshirsin;

har kuni tegishli ishchi guruhlari tomonidan tayyorlanayotgan takliflarning muhokamasini tashkil etib borsin, zarur hollarda, ushbu ishlarni boshqa ishchi guruhlari bilan birgalikda amalga oshirsin;

takliflarni tayyorlash jarayonida ishchi guruhlari oʻrtasida samarali va doimiy kommunikatsiya hamda hamkorlikni yoʻlga qoʻysin;

2022-yil 20-yanvarga qadar ishchi guruhlari tomonidan har tomonlama asoslantirilgan takliflar ishlab chiqilishini va ularning manfaatdor vazirlik va idoralar, shu jumladan mahalliy hokimliklar bilan kelishilishini hamda Oʻzbekiston Respublikasi Prezidenti Administratsiyasiga kiritilishini taʼminlasin.

8. Ishchi guruhlari rahbarlariga:

belgilangan vazifalarni amalga oshirishda vazirlik va idoralar, ilmiy va taʼlim muassasalari, xalqaro tashkilotlar mutaxassislari, shuningdek, mahalliy hamda xorijiy ekspert va maslahatchilarni jalb qilish;

jurnalist va blogerlarni jalb qilish hamda tayyorlanayotgan takliflarni ommaviy axborot vositalari va ijtimoiy tarmoqlarda yoritish, belgilangan vazifalar boʻyicha soʻrovnomalar tashkil qilish huquqi berilsin.

9. Tashqi ishlar vazirligi (A.X. Kamilov):

ishchi guruhlarining soʻrovlariga asosan Oʻzbekiston Respublikasining xorijiy mamlakatlardagi diplomatik vakolatxonalarini jalb qilgan holda tegishli masalalar yuzasidan rivojlangan davlatlarning tajribasini chuqur oʻrganib, ular boʻyicha maʼlumotlarning tezkor taqdim etilishini taʼminlasin;

ushbu maʼlumotlarni tayyorlashda xorijiy davlatlarning nufuzli ekspertlari, olimlari va mutaxassislari bilan uchrashuvlar va muhokamalar oʻtkazish (shu jumladan videokonferensaloqa shaklida), ulardagi asosiy normativ-huquqiy hujjatlarni tarjima qilish choralarini koʻrsin;

Investitsiyalar va tashqi savdo vazirligi bilan birgalikda xalqaro tashkilotlar va xalqaro moliya institutlaridan maʼmuriy islohotlar yuzasidan tayyorlangan tahliliy axborotlar va hisobotlar, shuningdek, tavsiya va takliflarini soʻrab olsin va ishchi guruhlariga taqdim etsin, zarur hollarda, ularning tajribali ekspertlarini ishchi guruhlari faoliyatiga jalb qilishga koʻmaklashsin;

Davlat xizmatini rivojlantirish agentligi, “El-yurt umidi” jamgʻarmasi bilan birgalikda zarur hollarda ishchi guruhlari aʼzolarini rivojlangan xorijiy davlatlarga qisqa muddatli xizmat safariga yuborishni tashkil etsin.

Bunda, ishchi guruhlari aʼzolarini xorijga yuborish bilan bogʻliq xarajatlar (transport, mehmonxona, kunlik va boshqalar) Davlat xizmatini rivojlantirishni qoʻllab-quvvatlash jamgʻarmasi mablagʻlari hisobidan qoplanadi.

10. Komissiya (A.N. Aripov, Z.Sh. Nizomiddinov):

2022-yil 10-fevralga qadar taqdimot materiallarini koʻrib chiqsin;

2022-yil 20-fevralga qadar har bir yoʻnalish boʻyicha Oʻzbekiston Respublikasi Prezidentiga taqdimot qilsin;

2022-yil 1-martga qadar 2022-2023-yillarda Yangi Oʻzbekiston maʼmuriy islohotlarini amalga oshirish boʻyicha “Yoʻl xaritasi”ni tasdiqlashni nazarda tutuvchi Oʻzbekiston Respublikasi Prezidenti Farmoni loyihasini kiritsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 22-noyabr,

F-5-son

Oʻzbekiston Respublikasi Prezidentining 2021-yil 22-noyabrdagi F-5-son farmoyishiga 1-ILOVA

2022-2023-yillarga moʻljallangan Yangi Oʻzbekiston maʼmuriy islohotlari dasturini ishlab chiqishni muvofiqlashtiruvchi respublika komissiyasi

TARKIBI

1. A.N. Aripov — Bosh vazir, komissiya raisi 2. Z.Sh. Nizomiddinov — Oʻzbekiston Respublikasi Prezidenti Administratsiyasi rahbari, komissiya hamraisi 3. S.S. Safoyev — Oliy Majlis Senati Raisining birinchi oʻrinbosari 4. A.X. Saidov — Oliy Majlis Qonunchilik palatasi Spikerining birinchi oʻrinbosari 5. R.A. Gulyamov — Oʻzbekiston Respublikasi Prezidentining maslahatchisi 6. Q.K. Kuranbayev — Oʻzbekiston Respublikasi Prezidenti maslahatchisining birinchi oʻrinbosari 7. D.A. Kuchkarov — Bosh vazir oʻrinbosari 8. S.U. Umurzakov — Bosh vazir oʻrinbosari 9. R.V. Abduqodirov — Vazirlar Mahkamasi apparati boshqaruvchisi 10. N.T. Yoʻldoshev — Bosh prokuror 11. B.M. Mavlonov — Oʻzbekiston Respublikasi Prezidenti Administratsiyasi departamenti rahbari 12. B.T. Turabov — Hisob palatasi raisining birinchi oʻrinbosari 13. R.Q. Davletov — adliya vaziri 14. T.A. Ishmetov — moliya vaziri 15. Sh.X. Shermatov — axborot texnologiyalari va kommunikatsiyalarini rivojlantirish vaziri 16. O.A. Xasanov — Davlat xizmatini rivojlantirish agentligi direktorining birinchi oʻrinbosari 17. D.N. Kalandarov — Vazirlar Mahkamasi apparati boshqarma boshligʻi, komissiya kotibi

