2021-yilda hududiy va respublika tarmoqlararo sanoat yarmarkalarini tashkil etish va oʻtkazish chora-tadbirlari toʻgʻrisida (324-son)

26.05.2021

Oʻzbekiston Respublikasi Vazirlar Mahkamasining

qarori

2021-yil 22 — 24-aprel kunlari Navoiy shahrida kon-metallurgiya, kimyo sanoati, qurilish materiallari va elektr energetikasi sohalaridagi yirik tarmoq tashkilotlari, shuningdek, respublikaning barcha hududlaridan ushbu tarmoqlar uchun mahsulot ishlab chiqarishga ixtisoslashgan kichik biznes va xususiy tadbirkorlik subyektlar ishtirokida tarmoqlararo sanoat yarmarkasi muvaffaqiyatli oʻtkazildi.

Ushbu yarmarkada qiymati 375,8 mlrd soʻmlik jami 996 ta sanoat kooperatsiyasi shartnomalari va 268 ta texnik jihatdan hamkorlik qilish memorandumlari imzolandi.

Shuningdek, joriy yilning 29-30-aprel kunlari Xorazm viloyatida “Hududlar va tarmoqlararo sanoat kooperatsiyasini rivojlantirish” koʻrgazmasi oʻtkazilib, qiymati 70,3 mlrd soʻmlik 289 ta shartnomalar hamda 20 turdagi mahsulotlarni ishlab chiqarishni oʻzlashtirishga qaratilgan 42 ta memorandumlar imzolanishi taʼminlandi.

Tarmoqlararo sanoat yarmarkalari doirasida kichik biznes va xususiy tadbirkorlik subyektlari bilan respublikadagi yirik sanoat tashkilotlari oʻrtasida tarmoqlararo sanoat kooperatsiyasi aloqalarini yanada kengaytirish maqsadida Vazirlar Mahkamasi qaror qiladi:

1. Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining 2021-yilda hududiy va respublika tarmoqlararo sanoat yarmarkalarini quyidagi ikki bosqichda oʻtkazish toʻgʻrisidagi takliflari maʼqullansin:

I bosqich — 2021-yilning may — oktyabr oylarida respublika hududlarida yirik sanoat tashkilotlarining ixtisoslashuvi asosida hududiy tarmoqlararo sanoat yarmarkalarini oʻtkazish;

II bosqich — 2021-yilning 22 — 28-noyabr kunlari 2022-yil uchun buyurtmalar portfelini shakllantirish boʻyicha respublika tarmoqlararo sanoat yarmarkasini oʻtkazish.

2. Quyidagilar:

yarmarka oʻtkaziladigan hududlarning kichik biznes va xususiy tadbirkorlik subyektlari hamda ixtisoslashuvi asosida yirik sanoat tashkilotlari, boshqa hududlardan taklif etiladigan iqtisodiyot tarmoqlari tashkilotlari, shuningdek, yirik sanoat tashkilotlari uchun import oʻrnini bosuvchi mahsulotlar ishlab chiqarish istagini bildirgan respublikadagi kichik biznes va xususiy tadbirkorlik subyektlarining hududiy tarmoqlararo sanoat yarmarkasida ishtirok etishi;

mahsulot xarid qilish boʻyicha shartnomalarni shakllantirish bilan birga yirik sanoat tashkilotlari tomonidan kichik biznes va xususiy tadbirkorlik subyektlari bilan yarmarka doirasida texnik jihatdan hamkorlik qilish memorandumini tuzishi, mahsulotni oʻzlashtirish boʻyicha “yoʻl xaritasi”ni qabul qilishi, hamkorlariga texnik shartlarni berishi, texnik hujjatlar va chizmalarni birgalikda ishlab chiqishi, shuningdek, mahsulot namunalarini ishlab chiqarishi, ularni sinovdan oʻtkazishi, mahsulotlar ishlab chiqarishni boshlashi va ularni sotib olish boʻyicha bitimlar tuzishi yuzasidan aniq chora-tadbirlar va ularni bajarish muddatlari belgilab olinishi;

hududiy va respublika tarmoqlararo sanoat yarmarkalarini oʻtkazish xarajatlari ushbu yarmarkalarni tashkil etuvchi hamda ularda ishtirok etuvchi tomonlarning oʻz mablagʻlari hisobidan mustaqil ravishda amalga oshirilishi inobatga olinsin.

3. Quyidagilar:

2021-yilda hududiy va respublika tarmoqlararo sanoat yarmarkalarini oʻtkazish reja-jadvali 1-ilovaga Muvofiq;

2021-yilda respublika tarmoqlararo sanoat yarmarkasini tashkil etish va oʻtkazish boʻyicha ishchi guruh tarkibi 2-ilovaga muvofiq;

2021-yilda hududiy tarmoqlararo sanoat yarmarkalarini tashkil etish va oʻtkazish boʻyicha ishchi guruhning namunaviy tarkibi 3-ilovaga muvofiq;

2021-yilda hududiy va respublika tarmoqlararo sanoat yarmarkalarini tashkil etish va oʻtkazish chora-tadbirlari 4-ilovaga muvofiq tasdiqlansin.

4. Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirlik va idoralar, xoʻjalik birlashmalari rahbarlariga hududiy tarmoqlararo sanoat yarmarkalariga sifatli tayyorgarlik koʻrish va ularning oʻz muddatida oʻtkazilishi yuzasidan shaxsiy masʼuliyat yuklansin.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Iqtisodiy taraqqiyot va kambagʻallikni qisqartirish vazirligi, vazirliklar va idoralar, xoʻjalik birlashmalari hududiy va respublika tarmoqlararo sanoat yarmarkalarini tashkil etish va oʻtkazishda:

mahalliy ishlab chiqaruvchilar oʻrtasida uzoq muddatli barqaror kooperatsiya aloqalari oʻrnatilishi, mahalliy xomashyo va sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish ishtirokchilari va loyihalari sonini kengaytirish, kichik biznes va xususiy tadbirkorlik subyektlarini sanoat kooperatsiyasiga keng jalb etishga;

hududiy tarmoqlararo sanoat yarmarkalarida 2021-2022-yillarda mahsulot xarid qilish boʻyicha shartnomalar tuzilishi, shuningdek, ilgari import qilingan mahsulotlarni oʻzlashtirishda texnik hamkorlik qilish memorandumlari shakllantirilishi, kichik biznes va xususiy tadbirkorlik subyektlari tomonidan butlovchi qismlar va mahsulotlar ishlab chiqarish boʻyicha shartnomalar tuzilishiga;

yangi turdagi mahsulotlar ishlab chiqarishni mahalliylashtirish loyihalarini joylashtirish masalalarida, shu jumladan, kichik sanoat zonalari va erkin iqtisodiy zonalar hududida (ishlab chiqarish yoʻnalishi boʻyicha) yer maydonlari ajratilishiga koʻmaklashsinlar.

6. Qoraqalpogʻiston Respublikasi Vazirlar Kengashi Raisining, viloyatlar hamda Toshkent shahar hokimlarining ishlab chiqarishni mahalliylashtirish va sanoatda kooperatsiya aloqalarini kengaytirish masalalari boʻyicha yordamchilari hududiy sanoat yarmarkalari ixtisoslashuviga muvofiq tarmoqlardagi yirik sanoat tashkilotlari bilan birgalikda:

hududiy yirik sanoat tashkilotlari tomonidan foydalaniladigan xomashyolar, ehtiyot qismlar, butlovchi buyumlar, asbob-uskuna va tayyor mahsulotlar roʻyxati toʻgʻrisida elektron maʼlumotlar, birinchi navbatda, ishlab chiqarish istagini bildirgan salohiyatli kichik biznes va xususiy tadbirkorlik subyektlariga hududiy tarmoqlararo sanoat yarmarkalari oʻtkazilishidan kamida bir hafta oldin yetkazilishi taʼminlansin;

hududiy tarmoqlararo sanoat yarmarkalari doirasida texnik hamkorlik qilish memorandumlarini, shu jumladan, mahalliylashtiriladigan mahsulotlar boʻyicha muhandislik-texnik hujjatlarni ishlab chiqishda koʻmaklashish, shuningdek, maqsadli sifat koʻrsatkichlariga erishish yuzasidan amaliy choralar koʻrsin.

7. Iqtisodiy taraqqiyot va kambagʻallikni qisqartirish vazirligi ustav kapitalida davlat ulushi 50 foiz va undan ortiq boʻlgan yuridik shaxslar hamda ular muassisligidagi 50 foiz va undan ortiq ulushga ega boʻlgan boshqa tashkilotlar (keyingi oʻrinlarda — davlat ulushi boʻlgan korxonalar) bilan birgalikda Elektron kooperatsiya portalida joriy etilgan tizim orqali:

mahalliy ishlab chiqaruvchi tashkilotlar tomonidan oʻzlashtiriladigan mahsulotlar texnik hamkorlik qilish memorandumlarida keltirilgan sifat va narx koʻrsatkichlari asosida tegishli shartnomalar tuzilishiga;

hududiy tarmoqlararo sanoat yarmarkalari doirasida tuzilgan texnik hamkorlik qilish memorandumlari asosida import qilinayotgan mahsulotlarni mahalliy ishlab chiqaruvchi tashkilotlar tomonidan ishlab chiqarilishini oʻzlashtirish iqtisodiy samaradorligidan kelib chiqib, ikki yil va undan ortiq muddatga shartnomalar tuzilishiga koʻmaklashsin.

8. Oʻzbekiston Respublikasi Soliq kodeksining 305-moddasiga asosan ushbu kodeks 294-moddasi birinchi qismining birinchi bandida koʻrsatilgan yuridik shaxslarning soliq bazasini aniqlashda ushbu shaxslarning jami daromadidan daromad olish bilan bogʻliq barcha asoslangan xarajatlari chegirib tashlanishi maʼlumot uchun qabul qilinsin.

Mahalliy ishlab chiqaruvchi tashkilotlar oʻrtasida oʻtkazilgan tarmoqlararo sanoat yarmarkalarida imzolangan texnik hamkorlik toʻgʻrisidagi memorandumlarga muvofiq sinov uchun taqdim etiladigan mahsulotlarning tajriba namunalari (toʻplami), agar ular qayta koʻrib chiqish (qayta ishlash) uchun qaytarilsa, unda qayta koʻrib chiqish xarajatlari foyda soligʻini hisoblashda asoslangan xarajatlar sifatida inobatga olinsin.

