Sogʻliqni saqlash sohasini kompleks rivojlantirishga doir qoʻshimcha chora-tadbirlar toʻgʻrisida (PQ-5124-son)

25.05.2021

Oʻzbekiston Respublikasi Prezidentining

Qarori

Sogʻliqni saqlash tizimida davlat boshqaruvini takomillashtirish, birlamchi boʻgʻinni kasalliklarni erta aniqlaydigan va davolaydigan tizimga aylantirish, raqamlashtirish ishlarini jadallashtirish, coha rivojlanishining yaqin va uzoq muddatli istiqbollarini belgilash, tibbiy xizmatlar hajmini oshirish va sifatini tubdan yaxshilash, raqobat va xususiy sektorni qoʻllab-quvvatlash, tibbiyot xodimlarining bilimini oshirish, taʼlim va ilm-fanni rivojlantirish maqsadida:

2. 2021-yil 15-iyundan boshlab birlamchi tibbiy-sanitariya muassasalarida dori va tibbiy buyumlar uchun biriktirilgan aholi jon boshiga ajratilgan mablagʻ miqdori oʻrtacha 3 baravarga oshirilsin.

Moliya vazirligi (T. Ishmetov) ushbu maqsad uchun 2021-yil investitsiya loyihalarini maqbullashtirish hisobidan 40 milliard soʻm miqdorida mablagʻ ajratsin hamda ushbu bandda nazarda tutilgan xarajatlar uchun zarur mablagʻlarni 2022-yildan boshlab Davlat budjeti parametrlarida koʻzda tutsin.

Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari Iqtisodiy taraqqiyot va kambagʻallikni qisqartirish vazirligi (I. Norqulov, A. Boboyev), Sogʻliqni saqlash vazirligi (A. Xadjibayev) bilan birgalikda bir hafta muddatda tibbiyot sohasida investitsiya loyihalarini maqbullashtirish hisobiga har bir viloyat kesimida iqtisod qilinadigan mablagʻlarni aniqlasin.

3. Sogʻliqni saqlash vazirligi (A. Xadjibayev, A. Inoyatov):

a) Davlat boshqaruvi akademiyasi (A. Bekmurodov) bilan birgalikda ilgʻor xorijiy tajriba asosida tibbiyot sohasida boshqaruv boʻyicha ikki haftalik oʻquv kurslarini tashkil etsin va yil yakuniga qadar viloyat, tuman (shahar) tibbiyot boshqarmalari boshliqlarining oʻqitilishini taʼminlasin.

Bunda, oʻquv kurslarini tashkil etish bilan bogʻliq xarajatlar Tibbiyot tashkilotlarini moddiy ragʻbatlantirish va rivojlantirish jamgʻarmasi mablagʻlari hisobidan amalga oshiriladi;

b) Davlat xizmatini rivojlantirish agentligi (A. Xasanov) bilan birgalikda bir oy muddatda barcha sogʻliqni saqlash tizimi tashkilotlari rahbarlari faoliyatini baholash reytingini joriy etsin hamda har chorakda natijalarni Oʻzbekiston Respublikasi Prezidenti Administratsiyasi va Vazirlar Mahkamasiga kiritib borsin;

v) Moliya vazirligi (T. Ishmetov), Iqtisodiy taraqqiyot va kambagʻallikni qisqartirish vazirligi (I. Norqulov) hamda Davlat tibbiy sugʻurtasi jamgʻarmasi (F. Sharipov) bilan birgalikda bir oy muddatda Jahon sogʻliqni saqlash tashkiloti tavsiyalaridan kelib chiqib, birlamchi boʻgʻinda tibbiy yordamning kafolatlangan hajmlari roʻyxatini tasdiqlab, barcha hududlarda amaliyotga kiritsin.

4. “Oʻzavtosanoat” AJ (Sh. Umurzakov) 2021-yil 1-oktabrga qadar joylarda, ayniqsa olis va chekka hududlarda aholini manzilli profilaktika va skrining qilish ishlarini tashkil etish uchun zarur uskunalar bilan jihozlangan maxsus avtobuslarning kamida 3 ta tajriba namunasini yaratsin va kiritsin.

5. Belgilab qoʻyilsinki, 2021-yil 1-iyundan boshlab:

a) Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar sogʻliqni saqlash bosh boshqarmasi tuzilmalariga amaldagi shtat birliklari doirasida boshliqning raqamlashtirish va davlat-xususiy sheriklik boʻyicha oʻrinbosari lavozimi joriy qilinadi. Bunda, ushbu lavozimlarga tayinlanayotgan shaxslarning avvalgi davlat tashkilotlaridagi ish joyi boʻyicha oylik ish haqi miqdori yuqori boʻlgan taqdirda, ularning avvalgi ish joyi boʻyicha oylik ish haqi miqdori saqlab qolinadi.

Raqamlashtirish va davlat-xususiy sheriklik boʻyicha oʻrinbosar oʻz faoliyatida bevosita sogʻliqni saqlash vaziri oʻrinbosari A. Azizovga boʻysunadi va hisobdor boʻladi hamda A. Azizov Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar sogʻliqni saqlash bosh boshqarmasi faoliyatining raqamlashtirish natijadorligi boʻyicha masʼul hisoblanadi, ularning ishiga baho beradi;

b) har bir oilaviy shifokor punkti, oilaviy poliklinika hamda tuman (shahar) koʻp tarmoqli markaziy poliklinikasida elektron tizim bilan ishlaydigan bir nafardan IT operator lavozimi kiritiladi. Bunda, ushbu lavozimlar Oʻzbekiston Respublikasi Prezidentining 2021-yil 5-maydagi “Sogʻliqni saqlash tizimida olib borilayotgan islohotlarni izchil davom ettirish va tibbiyot xodimlarining salohiyatini oshirish uchun zarur shart-sharoitlar yaratish toʻgʻrisida”gi PF-6221-son Farmoniga muvofiq ajratilayotgan shtat birliklari hisobidan shakllantiriladi;

Oʻzbekiston Respublikasi Prezidentining 2021-yil 5-maydagi “Sogʻliqni saqlash tizimida olib borilayotgan islohotlarni izchil davom ettirish va tibbiyot xodimlarining salohiyatini oshirish uchun zarur shart-sharoitlar yaratish toʻgʻrisida”gi PF-6221-son Farmoniga muvofiq ajratilayotgan shtat birliklarini saqlash bilan bogʻliq xarajatlar 2021-yil davlat budjeti parametrlarida koronavirus pandemiyasiga qarshi kurashish va vaksina sotib olish uchun koʻzda tutilgan mablagʻlar hisobidan qoplanadi, 2022-yildan boshlab esa davlat budjeti parametrlarida koʻzda tutiladi;

v) boshqa tuman (shahar) hamda barcha viloyat va respublika davolash-profilaktika muassasalarida ularning amaldagi shtat birliklari doirasida IT operator lavozimi kiritiladi.

6. Bosh vazir maslahatchisi O.M. Umarov, Axborot texnologiyalari va kommunikatsiyalarini rivojlantirish vazirligi (Sh. Sadikov), Sogʻliqni saqlash vazirligi (A. Azizov):

ikki hafta muddatda IT operatorlar hamda boshqa sogʻliqni saqlash tizimi xodimlarining kompyuter savodxonligini oshirish maqsadida ularni oʻqitish boʻyicha dastur ishlab chiqsin;

reja-jadvalga asosan IT operatorlar hamda boshqa sogʻliqni saqlash tizimi xodimlarining kompyuter savodxonligini oshirish maqsadida ularni tuman (shahar) IT markazlarida bepul oʻqitish mashgʻulotlarini tashkil etsin.

