Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining 2020-yil 5-oktabrdagi “Raqamli Oʻzbekiston-2030” strategiyasini tasdiqlash va uni samarali amalga oshirish chora-tadbirlari toʻgʻrisida” PF-6079-son Farmoni) (PF-6268-son)

24.07.2021

Oʻzbekiston Respublikasi Prezidentining

Farmoni

Oʻzbekiston Respublikasi Prezidentining 2020-yil 5-oktabrdagi “Raqamli Oʻzbekiston — 2030” strategiyasini tasdiqlash va uni samarali amalga oshirish chora-tadbirlari toʻgʻrisida”gi PF-6079-son Farmoniga muvofiq, shuningdek, “raqamli iqtisodiyot” va “elektron hukumat” sohalarini yanada rivojlantirish borasidagi ishlarni tashkil etishda zarur shart-sharoitlar yaratishni taʼminlash maqsadida:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.

2. Oʻzbekiston Respublikasi Prezidentining ayrim qarorlari 2-ilovaga muvofiq oʻz kuchini yoʻqotgan deb hisoblansin.

3. Ushbu Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 24-iyul,

PF-6268-son

Oʻzbekiston Respublikasi Prezidentining 2021-yil 24-iyuldagi PF-6268-son Farmoniga 1-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2017-yil 30-iyundagi “Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari toʻgʻrisida”gi PF-5099-son Farmonida:

a) 1, 3, 4, 6 va 61-bandlar oʻz kuchini yoʻqotgan deb topilsin;

b) 2-band quyidagi tahrirda bayon etilsin:

“Belgilab qoʻyilsinki, Dasturiy mahsulotlar va axborot texnologiyalari texnologik parki (keyingi oʻrinlarda — Texnopark) axborot texnologiyalari mahsulotlarini ishlab chiqarishni rivojlantirish uchun eng qulay sharoitlarni yaratish maqsadida butun respublika hududida Texnopark rezidentlarini joylashtirgan holda Oʻzbekiston Respublikasi hududi doirasida eksterritoriallik prinsipi asosida tashkil qilinadi”;

v) 5-bandda:

birinchi xatboshidagi “Innovatsiya markazi” soʻzlari “Texnopark” soʻzi bilan almashtirilsin;

ikkinchi xatboshidagi “yagona ijtimoiy toʻlovni” soʻzlari “ijtimoiy soliqni” soʻzlari bilan almashtirilsin;

g) 8-bandda:

birinchi xatboshidagi “Innovatsiya markazi” soʻzlari “Texnopark” soʻzi bilan almashtirilsin;

ikkinchi xatboshidagi “, Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga 4,5 foizli stavka boʻyicha fuqarolarning sugʻurta badallariga” soʻzlari chiqarib tashlansin;

d) 10 va 12-bandlardagi “Innovatsiya markazi” soʻzlari “Texnopark” soʻzlari bilan almashtirilsin.

2. Oʻzbekiston Respublikasi Prezidentining 2018-yil 19-fevraldagi “Axborot texnologiyalari va kommunikatsiyalari sohasini yanada takomillashtirish chora-tadbirlari toʻgʻrisida”gi PF-5349-son Farmonida:

a) 1-bandning toʻrtinchi xatboshisi chiqarib tashlansin;

b) 2-bandning toʻqqizinchi xatboshisi quyidagi tahrirda bayon etilsin:

“telekommunikatsiya va pochta aloqasi, teleradioeshittirish tarmoqlarida axborot xavfsizligi boʻyicha zamonaviy texnologiyalarni joriy etish yuzasidan kompleks chora-tadbirlarni amalga oshirish”;

v) 4-band oʻz kuchini yoʻqotgan deb topilsin.

