Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomni tasdiqlash haqida (1090-son)

29.12.2001

OʻZBEKISTON RESPUBLIKASI SOGʻLIQNI SAQLASH VAZIRINING

buyrugʻi

[Oʻzbekiston Respublikasi Adliya vazirligi tomonidan 2001-yil 29-dekabrda 1090-son bilan davlat roʻyxatidan oʻtkazilgan]

Oʻzbekiston Respublikasining “Giyohvandlik vositalari va psixotrop moddalar toʻgʻrisida”gi Qonunining ijrosini taʼminlash maqsadida (Oʻzbekiston Respublikasi Oliy Majlis Axborotnomasi, 1999-yil, 9-son, 210-modda) buyuraman:

1. “Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizom” tasdiqlansin.

2. Mazkur buyruq Oʻzbekiston Respublikasi Adliya vazirligida davlat roʻyxatiga olingan kundan boshlab oʻn kun oʻtgach amalga kiritilsin.

3. Mazkur buyruqning ijrosini nazorat qilish Oʻzbekiston Respublikasi sogʻliqni saqlash vazirining birinchi oʻrinbosari D.A. Asadov zimmasiga yuklatilsin.

Sogʻliqni saqlash vaziri F. NAZIROV

Toshkent sh.,

2001-yil 28-noyabr,

527-son

Oʻzbekiston Respublikasi sogʻliqni saqlash vazirining 2001-yil 28-noyabrdagi 527-sonli buyrugʻi bilan TASDIQLANGAN

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi

NIZOM

I. UMUMIY QOIDALAR

Mazkur Nizom Oʻzbekiston Respublikasining “Giyohvandlik vositalari va psixotrop moddalar toʻgʻrisida”gi Qonuniga muvofiq ishlab chiqilgan va Oʻzbekiston Respublikasida nazorat ostiga olingan giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish tartiblarini belgilaydi.

Mazkur Nizom Oʻzbekiston Respublikasi Sogʻliqni saqlash vazirligi tomonidan berilgan litsenziya asosida giyohvandlik vositalari, psixotrop moddalar va prekursorlar muomalasi bilan bogʻliq faoliyat bilan shugʻullanuvchi yuridik shaxslarga (bundan buyon matnda yuridik shaxslar deb yuritiladi) nisbatan amal qiladi.

Tibbiyot maqsadida foydalaniladigan yangi giyohvandlik vositalari va psixotrop moddalarni davlat roʻyxatidan oʻtkazish Oʻzbekiston Respublikasining “Dori vositalari va farmatsevtika faoliyati toʻgʻrisida”gi Qonuniga muvofiq amalga oshiriladi.

Giyohvandlik vositalari, psixotrop moddalar va prekursorlarni saqlash, berish, sotish, taqsimlash Oʻzbekiston Respublikasi Sogʻliqni saqlash vazirligi tomonidan ushbu faoliyat turlari bilan shugʻullanish uchun beriladigan litsenziya mavjud boʻlganda amalga oshiriladi.

Giyohvandlik vositalari, psixotrop moddalar va prekursorlarni saqlash, berish, sotish, taqsimlash va hisobini olib borilishi Oʻzbekiston Respublikasining giyohvandlik vositalari, psixotrop moddalar va prekursorlarga belgilangan ehtiyojlari doirasida amalga oshiriladi.

Yuridik shaxslar mazkur Nizomga muvofiq har oy inventarizatsiya oʻtkazishlari lozim.

II. GIYOHVANDLIK VOSITALARINI SAQLASH, BERISH, SOTISH, TAQSIMLASH VA HISOBGA OLISH TARTIBI

1§. Dorixonalarda giyohvandlik vositalarini saqlash, berish, sotish, taqsimlash va hisobga olish

1. Giyohvandlik vositalari seyflarda saqlanadi. Seyflar yopiq holda boʻlishi kerak. Ish kuni tugagandan soʻng seyflar qulflanishi va muhrlanishi kerak, kalitlar, muhr va tamgʻa esa buyruq asosida tayinlangan saqlash uchun javobgar shaxsda boʻlishi lozim.

2. Xizmat majburiyatiga binoan giyohvandlik vositalari bilan bevosita ish olib boruvchi shaxslarni ishga qabul qilishda ularni giyohvandlik vositalari, psixotrop moddalar va prekursorlar muomalasini tartibga soluvchi normativ-huquqiy hujjatlar bilan tanishtirilishi, shuningdek, giyohvandlik vositalari muomalasi bilan bevosita aloqador boʻlgan shaxs va maʼmuriyat oʻrtasida mehnat shartnomasi (kontrakt) tuzilganda ikkala tomonning majburiyatlari koʻrsatilishi lozim.

3. Giyohvandlik vositasini kundalik ish uchun giyohvandlik vositalari saqlanadigan xonadan assistentlar xonasiga faqat dorixona mudiri yoki vakolatli shaxs orqali beriladi.

4. Giyohvandlik vositalari tunda dorixonaning assistentlar xonasida qoldirilmasligi kerak.

5. Giyohvandlik vositalari raqamlangan, ip oʻtkazib tikilgan, yuqori turuvchi tashkilot yoki korxona rahbarining muhri va imzosi bilan tasdiqlangan maxsus daftarda ashyoviy-miqdor sifatida hisobda turishi kerak (mazkur Nizomning 1-ilovasi).

6. Har oyning 3-sanasigacha dorixonada boʻlgan giyohvandlik vositalari inventarizatsiya qilinadi va mazkur Nizomning 1a-ilovasidagi shakl boʻyicha inventarizatsiya roʻyxati tuziladi.

Oʻtkazilgan inventarizatsiya natijasida avvalgi inventarizatsiya roʻyxatidagi maʼlumotlarga toʻgʻri kelmagan yoki farq qilgan holatlar aniqlanganda, mazkur holat aniqlangandan soʻng uch kun ichida dorixona mudiri bu haqida ichki ishlar organlariga xabar berishi lozim. Oʻgʻrilik va yoʻqotish holatlari sodir boʻlganda dorixona mudiri tezlik bilan ichki ishlar boshqarmasining hududiy organlariga va oʻzining yuqori turuvchi tashkilotlariga xabar berishi shart boʻlib, oʻz navbatida yuqori turuvchi tashkilotlar Sogʻliqni saqlash vazirligiga zudlik bilan mazkur Nizomning 2-ilovasidagi shakl boʻyicha yozma xabar berishi kerak.

7. Oʻzbekiston Respublikasida tibbiyot amaliyotida ishlatishga ruxsat berilmagan giyohvandlik vositalarini dorixonalarda saqlash taqiqlanadi.

8. Dorixonalardan giyohvandlik vositalarini jismoniy shaxslarga shifokor retsepti asosida berish huquqiga buyruq asosida tayinlangan quyidagi farmatsevtika xodimlari ega:

dorixona mudiri;

dorixona mudir oʻrinbosari;

dorixona boʻlimi mudiri;

dorixona farmatsevti (provizori);

dorixona farmatsevt (provizor) assistenti

Giyohvandlik vositalari faqat giyohvandlik vositalariga retsept yozish qoidalari boʻyicha rasmiylashtirilgan retsept asosida beriladi (mazkur Nizomning 3-paragraf va 3-ilovasi).

9. Farmatsevt-texnolog (provizor-texnolog) tarkibida giyohvandlik vositasi boʻlgan dorining retseptini olganda, ushbu dorini qabul qiluvchi bemorning yoshini aniqlashi, belgilangan dozaning toʻgʻriligini, yozib berilgan dori shaklining tarkibiy qismlarining mutanosibligini tekshirishi va giyohvandlik vositasining nomini qizil ruchka bilan chizib koʻrsatishi kerak.

10. Dori tarkibiga kiruvchi giyohvandlik vositasi saqlanish joyidan farmatsevt (provizor) assistenti ishtirokida farmatsevt-texnolog (provizor-texnolog) (buyruq asosida tayinlangan) tomonidan oʻlchab (tortib) olinadi, soʻng shtanglas darhol seyfga olib qoʻyiladi. Farmatsevt-texnolog (provizor-texnolog) retseptning orqa tomoniga giyohvandlik vositasini bergani haqida imzo qoʻyadi, farmatsevt (provizor) assistenti esa giyohvandlik vositasining nomini va kerakli miqdorini qabul qilib olganini tasdiqlaydi. Retseptning orqa tomoniga qoʻlda yozish oʻrniga muhr qoʻyilishi mumkin (Mazkur Nizomning 4-ilovasi).

Farmatsevt (provizor) assistenti tomonidan qabul qilib olingan giyohvandlik vositasi zudlik bilan dori tayyorlash uchun ishlatilishi va darhol tekshirib koʻrish uchun farmatsevt-texnolog (provizor-texnolog)ga berilishi shart.

