Vazirlar Mahkamasining “Oʻzbekiston Respublikasi Xalqaro madaniy-maʼrifiy aloqalar milliy uyushmasini tashkil etish toʻgʻrisida” 1992-yil 25-martdagi 142-son va “Oʻzbekiston Respublikasi Xalqaro madaniy-maʼrifiy aloqalar milliy uyushmasini tashkil etish masalalari”ga oid 1992-yil 16-iyundagi 291-son qarorlari haqida (265-son)

27.05.1997

Oʻzbekiston Respublikasi Vazirlar Mahkamasining

qarori

Vazirlar Mahkamasi qaror qiladi:

1. Oʻzbekiston Respublikasi Prezidentining “Oʻzbekiston xorijiy mamlakatlar bilan doʻstlik va madaniy-maʼrifiy aloqalar jamiyatlari Kengashini qoʻllab-quvvatlash chora-tadbirlari toʻgʻrisida” 1997-yil 26-maydagi Farmoniga binoan hamda Oʻzbekiston xorijiy mamlakatlar bilan doʻstlik va madaniy-maʼrifiy aloqalar jamiyatlari Kengashining tuzilganligini eʼtirof etib, Oʻzbekiston Respublikasi Xalqaro madaniy-maʼrifiy aloqalar milliy uyushmasining faoliyati tugatilsin.

Vazirlar Mahkamasining “Oʻzbekiston Respublikasi Xalqaro madaniy-maʼrifiy aloqalar milliy uyushmasini tashkil etish toʻgʻrisida” 1992-yil 25-martdagi 142-son va “Oʻzbekiston Respublikasi Xalqaro madaniy-maʼrifiy aloqalar milliy uyushmasini tashkil etish masalalari”ga oid 1992-yil 16-iyundagi 291-son qarorlari bekor qilinsin.

2. Kengash Oʻzbekiston Respublikasi Xalqaro madaniy-maʼrifat aloqalar milliy uyushmasining ilgari qabul qilgan majburiyatlari, tuzgan shartnomalari va kontraktlari hamda unga tegishli mol-mulk va mablagʻlarning huquqiy vorisi hisoblansin.

Vazirlar Mahkamasining Raisi I. KARIMOV

Toshkent sh.,

1997-yil 27-may,

265-son