2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini kompleks tayyorlash toʻgʻrisida (PQ-5281-son)

05.11.2021

Oʻzbekiston Respublikasi Prezidentining

Qarori

Barcha sport turlarini rivojlantirish orqali yozgi Olimpiya va Paralimpiya oʻyinlarida qatnashish huquqini beruvchi litsenziyalar sonini koʻpaytirish, 2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga (keyingi oʻrinlarda — Olimpiya va Paralimpiya oʻyinlari) sportchilarimizning har tomonlama tayyorligi va muvaffaqiyatli ishtirokini taʼminlash maqsadida:

1. Olimpiya va Paralimpiya oʻyinlariga Oʻzbekiston sportchilarini tayyorlashning ustuvor vazifalari etib quyidagilar belgilansin:

sport taʼlimi tizimini tubdan takomillashtirish va raqamlashtirish, olimpiya va paralimpiya dasturlariga kiritilgan sport turlari boʻyicha yuqori natijador va olimpiya sportchilar zaxirasini yaratish, litsenziyalar sonini sezilarli darajada koʻpaytirish;

sport menejmentini takomillashtirish, har bir boʻgʻinni auditdan oʻtkazish va xalqaro standartlarga muvofiqlashtirish;

sport farmakologiyasi, psixologiyasi, tibbiyoti, diyetologiyasini chuqur tahlil qilish va oʻrganish, ular natijasida ilmiy asoslangan takliflar ishlab chiqish;

Olimpiya va Paralimpiya oʻyinlarida ishtirok etish uchun talabgorlar orasida ayol sportchilar ulushini oshirish, Oʻzbekiston sportchilari oʻrtasida gender tenglikni taʼminlash;

sport bazalari va inshootlarining moddiy-texnik bazasini mustahkamlash, zamonaviy standartlarga javob beradigan yangi sport obyektlarini barpo etish, ulardan maqsadli va samarali foydalanish;

mamlakatimizda belgilab berilgan paralimpiya harakatini rivojlantirishning asosiy yoʻnalishlarini amaliyotga toʻliq tatbiq etish, jismoniy imkoniyati cheklangan va nogironligi boʻlgan shaxslarning sport faoliyatini har tomonlama qoʻllab-quvvatlash.

2. Quyidagilar:

2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga tayyorgarlik koʻrish boʻyicha maqsadli koʻrsatkichlar (keyingi oʻrinlarda — Maqsadli koʻrsatkichlar) 2-ilovaga muvofiq;

2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga tayyorgarlik koʻruvchi Oʻzbekiston milliy terma jamoalarining kontingenti 3-ilovaga muvofiq tasdiqlansin.

3. Belgilansinki, Maqsadli koʻrsatkichlar:

Olimpiya oʻyinlari boʻyicha 244 ta dasturda ishtirok etish hamda 26 ta sport turlari boʻyicha 103 ta litsenziyani, shu jumladan 8 ta istiqbolli olimpiya sport turlari boʻyicha (badminton, stol tennisi, qoyani zabt etish, suv polosi, sinxron suzish, suvga sakrash, ot sporti, triatlon) 31 ta dasturda ishtirok etish va litsenziyalarni qoʻlga kiritishni;

Paralimpiya oʻyinlari boʻyicha 476 ta dasturda ishtirok etish hamda 12 ta sport turlari, shu jumladan bochcha, parastol tennisi, parakamondan otish, paravelosport boʻyicha jami 105 ta litsenziyani qoʻlga kiritishni nazarda tutadi.

Yoshlar siyosati va sport vaziri A.I. Ikramov, Oʻzbekiston Milliy olimpiya qoʻmitasi (O. Kasimov) va Oʻzbekiston Milliy paralimpiya qoʻmitasi (M. Tashxodjayev):

b) Maqsadli koʻrsatkichlardagi olimpiya va paralimpiya sport turlari boʻyicha dasturlarda sportchilarning ishtirokini taʼminlasin, bu borada sport federatsiyalari (assotsiatsiyalari)ning faoliyatini samarali tashkil etsin;

v) ikki oy muddatda sport federatsiya (assotsiatsiya)lari rahbarlari vakant lavozimlarini toʻldirish, shuningdek, past natijalarni koʻrsatgan, ajratilgan budjet mablagʻlaridan samarali foydalanmagan va boshqa salbiy holatlarga yoʻl qoʻygan federatsiya (assotsiatsiya)lar rahbarlari lavozimlariga yangi nomzodlar boʻyicha taklif kiritsin;

g) sport federatsiya (assotsiatsiya)lari rahbarlari bilan birgalikda Maqsadli koʻrsatkichlardagi dasturlarda qatnashish va litsenziyalarni qoʻlga kiritish boʻyicha masʼul ekanligi belgilansin.

4. Maʼlumot uchun qabul qilinsinki, Xalqaro olimpiya qoʻmitasi tomonidan 2020-yil dekabrda qabul qilingan qarorga asosan 2024-yildagi Olimpiya oʻyinlarida ilk bor gender tenglik taʼminlanib, erkaklar hamda ayollar uchun qatnashish huquqini beruvchi litsenziyalar soni teng ravishda belgilab berildi.

Yoshlar siyosati va sport vaziri A.I. Ikramov, Oʻzbekiston Milliy olimpiya qoʻmitasi (O. Kasimov) sport federatsiya (assotsiatsiya)lari bilan birgalikda 2024-yildagi Olimpiya oʻyinlariga tayyorgarlik koʻrish jarayonida quyidagilarni amalga oshirsin:

ikki oy muddatda aholi oʻrtasida gender tenglik tamoyillarini “mahallabay” tizimi asosida taniqli sportchilar ishtirokida targʻib qilish dasturini ishlab chiqsin va amalga oshirsin;

Olimpiya oʻyinlarida ishtirok etish uchun talabgorlar oʻrtasida ayol sportchilar ulushini oshirish choralarini koʻrsin. Bunda, ularning erkak sportchilar sonidan farqi +/-3 foizgacha boʻlishini taʼminlasin;

5. 2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini tayyorlash maqsadida sport federatsiya (assotsiatsiya)lariga biriktirilgan sport bazalari roʻyxati 4-ilovaga muvofiq tasdiqlansin.