Giyohvandlik vositalari saqlanadigan seyfda ularni oʻlchash va dori tayyorlash uchun qoʻl tarozilari, tarozi toshlari, hovonchalar, silindr va voronkalar boʻlishi shart va ular farmatsevt (provizor) assistenti yoki farmatsevt-texnolog (provizor-texnolog) kuzatuvi ostida boshqa idishlardan alohida holda yuvilishi va qayta ishlanishi shart. Dori vositalari tayyorlanadigan idishlar yorliqlangan boʻlishi kerak.

11. Agarda retseptda giyohvandlik vositasi bilan boshqa ingrediyentlar birga yozilgan boʻlsa, giyohvandlik vositalarini alohida (tayyorlangan dori tarkibiga qoʻshmagan holda) berish taqiqlanadi.

12. Giyohvandlik vositalarini qayta olish uchun shifokor bemorga yangi retsept yozib berishi shart.

13. Giyohvandlik vositalari shahar chegarasidagi yoki qishloq maʼmuriy hududlaridagi dorixonalardan mazkur hududlarda joylashgan davolash-profilaktika muassasalarining retseptlari asosida beriladi.

14. Giyohvandlik vositalari saqlovchi dorilar yozilgan, foydalanilgan retsept blankalari oylar va yillar boʻyicha ajratilgan koʻrinishda 5 yil davomida tikilgan, muhrlangan holda saqlanishi shart.

Giyohvandlik vositalari berilgan retseptlar giyohvandlik vositalari saqlanadigan xonada saqlanadi. Saqlanish muddati tugagan retseptlar yoqib yuborish yoʻli bilan yoʻq qilinib, tegishli dalolatnoma bilan rasmiylashtiriladi (mazkur Nizomning 5-ilovasi).

2§. Davolash-profilaktika muassasalarida giyohvandlik vositalarini va maxsus pushti retsept blankalarini saqlash, berish va hisobga olish

15. Davolash-profilaktika muassasalari dorixonalarida giyohvandlik vositalarini hisobga olish va berish aholiga xizmat koʻrsatuvchi dorixonalar uchun oʻrnatilgan tartibda amalga oshiriladi.

16. Oʻz dorixonalariga ega boʻlmagan davolash-profilaktika muassasalari giyohvandlik vositalarini faqat sanoat yoki dorixonalar tomonidan ishlab chiqarilgan (tayyorlangan) tayyor dori vositasi koʻrinishida olishlari kerak. Davolash-profilaktika muassasalari tomonidan dorixonalardan olinadigan, tarkibida giyohvandlik vositalari boʻlgan dorilar signatura yoki etiketkasida aniq va yaqqol koʻrinuvchi belgilarga: “Ichish uchun”, “Sirtqi”, “Inyeksiya uchun”, “Koʻz tomchilari” va h.k., shuningdek, dori tayyorlagan dorixona raqami (nomi), boʻlim nomi (kabinet), talabnomada koʻrsatilgan yozuv bilan bir xil boʻlgan dori tarkibi, tayyorlanish vaqti hamda tayyorlagan, tekshirgan va dorixonadan dorini bergan shaxsning imzosiga ega boʻlishi kerak.

Giyohvandlik vositalari qadogʻida yuqorida koʻrsatilgan belgilar koʻrsatilmagan hollarda ularni davolash-profilaktika muassasalarida ishlatish va saqlashga ruxsat etilmaydi. Boʻlim (xona) idishlariga qadoqlash, solish, tortish, quyish va joylashtirish hamda yorliqlarni oʻzgartirish qatʼiyan man etiladi.

17. Parenteral qoʻllash uchun, ichish va sirtga qoʻllanuvchi giyohvandlik vositalari alohida saqlanishi shart.

18. Davolash-profilaktika muassasalari dorixonalaridagi giyohvandlik vositalari zaxirasi bir oylik ehtiyojidan oshmasligi kerak.

Davolash-profilaktika muassasasi rahbari buyrugʻi bilan aniqlangan boʻlimlardagi (xonalardagi) giyohvandlik vositalari zaxirasi uch kunlik ehtiyojdan oshmasligi kerak; davolash-profilaktika muassasasining navbatchi tibbiy xodimlarida giyohvandlik vositasining faqat bir kunlik zaxirasi saqlanishi mumkin va bu giyohvandlik vositasi seyflarda yoki eshiklarining mustahkamligini taʼminlash uchun metall moslamalar yoki burchaklar oʻrnatilgan, polga (devorga) qotirilgan metall shkaflarda saqlanishi kerak.

19. Kechki va tungi vaqtlarda hayot taqozosi boʻyicha tez tibbiy yordam koʻrsatish uchun statsionarlarning qabulxonalarida giyohvandlik vositalarining besh kunlik ehtiyoj zaxirasini tashkil etishga ruxsat beriladi. Giyohvandlik vositalarining koʻrsatilgan zaxirasi masʼul navbatchi shifokor ruxsati bilan statsionarning barcha boʻlimlarida ishlatilishi mumkin.

20. Giyohvandlik vositalarni saqlash va bemorlarga berishni tashkil qilishga bosh shifokor (uning oʻrinbosari), shuningdek muassasa buyrugʻi bilan belgilangan shaxslar javobgar boʻladi.

21. Davolash-profilaktika muassasalarining navbatchi tibbiyot xodimlarining giyohvandlik vositalar saqlanadigan joyida giyohvandlik vositalarining bir martalik va bir kunlik dozasi koʻrsatilgan jadvallar hamda ulardan zaharlanish holatlarida zaharlanishga qarshi ishlatiladigan moddalar jadvali boʻlishi kerak.

22. Bemorlarga giyohvandlik vositalari saqlovchi dorilarni berish, boshqa dorilardan alohida ajratilgan holda amalga oshiriladi.

23. Ichish uchun berilgan giyohvandlik dori vositalarini bemor tomonidan qabul qilinishi faqat shifokor va hamshira ishtirokida amalga oshiriladi.

24. Navbatchi tibbiyot xodimlarida va davolash-profilaktika muassasalarining boʻlimlarida (xonalarida) saqlanadigan giyohvandlik vositalari hisobi ashyoviy miqdor hisobida olib boriladi va ular mazkur Nizomning 6 va 6a-ilovalarida koʻrsatilgan shakl boʻyicha raqamlangan, ip oʻtkazib tikilgan, davolash muassasasi rahbarining muhri va imzosi bilan tasdiqlangan maxsus daftarda qayd etib boriladi.

25. Davolash-profilaktika muassasalari zarur boʻlgan retseptura blankalarini Sogʻliqni saqlash vazirligining mahalliy boshqaruv organlaridan oladilar.

26. Giyohvandlik vositalari uchun maxsus pushti retsept blankalari davolash-profilaktika muassasasiga kelib tushganda bosh shifokor buyrugʻi bilan tayinlangan komissiya tomonidan qabul qilib olinadi va hisobga olish jurnalida dalolatnoma asosida qayd etib boriladi.

27. Giyohvandlik vositalarining maxsus pushti retsept blankalari hisobi sahifalari raqamlangan, ip oʻtkazib tikilgan va davolash-profilaktika muassasasining rahbari imzosi va muhri bilan tasdiqlangan, mazkur Nizomning 7-ilovasida koʻrsatib oʻtilgan shakl boʻyicha “hisobga olish” daftarida qayd etib boriladi.

28. Har bir davolash-profilaktika muassasasida rahbar buyrugʻi bilan retsept blankalarini olish, saqlash, hisobga olish hamda ularni berishga javobgar boʻlgan shaxs tayinlanadi. Giyohvandlik vositalari uchun moʻljallangan maxsus pushti retsept blankalari seyf yoki metall shkaflarda javobgar shaxs nazorati ostida saqlanishi kerak.

29. Giyohvandlik vositalari uchun pushti retsept blankalari bosh shifokor yoki uning oʻrinbosari koʻrsatmasi asosida giyohvandlik preparatlari uchun retsept yozish huquqiga ega boʻlgan shifokorlarga ikki haftalik ehtiyoj miqdorida beriladi, biroq ushbu miqdor 10 tadan ortiq boʻlmasligi kerak (ehtiyojlar ortgan hollarda giyohvandlik vositalari uchun pushti retsept blankalarining soni bosh vrach yoki uning oʻrinbosari koʻrsatmasiga koʻra oshirilishi mumkin).

30. Davolovchi shifokorlarda kundalik ehtiyoj uchun kerak boʻlgan retsept blankalari qulflangan holatda saqlanishi kerak.

31. Davolash-profilaktika muassasalaridagi kundalik ehtiyojlar uchun zarur boʻlgan maxsus pushti retsept blankalari zaxirasi bir oylik ehtiyoj miqdoridan oshmasligi kerak. Ularning ortiqcha miqdorini Sogʻliqni saqlash boshqarmasining hududiy organlariga topshirilishi shart.

32. Giyohvandlik vositalari uchun moʻljallangan maxsus pushti retsept blankalari zaxirasi eshiklari temir qoplagʻich bilan mustahkamlangan metall shkaflarda, ularning kalitlari esa muassasa rahbarida yoki muassasa buyrugʻi asosida vakolat berilgan shaxsda saqlanishi kerak.

