“3x167 MBA boʻlgan ikkita avtotransformatorlarni oʻrnatish orqali 500/220 kVli Muruntov podstansiyasini qurish” investitsiya loyihasini amalga oshirish chora-tadbirlari toʻgʻrisida (265-son)

03.05.2021

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Qayta tashkil etilgan “Navoiy KMK” DK ishlab chiqarish quvvatlarini 2026-yilgacha elektr energiyasi bilan kafolatli taʼminlash chora-tadbirlari dasturi toʻgʻrisida” 2018-yil 9-yanvardagi PQ-3465-son hamda “Oʻzbekiston Respublikasining 2021 — 2023-yillarga moʻljallangan Investitsiya dasturini amalga oshirish chora-tadbirlari toʻgʻrisida” 2020-yil 28-dekabrdagi PQ-4937-son qarorlariga muvofiq hamda Navoiy viloyatidagi togʻ-kon metallurgiya ishlab chiqarish obyektlarini elektr energiyasi bilan taʼminlash va energetika tizimining shimoli-gʻarbiy qismida elektr tarmoqlarini rivojlantirish maqsadida Vazirlar Mahkamasi qaror qiladi:

1. Quyidagilar:

2018-yil 8-oktabrda Oʻzbekiston Respublikasi va Yevropa tiklanish va taraqqiyot banki (keyingi oʻrinlarda — YETTB) oʻrtasida “3x167 MVA boʻlgan ikkita avtotransformatorlarni oʻrnatish orqali 500/220 kVli Muruntov podstansiyasini qurish” investitsiya loyihasini (keyingi oʻrinlarda — investitsiya loyihasi) moliyalashtirish uchun 18 yil muddatga, shu jumladan 4 yillik imtiyozli davr bilan, 82,5 mln AQSh dollari miqdorida qarz bitimi imzolanganligi;

2020-yil 10-martda oʻtkazilgan tender savdolari asosida “Oʻzbekiston milliy elektr tarmoqlari” AJ va “GOPA-International Energy Consultants GmbN” kompaniyasi (Germaniya) oʻrtasida investitsiya loyihasi doirasida konsalting xizmatlarini koʻrsatish boʻyicha umumiy qiymati 1,08 mln AQSh dollari ekvivalentiga teng boʻlgan shartnoma imzolanganligi;

Oʻzbekiston Respublikasi Prezidentining “Xalqaro moliya institutlari va xorijiy hukumat moliya tashkilotlari ishtirokidagi loyihalarni tayyorlash va amalga oshirish samaradorligini oshirish chora-tadbirlari toʻgʻrisida” 2018-yil 16-iyundagi PQ-3857-son qaroriga muvofiq investitsiya loyihasini amalga oshirish doirasida soliq va bojxona imtiyozlari taqdim qilinishi hamda investitsiya loyihasining texnik-iqtisodiy asoslanuvi Oʻzbekiston Respublikasi Investitsiyalar va tashqi savdo vazirligi va Moliya vazirligi tomonidan ekspertizadan oʻtkazilganligi maʼlumot uchun qabul qilinsin.

2. Quyidagilar:

“3x167 MVA boʻlgan ikkita avtotransformatorlarni oʻrnatish orqali 500/220 kVli Muruntov podstansiyasini qurish” investitsiya loyihasi texnik-iqtisodiy asoslanuvining asosiy texnik-iqtisodiy parametrlari 1-ilovaga muvofiq;

“3x167 MVA boʻlgan ikkita avtotransformatorlarni oʻrnatish orqali 500/220 kVli Muruntov podstansiyasini qurish” investitsiya loyihasi doirasida jalb etiladigan YETTB krediti boʻyicha asosiy qarzni soʻndirish, foiz va yigim toʻlovlarini toʻlashning prognoz jadvali 2-ilovaga muvofiq tasdiqlansin.