Yoshlar siyosati va sport vaziri A.I. Ikramov, Oʻzbekiston Milliy olimpiya qoʻmitasi (O. Kasimov), Oʻzbekiston Milliy paralimpiya qoʻmitasi (M. Tashxodjayev) tegishli vazirlik, idora va tashkilotlar bilan birgalikda mazkur qarorga 4-ilovaga muvofiq biriktirilayotgan sport bazalaridan sport federatsiya (assotsiatsiya)lari tomonidan erkin va doimiy ravishda foydalanilishini, zarur shart-sharoitlar (elektr energiyasi, gaz, suv, taʼmirlash ishlari) yaratilishini taʼminlasin. Bunda, ushbu chora-tadbirlar sport bazalarini balansda saqlovchilarning mablagʻlari hisobidan amalga oshiriladi.

6. Yoshlar siyosati va sport vazirligi (A. Ikramov) Oʻzbekiston Milliy olimpiya qoʻmitasi (O. Kasimov), Oʻzbekiston Milliy paralimpiya qoʻmitasi (M. Tashxodjayev) bilan birgalikda:

milliy terma jamoalar sportchilarining yil davomida doimiy uzluksiz oʻquv-mashgʻulot yigʻinlari, xalqaro musobaqa va turnirlarda muntazam ishtirokini taʼminlash, malakali mahalliy va xorijiy trenerlar hamda boshqa mutaxassislarni jalb qilish;

milliy terma jamoalarning oʻquv-mashgʻulot, musobaqa va turnirlarga tayyorgarlik jarayoniga ilgʻor innovatsion, ilmiy-metodik texnologiyalarni joriy etish hamda sportchilarni tibbiy va farmakologik taʼminlash, ularda sportchilarning ishtirokini davrida ilmiy jihatdan tahlil qilish boʻyicha mutaxassislar (trenerlar, shifokorlar, fiziologlar, diyetologlar, ilmiy tahlilchilar va boshqalar) guruhlarini tashkil etish;

2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini tayyorlash dasturi (keyingi oʻrinlarda — Dastur) bajarilishini tizimli tahlil va monitoring qilish, masʼul vazirlik, idora va tashkilotlarga koʻmak berish va metodik yordam koʻrsatish, koʻrilayotgan choralar natijalari, milliy terma jamoalarning Olimpiya va Paralimpiya oʻyinlariga tayyorgarligi ahvoli, Dasturga oʻzgartirish va qoʻshimchalar boʻyicha asosli takliflarni ishlab chiqish va kiritib borish;

manfaatdor vazirlik, idora va tashkilotlar hamda sport federatsiya (assotsiatsiya)larini jalb qilgan holda sport bazalarini qurish va rekonstruksiya qilish hamda ularni zamonaviy sport anjomlari va jihozlari bilan taʼminlash, shuningdek, milliy terma jamoalarni tayyorlash uchun qulay ijtimoiy, maishiy va moddiy sharoitlar tayyorlash boʻyicha ishlarni oʻz vaqtida va sifatli tashkil etishni taʼminlasin.

7. 2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini tayyorlash boʻyicha Respublika komissiyasi (keyingi oʻrinlarda — Respublika komissiyasi) tarkibi 5-ilovaga muvofiq tasdiqlansin.

8. Respublika komissiyasi (A.N. Aripov):

bir oy muddatda Olimpiya va Paralimpiya oʻyinlariga puxta tayyorgarlik koʻrish maqsadida sport federatsiya (assotsiatsiya)lariga tegishli shart-sharoitlar yaratish uchun ularni vazirlik, idora va yirik tashkilotlarga biriktirsin, shuningdek, ushbu tashkilotlarning aniq vazifalarini belgilasin;

Olimpiya va Paralimpiya oʻyinlariga puxta tayyorgarlik koʻrish uchun zarur boʻladigan budjet, budjetdan tashqari, shuningdek, homiylik mablagʻlari miqdorini koʻrib chiqsin va belgilasin;

Dasturda nazarda tutilgan hamda manfaatdor vazirlik, idora va tashkilotlarning zimmasiga yuklatilgan vazifa va topshiriqlar oʻz vaqtida, sifatli va toʻliq bajarilishi ustidan doimiy nazorat oʻrnatsin, Dasturga muvofiq amalga oshirilishi lozim boʻlgan ishlarning ijrosini har chorakda muhokama qilish va kamchiliklarni oʻz vaqtida bartaraf etish choralarini koʻrib borsin;

bir oy muddatda Respublika komissiyasining kengaytirilgan birinchi yigʻilishini tashkillashtirsin. Bunda, mazkur qarorning mazmun-mohiyati, sportga davlat tomonidan berilayotgan eʼtibor, vazifalarni soʻzsiz bajarish zarurligi, past natija koʻrsatgan shaxslarga nisbatan tegishli choralar koʻrilishi haqida yetkazilsin;

ikki oy muddatda sport sohasida korrupsiyaning oldini olish, Olimpiya va Paralimpiya oʻyinlariga tayyorgarlik koʻrish jarayonida (musobaqalarni har bir bosqichda oʻtkazish, sportchilarni saralab olish, trenerlarni jalb qilish, sport-taʼlim muassasalariga oʻquvchilarni qabul qilish, normativ va imtihonlarni topshirish va boshqalar) korrupsiya holatlarining har qanday koʻrinishlariga nisbatan murosasiz munosabatda boʻlish va unga qarshi ayovsiz kurashish boʻyicha kompleks chora-tadbirlarni tasdiqlasin va amaliyotga joriy qilsin.

9. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari:

a) Turizm va sport vazirligi, Oʻzbekiston Milliy olimpiya qoʻmitasi va Oʻzbekiston Milliy paralimpiya qoʻmitasi bilan kelishilgan holda ikki oy muddatda Olimpiya va Paralimpiya oʻyinlariga milliy terma jamoa sportchilarining sifatli tayyorgarlik koʻrishini taʼminlash maqsadida Maqsadli koʻrsatkichlar boʻyicha hududiy dasturlarni ishlab chiqsin va tasdiqlasin. Bunda, quyidagilar nazarda tutilsin:

sport bazalarining budjetdan tashqari va homiylar mablagʻlari hisobidan qurilishi, qayta qurilishi, kapital taʼmirlanishini taʼminlash, ularning toʻliq ishlatilishi uchun tegishli shart-sharoitlar yaratish, zamonaviy sport anjomlari va jihozlari, shu jumladan avtotransport vositalari bilan taʼminlash;

Olimpiya va Paralimpiya oʻyinlariga tayyorgarlik koʻrayotgan milliy terma jamoa sportchilari, trenerlari va boshqa mutaxassislarini moddiy va ijtimoiy qoʻllab-quvvatlash, ularning maishiy sharoitlarini yaxshilash;