Izoh: komissiya aʼzolari boshqa ishga oʻtgan taqdirda, uning tarkibiga mazkur lavozimga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.

Oʻzbekiston Respublikasi Prezidentining 2021-yil 22-noyabrdagi F-5-son farmoyishiga 2-ILOVA

Davlat boshqaruvi organlarining maqomini belgilash, tuzilmalarini takomillashtirish va shtat birliklarini maqbullashtirish yuzasidan takliflarni ishlab chiqish boʻyicha ishchi guruhi

TARKIBI

1. R.Q. Davletov — adliya vaziri, ishchi guruhi rahbari 2. Sh.A. Chulliyev — Oliy Majlis Senati qoʻmita raisi oʻrinbosari 3. D.J. Shirinov — Oliy Majlis Qonunchilik palatasi qoʻmita raisi 4. S.M. Xolxoʻjayev — iqtisodiy taraqqiyot va kambagʻallikni qisqartirish vazirining birinchi oʻrinbosari 5. J.I. Abruyev — moliya vaziri oʻrinbosari 6. X.X. Meliyev — adliya vaziri oʻrinbosari 7. R.R. Xakimov — oliy va oʻrta maxsus taʼlim vaziri oʻrinbosari 8. S.A. Mirzayev — Hisob palatasi shuʼba mudiri 9. J.I. Safarov — Vazirlar Mahkamasi apparati boʻlim mudiri 10. A.I. Roʻziyev — Vazirlar Mahkamasi apparati bosh mutaxassisi 11. N.Z. Saidaxmetova — Davlat xizmatini rivojlantirish agentligi boshqarma boshligʻi 12. F.X. Otaxonov — Oliy Majlis huzuridagi Qonunchilik muammolari va parlament tadqiqotlari instituti direktori 13. M.T. Turgunov — Fanlar akademiyasi huzuridagi Davlat va huquq instituti direktori 14. A.K. Rasulev — Adliya vazirligi huzuridagi Huquqiy siyosat tadqiqoti instituti direktori oʻrinbosari 15. B.A. Narimanov — Toshkent davlat yuridik universiteti kafedra mudiri 16. Sh.A. Xoʻjayev — Toshkent davlat yuridik universiteti kafedra mudiri 17. S.M. Syelimanova — Jamoat xavfsizligi universiteti kafedra mudiri 18. O.Z. Muxamedjanov — Toshkent davlat yuridik universiteti professori 19. F.A. Primov — Ichki ishlar vazirligi Akademiyasi ilmiy kotibi 20. N.M. Rustambekov — Adliya vazirligi boshqarma boshligʻi 21. Lavozimi boʻyicha — Davlat xavfsizlik xizmati masʼul xodimi 22. A.T. Dexkanov — Adliya vazirligi bosh maslahatchisi 23. K.I. Nigmatov — Adliya vazirligi bosh maslahatchisi 24. A.A. Sagdulloyev — Adliya vazirligi yetakchi maslahatchisi 25. E.I. Gimranov — “UZINFOCOM davlat axborot tizimlarini yaratish va qoʻllab-quvvatlash boʻyicha yagona integrator” MChJ direktori 26. B.B. Xodjayev — Oʻzbekiston Respublikasi Prezidenti Administratsiyasi shuʼba mudiri 27. B.B. Raxmatov — Oʻzbekiston Respublikasi Prezidenti Administratsiyasi shuʼba mudiri 28. E.E. Adilov — Oʻzbekiston Respublikasi Prezidenti Administratsiyasi bosh inspektori 29. K.M. Ochilov — Oʻzbekiston Respublikasi Prezidenti Administratsiyasi bosh inspektori 30. A.K. Kurultayev — Oʻzbekiston Respublikasi Prezidenti Administratsiyasi bosh inspektori 31. B.B. Karimov — Oʻzbekiston Respublikasi Prezidenti Administratsiyasi yetakchi inspektori 32. T.X. Abbosxonov — Oʻzbekiston Respublikasi Prezidenti Administratsiyasi yetakchi inspektori, ishchi guruhi masʼul kotibi

Izoh: ishchi guruhi aʼzolari boshqa ishga oʻtgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.