33. Har bir davolash-profilaktika muassasasida rahbar buyrugʻi bilan belgilangan, doimiy faoliyat koʻrsatuvchi komissiya tuziladi. Komissiya har oyda bir marta davolovchi shifokorlarning giyohvandlik vositasini tavsiyasi toʻgʻri ekanligini, ularni va maxsus pushti retsept blankalarini muassasada saqlanishi, hisobini olib borilishi va sarfini tekshiradi.

34. Doimiy faoliyat koʻrsatuvchi komissiya har chorakda bir marta giyohvandlik vositalari retsept blankalari saqlanishiga javobgar boʻlgan shaxsda nechta blanka mavjudligini va uning soni hisobini olib boriladigan daftardagi maʼlumotga mos kelishini tekshiradi. Daftardagi qoldiq haqiqatdagi soniga toʻgʻri kelmaganligi aniqlanganda retsept blankalarini olish, saqlash va hisobini olib borishga, shuningdek retsept blankalari berishga javobgar boʻlgan shaxs javobgarlikka tortiladi va mazkur holat haqida bir sutka ichida Sogʻliqni saqlash boshqarmalari organlarini yozma holda ogohlantirishi zarur.

35. Davolash-profilaktika muassasasi boshliqlari giyohvandlik vositalari va maxsus pushti retsept blankalaridan samarali foydalanishiga hamda ularni saqlanishi, hisobga olish va xavfsizligiga toʻliq masʼuldir.

36. Hududiy sogʻliqni saqlash organlari davolash-profilaktika muassasalari faoliyatini oʻrganish vaqtida giyohvandlik vositalari uchun moʻljallangan maxsus pushti retsept blankalarini saqlanishini nazorat qiladi.

37. Davolash-profilaktika muassasalari rahbarlari har chorakda:

giyohvandlik dori vositalariga retsept yozilishi boʻyicha shifokorlar tomonidan asossiz ravishda tez-tez giyohvandlik vositalari tavsiya etish holatlarini aniqlash maqsadida doimiy tahlil oʻtkazib turishi va aniqlangan natijalar asosida giyohvandlik vositalaridan foydalanishni tartibga solish chora-tadbirlarini koʻrishi ;

davolash-profilaktika muassasasi boshligʻi tomonidan buyruq bilan tasdiqlangan, giyohvandlik vositalarini yozish huquqiga ega shifokorlarning shaxsiy muhri va imzo nusxalari roʻyxatini dorixonalarga yuborishi zarur.

3§. Giyohvandlik vositalarini yozib berish qoidalari

38. Giyohvandlik vositalari sof holda yoki indefferent toʻldiruvchilar bilan birgalikda qanday dori shaklida boʻlishidan qatʼiy nazar (shu bilan bir qatorda tayyor dori vositalari) ambulatoriya sharoitida davolanuvchi bemorlar uchun Oʻzbekiston Respublikasi Sogʻliqni saqlash vazirligi tomonidan tasdiqlangan namuna asosida davolash-profilaktika muassasasining shtampi va yumaloq muhri bosilgan, retsept yozib bergan shifokorning shaxsiy muhri bosilgan maxsus pushti retsept blankalariga yoziladi.

39. Giyohvandlik vositalari uchun retsept maxsus pushti retsept blankalarda yozilgan, unga imzo chekkan va shaxsiy muhri bilan tasdiqlangan shifokor qoʻli bilan lotin yozuvida toʻldirilgan boʻlishi kerak, bundan tashqari giyohvandlik vositalarini bemorlarga yozib berish uchun toʻliq javobgar boʻlgan ambulator-poliklinika muassasasi rahbari yoki uning davolash ishlari boʻyicha oʻrinbosari tomonidan imzolangan va muhr bilan tasdiqlangan boʻlishi kerak.

Ambulator-poliklinika muassasalari (boʻlimlari)ning davolovchi shifokorlari bemorlarga giyohvandlik vositalarini berilgan muddatidan boshlab 7 kun oʻtgach, avval tavsiya etilgan giyohvandlik vositalaridan boʻshagan ampulalarni bemor yoki uning qarindoshlari tomonidan retseptda koʻrsatilgan miqdor (son) da qaytarib topshirilgan holdagina qayta tavsiya etishga haqlidir.

Shifokorlar retseptda avval giyohvandlik vositalarining nomini, soʻngra boshqa ingrediyentlar nomlarini yozishlari zarur.

40. Davolovchi shifokorlarga toʻldirilmagan retsept blankalariga shaxsiy muhrlarini bosishlari man etiladi.

41. Davolash-profilaktika muassasalarining talabnomalarida giyohvandlik vositalarining nomlari faqat lotin tilida alohida blankalarda yozilgan va boʻlim boshligʻi tomonidan imzolangan boʻlishi kerak. Talabnomalarda boʻlim yoki xonaning nomi, giyohvandlik vositasining dori shakli, oʻlchov birligi, talab qilinayotgan soni koʻrsatilishi shart boʻlib, mazkur Nizomning 6b-ilovasidagi shakl boʻyicha toʻldiriladi.

42. Bir dona pushti maxsus retsept blankasida davolovchi shifokor tomonidan faqat bitta nomdagi giyohvandlik vositasi miqdori 7 kunlik ehtiyojdan oshirilmagan holda yozilishi kerak.

43. Ambulatoriya sharoitida davolanuvchi bemorlarga narkoz uchun qoʻllaniladigan preparatlar uchun retseptlar yozish man etiladi.

44. Inkurabel onkologik kasalliklar bilan ogʻrigan bemorlarni davolash uchun yoziladigan bir retseptdagi giyohvandlik vositalarining miqdorini ikki marta oshirib yozish mumkin. Bu holda onkologik kasallik bilan ogʻrigan bemor yashash joyiga koʻra giyohvandlik vositalarini oladigan dorixonaga davolash-profilaktika muassasasi rahbarining mazkur Nizomning 8-ilovasi koʻrinishida yoziladigan yozma buyrugʻi bilan biriktiriladi.

45. Giyohvandlik vositalari uchun yozilgan retseptlar yetti kun davomida haqiqiydir.

46. Bemor tomonidan ishlatilgan giyohvandlik vositasining ampulalari topshirilgandan soʻng, avval yozilgan giyohvandlik vositasi dorixonadan berilgan vaqtidan boshlab 10 kun oʻtgach giyohvandlik vositalariga qayta retsept yozib berilishi mumkin.

47. Oʻrta maʼlumotli tibbiyot xodimlari giyohvandlik vositalariga retsept yozish huquqiga ega emaslar.

48. Yozilgan retsept yuqorida aytib oʻtilgan talablardan birortasiga javob bermagan yoki tarkibida nomutanosib dori vositasi yozilgan holatlarda retsept yaroqsiz hisoblanadi.

49. Barcha notoʻgʻri yozilgan retseptlar dorixonalarda qoldiriladi va “Retsept yaroqsiz” degan shtamp bilan belgi qoʻyiladi hamda maxsus daftarda qayd etiladi, retsept yozish qoidalarini buzgan xodimga nisbatan tartibga chaqiruvchi qatʼiy choralar koʻrilishi uchun davolash-profilaktika muassasasining rahbariga xabar beriladi.

4§. Dorixona omborxonalarida (bazalarda) giyohvandlik vositalari va maxsus pushti retsept blankalarini saqlash, berish va hisobini olib borish

51. Dorixona omborxonalarida (bazalarda) giyohvandlik vositalari va maxsus pushti retsept blankalari alohida jihozlangan va ish kuni oxirida qulflab, muhrlanadigan xonalardagi seyf yoki temir shkaflarda saqlanadi.

52. Giyohvandlik dori vositalari va maxsus pushti retsept blankalari saqlanadigan xonaga omborxona (baza) rahbari buyrugʻi bilan tayinlangan, bevosita ular bilan ishlash huquqi berilgan shaxslargagina kirishga ruxsat etiladi.

53. Dorixona omborxonalarida Oʻzbekiston Respublikasida tibbiyot amaliyotida qoʻllashga ruxsat etilmagan giyohvandlik vositalarini saqlash man etiladi.

54. Giyohvandlik vositalarini qabul qilib olishda omborxona mudiri yoki rahbar tomonidan tayinlangan shaxs qabul qilib olingan miqdorning ilova qilingan hujjatlarga mos kelishini shaxsan oʻzi tekshirib koʻrishi shart.

55. Kukun holatdagi giyohvandlik vositalari omborxonadan faqat muhrlangan holda beriladi.

56. Giyohvandlik vositalarini berilishi muassasa rahbari yoki uning oʻrinbosari tomonidan imzolangan va muassasa muhri bosilgan talabnoma asosida amalga oshirilishi shart.

