Respublika davolash muassasalarining texnik jihozlanishini mustahkamlash chora-tadbirlari toʻgʻrisida (285-son)

06.06.1997

Oʻzbekiston Respublikasi Vazirlar Mahkamasining

qarori

[Koʻchirma]

Mamlakat aholisi sogʻligʻini mustahkamlashga, tibbiy yordam koʻrsatishni tubdan yaxshilashga katta ahamiyat berib hamda respublika sogʻliqni saqlash tizimi davolash muassasalarini yuqori texnologiyali asbob-uskunalar va texnikaning eng yangi turlari bilan taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Sogʻliqni saqlash vazirligi tomonidan “Simens” aksiyadorlik jamiyati (GFR) bilan respublikaga 23,3 mln. Germaniya markasi summasida yuqori texnologiyali tibbiy asbob-uskunalar yetkazib berishga kontrakt tuzilganligi maʼlumot uchun qabul qilinsin.

Oʻzbekiston Respublikasi Tashqi iqtisodiy aloqalar vazirligi kontraktni belgilangan tartibda roʻyxatdan oʻtkazsin.

2. Tibbiy asbob-uskunalar xarid qilishni mablagʻ bilan taʼminlash:

kontrakt qiymatining 85 foizi (19,8 mln. Germaniya markasi) “Germes” (GFR) sugʻurta jamiyatining sugʻurta qoplamasi ostida “Berliner Bank AG” (GFR) banki krediti hisobiga;

kontrakt qiymatining 15 foizi (3,5 mln. Germaniya markasi) “Berliner Bank AG”ning qisqa muddatli (1,5 yil) krediti hisobiga amalga oshirilishiga rozilik berilsin.

Chet el bankining kreditlarini qaytarish Oʻzbekiston Respublikasi davlat budjeti mablagʻlari hisobiga 1-ilovaga* muvofiq amalga oshiriladi.

* 1-ilova berilmaydi

3. Oʻzbekiston Respublikasi Bosh vazirining oʻrinbosari B. S. Hamidov mazkur loyiha boʻyicha kreditor — Germaniya bankiga va Oʻzbekiston Respublikasi Tashqi iqtisodiy faoliyat milliy bankiga hukumat kafolatlarini berishga vakil qilinsin.

4. Oʻzbekiston Respublikasi Adliya vazirligi Oʻzbekiston Respublikasi Hukumati kafolati boʻyicha yuridik xulosani chet el banklari bilan banklararo bitimga ilova shaklida belgilangan tartibda rasmiylashtirsin.

5. Oʻzbekiston Respublikasi Tashqi iqtisodiy faoliyat milliy banki ikki oy muddatda kredit bitimi tuzsin va “Berliner Bank AG” Germaniya bankining “Germes” (GFR) jamiyatining sugʻurta qoplamasi ostidagi mablagʻlari Oʻzbekiston Respublikasi sogʻliqni saqlash vazirligi uchun qayta moliyalashtirilishini taʼminlasin.

6. “Simens” hissadorlik jamiyatining tibbiy asbob-uskunalarini yetkazib berish nazarda tutilgan davolash muassasalari roʻyxati 2-ilovaga* muvofiq tasdiqlansin.

* 2-ilova berilmaydi

7. Oʻzbekiston Respublikasi sogʻliqni saqlash vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Fanlar akademiyasi:

tibbiy asbob-uskunalarning aniq yoʻnaltirilishini, ularning oʻz vaqtida montaj qilinishini, Oʻzbekiston aholisi manfaatlari yoʻlida ulardan samarali va keng foydalanilishini;

1998-yilda va keyingi yillarda kredit respublika va mahalliy budjetlarda tibbiy asbob-uskunalar va texnika xarid qilish uchun nazarda tutilgan mablagʻlar hisobiga oʻz vaqtida qaytarilishini taʼminlasinlar.

8. Oʻzbekiston Respublikasi Moliya vazirligi 1998-yilga va keyingi yillarga budjet loyihasini ishlab chiqishda kredit boʻyicha qarzlarni qaytarish zarurligini va unga xizmat koʻrsatish bilan bogʻliq xarajatlarni hisobga olsin.

10. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1997-yil 6-iyun,

285-son