Birlashgan Millatlar Tashkiloti Bosh Assambleyasining 2021-yil 18-maydagi “Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyasini amalga oshirish chora-tadbirlarining ijrosi ustidan parlament nazoratini olib borish haqida (SQ-370-IV-son)

27.08.2021

Oʻzbekiston Respublikasi Oliy Majlisi Senatining

Qarori

Orol dengizi fojiasi oʻzining gumanitar, ekologik va ijtimoiy-iqtisodiy salbiy oqibatlarining koʻlami jihatidan global muammoga aylandi.

Soʻnggi yillarda Orolboʻyi mintaqasini ekologik barqarorligini taʼminlash va ijtimoiy-iqtisodiy rivojlantirish boʻyicha Oʻzbekiston Respublikasi tomonidan yangi islohotlar va xalqaro tashabbuslar amalga oshirilmoqda. Shu jumladan, BMTning Orolboʻyi mintaqasi uchun Inson xavfsizligi boʻyicha koʻp tomonlama sheriklik trast jamgʻarmasi, Oʻzbekiston Respublikasi Prezidenti huzuridagi Orolboʻyi xalqaro innovatsiya markazi tashkil etildi.

Shuningdek, Oʻzbekiston Respublikasi Prezidentining 2020-yil 11-noyabrdagi “2020 — 2023-yillarda Qoraqalpogʻiston Respublikasini kompleks ijtimoiy-iqtisodiy rivojlantirish chora-tadbirlari toʻgʻrisida”gi PQ-4889-sonli qarori qabul qilindi.

Bu borada amalga oshirilgan eng muhim ishlardan biri, Oʻzbekiston Respublikasi Prezidenti Sh.M. Mirziyoyevning tashabbusi asosida Birlashgan Millatlar Tashkiloti Bosh Assambleyasining 2021-yil 18-maydagi 75-sessiyasida “Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyasi qabul qilindi.

Ushbu maxsus rezolyutsiyada belgilangan ustuvor vazifalarning ijrosini taʼminlash, Orolboʻyi mintaqasini ekologik va gumanitar inqiroz yuz berayotgan hududdan ekologik innovatsiyalar va texnologiyalar hududiga aylantirish maqsadida Oʻzbekiston Respublikasi Prezidentining 2021-yil 29-iyulda “Birlashgan Millatlar Tashkiloti Bosh Assambleyasining 2021-yil 18-maydagi “Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyasini amalga oshirish choralari toʻgʻrisida”gi PQ-5202-sonli qarori qabul qilindi.

Ushbu qaror bilan Orolboʻyi mintaqasiga iqtisodiyot tarmoqlarida resurstejovchi va yuqori samaraga ega zamonaviy innovatsion texnologiyalarni keng tatbiq qilish, ekologik barqarorlikni taʼminlash, ilmiy tadqiqotlar oʻtkazish va ilmiy-innovatsion ishlanmalarni amaliyotga joriy qilish, shuningdek, xalqaro hamkorlikni rivojlantirishga bogʻliq 2021 — 2024-yillarda amalga oshirilishi belgilangan 7 ta yoʻnalishdagi 71 ta tadbirdan iborat “Yoʻl xaritasi” tasdiqlandi.

“Yoʻl xaritasi”dagi tadbirlar uchun turli manbalardan 312 mlrd soʻm, 22,2 mln AQSH dollari, 6 mln yevroga teng mablagʻlar sarflanishi, har bir yoʻnalish boʻyicha tadbirlarning oʻz vaqtida va sifatli ijrosi tegishli vazirlik hamda idoralarning rahbarlari boshchiligida tuzilgan Ishchi guruhlar tomonidan taʼminlanishi belgilab berildi.

Shu bilan birga, qaror bilan maxsus rezolyutsiyada belgilangan vazifalarni amalga oshirish uchun 2021 — 2024-yillarda bajarilishi rejalashtirilgan 65 ta ustuvor innovatsion loyihalar tasdiqlandi. Ushbu loyihalar uchun turli manbalardan 1,9 trln soʻmga teng mablagʻlar sarf etilishi va natijada 4 500 ta ish oʻrni yaratilishi kutilmoqda.

