Oʻzbekiston Respublikasi Oliy Majlisi Senatining oʻn yettinchi yalpi majlisini chaqirish toʻgʻrisida (KQ-246-IV-son)

26.07.2021

Oʻzbekicton Respublikasi Oliy Majlisi Senati Kengashining

qarori

“Oʻzbekiston Respublikasi Oliy Majlisining Senati toʻgʻrisida”gi Oʻzbekiston Respublikasi Konstitutsiyaviy Qonunining 16-moddasiga, “Oʻzbekiston Respublikasi Oliy Majlisi Senatining Reglamenti toʻgʻrisida”gi Oʻzbekiston Respublikasi Qonunining 6-moddasiga muvofiq Oʻzbekiston Respublikasi Oliy Majlisi Senatining Kengashi qaror qiladi:

I. Oʻzbekiston Respublikasi Oliy Majlisi Senatining oʻn yettinchi yalpi majlisi 2021-yil 30-iyul kuni chaqirilsin.

Belgilansinki, pandemiya davrida mamlakatimizda karantin chora-tadbirlari amal qilayotganligini inobatga olib, yalpi majlis videokonferensaloqa rejimi orqali oʻtkaziladi.

II. Oʻzbekiston Respublikasi Oliy Majlisi Senatining oʻn yettinchi yalpi majlisi muhokamasiga quyidagi masalalar kiritilsin:

1. “Markaziy va Janubiy Osiyo: mintaqaviy bogʻliqlik. Tahdidlar va imkoniyatlar” xalqaro konferensiyasi (Toshkent, 2021-yil 15-16-iyul) yakunlaridan kelib chiqadigan vazifalar toʻgʻrisida.

Oʻzbekiston Respublikasi Oliy Majlisi Senatining Kengashi

2. “Oʻzbekiston Respublikasi aholisi va hududining seysmik xavfsizligini taʼminlash toʻgʻrisida”gi Oʻzbekiston Respublikasi Qonuni haqida.

Mudofaa va xavfsizlik masalalari qoʻmitasi

3. “Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasi Qonuni qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish haqida”gi Oʻzbekiston Respublikasi Qonuni toʻgʻrisida.

Budjet va iqtisodiy islohotlar masalalari qoʻmitasi

4. “Intellektual mulk obyektlarining huquqiy muhofazasi yanada takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Qonuni haqida.

Fan, taʼlim va sogʻliqni saqlash masalalari qoʻmitasi

5. “Oʻzbekiston Respublikasi Hisob palatasi faoliyati takomillashtirilayotganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Qonuni haqida.

Budjet va iqtisodiy islohotlar masalalari qoʻmitasi

6. “Zaytun moyi va zaytun mevasi toʻgʻrisidagi xalqaro bitimga (Jeneva, 2015-yil 9-oktabr) Oʻzbekiston Respublikasining qoʻshilishi haqida”gi Oʻzbekiston Respublikasi Qonuni toʻgʻrisida.

Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi

7. 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturining 2021-yilning birinchi yarim yilligidagi ijrosi boʻyicha Oʻzbekiston Respublikasi Vazirlar Mahkamasining hisoboti haqida.

Oʻzbekiston Respublikasi Oliy Majlisi Senatining Kengashi

8. Oʻzbekiston Respublikasi ichki ishlar vazirining huquqbuzarliklarning oldini olish va ularning profilaktikasi holati toʻgʻrisidagi axboroti haqida.

Mudofaa va xavfsizlik masalalari qoʻmitasi

9. Boyovut, Qarshi, Boʻston, Toʻraqoʻrgʻon, Olot tumanlari hamda Kattaqoʻrgʻon shahrini ijtimoiy-iqtisodiy rivojlantirish dasturlari doirasida belgilangan chora-tadbirlar ijrosi toʻgʻrisida.

Budjet va iqtisodiy islohotlar masalalari qoʻmitasi

10. Xalq deputatlari mahalliy Kengashlarining ayrim qarorlarini oʻrganish natijalari toʻgʻrisida.

Agrar, suv xoʻjaligi masalalari va ekologiya qoʻmitasi

11. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi raisining davlat oʻrmon fondiga kirmaydigan daraxt va butalarning kesilishiga doir masala yuzasidan axboroti toʻgʻrisida.

Axborot siyosati va davlat organlarida ochiqlikni taʼminlash masalalari qoʻmitasi,

Agrar, suv xoʻjaligi masalalari va ekologiya qoʻmitasi

12. Qonunlarning ijrosi holati, huquqni qoʻllash amaliyotini oʻrganish va qonunosti hujjatlarining qabul qilinishi yuzasidan amalga oshirilgan monitoring natijalari toʻgʻrisida.

Oʻzbekiston Respublikasi Oliy Majlisi Senatining Kengashi

13. Aholi murojaatlari bilan ishlash boʻyicha parlament nazoratini kuchaytirish masalalari toʻgʻrisida.

Sud-huquq masalalari va korrupsiyaga qarshi kurashish qoʻmitasi

14. Xalq deputatlari viloyat, tuman, shahar Kengashining namunaviy reglamentini va xalq deputatlari viloyat, tuman, shahar Kengashining doimiy komissiyalari toʻgʻrisidagi namunaviy nizomni tasdiqlash haqida.

Oʻzbekiston Respublikasi Oliy Majlisi Senatining Kengashi

15. Yoshlarga oid davlat siyosatining hududlarda amalga oshirilishi boʻyicha reyting tizimini joriy etish toʻgʻrisida.

Yoshlar, madaniyat va sport masalalari qoʻmitasi

16. Oʻzbekiston Respublikasi Oliy Majlisi Senati Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasining 2020-yildagi va 2021-yilning birinchi yarim yilligidagi faoliyati toʻgʻrisidagi hisoboti haqida.

Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi

17. Oʻzbekiston Respublikasi Oliy Majlisi Senati Kengashining qarorlarini tasdiqlash toʻgʻrisida.

Oʻzbekiston Respublikasi Oliy Majlisi Senatining Kengashi

III. Oʻzbekiston Respublikasi Oliy Majlisi Senatining oʻn yettinchi yalpi majlisiga tayyorgarlik koʻrish va uni oʻtkazish ishlarini muvofiqlashtirib borish Oʻzbekiston Respublikasi Oliy Majlisi Senati Raisining birinchi oʻrinbosari S. Safoyev zimmasiga yuklansin.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2021-yil 26-iyul,

KQ-246-IV-son