Sugʻurta bozorini raqamlashtirish va hayot sugʻurtasi sohasini rivojlantirish boʻyicha qoʻshimcha chora-tadbirlar toʻgʻrisida (PQ-5265-son)

23.10.2021

Oʻzbekiston Respublikasi Prezidentining

Qarori

Milliy sugʻurta bozorining jadal rivojlanishini taʼminlash, isteʼmolchilarning sugʻurta bozoriga boʻlgan ishonchini oshirish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturida belgilangan vazifalarni bajarish maqsadida:

1. Shunday tartib oʻrnatilsinki, unga muvofiq:

a) 2022-yil 1-iyuldan boshlab:

sugʻurtaning barcha turlarini (klasslarini) elektron shaklda amalga oshirishga ruxsat beriladi;

barcha sugʻurta turlari boʻyicha sugʻurta polislari Moliya vazirligi huzuridagi Sugʻurta bozorini rivojlantirish agentligi Sugʻurta toʻlovlarini kafolatlash jamgʻarmasi bilan birgalikda yuritadigan yagona avtomatlashtirilgan axborot tizimida roʻyxatga olinadi;

b) 2023-yil 1-yanvardan boshlab majburiy sugʻurtaning barcha turlari boʻyicha sugʻurta polislarini qogʻoz blankalarda rasmiylashtirish amaliyoti bekor qilinadi.

2. Belgilab qoʻyilsinki:

2022-yil 1-yanvardan 2025-yil 1-yanvarga qadar hayot sugʻurtasi sohasida faoliyat yuritayotgan sugʻurta tashkilotlarining mazkur faoliyati qismi uchun hisoblanadigan foyda soligʻi boʻyicha belgilangan soliq stavkasi 50 foizga kamaytiriladi;

2022-yil 1-yanvardan 2028-yil 1-yanvarga qadar ish beruvchi tomonidan oʻz xodimlari uchun baxtsiz hodisalardan ehtiyot shart sugʻurta qilish va tibbiy sugʻurta turlari boʻyicha tuzilgan sugʻurta shartnomalari asosida Oʻzbekiston Respublikasida sugʻurta faoliyatini amalga oshirishga litsenziyasi boʻlgan yuridik shaxslarga yoʻnaltiriladigan mablagʻlar jismoniy shaxslarning jami daromadi sifatida qaralmaydi.

4. Sugʻurta toʻlovlarini kafolatlash jamgʻarmasi Moliya vazirligi huzuridagi Sugʻurta bozorini rivojlantirish agentligi hamda Axborot texnologiyalari va kommunikatsiyalarini rivojlantirish vazirligi bilan birgalikda 2022-yil 1-iyunga qadar transport vositalari egalarining fuqarolik javobgarligini majburiy sugʻurta qilish boʻyicha yagona axborot tizimi negizida barcha sugʻurta polislarini roʻyxatga oluvchi va ularning aylanmasini nazorat qiluvchi yagona avtomatlashtirilgan axborot tizimi (keyingi oʻrinlarda — Yagona axborot tizimi) joriy etilishini taʼminlasin.

Moliya vazirligi huzuridagi Sugʻurta bozorini rivojlantirish agentligi, Axborot texnologiyalari va kommunikatsiyalarini rivojlantirish vazirligi va Sugʻurta toʻlovlarini kafolatlash jamgʻarmasi:

2022-yil 1-aprelga qadar manfaatdor vazirlik va idoralar bilan birgalikda sugʻurta siri toʻgʻrisidagi qonunchilikda belgilangan talablarga qatʼiy rioya qilgan holda Yagona axborot tizimini vazirlik va idoralarning axborot tizimlari bilan integratsiya qilish boʻyicha texnik topshiriqni ishlab chiqsin va tasdiqlasin;

2022-yil 1-mayga qadar Yagona axborot tizimining manfaatdor vazirlik va idoralar axborot tizimlari, jismoniy va yuridik shaxslarning markaziy maʼlumotlar bazasi bilan sugʻurta sohasida oʻzaro elektron axborot almashinuvini yoʻlga qoʻysin.

5. Belgilansinki:

Yagona axborot tizimini ishlab chiqish hamda ushbu tizim ishlashi uchun zarur infratuzilmani yaratish boʻyicha ishlar Sugʻurta toʻlovlarini kafolatlash jamgʻarmasi hisobidan moliyalashtiriladi;

Sugʻurta shartnomalarini Yagona axborot tizimi orqali rasmiylashtirish sugʻurta tashkilotlari uchun majburiy hisoblanadi.