Belgilansinki, 2026-yil 1-iyundan boshlab tibbiyot muassasalarining IT operatorlariga Oʻzbekiston Respublikasi Prezidentining 2018-yil 19-fevraldagi “Axborot texnologiyalari va kommunikatsiyalari sohasini yanada takomillashtirish chora-tadbirlari toʻgʻrisida”gi PF-5349-son Farmoni 7-bandi “g” kichik bandida nazarda tutilgan ustama tatbiq etiladi hamda tibbiyot muassasalarining IT operatorlariga tibbiyot brigadalari amaliyotchi hamshiralari uchun belgilangan mehnatga haq toʻlash shartlari tatbiq etiladi.

7. Sogʻliqni saqlash vazirligi (A. Azizov) Axborot texnologiyalari va kommunikatsiyalarini rivojlantirish vazirligi (O. Pekos), boshqa manfaatdor vazirlik va idoralar bilan birgalikda 2021-yil 1-sentabrga qadar sohada katta tajribaga ega boʻlgan mahalliy va xorijiy mutaxassislar hamda tashkilotlarni jalb etgan holda Sogʻliqni saqlash sohasini 2025-yilgacha raqamlashtirish (E-health-2025) strategiyasini va uni amalga oshirishga doir yillar boʻyicha “Yoʻl xaritasi”ni tasdiqlashni nazarda tutuvchi Oʻzbekiston Respublikasi Prezidentining qarori loyihasini Vazirlar Mahkamasiga kiritsin.

8. Davlat tibbiyot muassasalarini 2021 — 2023-yillarda zamonaviy kompyuter jihozlari bilan taʼminlash reja-jadvali 1-ilovaga muvofiq tasdiqlansin.

Moliya vazirligi (T. Ishmetov) 2021-yil yakuniga qadar 17 400 ta zamonaviy kompyuter jihozlarini xarid qilish bilan bogʻliq mablagʻlar xalqaro moliya institutlari mablagʻlari hisobidan, yetmagan qismi esa har yili Davlat budjetida Sogʻliqni saqlash vazirligi uchun koʻzda tutilgan mablagʻlar doirasida amalga oshirilishini nazarda tutsin.

Sogʻliqni saqlash vaziri oʻrinbosari (A. Azizov)ga tizimni raqamlashtirish uchun zamonaviy kompyuter va axborot texnika vositalarini eng yaxshi takliflarni tanlab olish yoʻli bilan xarid qilishga, istisno tariqasida, ruxsat berilsin.

9. Belgilab qoʻyilsinki:

Sogʻliqni saqlash vazirligida markazlashgan xaridlar natijasida iqtisod qilingan budjet mablagʻlari tibbiyot sohasini raqamlashtirishga qaratilgan loyihalarni amalga oshirish va kengaytirish, IT-sohasidagi yetakchi mahalliy va xorijiy mutaxassislar hamda kompaniyalarni jalb qilishga yoʻnaltiriladi;

Sogʻliqni saqlash vazirligi tizimini isloh qilishga ajratiladigan xalqaro moliya institutlari va xorijiy hukumat moliyaviy tashkilotlari mablagʻlari hisobidan moliyalashtiriladigan loyihalarda tovarlar (ishlar, xizmatlar)ni davlat xarid komissiyasi tarkibi Vazirlar Mahkamasi tomonidan tasdiqlanadi.

10. 2021-yil 1-iyuldan boshlab tuman (shahar) tibbiyot birlashmalarida kompyuter jihozlari boʻyicha texnik xodim lavozimlari kompyuter texnikasi xizmati boʻyicha muhandis lavozimlariga almashtirilsin hamda ular zimmasiga zamonaviy axborot texnologiyalari va kommunikatsiyalarini joriy qilish hamda rivojlantirish vazifalari yuklansin.

Bunda, kompyuter texnikasi xizmati boʻyicha muhandislarga beriladigan har oylik ustama miqdori xodim lavozim maoshidan 100 foizdan kam boʻlmagan miqdorda belgilanadi.

11. Sogʻliqni saqlash vazirligi Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda davlat tibbiy sugʻurtasi tizimi joriy etilishini tezlashtirish maqsadida 2021-yil 1-avgustdan boshlab boshqa hududlarda ham bosqichma-bosqich quyidagi chora-tadbirlarni amalga oshirsin:

tibbiy jihozlar, buyumlar, kompyuter texnikasi va boshqa vositalarni xatlovdan oʻtkazish, shuningdek, tibbiy xodimlar roʻyxatini shakllantirish;

tibbiyot muassasalarini kafolatlangan paketga kiritilgan tibbiy xizmatlarni koʻrsatish uchun zarur boʻladigan tibbiy texnika bilan jihozlash;

oilaviy shifokor yoʻllanmasi asosida kafolatlangan paketga kiritilgan bepul tibbiy xizmatlar koʻrsatish tizimini tashkil etish.

Bosh vazir oʻrinbosari B.A. Musayev, Moliya vazirligi (T. Ishmetov) va Sogʻliqni saqlash vazirligi (A. Azizov) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda tibbiy sugʻurta tizimining alohida elementlarini boshqa hududlarda joriy qilishni boshlash yuzasidan aniq taklif kiritsin.

12. Belgilansinki, 2021-yil 1-iyuldan boshlab ish staji besh yil boʻlmagan oliy maʼlumotli tibbiyot xodimlarini nodavlat tibbiyot tashkilotlariga ishga qabul qilish bilan bogʻliq talablar davlat tibbiyot muassasalariga tenglashtiriladi.

Sanitariya-epidemiologik osoyishtalik va jamoat salomatligi xizmati (B. Yusupaliyev) bir oy muddatda nodavlat tibbiyot tashkilotlari faoliyatini tashkil etishda bino va inshootlarga belgilangan sanitariya qoidalari, normalari va gigiyena normativlarini xalqaro standartlardan kelib chiqib, qayta koʻrib chiqsin.

13. 2021-2022-yillarda Qoraqalpogʻiston Respublikasi, viloyatlar va Toshkent shahrida respublika ixtisoslashtirilgan ilmiy-amaliy tibbiyot markazlari filiallarini tashkil etish reja-jadvali 2-ilovaga muvofiq tasdiqlansin.

Belgilansinki:

a) yangi tashkil qilinayotgan filiallar Qoraqalpogʻiston Respublikasi, viloyatlar va Toshkent shahar tibbiyot muassasalarining negizida, ularning amaldagi shtat birliklari va ajratilgan mablagʻlar doirasida, shuningdek, yuridik shaxs maqomga ega boʻlmagan asosda tashkil qilinadi;

b) sogʻliqni saqlash vaziri oʻrinbosari U. Sobirov va respublika ixtisoslashtirilgan markazlari rahbarlari filiallar tomonidan:

kasalliklarni joylarda barvaqt aniqlash, profilaktik chora-tadbirlarni amalga oshirish, mahorat darslarini oʻtkazish;

diagnostika va davolashning zamonaviy usullarini joriy etish, yuqori sifatli tibbiy xizmatlarni koʻrsatish, shu jumladan teletibbiyotni joriy etish va rivojlantirish;

kasalliklar registrini yaratish, ilmiy tadqiqotlarni olib borish va amaliyotga tatbiq etish, shuningdek, ular faoliyatiga oid boshqa masalalarni (tibbiy jihozlar va asbob-uskunalar bilan taʼminlash, malakali mutaxassislar bilan toʻldirish) hal qilish yuzasidan shaxsan masʼul hisoblanadi.

