Ipoteka krediti mexanizmlari yanada takomillashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida (PF-6274-son)

05.08.2021

Oʻzbekiston Respublikasi Prezidentining

Farmoni

Uy-joy sharoitini yaxshilashga muhtoj aholini qoʻllab-quvvatlash, ipoteka krediti bozorini yanada rivojlantirish, xususiy pudrat tashkilotlarini uy-joylar qurilishiga keng jalb qilish hamda ularga qulay shart-sharoitlar yaratish maqsadida:

1. Oʻzbekiston Respublikasi Prezidentining 2021-yil 11-martdagi “Bozor tamoyillariga asoslangan ipoteka kreditlarini ajratish orqali aholini uy-joy bilan taʼminlashga oid qoʻshimcha chora-tadbirlar toʻgʻrisida”gi PF-6186-son Farmoniga muvofiq Iqtisodiy taraqqiyot va kambagʻallikni qisqartirish vazirligi zimmasiga respublika hududlarida uy-joy qurilishi bozorini rivojlantirish boʻyicha yagona davlat siyosatini ishlab chiqish va amalga oshirish hamda daromadi yuqori boʻlmagan va uy-joy sharoitlarini yaxshilashga muhtoj boʻlgan fuqarolarga ipoteka krediti boʻyicha Davlat budjeti mablagʻlari hisobidan subsidiyalar ajratilishini muvofiqlashtirish vazifalari yuklanganligi maʼlumot uchun qabul qilinsin.

Iqtisodiy taraqqiyot va kambagʻallikni qisqartirish vazirligining Uy-joy qurilishini rivojlantirish boshqarmasining shtat birliklari soni 4 tadan 12 taga oshirilsin.

Belgilansinki, Uy-joy qurilishini rivojlantirish boshqarmasining qoʻshimcha shtat birliklari Moliya vazirligi tizimidagi 8 ta shtat birligini qisqartirish hisobiga shakllantiriladi.

2. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.

3. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosarlari A.J. Ramatov va J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 5-avgust,

PF-6274-son

Oʻzbekiston Respublikasi Prezidentining 2021-yil 5-avgustdagi PF-6274-son Farmoniga ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2019-yil 28-noyabrdagi “Ipoteka krediti mexanizmlarini takomillashtirishga oid qoʻshimcha chora-tadbirlar toʻgʻrisida”gi PF-5886-son Farmonida:

a) 4-bandning uchinchi xatboshisi quyidagi tahrirda bayon etilsin:

“uy-joylarning hisoblangan qiymati har yili Iqtisodiy taraqqiyot va kambagʻallikni qisqartirish vazirligi tomonidan Moliya vazirligi hamda Qurilish vazirligi bilan kelishgan holda belgilanadi va har olti oyda qayta koʻrib chiqiladi”;

b) 1-ilova quyidagi tahrirda bayon etilsin:

“Oʻzbekiston Respublikasi Prezidentining 2019-yil 28-noyabrdagi PF-5886-son Farmoniga1-ILOVA

2020-yilda qishloq joylarida yangi tartibga muvofiq koʻp kvartirali uy-joylar qurish va subsidiyalar toʻlashning

maqsadli moʻljallari*

Izoh:

* 2020-yilda qishloq joylarida yangi tartibga muvofiq koʻp kvartirali uylarni qurish va subsidiyalar toʻlashning maqsadli moʻljallariga zarur hollarda Oʻzbekiston Respublikasi Vazirlar Mahkamasi tomonidan Bozor tamoyillari asosida uy-joy qurilishi va sotilishining yangi tartibini joriy etish boʻyicha respublika komissiyasi taklifiga koʻra tegishli oʻzgartirishlar kiritilishi mumkin.”;

v) 2-ilova quyidagi tahrirda bayon etilsin:

“Oʻzbekiston Respublikasi Prezidentining 2019-yil 28-noyabrdagi PF-5886-son Farmoniga 2-ILOVA

2020-yil shaharlarda yangi tartibga muvofiq koʻp kvartirali uy-joylar qurish va subsidiyalar toʻlashning

MAQSADLI MOʻLJALLARI*

Izoh.

* 2020-yilda shaharlarda yangi tartibga muvofiq koʻp kvartirali uy-joylar qurish va subsidiyalar toʻlashning maqsadli moʻljallariga zarur hollarda Oʻzbekiston Respublikasi Vazirlar Mahkamasi tomonidan Bozor tamoyillari asosida uy-joy qurilishi va sotilishining yangi tartibini joriy etish boʻyicha respublika komissiyasi taklifiga koʻra tegishli oʻzgartirishlar kiritilishi mumkin.

