Ishchi kasblar boʻyicha kadrlarni tayyorlash tizimini yanada takomillashtirish chora-tadbirlari toʻgʻrisida (PQ-5140-son)

08.06.2021

Oʻzbekiston Respublikasi Prezidentining

Qarori

Ishchi kasblar boʻyicha kadrlarni tayyorlash tizimini yanada takomillashtirish, oʻquv jarayonlarini amaliyot bilan bogʻlagan holda tashkil etish, ishsiz aholi, jumladan yoshlar va xotin-qizlarda zamonaviy kasb va tadbirkorlik koʻnikmalarini shakllantirish, kasb-hunarga oʻqitish muassasalarining faoliyati samaradorligini oshirish, mazkur jarayonda mahalliy ijroiya hokimiyati organlarining masʼuliyatini oshirish maqsadida:

1. Oʻzbekiston Respublikasi Prezidentining 2020-yil 11-avgustdagi “Kambagʻal va ishsiz fuqarolarni tadbirkorlikka jalb qilish, ularning mehnat faolligini oshirish va kasb-hunarga oʻqitishga qaratilgan hamda aholi bandligini taʼminlashga oid qoʻshimcha chora-tadbirlar toʻgʻrisida”gi PQ-4804-son qaroriga muvofiq Bandlik va mehnat munosabatlari vazirligi tizimida 16 ta “Ishga marhamat” monomarkazlari, 30 ta kasb-hunarga oʻqitish markazlari va 136 ta mahalla aholisini kasb-hunarga oʻqitish maskanlari tashkil etilganligi maʼlumot uchun qabul qilinsin.

2. Quyidagilar tashkil etilsin:

Bandlik va mehnat munosabatlari vazirligi tizimida qoʻshimcha ravishda 28 ta kasb-hunarga oʻqitish markazlari 1-ilovaga muvofiq;

zaruratga koʻra fuqarolar yigʻinlarida tikuvchilik, oshpazlik-qandolatchilik, erkaklar va ayollar sartaroshligi, kompyuter savodxonligi, buxgalteriya va tadbirkorlik asoslari hamda boshqa murakkab boʻlmagan yoʻnalishlar boʻyicha mahalla aholisini kasb-hunarga oʻqitish maskanlari (keyingi oʻrinlarda — maskanlar);

vazirlik va idoralar tasarrufida boʻlgan 18 ta professional taʼlim muassasalarida Bandlik va mehnat munosabatlari vazirligining qisqa muddatli kasb-hunarga, xorijiy tillarga va tadbirkorlik koʻnikmalariga oʻqitish kurslari (keyingi oʻrinlarda — qisqa muddatli kurslar) 3-ilovaga muvofiq.

Belgilansinki, roʻyxati mazkur qarorning 1-ilovasida belgilangan taʼlim muassasalarining bino va inshootlari mavjud mol-mulki va jihozlari bilan birga operativ boshqaruv huquqi asosida kasb-hunarga oʻqitish markazlarini tashkil etish uchun Bandlik va mehnat munosabatlari vazirligiga bepul beriladi.

3. Bandlik va mehnat munosabatlari vazirligi (N. Xusanov), Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari:

Mahalla va oilani qoʻllab-quvvatlash vazirligi bilan birgalikda 2022-yil 1-yanvarga qadar maskanlar faoliyatini toʻliq tashkil etsin;

tasarrufida professional taʼlim muassasasi boʻlgan vazirlik va idoralar bilan birgalikda 2021-yil 1-avgustdan boshlab qisqa muddatli kurslarni yoʻlga qoʻysin;

Oliy va oʻrta maxsus taʼlim vazirligi bilan birgalikda 2021-yil 1-sentabrga qadar kasb-hunarga oʻqitish markazlari, maskanlar va qisqa muddatli kurslarning taʼlim jarayoniga Germaniya, Koreya, Rossiya, Turkiya, Yaponiya va boshqa davlatlarning malakali mutaxassislarini jalb qilsin hamda moliyaviy va tashkiliy masalalarni hal etsin.

4. Tuman (shahar) hokimlari kasb-hunarga oʻqitish markazlari, maskanlar va qisqa muddatli kurslar ochilgan taʼlim muassasalarining faoliyati talab darajasida tashkil etilishi, toʻliq yoʻlga qoʻyilishi, samarali taʼlim xizmatlari koʻrsatishi uchun masʼul va shaxsan javobgar etib belgilansin.

Tuman (shahar) hokimliklari Bandlik va mehnat munosabatlari vazirligi (N. Xusanov) bilan birgalikda:

bir oy muddatda mazkur qarorning 1-ilovasida belgilangan taʼlim muassasalarining bino va inshootlarini, mol-mulki va jihozlarini xatlovdan oʻtkazsin hamda belgilangan tartibda Bandlik va mehnat munosabatlari vazirligiga topshirilishini taʼminlasin;

bir oy muddatda ishsiz fuqarolarni kasb-hunarga oʻqitish boʻyicha hududiy dasturlarni tasdiqlasin va ijrosini taʼminlasin;

ikki oy muddatda mehnat bozori xususiyati, ish beruvchilar talabi hamda tuman (shahar) ixtisoslashuvidan kelib chiqqan holda kasb-hunarga oʻqitish markazlari, maskanlar va qisqa muddatli kurslarda oʻqitiladigan kasblar roʻyxatini belgilasin hamda 2021-yil uchun aholini kasb-hunarga, xorijiy tillarga va tadbirkorlik koʻnikmalariga oʻqitish buyurtmasini shakllantirsin;

ikki oy muddatda kasb-hunarga oʻqitish markazlarining malakali oʻqituvchilar va ishlab chiqarish taʼlimi ustalariga boʻlgan ehtiyojini kasblar kesimida shakllantirsin hamda Bandlik va mehnat munosabatlari vazirligiga taqdim etsin;

uch oy muddatda kasb-hunarga oʻqitish markazlari, maskanlar va qisqa muddatli kurslarga zamonaviy talablarga javob beradigan, yuksak malaka, sohada koʻp yillik ish tajribasiga va yuqori professional tayyorgarlikka ega boʻlgan mutaxassislarni jalb qilsin;

2021-yil 1-avgustga qadar kasb-hunarga oʻqitish markazlarini Bandlikka koʻmaklashish davlat jamgʻarmasi mablagʻlari hisobidan zamonaviy oʻquv asbob-uskunalari va jihozlar bilan taʼminlasin;