Oʻzbekiston Respublikasi Prezidentining 2021-yil 22-noyabrdagi F-5-son farmoyishiga 3-ILOVA

Davlat boshqaruvi organlari faoliyatida raqamli texnologiyalar, ochiqlik va davlat-xususiy sheriklikni rivojlantirish yuzasidan takliflarni ishlab chiqish boʻyicha ishchi guruhi

TARKIBI

1. Sh.X. Shermatov — axborot texnologiyalari va kommunikatsiyalarini rivojlantirish vaziri, ishchi guruhi rahbari 2. F.E. Bokiyev — Oliy Majlis Senati qoʻmita raisi oʻrinbosari 3. I.Z. Abdullayev — Oliy Majlis Qonunchilik palatasi qoʻmita raisi 4. O.Z. Nasritdinxodjayev — moliya vazirining birinchi oʻrinbosari 5. O.A. Pekos — axborot texnologiyalari va kommunikatsiyalarini rivojlantirish vazirining birinchi oʻrinbosari 6. A.M. Boboyev — iqtisodiy taraqqiyot va kambagʻallikni qisqartirish vaziri oʻrinbosari 7. Sh.U. Turdikulova — innovatsion rivojlanish vaziri oʻrinbosari 8. A.N. Karimov — adliya vaziri oʻrinbosari 9. S.B. Nadjimitdinov — Hisob palatasi shuʼba mudiri 10. D.M. Saidjanov — Axborot va ommaviy kommunikatsiyalar agentligi direktorining birinchi oʻrinbosari 11. D.I. Quryozov — Vazirlar Mahkamasi apparati bosh mutaxassisi 12. Z.A. Bozorov — Davlat-xususiy sheriklikni rivojlantirish agentligi direktori v.b. 13. N.U. Muxammadiyev — Davlat xizmatlari agentligi direktorining birinchi oʻrinbosari 14. J.N. Nematov — Toshkent davlat yuridik universiteti dotsenti 15. Lavozimi boʻyicha — Davlat xavfsizlik xizmati masʼul xodimi 16. B.M. Azizov — Adliya vazirligi boshqarma boshligʻi 17. A.A. Madaminov — Adliya vazirligi boshqarma boshligʻi 18. A.R. Mansurov — Axborot texnologiyalari va kommunikatsiyalarini rivojlantirish vazirligi boshqarma boshligʻi v.b. 19. B.M. Bekmurodov — “Yuksalish” umummilliy harakati raisi 20. E.S. Tulyakov — “Taraqqiyot strategiyasi” markazi ijrochi direktori 21. F.F. Abduxalikov — Oʻzbekiston Elektron ommaviy axborot vositalari milliy assotsiatsiyasi boshqaruvi raisi 22. D.M. Ziyamuxamedova — Oʻzbekiston Respublikasi Prezidenti Administratsiyasi shuʼba mudiri 23. Sh.Y. Ismailov — Oʻzbekiston Respublikasi Prezidenti Administratsiyasi shuʼba mudiri 24. A.M. Musayev — Oʻzbekiston Respublikasi Prezidenti Administratsiyasi shuʼba mudiri 25. S.S. Mirzaxoʻjayev — Oʻzbekiston Respublikasi Prezidenti Administratsiyasi bosh inspektori 26. M.Sh. Gaffarov — Oʻzbekiston Respublikasi Prezidenti Administratsiyasi bosh inspektori 27. E.B. Raxmonov — Oʻzbekiston Respublikasi Prezidenti Administratsiyasi bosh inspektori 28. F.R. Gulyamov — Oʻzbekiston Respublikasi Prezidenti Administratsiyasi bosh inspektori, ishchi guruhi masʼul kotibi

Izoh: ishchi guruhi aʼzolari boshqa ishga oʻtgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.

Oʻzbekiston Respublikasi Prezidentining 2021-yil 22-noyabrdagi F-5-son farmoyishiga 4-ILOVA

Davlat boshqaruvi organlarining moddiy-texnika taʼminotini takomillashtirish yuzasidan takliflarni ishlab chiqish boʻyicha ishchi guruhi

TARKIBI

1. T.A. Ishmetov — moliya vaziri, ishchi guruhi rahbari 2. E.F. Gadoyev — Oliy Majlis Senati qoʻmita raisi 3. D.K. Axmedov — Oliy Majlis Qonunchilik palatasi qoʻmita raisi oʻrinbosari 4. A.J. Ortiqov — Davlat aktivlarini boshqarish agentligi direktori 5. D.K. Adilov — qurilish vazirining birinchi oʻrinbosari 6. A.M. Boboyev — iqtisodiy taraqqiyot va kambagʻallikni qisqartirish vazirining oʻrinbosari 7. O.B. Rustamov — investitsiyalar va tashqi savdo vaziri oʻrinbosari 8. G.X. Raximova — moliya vaziri oʻrinbosari 9. A.A. Kamalov — Markaziy bank raisi oʻrinbosari 10. M.M. Mirzayev — Davlat soliq qoʻmitasi raisining birinchi oʻrinbosari 11. F.K. Umarov — Kadastr agentligi direktori 12. S.B. Nadjimitdinov — Hisob palatasi shuʼba mudiri 13. O.N. Qudratov — Vazirlar Mahkamasi apparati kotibiyat mudiri 14. E.E. Rustamov — Vazirlar Mahkamasi apparati kotibiyat mudiri oʻrinbosari 15. Lavozimi boʻyicha — Davlat xavfsizlik xizmati masʼul xodimi 16. B.M. Ortikov — Moliya vazirligi departament boshligʻi 17. N.N. Parpixodjayev — Adliya vazirligi boshqarma boshligʻi 18. D.A. Umarov — Adliya vazirligi boshqarma boshligʻi 19. F.F. Nazarov — Adliya vazirligi boʻlim boshligʻi 20. O.A. Mamatov — Davlat aktivlarini boshqarish agentligi huzuridagi Boʻsh turgan obyektlardan samarali foydalanishni tashkil etish markazi direktori 21. Sh.F. Ozodzoda — Oʻzbekiston Respublikasi Prezidenti Administratsiyasi shuʼba mudiri 22. A.B. Samadov — Oʻzbekiston Respublikasi Prezidenti Administratsiyasi bosh inspektori 23. A.U. Qayumov — Oʻzbekiston Respublikasi Prezidenti Administratsiyasi bosh inspektori 24. B.X. Xaydarov — Oʻzbekiston Respublikasi Prezidenti Administratsiyasi bosh inspektori 25. J.R. Sidikov — Oʻzbekiston Respublikasi Prezidenti Administratsiyasi bosh konsultanti 26. S.A. Talipov — Vazirlar Mahkamasi apparati bosh mutaxassisi, ishchi guruhi masʼul kotibi

