Oʻzbekiston Respublikasi Prezidentining “Alkogolli mahsulot ishlab chiqarishga davlat monopoliyasini joriy etish toʻgʻrisida”gi Farmonini bajarishga oid chora-tadbirlar haqida (398-son)

14.08.1997

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Alkogolli mahsulot ishlab chiqarishga davlat monopoliyasini joriy etish toʻgʻrisida” 1997-yil 19-iyundagi PF-1790-son Farmoniga muvofiq Vazirlar Mahkamasi qaror qiladi:

2. Davlat soliq qoʻmitasi, Moliya vazirligi, Makroiqtisodiyot va statistika vazirligi, “Oʻzmevasabzavotuzumsanoat-xolding” xolding kompaniyasi, “Oʻzkimyosanoat” uyushmasi, “Oʻzdavstandart” markazi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari alkogolli mahsulot ishlab chiqaruvchi xoʻjalik yurituvchi subyektlarni, ularning mulkchilik shakllaridan qatʼi nazar, shu jumladan, xorijiy sarmoya jalb qilingan korxonalarni, ularning mazkur qarorga 3-ilovada keltirilgan talablarga muvofiqligi yuzasidan roʻyxatdan oʻtkazish dalolatnomalarini 1997-yil 1-sentabrgacha Vazirlar Mahkamasiga taqdim etsinlar.

3. 1998-yil 1-yanvardan boshlab bir oy savdo qilish uchun quyidagi cheklangan stavkalar belgilansin:

savdo qilish huquqi uchun mahalliy yigʻim — eng kam oylik ish haqining ikki baravari miqdorida;

vino-aroq mahsulotlari bilan savdo qilish huquqi uchun litsenziya yigʻimi — eng kam oylik ish haqining uch baravari miqdorida.

Bunda savdo qilish huquqi uchun va litsenziya yigʻimi sertifikati (guvohnomasi) bir oydan oʻn ikki oygacha muddatga beriladi.

4. “Oʻzstandart” agentligi, mulkchilik shakllaridan qatʼi nazar, barcha korxonalarda alkogolli mahsulot ishlab chiqarishning texnologik rejimlarini va mahsulot sifatini muntazam ravishda nazorat qilsin.

5. Oʻzbekiston Respublikasi Adliya vazirligi oʻn kun muddatda Oʻzbekiston Respublikasining amaldagi qonunchiligiga oʻzgartirish va qoʻshimchalar kiritsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A. Muhitdinov zimmasiga yuklansin.

Oʻzbekiston Respublikasi Bosh vaziri Oʻ. SULTONOV

Toshkent sh.,

1997-yil 14-avgust,

398-son