2022-yil 1-yanvarga qadar maskanlarni fuqarolar yigʻinlari hududida joylashgan mahalla guzarlari va davlat tashkilotlarining unumli foydalanilmayotgan boshqa boʻsh turgan joylari va binolarida joylashtirsin;

ikki oy muddatda oʻquvchilarning ishlab chiqarish amaliyotini tashkil etish uchun kasb-hunarga oʻqitish markazlari, maskanlar va qisqa muddatli kurslar ochilgan taʼlim muassasalarni hududdagi xoʻjalik yurituvchi subyektlarga ularning ehtiyojidan kelib chiqqan holda biriktirish choralarini koʻrsin;

“mahallabay” ishlash tizimi orqali aniqlangan hamda “Temir daftar”, “Ayollar daftari” va “Yoshlar daftari”ga kiritilgan, band boʻlmagan fuqarolarni oʻquv kurslariga jalb qilsin;

kasb-hunarga oʻqitish markazlari, maskanlar va qisqa muddatli kurslar bitiruvchilarini ish bilan taʼminlash choralarini koʻrsin, ularga tadbirkorlik, hunarmandchilik va oʻzini oʻzi band qilish faoliyatini boshlash uchun (davlat mulkini ijaraga berish, kreditlar va subsidiyalar ajratish) har tomonlama koʻmaklashsin.

5. Belgilansinki:

maskanlarni oʻquv asbob-uskunalari va jihozlar bilan taʼminlash xarajatlari teng ulushlarda Bandlikka koʻmaklashish davlat jamgʻarmasi hamda “Yoshlar daftari”, “Temir daftar”, “Ayollar daftari” jamgʻarmalari mablagʻlari hisobidan amalga oshiriladi;

maskanlarni saqlash hamda oʻqish jarayonlarini tashkil etish bilan bogʻliq boʻlgan barcha xarajatlar Bandlikka koʻmaklashish davlat jamgʻarmasi mablagʻlari hisobidan moliyalashtiriladi;

qisqa muddatli kurslarni tashkil etish va jihozlash xarajatlari tasarrufida mazkur taʼlim muassasasi boʻlgan vazirlik va idoralarning mablagʻlari hisobidan, band boʻlmagan aholini ushbu kurslarda oʻqitish xarajatlari Bandlikka koʻmaklashish davlat jamgʻarmasi mablagʻlari hisobidan moliyalashtiriladi;

mazkur qarorga muvofiq Bandlik va mehnat munosabatlari vazirligiga berilayotgan taʼlim muassasalarining oʻquvchilari oʻqishi tugaguniga qadar oʻzlari taʼlim olayotgan muassasada amaldagi oʻquv dasturlari asosida taʼlim oladi;

“Ishga marhamat” monomarkazlari, kasb-hunarga oʻqitish markazlari hamda maskanlarning oʻqituvchilari va ishlab chiqarish taʼlimi ustalari maqomi boʻyicha professional taʼlim muassasalarining oʻqituvchilari va ishlab chiqarish taʼlimi ustalariga tenglashtiriladi hamda ularga ushbu xodimlar uchun qonunchilikda belgilangan imtiyozlar va ijtimoiy himoya kafolatlari tatbiq etiladi;

“Ishga marhamat” monomarkazlari, kasb-hunarga oʻqitish markazlari hamda maskanlarning tashkiliy tuzilmasi, shtatlar jadvali, rahbar, oʻqituvchi va boshqa xodimlarning mehnatiga haq toʻlash tizimi Bandlik va mehnat munosabatlari vazirligi tomonidan mustaqil belgilanadi.

6. Bandlik va mehnat munosabatlari vazirligi (N. Xusanov) Investitsiyalar va tashqi savdo vazirligi (L. Kudratov) bilan birgalikda uch oy muddatda kasb-hunarga oʻqitish markazlari, maskanlar va qisqa muddatli kurslarda band boʻlmagan aholini kasb-hunarga oʻqitishda zamonaviy oʻquv dasturlarini joriy qilish hamda moddiy-texnik taʼminotini yaxshilash uchun xalqaro moliya institutlari va tashkilotlarining texnik hamda moliyaviy koʻmagini jalb qilsin.

Moliya vazirligi (T. Ishmetov) kasb-hunar markazlari hamda maskanlarni saqlash, taʼmirlash, asbob-uskuna va jihozlar bilan taʼminlash hamda oʻqituvchi va ishlab chiqarish taʼlimi ustalarining ish haqlarini toʻlash uchun Bandlikka koʻmaklashish davlat jamgʻarmasiga zarur mablagʻlarni ajratib borsin.

Tuman (shahar) hokimlari kasb-hunarga oʻqitish markazlari, maskanlar va qisqa muddatli kurslarni tashkil etish va lozim darajada faoliyat yuritishi uchun ajratilayotgan mablagʻlarning manzilli va samarali sarflanishini taʼminlasin.

7. Kasb-hunarga oʻqitish markazlarining daromad manbalarini koʻpaytirish hamda ularni bosqichma-bosqich oʻzini oʻzi moliyalashtirish tizimiga oʻtkazish uchun Bandlik va mehnat munosabatlari vazirligiga quyidagi huquqlar berilsin:

a) kasb-hunarga oʻqitish markazlarida aholiga pullik xizmatlarni koʻrsatish, shu jumladan talab yuqori boʻlgan yoʻnalishlar boʻyicha oʻquv kurslarini tashkil etish, oʻquvchilar tomonidan oʻquv jarayonida tayyorlangan mahsulotlarni sotish hamda malakani baholash xizmatlarini koʻrsatish;

b) kasb-hunarga oʻqitish markazlarining taʼlim jarayonidan boʻsh boʻlgan oʻquv xonalari, ishlab chiqarish ustaxonalari (asbob-uskunalari bilan birga), boshqa bino va inshootlarini:

nodavlat taʼlim tashkilotlariga ishsiz fuqarolarni kasb-hunarga, xorijiy tillarga va tadbirkorlik koʻnikmalariga oʻqitish kurslarini tashkil etish uchun 5 yilgacha boʻlgan muddatga tekin foydalanishga berish;

kasb-hunarga oʻqitish markazlarida taʼlim berayotgan oʻqituvchilar va ishlab chiqarish taʼlimi ustalariga, oʻqitilayotgan kasblarga mos faoliyatni amalga oshirib kelayotgan oʻzini oʻzi band qilgan shaxslarga va tadbirkorlik subyektlariga mahsulot ishlab chiqarish va xizmatlar koʻrsatish uchun 5 yilgacha boʻlgan muddatga ijaraga berish;

v) kasb-hunarga oʻqitish markazlariga tegishli yer uchastkalarining boʻsh turgan qismini tadbirkorlik subyektlariga yengil konstruksiyali oʻquv xona va ishlab chiqarish sexini tashkil etish uchun 10 yilgacha boʻlgan muddatga ijaraga berish;

g) kasb-hunarga oʻqitish markazlarining taʼlim jarayonidan boʻsh boʻlgan sport maydonchalarini davlat-xususiy sheriklik shartlari asosida tadbirkorlik subyektlariga berish.

