“Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy qonuni haqida (SQ-258-IV-son)

12.03.2021

Oʻzbekiston Respublikasi Oliy Majlisi Senatining

qarori

Oʻzbekiston Respublikasi Oliy Majlisining Qonunchilik palatasi tomonidan 2021-yil 13-yanvar kuni qabul qilingan “Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy qonunini koʻrib chiqib, Oʻzbekiston Respublikasi Konstitutsiyasining 84-moddasiga muvofiq Oʻzbekiston Respublikasi Oliy Majlisining Senati qaror qiladi:

1. “Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy qonuni maʼqullansin.

2. Mazkur Konstitutsiyaviy qonunni amalga oshirishga doir tadbirlar rejasi tasdiqlansin va Konstitutsiyaviy qonun rasmiy eʼlon qilingandan keyin ijroga qaratilsin.

3. Oʻzbekiston Respublikasi Oliy Majlisi Senatining Sud-huquq masalalari va korrupsiyaga qarshi kurashish qoʻmitasi mazkur Konstitutsiyaviy qonunni amalga oshirishga doir tadbirlar rejasi oʻz vaqtida ijro etilishi ustidan nazoratni taʼminlasin.

4. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2021-yil 12-mart,

SQ-258-IV-son

Oʻzbekiston Respublikasi Oliy Majlisi Senatining 2021-yil 12-martdagi SQ-258-IV-sonli Qarori bilan TASDIQLANGAN

“Oʻzbekiston Respublikasining Konstitutsiyaviy sudi toʻgʻrisida”gi Oʻzbekiston Respublikasi Konstitutsiyaviy Qonunini amalga oshirish boʻyicha

TADBIRLAR REJASI

T/r Tadbir nomi Amalga oshirish mexanizmi Ijro muddati Masʼul ijrochi Vazirlik va idoralardan Vazirlar Mahkamasidan I. Amaldagi qonun hujjatlarini qayta koʻrib chiqish va yangi normativ-huquqiy hujjatlarni qabul qilish 1. Sohaga oid normativ-huquqiy hujjatlarni ushbu Qonunga muvofiqlashtirish boʻyicha qayta koʻrib chiqish. 1.1. Normativ-huquqiy hujjatlarni xatlovdan oʻtkazish. 1.2. Zaruratga koʻra, tegishli normativ-huquqiy hujjatlar loyihalarini ishlab chiqish hamda kelishish uchun manfaatdor vazirlik va idoralarga kiritish. 1.3. Tegishli normativ-huquqiy hujjatlar loyihalarini Vazirlar Mahkamasiga kiritish. Qonun rasmiy eʼlon qilingandan soʻng uch oy muddatda Adliya vazirligi, Moliya vazirligi Yuridik taʼminlash boshqarmasi 2. Vazirlik va idoralar tomonidan qabul qilingan normativ-huquqiy hujjatlarni ushbu Qonunga muvofiqlashtirish. 2.1. Tegishli hujjatlar loyihalarini ishlab chiqish. 2.2. Ularni davlat roʻyxatidan oʻtkazish uchun Adliya vazirligiga taqdim etish. Qonun rasmiy eʼlon qilingandan soʻng uch oy muddatda Adliya vazirligi, Moliya vazirligi Yuridik taʼminlash boshqarmasi II. Qonunni amalga oshirish boʻyicha tashkiliy tadbirlar oʻtkazish 3. Oʻzbekiston Respublikasi Konstitutsiyaviy sudining Reglamentini ishlab chiqish va tasdiqlash. 3.1. Oʻzbekiston Respublikasi Konstitutsiyaviy sudining Reglamenti loyihasini ishlab chiqish. 3.2. Oʻzbekiston Respublikasi Konstitutsiyaviy sudining Reglamentini Konstitutsiyaviy sud majlisida tasdiqlash. Qonun rasmiy eʼlon qilingandan soʻng bir oy muddatda Konstitutsiyaviy sud Yuridik taʼminlash boshqarmasi 4. Oʻzbekiston Respublikasi Konstitutsiyaviy sudi sudyasiga Birinchi malaka darajasini berish tartibi toʻgʻrisidagi nizomni ishlab chiqish va tasdiqlash. 4.1. Oʻzbekiston Respublikasi Konstitutsiyaviy sudi sudyasiga Birinchi malaka darajasini berish tartibi toʻgʻrisidagi nizom loyihasini ishlab chiqish. 4.2. Oʻzbekiston Respublikasi Konstitutsiyaviy sudi sudyasiga Birinchi malaka darajasini berish tartibi toʻgʻrisidagi nizomni Konstitutsiyaviy sud majlisida tasdiqlash. Qonun rasmiy eʼlon qilingandan soʻng bir oy muddatda Konstitutsiyaviy sud Yuridik taʼminlash boshqarmasi III. Qonunni ijrochilarga yetkazish va tushuntirish boʻyicha tadbirlar oʻtkazish 5. Qonunning mazmun-mohiyati va ahamiyati yuzasidan aholi oʻrtasida keng tushuntirish ishlarini olib borish. 5.1. Reja-grafik ishlab chiqish va tasdiqlash. Qonun rasmiy eʼlon qilingandan soʻng bir oy muddatda Konstitutsiyaviy sud, OʻzA, MTRK, Adliya vazirligi Yuridik taʼminlash boshqarmasi 5.2. Reja-grafikni amalga oshirish. Reja-grafik asosida 6. OAV hamda davlat organlarining rasmiy veb-saytlarida Qonunning mazmun-mohiyati va ahamiyatini yoritishga qaratilgan turkum maqola, koʻrsatuv, eshittirishlar berib borish. 6.1. Reja-grafik ishlab chiqish va tasdiqlash. Qonun rasmiy eʼlon qilingandan soʻng bir oy muddatda Konstitutsiyaviy sud, OʻzA, MTRK, Adliya vazirligi Yuridik taʼminlash boshqarmasi 6.2. Reja-grafikni amalga oshirish. Reja-grafik asosida