Oʻzbekiston Respublikasi banklarida arxiv ishlarini yuritish toʻgʻrisidagi qoida, shuningdek unga oʻzgartirishlar va qoʻshimchani oʻz kuchini yoʻqotgan deb topish toʻgʻrisida (841-2-son)

10.08.2021

OʻZBEKISTON RESPUBLIKASI MARKAZIY BANKI BOShQARUVINING

Qarori

[Oʻzbekiston Respublikasi Adliya vazirligi tomonidan 2021-yil 10-avgustda roʻyxatdan oʻtkazildi, roʻyxat raqami 841-2]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Arxiv ishi toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi Markaziy banki tomonidan 1999-yil 21-avgustda 147-son bilan tasdiqlangan Oʻzbekiston Respublikasi banklarida arxiv ishlarini yuritish toʻgʻrisidagi qoida (roʻyxat raqami 841, 1999-yil 25-noyabr);

Oʻzbekiston Respublikasi Markaziy banki boshqaruvining 2010-yil 14-avgustdagi 27/1-son “Oʻzbekiston Respublikasi banklarida arxiv ishlarini yuritish toʻgʻrisidagi qoidaga oʻzgartirishlar va qoʻshimcha kiritish haqida”gi qarori (roʻyxat raqami 841-1, 2010-yil 8-sentabr) (Oʻzbekiston Respublikasi qonun hujjatlari toʻplami, 2010-y., 35-36-son, 312-modda).

2. Mazkur qaror Oʻzbekiston Respublikasi “Oʻzarxiv” agentligi bilan kelishilgan.

3. Mazkur qaror rasmiy eʼlon qilingan kundan eʼtiboran uch oydan keyin kuchga kiradi.

Markaziy bank raisi M.B. NURMURATOV

Toshkent sh.,

2021-yil 15-iyul,

17/4-son

“Oʻzarxiv” agentligi direktori U.M. YUSUPOV

Toshkent sh.,

2021-yil 6-iyul