6. Moliya vazirligi sugʻurta tashkilotlari tomonidan ixtiyoriy pensiya sugʻurtasi hamda uzoq muddatli (besh yil va undan ortiq) hayot sugʻurtasi turlari boʻyicha sugʻurta mukofotlari hisobidan shakllangan mablagʻlarni investitsiya qilish maqsadida inflyatsiyaga bogʻlangan davlat qimmatli qogʻozlarga yoʻnaltirish boʻyicha taklif va tavsiyalar ishlab chiqsin.

Bunda, Moliya vazirligining 2022-yil 1-iyuldan boshlab inflyatsiyaga bogʻlangan davlat qimmatli qogʻozlarining chiqarilishi toʻgʻrisidagi taklifiga rozilik berilsin.

7. 2021 — 2023-yillarda Oʻzbekiston Respublikasining hayot sugʻurtasi sohasini hamda shaxsiy sugʻurta turlarini rivojlantirish boʻyicha “yoʻl xaritasi” ilovaga muvofiq tasdiqlansin.

8. Moliya vazirligi hayot sugʻurtasi sohasidagi milliy kadrlarni tayyorlash va qayta tayyorlash hamda xalqaro tajribani respublikada joriy etish yuzasidan Yaponiyaning The Foundation For The Advancement Of Life & Insurance Around The World (FALIA), Oriental Life Insurance Cultural Development Center (OLICD) va boshqa rivojlangan mamlakatlarning xalqaro hayot sugʻurtasi jamgʻarmalari (uyushmalari) bilan tajriba almashinuvi amaliyotini yoʻlga qoʻysin.

9. Axborot va ommaviy kommunikatsiyalar agentligi, Oʻzbekiston Milliy axborot agentligi va Oʻzbekiston Milliy teleradiokompaniyasi ommaviy axborot vositalarida ushbu qarorning maqsad va vazifalarini keng yoritish boʻyicha chiqishlar hamda mavzuli koʻrsatuvlar va eshittirishlarni tashkil etsin.

10. Mazkur qarorning ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 23-oktabr,

PQ-5265-son

Oʻzbekiston Respublikasi Prezidentining 2021-yil 23-oktabrdagi PQ-5265-son qaroriga ILOVA

2021 — 2023-yillarda Oʻzbekiston Respublikasining hayot sugʻurtasi sohasini hamda shaxsiy sugʻurta turlarini rivojlantirish boʻyicha

“YOʻL XARITASI”