57. Giyohvandlik vositalari uchun yoziladigan hamma talabnomalar boshqa tibbiyot vositalariga yoziladigan talabnomalardan alohida yozilishi, miqdorlar soʻz bilan yozilgan holda koʻrsatilishi kerak.

58. Giyohvandlik vositalarini berish oʻrnatilgan tartibda rasmiylashtirilgan, olingan giyohvandlik vositalarining nomi va ularning miqdori soʻz bilan yozilgan, alohida ishonchnoma asosida amalga oshiriladi.

59. Giyohvandlik vositalarini berishdan oldin ularning saqlanishiga javobgar boʻlgan shaxsning oʻzi berish uchun asos boʻladigan hujjatlarni, berilayotgan giyohvandlik vositasini ilova qilingan hujjat bilan mos kelishini, qadoqlanishining toʻgʻriligini tekshirishi hamda omborxonada qoldiriladigan tovar-transport yuk xati nusxasiga imzo qoʻyishi lozim.

60. Giyohvandlik vositalari dorixona omborxonalaridan faqat tibbiyot maqsadlari uchun giyohvandlik vositalari bilan bogʻliq faoliyat olib borish huquqini beruvchi litsenziyaga ega boʻlgan yuridik shaxslarga beriladi.

61. Dorixona omborxonalarida giyohvandlik vositalari va ularni yozish uchun moʻljallangan maxsus pushti retsept blankalarini hisobi sahifalari raqamlangan va ip oʻtkazib tikilgan, muassasa muhri hamda rahbari imzosi bilan tasdiqlangan, mazkur Nizomning 9, 10-ilovalarida koʻrsatilgan shakllariga koʻra maxsus daftarlarda olib boriladi.

62. Dorixona omborxonasida giyohvandlik vositalarining kirimi va chiqimiga taalluqli boʻlgan barcha hujjatlar ularni saqlanishiga javobgar shaxsda, saqlanish muddatlariga amal qilgan holda, bu hujjatlarni toʻliq xavfsizligini taʼminlaydigan sharoitda saqlanishi lozim. Koʻrsatib oʻtilgan hujjatlarning saqlanish muddati 5 yil.

5§. Ilmiy-tekshirish institutlari, oliy oʻquv yurtlari va nazorat-tahlil laboratoriyalarida giyohvandlik vositalarini saqlash, berish va hisobini olib borish

63. Ilmiy-tekshirish institutlari, oliy-oʻquv yurtlari va nazorat-tahlil laboratoriyalarida giyohvandlik vositalari alohida jihozlangan xonalarda saqlanadi, bunda giyohvandlik vositalari yopiq, plombalangan seyflarda saqlanadi.

64. Tahlil oʻtkazishga tayinlangan javobgar shaxsga berilgan giyohvandlik vositalari yoki giyohvandlik vositasini saqlovchi dorilar alohida qulflangan holda saqlanishi zarur.

65. Giyohvandlik vositalarini saqlanishiga laboratoriya mudiri yoki muassasaning tegishli buyrugʻi bilan tayinlangan shaxs javobgardir.

66. Tahlil uchun giyohvandlik vositalari farmatsevtika tashkilotidan (dorixona omborxonasi, baza, dorixona) toʻliq uch marotaba tahlil qilishga yetadigan miqdorda kelib tushishi kerak. Giyohvandlik vositalari tahlil qilinib boʻlingandan soʻng, ularning qoldigʻi 3 oy davomida saqlab turiladi, soʻng dalolatnoma asosida farmatsevtika tashkilotlariga qaytarib beriladi.

67. Kundalik ishlash uchun zarur boʻlgan giyohvandlik vositalari tahlil oʻtkazuvchining talabnomasi asosida faqat laboratoriya mudirining yoki kafedra mudirining yozma ruxsati bilan beriladi.

68. Laboratoriyalarda, ilmiy-tekshirish institutlarida, oliy oʻquv yurtlarida giyohvandlik vositalari sahifalari raqamlangan, ip oʻtkazib tikilgan, tashkilot muhri va rahbarining imzosi qoʻyilgan alohida daftarda ashyoviy-miqdor sifatida hisobda turadi. (mazkur Nizomning 11, 12-son ilovalari).

§6. Farmatsevtika ishlab-chiqarish korxonalarida giyohvandlik vositalarini saqlash, berish, hisobini olib borish va sotish

69. Farmatsevtika ishlab chiqarish korxonalarida giyohvandlik vositalari ish kuni oxirida qulflanadigan, muhrlanadigan yoki plombalanadigan, alohida jihozlangan xonalarda joylashgan seyf yoki temir shkaflarda saqlanadi.

70. Giyohvandlik vositalarining saqlanishiga korxona rahbari yoki korxona buyrugʻi bilan tayinlangan shaxs javobgardir.

71. Korxonaga giyohvandlik vositalari kelib tushganda korxona rahbari yoki masʼul shaxs kelib tushgan giyohvandlik vositasining miqdorini ilova qilingan hujjatlarga mos kelishini shaxsan oʻzi tekshirib koʻrishi shart.

72. Giyohvandlik vositalarini ishlab chiqarish boʻlimiga (sexga) berilishi yuk xati asosida bir seriya mahsulot ishlab chiqarish uchun zarur boʻlgan miqdorda korxona rahbari yoki uning oʻrinbosari ruxsati bilan amalga oshiriladi.

73. Qanday dori turi boʻlishidan qatʼiy nazar omborxona va boʻlimlarda (sexlarda) giyohvandlik vositalari hisobi sahifalari raqamlangan, ip bilan tikilgan, yuqori tashkilot rahbarining imzosi va muhri bilan tasdiqlangan daftarda olib boriladi. Omborxonalarning hisobga olish jurnali dorixona omborlari uchun tasdiqlangan shaklda olib boriladi, boʻlimlarda (sexlarda) esa — ishlab chiqarish jarayonida mahsulotning hisobga olish uchun amalda qabul qilingan shaklda olib boriladi.

74. Ishlab chiqarilishi hali tugallanmagan giyohvandlik vositalari saqlovchi dori shakllarini (eritmalar, tabletka tayyorlash uchun aralashmalar va h.k.) xavfsizligiga boʻlim (sex) boshligʻi javobgardir.

Korxona ichki nazorat xizmati tomonidan sotuvga chiqarishga ruxsat etilgan tarkibida giyohvandlik vositalari saqlagan tayyor mahsulot oʻsha kunning oʻzida zavodning tayyor mahsulotlar omborxonasiga oʻtkazilishi kerak.

III. PSIXOTROP MODDALARNI SAQLASH, BERISH, SOTISH, VA HISOBGA OLISH TARTIBI

1§. Dorixonalar, davolash-profilaktika muassasalari, dorixona omborlari (bazalar), ilmiy-tekshirish institutlari, oliy oʻquv yurtlari, nazorat-analitik laboratoriyalarda psixotrop moddalarni saqlash, hisobini olib borish va berish

75. Oʻzbekiston Respublikasida nazorat ostiga olingan psixotrop moddalar dorixona omborxonalarida (bazalarda) seyflarda yoki temir shkaflarda saqlanadi. Xona faqat bitta kirish joyiga ega boʻlib, eshigi metall tunuka bilan qoplangan va alohida signalizatsiya qurilmasi bilan taʼminlanishi zarur. Ish vaqti tugaganidan soʻng shkaflar va kirish eshigi qulflanib, muhrlanadi yoki plombalanadi.

76. Dorixonalar, davolash-profilaktika muassasalari, nazorat-tahlil laboratoriyalari, ilmiy-tekshirish institutlari, oliy oʻquv yurtlarida psixotrop moddalar temir shkaflarda qulflangan holda saqlanadi. Davolash muassasalari kabinetlarida va boʻlimlarida psixotrop moddalar shkaflarda qulflangan holda saqlanadi.

Psixotrop moddalar saqlanadigan shkaflar ish vaqtidan soʻng qulflanib, muhrlanadi yoki plombalanadi.

77. Psixotrop moddalarga retseptlar mazkur Nizomning 13a-sonli ilovasida keltirilgan shakl boʻyicha yoziladi.

Qoʻshimcha ravishda retseptga davolash-profilaktika muassasasi rahbari buyrugʻi bilan vakolatlangan, retsept yozgan shifokorning imzosi qoʻyiladi va davolash-profilaktika muassasasi muhri bilan tasdiqlanadi.

Psixotrop moddalar viloyatda joylashgan dorixonalardan shu viloyat hududidagi davolash-profilaktika muassasalari shifokorlari tomonidan yozilgan retseptlar asosida beriladi.

Har chorakda davolash-profilaktika muassasasi boshligʻi tomonidan buyruq bilan tasdiqlangan, psixotrop moddalarga retsept yozish huquqiga ega shifokorlarning shaxsiy muhri va imzo nusxalari roʻyxatini dorixonalarga ilova qilib yuborishlari zarur.

78. Tarkibida psixotrop modda saqlagan dori vositalariga retsept yozilganda shifokorlar retsept boshida avval psixotrop moddaning nomini yozishlari, soʻngra qolgan ingrediyentlarni koʻrsatishlari kerak.