** Andijon, Namangan va Fargʻona viloyatlarida qurilgan kvartiralar sonidan ortgan subsidiyalar yangi tartib doirasidan tashqari qurilgan va birlamchi uy-joy bozorida sotiladigan kvartiralarni sotib olish uchun ajratiladigan ipoteka kreditlari boʻyicha berilishi mumkin.”.

2. Oʻzbekiston Respublikasi Prezidentining 2020-yil 7-dekabrdagi “Ipoteka krediti mexanizmlari yanada takomillashtirilishi munosabati bilan Oʻzbekiston Respublikasi Prezidenti va Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish toʻgʻrisida”gi PF-6126-son Farmoniga ilovaning 3-bandi oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2021-yil 11-martdagi “Bozor tamoyillariga asoslangan ipoteka kreditlarini ajratish orqali aholini uy-joy bilan taʼminlashga oid qoʻshimcha chora-tadbirlar toʻgʻrisida”gi PF-6186-son Farmonida:

a) 1-bandda:

toʻrtinchi xatboshi quyidagi tahrirda bayon etilsin:

“shaharlarda va qishloq joylarda ipoteka kreditlari boʻyicha dastlabki badal sotib olinadigan kvartira qiymatining 15 foizidan kam boʻlmagan miqdorda belgilanadi. Bunda, mazkur Farmon qabul qilinguniga qadar subsidiya taqdim etish toʻgʻrisidagi xabarnomalarni olgan shaxslarga ipoteka kreditlari va subsidiyalar 2020-yilda amalda boʻlgan shartlar va miqdorlarda ajratiladi”;

beshinchi xatboshi quyidagi tahrirda bayon etilsin:

“uy-joylarning hisoblangan qiymati har yili Iqtisodiy taraqqiyot va kambagʻallikni qisqartirish vazirligi tomonidan Moliya vazirligi hamda Qurilish vazirligi bilan kelishgan holda belgilanadi va har olti oyda qayta koʻrib chiqiladi”;

yettinchi xatboshi “toʻlanadi” soʻzidan keyin “, qonunchilik hujjatlarida nazarda tutilgan holatlar bundan mustasno” soʻzlari bilan toʻldirilsin;

b) 2-band quyidagi mazmundagi beshinchi va oltinchi xatboshilar bilan toʻldirilsin:

“Belgilansinki, 2021-yil 1-oktabrga qadar qurilishi yakunlanib, foydalanishga tayyor holda topshirilgan kvartiralarni sotib olish uchun ajratiladigan ipoteka kreditlari boʻyicha subsidiyalar sotib olinayotgan kvartiraning maydoni va narxi mazkur Farmonning 3-ilovasida keltirilgan kvartira maydonining eng koʻp meʼyori va uy-joyning hisoblangan qiymatidan oshgan taqdirda ham toʻlanadi.

Bunda, sotib olinadigan kvartiraning narxi uy-joyning hisoblangan qiymatidan oshib ketgan taqdirda, qiymatning qolgan qismi qarz oluvchi tomonidan oʻz mablagʻlari va qonun hujjatlarida taqiqlanmagan boshqa manbalar hisobidan toʻlanadi”;

v) 3-band quyidagi mazmundagi uchinchi xatboshi bilan toʻldirilsin:

“Osiyo taraqqiyot banki mablagʻlari hisobiga “Qishloq qurilish invest” IK” MChJ ishtirokida qishloq joylarda qoʻshimcha koʻp qavatli arzon uy-joylar qurilishini 4¹-ilovaga muvofiq”;

uchinchi xatboshi toʻrtinchi xatboshi deb hisoblansin;

g) 1-ilova quyidagi tahrirda bayon etilsin:

“Oʻzbekiston Respublikasi Prezidentining 2021-yil 11-martdagi PF-6186-son Farmoniga 1-ILOVA

2021-yilda yangi tartib doirasida ipoteka kreditlari ajratishning

MAQSADLI PARAMETRLARI*

* 2021-yilda yangi tartib doirasida ipoteka kreditlari ajratishning maqsadli parametrlariga zarur hollarda Vazirlar Mahkamasi tomonidan Iqtisodiy taraqqiyot va kambagʻallikni qisqartirish vazirligi hamda Moliya vazirligi takliflari asosida tegishli oʻzgartirishlar kiritilishi mumkin.”;

d) 2-ilova quyidagi tahrirda bayon etilsin:

