Oʻzbekiston Respublikasi Oliy Majlisi Senati Kengashining qarorlarini tasdiqlash toʻgʻrisida (SQ-318-IV-son)

29.05.2021

Oʻzbekiston Respublikasi Oliy Majlisi Senatining

Qarori

“Oʻzbekiston Respublikasi Oliy Majlisining Senati toʻgʻrisida”gi Oʻzbekiston Respublikasi Konstitutsiyaviy Qonunining 9-moddasiga muvofiq Oʻzbekiston Respublikasi Oliy Majlisining Senati qaror qiladi:

1. Oʻzbekiston Respublikasi Oliy Majlisi Senati Kengashining qarorlari ilovaga muvofiq tasdiqlansin.

2. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2021-yil 29-may,

SQ-318-IV-son

Oʻzbekiston Respublikasi Oliy Majlisi Senatining 2021-yil 29-maydagi SQ-318-IV-sonli Qaroriga ILOVA

Oʻzbekiston Respublikasi Oliy Majlisi Senati Kengashi qarorlarining roʻyxati

Oʻzbekiston Respublikasi Oliy Majlisi Senati Kengashining 2021-yil 26-apreldagi “Oʻzbekiston Respublikasi Oliy Majlisi Senatining Xotin-qizlar va gender tenglik masalalari qoʻmitasi raisi oʻrinbosari N.A. Abdullaxanov toʻgʻrisida”gi KQ-219-IV-sonli qarori;

Oʻzbekiston Respublikasi Oliy Majlisi Senati Kengashining 2021-yil 3-maydagi “Mintaqaviy yoʻllarni rivojlantirish uchun yoqilgʻi birligidan undiriladigan maxsus yigʻimni belgilash, uni toʻlash va hisobini yuritish tartibi toʻgʻrisida”gi KQ-224-IV-sonli qarori;

Oʻzbekiston Respublikasi Oliy Majlisi Senati Kengashining 2021-yil 27-maydagi “X.N. Normuradovni Senatning Orolboʻyi mintaqasini rivojlantirish masalalari qoʻmitasi tarkibidan chiqarish toʻgʻrisida”gi KQ-230-IV-sonli qarori.