9. Innovatsion rivojlanish vazirligi Oʻzbekiston Fanlar akademiyasi bilan birgalikda respublika tarmoqlararo sanoat yarmarkasida ilmiy-tadqiqot muassasalarining yangi texnologiyalari va ishlab chiqarish loyiha takliflari, shuningdek, talab yuqori boʻlgan mahsulotlar boʻyicha kooperatsiya aloqalarini rivojlantirish toʻgʻrisidagi taqdimotlari bilan ishtirok etishlarini taʼminlasin.

10. Oʻzbekiston Milliy teleradiokompaniyasi, Oʻzbekiston Milliy axborot agentligiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda hududiy va respublika tarmoqlararo sanoat yarmarkalarini ommaviy axborot vositalarida keng yoritish tavsiya etilsin.

11. Ichki ishlar vazirligi manfaatdor vazirlik va idoralarni jalb etgan holda, hududiy va respublika tarmoqlararo sanoat yarmarkalari oʻtkaziladigan joylarda jamoat tartibi, yongʻin xavfsizligi hamda karantin qoidalariga qatʼiy rioya etilishini taʼminlash choralarini koʻrsin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga hamda Vazirlar Mahkamasining Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamentiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 26-may,

324-son

Vazirlar Mahkamasining 2021-yil 26-maydagi 324-son qaroriga 1-ILOVA

2021-yilda hududiy va respublika tarmoqlararo sanoat yarmarkalarini oʻtkazish

REJA-JADVALI

T/r Hudud nomi Sanoat yarmarkasining ixtisoslashuvi Oʻtkazish muddati I. Hududiy tarmoqlararo sanoat yarmarkasi 1. Buxoro viloyati Qurilish materiallari, toʻqimachilik, neft va gaz sanoati, sayyohlik sanoati uchun mahsulotlar ishlab chiqarish hamda qorakoʻlchilik sohasi May 2. Qoraqalpogʻiston Respublikasi Tabiiy va mineral resurslarni chuqur qayta ishlash, neft-kimyo sanoati Iyun 3. Andijon viloyati Avtomobilsozlik va toʻqimachilik, farmatsevtika va elektrotexnika sanoati Iyun 4. Jizzax viloyati Farmatsevtika, avtomobilsozlik, elektrotexnika va oziq-ovqat sanoati Iyul 5. Fargʻona viloyati Turizm sohasi uchun toʻqimachilik va ipakni qayta ishlash, charm-poyabzal, mebelsozlik, neft va gaz sanoati mahsulotlarini ishlab chiqarish Iyul 6. Sirdaryo viloyati Energetika, elektrotexnika, qurilish materiallari, metall prokati va metall buyumlari ishlab chiqarish Avgust 7. Toshkent viloyati Qishloq xoʻjaligi texnikasi, qora metallurgiya, elektrotexnika, qurilish materiallari ishlab chiqarish Avgust 8. Qashqadaryo viloyati Neft va gaz sanoati, elektr energetikasi, kimyo sanoati, charm-poyabzal sanoati Sentyabr 9. Surxondaryo viloyati Qishloq xoʻjaligi va meva-sabzavot mahsulotlarini qayta ishlash, dorivor oʻsimliklarni qayta ishlash, transport va logistika sohalari Sentyabr 10. Namangan viloyati Toʻqimachilik, charm-poyabzal, oziq-ovqat va mebelsozlik sanoati Oktyabr 11. Samarqand viloyati Turizm, gastronomik turizm, oziq-ovqat sanoati, mebelsozlik va elektrotexnika sanoati hamda gilam mahsulotlarini ishlab chiqarish Oktyabr II. Respublika tarmoqlararo sanoat yarmarkasi 12. Toshkent shahri 2022-yil uchun buyurtmalar portfelini shakllantirish Noyabr

Izoh. Ishchi guruhiga hududiy sanoat yarmarkalarining iqtisodiy ixtisoslashuviga oʻzgartirish kiritish va yarmarkani oʻtkazish oyining aniq sanalarini belgilash huquqi beriladi.

Vazirlar Mahkamasining 2021-yil 26-maydagi 324-son qaroriga 2-ILOVA

2021-yilda respublika tarmoqlararo sanoat yarmarkasini tashkil etish va oʻtkazish boʻyicha ishchi guruh

TARKIBI

1. S.Oʻ. Umurzakov — Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri, Ishchi guruhi rahbari 2. A.R. Jumanazarov — Vazirlar Mahkamasining Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti boshligʻi oʻrinbosari, Ishchi guruhi rahbari oʻrinbosari 3. D.N. Sattarov — “Oʻzstandart” agentligi bosh direktori 4. B.K. Abdinazarov — iqtisodiy taraqqiyot va kambagʻallikni qisqartirish vaziri oʻrinbosari 5. B.A. Rahimov — investitsiyalar va tashqi savdo vaziri oʻrinbosari 6. A.Y. Xaydarov — moliya vaziri oʻrinbosari 7. J.T. Maxsudov — axborot texnologiyalari va kommunikatsiyalarini rivojlantirish vaziri oʻrinbosari 8. D.S. Kasimov — Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil 9. A.I. Ikramov — Oʻzbekiston Savdo-sanoat palatasi raisi 10. S.Z. Mirzayev — Oʻzbekiston Fanlar akademiyasi vitse-prezidenti 11. S.O. Usmonov — Vazirlar Mahkamasining Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti bosh mutaxassisi 12. F. Xoʻjamqulov — Iqtisodiy taraqqiyot va kambagʻallikni qisqartirish vazirligi huzuridagi Elektron kooperatsiya markazi direktori, Ishchi guruhi kotibi

Izoh. Ishchi guruhi aʼzolari boshqa ishga oʻtganda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaxslar kiritiladi.

