Prezident, ijod va ixtisoslashtirilgan maktablar faoliyatini yanada takomillashtirish boʻyicha qoʻshimcha chora-tadbirlar toʻgʻrisida (PQ-5188-son)

19.07.2021

Oʻzbekiston Respublikasi Prezidentining

Qarori

Prezident, ijod va ixtisoslashtirilgan maktablar tarmogʻini kengaytirish va moddiy-texnika bazasini mustahkamlash, ularning iqtidorli yoshlarni aniqlash, tanlash, oʻqitish va tarbiyalash tizimini takomillashtirish borasidagi faoliyatini davom ettirishi uchun yanada qulay shart-sharoitlar yaratish maqsadida:

1. Quyidagilar:

Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi — Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi (keyingi oʻrinlarda — Agentlik) etib;

Agentlik huzuridagi Prezident, ijod va ixtisoslashtirilgan maktablarni rivojlantirish jamgʻarmasi — Iqtidorli yoshlarni qoʻllab-quvvatlash jamgʻarmasi (keyingi oʻrinlarda — Jamgʻarma) etib qayta nomlansin.

2. Iqtidorli yoshlarni qoʻllab-quvvatlash jamgʻarmasi Vasiylik kengashi tarkibi 1-ilovaga muvofiq tasdiqlansin.

Belgilab qoʻyilsinki, vazirlik va idoralarning Jamgʻarmaga yoʻnaltiriladigan budjetdan tashqari mablagʻlar miqdorlari hamda Jamgʻarmaning daromadlar va xarajatlar smetasi Vasiylik kengashi tomonidan tasdiqlanadi.

3. Agentlikning 2021 — 2025-yillarda Agentlik tizimida 13 ta yangi ixtisoslashtirilgan maktabni qurish va mavjud 5 ta ijod maktabini taʼmirlash, ularni zarur oʻquv adabiyotlari va moddiy-texnika vositalari bilan jihozlash toʻgʻrisidagi taklifi maʼqullansin.

4. Quyidagilar:

Agentlik tizimidagi maktablarni qurish, taʼmirlash hamda zarur mebel jihozlari, oʻquv adabiyotlari va moddiy-texnika vositalari bilan taʼminlash boʻyicha 2021 — 2025-yillarga moʻljallangan manzilli roʻyxat (keyingi oʻrinlarda — Manzilli roʻyxat) 2-ilovaga muvofiq;

Agentlik tizimidagi ijod maktablari faoliyatini samarali tashkil etish boʻyicha “yoʻl xaritasi” 3-ilovaga muvofiq tasdiqlansin.

Belgilab qoʻyilsinki, 2021 — 2025-yillarda Agentlik tizimidagi maktablarni:

qurish, rekonstruksiya qilish, mukammal taʼmirlash — Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida ajratiladigan mablagʻlar hisobidan;

zamonaviy mebel va jihozlar, oʻquv-laboratoriya asbob-uskunalari, kompyuter, multimedia hamda video-kuzatuv vositalari bilan taʼminlash — Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida ajratiladigan mablagʻlar, Davlat budjeti mablagʻlari, xalqaro moliya institutlarining kreditlari va grantlari hamda qonunchilikda taqiqlanmagan boshqa manbalar hisobidan amalga oshiriladi.

5. Manzilli roʻyxatga muvofiq amalga oshiriladigan qurilish ishlariga buyurtmachi tashkilotlar etib Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining “Yagona buyurtmachi xizmati” injiniring kompaniyalari belgilansin.

6. Quyidagilar:

Agentlik uch oy muddatda manfaatdor vazirlik va idoralar bilan birgalikda Agentlik tizimidagi taʼlim muassasalarini zamonaviy mebel va jihozlar, oʻquv-laboratoriya asbob-uskunalari, oʻquv-uslubiy materiallar, kompyuter, multimedia hamda video-kuzatuv vositalari bilan jihozlashning yangi meʼyorlarini ishlab chiqsin va tasdiqlasin;

Qurilish vazirligi obyektlar loyiha-smeta hujjatlarining belgilangan tartibda davlat ekspertizasidan oʻtkazilishi hamda qurilish-montaj ishlarining sifatli bajarilishi boʻyicha davlat nazoratini oʻrnatsin.