3. Oʻzbekiston Respublikasi Prezidentining 2018-yil 13-dekabrdagi “Oʻzbekiston Respublikasi davlat boshqaruviga raqamli iqtisodiyot, elektron hukumat hamda axborot tizimlarini joriy etish boʻyicha qoʻshimcha chora-tadbirlar toʻgʻrisida”gi PF-5598-son Farmonida:

a) 1-band oʻz kuchini yoʻqotgan deb topilsin;

b) 2-bandda:

uchinchi xatboshidagi “Agentlik” soʻzi “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (keyingi oʻrinlarda — Vazirlik)” soʻzlari bilan almashtirilsin;

toʻrtinchi — oltinchi xatboshilardagi “Agentlikning”, “Agentlikda” va “Agentlik” soʻzlari tegishlicha “Vazirlikning”, “Vazirlikda” va “Vazirlik” soʻzlari bilan almashtirilsin.

4. Oʻzbekiston Respublikasi Prezidentining 2019-yil 10-yanvardagi “Oʻzbekiston Respublikasi Prezidenti huzuridagi Loyiha boshqaruvi milliy agentligi faoliyatini yanada takomillashtirish chora-tadbirlari toʻgʻrisida”gi PF-5624-son Farmonida:

a) 7-banddagi “Axborot texnologiyalarini ishlab chiqish va joriy qilishni qoʻllab-quvvatlash boʻyicha “Mirzo Ulugbek Innovation Center” innovatsiya markazi” soʻzlari “Dasturiy mahsulotlar va axborot texnologiyalari texnologik parki” soʻzlari bilan almashtirilsin;

b) 8-band va 13-bandning “a” kichik bandi oʻz kuchini yoʻqotgan deb topilsin;

v) 9-bandda:

“a” kichik banddagi “Axborot texnologiyalarini ishlab chiqish va joriy qilishni qoʻllab-quvvatlash boʻyicha “Mirzo Ulugbek Innovation Center” innovatsiya markazining” soʻzlari “Dasturiy mahsulotlar va axborot texnologiyalari texnologik parkining” soʻzlari bilan almashtirilsin;

“b” kichik banddagi “Agentlik” soʻzi “Axborot texnologiyalari va kommunikatsiyalarini rivojlantirish vazirligi” soʻzlari bilan almashtirilsin;

“v” kichik banddagi “Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi” DUK” soʻzlari “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi “Elektron hukumat loyihalarini boshqarish markazi” DM” soʻzlari bilan almashtirilsin;

quyidagi mazmundagi “g” kichik band bilan toʻldirilsin:

“g) Dasturiy mahsulotlar va axborot texnologiyalari texnologik parki direksiyasi” MCHJ axborot-kommunikatsiya texnologiyalari sohasida isteʼdodli yoshlarni aniqlash uchun aniq sohalar (ijtimoiy-iqtisodiy, ekologik, davlat boshqaruvi va boshqalar) boʻyicha har yilgi tanlovlarni oʻtkazadi”;

g) 11-bandning uchinchi xatboshisidan “, shuningdek, “Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi” DUKning samarali faoliyat yuritishi” soʻzlari chiqarib tashlansin.

5. Oʻzbekiston Respublikasi Prezidentining 2019-yil 17-yanvardagi “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturi toʻgʻrisida”gi PF-5635-son Farmonining 3-ilovasi 11-bandi quyidagi mazmundagi 11.1., 11.1.1., 11.1.2., 11.1.3. va 11.2.-pozitsiyalar bilan toʻldirilsin:

“ 11.1 Elektron hukumatni rivojlantirish indeksi (E-Government Development Index) Axborot texnologiyalari va kommunikatsiyalarini rivojlantirish vazirligi (Sh. Sadikov) 11.1.1. Telekommunikatsiya infratuzilmasi indeksi (Telecommunication Infrastructure Index) Axborot texnologiyalari va kommunikatsiyalarini rivojlantirish vazirligi (Sh. Sadikov) 11.1.2. Inson kapitali indeksi (Numan Capital Index) Oliy va oʻrta maxsus taʼlim vazirligi (A. Toshqulov), Xalq taʼlimi vazirligi (Sh. Shermatov) 11.1.3. Onlayn xizmat koʻrsatish indeksi (Online Service Index) Axborot texnologiyalari va kommunikatsiyalarini rivojlantirish vazirligi (Sh. Sadikov), Davlat xizmatlari agentligi (U. Muxammadiyev), vazirlik va idoralar 11.2. Elektron ishtirok etish indeksi (E-Participation Index) Axborot texnologiyalari va kommunikatsiyalarini rivojlantirish vazirligi (Sh. Sadikov), vazirlik va idoralar ”.