Oʻzbekiston Respublikasi Prezidentining 2021-yil 29-iyuldagi “Birlashgan Millatlar Tashkiloti Bosh Assambleyasining 2021-yil 18-maydagi “Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyasini amalga oshirish choralari toʻgʻrisida”gi PQ-5202-sonli qarorining 8-bandida belgilangan tavsiyani inobatga olib, “Oʻzbekiston Respublikasi Oliy Majlisi Senati toʻgʻrisida”gi Oʻzbekiston Respublikasi Konstitutsiyaviy Qonunining 9-moddasiga muvofiq Oʻzbekiston Respublikasi Oliy Majlisi Senati qaror qiladi:

1. Quyidagilar:

“Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyada belgilangan vazifalarni bajarish boʻyicha “Yoʻl xaritasi” hamda ustuvor innovatsion loyihalarda belgilangan tadbirlar (keyingi oʻrinlarda — tadbirlar) ijrosi ustidan muntazam va taʼsirchan parlament nazoratini amalga oshirish rejasi 1-ilovaga;

Oʻzbekiston Respublikasi Oliy Majlisi Senatining aʼzolarini tadbirlarning oʻz vaqtida va sifatli ijrosini taʼminlash boʻyicha masʼul boʻlgan vazirliklar, idoralar, tashkilotlar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari (keyingi oʻrinlarda — masʼullar) kesimida biriktirish jadvali 2-ilovaga muvofiq tasdiqlansin.

2. “Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyada qayd etilgan vazifalarni bajarish boʻyicha ifodalangan tadbirlar ijrosi ustidan parlament nazoratini amalga oshirishning asosiy yoʻnalishlari sifatida quyidagilar belgilansin:

Qoraqalpogʻiston Respublikasi Joʻqorgʻi Kengesi deputatlari, shuningdek, maxsus rezolyutsiya bajarilishi boʻyicha Idoralararo komissiya hamda tadbirlarning ijrosi uchun masʼullar bilan doimiy ravishda hamkorlik qilish;

masʼullar tomonidan topshiriq va tadbirlarning bajarilishi yuzasidan oʻrganish tashkil qilish, parlament va senator soʻrovlarini yuborish;

rezolyutsiyaning mazmun mohiyatini, amalga oshirilayotgan ishlar boʻyicha aholi orasida tushuntirish va OAVda keng targʻib qilish ishlarini olib borish.

3. Tadbirlarning oʻz vaqtida va sifatli ijrosini taʼminlash boʻyicha biriktirilgan Oliy Majlis Senati aʼzolari har chorakda:

amaliy tadbirlarning tegishli vazirlik va idoralar tomonidan bajarilishini joyiga chiqqan holda oʻrganib borsin;

Orolboʻyida yashovchi aholining muammolarini yechishga hamda ekologik holatni yaxshilashga qaratilgan, joriy etilayotgan ekologik innovatsiyalar va texnologiyalarning natijadorligi, maxsus rezolyutsiyaning bajarilishi boʻyicha Idoralararo komissiya aʼzolari, masʼullar va Qoraqalpogʻiston Respublikasi Joʻqorgʻi Kengesi deputatlari bilan birgalikda muhokama qilsin;

joylarga chiqish davomida tadbirlarning amalga oshirilishida yuzaga kelgan muammolarni atroflicha oʻrganib, ularning yechimi boʻyicha takliflarni Senatning Orolboʻyi mintaqasini rivojlantirish masalalari qoʻmitasiga taqdim etsin.