7. Agentlik 2021-yil 1-sentabrga qadar:

xalqaro (International Advanced Levels) dasturlar talablariga muvofiq oʻquvchi va pedagog kadrlarning STEAM fanlari boʻyicha bilim va koʻnikmalarni baholash hamda ularga xalqaro darajadagi AS va A-LEVEL sertifikatlarini berish amaliyotini yoʻlga qoʻyish;

Agentlik tizimidagi maktablarni A. Navoiy nomidagi Milliy kutubxonaning elektron axborot-kutubxona fondiga va yetakchi xorijiy axborot-kutubxona resurslari fondlariga ulash, oʻquvchilarga mazkur kutubxonalardan keng foydalanishga imkoniyat yaratish;

Agentlik tizimidagi maktablar oʻquvchilarini liderlik, tizimli tahlil qilish, kreativ va tanqidiy fikrlash, notiqlik sanʼati, loyihalarni boshqarish koʻnikmalariga oʻrgatish;

Prezident maktablarida oʻquvchilarni kasb-hunarga yoʻnaltirish, ularga keyinchalik oʻqishini davom ettirish uchun oliy taʼlim muassasalarini tanlashda koʻmaklashishga qaratilgan “Maktab maslahatchisi” (School Counsellor) dasturini joriy etish;

malakali mutaxassislar, mentorlar (ustozlar), ekspertlar va axborot texnologiyalari sohasida faoliyat yuritayotgan tashkilotlarni jalb etgan holda Agentlik tizimidagi ixtisoslashtirilgan maktablarda alohida taʼlimga ehtiyoji boʻlgan bolalar uchun inklyuziv IT taʼlimni joriy qilish;

Agentlik tizimidagi ijod maktablarida oʻquvchilarning chet el adabiyotlarini oʻzbek tiliga tarjima qilish koʻnikmasini shakllantirish uchun “Yosh tarjimonlar toʻgaragi”ni tashkil etish;

Agentlik tizimidagi ijod maktablarida veb-dizayn, kompyuter grafikasi, tasviriy va raqamli sanʼat, audiovizual asarlarni yaratish va qayta ishlash hamda aktyorlik mahorati yoʻnalishlari boʻyicha ixtisoslashtirilgan toʻgaraklarni ochish;

Oʻzbekiston xalq shoirlari, Xalq yozuvchilari, yuksak unvonlarga sazovor boʻlgan adiblar, aktyorlar, rejissorlar hamda boshqa madaniyat va sanʼat vakillarini Agentlik tizimidagi ijod maktablariga biriktirish, ular ishtirokida mahorat darslarini oʻtkazish hamda mazkur maktablarda “ustoz-shogird” anʼanalari asosida taʼlim-tarbiya sifatini oshirish choralarini koʻrsin.

8. Belgilansinki, 2021/2022 oʻquv yilidan boshlab:

b) quyidagilarga test sinovlarisiz va qoʻshimcha imtihonlarsiz oʻqishga kirish huquqi beriladi:

2030-yil 1-yanvarga qadar Prezident maktablari bitiruvchilariga davlat oliy taʼlim tashkilotlarining bakalavriat taʼlim yoʻnalishlariga xalqaro A-Level imtihonlaridan tanlov fanlaridagi yoʻnalishi boʻyicha A*, A va B darajadagi sertifikatlarni qoʻlga kiritgan taqdirda ballar ketma-ketligida 2027/2028 oʻquv yilida ularning 50 foizi, 2028/2029 oʻquv yilidan boshlab 15 foizi umumiy belgilangan davlat granti asosidagi qabul koʻrsatkichlariga nisbatan qoʻshimcha davlat granti asosida, qolgan qismi esa umumiy belgilangan qabul parametrlaridan tashqari bazaviy toʻlov-kontrakt asosida;

Agentlik tizimidagi Abu Ali ibn Sino, Mirzo Ulugʻbek hamda Muhammad al-Xorazmiy nomidagi ixtisoslashtirilgan maktablarning bitiruvchilariga ixtisoslik yoʻnalishidan kelib chiqib davlat oliy taʼlim tashkilotlarining kimyo, biologiya, fizika va axborot texnologiyalari sohalari uchun kadrlar tayyorlaydigan bakalavriat taʼlim yoʻnalishlariga umumiy belgilangan qabul parametrlaridan tashqari bazaviy toʻlov-kontrakt asosida;

Agentlik tizimidagi ijod maktablarining bitiruvchilariga ixtisoslik yoʻnalishidan kelib chiqib davlat oliy taʼlim tashkilotlarining tilshunoslik, adabiyot, pedagogika, tarjimonlik, jurnalistika sohalari uchun kadrlar tayyorlaydigan bakalavriat taʼlim yoʻnalishlariga umumiy belgilangan qabul parametrlaridan tashqari bazaviy toʻlov-kontrakt asosida;

v) Xalqaro (International Advanced Levels) dasturlarning A va B darajadagi A-LEVEL sertifikatlariga ega boʻlgan abituriyentlar davlat oliy taʼlim tashkilotlariga oʻqishga kirishda sertifikat berilgan fan boʻyicha kirish imtihonidan ozod etiladi hamda ularga mazkur fandan maksimal ball beriladi.