Vazirlar Mahkamasining 2021-yil 26-maydagi 324-son qaroriga 3-ILOVA

2021-yilda hududiy tarmoqlararo sanoat yarmarkalarini tashkil etish va oʻtkazish boʻyicha ishchi guruhning

NAMUNAVIY TARKIBI

1. Lavozimiga koʻra — Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari, Ishchi guruhi rahbari 2. Lavozimiga koʻra — Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlarining ishlab chiqarishni mahalliylashtirish va sanoatda kooperatsiya aloqalarini kengaytirish masalalari boʻyicha yordamchilari, Ishchi guruhi rahbari oʻrinbosari 3. Lavozimiga koʻra — Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlarining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari 4. Lavozimiga koʻra — Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlarining oʻrinbosari — investitsiyalar va tashqi savdo boshqarmasi boshligʻi 5. Lavozimiga koʻra — Oʻzbekiston Savdo-sanoat palatasining hududiy boshqarmasi boshligʻi 6. Lavozimiga koʻra — “Oʻzstandart” agentligining hududiy filiali boshligʻi 7. Kelishuv asosida — hududlardagi yirik sanoat tashkilotlari rahbarlari

Izoh. Ishchi guruhi aʼzolari boshqa ishga oʻtganda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaxslar kiritiladi.

Vazirlar Mahkamasining 2021-yil 26-maydagi 324-son qaroriga 4-ILOVA

2021-yilda hududiy va respublika tarmoqlararo sanoat yarmarkalarini tashkil etish va oʻtkazish