14. Sogʻliqni saqlash vazirligi (E. Basitxanova):

a) 2021-yil 1-avgustdan boshlab Qoraqalpogʻiston Respublikasi, viloyatlar va Toshkent shahrida perinatal va skrining markazlari hamda birlamchi tibbiy-sanitariya muassasalaridagi onalar va bolalar salomatligiga masʼul tuzilmalar (“Ayollar maslahatxonasi”, prenatal skrining xonasi, “tibbiyot brigadalari” tarkibidagi oilaviy shifokor, pediatr va boshqalar)ning homilador ayolni kompleks kuzatuvi boʻyicha quyidagi chora-tadbirlarni nazarda tutuvchi oʻzaro hamkorlik va muvofiqlashtirilishini taʼminlovchi yagona tizimni joriy etsin:

homilador ayolning kompleks kuzatuvi yagona maʼlumotlar bazasini yaratish;

perinatal va skrining markazlari hamda birlamchi tibbiy-sanitariya muassasalaridagi onalar va bolalar salomatligiga masʼul tuzilmalar tomonidan yagona maʼlumotlar bazasiga zarur maʼlumotlarni kiritish, shuningdek, homilador ayollarning tibbiy kartasini yuritish;

shakllangan maʼlumotlarga asosan homilador ayollarga zarur maslahatlarni berish;

b) sogʻliqni saqlash vazirining oʻrinbosari A. Azizov bilan birgalikda homilador ayolni eng erta muddatlarda hisobga olinishi, uning har kungi holatidagi oʻzgarishlarni kompleks nazorat qilib borish uchun 2021-yil yakuniga qadar yagona elektron baza yaratilishini taʼminlasin;

v) Maktabgacha taʼlim vazirligi (A. Shin) va Xalq taʼlimi vazirligi (Sh. Shermatov) bilan birgalikda ikki oy muddatda maktabgacha taʼlim tashkilotlari va maktablarda toʻgʻri ovqatlanishni yoʻlga qoʻyish maqsadida 2021/2022 oʻquv yilidan boshlab yangilangan ovqatlanish ratsionini hamda ushbu yoʻnalish bilan shugʻullanuvchi tadbirkorlik subyektlariga boʻlgan talablarni tasdiqlasin va amaliyotga kiritsin. Bunda, bolalarning sogʻligʻiga zarar va rivojlanishiga salbiy taʼsir koʻrsatadigan barcha oziq-ovqat mahsulotlarini maktabgacha taʼlim tashkilotlari va maktablar hududida sotishga cheklovlar qoʻyilsin.

Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi (B. Yusupaliyev) maktabgacha taʼlim tashkilotlari va maktablarda bolalarning sogʻlom va xavfsiz ovqatlanishini taʼminlash maqsadida belgilangan sanitariya qoidalari, normalari va gigiyena normativlariga soʻzsiz rioya etilishi ustidan nazoratni kuchaytirsin.

15. Moliya vazirligi (T. Ishmetov):

onalar va bolalar, reproduktiv yoshdagi ayollar salomatligini taʼminlash uchun zarur dori va tibbiyot vositalari (“K” vitamin, surfaktant va boshqalar) bilan qoʻshimcha taʼminlash uchun Davlat budjetidan 2021-yilda 26 milliard soʻm ajratsin, 2022-yildan boshlab mazkur banddagi xarajatlar uchun zarur mablagʻlarni Davlat budjeti parametrlarida koʻzda tutsin;

bolalar tibbiyot va tugʻuruq muassasalarida yuqori texnologik laborator uskunalaridan toʻlaqonli va samarali foydalanish maqsadida 2022-yildan boshlab Davlat budjetidan reaktiv, reagentlar, sarflov anjomlari hamda servis xizmatlar uchun qoʻshimcha 8 milliard soʻm ajratsin.

16. Sogʻliqni saqlash sohasida amalga oshirilayotgan islohotlarni tezlashtirish boʻyicha “Yoʻl xaritasi” 3-ilovaga muvofiq tasdiqlansin.

17. Sogʻliqni saqlash vazirligining Oʻzbekiston Respublikasi sogʻliqni saqlash tizimini 2030-yilgacha rivojlantirish strategiyasini xalqaro ekspertlar va tashkilotlar bilan birgalikda ishlab chiqish toʻgʻrisidagi taklifi qabul qilinsin.

Vazirlar Mahkamasi, Moliya vazirligi Sogʻliqni saqlash vazirligining asoslantirilgan buyurtmalariga koʻra Vazirlar Mahkamasining zaxira jamgʻarmasi mablagʻlari hisobidan “Sogʻliqni saqlash strategiyasi — 2030”ni ishlab chiqish, xorijiy va mahalliy ekspertlar hamda tashkilotlarni jalb qilish bilan bogʻliq xarajatlarni moliyalashtirish choralarini koʻrsin.

171. Sogʻliqni saqlash vaziriga ushbu qarorga muvofiq sogʻliqni saqlash vaziri oʻrinbosarlari oʻrtasida taqsimlangan vazifalar va funksiyalarni, zarur hollarda qayta taqsimlash huquqi berilsin.

18. Oʻzbekiston Respublikasi Prezidenti maslahatchisining birinchi oʻrinbosari L.N. Toʻychiyev Sogʻliqni saqlash vazirligi (A. Xadjibayev), Davlat xizmatini rivojlantirish agentligi (A. Xasanov) bilan birgalikda bir oy muddatda sogʻliqni saqlash vaziri oʻrinbosarlari, hududiy sogʻliqni saqlash boshqarmalari boshliqlari faoliyatini baholash tizimini joriy etsin hamda har yarim yil yakuni bilan tegishli takliflarni kiritib borsin.

Bunda, natija koʻrsatgan, xizmat sifatini yaxshilab, aholini rozi qilgan rahbarlarni tegishli Sogʻliqni saqlash vazirligi tizimi tashkilotlari mablagʻlari hisobidan ragʻbatlantirish hamda ishlarni qoniqarsiz tashkil etgan masʼul kadrlarga chora koʻrish belgilansin.

19. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar 4-ilovaga muvofiq kiritilsin.

20. Sogʻliqni saqlash vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

21. Ushbu qarorning ijrosini samarali tashkil etishga masʼul va shaxsiy javobgar etib sogʻliqni saqlash vaziri A.M. Xadjibayev, uning oʻrinbosarlari A.Sh. Inoyatov, A.A. Azizov, U.Yu. Sobirov, E.I. Basitxanova, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

22. Mazkur qarorning oʻz vaqtida va natijali ijro etilishini nazorat qilish Oʻzbekiston Respublikasi Bosh vazirining oʻrinbosari B.A. Musayev va Oʻzbekiston Respublikasi Prezidenti maslahatchisining birinchi oʻrinbosari L.N. Toʻychiyev zimmasiga yuklansin.