79. Davolash-profilaktika muassasalari boʻlimlarida psixotrop moddalarning zaxirasi ularga boʻlgan ikki haftalik ehtiyojdan ortiq boʻlmasligi, davolash-profilaktika muassasasi navbatchi tibbiyot xodimlarida esa bir kunlik zaxira miqdori saqlanishi mumkin.

80. Oʻzbekiston Respublikasida nazorat ostiga olingan psixotrop moddalarni davolash-profilaktika muassasalarida saqlash va bemorlarga berishga boʻlim (xona) mudiri va katta tibbiyot hamshirasi, dorixonalarda — moddiy javobgar shaxs, laboratoriyalarda esa psixotrop moddalarni saqlash va hisobini olib borishga laboratoriya mudiri javobgar hisoblanadi.

81. Psixotrop moddalar dorixonalardan qatʼiyan shifokor retsepti boʻyicha beriladi. Psixotrop moddalar uchun yozilgan retseptlar bir oy muddat davomida haqiqiy hisoblanadi.

82. Oʻzbekiston Respublikasida nazorat ostiga olingan psixotrop moddalarning retseptlari dorixonada qoldiriladi va bir yil davomida saqlanadi. Saqlash muddati oʻtgach retseptlar dalolatnoma asosida yoʻq qilinadi (mazkur Nizomning 5-son ilovasidagi shakli boʻyicha).

83. Dorixonalarda tarkibida psixotrop moddalar saqlovchi dorilarning retseptlarini qabul qilib olishda bemorning yoshi va dozasi toʻgʻriligini aniqlashtirish zarur.

84. Oʻzbekiston Respublikasida nazorat ostiga olingan psixotrop moddalar sahifalari raqamlangan, ip oʻtkazib tikilgan, yuqori turuvchi tashkilot yoki muassasa rahbari imzosi va muhri bilan tasdiqlangan maxsus daftarda ashyoviy-miqdor boʻyicha hisobda turadi (mazkur Nizomning 13-son ilovasi). Har oyning 3 sanasigacha psixotrop moddalar inventarizatsiyadan oʻtkaziladi va mazkur Nizomning 1a-son ilovasi shaklida inventarizatsiya roʻyxati tuziladi.

Oʻtkazilgan inventarizatsiya natijasida avvalgi inventarizatsiya roʻyxatidagi maʼlumotlariga toʻgʻri kelmagan yoki farq bergan holatlar aniqlanganda, mazkur holat aniq boʻlgandan soʻng uch kun ichida dorixona mudiri bu haqida ichki ishlar organlariga xabar berishi kerak. Oʻgʻrilik yoki yoʻqotish holatlari sodir boʻlganda dorixona mudiri tezlik bilan ichki ishlar boshqarmasining hududiy organlariga va oʻzining yuqori turuvchi tashkilotlariga xabar berishi shart boʻlib, oʻz navbatida yuqori turuvchi tashkilotlar Sogʻliqni saqlash vazirligiga tezlik bilan mazkur Nizomning 2-ilovasi shaklida yozma xabar yetkazishi kerak.

§2. Farmatsevtika korxonalarida Oʻzbekiston Respublikasida nazorat ostiga olingan psixotrop moddalarni saqlash, hisobini olib borish va berish

85. Oʻzbekiston Respublikasida nazorat ostiga olingan psixotrop moddalar va ularni ishlab chiqarishning yarim tayyor mahsulotlari alohida jihozlangan xonalarda seyf yoki temir shkaflarda saqlanadi, xona ish vaqti tugaganidan soʻng moddiy-javobgar shaxs tomonidan qulflanib, muhrlanadi yoki plombalanadi.

86. Farmatsevtika ishlab chiqarish korxonalarida Oʻzbekiston Respublikasida nazorat ostiga olingan psixotrop moddalar ashyoviy-miqdor sifatida hisobda turishi shart. Oʻzbekiston Respublikasida nazorat ostiga olingan psixotrop moddalarning hisobi korxona rahbarining imzosi va muhri bilan tasdiqlangan, sahifalari raqamlangan, ip oʻtkazib tikilgan, korxona rahbarining imzosi va muhri bilan tasdiqlangan yoki korxona buyrugʻi bilan tayinlangan javobgar shaxsning alohida daftarlarda olib boriladi. Omborxonada hisobga olib borish daftari mazkur Nizomning 14-ilovasi shaklida, boʻlimlarda (sexlarda) — mahsulotni ishlab chiqarish jarayonidagi hisobi belgilangan shaklda olib boriladi.

87. Oʻzbekiston Respublikasida nazorat ostiga olingan psixotrop moddalarni tayyor dori shakllarini ishlab chiqarish uchun omborxonadan berilishi sex boshligʻining yuk xati va korxona rahbarining ruxsati bilan amalga oshiriladi.

IV. PREKURSORLARNI SAQLASH, BERISH, HISOBINI OLIB BORISH VA SOTISH TARTIBI

§1. Dorixona, davolash-profilaktika muassasalari va laboratoriyalarda prekursorlarni saqlash, berish va hisobini olib borish

88. Dorixonalar, laboratoriyalar, ilmiy-tekshirish institutlari, oliy oʻquv yurtlarida ishlatiladigan prekursorlar ularni toʻliq saqlanishini taʼminlaydigan xonalarda saqlanishi shart. Agressiv qatoriga mansub boʻlgan va oson alangalanuvchi prekursorlarni (sirka kislotasi angidridi, atseton, etil efiri, xlorid kislota, fenilsirka kislotasi, sulfat kislota, toluol) saqlanishida ularning fizik-kimyoviy xususiyatlarini ham hisobga olish zarur.

89. Tayyor dori vositalari boʻlgan prekursorlar temir shkaflarda saqlanishi shart.

90. IV roʻyxatga kiritilgan, dori vositalari deb hisoblanadigan prekursorlar Oʻzbekiston Respublikasining “Dori vositalari va farmatsevtika faoliyati toʻgʻrisida”gi qonuniga muvofiq Oʻzbekiston Respublikasi Sogʻliqni saqlash vazirligi tomonidan qayd etiladi.

91. Laboratoriyalarda prekursorlarni saqlanishiga, hisobini olib borilishiga va oqilona foydalanishiga laboratoriya mudiri, dorixonalarda dorixona mudiri javobgar hisoblanadi. Omborxonalarda prekursorlarni saqlashga moddiy javobgar shaxs (omborxona mudiri) javobgardir.

92. Tez alangalanuvchi prekursorlar zich yopiladigan, chidamli (pishiq) shisha yoki metall idishlarda saqlanadi.

93. Prekursorlar solingan butillar, ballonlar va boshqa yirik hajmli idishlar balandligi boʻyicha bir qatorda boʻlgan stellaj tokchalarida saqlanishi kerak, ularning balandligi boʻyicha bir necha qatorda saqlanishi taqiqlanadi. Isitish asboblari yaqinida ushbu moddalarni joylashtirilishiga ruxsat berilmaydi. Stellajdan yoki shtabeldan isitish elementigacha boʻlgan masofa 1 m dan kam boʻlmasligi kerak.

94. Laboratoriyalarda TAS (tez alangalanuvchi suyuqlik)lar ichi asbest yoki shisha tola bilan qoplangan metall qutilarda saqlanishi lozim va uning ichki tomoniga laboratoriya mudiri imzolagan saqlanayotgan moddalar roʻyxati yopishtirilishi shuningdek, idishlar uchdan ikki qismidan koʻp boʻlmagan hajmda toʻldirilishi kerak. Quti qopqogʻining tashqi tomonida “TAS” yozuvi boʻlib, quti qulflanadigan boʻlishi kerak.

95. Tez alangalanuvchi va yonuvchi prekursorlarni mineral kislotalar (ayniqsa sulfat va azot kislotalar), siqilgan va suyultirilgan gazlar, yonuvchan moddalar (oʻsimlik yogʻi, oltingugurt, bogʻlovchi materiallar), shuningdek organik moddalar hamda xavfli portlovchi aralashmalar hosil qiluvchi (kaliy xlorat, kaliy permanganat, kaliy xromat va boshqalar) noorganik tuzlar bilan birgalikda saqlanishiga ruxsat berilmaydi.

96. Prekursorlar bilan muomalada (qadoqlash, tashish, tushirish va boshqalar) boʻlganda ehtiyotkorlikka rioya etilishi, shuningdek doimiy ravishda idishning holati, uning germetik zich yopilganligi va butunligi kuzatib borilishi zarur. Idishning nuqsoni va yaroqsizligi aniqlangan taqdirda zudlik bilan uni tuzatish choralari koʻrilishi yoki undagi moddani boshqa butun idishga joylashtirilishi kerak.