T/r Chora-tadbirlar nomi Amalga oshirish shakli Ijro etish muddati Ijro uchun masʼullar 1. Sugʻurta faoliyati klassifikatoriga quyidagilarni qoʻshish orqali uni kengaytirish: a) hayotni sugʻurta qilish tarmogʻiga — majburiyatlarni taʼminlash uchun hayotni sugʻurtalash, uzoq muddatli ixtiyoriy pensiya sugʻurtasi, kapitalni qaytarish bilan hayotni sugʻurtalash; b) umumiy sugʻurta tarmogʻiga — tibbiy sugʻurta. Normativ-huquqiy hujjat 2022-yil may Sugʻurta bozorini rivojlantirish agentligi 2. Aholiga ajratilayotgan kreditlar boʻyicha hayotni sugʻurta qilish tarmogʻidagi sugʻurtalovchilar tomonidan kredit oluvchilarning hayotini sugʻurta qilish polislari qoʻshimcha taʼminot sifatida qabul qilinishi hamda ushbu taʼminot boʻyicha kredit ajratish tizimini keng joriy qilish. Tashkiliy chora-tadbirlar 2022-yil yanvar Moliya vazirligi, Markaziy bank, Sugʻurta bozorini rivojlantirish agentligi 3. Jamiyatda sugʻurta madaniyatini va aholining sugʻurta bozoriga boʻlgan ishonchini oshirishga, shuningdek, hayot va shaxsiy sugʻurtani ommalashtirish hamda respublika hududlarida uning salohiyatini kengaytirishga yoʻnaltirilgan reklama-maʼrifiy ishlarni tashkil qilish, shu jumladan: uchrashuvlar, brifinglar, konferensiyalar hamda amaliy seminarlar oʻtkazish; maxsus taʼlim va axborot telekoʻrsatuvlari tayyorlash; reklama, shu jumladan ijtimoiy-yoʻnaltirilgan reklama kampaniyasini oʻtkazish. Media reja Ishlab chiqish: 2022-yil iyul Amalga oshirish: 2022-2023-yillar Sugʻurta bozorini rivojlantirish agentligi, Oʻzbekiston sugʻurta bozorining professional ishtirokchilari uyushmasi 4. Ijtimoiy soʻrovnomalar oʻtkazish orqali hayot va shaxsiy sugʻurta bozorini monitoring qilib, sugʻurta mahsulotlarining sifati va raqobatbardoshligini oshirish yuzasidan takliflar va tavsiyalar ishlab chiqish. Tahliliy axborot Ishlab chiqish: 2022-yil may Amalga oshirish: 2022-2023-yillar Ishlab chiqish va amalga oshirish uchun — Raqobatni rivojlantirish va isteʼmolchilar huquqlarini himoya qilish qoʻmitasi Takliflar va tavsiyalarni oʻz vaqtida koʻrib chiqish uchun — Sugʻurta bozorini rivojlantirish agentligi 5. Ilgʻor xorijiy tajribani hisobga olgan holda uzoq muddatli ixtiyoriy pensiya sugʻurtasining yangi turlari va mexanizmlarini joriy etish yoʻli bilan fuqarolarning pensiya taʼminoti darajasini oshirish. Tashkiliy chora-tadbirlar 2021 — 2023-yillar Tashkillashtirish uchun — Sugʻurta bozorini rivojlantirish agentligi; Ijro uchun — hayot sugʻurtasi sohasidagi sugʻurta tashkilotlari 6. Ommaviy axborot vositalarida va ijtimoiy tarmoqlarda hayot va shaxsiy sugʻurtaning afzalliklari, zamonaviy sugʻurta xizmatlari haqidagi maʼlumotlarni, sugʻurta shartnomalarini tuzish va sugʻurta qoplamalarini (sugʻurta toʻlovlari) toʻlash tartibini, shuningdek, sugʻurta xizmatlari isteʼmolchilari huquqlarini himoya qilish mexanizmlarini keng yoritishni tashkillashtirish. Tashkiliy chora-tadbirlar 2022-2023-yillar Sugʻurta bozorini rivojlantirish agentligi, Raqobatni rivojlantirish va isteʼmolchilar huquqlarini himoya qilish qoʻmitasi, Oʻzbekiston sugʻurta bozorining professional ishtirokchilari uyushmasi 7. Milliy sugʻurta bozorining real ehtiyojlaridan kelib chiqqan holda hayot sugʻurtasi tarmogʻida mutaxassislarni tayyorlash (qayta tayyorlash) boʻyicha mahalliy va xorijiy taʼlim muassasalari bilan birgalikda oʻqitishning maxsus dasturlarini ishlab chiqish va amalga oshirish. Oʻqitishning maxsus dasturlari 2022-2023-yillar Sugʻurta bozorini rivojlantirish agentligi, Oʻzbekiston sugʻurta bozorining professional ishtirokchilari uyushmasi 8. Hayot sugʻurtasi tarmogʻida mutaxassislik boʻyicha professional standartlarni ishlab chiqish va mutaxassislar malakasini baholashning mustaqil tizimini yaratish. Tashkiliy chora-tadbirlar 2022-yil mart Ishlab chiqish uchun — Sugʻurta bozorini rivojlantirish agentligi Metodik jihatdan koʻmaklashish uchun — Oʻzbekiston sugʻurta bozorining professional ishtirokchilari uyushmasi 9. Hayot sugʻurtasi tashkilotlari tomonidan xalqaro reytinglarni olish boʻyicha quyidagilarni oʻz ichiga olgan kompleks chora-tadbirlarni amalga oshirish: hayot sugʻurtasi tashkilotlarining ishonchliligi va moliyaviy barqarorligini aniqlash maqsadida ularni reyting baholashdan oʻtkazish boʻyicha metodik tavsiyalar ishlab chiqish; milliy va xalqaro