Amalga oshirilayotgan chora-tadbirlar natijadorligi yuzasidan har chorakda Oʻzbekiston Respublikasi Prezidentiga axborot berib borilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 25-may,

PQ-5124-son

Oʻzbekiston Respublikasi Prezidentining 2021-yil 25-maydagi PQ-5124-son qaroriga 1-ILOVA

Davlat tibbiyot muassasalarini 2021 — 2023-yillarda zamonaviy kompyuter jihozlari bilan taʼminlash

reja-jadvali

Fazalar Muddat Kompyuter jihozlari soni Oluvchilar 1-faza 2021-yil 17 400 ta Oilaviy shifokor punktlari, oilaviy poliklinikalar va tuman (shahar) koʻp tarmoqli markaziy poliklinikalar 2-faza 2022-yil 16 100 ta Davolash-profilaktika muassasalari va tuman (shahar) shifoxonalari 3-faza 2023-yil 12 400 ta Viloyat va respublika shifoxonalari Jami 45 900

Oʻzbekiston Respublikasi Prezidentining 2021-yil 25-maydagi PQ-5124-son qaroriga 2-ILOVA

2021-2022-yillarda Qoraqalpogʻiston Respublikasi, viloyatlar va Toshkent shahrida respublika ixtisoslashtirilgan ilmiy-amaliy tibbiyot markazlari filiallarini tashkil etish

reja-jadvali

T/r Markazlar nomi Qoraqalpogʻiston respublikasi Andijon viloyati Buxoro viloyati Jizzax viloyati Qashqadaryo viloyati Navoiy viloyati Namangan viloyati Samarqand viloyati Surxondaryo viloyati Sirdaryo viloyati Toshkent viloyati Fargʻona viloyati Xorazm viloyati Toshkent shahri Jami 1. Respublika ixtisoslashtirilgan endokrinologiya ilmiy-amaliy tibbiyot markazi 1 1 1 1 1 5 2. Respublika ixtisoslashtirilgan kardiologiya ilmiy-amaliy tibbiyot markazi 1 1 1 3 3. Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi 1 1 4. Respublika ixtisoslashtirilgan travmatologiya va ortopediya ilmiy-amaliy tibbiyot markazi 1 1 1 1 1 1 1 1 1 9 5. Respublika ixtisoslashtirilgan xirurgiya ilmiy-amaliy tibbiyot markazi 1 1 1 1 4 6. Respublika ixtisoslashtirilgan neyroxirurgiya ilmiy-amaliy tibbiyot markazi 1 1 1 1 1 1 1 1 1 1 10 7. Respublika koʻz mikroxirurgiyasi ixtisoslashtirilgan ilmiy-amaliy tibbiyot markazi 1 1 1 1 1 1 1 1 1 1 10 8. Respublika allergologiya ilmiy-ixtisoslashtirilgan markazi 1 1 1 1 4 9. Respublika ixtisoslashtirilgan nefrologiya va buyrak transplantatsiyasi ilmiy-amaliy tibbiyot markazi 1 1 1 1 1 1 1 1 1 1 1 1 12 10. Respublika ixtisoslashtirilgan urologiya ilmiy-amaliy tibbiyot markazi 1 1 1 1 1 1 1 1 1 1 10 11. Respublika ixtisoslashtirilgan narkologiya ilmiy-amaliy tibbiyot markazi 1 1 1 1 1 1 1 1 1 1 1 1 1 13 12. Respublika ixtisoslashtirilgan gematologiya ilmiy-amaliy tibbiyot markazi 1 1 1 1 1 1 1 1 1 1 10 Jami 5 9 3 7 7 11 8 6 1 8 7 7 3 9 91

Oʻzbekiston Respublikasi Prezidentining 2021-yil 25-maydagi PQ-5124-son qaroriga 3-ILOVA

Sogʻliqni saqlash sohasida amalga oshirilayotgan islohotlarni tezlashtirish boʻyicha

“Yoʻl xaritasi”