8. Belgilansinki:

a) kasb-hunarga oʻqitish markazlarining oʻquv xonalari, ishlab chiqarish ustaxonalari, boshqa bino, inshootlari va yer uchastkalarining boʻsh turgan qismi ijaraga oluvchi hamda Bandlik va mehnat munosabatlari vazirligi oʻrtasida tuzilgan toʻgʻridan-toʻgʻri shartnomaga asosan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlangan eng kam stavkalarda ijaraga beriladi;

b) kasb-hunarga oʻqitish markazlarining oʻquv xonalari, ishlab chiqarish ustaxonalari, boshqa bino, inshootlari va yer uchastkalarining boʻsh turgan qismini mahsulot ishlab chiqarish va xizmatlar koʻrsatish yoki yengil konstruksiyali oʻquv xona va ishlab chiqarish sexini tashkil etish uchun ijaraga olgan oʻzini oʻzi band qilgan shaxslar va tadbirkorlik subyektlari zimmasiga:

kasb-hunarga oʻqitish markazlari oʻquvchilarining amaliyotini oʻzini oʻzi band qilgan shaxsning va tadbirkorlik subyektining mahsulot ishlab chiqarish va xizmat koʻrsatish joylarida tashkil etish;

xodimlar umumiy sonining kamida 30 foizi kasb-hunarga oʻqitish markazlari bitiruvchilari tashkil etishi boʻyicha ijtimoiy majburiyatlar yuklatiladi;

v) kasb-hunarga oʻqitish markazlarining oʻquv xonalari, ishlab chiqarish ustaxonalari, boshqa bino, inshootlari va yer uchastkalarining boʻsh turgan qismini ijaraga berishdan tushgan mablagʻlar mazkur markazlarning rivojlantirish jamgʻarmasiga yoʻnaltiriladi.

9. Bandlik va mehnat munosabatlari vazirligi (N. Xusanov) Iqtisodiy taraqqiyot va kambagʻallikni qisqartirish vazirligi (I. Norqulov), Davlat aktivlarini boshqarish agentligi (A. Ortiqov) hamda Savdo-sanoat palatasi (A. Ikramov) bilan birgalikda ikki oy muddatda kasb-hunar markazlariga tegishli oʻquv xonalari, ishlab chiqarish ustaxonalari, boshqa bino, inshootlari va yer uchastkalarining boʻsh turgan qismini ijaraga va tekin foydalanishga berish tartibini hamda talabgorlarga qoʻyiladigan minimal talablarni ishlab chiqsin va tasdiqlasin.

Tuman (shahar) hokimlari ikki oy muddatda ijaraga berilishi mumkin boʻlgan kasb-hunarga oʻqitish markazlarining oʻquv xonalari, ishlab chiqarish ustaxonalari, boshqa bino, inshootlari va yer uchastkalarining boʻsh turgan qismini har bir kasb-hunarga oʻqitish markazi kesimida aniqlasin hamda ularni salohiyatli tadbirkorlik subyektlari va oʻzini oʻzi band qilgan shaxslarga taklif qilsin.

10. Bandlik va mehnat munosabatlari vazirligi (N. Xusanov) uch oy muddatda hududiy “Ishga marhamat” monomarkazlarida yuridik shaxs maqomiga ega boʻlmagan “Oʻquv-maslahat ofislari”ni tashkil etsin.

Quyidagilar “Oʻquv-maslahat ofislari”ning asosiy vazifalari etib belgilansin:

band boʻlmagan aholini kasb-hunarga oʻqitish sifatini oshirish maqsadida qishloq xoʻjaligi, yengil va oziq-ovqat sanoati, axborot-kommunikatsiya texnologiyalari, qurilish, texnikaga xizmat koʻrsatish va taʼmirlash, bolalar, keksalar va kasallarni parvarish qilish hamda boshqa yoʻnalishlar boʻyicha malakali xorijiy oʻqituvchilarni, shu jumladan xorijda yashaydigan vatandoshlarni jalb etish;

jalb etilgan xorijiy oʻqituvchilarni malakali mutaxassis yetishmayotgan kasb-hunarga oʻqitish markazlariga yoʻnaltirish;

jalb etilgan xorijiy oʻqituvchilar ishtirokida “Ishga marhamat” monomarkazlari, kasb-hunarga oʻqitish markazlari, maskanlar hamda qisqa muddatli kurslar oʻqituvchilari uchun mahorat darslarini oʻtkazish.

11. Belgilab qoʻyilsinki:

xorijiy mutaxassislarni “Ishga marhamat” monomarkazlari va kasb-hunarga oʻqitish markazlariga ishga taklif qilish bilan bogʻliq xarajatlar (yoʻl haqi, taʼlim muassasalariga yuborilgungacha boʻlgan yashash xarajatlari) Bandlikka koʻmaklashish davlat jamgʻarmasi hisobidan, ular taʼlim muassasalarida ish boshlaganidan keyin tegishli taʼlim muassasasi tomonidan toʻliq moliyalashtiriladi;

ish beruvchilar “Oʻquv-maslahat ofislari”ga jalb etilgan xorijiy oʻqituvchilarga Oʻzbekiston Respublikasi hududida mehnat faoliyatini amalga oshirish huquqini beradigan tasdiqnomalarni berish (uzaytirish) uchun belgilangan yigʻim toʻlovlaridan ozod etiladi.

