Varshava shahrida (Polsha Respublikasi) Oʻzbekiston Respublikasining bosh konsulxonasini ochish toʻgʻrisida (429-son)

05.12.2002

Oʻzbekiston Respublikasi Vazirlar Mahkamasining

qarori

Oʻzbekiston Respublikasi bilan Polsha Respublikasi oʻrtasida siyosiy, savdo-iqtisodiy, harbiy-texnik va madaniy-insonparvarlik sohalaridagi ikki tomonlama va koʻp tomonlama hamkorlikni faollashtirish maqsadida Vazirlar Mahkamasi qaror qiladi:

1. Polsha Respublikasida, Varshava shahrida Oʻzbekiston Respublikasining Bosh konsulxonasi ochilsin.

2. Oʻzbekiston Respublikasining Varshava shahridagi Bosh konsulxonasi shtat jadvali ilovaga muvofiq tasdiqlansin.

Bosh konsulxona xodimlari soni diplomatik tarkib boʻyicha 3 nafar va maʼmuriy-texnik xodimlar boʻyicha 1 nafar etib belgilansin.

3. Oʻzbekiston Respublikasi Moliya vazirligi:

2003-yildan boshlab Bosh konsulxonaning joriy xarajatlarini budjetda navbatdagi moliyaviy yilga tasdiqlangan xorijiy muassasalarni mablagʻ bilan taʼminlash miqdorlaridan kelib chiqib mablagʻ bilan taʼminlasin;

Bosh konsulxonaga ikkita avtomobil taʼminotiga limit ajratsin.

4. Oʻzbekiston Respublikasi Tashqi ishlar vazirligi bir oy muddatda Oʻzbekiston Respublikasining Varshava shahridagi Bosh konsulxonasini butlash uchun nomzodlar yuzasidan taklif kiritsin.

5. Mazkur topshiriqning bajarilishini nazorat qilish Oʻzbekiston Respublikasi Tashqi ishlar vaziri A.H. Komilov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2002-yil 5-dekabr,

429-son

Vazirlar Mahkamasining 2002-yil 5-dekabrdagi 429-son qaroriga ILOVA

Oʻzbekiston Respublikasining Varshava shahridagi Bosh konsulxonasi ShTAT JADVALI