T/r Chora-tadbirlar nomi Amalga oshirish mexanizmi Ijro muddati Masʼul tashkilotlar I. Sogʻliqni saqlash tizimini tashkillashtirish (A. Xadjibayev) 1. Oliy tibbiy taʼlim muassasalarida budjetdan tashqari hamda xalqaro moliya tashkilotlarining mablagʻlari hisobidan oʻquv-simulyatsion markazlarni zamonaviy oʻquv-amaliy jihozlar bilan taʼminlash. 1. Oliy tibbiy taʼlim muassasalaridagi oʻquv-simulyatsion markazlarni inventarizatsiyadan oʻtkazish hamda qoʻshimcha jihozlash ehtiyojini aniqlash. 2. Oliy tibbiy taʼlim muassasalarining toʻlov- kontrakt asosida tushadigan mablagʻlari, budjetdan tashqari hamda xalqaro moliya tashkilotlarining mablagʻlari hisobidan oʻquv-simulyatsion markazlarini zamonaviy oʻquv-amaliy jihozlar bilan taʼminlash boʻyicha Vazirlar Mahkamasiga taklif kiritish. 3. Oʻquv-simulyatsion markazlarini zamonaviy oʻquv-amaliy jihozlar bilan taʼminlash. 2021-yil sentabr Sogʻliqni saqlash vazirligi, Oliy va oʻrta maxsus taʼlim vazirligi, Investitsiyalar va tashqi savdo vazirligi 2. Oliy tibbiy taʼlim muassasalaridagi eksperimental laboratoriyalar faoliyatini takomillashtirish va moddiy-texnika bazasini mustahkamlash. Oliy tibbiy taʼlim muassasalaridagi eksperimental laboratoriyalar moddiy-texnika bazasini oliy taʼlim muassasalarining toʻlov- kontrakt asosida tushadigan mablagʻlari, budjetdan tashqari hamda xalqaro moliya institutlari mablagʻlari hisobidan mustahkamlash. 2021-yil sentabr Sogʻliqni saqlash vazirligi, Oliy va oʻrta maxsus taʼlim vazirligi 3. Oliy tibbiy taʼlim muassasalarining klinik kafedralarini respublika ixtisoslashtirilgan ilmiy-amaliy tibbiyot markazlari bazasida joylashtirish. 1. Oliy tibbiy taʼlim muassasalarining klinik kafedralarini respublika ixtisoslashtirilgan ilmiy-amaliy tibbiyot markazlari bazasida joylashtirish. 2. Kafedralarni zarur jihozlar, mebel, inventarlar hamda samarali ish olib borishi uchun boshqa kerakli moddiy-texnika vositalari, metodik materiallar bilan taʼminlash. 3. Kafedralarni yuqori malakali va tajribali mutaxassislar bilan toʻldirish. 2021-yil sentabr Sogʻliqni saqlash vazirligi 4. Sogʻliqni saqlash tizimidagi har bir rahbarlik lavozimini bugungi islohotni tushunadigan, malakali, faol va oʻzgarish qilishga qodir boʻlgan kadrlar bilan taʼminlash. 1. Sogʻliqni saqlash tizimidagi rahbar kadrlar roʻyxatlarini shakllantirish. 2. Sogʻliqni saqlash tizimidagi rahbar kadrlar zaxirasini shakllantirish. 3. Rahbarlik lavozimini bugungi islohotni tushunadigan, malakali, faol va oʻzgarish qilishga qodir boʻlgan malakali kadrlar bilan taʼminlash choralarini koʻrish. 2021-yil avgust Vazirlar Mahkamasi, Sogʻliqni saqlash vazirligi, Davlat xizmatini rivojlantirish agentligi 5. Kadrlarni tayyorlash va qayta oʻqitish yoʻnalishlariga yangicha yondashuvni joriy etish maqsadida respublikada faoliyat yuritayotgan 11 ta tibbiyot oliygohlari hamda Tibbiyot xodimlarining kasbiy malakasini rivojlantirish markazini transformatsiya qilish boʻyicha aniq choralarni koʻrish. 1. Oliy tibbiy taʼlim muassasalari faoliyatini yanada takomillashtirish boʻyicha tegishli normativ-huquqiy hujjat loyihalarini ishlab chiqish va kiritish. 2021-yil iyul Sogʻliqni saqlash vazirligi, Oliy va oʻrta maxsus taʼlim vazirligi, Taʼlim sifatini nazorat qilish inspeksiyasi, Toshkent tibbiyot akademiyasi 2. Toshkent tibbiyot akademiyasida ilgʻor xorijiy tajriba asosida, tibbiyot sohasida boshqaruvchilar hamda yuqori texnologik uskunalar bilan ishlaydigan mutaxassislar tayyorlash boʻyicha yangi yoʻnalishlarni tashkil etish. 3. Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish jamgʻarmasi mablagʻlari hisobidan ordinatura va magistraturada oʻqiyotgan 30 nafar iqtidorli yoshlarni nufuzli xorijiy tibbiyot markazlarida malaka oshirishga yuborish choralarini koʻrish. 4. Toshkent tibbiyot akademiyasiga Yevropa va boshqa rivojlangan davlatlardan professor-oʻqituvchilarni jalb qilish. 2021-2022-yillar davomida 6. Xorijiy davlatlarda faoliyat olib borayotgan 500 nafar vatandoshlarni Oʻzbekistonga qaytarish choralarini koʻrish. 1. Xorijiy davlatlarda faoliyat olib borayotgan vatandoshlar roʻyxatini shakllantirish. 2. Ularni Oʻzbekistonga qaytarish choralarini koʻrish. 3. Vatandoshlarni uy-joy bilan taʼminlash va zarur shart-sharoitlar yaratish, ijtimoiy hamda moddiy qoʻllab-quvvatlash choralarini koʻrish. 2021-2022-yillar davomida Sogʻliqni saqlash vazirligi, Tashqi ishlar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari II. Birlamchi tibbiy-sanitariya muassasalari faoliyatini tashkillashtirish (A. Inoyatov) 7. Issiq suv bilan taʼminlash maqsadida har bir oilaviy shifokor punktlari va oilaviy poliklinikalarni quyosh kollektorlari bilan jihozlash. 1. Har bir oilaviy shifokor punkti va oilaviy poliklinikalarni inventarizatsiyadan oʻtkazish va ehtiyojni aniqlash. 2. Har bir oilaviy shifokor punkti va oilaviy poliklinikalarni quyosh kollektorlari bilan jihozlash reja-grafiklari va dasturlarni ishlab chiqish hamda tasdiqlash. 3. Oilaviy shifokor punkti va oilaviy poliklinikalarni quyosh kollektorlari bilan jihozlash. 2021-yil oktabr Sogʻliqni saqlash vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 8. Har bir oilaviy shifokor punktlari va oilaviy poliklinikalarni toza ichimlik suvi bilan taʼminlash. 1. Har bir oilaviy shifokor punkti va oilaviy poliklinikalarni inventarizatsiyadan oʻtkazish va toza ichimlik suviga boʻlgan ehtiyojini aniqlash. 2. Oilaviy shifokor punkti va oilaviy poliklinikalarni toza ichimlik suvi bilan taʼminlash reja-grafiklari va dasturlarni ishlab chiqish hamda tasdiqlash. 3. Oilaviy shifokor punkti va oilaviy poliklinikalarni toza ichimlik suvi bilan taʼminlash. 2021-2022-yillar davomida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi, Moliya vazirligi 9. “Tibbiyot brigadalari”ga biriktirilgan 50 ming oʻrta tibbiyot xodimlarining Jahon sogʻliqni saqlash tashkiloti tavsiyalari asosida malaka oshirishini taʼminlash. 1. Oʻrta tibbiyot xodimlarini malaka oshirish reja-jadvalini tasdiqlash. 2. Jahon sogʻliqni saqlash tashkiloti bilan hamkorlik oʻrnatish. 3. Reja-jadvalga asosan oʻrta tibbiyot xodimlarining malakasini oshirish. 2021-yil yakuniga qadar Sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 10. Sogʻliqni saqlashning birlamchi boʻgʻinida amalga oshirilayotgan islohotlarning mazmun-mohiyatini, aholi salomatligini taʼminlash bilan bogʻliq tadbirlarni ommaviy axborot vositalarida keng yoritish ishlarini tashkil etish. Birlamchi tibbiy-sanitariya muassasalari tomonidan tibbiy xizmatlarni koʻrsatish, tibbiy profilaktika va patronajni tashkil etish, sogʻlom turmush tarzini shakllantirish borasida olib borilayotgan ishlar boʻyicha media-reja ishlab chiqish va ijrosini taʼminlash. 