Izoh: ishchi guruhi aʼzolari boshqa ishga oʻtgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.

Oʻzbekiston Respublikasi Prezidentining 2021-yil 22-noyabrdagi F-5-son farmoyishiga 5-ILOVA

Davlat boshqaruvi organlarining kadrlar salohiyatini takomillashtirish yuzasidan takliflarni ishlab chiqish boʻyicha ishchi guruhi

TARKIBI

1. O.A. Xasanov — Davlat xizmatini rivojlantirish agentligi direktorining birinchi oʻrinbosari, ishchi guruhi rahbari 2. B.S. Sayfullayev — Oliy Majlis Senati qoʻmita raisi 3. D.M. Ismailov — Oliy Majlis Qonunchilik palatasi deputati 4. E.M. Muxitdinov — bandlik va mehnat munosabatlari vazirining birinchi oʻrinbosari 5. K.X. Karimov — oliy va oʻrta maxsus taʼlim vazirining birinchi oʻrinbosari 6. D.S. Kattaxonova — Yoshlar ishlari agentligi direktori oʻrinbosari 7. J.B. Xaydarov — Vazirlar Mahkamasi apparati boʻlimi boshligʻi 8. A.Sh. Bekmurodov — Davlat boshqaruvi akademiyasi rektori, “El-yurt umidi” jamgʻarmasi ijrochi direktori v.b. 9. A.U. Tamikayev — Davlat xizmatini rivojlantirish agentligi departament mudiri 10. I.J. Qurbonov — Davlat xizmatini rivojlantirish agentligi departament mudiri 11. M.Y. Gasanov — Toshkent davlat yuridik universiteti kafedra dotsenti 12. D.R. Artikov — Toshkent davlat yuridik universiteti kafedra oʻqituvchisi 13. Q.M. Rafikov — Oʻzbekiston Kasaba uyushmalari federatsiyasi Kengashi raisi 14. Lavozimi boʻyicha — Davlat xavfsizlik xizmati masʼul xodimi 15. Sh.D. Muxamedov — Moliya vazirligi departament boshligʻi 16. N.I. Muxtorov — Adliya vazirligi boshqarma boshligʻi 17. A.M. Xalturdiyev — Adliya vazirligi boshqarma boshligʻi oʻrinbosari 18. I.G. Nikonov — Oʻzbekiston Respublikasi Prezidenti Administratsiyasi shuʼba mudiri 19. Sh.Z. Davronov — Oʻzbekiston Respublikasi Prezidenti Administratsiyasi bosh inspektori 20. A.S. Azizov — Oʻzbekiston Respublikasi Prezidenti Administratsiyasi bosh inspektori 21. U.S. Yusupov — Oʻzbekiston Respublikasi Prezidenti Administratsiyasi bosh inspektori 22. I.M. Abduvaxabov — Oʻzbekiston Respublikasi Prezidenti Administratsiyasi bosh inspektori 23. T.X. Abbosxonov — Oʻzbekiston Respublikasi Prezidenti Administratsiyasi yetakchi inspektori 24. A.A. Eranov — Davlat xizmatini rivojlantirish agentligi departament mudiri, ishchi guruhi masʼul kotibi

Izoh: ishchi guruhi aʼzolari boshqa ishga oʻtgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.

Oʻzbekiston Respublikasi Prezidentining 2021-yil 22-noyabrdagi F-5-son farmoyishiga 6-ILOVA

Davlat boshqaruvi organlarida korrupsiyaning oldini olish yuzasidan takliflarni ishlab chiqish boʻyicha ishchi guruhi