4. Oʻzbekiston Respublikasi Vazirlar Mahkamasi:

har chorak yakuni boʻyicha maxsus rezolyutsiya bajarilishi boʻyicha Idoralararo komissiya aʼzolari, masʼullar ishtirokida Oʻzbekiston Respublikasi Prezidentining 2021-yil 29-iyuldagi “Birlashgan Millatlar Tashkiloti Bosh Assambleyasining 2021-yil 18-maydagi “Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyasini amalga oshirish choralari toʻgʻrisida”gi PQ-5202-sonli qarori ijrosini muhokama qilishni tashkil etsin hamda belgilangan tadbirlarning amalga oshirilishi yuzasidan tahliliy maʼlumotlarni Oliy Majlis Senatining Orolboʻyi mintaqasini rivojlantirish masalalari qoʻmitasiga kiritib borsin;

Davlat budjetidan moliyalashtiriladigan tadbirlar uchun 2022-yil va undan keyingi yillar boʻyicha tasdiqlanadigan xarajatlar parametrlarida zarur mablagʻlar ajratilishini taʼminlasin;

tashqi koʻmak mablagʻlarini ajratuvchi donor mamlakatlar, xalqaro tashkilotlar, moliya institutlari, jamgʻarmalar va kompaniyalar mablagʻlarini tadbirlarni amalga oshirish uchun jalb qilish choralarini koʻrsin;

“Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyasida belgilangan vazifalarni bajarish boʻyicha “Yoʻl xaritasi”ning 8-bandiga muvofiq “Orolboʻyi mintaqasini koʻp tomonlama barqaror rivojlantirish konsepsiyasi va “Yoʻl xaritasi”ni ishlab chiqsin. Bunda “Qoraqalpogʻistonda biznes qiling” shiori ostida boshqa hududlardan kelgan tadbirkorlik subyektlari tomonidan amalga oshiriladigan loyihalarni nazarda tutsin;

Qoraqalpogʻiston Respublikasiga boshqa hududlardan kelib tadbirkorlik bilan shugʻullanayotgan subyektlarga turli imtiyozlar va preferensiyalar berish boʻyicha takliflar ishlab chiqsin.

Ushbu qarorning 4-bandining uchinchi, toʻrtinchi, beshinchi va oltinchi xatboshilari yuzasidan 2021-yil 1-oktabrga qadar axborot taqdim etsin.

5. Qoraqalpogʻiston Respublikasi Joʻqorgʻi Kengesiga:

bir oy muddatda Qoraqalpogʻiston Respublikasi Joʻqorgʻi Kengesi deputatlarini joylarda amalga oshirilishi nazarda tutilgan amaliy tadbirlarning oʻz vaqtida va sifatli ijrosini taʼminlash uchun masʼul etib belgilash;

tadbirlarning ijrosini taʼminlash boʻyicha biriktirilgan senatorlar bilan doimiy ravishda Qoraqalpogʻiston Respublikasi Joʻqorgʻi Kengesi deputatlarining hamkorlikda ishlashini tashkil etish va tadbirlarning oʻz vaqtida bajarilishi ustidan nazoratni amalga oshirish tavsiya etilsin.

6. Oʻzbekiston Respublikasi Oliy Majlisi Senatining Orolboʻyi mintaqasini rivojlantirish masalalari qoʻmitasi:

tadbirlarning amalga oshirilishi va ularning natijadorligini tahlil qilib borsin;

tadbirlarning ijrosi bilan bogʻliq yuzaga kelgan muammolarni bartaraf etish choralarini koʻrsin, har bir tadbirning oʻz vaqtida va sifatli amalga oshirilishining uzluksiz nazoratini taʼminlasin, zarur hollarda tadbirlar bajarilishida sustkashlikka yoʻl qoʻygan mansabdor shaxslar boʻyicha tegishli davlat va xoʻjalik boshqaruvi organlariga taklif va tavsiyalar taqdim etsin;

Birlashgan Millatlar Tashkiloti Bosh Assambleyasining 2021-yil 18-maydagi “Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyasida belgilangan vazifalarni bajarish boʻyicha “Yoʻl xarita”si hamda ustuvor innovatsion loyihalarda belgilangan chora-tadbirlar amalga oshirilishini muvofiqlashtirib borsin, ularning bajarilishi yuzasidan tahliliy maʼlumotlarni tayyorlasin hamda har chorak yakuni boʻyicha Oliy Majlis Senati Raisiga axborot kiritib borsin.