2021-yil iyul Sogʻliqni saqlash vazirligi, Axborot va ommaviy kommunikatsiyalar agentligi, Oʻzbekiston Milliy axborot agentligi, Oʻzbekiston Milliy teleradiokompaniyasi III. Tibbiyot sohasida raqamlashtirish, moliyalashtirish, davlat-xususiy sheriklikni joriy qilish va rivojlantirish (A. Azizov) 11. Sogʻliqni saqlash sohasini raqamlashtirish ishlarini jadallashtirish va sifatini oshirish. Sogʻliqni saqlash sohasini raqamlashtirish ishlarini jadallashtirish va sifatini oshirish maqsadida xalqaro moliya institutlari va tashkilotlarining mablagʻlarini jalb etish boʻyicha taklif tayyorlash va Vazirlar Mahkamasiga kiritish. 2021-yil oktabr Sogʻliqni saqlash vazirligi, Investitsiyalar va tashqi savdo vazirligi, Moliya vazirligi 12. Germaniyaning “KFW” bankining 45 million yevro miqdoridagi imtiyozli kreditlarini jalb etish choralarini koʻrish. Germaniyaning “KFW” bankining 45 million yevro miqdoridagi imtiyozli kreditlarini jalb etish boʻyicha Hukumat qarori loyihasini tayyorlash va oʻrnatilgan tartibda kiritish. 2022-yil 1-aprel Sogʻliqni saqlash vazirligi, Moliya vazirligi, Investitsiyalar va tashqi savdo vazirligi 13. Nodavlat tibbiyot tashkilotlari tomonidan “Elektron sogʻliqni saqlash” axborot tizimi yagona kompleksi doirasida faoliyatlari yuzasidan tibbiy hisobot shakllari boʻyicha har chorakda elektron hisobot taqdim etish mexanizmini joriy qilish. 1. Davlat va nodavlat tibbiyot muassasalari tomonidan elektron shaklda topshiriladigan tibbiy hisobot shakllari va tartibini ishlab chiqish. 2021-yil iyul Sogʻliqni saqlash vazirligi 2. “Elektron sogʻliqni saqlash” axborot tizimi yagona kompleksi doirasida tibbiy hisobot shakllari boʻyicha hisobotlarni qabul qiluvchi axborot tizimini joriy qilish. 2021-yil yakuniga qadar 3. Barcha davlat va nodavlat tibbiyot muassasalariga tibbiy hisobot shakllari boʻyicha hisobotlarni qabul qiluvchi axborot tizimiga ulanish uchun imkoniyat yaratish. 4. Tibbiy hisobot shakllari boʻyicha hisobotlarni qabul qiluvchi axborot tizimini joriy qilish va keyingi kuzatuvini taʼminlash va rivojlantirish uchun ajratilgan budjet mablagʻlari, Sogʻliqni saqlash vazirligining budjetdan tashqari mablagʻlari, xalqaro moliya institutlarining kreditlari va grantlari, shuningdek, qonunchilik hujjatlarida taqiqlanmagan boshqa manbalarni yoʻnaltirish. 2022-yil 1-yanvardan boshlab 14. Sogʻliqni saqlash sohasida davlat-xususiy sheriklik loyihalarini amalga oshirishda muddatlarni qisqartirish. ?zbekiston Respublikasi Prezidentining 2019-yil 16-apreldagi “Sogʻliqni saqlash sohasida davlat-xususiy sheriklikni rivojlantirish chora-tadbirlari toʻgʻrisida”gi PQ-4290-son qarori va boshqa hujjatlarga oʻzgartirish va qoʻshimchalar kiritish boʻyicha belgilangan tartibda Vazirlar Mahkamasiga taklif kiritish. 2021-yil iyul Moliya vazirligi, Adliya vazirligi, Sogʻliqni saqlash vazirligi 15. Tibbiyot muassasalarida xalqaro moliya institutlari va xorijiy hukumat moliya tashkilotlari kreditlari va grantlari hisobidan olingan tibbiy uskuna va jihozlardan foydalanish samaradorligini oshirish, ularga servis xizmatlarini koʻrsatish tizimini takomillashtirish. 1. Bosh vazir oʻrinbosari (B. Musayev) rahbarligida komissiya tashkil etish. 2. Tibbiy uskuna va jihozlarni toʻliq xatlovdan oʻtkazish. 3. Tibbiy uskuna va jihozlardan foydalanish samaradorligini oshirish, ularga servis xizmatlarini koʻrsatish tizimini takomillashtirish yuzasidan Oʻzbekiston Respublikasi Prezidenti Administratsiyasiga taklif kiritish. 2021-yil avgust Vazirlar Mahkamasi, Sogʻliqni saqlash vazirligi, Investitsiyalar va tashqi savdo vazirligi IV. Ixtisoslashtirilgan tibbiy yordam koʻrsatishni yanada rivojlantirish (U. Sobirov) 16. Respublika ixtisoslashtirilgan ilmiy-amaliy tibbiyot markazlarining 30 nafar mutaxassislarini xorijiy davlatlarda malaka oshirishini taʼminlash. 1. Respublika ixtisoslashtirilgan ilmiy-amaliy tibbiyot markazlarining 30 nafar malakali va yosh mutaxassislarini xorijiy davlatlarda malaka oshirish grafiklarini shakllantirish. 2. 30 nafar mutaxassislarni markazlarning oʻz mablagʻlari hisobidan xorijiy davlatlarda malaka oshirishini taʼminlash. 2021-yil avgust Sogʻliqni saqlash vazirligi, respublika ixtisoslashtirilgan ilmiy-amaliy tibbiyot markazlari 17. Respublika ixtisoslashtirilgan ilmiy-amaliy tibbiyot markazlari faoliyatini isloh qilish, ularning birlamchi tibbiy-sanitariya muassasalari bilan integratsiyasini taʼminlash, ixtisoslashtirilgan tibbiy xizmatni quyi boʻgʻinga qadar yetkazish boʻyicha yangi mexanizmni joriy etish. 1. Respublika ixtisoslashtirilgan ilmiy-amaliy tibbiyot markazlari faoliyatini isloh qilish, birlamchi boʻgʻin tibbiyot muassasasi tartibidagi integratsiyasini taʼminlash, ixtisoslashtirilgan tibbiy xizmatni quyi boʻgʻinga qadar yetkazish boʻyicha yangi mexanizmni joriy etish boʻyicha takliflar tayyorlash. 2. Tibbiyot sohasi birlamchi boʻgʻini faoliyatini takomillashtirish boʻyicha taqdimot qilish. 2021-yil iyul Sogʻliqni saqlash vazirligi, respublika ixtisoslashtirilgan ilmiy-amaliy tibbiyot markazlari 18. Respublika ixtisoslashtirilgan ilmiy-amaliy tibbiyot markazlariga xorijiy davlatlardan tibbiyot boshqaruvi ekspertlarini jalb qilish choralarini koʻrish. 1. Yevropa davlatlari, Koreya, Rossiya, Turkiya singari davlatlardan tibbiyot boshqaruvi ekspertlari bilan muzokaralar olib borish. 2. Respublika ixtisoslashtirilgan ilmiy-amaliy tibbiyot markazlariga Yevropa davlatlari, Koreya, Rossiya, Turkiya singari davlatlardan tibbiyot boshqaruvi ekspertlarini jalb qilish choralarini koʻrish. 2021-yil yakuniga qadar Vazirlar Mahkamasi, Sogʻliqni saqlash vazirligi 19. Tor doiradagi xizmatlar yoʻlga qoʻyiladigan hududiy tibbiyot muassasalarini angiograf, laparoskop, sunʼiy qon aylantirish kabi yuqori texnologik uskunalar va tibbiyot vositalari bilan taʼminlash. 1. Hududiy tibbiyot muassasalari moddiy-texnika bazasini inventarizatsiyadan oʻtkazish, yuqori texnologik uskunalar va tibbiyot vositalariga ehtiyojni aniqlash. 2. Yuqori texno?ogik uskunalar va tibbiyot vositalari bilan taʼminlashga mahalliy budjet hisobidan zarur mablagʻlarni ajratish. 3. Yuqori texnologik uskunalar va tibbiyot vositalari bilan taʼminlash. 2021-yil iyun Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi V. Onalik va bolalikni muhofaza qilish (E. Basitxanova) 20. Oʻsmir qizlarni sogʻlom onalikka tayyorlashdan boshlab, homiladorlik, irsiy kasalliklarning oldini olish, tugʻuruq va undan keyingi davrgacha boʻlgan barcha jarayonlarda kompleks qamrab olish. 1. Oʻsmir qizlarni tibbiy koʻrikdan oʻtkazish uchun “mobil skrining brigadalari”ni tashkil etish. 2. Tez tibbiy yordam maxsus avtotransportlarni xarid qilish natijasida foydalanishdan chiqarilayotgan tez tibbiy yordam mashinalari hisobidan “mobil skrining brigadalari” avtotransport vositasi bilan taʼminlash va ularni zarur uskunalar (portativ ultratovush apparati va boshqalar) bilan jihozlash choralarini koʻrish. 2021-yil yakuniga qadar Sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi

Oʻzbekiston Respublikasi Prezidentining 2021-yil 25-maydagi PQ-5124-son qaroriga 4-ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar

2. Oʻzbekiston Respublikasi Prezidentining 2020-yil 10-fevraldagi “Oʻzbekiston Respublikasida gematologiya va transfuziologiya xizmatlarini rivojlantirish hamda onkogematologik va davolash qiyin boʻlgan kasalliklarga chalingan shaxslarni yanada qoʻllab-quvvatlash chora-tadbirlari toʻgʻrisida”gi PQ-4592-son qarori 6 va 7-bandlari hamda qarorga 1-ilovaning 4-pozitsiyasi oʻz kuchini yoʻqotgan deb hisoblansin.

3. Oʻzbekiston Respublikasi Prezidentining 2020-yil 2-oktabrdagi “Sogʻliqni saqlash sohasida davlat boshqaruvi tizimini yanada takomillashtirish chora-tadbirlari toʻgʻrisida”gi PQ-4847-son qarori 3, 4 va 5-ilovalarining matni quyidagi tahrirda bayon etilsin:

“Qoraqalpogʻiston Respublikasi Sogʻliqni saqlash vazirligi

TUZILMASI

Vazir Ichki audit va moliyaviy nazorat xizmati 2 Vazirning tibbiy yordamni tashkillashtirish boʻyicha birinchi oʻrinbosari Vazirning onalik va bolalikni muhofaza qilish hamda reproduktiv salomatlik boʻyicha oʻrinbosari Vazirning raqamlashtirish va davlat-xususiy sheriklik boʻyicha oʻrinbosari Qoraqalpogʻiston Respublikasi Sanitariya-epidemiologik osoyishtalik va jamoat salomatligi boshqarmasi Tibbiy xizmat sifatini nazorat qilish boʻlimi 3 Davolash-profilaktika yordamini va sogʻliqni saqlash koʻrsatgichlari tahlilini tashkillashtirish boʻlimi 5 Onalar va bolalarga tibbiy yordamni tashkillashtirish boʻlimi 3 Sogʻliqni saqlash tizimini raqamlashtirish sektori 2 Sogʻliqni saqlash tizimi infratuzilmasini rivojlantirish va qurilishini tashkillashtirish boʻlimi 3 Litsenziyalash va akkreditatsiyalash sektori 1 Nodavlat tibbiyot tashkilotlari Davlat-xususiy sheriklikni rivojlantirish boʻyicha bosh mutaxassis 1 Kadrlar boʻyicha bosh mutaxassis 1 Davlat tibbiyot tashkilotlarida dori vositalari va tibbiy buyumlarga boʻlgan ehtiyojni shakllantirish boʻyicha bosh mutaxassis 1 Bosh yuriskonsult 1 Moliyaviy va iqtisodiy xizmat 2 Ikkinchi boʻlim 2 Tuman (shahar) tibbiyot birlashmalari

Boshqaruv xodimlarining cheklangan soni — 31 nafar.

Viloyatlar sogʻliqni saqlash boshqarmalarining

namunaviy tuzilmasi

Boshliq Ichki audit va moliyaviy nazorat xizmati 1 — 3 Boshliqning tibbiy yordamni tashkillashtirish boʻyicha birinchi oʻrinbosari Boshliqning onalik va bolalikni muhofaza qilish hamda reproduktiv salomatlik boʻyicha oʻrinbosari Boshliqning raqamlashtirish va davlat-xususiy sheriklik boʻyicha oʻrinbosari Sanitariya-epidemiologik osoyishtalik va jamoat salomatligi boshqarmalari Tibbiy xizmat sifatini nazorat qilish boʻlimi 3 Davolash-profilaktika yordamini va sogʻliqni saqlash koʻrsatgichlari tahlilini tashkillashtirish boʻlimi 4-5 Onalar va bolalarga tibbiy yordamni tashkillashtirish boʻlimi 1-2 Sogʻliqni saqlash tizimini raqamlashtirish sektori 2 Sogʻliqni saqlash tizimi infratuzilmasini rivojlantirish va qurilishini tashkillashtirish boʻlimi 2 — 4 Litsenziyalash va akkreditatsiyalash sektori 1 Nodavlat tibbiyot tashkilotlari Davlat-xususiy sheriklikni rivojlantirish boʻyicha bosh mutaxassis 1 Kadrlar boʻyicha bosh mutaxassis 1 Davlat tibbiyot tashkilotlarida dori vositalari va tibbiy buyumlarga boʻlgan ehtiyojni shakllantirish boʻyicha bosh mutaxassis 1 Bosh yuriskonsult 1 Moliyaviy va iqtisodiy xizmat 2 Ikkinchi boʻlim 2 Tuman (shahar) tibbiyot birlashmalari

Boshqaruv xodimlarining cheklangan soni — 26 — 32 nafar.

Toshkent shahar sogʻliqni saqlash bosh boshqarmasining

TUZILMASI

Vazir oʻrinbosari — boshliq Ichki audit va moliyaviy nazorat xizmati 2 Boshliqning tibbiy yordamni tashkillashtirish boʻyicha birinchi oʻrinbosari Boshliqning onalik va bolalikni muhofaza qilish hamda reproduktiv salomatlik boʻyicha oʻrinbosari Boshliqning raqamlashtirish va davlat-xususiy sheriklik boʻyicha oʻrinbosari Toshkent shahar Sanitariya-epidemiologik osoyishtalik va jamoat salomatligi boshqarmasi Tibbiy xizmat sifatini nazorat qilish boʻlimi 3 Davolash-profilaktika yordamini va sogʻliqni saqlash koʻrsatgichlari tahlilini tashkillashtirish boʻlimi 6 Onalar va bolalarga tibbiy yordamni tashkillashtirish boʻlimi 3 Sogʻliqni saqlash tizimini raqamlashtirish sektori 2 Sogʻliqni saqlash tizimi infratuzilmasini rivojlantirish va qurilishini tashkillashtirish boʻlimi 3 Litsenziyalash va akkreditatsiyalash sektori 1 Nodavlat tibbiyot tashkilotlari Davlat-xususiy sheriklikni rivojlantirish boʻyicha bosh mutaxassis 1 Kadrlar boʻyicha bosh mutaxassis 1 Davlat tibbiyot tashkilotlarida dori vositalari va tibbiy buyumlarga boʻlgan ehtiyojni shakllantirish boʻyicha bosh mutaxassis 1 Bosh yuriskonsult 1 Moliyaviy va iqtisodiy xizmat 2 Ikkinchi boʻlim 2 Tuman tibbiyot birlashmalari

Boshqaruv xodimlarining cheklangan soni — 32 nafar”.

4. Oʻzbekiston Respublikasi Prezidentining 2020-yil 30-dekabrdagi “Oʻzbekiston Respublikasining “2021-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi PQ-4938-son qaroriga 7-ilovada 5-pozitsiya quyidagi tahrirda bayon etilsin:

“ 5. Sogʻliqni saqlash sohasida axborot tizimlarini yaratish, takomillashtirish va joriy etish, shuningdek, axborot kommunikatsiya va texnologiyalari infratuzilmasini rivojlantirish mlrd. soʻm 28,0 ”.

5. Oʻzbekiston Respublikasi Prezidentining 2021-yil 11-maydagi “Xizmatlar sohasini jadal rivojlantirish chora-tadbirlari toʻgʻrisida”gi PQ-5113-son qaroriga 2-ilovaning 21 va 33-pozitsiyalari oʻz kuchini yoʻqotgan deb hisoblansin.

