Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi faoliyatiga koʻmaklashish chora-tadbirlari toʻgʻrisida (473-son)

31.12.1996

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi toʻgʻrisida” 1996-yil 4-dekabrdagi Farmonini bajarish yuzasidan Vazirlar Mahkamasi qaror qiladi:

1. Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi tashkil etilishi maʼqullansin.

Jamgʻarma Ustavi Oʻzbekiston Respublikasi Adliya vazirligida roʻyxatdan oʻtkazilganligi va keng jamoatchilik koʻrsatib oʻtilgan Jamgʻarma tashkil etilishini qoʻllab-quvvatlashi maʼlumot uchun qabul qilinsin.

2. Jamgʻarmaning tashkiliy tuzilmasi hamda Jamgʻarma boshqaruvi kengashi apparati xodimlarining cheklangan soni 1 va 2-ilovalarga muvofiq boʻlishiga rozilik berilsin.

3. Jamgʻarma tugatilgan Oʻzbekiston Respublikasi faxriylar tashkilotlari uyushmasi, “Oʻzfaxriy” urush va mehnat faxriylari korxonalari respublika uyushmasining ilgari qabul qilingan majburiyatlari, tuzilgan shartnomalari, kontraktlar va ularga tegishli mol-mulk hamda pul mablagʻlari boʻyicha ularning huquqiy vorisi hisoblanishi eʼtiborga olinsin.

4. Bir qancha vazirliklar, idoralar, xoʻjalik organlari va jamoat tashkilotlari Jamgʻarmaga muassis boʻlganligi hamda unga moliyaviy va moddiy-texnik yordam koʻrsatayotganligi maʼqullansin (3-ilova).

Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasiga respublika budjetidan 30 mln. soʻm ajratilsin.

5. Jamgʻarmaga, uning joylardagi boʻlimlariga Jamgʻarma Ustavida koʻrsatilgan maqsad va vazifalarga qatʼiy muvofiq holda ishlab chiqarish-xoʻjalik, tadbirkorlik, tashqi iqtisodiy faoliyat bilan shugʻullanish huquqi berilsin.

6 . Oʻzbekiston Respublikasi Tashqi iqtisodiy aloqalar vazirligi va Tashqi iqtisodiy faoliyat milliy banki Jamgʻarmani tashqi iqtisodiy faoliyat qatnashchisi sifatida roʻyxatdan oʻtkazsinlar hamda milliy va xorijiy valyutada operatsiyalarni amalga oshirish uchun Jamgʻarmaning tegishli schyotlarini ochsinlar.

7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari joylarda Jamgʻarmaning boʻlimlarini tashkil etishga amaliy yordam koʻrsatsinlar, ularni joy va zarur moddiy-texnika vositalari bilan taʼminlasinlar.

Toshkent shahar hokimligi Jamgʻarmani “Pravda Vostoka” koʻchasidagi 16-uyga joylashtirish masalasini hal qilsin.

8. Oʻzbekiston Respublikasi Aloqa vazirligi Jamgʻarma boshqaruvi kengashi shahar va hukumat telefon aloqasi bilan taʼminlasin, “Toshshaharyoʻlovchitrans” davlat uyushmasi belgilangan tartibda xizmat avtotransporti ajratsin.

9. Oʻzbekiston Teleradiokompaniyasi va ommaviy axborot vositalariga Jamgʻarma faoliyatini muntazam yoritib borish tavsiya etilsin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1996-yil 31-dekabr,

473-son

Vazirlar Mahkamasining 1996-yil 31-dekabrdagi 473-son qaroriga 1-ILOVA

Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi

TU3ILMASI

Vazirlar Mahkamasining 1996-yil 31-dekabrdagi 473-son qaroriga 2-ILOVA

Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi boshqaruvi kengashi apparati xodimlarining (xizmat koʻrsatuvchi xodimlardan tashqari) soni

Vazirlar Mahkamasining 1996-yil 31-dekabrdagi 473-son qaroriga 3-ILOVA

Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasi muassislarining

ROʻYXATI

1. Respublika “Mahalla” xayriya jamgʻarmasi

2. Oʻzbekiston Kasaba uyushmalari Federatsiyasi Kengashi

3. Oʻzbekiston Respublikasi yoshlarining “Kamolot” jamgʻarmasi

4. Oʻzbekiston xotin-qizlar qoʻmitasi

5. Respublika mehr-shafqat va salomatlik jamgʻarmasi

6. Qizil Yarim Oy jamiyati

7. Oʻzbekiston Respublikasi mudofaaga yordam beruvchi “Vatanparvar” tashkiloti

8. Oʻzbekiston Respublikasi Ijtimoiy sugʻurta jamgʻarmasi

9. Oʻzbekiston Respublikasi Ijtimoiy taʼminot vazirligi

10. Oʻzbekiston Respublikasi Moliya vazirligi

11. Oʻzbekiston Respublikasi Mudofaa vazirligi

12. “Oʻzbekneftgaz” milliy korporatsiyasi

13. “Mahalliy sanoat” davlat korporatsiyasi

14. “Oʻzbekyengilsanoat” davlat uyushmasi

15. “Qizilqumnodirmetalloltin” davlat konserni

16. “Koʻmir” aksionerlik birlashmasi

17. Xususiy tadbirkorlik va kichik biznesni qoʻllab-quvvatlash fondi — “Biznes-Fond”

Oʻzbekiston faxriylarini ijtimoiy qoʻllab-quvvatlash “Nuroniy” jamgʻarmasining Qoraqalpogʻiston Respublika, Toshkent shahar, viloyatlar boʻlimlarining

TUZILMASI

Eslatma:

Jamgʻarmaning tuman, shahar boʻlimlariga rais (jamoatchilik asosida) va ijro etuvchi direktor boshchilik qiladi. Maslahatchi shtati ajratilishi moʻljallanmoqda. Jamoatchilik markazlari yashash va ish joylarida tashkil etiladi va, odatda, jamoatchilik asosida faoliyat koʻrsatadi.