Olimpiya va Paralimpiya oʻyinlariga tayyorgarlik koʻrayotgan hududiy terma jamoa sportchilari, trenerlari va boshqa sport mutaxassislarining respublika va xalqaro sport tadbirlari hamda oʻquv-mashgʻulot yigʻinlarida uzluksiz ishtirokini taʼminlash;

b) Oʻzbekiston Respublikasi Prezidentining 2020-yil 24-yanvardagi “Oʻzbekiston Respublikasida jismoniy tarbiya va sportni yanada takomillashtirish va ommalashtirish chora-tadbirlari toʻgʻrisida”gi PF-5924-son Farmoni bilan ustuvor, istiqboldagi, rivojlanayotgan sport turlariga ixtisoslashtirilgan tuman (shahar)larda mazkur Farmon bilan belgilangan tegishli sport turlarini rivojlantirish va ommalashtirish hamda zarur shart-sharoitlar yaratish choralarini koʻrsin;

v) joylarda olimpiya va paralimpiya sport turlarini rivojlantirish va muvofiqlashtirish, uslubiy qoʻllab-quvvatlash va monitoring qilish maqsadida sport federatsiya (assotsiatsiya)larining hududiy boʻlinmalarini tashkil etsin, shuningdek, ularning moliyaviy va moddiy-texnik bazasini mustahkamlashga koʻmaklashsin;

g) joylardagi rahbar kadrlar orasidan nomzodlarni sport federatsiya (assotsiatsiya)lari hududiy boʻlinmalarining rahbari lavozimiga tavsiya etish choralarini koʻrsin.

10. Yoshlar siyosati va sport vazirligi, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, olimpiya va paralimpiya sport turlari boʻyicha federatsiya (assotsiatsiya)lar tomonidan belgilangan tartibda shakllantiriladigan roʻyxatlar boʻyicha xorijdan olib kelinadigan, Oʻzbekiston Respublikasida ishlab chiqarilmaydigan sport anjomlari, jihozlari, uskunalari, sunʼiy sport maydonlari va ularning yordamchi uskunalari (shu jumladan, maxsus mashgʻulot trenajyorlari, zamonaviy ilmiy texnologiya vositalari), maxsus sport kiyimlari (ekipirovkalar), kompyuter texnikasi, multimedia mahsulotlari, sport tibbiyoti jihozlari, tibbiy biologik va farmakologik preparatlar 2024-yil 1-oktabrga qadar bojxona bojidan ozod etilsin.

Yoshlar siyosati va sport vazirligi olimpiya va paralimpiya sport turlari boʻyicha federatsiya (assotsiatsiya)lar tomonidan xorijdan olib kelinayotgan sport anjomlari, jihozlari, uskunalari, sunʼiy sport maydonlari va ularning yordamchi uskunalari (shu jumladan, maxsus mashgʻulot trenajyorlari, zamonaviy ilmiy texnologiya vositalari), maxsus sport kiyimlari (ekipirovkalar), kompyuter texnikasi, multimedia mahsulotlari, sport tibbiyoti jihozlari, tibbiy biologik va farmakologik preparatlarning maqsadli ishlatilishi va xavfsizligi ustidan doimiy qatʼiy nazorat oʻrnatsin.

Davlat bojxona qoʻmitasi (M. Azimov) mazkur bandga asosan xorijdan olib kelinadigan tovarlardan boshqa maqsadlarda foydalanilgan taqdirda, imtiyozlar berilishi munosabati bilan toʻlanmagan bojxona boji summasi qonun hujjatlarida nazarda tutilgan moliyaviy sanksiyalar qoʻllanilgan holda Davlat budjetiga undirilishini taʼminlasin.

11. Iqtisodiyot va moliya vazirligi (Sh. Kudbiyev) Yoshlar siyosati va sport vazirligi (M. Ismailov) bilan birgalikda 2022-yil va kelgusi yillarda ijtimoiy va ishlab chiqarish infratuzilmasini rivojlantirish dasturini shakllantirishda ishlab chiqilgan loyiha-smeta hujjatlariga asosan Dasturga kiritilgan obyektlarni qurish, rekonstruksiya qilish hamda taʼmirlash uchun markazlashgan kapital qoʻyilmalar limitlarini ajratsin.

12. Belgilansinki, 2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga hamda keyingi oʻtkaziladigan Olimpiya va Paralimpiya oʻyinlariga maqsadli tayyorgarlik koʻrish doirasida olimpiya va paralimpiya sport turlari boʻyicha:

Oʻzbekiston Milliy olimpiya qoʻmitasi hamda Oʻzbekiston Milliy paralimpiya qoʻmitasi mablagʻlari hisobidan sportchi va trenerlarga Respublika komissiyasi tomonidan belgilanadigan miqdorda stipendiya koʻrinishida har oyda toʻlanadigan toʻlovlar tayinlanadi;

milliy terma jamoalar sportchilari, trenerlari va boshqa mutaxassislari uchun har oylik stipendiyalar, bir martalik toʻlanadigan pul mukofotlari, qimmatbaho sovgʻalar va boshqa yordam koʻrinishida olinadigan toʻlovlar jismoniy shaxslardan olinadigan daromad soligʻiga tortilmaydi va ularga ijtimoiy soliq hamda sugʻurta badallari hisoblanmaydi.

13. Sportni rivojlantirish vaziri A. Ikramov Moliya vazirligi (T. Ishmetov), Oʻzbekiston Milliy olimpiya qoʻmitasi (O. Kasimov), Oʻzbekiston Milliy paralimpiya qoʻmitasi (M. Tashxodjayev), manfaatdor vazirlik, idora va tashkilotlar bilan birgalikda 2022-yil 1-oktabrga qadar quyidagilarni nazarda tutuvchi Oʻzbekiston Respublikasi Prezidenti qarori loyihasini kiritsin:

a) sportni moliyalashtirish tizimini tubdan qayta koʻrib chiqib, ushbu jarayonning shaffof boʻlishi hamda sarflangan mablagʻlarning natijadorligiga eʼtiborni qaratish;

b) Davlat budjetidan ajratilayotgan mablagʻlarning samaradorligi, shaffofligi va hisobdorligini oshirish maqsadida, Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi va sport federatsiya (assotsiatsiya)lariga Olimpiya va Paralimpiya oʻyinlariga tayyorgarlik koʻrish uchun mablagʻ ajratish boʻyicha alohida tartibni joriy qilish;

v) Olimpiya va Paralimpiya oʻyinlari, Osiyo va Paraosiyo oʻyinlari, nufuzli xalqaro sport musobaqalari (kuboklari) gʻoliblari hamda sovrindorlari, shuningdek, sportchilarni tayyorlagan trenerlar, shifokorlar va boshqa sport mutaxassislarini ilgʻor xorijiy tajriba asosida ragʻbatlantirishning zamonaviy tizimini joriy qilish. Bunda:

ushbu masalalarni tartibga soluvchi normativ-huquqiy hujjatlarni tizimlashtirish;

oʻzini namoyon eta olgan milliy terma jamoalar sportchilari, trenerlari, shifokorlari va boshqa sport mutaxassislarini uy-joy bilan taʼminlash;

yutqiziqsiz lotereyalarni tashkil qilish mexanizmlarini joriy qilish;

sportchilar, trenerlar, shifokorlar va boshqa sport mutaxassislarining bir yilda bir marta oʻzlari uchun maqbul boʻlgan muddatda sanatoriy-sogʻlomlashtirish muassasalarida sogʻlomlashtirish kursidan bepul foydalanishning aniq mexanizmlarini joriy qilish nazarda tutiladi.

