2003-2005-yillarda tez tibbiy yordam xizmatining moddiy-texnika bazasini yanada rivojlantirish va mustahkamlash chora-tadbirlari toʻgʻrisida (298-son)

22.08.2002

Oʻzbekiston Respublikasi Vazirlar Mahkamasining

qarori

Tez tibbiy yordam xizmatining moddiy-texnika bazasini yanada rivojlantirish va mustahkamlash, uni maxsus avtotransport, zamonaviy tibbiy asbob-uskunalar, asboblar, dorivor preparatlar va aloqa vositalari bilan jihozlash maqsadida Vazirlar Mahkamasi qaror qiladi:

1. Oʻzbekiston Respublikasi Sogʻliqni saqlash vazirligi, Makroiqtisodiyot va statistika vazirligi, Moliya vazirligi tomonidan ishlab chiqilgan 2003—2005-yillarda tez tibbiy yordam xizmatini rivojlantirish va jihozlash dasturi ilovaga muvofiq tasdiqlansin.

2. Oʻzbekiston Respublikasi Sogʻliqni saqlash vazirligi, Iqtisodiyot vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2003—2005-yillarda tez tibbiy yordam xizmatini rivojlantirish va jihozlash dasturida nazarda tutilgan tadbirlarning oʻz vaqtida bajarilishini taʼminlasinlar.

3. Oʻzbekiston Respublikasi Moliya vazirligi har yili Davlat budjeti prognozini shakllantirishda Dasturda nazarda tutilgan tez tibbiy yordam xizmatini rivojlantirish boʻyicha tadbirlarni amalga oshirish uchun xorijiy grantlar, imtiyozli kreditlar va homiylar mablagʻlari jalb etilishini hisobga olgan holda zarur mablagʻlar ajratishni nazarda tutsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari H.S. Karomatov va R.S. Azimov zimmasiga yuklansin.

2003—2005-yillarda tez tibbiy yordam xizmatini rivojlantirish va jihozlashning tasdiqlangan dasturi amalga oshirilishi Vazirlar Mahkamasining respublikani iqtisodiy va ijtimoiy rivojlantirish yakunlari boʻyicha har yilgi majlislarida koʻrib borilsin.

Vazirlar Mahkamasining Raisi I. KARIMOV

Toshkent sh.,

2002-yil 22-avgust,

298-son

Vazirlar Mahkamasining 2002-yil 22-avgustdagi 298-son qaroriga ILOVA

2003 — 2005-yillarda tez tibbiy yordam xizmatini rivojlantirish va jihozlash dasturi

2003 — 2005-yillarda tez tibbiy yordam xizmatini rivojlantirish va jihozlash dasturiga 1-ILOVA

2003 — 2005-yillarda Oʻzbekiston Respublikasining tez tibbiy yordam stansiyalari va kichik stansiyalarini mukammal taʼmirlash topshirigʻi

Izoh: 2002-yil narxlarida

2003 — 2005-yillarda tez tibbiy yordam xizmatini rivojlantirish va jihozlash dasturiga 2-ILOVA

2003 — 2005-yillarda Oʻzbekiston Respublikasining tez tibbiy yordam xizmatini sanitariya avtotransporti bilan jihozlash

2003 — 2005-yillarda tez tibbiy yordam xizmatini rivojlantirish va jihozlash dasturiga 3-ILOVA

2003 — 2005-yillarda tez tibbiy yordam xizmatini aloqa vositalari bilan jihozlashga hisoblab chiqilgan xarajatlar koʻrsatkichlari

2003 — 2005-yillarda tez tibbiy yordam xizmatini rivojlantirish va jihozlash dasturiga 4-ILOVA

2003 — 2005-yillarda respublika tez tibbiy yordam xizmatini xalqaro tashkilotlarning grantlari va imtiyozli kreditlari hisobiga tibbiyot texnikasi bilan jihozlashning hisoblab chiqilgan koʻrsatkichlari

2003 — 2005-yillarda tez tibbiy yordam xizmatini rivojlantirish va jihozlash dasturiga 5-ILOVA

2003 — 2005-yillarda tez tibbiy yordam xodimlarini kiyim-bosh bilan taʼminlashning hisoblab chiqilgan koʻrsatkichlari

Izoh: 2002-yilgi narxlarda

2003 — 2005-yillarda tez tibbiy yordam xizmatini rivojlantirish va jihozlash dasturiga 6-ILOVA

Sanitariya avtomashinalari soni koʻpayishi munosabati bilan qoʻshimcha shtatlarning hisob-kitobi

(Oʻzbekiston Respublikasi Qonun hujjatlari toʻplami, 2003-y., 4-son, 42-modda)