Nogironlar huquqlari toʻgʻrisidagi Konvensiyani (Nyu-York, 2006-yil 13-dekabr) ratifikatsiya qilish haqida (O‘RQ-695-son)

07.06.2021

Oʻzbekiston Respublikasining Qonuni

Qonunchilik palatasi tomonidan 2021-yil 18-mayda qabul qilingan Senat tomonidan 2021-yil 29-mayda maʼqullangan

Nogironlar huquqlari toʻgʻrisidagi Konvensiya (Nyu-York, 2006-yil 13-dekabr) quyidagi bayonot va qoʻshimcha shart bilan ratifikatsiya qilinsin:

“Oʻzbekiston Respublikasi nogironligi boʻlgan shaxslar oʻz hayotining barcha sohalarida boshqalar bilan teng ravishda huquq layoqatiga ega ekanligini tan oladi.

Oʻzbekiston Respublikasi Konvensiya tegishli holatlarda va qonunga muvofiq nogironligi boʻlgan shaxslarning qoʻllab-quvvatlashdan foydalanishini hamda qarorlar qabul qilish mexanizmlarini almashtirishni taʼminlash boʻyicha tegishli chora-tadbirlar koʻrishga, shu jumladan nogironligi boʻlgan shaxslarning muomala layoqatini cheklashga yoʻl qoʻyadi deb tushunganligini maʼlum qiladi.

Konvensiyaning 12-moddasi nogironligi boʻlgan shaxslarga nisbatan qarorlar qabul qilishning oʻrnini bosuvchi mexanizmlarning bekor qilinishini talab etadigan modda sifatida talqin etilishi mumkin boʻlgan taqdirda, Oʻzbekiston Respublikasi tegishli sharoitlarda hamda lozim darajadagi va samarali kafolatlarga rioya etish sharti bilan ushbu mexanizmlardan foydalanishni davom ettirish huquqini oʻzida qoldiradi”.

Oʻzbekiston Respublikasining Prezidenti Sh. MIRZIYOYEV

Toshkent sh.,

2021-yil 7-iyun,

OʻRQ-695-son