9. Oliy va oʻrta maxsus taʼlim vazirligi Agentlik bilan birgalikda 2021-yil 1-avgustga qadar kimyo, biologiya, fizika, axborot texnologiyalari, tilshunoslik, adabiyot, pedagogika, tarjimonlik, jurnalistika sohalari uchun kadrlar tayyorlaydigan bakalavriat taʼlim yoʻnalishlari roʻyxatini tasdiqlasin va oʻzining rasmiy veb-saytida eʼlon qilsin.

10. Shunday tartib oʻrnatilsinki, unga muvofiq 2021-yil 1-sentabrdan boshlab:

Agentlik tizimidagi maktablarga rahbar va pedagog kadrlarni ishga qabul qilish ochiq tanlov asosida amalga oshiriladi;

Agentlik tizimidagi maktablar toʻgarak rahbarlarining bazaviy tarif stavkasi miqdori davlat umumiy oʻrta taʼlim muassasalari oliy maʼlumotli oʻqituvchisi bazaviy tarif stavkasining 80 foizi miqdorida belgilanadi;

Agentlik tizimidagi Abu Ali ibn Sino, Mirzo Ulugʻbek hamda Muhammad al-Xorazmiy nomidagi ixtisoslashtirilgan maktablarga qabul bir sinfda oʻquvchilarning eng koʻp soni 20 nafardan oshmasligini hisobga olgan holda tashkil etiladi.

11. Agentlik huzurida yuridik shaxs maqomidagi Pedagogik mahorat va xalqaro baholash markazi tashkil etilsin.

Vazirlar Mahkamasi bir oy muddatda Pedagogik mahorat va xalqaro baholash markazini tashkil etishga oid Hukumat qarorini qabul qilsin hamda uning faoliyatini lozim darajada yoʻlga qoʻyish choralarini koʻrsin.

12. Agentlik 2022-yil 1-yanvarga qadar:

a) Agentlik huzurida Ilmiy-metodik kengashni tashkil qilsin hamda uning faoliyatiga malakali olimlar hamda pedagog kadrlarni, shu jumladan xorijiy mutaxassislarni jalb qilsin;

b) Ilmiy-metodik kengash bilan birgalikda:

xalqaro taʼlim standartlari va talablari, ilgʻor pedagogik, axborot-kommunikatsiya va innovatsiya texnologiyalari asosida rahbar va pedagog kadrlar malakasini oshirish boʻyicha taʼlim dasturlarini ishlab chiqsin va amaliyotga joriy qilsin;

rahbar va pedagog kadrlar uchun uzluksiz malaka oshirish kurslari hamda metodologik oʻquv seminarlarini tashkil qilsin;

rahbar va pedagog kadrlarning malaka oshirish jarayonlarini monitoring qilish, ularning kasbiy rivojlanish natijalari va oʻzlashtirgan oʻquv dasturlari toʻgʻrisidagi maʼlumotlar kiritilishini taʼminlovchi maxsus elektron platformani ishlab chiqsin va lozim darajada ishlashini taʼminlasin.

13. “Oʻzmetkombinat” AJning Toshkent viloyati, Boʻstonliq tumanida joylashgan mazkur jamiyatga qarashli “Yoshlik” bolalar sogʻlomlashtirish oromgohini Agentlik tasarrufiga begʻaraz oʻtkazish hamda kelgusi 10 yil davomida uning faoliyatini yuritish va saqlash bilan bogʻliq xarajatlarni “Oʻzmetkombinat” AJ tomonidan ajratiladigan homiylik xayriyalari hisobidan qoplash toʻgʻrisidagi taklifi maʼqullansin.

Agentlik “Oʻzmetkombinat” AJ bilan kelishgan holda bir oy muddatda “Yoshlik” bolalar sogʻlomlashtirish oromgohi faoliyatini tashkil etish hamda bolalarni oromgohga jalb qilish tartibini belgilovchi Hukumat qarori loyihasini Vazirlar Mahkamasiga kiritsin.