97. Bochkaning qopqogʻini zarba vaqtida uchqun bermaydigan yumshoq metall asbob bilan boʻshatish va burab mahkamlashga ruxsat beriladi. Bochkalar saqlash xonalariga yumalatib tashilganda va ularni yuklashda bochkaning urilishi va uchqun paydo boʻlishiga yoʻl qoʻymaslik uchun ehtiyotkorlikka rioya qilish zarur. Polga toʻkilgan suyuqlik zudlik bilan tozalanishi kerak.

98. Ayrim tez alangalanuvchi va yonuvchi prekursorlar (etil efiri va boshqalar) saqlanish vaqtida suyuqlikning alangalanishiga olib kelishi mumkin boʻlgan statik elektr natijasida, uchqun hosil qilish xususiyatlariga egadir. Shuning uchun bunday suyuqliklarni omborda qadoqlash, yongʻindan himoyalanish vositalari bilan jihozlangan va ventilyatsiyasi boʻlgan alohida xonalarda amalga oshirilishi kerak. Ularni metall idishlarga quyishda va qadoqlashda idishlarda yerga ulangan simi boʻlishi kerak.

99. Havoda bu moddalarning bugʻlari hosil boʻlishiga yoʻl qoʻymaslik uchun prekursor saqlanadigan idishlar (shtanglaslar, tunuka barabanlar, shisha idishlar va shu kabilar) mahkam yopilishi kerak.

100. Etil efiri qorongʻi salqin joyda (olovdan va isitish priborlaridan uzoqda) korxona tomonidan chiqarilgan idishda saqlanadi.

101. Etil efiri bilan ishlash vaqtida silkitish, zarba berish, ishqalanish va shu kabilarga ruxsat etilmaydi.

102. Kaliy permanganat chang, oltingugurt, organik yogʻlar, efir, spirt, glitserin, organik kislotalar va boshqa organik moddalar bilan oʻzaro taʼsiri vaqtida tez portlaydi. Uni maxsus boʻlmada tunuka barabanlarda, dorixonalarda esa — qopqoqlari mahkam yopiladigan shtanglaslarda yuqorida koʻrsatilgan vositalardan alohida saqlash kerak. Tez alangalanuvchi va yonuvchi moddalar bilan birgalikda saqlashga ruxsat etilmaydi. Kaliy permanganatli tunuka barabanlar va shtanglaslar oʻz vaqtida ehtiyotkorlik bilan ishqalanishga yoʻl qoʻymasdan changdan tozalanadi.

103. Sulfat kislotasini saqlashda yogʻoch-taxta, poxol va boshqa kelib chiqishi organik boʻlgan moddalar bilan ularning yaqin turmasligining chora-tadbirlari koʻrilishi kerak.

104. Laboratoriya xonalarining yongʻin xavfsizligini baholash unda saqlanayotgan va foydalanayotgan kimyoviy moddalarning portlovchi va yongʻindan xavfli xususiyatlariga asoslaniladi. Yongʻindan xavfli hisoblangan xonalar oʻt oʻchirgich bilan taʼminlanishi kerak. Oʻt oʻchirgich laboratoriyaning har bir xonasida boʻlishi kerak. Bundan tashqari, har bir laboratoriyada prekursorlarni oʻchirishda foydalaniladigan quruq qumli quti boʻlishi kerak.

105. Dorixonalarda kaliy permanganatni 5 grammgacha va xlorid kislotani 1 — 6% eritma holida 250 ml gacha retseptsiz sotilishiga ruxsat beriladi.

106. Boshqa, shuningdek tibbiy maqsadlarda qoʻllaniladigan, tarkibida prekursorlar saqlovchi kombinirlangan dori preparatlari faqat shifokor retsepti asosida beriladi, ular sahifalari raqamlangan, ip oʻtkazilgan, tashkilot muhri va rahbarining imzosi bilan tasdiqlangan maxsus daftarda ashyoviy-miqdor sifatida hisobda turadi. (Mazkur Nizomga 13-ilova).

107. Ilmiy tekshirish institutlari, laboratoriyalar, oliy oʻquv yurtlari, dorixonalar va boshqa tashkilotlar omborxonalarida ilmiy ishlar, tahlil va tashxis qoʻyish uchun foydalaniladigan prekursorlarni hisobga olish shart boʻlib, sahifalari raqamlangan, ip bilan tikilgan, tegishli tashkilot muhri va rahbar imzosi qoʻyib tasdiqlangan maxsus daftarda hisobi olib boriladi (16-ilova).

108. Har oyning 3-sanasigacha dorixonada boʻlgan giyohvandlik vositalari inventarizatsiya qilinadi va mazkur Nizomning 1a-ilovasidagi shakl boʻyicha inventarizatsiya roʻyxati tuziladi.

Oʻtkazilgan inventarizatsiya natijasida avvalgi inventarizatsiya roʻyxatidagi maʼlumotlariga toʻgʻri kelmagan yoki farq bergan holatlar aniqlanganda, mazkur holat aniq boʻlgandan soʻng uch kun ichida dorixona mudiri bu haqida ichki ishlar organlariga xabar berishi kerak. Oʻgʻrilik yoki yoʻqotish holatlari sodir boʻlganda dorixona mudiri tezlik bilan ichki ishlar boshqarmasining hududiy organlariga va oʻzining yuqori turuvchi tashkilotlariga xabar berishi shart boʻlib, oʻz navbatida yuqori turuvchi tashkilotlar Sogʻliqni saqlash vazirligiga tezlik bilan mazkur Nizomning 2-ilovasi shaklida yozma xabar yetkazishi kerak.

§2. Sanoat korxonalarida prekursorlarni saqlash, berish va hisobini olib borish

109. Sanoat korxonalarida prekursorlarni ishlab chiqarish, ulardan foydalanish va saqlash, berish bilan bogʻliq boʻlgan ishlarni tashkil qilish amaldagi meʼyoriy-texnik hujjatlar asosida: tegishli prekursorlarning texnologik reglamentlari, standartlariga (GOST (Davlatlararo standart), RST (Oʻzbekiston Respublikasi standarti), OST (tarmoq standarti), TU (texnik shartlar) va STP (korxonalar standarti)) binoan va moddaning xavflilik, yongʻin xavfini tugʻdirish darajasi hamda kimyoviy va fizik-kimyoviy xossalariga asosan ishlab chiqilgan boshqa meʼyoriy-texnik hujjatlarga binoan olib boriladi.

110. Prekursorlar saqlanadigan idishlar plombalangan boʻlishi shart.

111. Prekursorlar hisoblanadigan kimyoviy moddalar ishlab chiqariladigan va saqlanadigan ishlab chiqarish xonalari korxona maydonchalarida joylashgan boʻlishi va boshqa ishlab chiqarish turlaridan meʼyoriy hujjatlarda koʻzda tutilgan masofada ajratilgan boʻlishi shart.

112. Bir-birlari bilan oʻzaro taʼsirlashadigan prekursorlarni bitta omborxonada birgalikda saqlash man etiladi. Mazkur turdagi prekursorlarni bir omborxonada saqlaganda ularni alohida ajratilgan boʻlmalarda (seksiyada) saqlash mumkin.

113. Ishlab chiqarishda foydalaniladigan prekursorlar ularning yaxshi saqlanishini taʼminlay oladigan maxsus ajratilgan xonalarda yoki omborxonalarda saqlanadi. Mazkur obyektlarda ishning uzluksizligiga ega boʻlinmasa yoki ularni ishi noaniq vaqtga toʻxtab qolsa korxona rahbarlari ularni qoʻriqlash choralarini koʻrishlari kerak, omborxonalar esa moddiy javobgar shaxs tomonidan muhrlab qoʻyilishi shart.

115. Prekursorlarni ishlab chiqarish, saqlash va foydalanishni toʻgʻri tashkil etilishiga korxona rahbari javobgar hisoblanadi.

116. Sanoat korxonalari va tashkilotlarning prekursorlar saqlanadigan omborxonalarida prekursorlarning har bir turi uchun hisob kartochkasi tuzilishi, unda majburiy tartibda moddaning miqdori, kelib tushgan sana, taʼminotchining nomi, kimga qachon va qancha miqdorda berilgani va qoldiq (normativ qoldiqni inobatga olgan xolda) aks ettirilishi kerak.

117. Omborxonada barcha materiallar, xom-ashyo va mahsulotlarning nomi yozilgan roʻyxat boʻlishi kerak. Omborchi doimiy ravishda idish va qutilarning tashqi holatini (butunligi, zich berkitilganligi, yorliqlari mavjudligini) nazorat qilib turishi kerak.

118. Barcha omborxonalarda koʻrinadigan joyga GOST 12.4:026 “Signal ranglari va xavfsizlik belgilari” talabiga muvofiq omborxonada saqlanayotgan materiallarni saqlash boʻyicha texnik xavfsizlik yoʻriqnomasi, ushbu materiallarni omborga joylash va saqlash bilan bogʻliq baxtsiz hodisalar roʻy berganda birinchi yordam koʻrsatish toʻgʻrisidagi yoʻriqnomalar ilib qoʻyilishi kerak.