3. Belgilab qoʻyilsinki:

“Oʻzbekiston milliy elektr tarmoqlari” AJ investitsiya loyihasining amalga oshirilishini muvofiqlashtirish va monitoring qilish hamda YETTB tomonidan ajratilgan kreditdan maqsadli hamda samarali foydalanish boʻyicha masʼul ijro etuvchi organ hisoblanadi;

ETTB kreditini qaytarish, shu jumladan majburiyat komissiyasi, foizlar, bir martalik vositachilik va boshqa xarajatlar bilan bogʻliq toʻlovlar “Oʻzbekiston milliy elektr tarmoqlari” AJning oʻz mablagʻlari hisobidan amalga oshiriladi.

4. Oʻzbekiston Respublikasi moliya vaziriga Oʻzbekiston Respublikasi nomidan investitsiya loyihasi doirasida YETTB kreditni qayta kreditlash toʻgʻrisidagi bitimni imzolash vakolati berilsin.

5. Oʻzbekiston Respublikasi Adliya vazirligi Oʻzbekiston Respublikasi va YETTB oʻrtasidagi kredit bitimi hamda loyiha doirasida YETTB kreditini qayta kreditlash bitimi boʻyicha belgilangan tartibda yuridik xulosalar bersin.

6. Ushbu qarorning bajarilishini nazorat qilish Oʻzbekiston Respublikasi Bosh vazirining maslahatchisi — Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti boshligʻi va Oʻzbekiston Respublikasi energetika vaziri A.S. Sultanov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 3-may,

265-son

Vazirlar Mahkamasining 2021-yil 3-maydagi 265-son qaroriga 1-ILOVA

“3x167 MVA boʻlgan ikkita avtotransformatorlarni oʻrnatish orqali 500/220 kVli Muruntov podstansiyasini qurish” investitsiya loyihasi texnik-iqtisodiy asoslanuvining asosiy texnik-iqtisodiy

PARAMETRLARI

T/r Koʻrsatkichlar nomlari Oʻlchov birligi Jami Moliyalashtirish manbasi, shu jumladan: “Oʻzbekiston milliy elektr tarmoqlari” AJ mablagʻlari ETTB krediti Oʻzbekiston Respublikasining ulushi** 1. Loyihaning umumiy qiymati ming AQSh dollari ekv. 111 653,0 6 140,0 82 500,0 23 013,0 2. Jami kapital qoʻyilmalar miqdori, shu jumladan: ming AQSh dollari ekv. 88 640,0 6 140,0 82 500,0 - 2.1. mashina va uskunalar: chet el valyutasida milliy valyutada ming AQSh dollari ekv. 45 910,9 45 910,9 - - - - 45 910,9 45 910,9 - - - - 2.2. qurilish-montaj ishlari: chet el valyutasida milliy valyutada ming AQSh dollari ekv. 17 505,1 17 505,1 - - - - 17 505,1 17 505,1 - - - - 2.3. investitsiya davridagi moliyaviy xarajatlar *: chet el valyutasida milliy valyutada ming AQSh dollari ekv. 6 915,0 5 321,5 1593,5 6 090,0 4 496,5 1 593,5 825.0 825.0 - - - - 2.4. boshqa xarajatlar: chet el valyutasida milliy valyutada ming AQSh dollari ekv. 18 309,0 18 259,0 50 50.0 - 50.0 18 259,0 18 259,0 - - - - 3. Soliq va bojxona imtiyozlari: chet el valyutasida milliy valyutada ming AQSh dollari ekv. 23 013,0 - 23 013,0 - - - - - - 23 013,0 - 23 013,0 4. Loyiha quvvati: yillik uzatiladigan elektr energiyasi Ming kVt.soat 2 090 340,0 5. Ish bilan band boʻladiganlar soni kishi 39 6. Investitsiya davri yil(oy) 2020 — 2022-yillar (24 oy)

Izoh. * Moliyaviy xarajatlar qarzning haqiqatda ishlatilish summasi va sanasidan kelib chiqib oʻzgarishi mumkin.