15. Agentlikka quyidagi qoʻshimcha vakolatlar berilsin:

Agentlik tizimidagi taʼlim muassasalari uchun ixtisoslik fanlari boʻyicha darsliklar va oʻquv-metodik majmualarning yagona maketlarini tayyorlash, ekspertizadan oʻtkazish, taqriz berish hamda ekspertlar va taqrizchilarga haq toʻlash bilan bogʻliq xarajatlarni Jamgʻarma mablagʻlari hisobidan amalga oshirish;

darsliklar va oʻquv-metodik majmualarning tuzuvchilarini tanlash, ekspertizadan oʻtkazish va chop etishni toʻgʻridan-toʻgʻri shartnomalar asosida amalga oshirish.

16. Belgilansinki, Agentlik va uning tizimidagi taʼlim muassasalari uchun xorijiy davlatlardan olib kelinadigan adabiyotlar, multimedia vositalari, oʻquv-laboratoriya jihozlari, asbob-uskunalar va reaktiv mahsulotlar bojxona toʻlovlaridan (qoʻshilgan qiymat soligʻi va bojxona rasmiylashtiruvi uchun yigʻimlardan tashqari) ozod etiladi.

17. Agentlik Toshkent shahri, Yashnobod tumani, Maxtumquli koʻchasidagi Axborot texnologiyalari va kommunikatsiyalarini rivojlantirish vazirligiga qarashli IT-park binosida tekin foydalanish huquqi asosida joylashtirilsin.

18. Agentlik:

2023-yil 1-yanvarga qadar Jamgʻarma mablagʻlari hisobidan har bir hududdagi Prezident maktablarini bittadan avtobus, Agentlik tizimidagi taʼlim muassasalarini bittadan yengil avtomobil bilan taʼminlash choralarini koʻrsin;

ikki oy muddatda manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

19. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov hamda Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 19-iyul,

PQ-5188-son

Oʻzbekiston Respublikasi Prezidentining 2021-yil 19-iyuldagi PQ-5188-son qaroriga 1-ILOVA

Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi huzuridagi Iqtidorli yoshlarni qoʻllab-quvvatlash jamgʻarmasi Vasiylik kengashining

TARKIBI

1. A.N. Aripov — Oʻzbekiston Respublikasi Bosh vaziri, Vasiylik kengashi raisi 2. X.U. Umarova — maktabgacha va maktab taʼlimi vaziri, Vasiylik kengashi raisi oʻrinbosari 3. Sh.D. Kudbiyev — iqtisodiyot va moliya vaziri 4. I.Yu. Abduraxmanov — oliy taʼlim, fan va innovatsiyalar vaziri 5. J.T. Mirzamahmudov — energetika vaziri 6. Sh.X. Shermatov — raqamli texnologiyalar vaziri 7. Q.S. Sanakulov — “Navoiy kon-metallurgiya kombinati” AJ bosh direktori 8. A.X. Xursanov — “Olmaliq kon-metallurgiya kombinati” AJ boshqaruvi raisi 9. R.X. Pirmatov — “Oʻzmetkombinat” AJ boshqaruvi raisi 10. B.B. Sidiqov — “Oʻzbekneftgaz” AJ boshqaruvi raisi 11. X.N. Xasilov — “Oʻzbekiston temir yoʻllari” AJ boshqaruvi raisi 12. U.U. Rozukulov — “Oʻzavtosanoat” AJ boshqaruvi raisi 13. M.M. Yunusov — “Oʻzeltexsanoat” uyushmasi raisi 14. A.K. Mirsoatov — “Oʻzmilliybank” AJ boshqaruvi raisi 15. K.N. Irisbekova — “Aloqabank” ATB boshqaruvi raisi 16. S.S. Annaklichev — “Oʻzsanoatqurilishbank” ATB boshqaruvi raisi 17. A.T. Ubbiyev — Ixtisoslashtirilgan taʼlim muassasalari agentligi direktori, Vasiylik kengashi kotibi

Izoh.

Vasiylik kengashi tarkibiga koʻngilli tadbirkorlik subyektlari va homiy tashkilotlar ixtiyoriy ravishda jalb qilinishi mumkin.

Vasiylik kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan shaxslar yoki zimmasiga tegishli funksiyalarni bajarish yuklangan shaxslar kiritiladi.