7. Mazkur Qarorning ijrosini nazorat qilish Oʻzbekiston Respublikasi Oliy Majlisi Senati Raisining birinchi oʻrinbosari S. Safoyev zimmasiga yuklansin.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2021-yil 27-avgust,

SQ-370-IV-son

Oʻzbekiston Respublikasi Oliy Majlisi Senatining 2021-yil 27-avgustdagi SQ-370-IV-sonli qaroriga 1-ILOVA

Birlashgan Millatlar Tashkiloti Bosh Assambleyasining 2021-yil 18-maydagi “Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyasini amalga oshirish chora-tadbirlarining ijrosi ustidan parlament nazoratini olib borish

REJASI

T\r Tadbirlar nomi Amalga oshirish mexanizmi Ijro muddati Masʼul ijrochilar 1. Birlashgan Millatlar Tashkiloti Bosh Assambleyasining 2021-yil 18-maydagi “Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyani amalga oshirish boʻyicha Idoralararo komissiya, masʼullar va biriktirilgan Senat aʼzolari hamda Qoraqalpogʻiston Respublikasi Joʻqorgʻi Kengesi deputatlarining hamkorlikda ishlashini tashkil etish 1. Idoralararo komissiya, masʼullar va biriktirilgan Senat aʼzolari hamda Qoraqalpogʻiston Respublikasi Joʻqorgʻi Kengesi deputatlarining hamkorlikda ishlashini tashkil etish boʻyicha videokonferensaloqa yigʻilishini tashkil etish. 2. Yigʻilishda tadbirlarning ijrosini oʻz vaqtida va sifatli taʼminlash boʻyicha masʼullar, Senat aʼzolari hamda Qoraqalpogʻiston Respublikasi Joʻqorgʻi Kengesi deputatlarining asosiy vazifalari, ularni amalga oshirishda hamkorlikni yoʻlga qoʻyish, maʼlumot almashish hamda axborot berish tizimini tashkil etish masalasini koʻrib chiqish. 2021-yil sentabr Orolboʻyi mintaqasini rivojlantirish masalalari qoʻmitasi, Qoraqalpogʻiston Respublikasi Joʻqorgʻi Kengesi (kelishuv asosida) 2. Oʻzbekiston Respublikasi Prezidentining 2021-yil 29-iyuldagi PQ-5202-sonli qarorida belgilab berilgan tadbirlarning ijrosini taʼminlash boʻyicha Senat aʼzolari va Joʻqorgʻi Kenges deputatlari tomonidan nazorat qilishdagi asosiy vazifalar toʻgʻrisida seminar tashkil etish 1. Oʻquv seminarni oʻtkazish boʻyicha dastur ishlab chiqish, taqdimot va tarqatma materiallarini tayyorlash. 2. Tadbirlar bajarilishi uchun masʼullar ishtirokida joylarda amaliy seminar tashkil etish. 2021-yil sentabr Orolboʻyi mintaqasini rivojlantirish masalalari qoʻmitasi, Qoraqalpogʻiston Respublikasi Joʻqorgʻi Kengesi (kelishuv asosida), masʼullar 3. Birlashgan Millatlar Tashkiloti Bosh Assambleyasining 2021-yil 18-maydagi “Orolboʻyi mintaqasini ekologik innovatsiyalar va texnologiyalar hududi deb eʼlon qilish toʻgʻrisida”gi maxsus rezolyutsiyaning vazifalarini amalga oshirish va erishilgan natijalarni ommaviy axborot vositalarida (televideniye, radio, gazeta, Internet jahon axborot tarmogʻi) keng yoritib borilishida senatorlar ishtirokini taʼminlash 1. Oʻzbekiston Respublikasi Prezidentining 2021-yil 29-iyuldagi PQ-5202-sonli qarorida belgilab berilgan tadbirlarning amalga oshirilishi va ularning natijadorligini keng yoritish boʻyicha Senatning media-rejasini ishlab chiqish. 