reyting agentliklari tomonidan hayot sugʻurtasi tashkilotlari oʻrtasida reytinglarni olish borasida tushuntirish ishlarini olib borish. Kompleks chora-tadbirlar Ishlab chiqish: 2022-yil iyul Amalga oshirish: 2022-2023-yillar Sugʻurta bozorini rivojlantirish agentligi 10. Transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasi faoliyatini kengaytirish va boshqaruv tizimini takomillashtirish. Vazirlar Mahkamasi qarori loyihasi 2022-yil yanvar Moliya vazirligi, Sugʻurta bozorini rivojlantirish agentligi, Toʻlovlarni kafolatlash jamgʻarmasi 11. Fuqarolarning pensiya taʼminotidan xabardorlik darajasini oshirish uchun uchrashuvlar, brifinglar, shuningdek, amaliy seminarlar oʻtkazish. Tashkiliy chora-tadbirlar 2021 — 2023-yillar Tashkillashtirish uchun — Sugʻurta bozorini rivojlantirish agentlig?; Ijro uchun — hayot sugʻurtasi sohasidagi sugʻurta tashkilotlari 12. Yangi va zamonaviy sotuv instrumentlarini joriy etish orqali hayot va shaxsiy sugʻurta mahsulotlarini sotish kanallarini kengaytirish, jumladan: “Cashback” tizimiga ega boʻlgan mobil ilovasini qoʻllash va bonuslar berish; sugʻurta agentlarini jalb qilgan holda, sugʻurta polislarini chakana sotish va tarmoq marketing tizimi uchun onlayn-platforma yaratish. Tashkiliy chora-tadbirlar 2022-2023-yillar Tashkil etish uchun — Sugʻurta bozorini rivojlantirish agentligi Amalga oshirish uchun — hayot sugʻurtasi sohasidagi sugʻurta tashkilotlari 13. Yangi tahrirdagi Sugʻurta agentlari toʻgʻrisidagi nizomni ishlab chiqish, unda quyidagilarni inobatga olish: sugʻurta agentlari faoliyatini tashkil etish va tartibga solishning zamonaviy metodlarini joriy qilish; sugʻurtalovchilar va sugʻurta agentlari oʻrtasida samarali hamkorlik mexanizmlarini joriy qilish; sugʻurta agenti vositachiligida tuzilgan sugʻurta shartnomalari boʻyicha vositachilik taqdirlash toʻlovlarini tabaqalashtirish; sertifikatlangan sugʻurta maslahatchilari va firma sugʻurta agentlari institutlarini tashkil qilish. Vazirlar Mahkamasi qarori loyihasi 2022-yil iyul Sugʻurta bozorini rivojlantirish agentligi 15. Majburiy sugʻurtaning yangi turlarini, shu jumladan davlat va jamiyat manfaatlarini hisobga olgan holda koʻchmas mulk va qishloq xoʻjaligi xavflarini sugʻurtalash turlarini kengaytirish boʻyicha takliflar tayyorlash. Tashkiliy chora-tadbirlar 2022-2023-yillar Sugʻurta bozorini rivojlantirish agentligi 16. Transport vositalari egalarining fuqarolik javobgarligini majburiy sugʻurta qilish boʻyicha yagona axborot tizimi negizida barcha sugʻurta turlarini roʻyxatga oluvchi va ularning aylanmasini nazorat qiluvchi yagona avtomatlashtirilgan axborot tizimini joriy etish. Tashkiliy chora-tadbirlar 2022-yil 1-iyun Sugʻurta toʻlovlarini kafolatlash jamgʻarmasi, Sugʻurta bozorini rivojlantirish agentligi, Axborot texnologiyalari va kommunikatsiyalarini rivojlantirish vazirligi 17. Yagona axborot tizimining manfaatdor vazirlik va idoralar axborot tizimlari, jismoniy va yuridik shaxslarning markaziy maʼlumotlar bazasi bilan sugʻurta sohasida oʻzaro elektron axborot almashinuvini yoʻlga qoʻyish. Tashkiliy chora-tadbirlar 2022-yil 1-may Sugʻurta bozorini rivojlantirish agentligi, Sugʻurta toʻlovlarini kafolatlash jamgʻarmasi, Axborot texnologiyalari va kommunikatsiyalarini rivojlantirish vazirligi 18. Sugʻurta tashkilotlari tomonidan ixtiyoriy pensiya sugʻurtasi hamda uzoq muddatli (besh yil va undan ortiq) hayot sugʻurtasi turlari boʻyicha sugʻurta mukofotlari hisobidan shakllangan mablagʻlarni investitsiya qilish maqsadida ularni inflyatsiyaga bogʻlangan davlat qimmatli qogʻozlariga yoʻnaltirish boʻyicha taklif va tavsiyalar ishlab chiqish. Tashkiliy chora-tadbirlar 2022-yil 1-iyun Moliya vazirligi, Sugʻurta bozorini rivojlantirish agentligi 19. Inflyatsiyaga bogʻlangan davlat qimmatli qogʻozlarini chiqarish choralarini koʻrish. Tashkiliy chora-tadbirlar 2022-yil 1-iyul Moliya vazirligi 20. Sugʻurtaning barcha turlarini (klasslarini) elektron shaklda sotish va rasmiylashtirish qoidalarini, shuningdek, ularning haqiqiyligini tekshirish mexanizmlarini oʻz ichiga olgan Elektron turdagi sugʻurta xizmatlarini koʻrsatish tartibi yuzasidan takliflar ishlab chiqish va Vazirlar Mahkamasiga kiritish. Vazirlar Mahkamasi qarori loyihasi 2022-yil iyun Sugʻurta bozorini rivojlantirish agentligi