6. Oʻzbekiston Respublikasi Prezidentining 2019-yil 29-apreldagi “Oʻzbekiston Respublikasi Xalq taʼlimi tizimini 2030-yilgacha rivojlantirish konsepsiyasini tasdiqlash toʻgʻrisida”gi PF-5712-son Farmonining 1-ilovasi 8-bandi “v” kichik bandi quyidagi mazmundagi xatboshilar bilan toʻldirilsin:

“oʻquvchilar uchun raqamli texnologiyalardan foydalanishning umumiy darajasini oshirish maqsadida umumtaʼlim maktablarining asosiy oʻquv dasturlariga doimiy oʻzgartirishlar kiritish;

axborot texnologiyalari sohasidagi tashkilotlarning oʻquv jarayonlariga qatnashishini ragʻbatlantirish orqali umumtaʼlim maktablarida informatika fanini oʻqitish metodlarini takomillashtirish;

maktablarda “Bir million dasturchi” loyihasini keng hududda joriy qilish”.

7. Oʻzbekiston Respublikasi Prezidentining 2020-yil 31-yanvardagi “Davlat xizmatlari koʻrsatish milliy tizimini jadal rivojlantirish boʻyicha qoʻshimcha chora-tadbirlar toʻgʻrisida”gi PF-5930-son Farmoni 14-bandining uchinchi xatboshisidagi “Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi” DUKning” soʻzlari “Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotni idoralararo loyihalarini moliyalashtirish boʻyicha” soʻzlari bilan almashtirilsin.

9. Oʻzbekiston Respublikasi Prezidentining 2017-yil 16-fevraldagi “Koreya Respublikasining Iqtisodiy taraqqiyot va hamkorlik jamgʻarmasi moliyaviy ishtirokida “Elektron hukumat” tizimining maʼlumotlarni ishlash markazini tashkil etish” investitsiya loyihasini amalga oshirishning birinchi galdagi chora-tadbirlari toʻgʻrisida”gi PQ-2783-son qarori rus tilidagi matni 2-bandining toʻrtinchi xatboshisidagi “Sentr razvitiya i vnedreniya kompyuternix i informatsionnix texnologiy “Uzinfokom” soʻzlari “GU “Sentr upravleniya proyektami elektronnogo pravitelstva” soʻzlari bilan almashtirilsin.

10. Oʻzbekiston Respublikasi Prezidentining 2018-yil 14-maydagi “Elektron tijoratni jadal rivojlantirish chora-tadbirlari toʻgʻrisida”gi PQ-3724-son qarorida:

a) 9-banddagi “Elektron hukumat” tizimini rivojlantirish markaziga” soʻzlari “Elektron hukumat loyihalarini boshqarish markazi” davlat muassasasiga” soʻzlari bilan almashtirilsin;

b) 11-band oʻz kuchini yoʻqotgan deb topilsin.

11. Oʻzbekiston Respublikasi Prezidentining 2018-yil 3-iyuldagi “Oʻzbekiston Respublikasida raqamli iqtisodiyotni rivojlantirish chora-tadbirlari toʻgʻrisida”gi PQ-3832-son qarorida:

a) 2-bandda:

ikkinchi xatboshidagi “raqamli iqtisodiyotni joriy etish va rivojlantirish sohasidagi” soʻzlari “blokcheyn texnologiyasini joriy etish va kripto-aktivlar aylanmasi sohasini rivojlantirish boʻyicha” soʻzlari bilan almashtirilsin;

toʻrtinchi xatboshidagi “raqamli iqtisodiyotni rivojlantirishni va “blokcheyn” texnologiyalarini joriy etishni nazarda tutadigan normativ-huquqiy hujjatlar loyihalari” soʻzlari “kripto-aktivlar aylanmasi sohasini rivojlantirishni va “blokcheyn” texnologiyalarini joriy etishni nazarda tutadigan normativ-huquqiy hujjatlarning va texnik topshiriqlarning loyihalari” soʻzlari bilan almashtirilsin;

b) 5-band oʻz kuchini yoʻqotgan deb topilsin.