2. Maxsus rezolyutsiyasining vazifalarini amalga oshirish va erishilgan natijalar boʻyicha ilmiy-amaliy konferensiyalar va davra suhbatlari oʻtkazish, intervyular berish, joylardan koʻrsatuvlar tayyorlash, shuningdek, maqolalar chop etishni taʼminlash. 2021-yil sentabr (media reja asosida) Oliy Majlis Senati devonining Axborot xizmati, barcha senatorlar 4. Oʻzbekiston Respublikasi Prezidentining 2021-yil 29-iyuldagi PQ-5202-sonli qarorida belgilab berilgan tadbirlarning ichki manbalardan moliyalashtirilishi yuzasidan Oʻzbekiston Respublikasi Moliya vazirining axborotini eshitish Tadbirlarni Davlat budjeti va boshqa ichki manbalardan moliyalashtirilishi holatini oʻrganish. 2021-yil noyabr Orolboʻyi mintaqasini rivojlantirish masalalari qoʻmitasi, Budjet va iqtisodiy islohotlar masalalari qoʻmitasi 5. Orolboʻyi mintaqasida siyosiy-huquqiy innovatsiyalar orqali tarkibiy va transformatsion oʻzgarishlar uchun qulay muhit yaratish hamda institutsional bazani rivojlantirishga yoʻnaltirilgan tadbirlarning amalga oshirilishini oʻrganish 1. Tadbirlarning amalga oshirilishini Senat aʼzolari va Joʻqorgʻi Kenges deputatlari ishtirokida joyiga chiqqan holda oʻrganish, tahlil qilish, mavjud muammolar yuzasidan takliflar tayyorlash va ularni masʼullar bilan muntazam muhokama qilishni tashkil etish. 2021-yil dekabr Orolboʻyi mintaqasini rivojlantirish masalalari qoʻmitasi, Qoraqalpogʻiston Respublikasi Joʻqorgʻi Kengesi (kelishuv asosida) 2. Oʻrganish natijalari asosida tahliliy materiallarni tayyorlash va Orolboʻyi mintaqasini rivojlantirish masalalari qoʻmitasi yigʻilishida koʻrib chiqish. 2022-yil yanvar 3. Yuzaga kelgan mavjud muammolar boʻyicha masalani Senatning Kengashiga kiritish. 2022-yil yanvar 6. Orolboʻyi mintaqasida ekologik barqarorlikni taʼminlash, tabiiy resurslardan oqilona foydalanishni raqamlashtirish va innovatsion yondashuvlarni amalga oshirishga yoʻnaltirilgan tadbirlarning ijrosi borishini oʻrganish 1. Tadbirlarning amalga oshirilishini Senat aʼzolari va Joʻqorgʻi Kenges deputatlari ishtirokida joyiga chiqqan holda oʻrganish, tahlil qilish, mavjud muammolar yuzasidan takliflar tayyorlash va ularni masʼullar bilan muntazam muhokama qilishni tashkil etish. 