14. Bosh prokuratura (N. Yoʻldoshev) Bosh vazir oʻrinbosari — turizm va sport vaziri A. Abduxakimov, Hisob palatasi (B. Turabov), Moliya vazirligi (T. Ishmetov) bilan birgalikda Tokio shahrida (Yaponiya) boʻlib oʻtgan XXXII yozgi Olimpiya va XVI Paralimpiya oʻyinlariga tayyorgarlik koʻrish uchun ajratilgan mablagʻlardan, shuningdek, Olimpiya va Paralimpiya oʻyinlariga tayyorgarlik koʻrish uchun ajratiladigan mablagʻlardan Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, sport federatsiya (assotsiatsiya)lari, boshqa sport tashkilotlari tomonidan oqilona, tejamkor va samarali foydalanilganligi (foydalanilayotganligi), tender va tanlovlar ochiq va shaffof holda oʻtkazilganligi (oʻtkazilayotganligi), korrupsiyaga yoʻl qoʻyilmaganligi (yoʻl qoʻyilmayotganligi), davlat xaridlarining boshqa asosiy prinsiplariga toʻliq rioya qilinganligiga (rioya qilinayotganligi) qonuniy baho bersin hamda uning natijalari boʻyicha tegishli choralarni koʻrsin.

15. Moliya vazirligi (T. Ishmetov):

joriy yil yakuniga qadar 2021-yilda Tokio shahrida (Yaponiya) boʻlib oʻtgan XXXII yozgi Olimpiya va XVI Paralimpiya oʻyinlariga tayyorgarlik koʻrishga Davlat budjetidan ajratilgan mablagʻlar samaradorligini oʻrganib chiqsin hamda takliflar kiritsin;

Yoshlar siyosati va sport vazirligi, Oʻzbekiston Milliy olimpiya qoʻmitasi va Oʻzbekiston Milliy paralimpiya qoʻmitasi, sport federatsiya (assotsiatsiya)lari tomonidan taqdim etilgan talabnomalar asosida Olimpiya va Paralimpiya oʻyinlariga tayyorgarlik koʻrish uchun zarur mablagʻlarni oʻrnatilgan tartibda 2022-yildan boshlab Davlat budjetidan ajratilishini taʼminlasin.

16. Yoshlar siyosati va sport vazirligi (A. Ikramov), Oʻzbekiston Milliy teleradiokompaniyasi (A. Xadjayev), Oʻzbekiston Milliy axborot agentligi (A. Kuchimov), Oʻzbekiston Milliy olimpiya qoʻmitasi, Oʻzbekiston Milliy paralimpiya qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari mazkur qarorning mazmun-mohiyati, Olimpiya va Paralimpiya oʻyinlariga tayyorgarlik koʻrayotgan Oʻzbekiston sportchilari toʻgʻrisida qisqa metrajli videoroliklar hamda maxsus koʻrsatuvlar tayyorlanishini va ommaviy axborot vositalarida keng yoritilishini taʼminlasin.

17. Mazkur qarorning ijrosini samarali tashkil qilishga masʼul va shaxsiy javobgar etib yoshlar siyosati va sport vaziri A.I. Ikramov, Oʻzbekiston Milliy olimpiya qoʻmitasi bosh kotibi O.O. Kasimov, Oʻzbekiston Milliy paralimpiya qoʻmitasi raisi M.M. Tashxodjayev hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidentining maslahatchisi K.K. Kuranbayev zimmasiga yuklansin.

Amalga oshirilayotgan chora-tadbirlar natijadorligi yuzasidan har yili 1-yanvargacha Oʻzbekiston Respublikasi Prezidentiga axborot berib borilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 5-noyabr,

PQ-5281-son

Oʻzbekiston Respublikasi Prezidentining 2021-yil 5-noyabrdagi PQ-5281-son qaroriga 2-ILOVA

2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga tayyorgarlik koʻrish boʻyicha maqsadli koʻrsatkichlar

T/r Sport turi Dasturlar soni Litsenziyalar soni I. Olimpiya sport turlari 1. Boks 13 12 2. Dzyudo 14 12 3. Yengil atletika 48 12 4. Suzish 28 10 5. Erkin kurash 12 7 6. Yunon-rum kurashi 6 5 7. Qilichbozlik 12 5 8. Ogʻir atletika 10 5 9. Akademik eshkak eshish 14 5 10. Baydarka va kanoeda eshkak eshish 10 5 11. Velosport 22 5 12. Taekvondo (WT) 8 4 13. Oʻq otish (stenddan otish) 12 4 14. Tennis 5 2 15. Zamonaviy beshkurash 2 2 16. Badiiy gimnastika 2 2 17. Sport gimnastikasi 12 2 18. Slalomda eshkak eshish 6 1 19. Trampolin 2 1 20. Kamondan otish 4 1 21. Futbol 2 1 22. Basketbol 2 1 23. Gandbol 2 1 24. Chim ustida xokkey 2 1 25. Voleybol 2 1 26. Regbi 2 1 Jami 254 103 II. Paralimpiya sport turlari 1. Parayengil atletika 167 40 2. Paradzyudo 13 12 3. Parasuzish 146 26 4. Parapauerlifting 20 8 5. Paravelosport 51 1 6. Parataekvondo (WT) 6 4 7. Paraakademik eshkak eshish 4 4 8. Parakanoeda eshkak eshish 9 6 9. Paraoʻq otish 13 1 10. Parakamondan otish 9 1 11. Bochcha 7 1 12. Parastol tennisi 31 1 Jami 476 105 III. Istiqbolli olimpiya sport turlari 1. Sinxron suzish 2 2. Suv polosi 2 3. Suvga sakrash 8 4. Ot sporti 3 5. Triatlon 2 6. Stol tennisi 5 7. Badminton 5 8. Qoyani zabt etish 4 Jami 31 Hammasi 761 208