Bandlik va mehnat munosabatlari vazirligi (N. Xusanov) yetakchi xorijiy taʼlim muassasalari va ishlab chiqarish korxonalarining malakali mutaxassislari bilan muzokaralar olib borsin hamda ularni “Oʻquv-maslahat ofislari”ga jalb qilish choralarini koʻrsin.

12. Xalq taʼlimi vazirligi (Sh. Shermatov), Oliy va oʻrta maxsus taʼlim vazirligi (A. Toshkulov) hamda Bandlik va mehnat munosabatlari vazirligining (N. Xusanov) umumiy oʻrta taʼlim muassasalarining 10-11-sinf oʻquvchilarini asosiy taʼlim jarayonlaridan boʻsh boʻlgan vaqtlarida kasb-hunarga oʻqitish tartibini joriy qilish toʻgʻrisidagi taklifiga rozilik berilsin.

Belgilansinki, mazkur tartib doirasida:

tuman (shahar) hokimliklari Xalq taʼlimi vazirligi (Sh. Shermatov) bilan birgalikda umumiy oʻrta taʼlim muassasalarini ularga yaqin hududda joylashgan “Ishga marhamat” monomarkazlari, kasb-hunarga oʻqitish markazlari, maskanlar va qisqa muddatli kurslar ochilgan taʼlim muassasalariga biriktiradi;

Xalq taʼlimi vazirligi (Sh. Shermatov) umumiy oʻrta taʼlim muassasalarining 10-11-sinf oʻquvchilarining kasbiy moyilligini zamonaviy tashxislash metodlarini qoʻllagan holda baholaydi hamda ularni kasbga yoʻnaltirish boʻyicha ishlarni amalga oshiradi;

tuman (shahar) hokimliklari Bandlik va mehnat munosabatlari vazirligi (N. Xusanov) bilan birgalikda umumiy oʻrta taʼlim muassasalarining 10-11-sinf oʻquvchilarini asosiy taʼlim jarayonlaridan boʻsh boʻlgan vaqtlarida kasb-hunarga oʻqitish ishlarini tashkil qiladi.

Xalq taʼlimi vazirligi (Sh. Shermatov) Bandlik va mehnat munosabatlari vazirligi (N. Xusanov) bilan birgalikda ikki oy muddatda umumiy oʻrta taʼlim muassasalarining 10-11-sinf oʻquvchilarini kasb-hunarga tayyorlash tizimini takomillashtirish boʻyicha qoʻshimcha chora-tadbirlar toʻgʻrisidagi Hukumat qarori loyihasini Vazirlar Mahkamasiga kiritsin.

13. Bandlik va mehnat munosabatlari vazirligining “TUMO” kreativ texnologiyalar markazining Toshkent shahridagi filialini (keyingi oʻrinlarda — Filial) tashkil etish toʻgʻrisidagi taklifi maʼqullansin.

Toshkent davlat sharqshunoslik universitetining Toshkent shahri, Yunusobod tumani, 14-mavze manzilida joylashgan bino va inshootlari mavjud mol-mulki va jihozlari bilan birga Filialni tashkil etish uchun operativ boshqaruv huquqi asosida Bandlik va mehnat munosabatlari vazirligiga bepul berilsin.

Bandlik va mehnat munosabatlari vazirligi (N. Xusanov) Axborot texnologiyalari va kommunikatsiyalarini rivojlantirish vazirligi (Sh. Sadikov) bilan birgalikda:

2022-yil 1-martga qadar Filialda “TUMO” kreativ texnologiyalar markazining franshizasi, dasturiy taʼminoti, oʻquv dasturlari va litsenziyasi asosida yoshlarni veb-ishlanmalar, grafika dizayni, 3D-modellashtirish, raqamli dasturlash, robototexnika, raqamli media, videooʻyinlar yaratish yoʻnalishlari boʻyicha oʻqitishni yoʻlga qoʻysin;

Filial bitiruvchilarini Mirzo Ulugʻbek tumanidagi “IT-park” va boshqa axborot-kommunikatsiya texnologiyalari sohasidagi tashkilotlarda faoliyat olib borishiga jalb qilsin.

14. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining aholining ishchanlik faolligini va tadbirkorlik tashabbuslarini ragʻbatlantirish uchun baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik, hunarmandchilik va boshqa ilgʻor sohalarda kooperativlarni tashkil etish toʻgʻrisidagi taklifi maʼqullansin.

Tuman (shahar) sektor rahbarlari:

ikki oy muddatda kooperativlarga birlashish istagini bildirgan ishsiz fuqarolar, kam taʼminlangan oilalar aʼzolari, tashqi mehnat migratsiyasidan qaytib kelgan shaxslar hamda kooperativ faoliyati yoʻnalishi boʻyicha tajribaga ega yetakchi tadbirkorlar roʻyxatini shakllantirsin hamda Bandlik va mehnat munosabatlari vazirligiga taqdim etsin;

Bandlik va mehnat munosabatlari vazirligi (N. Xusanov) hamda Moliya vazirligi (T. Ishmetov) bilan birgalikda 2022-yil 1-yanvarga qadar har bir tuman (shahar) sektorida kamida bittadan kooperativlar tashkil etsin.

Belgilansinki, kooperativlarga aʼzo boʻlgan ishsiz fuqarolar, kam taʼminlangan oilalar aʼzolari, tashqi mehnat migratsiyasidan qaytib kelgan shaxslar uchun kooperativ ustav fondiga ulush sifatida kiritish uchun Bandlikka koʻmaklashish davlat jamgʻarmasi mablagʻlari hisobidan bazaviy hisoblash miqdorining 15 baravarigacha subsidiya ajratiladi.

Moliya vazirligi sektorlarda kooperativni tashkil etishda subsidiyalar toʻlash uchun Davlat budjetidan Bandlikka koʻmaklashish davlat jamgʻarmasiga qoʻshimcha 200 mlrd soʻm mablagʻ ajratsin.

15. Bandlik va mehnat munosabatlari vazirligining markaziy apparati tuzilmasida vazirlikning umumiy shtat birliklari soni doirasida:

vazirning kasb-hunarga oʻqitish va kasbiy malakani rivojlantirish boʻyicha oʻrinbosari lavozimi joriy qilinsin;

boshqaruv xodimlarining umumiy cheklangan soni 12 nafardan iborat boʻlgan Kasb-hunarga oʻqitishni tashkil etish va kasbiy malakani rivojlantirish departamenti tuzilsin.