** Soliq va bojxona imtiyozlari sifatidagi ulush.

Vazirlar Mahkamasining 2021-yil 3-maydagi 265-son qaroriga 2-ILOVA

“3x167 MVA boʻlgan ikkita avtotransformatorlarni oʻrnatish orqali 500/220 kVli Muruntov podstansiyasini qurish” investitsiya loyihasi doirasida jalb etiladigan YETTB krediti boʻyicha asosiy qarzni soʻndirish, foiz va yigʻim toʻlovlarini toʻlashning

PROGNOZ JADVALI

Jami kredit miqdori — 82 500,0 ming AQSh dollari Kreditni qaytarish muddati — 18 yil (imtiyozli davr 4 yil) Kredit boʻyicha foiz stavkasi * — LIBOR + 1 foiz Kreditni tashkil etish yigʻimi (bir martalik toʻlov) — 1,0 foiz Majburiyatlar uchun vositachilik haqi — yillik 0,5 foiz Moliya vazirligi marjasi — 1,0 foiz ming AQSh dollari Toʻlov muddatlari** Kreditni olish miqdori Qarz qoldigʻi Toʻlov miqdori Yigʻim toʻlovlari** Moliya vazirligi marjasi Jami toʻlovlar miqdori asosiy qarzni soʻndirish kredit foizi* kreditni tashkil etish yigʻimi majburiyatlar uchun vositachilik haqi 20.03.2021 15 526,0 15 526,0 825,0 825,0 20.09.2021 15 526,0 203,1 1 121,3 66,0 1 390,4 20.03.2022 12 913,5 28 439,5 240,3 168,4 408,6 20.09.2022 12 913,5 37 766,0 3 587,0 413,2 143,7 134,2 4 278,1 20.03.2023 20 573,5 54 752,6 3 587,0 551,3 108,8 179,1 4 426,2 20.09.2023 20 573,5 71 739,1 3 587,0 806,8 61,4 262,1 4 717,4 20.03.2024 68 152,2 3 587,0 1 063,6 8,6 179,1 4 838,2 20.09.2024 64 565,2 3 587,0 1 072,2 0,0 262,1 4 921,3 20.03.2025 60 978,3 3 587,0 993,7 322,8 4 903,4 20.09.2025 57 391,3 3 587,0 938,5 304,9 4 830,3 20.03.2026 53 804,3 3 587,0 662,4 287,0 4 536,4 20.09.2026 50 217,4 3 587,0 607,2 269,0 4 463,2 20.03.2027 46 630,4 3 587,0 772,8 251,1 4 610,9 20.09.2027 43 043,5 3 587,0 717,6 233,2 4 537,8 20.03.2028 39 456,5 3 587,0 662,4 215,2 4 464,6 20.09.2028 35 869,6 3 587,0 607,2 197,3 4 391,5 20.03.2029 32 282,6 3 587,0 552,0 179,3 4 318,3 20.09.2029 28 695,7 3 587,0 496,8 161,4 4 245,2 20.03.2030 25 108,7 3 587,0 441,6 143,5 4 172,1 20.09.2030 21 521,7 3 587,0 386,4 125,5 4 098,9 20.03.2031 17 934,8 3 587,0 331,2 107,6 4 025,8 20.09.2031 14 347,8 3 587,0 276,0 89,7 3 952,6 20.03.2032 10 760,9 3 587,0 220,8 71,7 3 879,5 20.09.2032 7 173,9 3 587,0 165,6 53,8 3 806,4 20.03.2033 3 587,0 3 587,0 110,4 35,9 3 733,2 20.09.2033 0,0 3 587,0 55,2 17,9 3 660,1 Jami 82 500,0 82 500,00 13 348,6 825,0 1 612,21 4 149,6 102 435,4

* Hisob-kitoblarni tayyorlash vaqtida AQSh dollari uchun LIBOR stavkasi 2,08 foiz boʻlganligi inobatga olinib, hisoblangan kredit foiz stavkasi yiliga 3,08 foiz deb qabul qilingan.

** Yigim toʻlovlari kreditni amalda olish vaqtiga va toʻlov muddatlariga bogʻliq ravishda oʻzgarishi mumkin.