Oʻzbekiston Respublikasi Prezidentining 2021-yil 5-noyabrdagi PQ-5281-son qaroriga 3-ILOVA

2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga tayyorgarlik koʻruvchi Oʻzbekiston milliy terma jamoalarining

KONTINGENTI

T/r Sport federatsiya (assotsiatsiya)lari Sport turi Terma jamoa Jami Shundan: Sportchilar Shu jumladan: Trenerlar Boshqa mutaxassislar Erkaklar Ayollar I. Olimpiya sport turlari 1. Oʻzbekiston badminton federatsiyasi Badminton 30 24 12 12 4 2 2. Oʻzbekiston basketbol federatsiyasi Basketbol 60 48 24 24 8 4 3. Oʻzbekiston boks federatsiyasi Boks 65 52 27 25 8 5 4. Oʻzbekiston velosport federatsiyasi Velosport BMX 6 4 2 2 2 - Velosport MTB 6 4 2 2 2 - Velosport shosse 20 15 8 7 3 2 Velosport trek 23 18 9 9 3 2 5. Oʻzbekiston voleybol federatsiyasi Voleybol 60 48 24 24 8 4 6. Oʻzbekiston gandbol federatsiyasi Gandbol 70 56 28 28 8 6 7. Oʻzbekiston gimnastika federatsiyasi Sport gimnastikasi 30 24 12 12 4 2 Badiiy gimnastika 27 21 - 21 4 2 Trampolin 8 6 3 3 2 8. Oʻzbekiston dzyudo federatsiyasi Dzyudo 70 56 28 28 10 4 9. Oʻzbekiston yengil atletika federatsiyasi Yengil atletika 159 129 65 64 20 10 10. Oʻzbekiston kamondan otish federatsiyasi Kamondan otish 20 16 8 8 3 1 11. Oʻzbekiston qilichbozlik federatsiyasi Qilichbozlik 60 48 24 24 8 4 12. Oʻzbekiston ogʻir atletika federatsiyasi Ogʻir atletika 38 30 15 15 5 3 13. Oʻzbekiston yilqichilik va ot sporti federatsiyasi Ot sporti 22 18 9 9 3 1 14. Oʻzbekiston regbi federatsiyasi Regbi 60 48 24 24 8 4 15. Oʻzbekiston sport kurashlari assotsiatsiyasi Erkin kurash 60 48 24 24 8 4 Yunon-rum kurashi 30 24 24 - 4 2 16. Oʻzbekiston stol tennisi federatsiyasi Stol tennisi 30 24 12 12 4 2 17. Oʻzbekiston suzish federatsiyasi Suzish 70 56 28 28 8 6 Sinxron suzish 25 20 - 20 3 2 Suv polosi 55 44 24 20 7 4 Suvga sakrash 30 24 12 12 4 2 18. Oʻzbekiston taekvondo (WT) assotsiatsiyasi Taekvondo (WT) 40 32 16 16 6 2 19. Oʻzbekiston tennis federatsiyasi Tennis 30 24 12 12 4 2 20. Oʻzbekiston oʻq otish sporti federatsiyasi Oʻq otish va stenddan otish 30 24 12 12 4 2 21. Oʻzbekiston chim ustida xokkey federatsiyasi Chim ustida xokkey 80 64 32 32 10 6 22. Oʻzbekiston “ROWING & CANOE” federatsiyasi Baydarka va kanoeda eshkak eshish 75 60 30 30 12 3 Akademik eshkak eshish 120 96 48 48 18 6 Slalomda eshkak eshish 23 18 9 9 3 2 23. Oʻzbekiston triatlon federatsiyasi Triatlon 8 6 3 3 2 24. Oʻzbekiston zamonaviy besh kurash federatsiyasi Zamonaviy besh kurash 8 6 3 3 2 25. Oʻzbekiston futbol assotsiatsiyasi Futbol 90 72 40 32 10 8 26. Oʻzbekiston sport raqsi federatsiyasi Breyk-dans 10 6 3 3 2 2 27. Oʻzbekiston alpinizm va qoyani zabt etish federatsiyasi Qoyani zabt etish 10 8 4 4 2 Jami 1 658 1 321 660 661 226 111 II. Paralimpiya sport turlari 28. Oʻzbekiston Milliy paralimpiya qoʻmitasi, Oʻzbekiston dzyudo federatsiyasi Paradzyudo 50 39 8 3 29. Oʻzbekiston Milliy paralimpiya qoʻmitasi, Oʻzbekiston taekvondo (WT) assotsiatsiyasi Parataekvondo (WT) 22 16 4 2 30. Oʻzbekiston Milliy paralimpiya qoʻmitasi, Oʻzbekiston oʻq otish sporti federatsiyasi ?araoʻq otish 20 15 3 2 31. Oʻzbekiston Milliy paralimpiya qoʻmitasi, Oʻzbekiston suzish federatsiyasi Parasuzish 40 29 8 3 32. Oʻzbekiston Milliy paralimpiya qoʻmitasi, Oʻzbekiston pauerlifting federatsiyasi Parapauerlifting 48 40 6 2 33. Oʻzbekiston Milliy paralimpiya qoʻmitasi, Oʻzbekiston yengil atletika federatsiyasi Parayengil atletika 80 67 10 3 34. Oʻzbekiston Milliy paralimpiya qoʻmitasi, Oʻzbekiston “ROWING & CANOE” federatsiyasi Parakanoeda eshkak eshish 28 22 4 2 Paraakademik eshkak eshish 26 20 4 2 35. Oʻzbekiston Milliy paralimpiya qoʻmitasi, Oʻzbekiston futbol assotsiatsiyasi Bochcha 18 13 3 2 36. Oʻzbekiston Milliy paralimpiya qoʻmitasi, Oʻzbekiston velosport federatsiyasi Paravelosport 30 25 3 2 37. Oʻzbekiston Milliy paralimpiya qoʻmitasi, Oʻzbekiston kamondan otish federatsiyasi Parakamondan otish 20 15 3 2 38. Oʻzbekiston Milliy paralimpiya qoʻmitasi, Oʻzbekiston stol tennisi federatsiyasi Parastol tennisi 18 13 3 2 Jami 400 314 59 27 Hammasi 2 058 1 635 285 138

Izoh: 2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini tayyorlash boʻyicha Respublika komissiyasining qaroriga asosan Olimpiya va Paralimpiya oʻyinlariga tayyorgarlik koʻrayotgan sportchilar kontingentiga oʻzgartirish va qoʻshimchalar kiritilishi mumkin.