2022-yil mart Orolboʻyi mintaqasini rivojlantirish masalalari qoʻmitasi, Agrar, suv xoʻjaligi masalalari va ekologiya qoʻmitasi, Qoraqalpogʻiston Respublikasi Joʻqorgʻi Kengesi (kelishuv asosida) 2. Oʻrganish natijalari asosida tahliliy materiallarni tayyorlash va Orolboʻyi mintaqasini rivojlantirish masalalari qoʻmitasi hamda Agrar, suv xoʻjaligi masalalari va ekologiya qoʻmitasining qoʻshma yigʻilishida koʻrib chiqish. 2022-yil aprel 3. Yuzaga kelgan mavjud muammolar boʻyicha masalani Senatning Kengashiga kiritish. 2022-yil aprel 7. Orolboʻyi mintaqasida ijtimoiy sohani rivojlantirish va aholini qoʻllab-quvvatlashning innovatsion texnologiyalari hamda mexanizmlarini joriy qilishga yoʻnaltirilgan tadbirlarning ijrosi borishini oʻrganish 1. Tadbirlarning amalga oshirilishini Senat aʼzolari va Joʻqorgʻi Kenges deputatlari ishtirokida joyiga chiqqan holda oʻrganish, tahlil qilish, mavjud muammolar yuzasidan takliflar tayyorlash va ularni masʼullar bilan muntazam muhokama qilishni tashkil etish. 2022-yil iyun Orolboʻyi mintaqasini rivojlantirish masalalari qoʻmitasi, Fan, taʼlim va sogʻliqni saqlash masalalari qoʻmitasi, Qoraqalpogʻiston Respublikasi Joʻqorgʻi Kengesi (kelishuv asosida) 2. Oʻrganish natijalari asosida tahliliy materiallarni tayyorlash va Orolboʻyi mintaqasini rivojlantirish masalalari qoʻmitasi hamda Fan, taʼlim va sogʻliqni saqlash masalalari qoʻmitasi qoʻshma yigʻilishida koʻrib chiqish. 2022-yil iyul 3. Yuzaga kelgan mavjud muammolar boʻyicha masalani Senatning Kengashiga kiritish. 2022-yil iyul 8. Orolboʻyi mintaqasida: ustuvor innovatsion loyihalarning amalga oshirilishini; iqtisodiy va moliyaviy innovatsion mexanizmlardan keng foydalanish, iqtisodiyot tarmoqlarida resurslarni tejovchi va “yashil” innovatsion texnologiyalarni keng tatbiq qilishga yoʻnaltirilgan tadbirlarning ijrosi borishini oʻrganish 1. Tadbirlarning amalga oshirilishini Senat aʼzolari va Joʻqorgʻi Kenges deputatlari ishtirokida joyiga chiqqan holda oʻrganish, tahlil qilish, mavjud muammolar yuzasidan takliflar tayyorlash va ularni masʼullar bilan muntazam muhokama qilishni tashkil etish. 2022-yil sentabr Orolboʻyi mintaqasini rivojlantirish masalalari qoʻmitasi, Budjet va iqtisodiy islohotlar masalalari qoʻmitasi, Qoraqalpogʻiston Respublikasi Joʻqorgʻi Kengesi (kelishuv asosida) 2. Oʻrganish natijalari asosida tahliliy materiallarni tayyorlash va Orolboʻyi mintaqasini rivojlantirish masalalari qoʻmitasi hamda Budjet va iqtisodiy islohotlar masalalari qoʻmitasi yigʻilishida koʻrib chiqish. 2022-yil oktabr 3. Yuzaga kelgan mavjud muammolar boʻyicha masalani Senatning Kengashiga kiritish. 