6. Vazirlar Mahkamasining 2003-yil 25-avgustdagi “Nikohlanuvchi shaxslarni tibbiy koʻrikdan oʻtkazish toʻgʻrisidagi nizomni tasdiqlash haqida”gi 365-sonli qarori:

a) quyidagi mazmundagi 21-band bilan toʻldirilsin:

“21. Koʻp tarmoqli markaziy poliklinikalarda nikohlanuvchi shaxslarni tibbiy koʻrikdan oʻtkazish boʻyicha ularga maslahat berish va tibbiy xizmat koʻrsatuvchi muassasalar faoliyatini monitoring qilib, mavjud muammolarni tahlil etish, umumlashtirish Respublika va hududiy aholi reproduktiv salomatligi markazlarining (keyingi oʻrinlarda — Markazlar) asosiy vazifalaridan biri etib belgilansin.

Mazkur vazifalarni amalga oshirish uchun Markazlar tuzilmasiga sogʻliqni saqlash tizimi tashkilotlarining amaldagi shtatlari doirasida mutaxassis shtatlar (tibbiy-genetik, psixolog, IT-texnologiyalari boʻyicha mutaxassis) kiritilsin.

Oʻzbekiston Respublikasi Sogʻliqni saqlash vazirligi bir oy muddatda Markazlar moddiy-texnika bazasini mustahkamlash boʻyicha Vazirlar Mahkamasiga asoslantirilgan taklif kiritsin”;

b) quyidagi mazmundagi 31-band bilan toʻldirilsin:

“31. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Sogʻliqni saqlash vazirligi bilan birgalikda ikki oy muddatda FHDY organlari bilan tibbiyot muassasalari, xususan koʻp tarmoqli markaziy poliklinikalar, Markazlar oʻrtasida nikohlanuvchilarning yagona avtomatlashtirilgan elektron bazasini shakllantirsin”;

v) 1-ilovasida:

6-band quyidagi mazmundagi ikkinchi va uchinchi xatboshilar bilan toʻldirilsin:

“Nikohlanuvchi shaxslar doimiy yoki vaqtinchalik yashash joyidagi tuman (shahar) koʻp tarmoqli markaziy poliklinikalarida bepul dispanserizatsiyadan, yaʼni kardiolog, endokrinolog, revmatolog, urolog mutaxassislari jalb qilingan holda nikoh oldi tibbiy koʻrikdan oʻtadi hamda qoʻshimcha UTT, EKG, umumiy qon tahlili, qondagi qand miqdori aniqlanadi.

Nikohlanuvchi shaxslar uchun tibbiy koʻrik jarayonida genetik tekshiruvlarga zarurat boʻlganda, ularning oʻzaro kelishuvi asosida ushbu tekshiruvlar pullik asosda amalga oshirilishi mumkin”;

ikkinchi xatboshi toʻrtinchi xatboshi deb hisoblansin;

31-band quyidagi tahrirda bayon etilsin:

“31. Agar nikohlanuvchi shaxslarni tibbiy koʻrikdan oʻtkazish natijasida ularning bittasida yoki har ikkalasida mazkur Nizomga 1-ilovada nazarda tutilgan kasallik, shuningdek, dispanserizatsiya natijasida boshqa kasalliklar aniqlangan taqdirda, nikohni qayd etish tomonlarning ushbu tekshirish natijalaridan xabardorligi tasdiqlanganidan keyin amalga oshiriladi”.

7. Vazirlar Mahkamasining 2017-yil 21-iyundagi 405-son qarori bilan tasdiqlangan Tibbiy faoliyatni litsenziyalash tartibi toʻgʻrisidagi nizomda:

a) 10-bandning “a” kichik bandida:

ikkinchi xatboshi quyidagi tahrirda bayon etilsin:

“bosh shifokorda — oliy tibbiy maʼlumot, boshqa vrach-mutaxassislarda (oliy tibbiy taʼlim maʼlumotiga ega boʻlmagan, xalq tabobati usullaridan foydalangan holda tibbiy faoliyat bilan shugʻullanuvchi shaxslardan tashqari) tegishli tibbiy mutaxassislik boʻyicha oliy maʼlumot”;

quyidagi tahrirdagi toʻrtinchi xatboshi bilan toʻldirilsin:

“ish staji besh yildan oshgan oliy tibbiy maʼlumotli shifokorda ixtisosligi boʻyicha malaka toifa”;

toʻrtinchi — oʻn uchinchi xatboshilar tegishincha beshinchi — oʻn toʻrtinchi xatboshilar deb hisoblansin;

b) 22-band:

quyidagi tahrirdagi ikkinchi xatboshi bilan toʻldirilsin:

“Qoʻshimcha tibbiy ixtisoslik turini yoki nodavlat tibbiyot tashkiloti filialini litsenziyalashda uning litsenziya talablari va shartlariga muvofiqligini oʻrganish faqat soʻralayotgan tibbiy ixtisoslik turi hamda tashkilot filiali qismida oʻtkaziladi”;

ikkinchi — sakkizinchi xatboshilar tegishli ravishda uchinchi — toʻqqizinchi xatboshilar deb hisoblansin;

sakkizinchi va toʻqqizinchi xatboshilar quyidagi tahrirda bayon etilsin:

“Litsenziyalovchi organning litsenziya berish, muassasa turini oʻzgartirish (ambulator yoki statsionar), filial ochish, litsenziyaga yangi tibbiy ixtisosliklarni qoʻshish, tibbiy xizmat hajmini oʻzgartirish (konservativ yoki operativ) yoki uni berishni rad etish haqidagi qarori umumiy tartib boʻyicha uch kun muddatda, tezlashtirilgan tartib boʻyicha bir ish kuni davomida tasdiqlanadi va litsenziya berish yoki uni berishni rad etish uchun asos hisoblanadi;

Litsenziyalovchi organ umumiy tartib boʻyicha ikki kun muddatda, tezlashtirilgan tartib boʻyicha esa litsenziya berish, muassasa turini oʻzgartirish (ambulator yoki statsionar), filial ochish, litsenziyaga yangi tibbiy ixtisosliklarni qoʻshish, tibbiy xizmat hajmini oʻzgartirish (konservativ yoki operativ) haqida qaror qabul qilingan kunning oʻzida litsenziya talabgorini u oʻz arizasida koʻrsatgan shaklda, bank hisob raqami rekvizitlari va davlat bojini toʻlash muddati koʻrsatilgan holda qabul qilingan qaror toʻgʻrisida xabardor qiladi”;

quyidagi tahrirdagi oʻninchi xatboshi bilan toʻldirilsin:

“Muassasa turi oʻzgarganda (ambulator yoki statsionar), filial ochilganda, litsenziyaga yangi tibbiy ixtisosliklar qoʻshilganda, tibbiy xizmat hajmi oʻzgarganda (konservativ yoki operativ) tegishli oʻzgartirish va qoʻshimchalar mavjud litsenziyaga kiritiladi, bunda litsenziyaning amal qilish muddati oʻzgarmaydi”;

v) 36-band quyidagi tahrirdagi ikkinchi xatboshi bilan toʻldirilsin:

“Tibbiy faoliyatni amalga oshirish uchun litsenziya talablari va shartlari buzilgan taqdirda, litsenziyaning amal qilishi faqat bunday buzilishlarga yoʻl qoʻyilgan tibbiy ixtisoslik turi qismida toʻxtatiladi (tugatiladi) (amaldagi boshqa tibbiy ixtisosliklar faoliyatini taʼminlovchi ixtisoslik turlaridan tashqari) va litsenziya amaldagi boshqa tibbiy ixtisoslik turlari qismida belgilangan tartibda qayta rasmiylashtiriladi”;

ikkinchi xatboshi uchinchi xatboshi deb hisoblansin.