Oʻzbekiston Respublikasi Prezidentining 2021-yil 19-iyuldagi PQ-5188-son qaroriga 2-ILOVA

Prezident taʼlim muassasalari agentligi tizimidagi maktablarni qurish, taʼmirlash hamda zarur mebel jihozlari, oʻquv adabiyotlari va moddiy-texnika vositalari bilan taʼminlash boʻyicha 2022 — 2025-yillarga moʻljallangan manzilli roʻyxat1

T/r Obyekt nomi Maktablar soni Qurilish (taʼmirlash) yili Jami quvvati (oʻquvchi oʻrni) Respublika boʻyicha jami: 18 Yangi qurilish: 13 6 624 Ixtisoslashtirilgan maktablar 13 6 624 Taʼmirlash va qoʻshimcha qurilish: 5 1 220 Ijod maktablari 5 1 220 Qoraqalpogʻiston Respublikasi Yangi qurilish 504 1. Ixtisoslashtirilgan maktab 1 2022-y. 504 Taʼmirlash va qoʻshimcha qurilish 200 2. Ibroyim Yusupov nomidagi ijod maktabi2 1 2022-y. 200 Andijon viloyati Yangi qurilish 504 3. Ixtisoslashtirilgan maktab 1 2022-y. 504 Taʼmirlash va rekonstruksiya qilish 420 4. Muhammad Yusuf nomidagi ijod maktabi3 1 2022-y. 420 Buxoro viloyati Yangi qurilish 504 5. Ixtisoslashtirilgan maktab 1 2023-y. 504 Jizzax viloyati Yangi qurilish 504 6. Ixtisoslashtirilgan maktab 1 2023-y. 504 Taʼmirlash va qoʻshimcha qurilish 200 7. Hamid Olimjon va Zulfiya nomidagi ijod maktabi4 1 2022-y. 200 Qashqadaryo viloyati Yangi qurilish 504 8. Ixtisoslashtirilgan maktab 1 2023-y. 504 Taʼmirlash va rekonstruksiya qilish 200 9. Abdulla Oripov nomidagi ijod maktabi5 1 2022-y. 200 Navoiy viloyati Yangi qurilish 504 10. Ixtisoslashtirilgan maktab 1 2023-y. 504 Namangan viloyati Yangi qurilish 504 11. Ixtisoslashtirilgan maktab 1 2024-y. 504 Samarqand viloyati Yangi qurilish 576 12. Ixtisoslashtirilgan maktab 1 2022-y. 576 Surxondaryo viloyati Yangi qurilish 504 13. Ixtisoslashtirilgan maktab 1 2024-y. 504 Sirdaryo viloyati Yangi qurilish 504 14. Ixtisoslashtirilgan maktab 1 2023-y. 504 Toshkent viloyati Yangi qurilish 504 15. Ixtisoslashtirilgan maktab 1 2023-y. 504 Fargʻona viloyati Yangi qurilish 504 16. Ixtisoslashtirilgan maktab 1 2024-y. 504 Taʼmirlash va qoʻshimcha qurilish 200 17. Erkin Vohidov nomidagi ijod maktabi6 1 2022-y. 200 Xorazm viloyati Yangi qurilish 504 18. Ixtisoslashtirilgan maktab 1 2024-y. 504

Izoh:

1) Bino-inshootlarni qurish manzili boʻyicha takliflar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Agentlikka kiritiladi.

2) Nukus shahridagi Ibroyim Yusupov nomidagi ijod maktabi uchun qoʻshimcha 80 oʻrinli yotoqxona va kutubxona binolari quriladi hamda qoʻshimcha jihozlash ishlari amalga oshiriladi.

3) Muhammad Yusuf nomidagi ijod maktabi binosida joylashgan umumtaʼlim maktabi boshqa binoga koʻchiriladi, maktab binosi toʻliq taʼmirlanadi, zamonaviy kutubxona tashkil etiladi hamda oʻquv va yotoqxona binolari qoʻshimcha jihozlanadi.

4) Hamid Olimjon va Zulfiya nomidagi ijod maktabi uchun qoʻshimcha oʻquv xonasi, yotoqxona, oshxona, kutubxona, sport zali quriladi hamda maktabni jihozlash ishlari amalga oshiriladi.

5) Abdulla Oripov nomidagi ijod maktabi uchun 50 oʻrinli oshxona va 80 oʻrinli yotoqxonaning quvvati oshiriladi hamda qoʻshimcha jihozlash ishlari amalga oshiriladi.

6) Erkin Vohidov nomidagi ijod maktabi uchun qoʻshimcha 100 oʻrinli oʻquv xonasi, 90 oʻrinli yotoqxona va sport zali quriladi, oʻquv xonalarining quvvati oshiriladi hamda qoʻshimcha jihozlash ishlari amalga oshiriladi.