2022-yil oktabr 9. Orolboʻyi mintaqasida ilm-fanni rivojlantirish, ilmiy tadqiqotlar oʻtkazish, intellektual mulk obyektlarining yaratilishi huquqiy himoyasini taʼminlash hamda ilmiy-innovatsion ishlanmalarni joriy qilishda mahalliy va xalqaro hamkorlikni qoʻllab-quvvatlashga yoʻnaltirilgan tadbirlarning ijrosi borishini oʻrganish 1. Tadbirlarning amalga oshirilishini Senat aʼzolari va Joʻqorgʻi Kenges deputatlari ishtirokida joyiga chiqqan holda oʻrganish, tahlil qilish, mavjud muammolar yuzasidan takliflar tayyorlash va ularni masʼullar bilan muntazam muhokama qilishni tashkil etish. 2022-yil dekabr Orolboʻyi mintaqasini rivojlantirish masalalari qoʻmitasi, Fan, taʼlim va sogʻliqni saqlash masalalari qoʻmitasi, Qoraqalpogʻiston Respublikasi Joʻqorgʻi Kengesi (kelishuv asosida) 2. Oʻrganish natijalari asosida tahliliy materiallarni tayyorlash va Orolboʻyi mintaqasini rivojlantirish masalalari qoʻmitasi hamda Fan, taʼlim va sogʻliqni saqlash masalalari qoʻmitasi yigʻilishida koʻrib chiqish. 2023-yil yanvar 3. Yuzaga kelgan mavjud muammolar boʻyicha masalani Senatning Kengashiga kiritish. 2023-yil yanvar 10. Oʻzbekiston Respublikasi Prezidentining 2021-yil 29-iyuldagi PQ-5202-sonli qarorida belgilab berilgan tadbirlarning amalga oshirilishi monitoringini joriy etish Tadbirlar bajarilishi yuzasidan tahliliy materiallarni tayyorlash va Oliy Majlis Senatiga kiritib borish. har chorak yakuni boʻyicha keyingi oyning 10-sanasigacha Vazirlar Mahkamasi, Orolboʻyi mintaqasini rivojlantirish masalalari qoʻmitasi 11. Oʻzbekiston Respublikasi Prezidentining 2021-yil 29-iyuldagi PQ-5202-sonli qarorida belgilab berilgan tadbirlarning amalga oshirilishi va ularning natijadorligi boʻyicha Hukumat aʼzolari va masʼul ijrochilarning axborotini eshitib borish 1. Tadbirlarning bajarilishi boʻyicha oʻrganishda aniqlangan muammolarning koʻlamidan kelib chiqqan holda rezolyutsiya vazifalari bajarilishi boʻyicha masʼul boʻlgan Hukumat aʼzolari va masʼul ijrochilarning axborotini eshitish taklifini Oliy Majlis Senati Kengashiga kiritish. 2. Hukumat aʼzolari va masʼul ijrochilarning axborotini Oliy Majlis Senati majlislarida eshitib borish boʻyicha takliflar kiritish. zaruratdan kelib chiqqan holda har chorak yakuni bilan keyingi oyning 20-sanasigacha Senat yigʻilishlarida Orolboʻyi mintaqasini rivojlantirish masalalari qoʻmitasi 12. Oʻzbekiston Respublikasi Prezidentining 2021-yil 29-iyuldagi PQ-5202-sonli qarorida belgilab berilgan tadbirlarning amalga oshirilishida parlament soʻrovi institutlaridan keng foydalanish Oliy Majlis Senatining qoʻmitalari tomonidan zarur hollarda tadbirlarning amalga oshirilishi yuzasidan parlament soʻrovlarini tayyorlash. Oliy Majlis Senatining yalpi majlislarida koʻrib chiqiladi Oliy Majlis Senati qoʻmitalari