16. Shunday tartib oʻrnatilsinki, unga muvofiq:

2021-yil 1-iyuldan boshlab Bandlik va mehnat munosabatlari vazirligiga oʻzining budjetdan tashqari va maqsadli jamgʻarmalari mablagʻlarining boʻsh qoldiqlarini tijorat banklaridagi depozitlarga joylashtirishdan tushgan mablagʻlarning 80 foizidan oshmagan qismini vazirlikning Mehnat organlari xodimlarining mehnatini ragʻbatlantirish va moddiy-texnika bazasini mustahkamlash jamgʻarmasiga yoʻnaltirish huquqi beriladi;

2021-yil 1-avgustdan boshlab “Ishga marhamat” monomarkazlari, kasb-hunarga oʻqitish markazlari va maskanlar tomonidan ularning oʻquv faoliyati uchun zarur boʻlgan, bir shartnoma boʻyicha bazaviy hisoblash miqdorining ellik baravarigacha qiymatdagi ehtiyot qismlar, xom ashyo, oʻquv qurollari va boshqa materiallarni xarid qilish toʻgʻridan-toʻgʻri shartnoma tuzish orqali amalga oshiriladi.

17. Oliy va oʻrta maxsus taʼlim vazirligi (A. Toshkulov) manfaatdor vazirlik va idoralar bilan birgalikda quyidagilarni Vazirlar Mahkamasiga kiritsin:

ikki oy muddatda oliy taʼlim muassasalarining koʻp tarmoqli oʻquv markazlari va amaliyot poligonlari, boʻsh turgan binolari va inshootlaridan samarali foydalanish boʻyicha takliflarni;

2021-yil 1-oktabrga qadar professional taʼlim tizimining moddiy-texnika bazasini mustahkamlash, modernizatsiya qilish, zamonaviy asbob-uskunalar va axborot-kommunikatsiya texnologiyalari bilan taʼminlash boʻyicha kompleks dasturni tasdiqlashni nazarda tutuvchi Oʻzbekiston Respublikasi Prezidentining qarori loyihasini.

18. Oʻzbekiston Respublikasi Prezidentining ayrim hujjatlariga 4-ilovaga muvofiq oʻzgartirish va qoʻshimchalar kiritilsin.

19. Bandlik va mehnat munosabatlari vazirligi Oliy va oʻrta maxsus taʼlim vazirligi bilan birgalikda ikki oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

20. Mazkur qarorning ijrosini samarali tashkil etish uchun shaxsan masʼul va javobgar etib bandlik va mehnat munosabatlari vaziri N.B. Xusanov, oliy va oʻrta maxsus taʼlim vaziri A.X. Toshkulov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, shuningdek, tuman (shahar) hokimlari belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 8-iyun,

PQ-5140-son

Oʻzbekiston Respublikasi Prezidentining 2021-yil 8-iyundagi PQ-5140-son qaroriga 1-ILOVA

Bino va inshootlari Bandlik va mehnat munosabatlari vazirligiga kasb-hunarga oʻqitish markazlarini tashkil etish uchun berilayotgan taʼlim muassasalarining roʻyxati

T/r Hududlar Muassasa nomi Quvvati, oʻquvchi/oʻrin Qoraqalpogʻiston Respublikasi 1. Taxiatosh tumani Taxiatosh energetika kolleji 600 Andijon viloyati 2. Asaka tumani Asaka avtomobilsozlik kolleji 765 3. Boʻston tumani Boʻston xizmat koʻrsatish kasb-hunar kolleji 1 200 Buxoro viloyati 4. Jondor tumani Jondor qurilish va milliy hunarmandchilik kolleji 615 5. Romitan tumani Romitan agrobiznes kasb-hunar kolleji 540 Jizzax viloyati 6. Doʻstlik tumani Doʻstlik suv xoʻjaligi va melioratsiya kolleji 720 7. Zafarobod tumani Zafarobod qishloq xoʻjalik kasb-hunar kolleji 600 Qashqadaryo viloyati 8. Qamashi tumani Qamashi tumani xizmat koʻrsatish kasb-hunar kolleji 600 9. Kasbi tumani Kasbi axborot texnologiya kolleji 645 Namangan viloyati 10. Namangan tumani Namangan tumani “Olaxamak” iqtisodiyot kolleji 720 11. Yangiqoʻrgʻon tumani Yangiqoʻrgʻon axborot texnologiyalari va servis kasb-hunar kolleji 615 Samarqand viloyati 12. Bulungʻur tumani Bulungʻur sanoat kasb-hunar kolleji 540 13. Jomboy tumani Jomboy tadbirkorlik kasb-hunar kolleji 585 14. Ishtixon tumani Ishtixon transport va servis kasb-hunar kolleji 615 Surxondaryo viloyati 15. Qiziriq tumani Qiziriq qurilish va uy-joy kommunal xoʻjaligi kasb-hunar kolleji 765 16. Sariosiyo tumani Sariosiyo qishloq xoʻjalik kasb-hunar kolleji 510 17. Shoʻrchi tumani Shoʻrchi qishloq xoʻjalik kasb-hunar kolleji 630 Sirdaryo viloyati 18. Sayxunobod tumani Sayxunobod agrosanoat kasb-hunar kolleji 540 19. Xovos tumani Mehnatobod qishloq xoʻjaligi kasb-hunar kolleji 360 Toshkent viloyati 20. Qibray tumani Qibray energetika kolleji 900 21. Bekobod shahri Bekobod kommunal xoʻjaligi kolleji 450 Fargʻona viloyati 22. Buvayda tumani Buvayda tumani qishloq xoʻjaligi kasb-hunar kolleji 1 180 23. Quva tumani Quva suv xoʻjaligi va melioratsiya kolleji 615 24. Oʻzbekiston tumani Oʻzbekiston iqtisodiyot va xizmat koʻrsatish kasb-hunar kolleji 450 Xorazm viloyati 25. Qoʻshkoʻpir tumani Qoʻshkoʻpir uy-joy kommunal xoʻjaligi kolleji 675 26. Tuproqqalʼa tumani Pitnak avtomobilsozlik kolleji 585 27. Xiva shahri Xiva yengil sanoat kolleji 330 Toshkent shahri 28. Olmazor tumani Toshkent qurilish kolleji 1 500