TARKIBI

1. N.T. Yoʻldoshev — Bosh prokuror, ishchi guruhi rahbari 2. K.N. Burxanov — Oliy Majlis Senati qoʻmita raisi 3. Sh.T. Polvonov — Oliy Majlis Qonunchilik palatasi qoʻmita raisi oʻrinbosari 4. A.E. Burxonov — Korrupsiyaga qarshi kurashish agentligi direktori 5. S.S. Saidkarimov — Hisob palatasi raisi oʻrinbosari 6. J.T. Maxsudov — axborot texnologiyalari va kommunikatsiyalarini rivojlantirish vaziri oʻrinbosari 7. A.E. Fayzibayev — Davlat soliq qoʻmitasi raisi oʻrinbosari 8. B.Sh. Yunusov — Hisob palatasi yetakchi inspektori 9. A.I. Bekchanov — Vazirlar Mahkamasi apparati boʻlim mudiri 10. U.S. Muxamedov — Bosh prokuratura huzuridagi Iqtisodiy jinoyatlarga qarshi kurashish departamenti boshligʻi oʻrinbosari 11. E.V.Kolenko — Bosh prokuratura Akademiyasi boshligʻi 12. V.X. Davlyatov — Toshkent davlat yuridik universiteti kafedra mudiri 13. O.A. Ismoilov — Oliy sud boshqarma boshligʻi 14. Lavozimi boʻyicha — Davlat xavfsizlik xizmati masʼul xodimi 15. L.A. Jalov — Bosh prokuratura boshqarma boshligʻi 16. U.M. Aloyev — Bosh prokuratura boshqarma katta prokurori 17. Z.A. Qodirov — Korrupsiyaga qarshi kurashish agentligi boshqarma boshligʻi 18. B.S. Utambetov — Moliya vazirligi Davlat moliyaviy nazorati departamenti direktori 19. M.Sh. Maxmudov — Ichki ishlar vazirligi bosh boshqarma boshligʻi oʻrinbosari 20. J.I. Uzakov — Adliya vazirligi boʻlim boshligʻi 21. O.R. Fayziyev — Oʻzbekiston Respublikasi Prezidenti Administratsiyasi shuʼba mudiri 22. S.N. Gordeyev — Oʻzbekiston Respublikasi Prezidenti Administratsiyasi shuʼba mudiri 23. T.B. Safarov — Oʻzbekiston Respublikasi Prezidenti Administratsiyasi bosh inspektori 24. Sh.B. Bakayev — Oʻzbekiston Respublikasi Prezidenti Administratsiyasi bosh inspektori 25. D.B. Ibroximov — Oʻzbekiston Respublikasi Prezidenti Administratsiyasi bosh inspektori 26. M.K. Gafurov — Oʻzbekiston Respublikasi Prezidenti Administratsiyasi yetakchi inspektori, ishchi guruhi masʼul kotibi

Izoh: ishchi guruhi aʼzolari boshqa ishga oʻtgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.

Oʻzbekiston Respublikasi Prezidentining 2021-yil 22-noyabrdagi F-5-son farmoyishiga 7-ILOVA

Mahalliy davlat hokimiyati organlari faoliyatini tubdan takomillashtirish yuzasidan takliflarni ishlab chiqish boʻyicha ishchi guruhi

TARKIBI

1. D.A. Kuchkarov — Bosh vazir oʻrinbosari, ishchi guruhi rahbari 2. Q.K. Kuranbayev — Oʻzbekiston Respublikasi Prezidenti maslahatchisining birinchi oʻrinbosari 3. A.X. Saidov — Oliy Majlis Qonunchilik palatasi Spikerining birinchi oʻrinbosari 4. T.A. Madumarov — Oliy Majlis Senati qoʻmita raisi oʻrinbosari 5. Sh.A. Tuxtashev — Oliy Majlis Qonunchilik palatasi deputati 6. S.B. Artikova — Bosh prokuror oʻrinbosari 7. I.I. Norqulov — iqtisodiy taraqqiyot va kambagʻallikni qisqartirish vazirining birinchi oʻrinbosari 8. D.Sh. Sultanov — moliya vaziri oʻrinbosari 9. M.M. Ikramov — adliya vaziri oʻrinbosari 10. B.R. Parpiyev — mahalla va oilani qoʻllab-quvvatlash vaziri oʻrinbosari 11. Q.A. Karimov — Hisob palatasi bosh inspektori 12. M.B. Jumaniyazov — Vazirlar Mahkamasi apparati kotibiyati mudiri oʻrinbosari 13. M.T. Yakubov — Vazirlar Mahkamasi apparati boshqarmasi boshligʻi oʻrinbosari 14. X.T. Azizov — Davlat boshqaruvi akademiyasi birinchi prorektori 15. M.M. Mirakulov — Jamoat xavfsizligi universiteti boshligʻi oʻrinbosari 16. G.S. Ismailova — Jahon iqtisodiyoti va diplomatiya universiteti prorektori 17. G.R. Malikova — Bosh prokuratura Akademiyasi professori 18. I.R. Bekov — Toshkent davlat yuridik universiteti professori 19. Lavozimi boʻyicha — Davlat xavfsizlik xizmati masʼul xodimi 20. A.A. Maxmudov — Bosh prokuratura boshqarma boshligʻi 21. N.O. Tillyayev — Adliya vazirligi boshqarma boshligʻi 22. A.K. Tursunov — Oʻzbekiston Respublikasi Prezidenti Administratsiyasi shuʼba mudiri 23. B.R. Raxmatullayev — Oʻzbekiston Respublikasi Prezidenti Administratsiyasi shuʼba mudiri 24. R.R. Mirzayev — Oʻzbekiston Respublikasi Prezidenti Administratsiyasi shuʼba mudiri 25. N.S. Narmatov — Oʻzbekiston Respublikasi Prezidenti Administratsiyasi shuʼba mudiri 26. E.O. Xamroyev — Oʻzbekiston Respublikasi Prezidenti Administratsiyasi bosh inspektori 27. Gʻ.Q. Rejabov — Oʻzbekiston Respublikasi Prezidenti Administratsiyasi yetakchi inspektori 28. F.Z. Djalilov — Oʻzbekiston Respublikasi Prezidenti Administratsiyasi bosh inspektori, ishchi guruhi masʼul kotibi

Izoh: ishchi guruhi aʼzolari boshqa ishga oʻtgan taqdirda, uning tarkibiga mazkur lavozimlarga yangi tayinlangan yoki tegishli funksiyalarni bajarish zimmasiga yuklatilgan shaxslar kiritiladi.