ChORA-TADBIRLARI

T/r Amalga oshiriladigan chora-tadbirlar Masʼullar Ijro muddatlari Hududiy tarmoqlararo sanoat yarmarkalari 1. Hududiy tarmoqlararo sanoat yarmarkalarida (keyingi oʻrinlarda — sanoat yarmarkalari) qatnashish uchun ichki va tashqi bozorlarda talab yuqori boʻlgan mahsulotlarni ishlab chiqaruvchi tashkilotlar, shu jumladan, kichik biznes va xususiy tadbirkorlik subyektlarini xabardor qilish va jalb etish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), Milliy te�eradiokompaniya (Xodjayev), Oʻzbekiston Milliy axborot agentligi (Xodjayev), vazirlik va idoralar, xoʻjalik birlashmalari Yarmarkani oʻtkazish reja-jadvalida koʻrsatilgan muddatdan bir oy oldin 2. Sanoat yarmarkasi ishtirokchilari roʻyxatini hamda kichik biznes va xususiy tadbirkorlik subyektlari tomonidan namoyish etiladigan yangi turdagi mahsulotlarni, shuningdek, yirik sanoat tashkilotlari tomonidan import qilinadigan mahsulotlar (xomashyo, ehtiyot qismlar, butlovchi buyumlar, uskuna va materiallar) roʻyxatini shakllantirish hamda elektron kooperatsiya portali (cooperation.uz) orqali mahalliy ishlab chiqaruvchilarga yetkazish. Iqtisodiy taraqqiyot va kambagʻallikni qisqartirish vazirligi (Abdinazarov), Investitsiyalar va tashqi savdo vazirligi (Rahimov), Savdo-sanoat palatasi (Ikramov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari Yarmarkani oʻtkazish reja-jadvalida koʻrsatilgan muddatdan bir oy oldin 3. Davlat boshqaruvi organlari va xoʻjalik birlashmalari tomonidan sanoat yarmarkalarida namoyish qilinishi taklif etilayotgan yangi turdagi mahsulotlarning dastlabki roʻyxatini ishlab chiqish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), xoʻjalik birlashmalari va yirik sanoat tashkilotlari Yarmarkani oʻtkazish reja-jadvalida koʻrsatilgan muddatdan bir oy oldin 4. Respublikada ishlab chiqarilayotgan mahsulotlarni sanoat yarmarkalarida namoyish etish uchun elektron kooperatsiya portaliga (cooperation.uz) tegishli maʼlumotlarni joylashtirish. Bunda, yirik sanoat tashkilotlari bilan kichik biznes va xususiy tadbirkorlik subyektlari oʻrtasida texnik jihatdan hamkorlik qilish memorandumini tuzishi, mahsulotni oʻzlashtirish boʻyicha “yoʻl xaritasi” qabul qilishi va hamkorlik doirasida yirik sanoat tashkilotlari tomonidan texnik shartlarni berilishini elektron kooperatsiya portali orqali amalga oshirish. Iqtisodiy taraqqiyot va kambagʻallikni qisqartirish vazirligi (Abdinazarov), Davlat statistika qoʻmitasi (Begalov), Davlat soliq qoʻmitasi (Qudbiyev), “Oʻzstandart” agentligi (Sattarov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari Hududiy yarmarkalar doirasida 5. Koʻrgazma stendlari maketlarini, tadbir dasturini, sanoat yarmarkalari ochilish va yopilish marosimlari ssenariylarini, sanoat tashkilotlari, shu jumladan, kichik biznes va xususiy tadbirkorlik subyektlari taqdimotlari jadvalini ishlab chiqish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, mutasaddi vazirlik va idoralar Yarmarkani oʻtkazish reja-jadvalida koʻrsatilgan muddatdan oʻn kun oldin 6. Hududiy sanoat yarmarkalari ishtirokchilari stendlarini joylashtirish hamda dizaynini ishlab chiqishda “Oʻzekspomarkaz” AJ bilan hamkorlikda amaliy choralar koʻrish. Bunda, mahalliylashtiriladigan mahsulotlar tarkibini inobatga olgan holda ishlab chiqarilayotgan va oʻzlashtiriladigan hamda ishlab chiqarilishi tavsiya etiladigan mahsulotlarni koʻrgazmani namoyish etishga alohida eʼtibor berish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, mutasaddi vazirlik va idoralar Hududiy yarmarkalar doirasida 7. Xoʻjalik birlashmalari va yirik sanoat tashkilotlarining kelgusi davr uchun xomashyo, ehtiyot qismlar, butlovchi buyumlar, uskuna va materiallarga boʻlgan ehtiyojini ishlab chiqish, sanoat yarmarkalari ishtirokchilari uchun ishlab chiqarish faoliyatida talab etiladigan mahsulotlar toʻgʻrisida taqdimotlar oʻtkazilishini hamda elektron kooperatsiya portalida yoritib borilishini taʼminlash. Iqtisodiy taraqqiyot va kambagʻallikni qisqartirish vazirligi (Abdinazarov), Investitsiyalar va tashqi savdo vazirligi (Rahimov), xoʻjalik birlashmalari va yirik sanoat tashkilotlari Hududiy yarmarkalar doirasida 8. Sanoat yarmarka�ini yuqori darajada oʻtkazilishini taʼminlash maqsadida yarmarka hududini hamda konferensiya oʻtkazish joyini tayyorlash va bezash. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, mutasaddi vazirlik va idoralar Hududiy yarmarkalar doirasida 9. Sanoat yarmarkasi ishtirokchilari uchun stendlarni oʻrnatish va loyihalash ishlarini yakunlash. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov) Yarmarkani oʻtkazish reja-jadvalida koʻrsatilgan muddatdan toʻrt kun oldin 10. Sanoat yarmarkasi davomida elektron kooperatsiya portali (cooperation.uz) orqali mahsulotlarni xarid qilish va import oʻrnini bosuvchi mahsulotlarni ishlab chi�arish boʻyicha texnik jihatdan hamkorlik qilish toʻgʻrisida memorandumlar tuzish. Iqtisodiy taraqqiyot va kambagʻallikni qisqartirish vazirligi (Abdinazarov), Investitsiyalar va tashqi savdo vazirligi (Rahimov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari Hududiy yarmarkalar doirasida 11. Sanoat kooperatsiyasi boʻyicha tuzilgan shartnomalar miqdori, ishlab chiqarishga moʻljallangan mahsulotlar turlari, yangi yuqori texnologik mahsulotlar va innovatsion ishlanmalar va boshqalar boʻyicha eng yaxshi natijalarga erishgan hududiy tarmoqlararo sanoat yarmarkasi ishtirokchilarini ragʻbatlantirish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov) Hududiy yarmarkalar yakuni bilan 12. Yangi turdagi mahsulotlarni ishlab chiqarishni mahalliylashtirish va sanoatda kooperatsiya aloqalarini kengaytirish chora-tadbirlarini ishlab chiqish. Shuningdek, sanoat yarmarkasi yakunlari boʻyicha bajarilgan ishlar va erishilgan natijalar toʻgʻrisida maʼlumot taqdim etish. Iqtisodiy taraqqiyot va kambagʻallikni qisqartirish vazirligi (Abdinazarov), Investitsiyalar va tashqi savdo vazirligi (Rahimov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda Hududiy yarmarkalar yakuni bilan 13. Sanoat yarmarkasi tashkiliy Ishchi guruhining yigʻilishini tashkil etish. Yigʻilishda sanoat yarmarkasi natijalarini, yangi turdagi mahsulotlarni oʻzlashtirish ishlarini yanada takomillashtirish hamda samaradorlikka erishish chora-tadbirlarini belgilab olish. Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), Savdo-sanoat palatasi (Ikramov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari Hududiy yarmarkalar yakuni bilan uch kun muddatda Tashkilotlar oʻrtasida kooperatsiya aloqalarini oʻrnatish va kengaytirib borish, ushbu jarayonda kichik biznes va xususiy tadbirkorlik subyektlari ishtirokini faollashtirish takliflarini tayyorlash 14. Hududiy va tarmoq tashkilotlari tomonidan elektron kooperatsiya portalida (www.cooperation.uz) maʼlumotlarni joylashtirish va doimiy yangilanishini taʼminlash, xususan: ishlab chiqarilayotgan mahsulotlar; oʻzlashtiriladigan yangi turdagi mahsulotlar; barqaror talabga ega hamda rivojlanishi istiqbolli boʻlgan tashkilotlar import tovarlari; hamkorlik aloqalarini oʻrnatishda masʼul boʻlgan rahbarlar toʻgʻrisidagi maʼlumotlarni (shaxsning aloqa maʼlumotlari va h.k.). Iqtisodiy taraqqiyot va kambagʻallikni qisqartirish vazirligi (Abdinazarov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari Doimiy 15. Sanoat yarmarkalari natijalari boʻyicha sanoat kooperatsiyasi va ishlab chiqarishni mahalliylashtirishni chuqurlashtirish boʻyicha takliflarni inventarizatsiya qilish, sanoat kooperatsiyasi uchun mahsulot yetkazib berish shartnomalari reyestrini, import oʻrnini bosuvchi mahsulot ishlab chiqarishni rivojlantirish memorandumlarini shakllantirish. Tayyorlangan maʼlumotlarni Ishchi guruhiga kiritish. Iqtisodiy taraqqiyot va kambagʻallikni qisqartirish vazirligi (Abdinazarov), Investitsiyalar va tashqi savdo vazirligi (Rahimov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari Hududiy yarmarkalar doirasida Hududiy yarmarkalar yakuni bilan 16. Sanoat yarmarkasi doirasida import qilinadigan tayyor mahsulotlar, butlovchi buyumlar va materiallarning turlarini ishlab chiqarish kooperatsiyasi, shu jumladan, inventarizatsiya natijalariga koʻra kichik korxonalarni jalb qilish boʻyicha aniq takliflarni ishlab chiqish. Tayyorlangan maʼlumotlarni Ishchi guruhiga kiritish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Iqtisodiy taraqqiyot va kambagʻallikni qisqartirish vazirligi (Abdinazarov), xoʻjalik birlashmalari va yirik sanoat tashkilotlari Hududiy yarmarkalar doirasida Hududiy yarmarkalar yakuni bilan 17. Ishlab chiqarish quvvatlari va texnologik qayta taqsimotlardan samarali foydalanish asosida kichik korxonalar imkoniyatlaridan foydalangan holda mahsulot ishlab chiqarishni va yetkazib berishni tashkil etish. Tayyorlangan taklif va maʼlumotlarni Ishchi guruhiga kiritish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Savdo-sanoat palatasi (Ikramov) Hududiy yarmarkalar doirasida Hududiy yarmarkalar yakuni bilan 18. Sanoat va hududiy korxonalar, shu jumladan, kichik biznes va xususiy tadbirkorlik subyektlari vakillarini ishlab chiqarilishi taklif etilayotgan import oʻrnini bosuvchi xomashyo, materiallar va butlovchi qismlar toʻgʻrisida maʼlumotlar bilan tanishtirish, shuningdek, ushbu maʼl�motlarni elektron kooperatsiya portalidagi virtual koʻrgazmalarda joylashtirish (cooperation.uz). Iqtisodiy taraqqiyot va kambagʻallikni qisqartirish vazirligi (Abdinazarov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari 2021-yil may — dekabr oylarida 19. Import tarkibi va ichki bozor ehtiyojlari tahlili asosida ishlab chiqarilishini mahalliylashtirish tavsiya etilayotgan mahsulotlarga buyurtmalar berish. Xoʻjalik birlashmalari va yirik sanoat tashkilotlari Hududiy yarmarkalar doirasida 20. Mahalliy ishlab chiqaruvchilarga, shu jumladan, kichik biznes va xususiy tadbirkorlik subyektlariga kuyidagi masalalarda yordam koʻrsatish: ularga boʻsh bino va inshootlarni, foydalanilmayotgan texnologik uskunalarni va yangi turdagi mahsulotlarni ishlab chiqarishni tashkil etish uchun asbob-uskunalarni ijaraga berish; oʻzlashtirilayotgan mahsulotlar uchun texnik parametrlar va sifat talablarini muvofiqlashtirib