Oʻzbekiston Respublikasi Prezidentining 2021-yil 8-iyundagi PQ-5140-son qaroriga 3-ILOVA

Bandlik va mehnat munosabatlari vazirligi tomonidan qisqa muddatli kasb-hunarga, xorijiy tillarga va tadbirkorlik koʻnikmalariga oʻqitish kurslari tashkil etiladigan professional taʼlim muassasalari roʻyxati

T/r Hududlar Muassasa nomi Quvvati, oʻquvchi/oʻrin Qoraqalpogʻiston Respublikasi 1. Beruniy tumani Beruniy suv xoʻjaligi va melioratsiya kolleji 900 2. Chimboy tumani Chimboy qishloq xoʻjaligi kasb-hunar kolleji 720 Andijon viloyati 3. Xoʻjaobod tumani Xoʻjaobod qishloq xoʻjaligi kasb-hunar kolleji 720 Buxoro viloyati 4. Shofirkon tumani Shofirkon iqtisodiyot va servis kasb-hunar kolleji 450 5. Buxoro tumani Qishloq xoʻjaligida bilim va innovatsiyalar milliy markazi 622 Qashqadaryo viloyati 6. Mirishkor tumani Mirishkor 2-son kasb-hunar maktabi 100 Namangan viloyati 7. Mingbuloq tumani Mingbuloq suv xoʻjaligi va melioratsiya kolleji 720 8. Norin tumani Norin sanoat va servis kasb-hunar kolleji 705 Navoiy viloyati 9. Navbahor tumani Navbahor suv xoʻjaligi va melioratsiya kolleji 870 Samarqand viloyati 10. Nurobod tumani Nurobod “Tim” qishloq xoʻjaligi va servis kasb-hunar kolleji 435 11. Paxtachi tumani Paxtachi avtomobil yoʻllar kasb-hunar kolleji 825 12. Kattaqoʻrgʻon tumani Kattaqoʻrgʻon tumani qishloq xoʻjaligi kasb-hunar kolleji 720 Sirdaryo viloyati 13. Sirdaryo tumani Sindarobod qurilish kasb-hunar kolleji 360 Toshkent viloyati 14. Ohangaron tumani Ohangaron agrosanoat va iqtisodiyot kasb-hunar kolleji 615 Xorazm viloyati 15. Shovot tumani Shovot qurilish kasb-hunar kolleji 585 16. Hazorasp tumani Hazorasp sanoat kasb-hunar kolleji 720 Fargʻona viloyati 17. Quvasoy shahri Quvasoy sanoat kolleji 800 18. Toshloq tumani Toshloq tumani “Zarkent” agrosanoat kasb-hunar kolleji 1000

Oʻzbekiston Respublikasi Prezidentining 2021-yil 8-iyundagi PQ-5140-son qaroriga 4-ILOVA

Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar

2. Oʻzbekiston Respublikasi Prezidentining 2019-yil 6-sentabrdagi “Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida” PF-5812-son Farmonida:

b) 4-ilova matni quyidagi tahrirda bayon etilsin:

“Kasb-hunarga oʻqitish markazlarini tashkil etish uchun Oʻzbekiston Respublikasi Bandlik va mehnat munosabatlari vazirligi tizimiga oʻtkaziladigan kasb-hunar kollejlari