Oʻzbekiston Respublikasi Prezidentining 2021-yil 19-iyuldagi PQ-5188-son qaroriga 3-ILOVA

Prezident taʼlim muassasalari agentligi tizimidagi ijod maktablari faoliyatini samarali tashkil etish boʻyicha “yoʻl xaritasi”

Oʻzbekiston Respublikasi Prezidentining 2021-yil 19-iyuldagi PQ-5188-son qaroriga 4-ILOVA

Prezident taʼlim muassasalari agentligining

tashkiliy tuzilmasi

Prezident taʼlim muassasalari agentligi Ixtisoslashtirilgan maktablar Ijod maktablari Prezident maktablari Muhammad al-Xorazmiy nomidagi ixtisoslashtirilgan maktab Abdulla Oripov nomidagi ijod maktabi Halima Xudoyberdiyeva nomidagi ijod maktabi “Yangi Oʻzbekiston” universiteti Abu Ali ibn Sino nomidagi ixtisoslashtirilgan maktab Erkin Vohidov nomidagi ijod maktabi Abdulla Qodiriy nomidagi ijod maktabi Pedagogik mahorat va xalqaro baholash ilmiy-amaliy markazi Mirzo Ulugʻbek nomidagi ixtisoslashtirilgan maktab Muhammad Rizo Ogahiy nomidagi ijod maktabi Muhammad Yusuf nomidagi ijod maktabi “Renessans” bolalar sogʻlomlashtirish oromgohi Qoraqalpogʻiston Respublikasi, viloyatlar, Toshkent shahri hamda tuman (shahar)lardagi ixtisoslashtirilgan maktab-internatlar va ixtisoslashtirilgan maktablar Isʼhoqxon Ibrat nomidagi ijod maktabi Hamid Olimjon va Zulfiya nomidagi ijod maktabi Qoraqalpogʻiston Respublikasi, viloyatlar va Toshkent shahar hududiy boʻlimlari Ibroyim Yusupov nomidagi ijod maktabi

Oʻzbekiston Respublikasi Prezidentining 2021-yil 19-iyuldagi PQ-5188-son qaroriga 5-ILOVA

Prezident taʼlim muassasalari agentligining markaziy apparatining

tuzilmasi

Agentlik hayʼati Direktor Ijro apparati 3 Direktorning birinchi oʻrinbosari Direktor oʻrinbosari Direktor oʻrinbosari Direktorning maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi 1 Maktablar faoliyatini muvofiqlashtirish boshqarmasi 1 Baholash va monitoring qilish boʻlimi 4 Moliya-iqtisod boshqarmasi 1 Prezident maktablari bilan ishlash boʻlimi 4 Pedagoglar malakasini oshirish boʻlimi 2 Moliyalashtirish va rejalashtirish boʻlimi 4 Ijod maktablari bilan ishlash boʻlimi 3 Iqtidorli yoshlarni tanlab olish va olimpiadalarni tashkil etish boʻlimi 4 Buxgalteriya hisobi boʻlimi 4 Ommaviy axborot vositalari va jamoatchilik bilan aloqalar boʻlimi 3 Ixtisoslashtirilgan maktab va maktab-internatlar bilan ishlash boʻlimi 6 Maʼnaviy-axloqiy tarbiya va yoshlar bilan ishlash boʻlimi 2 Jamgʻarma mablagʻlarini boshqarish boʻlimi 3 Xalqaro hamkorlik boʻlimi 3 Darsliklarni ishlab chiqishni muvofiqlashtirish boʻlimi 2 Tashkiliy nazorat va murojaatlar bilan ishlash boʻlimi 3 Moddiy-texnik taʼminot boʻlimi 4 Xodimlar bilan ishlash boʻlimi 3 Oʻquv jarayonini metodik taʼminlash boʻlimi 3 “Renessans” bolalar sogʻlomlashtirish oromgohi Sogʻlom ovqatlanishni tashkil etish shuʼbasi 3 Yuridik boʻlim 2 Pedagogik mahorat va xalqaro baholash ilmiy-amaliy markazi Axborot-kommunikatsiya texnologiyalari boʻlimi 4 Ichki audit xizmati 4 “Yangi Oʻzbekiston” universiteti Agentlikning Qoraqalpogʻiston Respublikasi va viloyatlardagi hududiy boʻlimlari

Boshqaruv xodimlarining umumiy cheklangan soni — 132 nafar, shundan 80 nafari — markaziy apparat, 52 nafari — hududiy boʻlimlar.