Oʻzbekiston Respublikasi Prezidentining 2021-yil 5-noyabrdagi PQ-5281-son qaroriga 4-ILOVA

2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini tayyorlash maqsadida sport federatsiya (assotsiatsiya)lariga biriktirilgan sport bazalari

ROʻYXATI

T/r Sport federatsiya (assotsiatsiya)lari Biriktirilgan sport bazalar Asosiy sport bazalari Hududiy sport bazalari 1. Oʻzbekiston boks federatsiyasi 1.Toshkent shahri, Oʻzbekiston boks federatsiyasi markazi. 2. Toshkent shahri, Yakkakurash sport turlariga ixtisoslashtirilgan sport maktabi. 1. Buxoro, Jizzax, Quvasoy va Qoʻqon shaharlaridagi sport maktablari. 2. Jizzax shahri, “Universal” sport kompleksi. 3. Samarqand shahri, Boks boʻyicha oliy sport mahorati maktabi. 4. Angren shahri, “Yangiobod” respublika oʻquv-mashgʻulot bazasi. 5. Chirchiq olimpiya va paralimpiya sport turlariga tayyorlash markazi. 2. Oʻzbekiston sport kurashlari assotsiatsiyasi 1. Toshkent shahri, “Dinamo” jismoniy tarbiya va sport jamiyati. 1. Namangan viloyati, “Olmazor obod sihatgohi”. 2. Angren shahri, “Yangiobod” respublika oʻquv-mashgʻulot bazasi. 3. Oʻzbekiston taekvondo (WT) assotsiatsiyasi 1. Toshkent shahri, “Universal” sport saroyi. 1. Angren shahri, “Yangiobod” respublika oʻquv-mashgʻulot bazasi. 2. Respublika olimpiya va paralimpiya sport turlariga tayyorlash markazi. 3. Hududiy olimpiya va paralimpiya sport turlariga tayyorlash markazlari. 4. Oʻzbekiston dzyudo federatsiyasi 1. Toshkent shahri, dzyudoni rivojlantirish markazi. 1. Chirchiq shahri, sport maktabi. 2. Chirchiq shahri, “Kimyogar” sport kompleksi. 5. Oʻzbekiston qilichbozlik federatsiyasi 1. “Paxtakor” markaziy qilichbozlik zali. 2. “Umid” sport majmuasi. 1. Nukus olimpiya va paralimpiya sport turlariga tayyorlash markazi. 2. Andijon viloyati, ixtisoslashtirilgan sport maktabi. 3. Buxoro olimpiya va paralimpiya sport turlariga tayyorlash markazi. 4. Navoiy shahri, “Soʻgʻdiyona” sport majmuasi. 5. Chirchiq olimpiya va paralimpiya sport turlariga tayyorlash markazi. 6. Oʻzbekiston ogʻir atletika federatsiyasi 1. Oʻzbekiston davlat jismoniy tarbiya va sport universiteti. 2. Toshkent shahri, “Ogʻir atletika” markazi. 3. “Chirchiq Azamatlari” sport klubi. 1. Toshkent viloyati ixtisoslashtirilgan sport maktabi. 2. Xiva tumani sport maktabi. 3. Respublika olimpiya va paralimpiya sport turlariga tayyorlash markazi. 7. Oʻzbekiston yengil atletika federatsiyasi 1. Oʻzbekiston yengil atletika federatsiyasi. 1. Nukus olimpiya va paralimpiya sport turlariga tayyorlash markazi. 2. Samarqand olimpiya va paralimpiya sport turlariga tayyorlash markazi. 3. Urganch olimpiya va paralimpiya sport turlariga tayyorlash markazi. 4. Angren shahri, “Yangiobod” respublika oʻquv-mashgʻulot bazasi. 5. Respublika olimpiya va paralimpiya sport turlariga tayyorlash markazi. 6. Oʻzbekiston davlat jismoniy tarbiya va sport universiteti. 8. Oʻzbekiston suzish federatsiyasi 1. Namangan viloyati suv sporti turlariga ixtisoslashtirilgan sport maktabi. 2. Toshkent shahri suv sporti turlarini rivojlantirish respublika markazi. 3. Toshkent shahri “Saxovat sport servis” MCHJ suzish havzasi. 4. Respublika olimpiya va paralimpiya sport turlariga tayyorlash markazi. 1. Navoiy shahri, “Soʻgʻdiyona” sport majmuasi. 2. Namangan shahri, “Okean” suzish havzasi. 3. Angren shahri, “Delfin” suzish havzasi. 4. Suv sporti turlariga ixtisoslashtirilgan sport maktablari. 9. Oʻzbekiston “ROWING & CANOE” federatsiyasi 1. Suv sporti turlari boʻyicha respublika oliy sport mahorati maktabi. 2. “Water and rowing” sportklubi. 1. Namangan viloyati, “Fargʻona kanali”. 2. Namangan viloyati, “Olmazor obod sihatgohi”. 3. Samarqand viloyati, “Eshkak eshish kanali”. 4. Toshkent viloyati, “Karankoʻl” dam olish maskani. 5. Toshkent viloyati, “Qaldirgʻoch” dam olish oromgohi. 6. Toshkent shahri, “Boʻz suv” kanali. 10. Oʻzbekiston gimnastika federatsiyasi 1. Gimnastika boʻyicha ixtisoslashtirilgan respublika bolalar-oʻsmirlar olimpiya zaxirasi sport maktabi. 1. Nukus oliy sport mahorati maktabi. 2. Buxoro viloyati, Gimnastika sport turlariga ixtisoslashtirilgan sport maktabi. 3. Navoiy viloyati, Gimnastika sport turlariga ixtisoslashtirilgan sport maktabi. 4. Namangan viloyati, Gimnastika sport turlariga ixtisoslashtirilgan sport maktabi. 5. Namangan olimpiya va paralimpiya sport turlariga tayyorlash markazi. 6. Samarqand viloyati, Gimnastika sport turlariga ixtisoslashtirilgan sport maktabi. 7. Samarqand viloyati, “Sarteppo” sport majmuasi. 8. Fargʻona viloyati, Gimnastika sport turlar�ga ixtisoslashtirilgan sport maktabi. 9. Fargʻona olimpiya va paralimpiya zaxiralari kolleji. 10. Mirobod tumani, Gimnastika sport turlariga ixtisoslashtirilgan sport maktabi. 11. Mirzo-Ulugbek tumani,, Gimnastika sport turlariga ixtisoslashtirilgan sport maktabi. 12. Respublika olimpiya va paralimpiya sport turlariga tayyorlash markazi. 11. Oʻzbekiston kamondan otish federatsiyasi 1. Respublika olimpiya va paralimpiya sport turlariga tayyorlash markazi. 1. Buxoro, Qashqadaryo, Navoiy, Samarqand, Termiz va Fargʻona viloyatlaridagi kamondan otish bazalari. 2. Hududiy olimpiya va paralimpiya sport turlariga tayyorlash markazlari. 12. Oʻzbekiston oʻq otish sporti federatsiyasi 1. Toshkent viloyati, “Zamonaviy oʻq otish” sport majmuasi. 2. Toshkent shahri, Mudofaa vazirligining sport markazi. 1. Qoraqalpogʻiston Respublikasi, viloyatlar va Toshkent shahrida joylashgan “Vatanparvar” tashkilotining sport bazalari. 13. Oʻzbekiston velosport federatsiyasi 1. Qishki va murakkab texnik turlari boʻyicha Respublika oliy sport mahorati maktabi. 1. Toshkent viloyati, “Chimgan-Aziya” mehmonxonasi. 14. Oʻzbekiston tennis federatsiyasi 1. Toshkent shahridagi tennisga ixtisoslashgan olimpiya zaxiralari sport maktabi. 1.Andijon viloyati, sportning oʻyin turlari va yengil atletika boʻyicha ixtisoslashtirilgan sport maktabi. 2. Namangan viloyati, sportning oʻyin turlari va yengil atletika boʻyicha ixtisoslashtirilgan sport maktabi. 