Oʻzbekiston Respublikasi Davlat budjeti pul mablagʻlarini kassali rejalashtirish va boshqarishni amalga oshirish boʻyicha hujjat shakllari va ularni taqdim qilish tartibi toʻgʻrisidagi yoʻriqnomaning 4-ilovasiga oʻzgartirish kiritish haqida (3009-2-son)

16.08.2021

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2021-yil 16-avgustda roʻyxatdan oʻtkazildi, roʻyxat raqami 3009-2]

Oʻzbekiston Respublikasi Prezidentining 2017-yil 1-dekabrdagi PF-5270-son “Nogironligi boʻlgan shaxslarni davlat tomonidan qoʻllab-quvvatlash tizimini tubdan takomillashtirish chora-tadbirlari toʻgʻrisida”gi Farmoniga muvofiq buyuraman:

1. Oʻzbekiston Respublikasi moliya vazirining 2018-yil 9-apreldagi 76-son buyrugʻi (roʻyxat raqami 3009, 2018-yil 11-may) (Oʻzbekiston Respublikasi qonun hujjatlari toʻplami, 2018-y., 19-son, 414-modda) bilan tasdiqlangan Oʻzbekiston Respublikasi Davlat budjeti pul mablagʻlarini kassali rejalashtirish va boshqarishni amalga oshirish boʻyicha hujjat shakllari va ularni taqdim qilish tartibi toʻgʻrisidagi yoʻriqnomaning 4-ilovasi “Xarajatlar nomi” ustunidagi “Nogiron bolasini” va “Bolalikdan nogironlar” degan soʻzlar tegishli ravishda “Nogironligi boʻlgan bolasini” va “Bolalikdan nogironligi boʻlgan shaxslar” degan soʻzlar bilan almashtirilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Moliya vaziri T. IShMETOV

Toshkent sh.,

2021-yil 4-avgust,

47-son