Vino-aroq mahsulotlari va shampan vinosi ishlab chiqaruvchi korxonalarni modernizatsiya qilish toʻgʻrisida (292-son)

13.06.1997

Oʻzbekiston Respublikasi Vazirlar Mahkamasining

qarori

[Koʻchirma]

Vino-aroq mahsulotlari va shampan vinosi ishlab chiqarishni koʻpaytirish, ularning eksportini kengaytirish va sifatini oshirish maqsadida Vazirlar Mahkamasi qaror qiladi:

1. “Oʻzmevasabzavotuzumsanoat” uyushmasining “Nagema” va “KXZ” (Germaniya) firmalari texnologiyasi asosida vino-aroq korxonalarini va shampan vinosi zavodini modernizatsiya qilish hamda 1-ilovaga* muvofiq vino-aroq mahsulotlari ishlab chiqarishni yiliga 32,718 mln. shishagacha, shampan vinosi ishlab chiqarishni yiliga 14,542 mln. shishagacha koʻpaytirish toʻgʻrisidagi taklifiga rozilik berilsin.

* 1-ilova berilmaydi.

2. Ilovada koʻrsatib oʻtilgan aksiyadorlik korxonalari aroq va shampan vinosini shishalarga quyish boʻyicha texnologiya uskunalari yetkazib berish va ularni 1997-yilning ikkinchi yarmida foydalanishga topshirgan holda oʻrnatish yuzasidan “Nagema” firmasi bilan 3,38 mln. Germaniya markasi hamda “KXZ” firmasi bilan 3,4 mln. Germaniya markasi summasida kontrakt tuzganligi maʼlumot uchun qabul qilinsin.

“Oʻzmezasabzavotuzumsanoat” uyushmasi 2-ilovaga* muvofiq muddatlarda quvvatlarni ishga tushirish jadvali bajarilishini taʼminlasin.

* 2-ilova berilmaydi.

3. “Mastona” (Qoʻqon shahri), “Namanganvino” (Namangan shahri), “Sharob” (Urganch shahri) va “Oʻzbekiston shampani” (Toshkent shahri) aksiyadorlik korxonalarini modernizatsiya qilishni mablagʻ bilan taʼminlash:

3-ilovaga* muvofiq umumiy summasi 5,77 mln. Germaniya markasiga teng boʻlgan har bir kontrakt qiymatining 85 foizi “Germes” (Germaniya) jamiyati sugʻurta qoplamasi ostida Germaniya bankining kredit liniyasi doirasida qayta moliyalashtirilgan Oʻzbekiston Respublikasi Tashqi iqtisodiy faoliyat milliy bankining kreditlari hisobiga;

* 3-ilova berilmaydi.

umumiy summasi 1,01 mln. Germaniya markasiga teng boʻlgan har bir kontrakt qiymatining 15 foizi yuqorida sanab oʻtilgan korxonalarning oʻz mablagʻlari hisobiga amalga oshirilishiga rozilik berilsin.

4. Oʻzbekiston Respublikasi Tashqi iqtisodiy faoliyat milliy banki ikki oy muddatda kredit bitimi tuzsin hamda aroq va shampan vinosini shishalarga quyish boʻyicha texnologiya uskunalari xarid qilish va oʻrnatish uchun mablagʻlarni “Mastona”, “Namanganvino”, “Sharob” va “Oʻzbekiston shampani” aksiyadorlik korxonalariga qayta moliyalashtirsin.

5. Aroq va shampan vinosini shishalarga quyish boʻyicha texnologiya uskunalari xarid qilish va oʻrnatish yoʻli bilan “Oʻzmevasabzavotuzumsanoat” uyushmasining vino-aroq mahsulotlari korxonalarini va shampan vinosi ishlab chiqarish korxonasini modernizatsiya qilish loyihasini mablagʻ bilan taʼminlash uchun Moliya vaziri Germaniya bankiga beriladigan kafolatni Oʻzbekiston Respublikasi Hukumati nomidan imzolashga vakil qilinsin.

6. Oʻzbekiston Respublikasi Adliya vazirligi Oʻzbekiston Respublikasi Hukumati kafolati boʻyicha yuridik xulosani Germaniya banki bilan banklararo bitimga ilovada belgilangan shaklda bersin.

8. Belgilansinki, asosiy qarzni, foizlarni qaytarish, vositachilik haqini va Tashqi iqtisodiy faoliyat milliy banki kreditlariga xizmat koʻrsatish yuzasidan xarajatlarni toʻlash yakka tartibdagi kredit shartnomalarida qayd etilgan shartlarda va muddatlarda 4-ilovaga* muvofiq korxonalarning oʻz mablagʻlari hisobiga amalga oshiriladi.

* 4-ilova berilmaydi.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Muhiddinov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1997-yil 13-iyun,

292-son