“Xorazm viloyati teleradiokompaniyasini zamonaviy televizion studiya va koʻchma televizion stansiya bilan jihozlash” investitsiya loyihasining texnik-iqtisodiy koʻrsatkichlarini tasdiqlash toʻgʻrisida (403-son)
29.06.2021
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “2020 — 2022-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida” 2020-yil 10-yanvardagi PQ-4565-son hamda “2021 — 2023-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida” 2020-yil 28-dekabrdagi PQ-4936-son qarorlariga muvofiq Xorazm viloyati teleradiokompaniyasini zamonaviy televizion studiya va koʻchma televizion stansiya bilan jihozlash maqsadida Vazirlar Mahkamasi qaror qiladi:
1. Quyidagilar:
Oʻzbekiston Milliy teleradiokompaniyasi tomonidan umumiy qiymati 5 496,7 ming yevro, shu jumladan, mashina va uskunalar uchun 4 449,7 ming yevro boʻlgan “Xorazm viloyati teleradiokompaniyasini zamonaviy televizion studiya va koʻchma televizion stansiya bilan jihozlash” investitsiya loyihasi (keyingi oʻrinlarda — investitsiya loyihasi) amalga oshirilayotganligi;
investitsiya loyihasini 2021-2022-yillarda amalga oshirish maqsadida Oʻzbekiston Respublikasi Davlat budjeti mablagʻlari hisobidan 2021-yil uchun 39 800,0 mln soʻm ajratish belgilanganligi maʼlumot uchun qabul qilinsin.
2. “Xorazm viloyati teleradiokompaniyasini zamonaviy televizion studiya va koʻchma televizion stansiya bilan jihozlash” investitsiya loyihasining texnik-iqtisodiy koʻrsatkichlari ilovaga muvofiq tasdiqlansin.
3. Belgilab qoʻyilsinki:
Oʻzbekiston Milliy teleradiokompaniyasi investitsiya loyihasini oʻz vaqtida va sifatli amalga oshirilishini taʼminlash uchun masʼul ijro etuvchi organ hisoblanadi;
investitsiya loyihasi doirasida tovarlar (ishlar va xizmatlar) yetkazib beruvchi tashkilot (tizim integratori) belgilangan tartibda oʻtkaziladigan tender savdolari natijalari asosida aniqlanadi.
4. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Moliya vazirligi ilovaga muvofiq talab etiladigan kapital qoʻyilmalarni:
joriy yilda Oʻzbekiston Respublikasining 2021-yilga moʻljallangan ijtimoiy va ishlab chiqarish infratuzilmasini rivojlantirish chora- tadbirlari dasturi doirasidagi mablagʻlar hisobidan ajratsin;
2022-yilda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari dasturi parametrlarida nazarda tutsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Milliy teleradiokompaniyasi raisi A.J. Xadjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 29-iyun,
403-son
Vazirlar Mahkamasining 2021-yil 29-iyundagi 403-son qarorigaILOVA
“Xorazm viloyati teleradiokompaniyasini zamonaviy televizion studiya va koʻchma televizion stansiya bilan jihozlash” investitsiya loyihasining
TEXNIK-IQTISODIY KOʻRSATKIChLARI
* Loyiha yakunlangandan soʻng shartnoma boʻyicha toʻlovlar amalga oshirilgan kundagi valyuta kurslari oʻrtasidagi farq 2021-yilda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida oʻzlashtirilmagan va iqtisod qilingan mablagʻlarni qayta taqsimlash hisobiga qoplab beriladi.
** Investitsiya muddati 19 oy — 2021-yil moliyalashtirish boshlanganligini inobatga olgan holda loyihani yakunlash muddatigacha (2022-yil oktyabr oyida).