ROʻYXATI

T/r Tuman (shahar) nomi Kasb-hunar kolleji nomi Oʻquvchi oʻrni Qoraqalpogʻiston Respublikasi 1. Nukus tumani Nukus Kerder sanoat transport kasb-hunar kolleji 810 2. Taxiatosh tumani Taxiatosh energetika kolleji 600 3. Ellikqalʼa tumani Ellikqalʼa qishloq xoʻjaligi kasb-hunar kolleji 540 Andijon viloyati 4. Asaka tumani Asaka avtomobilsozlik kolleji 765 5. Boʻston tumani Boʻston xizmat koʻrsatish kasb-hunar kolleji 1 200 6. Qoʻrgʻontepa tumani Qoʻrgʻontepa sanoat va transport kasb-hunar kolleji 615 7. Ulugʻnor tumani Ulugʻnor qurilish kasb-hunar kolleji 585 8. Shahrixon tumani Shahrixon yengil sanoat va xizmat koʻrsatish kasb-hunar kolleji 900 Buxoro viloyati 9. Buxoro shahri Buxoro politexnika kasb-hunar kolleji 780 10. Jondor tumani Jondor qurilish va milliy hunarmandchilik kolleji 615 11. Romitan tumani Romitan agrobiznes kasb-hunar kolleji 540 Jizzax viloyati 12. Doʻstlik tumani Doʻstlik suv xoʻjaligi va melioratsiya kolleji 720 13. Jizzax shahri Jizzax iqtisodiyot va xizmat koʻrsatish kasb-hunar kolleji 750 14. Zarbdor tumani Zarbdor xizmat koʻrsatish kasb-hunar kolleji 540 15. Zafarobod tumani Zafarobod qishloq xoʻjalik kasb-hunar kolleji 600 Qashqadaryo viloyati 16. Dehqonobod tumani Dehqonobod transport va agrobiznes kasb-hunar kolleji 600 17. Qamashi tumani Qamashi tumani xizmat koʻrsatish kasb-hunar kolleji 600 18. Qarshi shahri Qarshi sanoat kasb-hunar kolleji 650 19. Kasbi tumani Kasbi axborot texnologiya kolleji 645 Navoiy viloyati 20. Navoiy shahri Navoiy texnika-iqtisodiyot kasb-hunar kolleji 750 21. Nurota tumani Nurota xizmat koʻrsatish kasb-hunar kolleji 360 Namangan viloyati 22. Namangan tumani Namangan tumani “Olaxamak” iqtisodiyot kolleji 720 23. Toʻraqoʻrgʻon tumani Toʻraqoʻrgʻon xizmat koʻrsatish kasb-hunar kolleji 750 24. Uchqoʻrgʻon tumani Uchqoʻrgʻon axborot texnologiyalari va servis kasb-hunar kolleji 615 25. Yangiqoʻrgʻon tumani Yangiqoʻrgʻon axborot texnologiyalari va servis kasb-hunar kolleji 615 Samarqand viloyati 26. Bulungʻur tumani Bulungʻur sanoat kasb-hunar kolleji 540 27. Ishtixon tumani Ishtixon transport va servis kasb-hunar kolleji 615 28. Jomboy tumani Jomboy tadbirkorlik kasb-hunar kolleji 585 29. Kattaqoʻrgʻon shahri Kattaqoʻrgʻon qurilish va sanoat kasb-hunar kolleji 825 30. Samarqand shahri Bogʻishamol sanoat kasb-hunar kolleji 540 Sirdaryo viloyati 31. Guliston shahri Guliston kompyuter va axborot texnologiyalari kasb-hunar kolleji 450 32. Oqoltin tumani Oqoltin xizmat koʻrsatish kasb-hunar kolleji 360 33. Sayxunobod tumani Sayxunobod agrosanoat kasb-hunar kolleji 540 34. Xovos tumani Mehnatobod qishloq xoʻjalik kasb-hunar kolleji 700 Surxondaryo viloyati 35. Qiziriq tumani Qiziriq qurilish va uy-joy kommunal xoʻjaligi kasb-hunar kolleji 765 36. Oltinsoy tumani Oltinsoy axborot texnologiyalari va servis kasb-hunar kolleji 615 37. Sariosiyo tumani Sariosiyo qishloq xoʻjalik kasb-hunar kolleji 510 38. Sherobod tumani Sherobod maishiy xizmat kasb-hunar kolleji 720 39. Shoʻrchi tumani Shoʻrchi qishloq xoʻjalik kasb-hunar kolleji 630 Toshkent viloyati 40. Bekobod tumani Bekobod “Dalvarzin” maishiy xizmat kasb-hunar kolleji 1 080 41. Qibray tumani Qibray energetika kolleji 900 42. Oqqoʻrgʻon tumani Oqqoʻrgʻon qurilish va uy-joy kommunal xoʻjaligi kasb-hunar kolleji 750 43. Bekobod shahri Bekobod kommunal xoʻjaligi kolleji 450 44. Piskent tumani Piskent xizmat koʻrsatish va texnologiya kasb-hunar kolleji 630 Fargʻona viloyati 45. Buvayda tumani Buvayda tumani qishloq xoʻjaligi kasb-hunar kolleji 1 180 46. Quva tumani Quva suv xoʻjaligi va melioratsiya kolleji 615 47. Oʻzbekiston tumani Oʻzbekiston iqtisodiyot va xizmat koʻrsatish kolleji 450 48. Fargʻona tumani Fargʻona kompyuter texnologiyalari kasb-hunar kolleji 585 49. Fargʻona shahri Fargʻona sanoat kasb-hunar kolleji 1 430 Xorazm viloyati 50. Qoʻshkoʻpir tumani Qoʻshkoʻpir uy-joy kommunal xoʻjaligi kolleji 675 51. Tuproqqalʼa tumani Pitnak avtomobilsozlik kolleji 585 52. Urganch shahri Urganch maishiy xizmat kasb-hunar kolleji 720 53. Xiva shahri Xiva yengil sanoat kolleji 330 54. Xonqa tumani Xonqa sanoat va xizmat koʻrsatish kasb-hunar kolleji 720 55. Yangibozor tumani Yangibozor sanoat kasb-hunar kolleji 900 Toshkent shahri 56. Uchtepa tumani Toshkent qurilish-kommunal kasb-hunar kolleji 780 57. Yunusobod tumani Yunusobod mashinasozlik kasb-hunar kolleji 1 080 58. Yashnobod tumani Yashnobod politexnika kasb-hunar kolleji 1 050 59. Olmazor tumani Toshkent qurilish kolleji 1 500 ”;

v) 5-ilovadan 7, 16, 30, 67 va 69-pozitsiyalar chiqarib tashlansin;

g) 6-ilovadan 19, 24, 43, 47, 51, 55, 66, 68, 72, 74, 77, 89 va 90-pozitsiyalar chiqarib tashlansin.

3. Oʻzbekiston Respublikasi Prezidentining 2018-yil 5-iyuldagi “Oʻzbekiston Respublikasining tashqi mehnat migratsiya tizimini yanada takomillashtirish boʻyicha qoʻshimcha chora-tadbirlar toʻgʻrisida” PQ-3839-son qarorida:

a) 2-band quyidagi mazmundagi oʻninchi — oʻn ikkinchi xatboshilar bilan toʻldirilsin:

“Oʻzbekiston Respublikasidan tashqarida ishga joylashtirish bilan bogʻliq xarajatlarni toʻlash uchun tijorat banklarida ochiladigan kredit liniyalari boʻyicha mehnat migrantlariga mikroqarzlar berish;

fuqarolar Oʻzbekiston Respublikasidan tashqarida vaqtinchalik mehnat faoliyatini amalga oshirgan davrda ularning hayoti va sogʻligʻini hamda boshqa tavakkalchiliklarini sugʻurtalash boʻyicha sugʻurta puli summasining oʻrnini qoplash uchun sugʻurta kompaniyalariga bir yoʻla beriladigan subsidiyalar berish;

Xorijda mehnat faoliyatini amalga oshiruvchi shaxslarni qoʻllab-quvvatlash hamda ularning huquq va manfaatlarini himoya qilish jamgʻarmasining Kuzatuv kengashi tomonidan belgilanadigan boshqa tadbirlarni amalga oshirish”;

b) 3-bandning uchinchi xatboshisidagi “50 ming AQSH dollari” soʻzlari “bazaviy hisoblash miqdorining sakkiz ming besh yuz baravari” soʻzlari bilan almashtirilsin.

4. Oʻzbekiston Respublikasi Prezidentining 2019-yil 7-martdagi “Hududlarda aholini tadbirkorlikka keng jalb qilish va oilaviy tadbirkorlikni rivojlantirishga doir qoʻshimcha chora-tadbirlar toʻgʻrisida” PQ-4231-son qarorining 3-bandi oʻz kuchini yoʻqotgan deb hisoblansin.