Oʻzbekiston Respublikasi Oliy Majlisi Senatining 2021-yil 27-avgustdagi SQ-370-IV-sonli qaroriga 2-ILOVA

Oʻzbekiston Respublikasi Oliy Majlisi Senatining aʼzolarini tadbirlarning oʻz vaqtida va sifatli ijrosini taʼminlash boʻyicha masʼullar kesimida biriktirish

JADVALI

T/r Biriktirilgan Senat aʼzolari Masʼullar (vazirliklar, idoralar, tashkilotlar, Qoraqalpogʻiston Respublikasi Vazirlar Kengashi, Toshkent shahar va viloyat hokimliklari) Oʻzbekiston Respublikasi Prezidentining 2021-yil 29-iyulda PQ-5202-son qarori bilan qabul qilingan: “Yoʻl xaritasi”dagi bandlar Ustuvor innovatsion loyihalardagi bandlar 1. B. Alixanov — Orolboʻyi mintaqasini rivojlantirish masalalari qoʻmitasi raisi Oʻzbekiston Respublikasi Ekologiya va atrof-muhitni muhofaza qilish davlat qoʻmitasi 11, 12, 13, 17, 43 53, 54, 55, 56 Oʻzbekiston Respublikasi Oʻrmon xoʻjaligi davlat qoʻmitasi 19, 21, 27, 51, 54, 56, 57, 66 3, 27, 28 Oʻzbekiston Respublikasi Geologiya va mineral resurslar davlat qoʻmitasi 14, 15, 30, 62 Oʻzbekiston Respublikasi Transport vazirligi 41 “Oʻzgidromet” markazi 10 Oʻzbekiston Milliy teleradiokompaniyasi 69 2. B. Matmuratov — Orolboʻyi mintaqasini rivojlantirish masalalari qoʻmitasi raisi oʻrinbosari Oʻzbekiston Respublikasi Qishloq xoʻjaligi vazirligi 7, 28, 37, 38, 59 8, 9, 10, 14 Oʻzbekiston Respublikasi Suv xoʻjaligi vazirligi 16 42, 43, 44, 45, 46, 47, 48, 49, 50, 51, 52 Oʻzbekiston Respublikasi Veterinariya va chorvachilikni rivojlantirish qoʻmitasi 65 3. O. Ataniyazova — Orolboʻyi mintaqasini rivojlantirish masalalari qoʻmitasi aʼzosi Oʻzbekiston Respublikasi Innovatsion rivojlanish vazirligi 1, 2, 5, 39, 63 Orolboʻyi xalqaro innovatsiya markazi 3, 6, 40, 46, 58 Oʻzbekiston Respublikasi Fanlar akademiyasi 57, 58, 59 Oʻzbekiston texnik jihatdan tartibga solish agentligi 24, 42, 53 4. E. Basitxanova — Orolboʻyi mintaqasini rivojlantirish masalalari qoʻmitasi aʼzosi Oʻzbekiston Respublikasi Sogʻliqni saqlash vazirligi 23, 25, 61 Oʻzbekiston Respublikasi Uy-joy kommunal xizmat koʻrsatish vazirligi 55, 60 Oʻzbekiston Respublikasi Xalq taʼlimi vazirligi 22, 47 Oʻzbekiston Respublikasi Oliy va oʻrta maxsus taʼlim vazirligi 34, 49, 50, 52 5. B. Kadirov — Orolboʻyi mintaqasini rivojlantirish masalalari qoʻmitasi aʼzosi Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi 32, 48 Oʻzbekiston Respublikasi Moliya vazirligi 70 Oʻzbekiston Respublikasi Investitsiyalar va tashqi savdo vazirligi 8, 67 Oʻzbekiston Respublikasi Tashqi ishlar vazirligi 68 6. B. Sharipov — Orolboʻyi mintaqasini rivojlantirish masalalari qoʻmitasi aʼzosi “Oʻzyogʻmoysanoat” uyushmasi 11 “Oʻzsanoatqurilishmateriallari” uyushmasi 17, 21, 22, 65 “Oʻzagroservis” AJ 20 “Oʻzkimyosanoat” AJ 12, 13 7. N. Achilov — Orolboʻyi mintaqasini rivojlantirish masalalari qoʻmitasi aʼzosi “Oʻztoʻqimachiliksanoat” uyushmasi 7, 18, 19, 62, 63, 64 “Oʻzcharmsanoat” uyushmasi 23, 24, 25, 26 8. F. Ermanov — Orolboʻyi mintaqasini rivojlantirish masalalari qoʻmitasi aʼzosi Qoraqalpogʻiston Respublikasi Vazirlar Kengashi 4, 9, 18, 20, 25, 26, 29, 31, 33, 35, 36, 44, 45, 64 4, 5, 6, 29, 60 Toshkent shahar hokimligi 71 Jizzax viloyati hokimligi 1, 2, 15, 16 9. N. Pardayev — Orolboʻyi mintaqasini rivojlantirish masalalari qoʻmitasi aʼzosi Namangan viloyati hokimligi 30, 31, 32, 33, 34, 35, 36, 37, 38, 39 Navoiy viloyati hokimligi 40, 41 Buxoro viloyat hokimligi 61