Oʻzbekiston Respublikasi Prezidentining 2021-yil 22-noyabrdagi F-5-son farmoyishiga 8-ILOVA

2022-2023-yillarga moʻljallangan Yangi Oʻzbekiston maʼmuriy islohotlari dasturi loyihasiga takliflar ishlab chiqishda eʼtibor qaratilishi lozim boʻlgan asosiy ustuvor yoʻnalishlar

I. Davlat boshqaruvi organlarining maqomini belgilash, tuzilmalarini takomillashtirish va shtat birliklarini maqbullashtirish yuzasidan:

davlat boshqaruvi organlarining har birining maqomini belgilash, ularni tashkil etish va tugatishning aniq tartibi, bir-biridan farqlovchi mezonlarni nazarda tutuvchi mexanizmlarni ishlab chiqish;

vazirlik va idoralar hamda ular tarkibiga kiradigan tashkilotlarning barcha funksiyalarni tahlil qilish, takrorlanuvchi vazifa va funksiyalarini qisqartirish, shuningdek, ushbu asosda vazirlik va idoralar hamda ularning tarkibiga kiradigan tashkilotlarni qayta tashkil qilish (qoʻshib yuborish, qoʻshib olish, boʻlish, ajratib chiqarish, oʻzgartirish) va sonini kamaytirish;

vazirlik va idoralar hamda ular tarkibiga kiradigan tashkilotlar faoliyati ustidan davlat nazoratini amalga oshirishda manfaatlar toʻqnashuvini vujudga keltirayotgan omillarni aniqlash va ularni bartaraf qilish;

davlat-hokimiyat vakolatlari berilgan idoralararo kollegial organlar (komissiyalar, kengashlar, ishchi guruhlar va boshqalar)ni tashkil qilishning aniq huquqiy asoslarini yaratish, ularning vakolat chegaralari va faoliyat yuritish davrini belgilash, shuningdek, kollegial organlar sonini qisqartirish va ular vakolatini tegishli sohaga masʼul boʻlgan vazirlik va idoralarga berish;

hududlarni rivojlantirish boʻyicha vazifalarni hal qilishda vazirlik va idoralarning hududiy va tuman (shahar) boʻlinmalari ishini samarali tashkil etish;

vazirlik va idoralar rahbar oʻrinbosarlarining yoʻnalishlar kesimidagi javobgarlik chegaralarini aniq belgilash, ularga yuklatilgan funksiya va vazifalarni tuman (shahar), mahalla darajasida samarali tashkil etish;

vazirlik va idoralar hamda ular tarkibiga kiradigan tashkilotlarning tashkiliy va markaziy apparati tuzilmalarining yagona namunasini ishlab chiqish, tashkiliy tuzilmalarga tashkilotlarni kiritish va chiqarib tashlashning huquqiy asoslarini belgilash;

vazirlik va idoralar hamda ular tarkibiga kiradigan tashkilotlarning shtat birliklari toʻgʻrisidagi yagona ochiq markazlashgan axborot platformasini yaratish, ularga qoʻshimcha shtat birliklarini ajratish yoki mavjudlarini qisqartirish boʻyicha aniq huquqiy asoslarni belgilash;

vazirlik va idoralar hamda ular tarkibiga kiradigan tashkilotlarning Davlat budjeti mablagʻlari hisobidan moliyalashtirilayotgan shtat birliklarini maqbullashtirish.

II. Davlat boshqaruvi organlari faoliyatida raqamli texnologiyalar, ochiqlik va davlat-xususiy sheriklikni rivojlantirish yuzasidan:

vazirlik va idoralar hamda ular tarkibiga kiradigan tashkilotlarda maʼmuriy tartib-taomillarni maqbullashtirish, qogʻozbozlikni kamaytirish, boshqaruv jarayonini avtomatlashtirish, ish yurituvini toʻliq raqamlashtirish;

vazirlik va idoralar (shu jumladan ularning tarkibiy tuzilmalarida) hamda ular tarkibiga kiradigan tashkilotlarda yagona hujjat almashinuvini taʼminlash, ushbu yoʻnalishda dasturiy mahsulotlarni ishlab chiqish va foydalanishning milliy standartlarini joriy qilish, “Ochiq idora” loyihasini amalga oshirish;

davlat xizmatlarini koʻrsatish tizimini takomillashtirish, ularni toʻliq raqamlashtirish va debyurokratlashtirish orqali fuqarolarning sarson boʻlishiga barham berish;

vazirlik va idoralar hamda ular tarkibiga kiradigan tashkilotlar bilan oʻzaro elektron munosabatlarni yanada takomillashtirish doirasida fuqarolarning raqamli imzosi va Yagona interaktiv davlat xizmatlari portalidagi shaxsiy kabinetlar ulushini oshirish;

vazirlik va idoralar hamda ular tarkibiga kiradigan tashkilotlar faoliyatining ochiqligi va shaffofligini taʼminlash, ularning aholi, nodavlat notijorat tashkilotlar va ommaviy axborot vositalari bilan ishlashida yangi, zamonaviy va taʼsirchan texnologiyalarni joriy qilish;

vazirlik va idoralar hamda ular tarkibiga kiradigan tashkilotlarning ayrim funksiyalarini nodavlat sektoriga oʻtkazish orqali maʼmuriy apparatni ixchamlashtirish va ish jarayonlarini optimallashtirish;

ijtimoiy-iqtisodiy masalalarni hal qilishda ijtimoiy hamda davlat-xususiy sheriklikning huquqiy va institutsional bazasini yanada takomillashtirish.