12. Oʻzbekiston Respublikasi Prezidentining 2018-yil 30-oktabrdagi “Yoʻl harakati xavfsizligini taʼminlash sohasida investitsiyaviy loyihani amalga oshirish chora-tadbirlari toʻgʻrisida”gi PQ-3989-son qarorining 3-bandi toʻrtinchi xatboshisidagi “Axborot xavfsizligi va jamoat tartibini taʼminlashga koʻmaklashish markazi” soʻzlari ““Xavfsiz shahar” jamoat tartibiga koʻmaklashish markazi” soʻzlari bilan almashtirilsin.

13. Oʻzbekiston Respublikasi Prezidentining 2018-yil 26-dekabrdagi “Oʻzbekiston Respublikasining 2019-yilgi asosiy makroiqtisodiy koʻrsatkichlari prognozi va Davlat budjeti parametrlari hamda 2020-2021-yillarga budjet moʻljallari toʻgʻrisida”gi PQ-4086-son qarori 18-ilovasining rus tilidagi matni quyidagi tahrirda bayon etilsin:

“Normativi raspredeleniya plati za ispolzovaniye abonentskogo nomera, uplachivayemoy yuridicheskimi litsami, okazivayushimi uslugi mobilnoy svyazi (sotovimi kompaniyami)

Naimenovaniye poluchatelya sredstv ot plati v protsentax ot ostavsheysya chasti summi plati* Spetsialniy raschetniy schet Fonda razvitiya informatsionno-kommunikatsionnix texnologiy dlya finansirovaniya mejvedomstvennix proyektov elektronnogo pravitelstva i sifrovoy ekonomiki 35 Fond nauchno-innovatsionnogo razvitiya pri Tashkentskom universitete informatsionnix texnologiy imeni Muxammada al-Xorazmiy 1 Fond razvitiya skoroy meditsinskoy pomoshi pri Ministerstve zdravooxraneniya Respubliki Uzbekistan 19 Fond razvitiya informatsionno-bibliotechnix uchrejdeniy pri Natsionalnoy biblioteke Uzbekistana imeni Alishera Navoi — informatsionno-resursnom sentre 2 Fond razvitiya informatsionno-kommunikatsionnix texnologiy pri Ministerstve po razvitiyu informatsionnix texnologiy i kommunikatsiy Respubliki Uzbekistan (s selevim ispolzovaniyem dlya realizatsii investitsionnix proyektov i programm informatizatsii i razvitiya telekommunikatsionnix setey) ostatochnaya summa

*protsenti nachislyayutsya ot ostavsheysya chasti plati summi posle napravleniya sredstv na spetsialniy raschetniy schet Fonda razvitiya informatsionno-kommunikatsionnix texnologiy dlya finansirovaniya mejvedomstvennix proyektov elektronnogo pravitelstva i sifrovoy ekonomiki”.

14. Oʻzbekiston Respublikasi Prezidentining 2019-yil 14-yanvardagi “Oʻzbekiston Respublikasi Davlat aktivlarini boshqarish agentligi faoliyatini tashkil etish toʻgʻrisida”gi PQ-4112-son qarorining 3-ilovasi (Ustav kapitalidagi davlat aksiya paketlari (ulushlari) Davlat aktivlarini boshqarish agentligiga beriladigan xoʻjalik jamiyatlari roʻyxati)dan 5 — 8 va 10-11 pozitsiyalar chiqarib tashlansin.

15. Oʻzbekiston Respublikasi Prezidentining 2019-yil 15-fevraldagi “Davlat xizmatlari koʻrsatish milliy tizimini yanada kompleks rivojlantirish choralari haqida”gi PQ-4193-son qarorining 1-bandi beshinchi xatboshisidagi “Oʻzbekiston Respublikasi Prezidenti huzuridagi Loyiha boshqaruvi milliy agentligi” soʻzlari “Axborot texnologiyalari va kommunikatsiyalarini rivojlantirish vazirligi” soʻzlari bilan almashtirilsin.