119. Xom ashyo va tayyor mahsulotlar saqlovchi maydonlar tik (toʻgʻridan-toʻgʻri) tushuvchi quyosh nurlari taʼsiridan hamda atmosfera yogʻinlaridan himoyalangan boʻlishi,transport yuradigan qismidan kamida 15 sm balandlikda joylashishi, atmosfera va grunt suvlari yigʻilib qolmasligi hamda suyuqliklarning oqib tarqalmasligi uchun zarur boʻlgan moslama va tarnovlar bilan jihozlanishi kerak.

120. Kislotalar saqlovchi omborxonalar boshqa materiallarni saqlashga moʻljallangan omborxonalardan alohida joylashgan boʻlishi kerak. Kislotalarning yertoʻlalarda saqlanishiga ruxsat etilmaydi. Kislotalar saqlovchi omborxonaning ventilyatsiyasi tabiiy boʻlishi kerak.

121. Barcha saqlash maydonchalari bemalol kiriladigan yoʻlkalar bilan taʼminlangan boʻlishi kerak.

122. Maxsus maydonlarda xom ashyo va tayyor mahsulotlarni idishlar ichida saqlangan holatlarda ularning soni har bir guruhda 100 donadan koʻp boʻlmasligi, guruhlar orasidagi masofa 1 m dan kam boʻlmasligi kerak. Har bir guruhda maʼlum bir turdagi moddalar saqlanishi zarur.

123. Saqlash jarayonida prekursorlar holatini doimiy nazorat qilib borish zarur.

124. Sanoat korxonalarining sexlarida belgilangan tartibda prekursorlarni smenalararo hisobi olib borilib, u ishchi jurnallarda qayd etiladi, sexlarning texnik hisobotlarida — yillik natijalar asosida oyma-oy va kvartallar boʻyicha olib boriladi. Texnik hisobotlarda tasdiqlangan meʼyorlar boʻyicha chiqim va hisobot davri uchun prekursor chiqimi aks ettiriladi.

§3. Giyohvandlik vositalari, psixotrop moddalar va prekursorlar muomalasi bilan bogʻliq faoliyatlarga taalluqli jarayonlarni hisobga olib borish daftarini yuritish va saqlash

125. Giyohvandlik vositalari, psixotrop moddalar va prekursorlar muomalasi bilan bogʻliq boʻlgan faoliyatni amalga oshiruvchi yuridik shaxslar majburiy tartibda hisobga olish daftarini yuritadilar.

126. Yuridik shaxslar giyohvandlik vositalari, psixotrop moddalar va prekursorlar muomalasi bilan bogʻliq faoliyatni hisobga olish daftaridagi yozuvlar asosida oʻz faoliyati haqidagi maʼlumotlarni oʻrnatilgan tartibda taqdim etadilar.

127. Oʻzbekiston Respublikasi Vazirlar Mahkamasining 2015-yil 12-noyabrdagi 330-son qarori bilan tasdiqlangan Oʻzbekiston Respublikasida muomalada boʻlishi nazorat ostiga olingan giyohvandlik vositalari, psixotrop moddalar va prekursorlar roʻyxatlarida koʻzda tutilgan moddalarning holati va miqdori oʻzgarishiga olib keladigan barcha jarayonlar hisobini yuritish daftariga kiritilishi zarur.

128. Hisobga olish daftarining shakli yuridik shaxsning rahbari tomonidan tasdiqlanadi. Hisobga olish daftarida yuridik shaxs faoliyatining oʻziga xosligi inobatga olingan va mazkur Nizomda koʻzda tutilgan barcha zarur maʼlumotlarni aks ettiruvchi ustunlar kiritilishi kerak.

129. Yuridik shaxsning rahbari hisobga olish daftarini saqlashga javobgar shaxslarni tayinlaydi, shu bilan bir qatorda oʻz tizimidagi boʻlimlar va filiallarda mazkur daftarni saqlash hamda yuritilishini nazorat etuvchi shaxslarni tayinlaydi.

130. Hisobga olish daftari ip bilan tikilgan, sahifalari raqamlangan, yuridik shaxs muhri va imzosi bilan tasdiqlangan boʻlishi kerak.

131. Hisobga olish daftaridagi maʼlumotlar daftarni yuritish va saqlashga masʼul boʻlgan shaxs tomonidan maʼlum bir jarayonning tugaganini tasdiqlovchi hujjatlarga tayangan holda xronologik tartibda bevosita har bir jarayon tugagandan soʻng qayd etiladi (hisobga olish daftarining alohida ustunda tegishli hujjatlarning nomlari, tartib raqami va qayd etish sanasi koʻrsatiladi).

Koʻrsatib oʻtilgan hujjatlar yoki ularning nusxalari belgilangan tartiblarga binoan tasdiqlangan, alohida jildga tikilgan holda hisobga olish daftari bilan birgalikda saqlanadi.

132. Hisobga olish daftarida Oʻzbekiston Respublikasi Vazirlar Mahkamasining 2015-yil 12-noyabrdagi 330-son qarori bilan tasdiqlangan Oʻzbekiston Respublikasida muomalada boʻlishi nazorat ostiga olingan giyohvandlik vositalari, psixotrop moddalar va prekursorlarning sotuvdagi nomlanishlari koʻrsatiladi.

133. Hisobga olish daftarida qaydlarning tartib raqamlari kalendar yili davomida raqamlarni oʻsib borish tartibida olib boriladi.

Yangi hisobga olish daftarida toʻldirilgan hisobga olish daftarining oxirgi raqamidan boshlab tartib raqami davom ettiriladi.

Hisobga olish daftarining joriy kalendar yili davomida ishlatilmagan sahifalari keyingi yildan davom ettiriladi, bunda tartib raqami 1 sonidan boshlanadi.

134. Hisobga olish daftaridagi yozuvlar moddiy javobgar shaxs imzosi bilan tasdiqlanadi.

135. Hisobga olish daftaridagi tuzatishlar uni yurituvchi va saqlovchi masʼul shaxs imzosi bilan tasdiqlanadi.

Hisobga olish daftarida tuzatish va tasdiqlanmagan oʻzgartirishlarga yoʻl qoʻyilmaydi.

136. Hisobga olish daftari shkafda saqlanadi, shkaf kaliti hisob daftarini yurituvchi va saqlovchi masʼul shaxsda turadi.

137. Toʻldirilgan hisobga olish daftari belgilangan tartibda saqlanadi.

V. YAKUNIY XULOSA

138. Mazkur Nizom Oʻzbekiston Respublikasi “Oʻzkimyosanoat” Davlat aksionerlik konserni, “Oʻzfarmsanoat” Davlat aksionerlik konserni va “Dori-Darmon” Davlat aksionerlik uyushmasi bilan kelishilgan.

DAK “Oʻzkimyosanoat” Boshqaruv raisi U. XASANOV

2001-yil 28-noyabr

DAK “Oʻzfarmsanoat” Boshqaruv raisi K. SHODIYEV

2001-yil 28-noyabr

DAU “Dori-Darmon” Boshqaruv raisi U. SALIXBAYEVA

2001-yil 28-noyabr

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 1-ILOVA

DORIXONALARDA GIYOHVANDLIK VOSITALARI HISOBINI OLIB BORISH DAFTARI Dori vositasining nomi ____________________________ Oʻlchov birligi _____________________ Moddiy javobgar shaxs _______________________________ (F.I.Sh.) Kirim Chiqim turlari Chiqim Moddiy javobgar shaxsning imzosi oy oyning boshiga qoldiq hujjat sanasi va tartib raqami, dori vositasining seriyasi miqdori qoldiq bilan birga bir oylik kirim jami 1 2 3 4 5 6 7 8 9 10 va hokazo har bir tur uchun bir oylik alohida chiqim chiqim turlari boʻyicha bir oylik jami daftar boʻyicha qoldiq Yanvar Ambulatoriya retsepturasi boʻyicha Davolash muassasalari, davolash muassasalari boʻlimlariga, dorixona boʻlimlariga

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 1a-ILOVA

(1a-ilova Oʻzbekiston Respublikasi Sogʻliqni saqlash vazirining 2014-yil 24-martdagi 4-sonli buyrugʻi bilan kiritildi (roʻyxat raqami 1090-1-son, 23.04.2014-y.) — OʻR QHT, 2014-y., 17-son, 197-modda)

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 2-ILOVA

DORIXONA, DAVOLASH-PROFILAKTIKA MUASSASALARI VA LABORATORIYALARDAN GIYOHVANDLIK VOSITALARI, PSIXOTROP MODDALAR VA PREKURSORLAR OʻGʻIRLANGAN VA YOʻQOLGAN HOLLARDA OʻZBEKISTON RESPUBLIKASI SOGʻLIQNI SAQLASH VAZIRLIGIGA TAQDIM ETILADIGAN FAVQULODDA XABARNOMA