III. Davlat boshqaruvi organlarining moddiy-texnika taʼminotini takomillashtirish yuzasidan:

vazirlik va idoralar hamda ular tarkibiga kiradigan tashkilotlar tasarrufidagi maʼmuriy binolar, inshootlar va boʻsh turgan yer maydonlaridan, shu jumladan qurilishi tugallanmagan obyektlardan samarali foydalanish mexanizmlarini yaratish;

vazirlik va idoralar hamda ular tarkibiga kiradigan tashkilotlar hududiy boʻlinmalarining moddiy-texnika taʼminoti (shu jumladan avtotransport vositalari bilan) holatini oʻrganish, mavjud muammolarni bartaraf etishning huquqiy asosini yaratish;

tegishli vazirlik va idoralarning hududiy boʻlinmalarini bitta maʼmuriy binoga joylashtirish orqali aholiga “Yagona darcha” tizimi asosida xizmat koʻrsatish, ular oʻrtasida samarali hamkorlikni taʼminlash boʻyicha qulay shart-sharoitlar yaratish;

tegishli vazirlik va idoralar maʼmuriy binolarining ichki qismini ochiq ofis koʻrinishida rejalashtirish va qurish.

IV. Davlat boshqaruvi organlarining kadrlar salohiyatini takomillashtirish yuzasidan:

vazirlik va idoralar hamda ular tarkibiga kiradigan tashkilotlarda kasbga oid sifatlar va alohida xizmatlarni odilona va obyektiv baholash asosida eng munosib va qobiliyatli mutaxassis xodimlarni ishga qabul qilish;

kadrlarni tanlov asosida va keng raqobat muhitida ishga qabul qilishni toʻliq joriy qilish va ular faoliyati samaradorligini baholashning huquqiy asoslarini takomillashtirish, shaxsning maʼnaviy-axloqiy va vatanparvarlik sifatlarini obyektiv baholash;

vazirlik va idoralar hamda ular tarkibiga kiradigan tashkilotlarning kadrlar bilan ishlash tuzilmalari (NR-xizmat) maqomini oshirish, ularning maʼmuriy funksiyalarini kengaytirish, xodimlarni izlash, taklif qilish va ishga joylashtirishning yangi texnologiyalarini joriy qilish;

vazirlik va idoralar hamda ular tarkibiga kiradigan tashkilotlar rahbarlarining yordamchilari maqomini oshirish, shu jumladan qarorlar qabul qilishda ularning mustaqilligi va masʼuliyatini belgilash, ushbu lavozimga chuqur bilim, tajriba va amaliy koʻnikmalarga ega boʻlgan malakali mutaxassislarni tayinlash;

davlat fuqarolik xizmati toʻgʻrisidagi qonunchilikni takomillashtirish, ushbu sohani tartibga solish maqsadida yagona qonun loyihasini hamda davlat fuqarolik xizmatini uzoq istiqbolli rivojlantirish strategiyasini ishlab chiqish va qabul qilish;

vazirlik va idoralar hamda ular tarkibiga kiradigan tashkilotlarda “Kadrlar — barchasini hal qiladi” tamoyilini amaliyotga joriy qilishni taʼminlash, oʻz ustida ishlamaydigan va masʼuliyatni his qilmaydigan kadrlarga nisbatan “jamoaviy taʼsir”ni amalga oshirish;

vazirlik va idoralar hamda ular tarkibiga kiradigan tashkilotlar kadrlarini attestatsiya, rotatsiya qilish, malakasini oshirish, oʻqish va stajirovkaga yuborish tizimiga zamonaviy texnologiyalarni joriy qilish;

Davlat boshqaruvi akademiyasining kadrlarni tayyorlash, qayta tayyorlash va malakasini oshirishdagi rolini kuchaytirish, kadrlar salohiyatini yuksaltirish borasidagi ishtirokini kengaytirish;

vazirlik va idoralar hamda ular tarkibiga kiradigan tashkilotlarda yagona kadrlar reytingini yuritish, bunda reytingni shakllantirishda kadrlar qoʻnimsizligi, tizimdan chiqib ketganligi, kadrlarni motivatsiya qilish va shart-sharoitlar yaratish masalalarini inobatga olish;

vazirlik va idoralar hamda ular tarkibiga kiradigan tashkilotlar kadrlarining dam olishi, ish qobiliyatini tiklashi, boʻsh vaqtini mazmunli va foydali oʻtkazishi tizimini takomillashtirish, davlat fuqarolik xizmatchilari tomonidan olinadigan kafolatlangan bepul xizmatlar va vositalar paketini ishlab chiqish.