3. Fargʻona viloyati, sportning oʻyin turlari va yengil atletika boʻyicha ixtisoslashtirilgan sport maktabi. 15. Oʻzbekiston zamonaviy beshkurash federatsiyasi 1. Respublika olimpiya va paralimpiya sport turlariga tayyorlash markazi. 1. Suv sporti turlari boʻyicha respublika oliy sport mahorati maktabi. 2. “Umid” sport majmuasi. 16. Oʻzbekiston futbol assotsiatsiyasi 1. “JAR” sport majmuasi. 1. Qoraqalpogʻiston Respublikasi, viloyatlar va Toshkent shahrida joylashgan futbol mahorat maktablari, futbol akademiyalari va futbol maktablari. 17. Oʻzbekiston yilqichilik va ot sporti federatsiyasi 1. “Universal Jumping Agro” MCHJ. 1. Andijon, Buxoro, Namangan, Sirdaryo, Toshkent va Fargʻona viloyatlaridagi ixtisoslashtirilgan sport maktablari. 2. Respublika olimpiya va paralimpiya sport turlariga tayyorlash markazi. 3. Ot sporti boʻyicha respublika oliy sport mahorati maktabi. 18. Oʻzbekiston triatlon federatsiyasi 1. Respublika olimpiya zaxiralari kolleji. 2. “Paxtakor” markaziy stadioni. 3. Toshkent shahri, “Ekobogʻ”. 1. Namangan viloyati, “Olmazor obod sihatgohi”. 2. Toshkent viloyati yoʻllari. 3. Ohangaron shossesi boʻylab. 19. Oʻzbekiston stol tennisi federatsiyasi 1. Toshkent davlat transport universiteti. 1. Andijon viloyati, “Barkamol avlod” sport majmuasi. 2. Chust tumani sport maktabi. 3. Angren shahri, “Yangiobod” respublika oʻquv-mashgʻulot bazasi. 4. Urganch olimpiya va paralimpiya sport turlariga tayyorlash markazi. 5. Fargʻona viloyati sportning oʻyin turlari va yengil atletika boʻyicha ixtisoslashtirilgan sport maktabi. 20. Oʻzbekiston badminton federatsiyasi 1. Toshkent shahri, Oʻzbekiston badminton federatsiyasi “Chorsu” sport bazasi. 2. Toshkent shahri, Oʻzbekiston badminton markazi. 1. Buxoro viloyati, sportning oʻyin turlari va yengil atletika boʻyicha ixtisoslashtirilgan sport maktabi. 2. Namangan shahri, 1-son sport maktabi. 3. Xorazm viloyati, sportning oʻyin turlari va yengil atletika boʻyicha ixtisoslashtirilgan sport maktabi. 21. Oʻzbekiston gandbol federatsiyasi 1. Respublika olimpiya va paralimpiya sport turlariga tayyorlash markazi. 2. Toshkent shahri, sportning oʻyin turlari va yengil atletika boʻyicha ixtisoslashtirilgan sport maktabi. 1. Navoiy viloyati, sportning oʻyin turlari va yengil atletika boʻyicha ixtisoslashtirilgan sport maktabi. 2. Namangan viloyati, “Barkamol avlod” sport majmuasi. 3. Jizzax olimpiya va paralimpiya sport turlariga tayyorlash markazi. 4. Samarqand shahri, 2-akademik litsey. 5. Angren shahri, “Yangiobod” respublika oʻquv-mashgʻulot bazasi. 6. Respublika olimpiya va paralimpiya sport turlariga tayyorlash markazi. 7. “Olmaliq KMK” AJ sport zali. 8. Oʻzbekiston Milliy universiteti sport majmuasi. 22. Oʻzbekiston basketbol federatsiyasi 1. Toshkent davlat yuridik universiteti sport zali. 2. Toshkent shahri, “Umid” sport majmuasi. 3. Oʻzbekiston Milliy universiteti sport majmuasi. 4. Mudofaa vazirligi sport klubi majmuasi. 1. Nukus olimpiya va paralimpiya sport turlariga tayyorlash markazi. 2. Andijon davlat chet tillar pedagogika instituti. 3. Jizzax olimpiya va paralimpiya sport turlariga tayyorlash markazi. 4. Navoiy shahri, “Soʻgʻdiyona” sport majmuasi. 5. Namangan olimpiya va paralimpiya sport turlariga tayyorlash markazi. 6. Samarqand olimpiya va paralimpiya sport turlariga tayyorlash markazi. 7. Angren shahri, “Yangiobod” respublika oʻquv-mashgʻulot bazasi. 8. Urganch olimpiya va paralimpiya sport turlariga tayyorlash markazi. 23. Oʻzbekiston voleybol federatsiyasi 1. Respublika olimpiya va paralimpiya sport turlariga tayyorlash markazi. 2. Oʻzbekiston Milliy universiteti sport majmuasi. 1. Andijon viloyati, E.Vohidov nomidagi shaxmat va voleybol maktabi. 2. Jizzax viloyati, sportning oʻyin turlari va yengil atletika boʻyicha ixtisoslashtirilgan sport maktabi. 3. Navoiy olimpiya va paralimpiya sport turlariga tayyorlash markazi. 4. Angren shahri, “Yangiobod” respublika oʻquv-mashgʻulot bazasi. 5. Qoʻqon shahri, 2-son sport maktabi. 6. Fargʻona shahri, “Samo” sport majmuasi. 24. Oʻzbekiston chim ustida xokkey federatsiyasi 1. Andijon shahri, “Barkamol avlod” sport majmuasi. 2. Buxoro shahri, “Sitora” stadioni. 1. Andijon olimpiya va paralimpiya sport turlariga tayyorlash markazi. 2. Uchqoʻrgʻon tumani, 1-son sport maktabi. 3. Samarqand viloyati, sportning oʻyin turlari va yengil atletika boʻyicha ixtisoslashtirilgan sport maktabi. 4. Toshkent viloyati, sportning oʻyin turlari va yengil atletika boʻyicha ixtisoslashtirilgan sport maktabi. 5. Toshkent viloyati, “Qibray” markaziy stadioni. 6. Fargʻona viloyati, “Kimyogar” stadioni. 7. Xorazm viloyati, sportning oʻyin turlari va yengil atletika boʻyicha ixtisoslashtirilgan sport maktabi. 8. Toshkent shahri, Oʻzbekiston chim ustida xokkey federatsiyasi stadioni. 25. Oʻzbekiston regbi federatsiyasi 1. Oʻzbekiston Milliy universiteti stadioni. 1. Angren shahri, “Yangiobod” respublika oʻquv-mashgʻulot bazasi. 26. Oʻzbekiston sport raqsi federatsiyasi 1. “International Nouse Tashkent” akademiklitseyi. 1. Toshkent viloyati,“Kumushkon” dam olish oromgohi. 27. Oʻzbekiston alpinizm va qoyani zabt etish federatsiyasi 1. “Lokomotiv” bogʻi. 28. Oʻzbekiston golf federatsiyasi 1. Toshkent shahri, golf-klub. 29. Oʻzbekiston Milliy paralimpiya qoʻmitasi 1. Oʻzbekiston Milliy paralimpiya qoʻmitasi sport bazasi. 1. Angren shahri, “Yangiobod” respublika oʻquv-mashgʻulot bazasi. 2. Respublika olimpiya va paralimpiya sport turlariga tayyorlash markazi. 3. Nukus, Andijon, Jizzax, Navoiy, Namangan, Samarqand, Chirchiq va Urganch olimpiya va paralimpiya sport turlariga tayyorlash markazlari. 4. “Amirsoy” majmuasi. 5. “Xumo Arena” majmuasi. 6. Oʻzbekiston yengil atletika federatsiyasi sport majmuasi. 7. Navoiy shahri, “Soʻgʻdiyona” sport majmuasi. 8. Namangan shahri, “Okean” suzish havzasi. 9. Angren shahri, “Delfin” suzish havzasi. 10.Suv sport turlariga ixtisoslashtirilgan sport maktabi.