17. Oʻzbekiston Respublikasi Prezidentining 2019-yil 18-maydagi “Raqamli iqtisodiyot va “Elektron hukumat” tizimi infratuzilmalarini yanada takomillashtirish chora-tadbirlari toʻgʻrisida”gi PQ-4321-son qarorida:

a) 2-bandning uchinchi xatboshisi chiqarib tashlansin;

b) 3-bandning “b” kichik bandi quyidagi tahrirda bayon etilsin:

“b) “Elektron hukumat” va raqamli iqtisodiyot tizimi doirasidagi loyihalarni amalga oshirish:

davlat boshqaruvida axborot tizimlarini joriy etish, ushbu sohada yagona davlat siyosatini ishlab chiqish va amalga oshirish hamda davlat organlari va boshqa tashkilotlari faoliyatini muvofiqlashtirish, shuningdek, elektron hamkorligini taʼminlash uchun idoraviy va idoralararo maʼlumotlar uzatish tarmoqlarini rivojlantirish va faoliyat yuritish qismida — Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi;

davlat organlari va boshqa tashkilotlarda axborot tizimlarini nazorat qilish va axborot xavfsizligini taʼminlash tizimini takomillashtirish qismida — Oʻzbekiston Respublikasi Axborotlashtirish va telekommunikatsiyalar sohasida nazorat boʻyicha davlat inspeksiyasi;

idoraviy axborot tizimlari va axborot resurslarining uzluksiz ishlashini taʼminlash, elektron davlat xizmatlari koʻrsatish tizimini rivojlantirish qismida — vazirliklar, idoralar va boshqa tashkilotlar tomonidan taʼminlanadi”;

v) 4-bandning “a” kichik bandidagi “Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi” DUK” soʻzlari “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi “Elektron hukumat loyihalarini boshqarish markazi” DM” soʻzlari bilan almashtirilsin.

18. Oʻzbekiston Respublikasi Prezidentining 2019-yil 21-maydagi “Elektron hukumat” tizimi doirasida axborot-kommunikatsiya texnologiyalari sohasidagi loyihalarni ishlab chiqish va amalga oshirish sifatini yaxshilash chora-tadbirlari toʻgʻrisida”gi PQ-4328-son qarorida:

a) 1-bandning birinchi xatboshisidagi “Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi Elektron hukumat va raqamli iqtisodiyot loyihalarini boshqarish markazi” DUKning” soʻzlari “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi “Elektron hukumat loyihalarini boshqarish markazi” DMning” soʻzlari bilan almashtirilsin;

b) 3-bandning toʻrtinchi xatboshisi chiqarib tashlansin;

v) 4 va 7-bandlar oʻz kuchini yoʻqotgan deb topilsin;

g) 6-banddagi “Agentlik” soʻzi “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi” soʻzlari bilan almashtirilsin;

d) ilovada:

35-banddan “Yagona milliy loyiha boshqaruvi axborot tizimi orqali” soʻzlari chiqarib tashlansin;

41-band quyidagi tahrirda bayon etilsin:

“41. Loyihani foydalanishdan chiqarib tashlash uchun mazkur Nizomning 40-bandida koʻrsatilgan bir yoki bir nechta sabablar mavjud boʻlgan taqdirda, Markaz Oʻzbekiston Respublikasi Axborot texnologiyalari va kommunikatsiyalarini rivojlantirish vazirligiga loyihani foydalanishdan chiqarish boʻyicha taklif kiritadi. Bunda, Vazirlik taklifni belgilangan tartibda koʻrib chiqadi va loyihadan foydalanishning moliyaviy-iqtisodiy jihatdan samarasizligi yoki maqsadga muvofiq emasligi, jumladan texnik vositalar va dasturiy taʼminot samaradorligining pastligi kabi bir nechta sabablarni topganda loyihani foydalanishdan chiqarib tashlash toʻgʻrisida tegishli qaror qabul qiladi.

Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining qarori ustidan tashabbuskor (buyurtmachi) tomonidan sudga shikoyat qilinishi mumkin”;

2-ilovaning grifi quyidagi tahrirda bayon etilsin:

“ Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi “Elektron hukumat loyihalarini boshqarish markazi” DMga ”;

3-ilovaning grifi quyidagi tahrirda bayon etilsin:

“ Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi “Elektron hukumat loyihalarini boshqarish markazi” DM direktori ”;

4-ilovaning grifi quyidagi tahrirda bayon etilsin:

“ “TASDIQLAYMAN” Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi “Elektron hukumat loyihalarini boshqarish markazi” DM direktori ”.

19. Oʻzbekiston Respublikasi Prezidentining 2019-yil 20-sentabrdagi “Oʻzbekiston Respublikasi “Oʻzarxiv” agentligi faoliyatini takomillashtirish toʻgʻrisida”gi PQ-4463-son qarori 4-ilovasining 14, 16 va 17-pozitsiyalaridagi “Loyiha boshqaruvi milliy agentligi (D. Li)” soʻzlari “Axborot texnologiyalari vazirligi (Sh. Sadikov)” soʻzlari bilan almashtirilsin.

20. Oʻzbekiston Respublikasi Prezidentining 2019-yil 31-oktabrdagi “Yagona milliy mehnat tizimi” idoralararo dasturiy-apparat kompleksini joriy qilish chora-tadbirlari toʻgʻrisida”gi PQ-4502-son qarori 1-ilovasining 7-pozitsiyasidagi “Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi “Elektron hukumat va raqamli iqtisodiyot loyihalarini boshqarish markazi” DUK” soʻzlari “Axborot texnologiyalari va kommunikatsiyalarini rivojlantirish vazirligi huzuridagi “Elektron hukumat loyihalarini boshqarish markazi” DM” soʻzlari bilan almashtirilsin.

21. Oʻzbekiston Respublikasi Prezidentining 2020-yil 28-apreldagi “Raqamli iqtisodiyot va elektron hukumatni keng joriy etish chora-tadbirlari toʻgʻrisida”gi PQ-4699-son qarorining 2-bandi toʻrtinchi xatboshisi chiqarib tashlansin.

Oʻzbekiston Respublikasi Prezidentining 2021-yil 24-iyuldagi PF-6268-son Farmoniga 2-ILOVA

Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim qarorlari

ROʻYXATI

1. Oʻzbekiston Respublikasi Prezidentining 2015-yil 22-dekabrdagi “Oʻzbekiston Respublikasining 2016-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-2455-son qaroriga 36-ilovaning 25-bandi.

2. Oʻzbekiston Respublikasi Prezidentining 2017-yil 20-fevraldagi “Oʻzbekiston Respublikasi Prezidentining hamda Oʻzbekiston Respublikasi Hukumatining ayrim qarorlariga oʻzgartishlar kiritish toʻgʻrisida”gi PQ-2791-son qaroriga ilovaning 3-bandi.

3. Oʻzbekiston Respublikasi Prezidentining 2017-yil 29-avgustdagi “Axborot-kommunikatsiya texnologiyalari sohasida loyiha boshqaruvi tizimini yanada takomillashtirish chora-tadbirlari toʻgʻrisida”gi PQ-3245-son qarori 7-bandi, 12-bandi birinchi xatboshisi hamda 13-bandi ikkinchi va toʻrtinchi xatboshilari.

4. Oʻzbekiston Respublikasi Prezidentining 2018-yil 19-fevraldagi “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi faoliyatini tashkil etish toʻgʻrisida”gi PQ-3549-son qarori 2-bandi.

5. Oʻzbekiston Respublikasi Prezidentining 2019-yil 7-iyundagi “Oʻzbekiston Respublikasi aholisiga axborot-kutubxona xizmati koʻrsatishni yanada takomillashtirish toʻgʻrisida”gi PQ-4354-son qarori 3-bandi.

6. Oʻzbekiston Respublikasi Prezidentining “Oʻzbekiston Respublikasining 2019-yil 30-dekabrdagi “2020-yil uchun Oʻzbekiston Respublikasining Davlat budjeti toʻgʻrisida”gi qonuni ijrosini taʼminlash chora-tadbirlari toʻgʻrisida”gi PQ-4555-son qaroriga 7-ilovaning 11-bandi.