V. Davlat boshqaruvi organlarida korrupsiyaning oldini olish yuzasidan:

vazirlik va idoralar hamda ular tarkibiga kiradigan tashkilotlar kesimida korrupsiya avj olgan sohalarda uning rivojlanish sabablari va shartlarini oʻrganish asosida ushbu sohalarning har biriga “tashxis qoʻyish” hamda korrupsiya omillarini bartaraf etish;

vazirlik va idoralar hamda ular tarkibiga kiradigan tashkilotlarda korrupsiyaning oldini olishga doir aniq chora-tadbirlarni ishlab chiqish;

vazirlik va idoralar hamda ular tarkibiga kiradigan tashkilotlar tomonidan Davlat budjeti va xalqaro moliya institutlari mablagʻlari hisobidan qurilgan, rekonstruksiya qilingan, mukammal taʼmirlangan va jihozlangan bino va inshootlar, amalga oshirilgan xaridlar va xizmatlar uchun sarflanadigan mablagʻlardan oqilona, tejamkor va samarali foydalanish, tender va tanlovlarni ochiq va shaffof holda oʻtkazish tizimini yanada takomillashtirish;

korrupsiyaga qarshi kurashish toʻgʻrisidagi qonunchilik hujjatlarini takomillashtirish, ularning normalarini aniq huquqiy mexanizmlar bilan ochib berish.

VI. Mahalliy davlat hokimiyati organlari faoliyatini tubdan takomillashtirish yuzasidan:

xalq deputatlari Kengashlarining Oliy Majlis Senati bilan, hokimliklarning vazirlik va idoralar hamda ularning hududiy boʻlinmalari bilan aloqalariga doir huquqiy asoslarni takomillashtirish;

xalq deputatlari Kengashlarining mahallalardagi mavjud muammolarni hal qilishdagi rolini yanada oshirish;

mahalliy vakillik organlarida doimiy asosda faoliyat yurituvchi deputatlar korpusini shakllantirish hisobiga hududiy ijro organlari faoliyati ustidan deputatlik nazoratini kuchaytirish;

hokimlar, ularning oʻrinbosarlari va maslahatchilarining vakolat chegarasini aniq belgilash, ular faoliyatini mahallalar darajasida amalga oshirgan ishlari natijadorligiga qarab baholab borish amaliyotini yoʻlga qoʻyish;

hokim yordamchilari faoliyatini samarali tashkil etish, ularga yuklatilgan vazifalarni amalga oshirishda masʼul vazirlik va idoralar bilan hamkorlikni yoʻlga qoʻyish mexanizmlarini belgilash.

Oʻzbekiston Respublikasi Prezidentining 2021-yil 22-noyabrdagi F-5-son farmoyishiga 9-ILOVA

2022-2023-yillarga moʻljallangan Yangi Oʻzbekiston maʼmuriy islohotlari dasturining loyihasini ishlab chiqish

SXEMASI

Bosqichlar Subyektlar Tadbirlar Bajarish muddatlari 1-bosqich Ishchi guruhlari rahbarlari (R. Davletov, Sh. Shermatov, T. Ishmetov, O. Xasanov, N. Yoʻldoshev, D. Kuchkarov) Ishchi guruhlarning tashkiliy yigʻilishlarini oʻtkazib, tegishli yoʻnalish doirasida belgilangan vazifalar sifatli va oʻz vaqtida amalga oshirilishini taʼminlash boʻyicha savolnoma, tarmoq grafigi va taqdimot materiallari namunalarini tasdiqlash hamda ishchi guruhi aʼzolarining vazifalar taqsimotini belgilash. 2021-yil 25-noyabr Ishchi guruhlari faoliyatini samarali tashkil qilish uchun barcha zarur choralarni koʻrish. Tegishli ishchi guruhlari tomonidan tayyorlanayotgan takliflarning muhokamasini tashkil etib borish, zarur hollarda, ushbu ishlarni boshqa ishchi guruhlari bilan birgalikda amalga oshirish. Doimiy Ishchi guruhlari tomonidan har tomonlama asoslantirilgan takliflar ishlab chiqilishini va ularning manfaatdor vazirlik va idoralar, shu jumladan mahalliy hokimliklar bilan kelishilishini hamda Oʻzbekiston Respublikasi Prezidenti Administratsiyasiga kiritilishini taʼminlash. Bunda takliflar taqdimot koʻrinishida taqdim qilinadi hamda ularga tahliliy maʼlumotnoma va jadvallar, rivojlangan mamlakatlarning tajribasini oʻrganish boʻyicha maʼlumotnoma va boshqa materiallar, shuningdek, zarur hollarda, normativ-huquqiy hujjatlar loyihalari ilova qilinadi. 2022-yil 20-yanvarga qadar 2-bosqich Oʻzbekiston Respublikasi Prezidenti Administratsiyasi Vazirlar Mahkamasi hamda ishchi guruhlari bilan birgalikda taqdim qilingan taqdimot materiallarini koʻrib chiqish hamda Respublika komissiyasiga kiritish. 2022-yil 1-fevralga qadar 3-bosqich Respublika komissiyasi (A. Aripov, Z. Nizomiddinov) Taqdimot materiallarini koʻrib chiqish. 2022-yil 10-fevralga qadar Har bir yoʻnalish boʻyicha Oʻzbekiston Respublikasi Prezidentiga taqdimot qilish. 2022-yil 20-fevralga qadar 2022-2023-yillarda Yangi Oʻzbekiston maʼmuriy islohotlarini amalga oshirish boʻyicha “Yoʻl xaritasi”ni tasdiqlashni nazarda tutuvchi Oʻzbekiston Respublikasi Prezidenti Farmoni loyihasini kiritish. 2022-yil1-martga qadar