52-modda. Rieltorlik faoliyati sohasidagi professional jamoat birlashmalarining boshqaruv organlari

Rieltorlik faoliyati sohasidagi professional jamoat birlashmasi aʼzolarining umumiy yigʻilishi ushbu jamoat birlashmasining yuqori organidir va ushbu yigʻilish kamida besh yilda bir marta chaqiriladi.

Ijro etuvchi organ rieltorlik faoliyati sohasidagi professional jamoat birlashmasining yuqori organi tomonidan uning aʼzolari orasidan saylanadi va jamoat birlashmasining faoliyatiga joriy rahbarlikni amalga oshiradi”;

5) 6-moddaning ikkinchi qismi quyidagi tahrirda bayon etilsin:

“Rieltorlik faoliyati sohasidagi vakolatli davlat organi:

rieltorlik faoliyati sohasidagi professional jamoat birlashmalarining faoliyatini muvofiqlashtiradi;

rieltorlik faoliyati sohasidagi professional jamoat birlashmalari bilan birgalikda malaka imtihonini oʻtkazadi;

malaka sertifikatini berish, uning amal qilishini tugatish va uni bekor qilishni amalga oshiradi;

rieltorlik faoliyati sohasidagi professional jamoat birlashmalarining malaka sertifikatining amal qilishini tugatish toʻgʻrisidagi taqdimnomalarini koʻrib chiqadi;

rieltorlik faoliyati sohasidagi professional jamoat birlashmalari bilan birgalikda rieltorlar uchun malaka oshirishning yagona dasturini tasdiqlaydi va uning bajarilishini nazorat qiladi;

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga rioya etilishi uchun masʼul boʻlgan rieltorlik tashkilotlari xodimlarining roʻyxatini shakllantiradi;

rieltorlik faoliyati sohasidagi professional jamoat birlashmalarining reyestrini yuritadi”;

6) 15-modda birinchi qismining:

ikkinchi xatboshisidagi “litsenziyani va” degan soʻzlar chiqarib tashlansin;

quyidagi mazmundagi oʻn ikkinchi xatboshi bilan toʻldirilsin:

“rieltorlik faoliyati sohasidagi professional jamoat birlashmalaridan biriga aʼzo boʻlishi”;