SHAKLI

T/r Nima haqida xabar berilmoqda Xabarnomaning mazmuni Kim tomonidan xabar berildi Taqdim etish tartibi Dorixona, davolash-profilaktika muassasalari va laboratoriyalardan giyohvandlik vositalari, psixotrop moddalar va prekursorlar oʻgʻirlanganligi va yoʻqolganligi haqida tezkor xabarnoma Muassasaning nomi va manzili. Giyohvandlik vositalarini saqlash uchun talab etiladigan maxsus vositalarning mavjudligi (qoʻriqlash signalizatsiyasi, tasarrufidan tashqari boʻlgan qoʻriqlash, qoʻriqchilik xizmati, qoʻriqlanmaydi). Bino tavsifi (umumiy loyiha asosida qurilgan, moslashtirilgan bino, gʻishtli, yogʻochli). Giyohvandlik vositalarini saqlash usullari (maxsus jihozlangan xonalarda, seyfda, metall shkaflarda va h.k.). Xonada deraza panjaralarining mavjudligi (ha, yoʻq). Oʻgʻirlik sodir etilgan yoki yoʻqolgani aniqlangan sana. Jinoyatchilarning xonaga bostirib kirish usuli. Oʻgʻirlangan giyohvandlik vositalarining nomi va miqdori. Oʻgʻirlik sodir boʻlgani haqida ichki ishlar boʻlimlariga xabar qilingan sana. Dorixona mudiri (muassasa rahbari) Tezkor xabarnoma Oʻzbekiston Respublikasi Sogʻliqni saqlash vazirligiga hududiy ichki ishlar boshqarmasi boʻlimlariga berilgan xabarning nusxasini ilova etgan holda taqdim etiladi.

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 3-ILOVA

Eslatma: Avval tasdiqlangan blanka namunasi pushti rangda, suv qogʻozidagi himoya belgilari mavjud boʻlgan.

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 4-ILOVA

DORIXONA № ____ (dorixona nomi)

Sana Moddalarning nomi Miqdori Tarozida tortdi va berdi Qabul qildi va tayyorladi

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 5-ILOVA

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 6-ILOVA

BOʻLIMLARDA (XONALARDA) GIYOHVANDLIK VOSITALARINI HISOBGA OLISH

KITOBI

№ KIRIM CHIQIM t/r Olingan sanasi va hujjat raqami Dori vositasining nomi, dozasi, oʻlchov birligi, seriyasi Miqdori Umumiy miqdori (kirim bilan qoldiq) Katta hamshira F.I.Sh., imzo Berilgan sana Miqdori Seriya raqami Kimga berildi, hamshira familiyasi Qoldiq Olgan shaxs imzosi 1 2 3 4 5 6 7 8 9 10 11 12

* Psixotrop moddalar uchun ham daftar shu kabi yuritiladi.

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 6a-ILOVA

NAVBATCHI TIBBIYOT XODIMI TOMONIDAN GIYOHVANDLIK VOSITALARINI HISOBGA OLISH

KITOBI

№ KIRIM CHIQIM Qoldiq Hamshira imzosi Boʻlim mudirining imzosi T/r Olingan sana Dori vositasining nomi, dozasi, oʻlchov birligi, seriyasi Miqdori Umumiy miqdori (kirim bilan qoldiq) F.I.Sh., imzo Berilgan sana Bemorning F.I.Sh., kasallik tarixi raqami Miqdori Seriyasi 1 2 3 4 5 6 7 8 9 10 11 12 13

* Psixotrop moddalar uchun ham daftar shu kabi yuritiladi.

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 6b-ILOVA

* Psixotrop moddalar uchun ham talabnoma shu kabi yoziladi.

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 7-ILOVA

GIYOHVANDLIK VOSITALARI UCHUN YOZILADIGAN MAXSUS PUSHTI RETSEPT BLANKALARINI HISOBGA

OLISH KITOBI

T/r KIRIM CHIQIM Hujjatning kelib tushgan sana Qayerdan olindi va hujjat raqami Miqdori Seriya raqami Blanklarning umumiy miqdori Berilgan sana Seriya raqami Miqdori Kimga berildi, shifokorning familiyasi Qabul qiluvchining imzosi Qoldiq 1 2 3 4 5 6 7 8 9 10 11 12

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 8-ILOVA

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 9-ILOVA

Dorixona omborxonalarida giyohvandlik vositalarini hisobga olish

KITOBI

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 10-ILOVA

DORIXONA OMBORXONALARIDA GIYOHVANDLIK VOSITALARI UCHUN YOZILADIGAN MAXSUS PUSHTI RETSEPT BLANKALARINING HISOBGA OLISH

KITOBI

№ KIRIM CHIQIM Qoldiq t/r Kelib tushgan sana Qayerdan olindi, hujjat raqami Blankalarning umumiy soni Seriya raqami Miqdori Berilgan sana Seriya raqami Miqdori Kimga berildi, F.I.Sh. Oluvchining imzosi 1 2 3 4 5 6 7 8 9 10 11 12

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 11-ILOVA

Tahlil uchun kelib tushgan giyohvandlik vositalarini hisobga olish daftarining

SHAKLI

Nomi _____________________________________________ Oʻlchov birligi _____________________________________ KIRIM BERILDI CHIQIM Kelib tushgan sana Kimdan olindi, hujjat raqami Seriya yoki sinov raqami Miqdori Tahlil oʻtkazuvchiga tahlil uchun berilgan miqdori va berilgan sana, tahlil oʻtkazuvchining imzosi Tahlil uchun sarf boʻlgan vosita miqdori Tahlil oʻtkazilgan sana va uning imzosi Tahlil natijalari Tahlildan ortgan qoldiq Tahlildan ortgan qoldiqni omborxonaga topshirilgani yoki uning yoʻq qilingani toʻgʻrisidagi maʼlumotlar Laboratoriya mudirining imzosi 1 2 3 4 5 6 7 8 9 10 11

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 12-ILOVA

ILMIY-TEKSHIRISH INSTITUTLARI, LABORATORIYALAR VA OʻQUV YURTLARIDA GIYOHVANDLIK VOSITALARI HISOBGA OLISH

KITOBI

Nomi _____________________________________________ Oʻlchov birligi _____________________________________ KIRIM CHIQIM Imzo Qoldiq Olingan sana Qayerdan olindi va hujjatning raqami Miqdori Moddiy javobgar shaxs F.I.Sh. va imzosi Berilgan sana Kimga berildi, nimaga sarflandi Miqdori Berdi Qabul qildi 1 2 3 4 5 6 7 8 9 10

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 13-ILOVA

DORIXONALARDA PSIXOTROP MODDALARNI HISOBGA OLISH

KITOBI

Dori vositasining nomi __________________________________________________ Oʻlchov birligi____________________________ Moddiy-javobgar shaxs ___________________________________________________ (F.I.Sh.) Kirim Chiqim Har bir tur uchun bir oylik alohida chiqim Chiqim turlari boʻyicha bir oylik jami Oy oxiriga qoldiq Moddiy javobgar shaxsning imzosi Oy Oy boshiga qoldiq Hujjat raqami va sana Miqdori Qoldiq bilan birga bir oylik kirim jami Chiqim turlari 1 2 3 4 5 6 7 8 9 10 va h.k. Yanvar Ambulatoriya retsepturasi boʻyicha Davolash muassasalari, davolash muassasalari boʻlimlariga, dorixona boʻlimlariga

* Prekursorlar uchun ham daftar shu kabi yuritiladi.

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 13a-ILOVA

PSIXOTROP MODDALAR OLISH UCHUN RETSEPT BLANKASI

SHAKLI

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 14-ILOVA

Farmatsevtika korxonalari omborxonalarida psixotrop moddalarni hisobga olish

KITOBI

(15-ilova Oʻzbekiston Respublikasi Sogʻliqni saqlash vazirining 2014-yil 24-martdagi 4-sonli buyrugʻi bilan oʻz kuchini yoʻqotdi (roʻyxat raqami 1090-1-son, 23.04.2014-y.) — OʻR QHT, 2014-y., 17-son, 197-modda)

Giyohvandlik vositalari, psixotrop moddalar va prekursorlarni saqlash, berish, sotish, taqsimlash, hisobga olish shartlari toʻgʻrisidagi nizomga 16-ILOVA

Ilmiy, tahliliy va tashxis qoʻyish maqsadlari uchun qoʻllaniladigan prekursorlarni hisobga olish

KITOBI

__________________________________________________________________________________________________________________________________________________________ (tashkilot nomi) Vosita nomi______________________________________ Oʻlchov birligi _____________________________________ Oy Oy boshidagi qoldiq KIRIM qoldiq bilan birga bir oydagi kirim jami CHIQIM Oy davomidagi jami chiqim Qoldiq Moddiy javobgar shaxsning imzosi Kimdan olindi Hujjat raqami va sana Miqdori Kimga berildi Hujjat raqami va sana Miqdori 1 2 3 4 5 6 7 8 9 10 11 12