borish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari Doimiy Respublika tarmoqlararo sanoat yarmarkasi 21. Respublika tarmoqlararo sanoat yarmarkasi (keyingi oʻrinlarda — respublika sanoat yarmarkasi) doirasidagi takliflar asosida kichik biznes bilan kooperatsiya aloqalarini rivojlantirishni oʻrganish, ishlab chiqarish uchun zamonaviy texnologiyalarni jalb qilishda mahalliy korxonalar va xorijiy investorlar bilan hamkorlik aloqalarini oʻrnatish. Xoʻjalik birlashmalari va yirik sanoat korxonalari, Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2021-yil oktyabr Ixtisoslashgan tashkilotlarning respublika sanoat yarmarkasida yangi aloqalar va hamkorlik aloqalarini rivojlantirish doirasida yangi texnologiyalar va ishlab chiqarish loyihalarini, shuningdek, talab etiladigan mahsulotlar boʻyicha takliflarni taqdim etish. Innovatsion rivojlantirish vazirligi (Abduraxmonov), Fanlar akademiyasi (Yuldashev) 22. Ishlab chiqarishni mahalliylashtirish va sanoatda kooperatsiya aloqalarini kengaytirish tadbirlari asosida yangi turdagi mahsulotlarni ishlab chiqarishni tashkil etish, mahsulot texnik parametrlari va sifat koʻrsatkichlarini takomillashtirish yechimini ishlab chiqish. Xoʻjalik birlashmalari va yirik sanoat korxonalari, “Oʻzstandart” agentligi (Sattarov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, kichik biznes va xususiy tadbirkorlik subyektlari Respublika tarmoqlararo sanoat yarmarkasiga tayyorgarlik koʻrish va uni oʻtkazish doirasida 23. Sanoat kooperatsiyasi asosida mahsulot yetkazib berish boʻyicha elektron kooperatsiya portalida tuzilgan shartnomalarning dastlabki reyestrini shakllantirish. Iqtisodiy taraqqiyot va kambagʻallikni qisqartirish vazirligi (Abdinazarov), Investitsiyalar va tashqi savdo vazirligi (Rahimov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari 2021-yil 22 — 28-noyabr 24. Respublika sanoat yarmarkasi ishtirokchilariga taklifnomalar va boshqa kerakli materiallarni tarqatish. Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), Savdo-sanoat palatasi (Ikramov) 2021-yil 1-noyabr 25. Ariza berish, stendlar eskizlari bilan tanishish, yarmarkada taklif etiladiganlar roʻyxati, shuningdek, yarmarka ishtirokchisining yangi va namoyish etilayotgan mahsuloti nomenklaturasini elektron kooperatsiya portali (cooperation.uz) orqali onlayn roʻyxatdan oʻtkazish tizimini ishga tushirish. Iqtisodiy taraqqiyot va kambagʻallikni qisqartirish vazirligi (Abdinazarov), Investitsiyalar va tashqi savdo vazirligi (Rahimov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari 2021-yil 1-noyabr 26. Stendlarni loyihalash va joylashtirishni tarmoqlararo sanoat yarmarkasi ishtirokchilari bilan kelishish. Investitsiyalar va tashqi savdo vazirligi (Rahimov), xoʻjalik birlashmalari va yirik sanoat korxonalari, kichik biznes va xususiy tadbirkorlik subyektlari 2021-yil 15-noyabr 27. Respublika sanoat yarmarkasida tuzilgan shartnomalar doirasida mahsulotlarni yetkazib berishning prognoz parametrlarini aniqlash va tarmoqlararo sanoat yarmarkasining tashkiliy Ishchi guruhiga tasdiqlash uchun taqdim etish. Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), Savdo-sanoat palatasi (Ikramov), xoʻjalik birlashmalari va yirik sanoat tashkilotlari 2021-yil 20-noyabr 28. Kichik biznes va xususiy tadbirkorlik subyektlari rivojlanishini taʼminlash maqsadida ixtisoslashgan korxonalar sonidan kelib chiqib, roʻyxatga kiritiladigan mahsulotlarni tanlash. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Iqtisodiy taraqqiyot va kambagʻallikni qisqartirish vazirligi (Abdinazarov), Investitsiyalar va tashqi savdo vazirligi (Rahimov), Savdo-sanoat palatasi (Ikramov) 2021-yil 1-noyabr 29. Respublika sanoat yarmarkasini oʻtkazish dasturini tayyorlash. Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), Savdo-sanoat palatasi (Ikramov) 2021-yil 10-noyabr 30. Ushbu tarmoq yarmarkasiga tayyorgarlikni koʻrib chiqish, tadbir dasturini, ishtirokchilar roʻyxatini, maketini, kutilayotgan natijalarini va boshqalarni kelishib olish uchun tarmoqlararo sanoat yarmarkasi tashkiliy Ishchi guruhining yigʻilishlarini oʻtkazish. Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), Savdo-sanoat palatasi (Ikramov) 2021-yil oktyabr-noyabr oylarida 31. Faxriy mehmonlarni taklif qilish. Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov) 2021-yil 1-noyabr 32. Respublika sanoat yarmarkasi ishtirokchilari stendlarini oʻrnatish va loyihalash ishlarini yakunlash. Xoʻjalik birlashmalari va yirik sanoat korxonalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), “Oʻzekspomarkaz” AJ MKM (Yuldashev) 2021-yil 20-noyabr 33. Respublika sanoat yarmarkasida mahalliy korxonalari tomonidan ishlab chiqarilishi tavsiya etilgan mahsulotlar roʻyxati va ilgʻor xorijiy texnologiyalar taqdimoti asosida stend tashkil etish. Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), “Oʻzekspomarkaz” AJ MKM (Yuldashev) 2021-yil 20-noyabr 34. Tegishli stendlar dizayni va yarmarka ishtirokchilariga standartlashtirish, sertifikatlash, moliyaviy xizmatlar boʻyicha maslahatlar berish. “Oʻzekspomarkaz” AJ MKM (Yuldashev), “Oʻzstandart” agentligi, tijorat banklari, sugʻurta va lizing kompaniyalari Yarmarka doirasida 35. Elektron kooperatsiya portalida yarmarka doirasida tuzilgan shartnomalar hajmi va sohalar boʻyicha tahliliy materiallarni tayyorlash. Iqtisodiy taraqqiyot va kambagʻallikni qisqartirish vazirligi (Abdinazarov), Investitsiyalar va tashqi savdo vazirligi (Rahimov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari 2021-yil 22 — 27-noyabr Asosiy tadbirlar uchun joylarni tayyorlash 36. Respublika sanoat yarmarkasi tadbirlarini oʻtkazish uchun yarmarka hududini, pavilonlarni, konferensiyalar oʻtkazish xonasini tayyorlash va bezash. Investitsiyalar va tashqi savdo vazirligi (Rahimov), “Oʻzekspomarkaz” AJ MKM (Yuldashev) 2021-yil 20-noyabr 37. Elektr taʼminoti, zaxiradagi yoritish uskunalari, konditsioner, aloqa va telekommunikatsiya tizimlari hamda koʻrgazma majmuasi va konferensiyalar zalini tayyorlash. “Oʻzekspomarkaz” AJ MKM (Yuldashev), “Hududiy elektr tarmoqlari” AJ (Mustafoyev) 2021-yil 20-noyabr 38. Koʻrgazma majmuasi tashqi hududini obodonlashtirish va koʻkalamzorlashtirish. “Oʻzekspomarkaz” AJ MKM (Yuldashev) 2021-yil 20-noyabr 39. “Oʻzekspomarkaz” AJ MKM hududida respublika sanoat yarmarkasi oʻtkaziladigan joylarda yongʻin xavfsizligini taʼminlash. “Oʻzekspomarkaz” AJ MKM (Yuldashev), Ichki ishlar vazirligi 2021-yil 22 — 27-noyabr 40. Respublika sanoat yarmarkasini oʻtkazish shtabini tashkil etish, taqdimotni oʻtkazish, sh�rtnomalar va matbuot markazini elektron tarzda roʻyxatdan oʻtkazish, shuningdek, yarmarkani ochilish va yopilish marosimlari uchun zarur asbob-uskunalar (ovoz kuchaytirgich apparaturasi, keng formatli monitorlar va proyektorlar) bilan taʼminlash hamda tadbir davomida taqdimotlar oʻtkazish. Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), Savdo-sanoat palatasi (Ikramov), “Oʻzekspomarkaz” AJ MKM (Yuldashev) 2021-yil 22 — 27-noyabr 41. “Oʻzekspomarkaz” AJ MKKning barcha pavilonlarida taqdimotlarni namoyish etish va jonli efirga uzatishni taʼminlash. Investitsiyalar va tashqi savdo vazirligi (Rahimov), Axborot texnologiyalari va kommunikatsiyalarini rivojlantirish vazirligi (Maxsudov), “Oʻzekspomarkaz” AJ MKM (Yuldashev) Yarmarka davomida 42. Respublika sanoat yarmarkasi oʻtkaziladigan joylarda jamoat tartibini saqlash. “Oʻzekspomarkaz” AJ MKM (Yuldashev), Ichki ishlar vazirligi Doimiy Reklama kampaniyasi, ommaviy axborot vositalarida respublika tarmoqlararo sanoat yarmarkasiga tayyorgarlik koʻrish va uni oʻtkazish haqida axborotlarni keng jamoatchilikka yetkazish 43. Davlat boshqaruvi organlari va xoʻjalik birlashmalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari rasmiy veb-saytlarda, shuningdek, elektron kooperatsiya portalida (cooperation.uz) respublika tarmoqlararo sanoat yarmarkasi haqidagi reklamalarni joylashtirish. Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, xoʻjalik birlashmalari va yirik sanoat tashkilotlari 2021-yil 15-noyabr 44. Respublika sanoat yarmarkasi oʻtkazilishi haqida audio va video formatda reklama lavhasini ishlab chiqish hamda ularni markaziy televideniye va radio kanallarda yoritib borish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Milliy axborot agentligi (Xodjayev), Oʻzbekiston milliy teleradiokompaniyasi (Xodjayev) 2021-yil oktyabr-noyabr oylarida 45. Respublika va hududiy sanoat yarmarkasi rejalashtirilgan tadbirlari haqida ommaviy axborot vositalarida, shu jumladan, markaziy va hududiy bosmaxonalar hamda ommaviy axborot vositalari (navbatdagi sonida), shuningdek, radio va teleradiokanallarda (kundalik) reklamalarni joylashtirish. Oʻzbekiston milliy teleradiokompaniyasi (Xodjayev), Oʻzbekiston Milliy axborot agentligi (Xodjayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2021-yil iyun — oktyabr 2021-yil 20-noyabr 46. Respublika sanoat yarmarkasi tadbirlari, ularni amalga oshirishning maqsad va vazifalari, kooperatsiya aloqalarini rivojlantirish boʻyicha korxonalar tajribasi haqidagi maʼlumotlarni ommaviy axborot vositalarida keng yoritish. Oʻzbekiston milliy teleradiokompaniyasi (Xodjayev), Oʻzbekiston Milliy axborot agentligi (Xodjayev), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Yarmarkani oʻtkazish reja-jadvalida koʻrsatilgan muddatlarda 47. Respublika sanoat yarmarkasi tadbirini reklama qiluvchi bannerlarni ishlab chiqish. “Oʻzekspomarkaz” AJ MKM (Yuldashev) 2021-yil 1-noyabr 48. Respublika sanoat yarmarkasi oʻtkazilishi haqida reklama bannerlarini chop etish va joylashtirish. Investitsiyalar va tashqi savdo vazirligi (Rahimov), Iqtisodiy taraqqiyot va kambagʻallikni qisqartirish vazirligi (Abdinazarov) 2021-yil 5 — 18-noyabr 49. Toshkent shahri va viloyatlar markazlarining markaziy koʻchalardagi elektron monitorlarda respublika sanoat yarmarkasi haqida tayyorlangan reklama roliklarini koʻrsatib borish. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2021-yil 15 — 28-noyabr 50. “Oʻzekspomarkaz” AJ MKM hududida xush kelibsiz va boshqa tadbirga oid bannerlarni chop etish hamda joylashtirish. “Oʻzekspomarkaz” AJ MKM (Yuldashev) 2021-yil 15-noyabr