5. Oʻzbekiston Respublikasi Prezidentining 2020-yil 11-avgustdagi “Kambagʻal va ishsiz fuqarolarni tadbirkorlikka jalb qilish, ularning mehnat faolligini oshirish va kasb-hunarga oʻqitishga qaratilgan hamda aholi bandligini taʼminlashga oid qoʻshimcha chora-tadbirlar toʻgʻrisida” PQ-4804-son qarorining 12-bandi quyidagi tahrirda bayon etilsin:

“12. Quyidagilarga:

a) Oʻzbekiston Respublikasi Prezidentining 2019-yil 6-sentabrdagi “Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida”gi PF-5812-son Farmoniga muvofiq kasbga oʻqitish markazlarini tashkil etish uchun Vazirlik tizimiga berilgan kasb-hunar kollejlaridagi xorijiy grant va kreditlar hisobiga sotib olingan jihoz va uskunalardan ushbu kasbga oʻqitish markazlarida ishsiz va band boʻlmagan aholini kasb-hunarga oʻqitish maqsadlarida foydalanish;

b) ishsiz va band boʻlmagan aholini, shuningdek tashkillashtirilgan mehnat migratsiyasi yoʻli bilan xorijiy mamlakatlarda ishlash uchun ketayotgan va “labor-migration” dasturiy majmuasida roʻyxatga olingan fuqarolarni tadbirkorlik koʻnikmalari, xorijiy tillar va kasb-hunarga tayyorlash, qayta tayyorlash va malakasini oshirish uchun ketishdan oldin davlat yoki nodavlat kasb-hunarga oʻqitish muassasalariga, ishlab chiqarishning oʻzida oʻqitish uchun tashkilot hamda “usta-shogird” maktablariga Bandlikka koʻmaklashish davlat jamgʻarmasi mablagʻlari hisobidan har bir taʼlim oluvchi uchun bir oyda bazaviy hisoblash miqdorining 4 baravaridan ortiq boʻlmagan miqdorda grantlar ajratish;

v) hududiy mehnat organlari tomonidan roʻyxatga olingan ishsiz va band boʻlmagan aholini Bandlikka koʻmaklashish davlat jamgʻarmasi mablagʻlari hisobidan tadbirkorlik koʻnikmalari va xorijiy tillarga oʻqitish, kasb-hunarga tayyorlash, qayta tayyorlash va malakasini oshirishni davlat yoki nodavlat kasb-hunarga oʻqitish muassasalarida, bevosita ishlab chiqarishning oʻzida oʻqitish uchun tashkilot hamda “usta-shogird” maktablari bilan toʻgʻridan-toʻgʻri shartnomalar tuzish asosida amalga oshirish;

g) ishsiz va band boʻlmagan aholini mehnat organlari yoʻllanmasi asosida:

Vazirlik tasarrufida boʻlmagan davlat yoki nodavlat oʻquv muassasalarida yoxud ishlab chiqarishning oʻzida tadbirkorlik koʻnikmalari va xorijiy tillarga oʻqitish va kasb-hunarga tayyorlash, qayta tayyorlash va malakasini oshirish bilan bogʻliq boʻlgan xarajatlarni, biroq har bir tahsil oluvchi uchun bir oyda bazaviy hisoblash miqdorining 4 baravaridan koʻp boʻlmagan miqdorda;

“usta-shogird” anʼanasi asosida milliy hunarmandchilikka oʻrgatish bilan bogʻliq boʻlgan xarajatlarni, biroq har bir tahsil oluvchi uchun bir oyda bazaviy hisoblash miqdorining bir baravaridan koʻp boʻlmagan miqdorda;

kasbiy malakasini baholash va tasdiqlash bilan bogʻliq boʻlgan xarajatlarni, biroq har bir band boʻlmagan shaxs uchun bir oyda bazaviy hisoblash miqdorining 4 baravaridan ortiq boʻlmagan miqdorda Bandlikka koʻmaklashish davlat jamgʻarmasi mablagʻlari hisobidan qoplab berishni nazarda tutuvchi takliflarga rozilik berilsin”.

6. Oʻzbekiston Respublikasi Prezidentining 2018-yil 5-martdagi “Vaqtinchalik mehnat faoliyatini olib borish uchun respublika hududidan transport orqali chet elga joʻnab ketish vaqtida Oʻzbekiston Respublikasi fuqarolarining xavfsizligini taʼminlash chora-tadbirlari toʻgʻrisida” PQ-3584-son qarori 7-bandining beshinchi xatboshisi quyidagi tahrirda bayon etilsin:

““Oʻzbekiston temir yoʻllari” AJ 2018-yilning 1-aprelidan boshlab Tashqi mehnat migratsiyasi agentligining elektron maʼlumotlar bazasida roʻyxatdan oʻtgan, vaqtinchalik mehnat faoliyatini olib borish uchun xorijga joʻnab ketayotgan fuqarolar uchun platskart va umumiy vagonlarga boʻlgan temir yoʻl biletlarining narxlariga 20 foiz miqdorda chegirmalar berilishini taʼminlasin”.

7. Oʻzbekiston Respublikasi Prezidentining 2018-yil 20-avgustdagi “Mehnat organlari tuzilmasini takomillashtirish va fuqarolarning mehnat huquqlarini himoya qilish va mehnatini muhofaza qilish tizimini kuchaytirish chora-tadbirlari toʻgʻrisida” PQ-3913-son qarorida:

a) 2-ilovaning matni quyidagi tahrirda bayon etilsin:

“Oʻzbekiston Respublikasi Bandlik va mehnat munosabatlari vazirligi markaziy apparatining

TUZILMASI

Boshqaruv xodimlari soni — 94 nafar, ishlab chiqarish xodimlari soni — 12 nafar, kichik mutaxassislar va xizmat koʻrsatuvchi xodimlari soni — 26 nafar”;

b) 4-ilova quyidagi tahrirda bayon etilsin:

“Viloyatlar va Toshkent shahar bandlik bosh boshqarmalari

namunaviy tuzilmasi

Boshqaruv xodimlari soni — 17-18 nafar.

Ishlab chiqarish xodimlari soni — 6 — 9 nafar.

Boshqaruv xodimlarining umumiy soni — 244 nafar.

Ishlab chiqarish xodimlarining umumiy soni — 86 nafar.

* Davlat mehnat inspeksiyasi boshligʻining huquqiy masalalar boʻyicha oʻrinbosariga yuriskonsult funksiyasi yuklanadi.

** Jamoat ishlari jamgʻarmasi mablagʻlari hisobiga moliyalashtiriladi.

*** Tashqi mehnat migratsiyasi agentligi mablagʻlari hisobiga moliyalashtiriladi”.