Izoh: 2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini tayyorlash boʻyicha Respublika komissiyasining qaroriga asosan ushbu roʻyxatga oʻzgartirish va qoʻshimchalar kiritilishi mumkin.

Oʻzbekiston Respublikasi Prezidentining 2021-yil 5-noyabrdagi PQ-5281-son qaroriga 5-ILOVA

2024-yil Parij shahrida (Fransiya) boʻlib oʻtadigan XXXIII yozgi Olimpiya va XVII Paralimpiya oʻyinlariga Oʻzbekiston sportchilarini tayyorlash boʻyicha Respublika komissiyasi

tarkibi

1. A.N. Aripov — Bosh vazir, komissiya raisi 2. A.A. Abduvaxitov — Oʻzbekiston Respublikasi Prezidentining maslahatchisi, komissiya raisining oʻrinbosari 3. A.I. Ikramov — yoshlar siyosati va sport vaziri, komissiya raisining oʻrinbosari 4. A.J. Ramatov — Bosh vazirning birinchi oʻrinbosari 5. D.A. Kuchkarov — Bosh vazir oʻrinbosari — iqtisodiy taraqqiyot va kambagʻallikni qisqartirish vaziri 6. B.A. Musayev — Bosh vazir oʻrinbosari 7. N.T. Yoʻldoshev — Bosh prokuror 8. T.A. Ishmetov — moliya vaziri 9. A.X. Kamilov — tashqi ishlar vaziri 10. I.R. Maxkamov — transport vaziri 11. Sh.X. Shermatov — xalq taʼlimi vaziri 12. A.X. Toshkulov — oliy va oʻrta maxsus taʼlim vaziri 13. A.M. Xadjibayev — sogʻliqni saqlash vaziri 14. M.B. Azimov — Davlat bojxona qoʻmitasi raisi 15. Sh.D. Kudbiyev — Davlat soliq qoʻmitasi raisi 16. A.Z. Saʼdullayev — Yoshlar ishlari agentligi direktori 17. A.K. Inakov — Tibbiy-ijtimoiy xizmatlarni rivojlantirish agentligi direktori 18. A.D. Xadjayev — Oʻzbekiston Milliy teleradiokompaniyasi raisi 19. A.K. Koʻchimov — Oʻzbekiston Milliy axborot agentligi bosh direktori 20. R.M. Shaabduraxmonov — Oʻzbekiston Milliy olimpiya qoʻmitasi raisi 21. M.M. Tashxodjayev — Oʻzbekiston Milliy paralimpiya qoʻmitasi raisi 22. K.M. Rafikov — Oʻzbekiston Kasaba uyushmalari federatsiyasi raisi 23. U.S. Salixbayeva — “Dori-Darmon” AK boshqaruvi raisi 24. O.A. Qosimov — Oʻzbekiston Milliy olimpiya qoʻmitasi bosh kotibi 25. B.M. Maxsitov — Oʻzbekiston sport faxriylari kengashi raisi 26. Lavozimi boʻyicha — Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari 27. Lavozimi boʻyicha — sport federatsiya (assotsiatsiya)lariga masʼul etib biriktirilgan vazirlik, idora va tashkilotlar rahbarlari 28. Lavozimi boʻyicha — sport federatsiya (assotsiatsiya)lari rahbarlari 29. Z.Z. Tadjibayev — Vazirlar Mahkamasi bosh mutaxassisi, komissiya kotibi

Izoh: komissiya aʼzolari boshqa ishga oʻtgan taqdirda uning tarkibiga ushbu lavozimga yangidan tayinlangan yoki tegishli funksiyalarni bajarish zimmasiga yuklangan shaxslar kiritiladi.