“Oʻzbekiston Respublikasi Prezidentining 2021-yil 11-martdagi PF-6186-son Farmoniga 2-ILOVA

2021-yilda yangi tartib doirasida ipoteka kreditlari boʻyicha subsidiyalar ajratishning

MAQSADLI PARAMETRLARI*

* 2021-yilda yangi tartib doirasida ipoteka kreditlari boʻyicha subsidiyalar toʻlashning maqsadli parametrlariga zarur hollarda Vazirlar Mahkamasi tomonidan Iqtisodiy taraqqiyot va kambagʻallikni qisqartirish vazirligi hamda Moliya vazirligi takliflari asosida tegishli oʻzgartirishlar kiritilishi mumkin.”;

e) 3-ilova quyidagi tahrirda bayon etilsin:

“Oʻzbekiston Respublikasi Prezidentining 2021-yil 11-martdagi PF-6186-son Farmoniga 3-ILOVA

2021-yil uchun uy-joylarning hisoblangan qiymati, bir qarz oluvchiga ajratiladigan ipoteka krediti va ipoteka krediti boʻyicha dastlabki badalning bir qismini qoplash uchun Davlat budjetidan ajratiladigan subsidiyalarning eng koʻp miqdori*

* 2021-yil uchun uy-joylarning hisoblangan qiymati, bir qarz oluvchiga ajratiladigan ipoteka krediti va dastlabki badalning bir qismini qoplash uchun ajratiladigan subsidiyalarning eng koʻp miqdoriga, zarur hollarda Iqtisodiy taraqqiyot va kambagʻallikni qisqartirish vazirligi tomonidan Moliya vazirligi hamda Qurilish vazirligi bilan kelishgan holda tegishli oʻzgartirishlar kiritilishi mumkin.

** Sotib olinadigan uy-joyning shartnomadagi qiymati uy-joy hisoblangan qiymatidan kam boʻlgan taqdirda, dastlabki badalning bir qismi uchun subsidiyalar shartnomada koʻrsatilgan qiymatning 10 foizi miqdorida ajratiladi.”;

j) quyidagi mazmundagi 4¹-ilova bilan toʻldirilsin:

“Oʻzbekiston Respublikasi Prezidentining 2021-yil 11-martdagi PF-6186-son Farmoniga 4¹-ILOVA

Osiyo taraqqiyot banki mablagʻlari hisobiga “Qishloq qurilish invest” IK” MChJ ishtirokida qishloq joylarda qoʻshimcha koʻp qavatli arzon uy-joylar qurishning

MAQSADLI PARAMETRLARI*

* Qishloq joylarda qoʻshimcha koʻp qavatli arzon uy-joylar qurishning maqsadli parametrlariga zarur hollarda Vazirlar Mahkamasi tomonidan Iqtisodiy taraqqiyot va kambagʻallikni qisqartirish vazirligi hamda Moliya vazirligi takliflari asosida tegishli oʻzgartirishlar kiritilishi mumkin.”.

4. Oʻzbekiston Respublikasi Prezidentining 2018-yil 13-noyabrdagi “Oʻzbekiston Respublikasi Prezidenti davlat xavfsizlik xizmati harbiy xizmatchilarining uy-joy sharoitlarini yaxshilash boʻyicha chora-tadbirlar toʻgʻrisida” PQ-4014-son qarorining rus tilidagi matnida:

a) 1-bandning “a” kichik bandidagi “2021” raqami “2020” raqami bilan almashtirilsin;

b) 4-band va ilova oʻz kuchini yoʻqotgan deb hisoblansin.

5. Oʻzbekiston Respublikasi Prezidentining 2019-yil 12-sentabrdagi PQ-4447-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomning 190-bandida:

uchinchi xatboshidagi “uy-joy umumiy qiymatining 25 foizidan 50 foizigacha miqdordagi” soʻzlari “uy-joyning hisoblangan qiymatining 25 foizi miqdoridagi” soʻzlari bilan almashtirilsin;

toʻrtinchi xatboshi chiqarib tashlansin.

6. Oʻzbekiston Respublikasi Prezidentining 2020-yil 1-maydagi “Aholining uy-joy sharoitini yaxshilash hamda ipoteka krediti bozorini yanada kengaytirishga oid qoʻshimcha chora-tadbirlar toʻgʻrisida”gi PQ-4701-son qarori 7-bandidan “mazkur qaror qabul qilingunga qadar” soʻzlari chiqarib tashlansin.