Tovarlarning ayrim turlariga import boj poshlinalari stavkalarini oʻzgartirish toʻgʻrisida (438-son)

10.12.1996

Oʻzbekiston Respublikasi Vazirlar Mahkamasining

qarori

Isteʼmol tovarlari importini tartibga solish hamda vatanimiz tovar ishlab chiqaruvchilari manfaatlarini himoya qilishni taʼminlash maqsadida Vazirlar Mahkamasi qaror qiladi:

1. 1997-yil 1-yanvardan boshlab ilovaga muvofiq isteʼmol tovarlarining ayrim turlariga import boj poshlinalarining yangi stavkalari joriy etilsin.

2. Mazkur qarorga ilovaga muvofiq Vazirlar Mahkamasining “Tashqi iqtisodiy faoliyati tartibga solish mexanizmini takomillashtirish chora-tadbirlari toʻgʻrisida” 1996-yil 20-martdagi 114-son qaroriga 2-ilovaga va Vazirlar Mahkamasining “Oʻzbekiston Respublikasiga tovar import qilishni oqilona tashkil etish chora-tadbirlari toʻgʻrisida” 1996-yil 1-oktabrdagi 342-son qaroriga 1-ilovaga oʻzgartirishlar kiritilsin.

3. Oʻzbekiston Respublikasi Moliya vazirligi Tashqi iqtisodiy aloqalar vazirligi bilan birgalikda aksiz soligʻi solinadigan mahsulotlar roʻyxatini kengaytirish va aksiz soligʻi stavkalarini oʻzgartirish yuzasidan takliflarni ikki hafta muddatda koʻrib chiqish uchun taqdim etsin.

4. Oʻzbekiston Respublikasi Tashqi iqtisodiy aloqalar vazirligi “Oʻzistiqbolstat” davlat qoʻmitasi, Davlat soliq qoʻmitasi va Moliya vazirligi bilan birgalikda 1997-yilning I choragi yakunlari boʻyicha importni tartibga solish tizimini yanada takomillashtirish va vatanimiz tovar ishlab chiqaruvchilarini himoya qilish toʻgʻrisida takliflar tayyorlasin va koʻrib chiqish uchun Vazirlar Mahkamasiga kiritsin.

5. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1996-yil 10-dekabr,

438-son

Vazirlar Mahkamasining 1996-yil 10-dekabrdagi 438-son qaroriga ILOVA

Import boj poshlinalari

STAVKALARI