“Avtomobil yoʻllari” shaharsozlik normalari va qoidalariga qoʻshimcha va oʻzgartirishlar kiritish toʻgʻrisida (186-son)

15.10.2021

Oʻzbekiston Respublikasi Qurilish vazirining

Buyrugʻi

[Oʻzbekiston Respublikasi Adliya vazirligi tomonidan 2021-yil 1-noyabrda hisobga olindi, hisob raqami 50]

Oʻzbekiston Respublikasi Shaharsozlik kodeksiga muvofiq buyuraman:

1. SHNK 2.05.02-07* “Avtomobil yoʻllari” shaharsozlik normalari va qoidalariga ilovaga muvofiq qoʻshimcha va oʻzgartirishlar kiritilsin.

2. Mazkur buyruq Adliya vazirligida hisobga olingan kundan eʼtiboran kuchga kiradi.

Vazir B. ZAKIROV

Toshkent sh.,

2021-yil 15-oktabr,

186-son

Oʻzbekiston Respublikasi qurilish vazirining 2021-yil 15-oktabrdagi 186-son buyrugʻiga ILOVA

SHNQ 2.05.02-07* “Avtomobil yoʻllari” shaharsozlik normalari va qoidalariga kiritilayotgan qoʻshimcha va oʻzgartirishlar

1. 7.1-band quyidagi mazmundagi xatboshi bilan toʻldirilsin:

“Yoʻl toʻshamasining umumiy qalinligini hisoblashda, yemirilish qatlami yoʻlning toʻshamasi tarkibiga kiritiladi.”.

2. 42-jadvalda:

birinchi pozitsiya quyidagi tahrirda bayon etilsin:

“ I. II I markali A, B, G turdagi zich va oʻta zich issiq asfaltbeton va polimer asfaltbeton qorishmalari hamda chaqiq tosh mastikali asfaltbeton qorishmalari I markali gʻovak issiq asfaltbeton qorishmalar ”;

Izoh quyidagi tahrirda bayon etilsin:

“1. Asfaltbeton qorishmalari GOST 9128, GOST 31015 yoki OʼzDSt 3120 talablariga javob berishi kerak.

2. Bir qatlamli qoplamalar va qoplamaning ustki qatlami uchun koʻrsatilgan materiallar qabul qilinadi.

3. Xoʻjaliklararo qishloq avtomobil yoʻllari, shaharlar va boshqa aholi punktlarining koʻchalari (ichki yoʻllar) bir qatlamli qoplamalar bilan loyihalanganda, gʻovak issiq asfaltbeton qorishmalaridan foydalanishga ruxsat beriladi.”