2021-2022-yillarda Namangan viloyatining Pop tumani “Chodak” qishlogʻini kompleks ijtimoiy-iqtisodiy rivojlantirish chora-tadbirlari toʻgʻrisida (244-son)
28.04.2021
Oʻzbekiston Respublikasi Vazirlar Mahkamasining
qarori
Namangan viloyatining Pop tumani “Chodak” qishlogʻining mavjud mehnat resurslaridan toʻliq va samarali foydalanish hamda muhandislik-kommunikatsiya, ishlab chiqarish infratuzilmasini, xizmatlar sohasini rivojlantirish, aholining bandligini, daromadlarini oshirish maqsadida Vazirlar Mahkamasi qaror qiladi:
1. Quyidagilarni oʻz ichiga oluvchi 2021-2022-yillarda Namangan viloyatining Pop tumani “Chodak” qishlogʻini kompleks ijtimoiy-iqtisodiy rivojlantirish chora-tadbirlari dasturi (keyingi oʻrinlarda — Dastur):
2021-2022-yillarda Namangan viloyatining Pop tumani “Chodak” qishlogʻini kompleks ijtimoiy-iqtisodiy rivojlantirish dasturining maqsadli parametrlari va moliyalashtirish manbalari 1-ilovaga muvofiq;
2021-2022-yillarda Namangan viloyatining Pop tumani “Chodak” qishlogʻida sanoat, xizmatlar koʻrsatish, servis va qishloq xoʻjaligi sohasida amalga oshiriladigan loyihalarning manzilli roʻyxati 2-ilovaga muvofiq;
2021-2022-yillarda Namangan viloyatining Pop tumani “Chodak” qishlogʻida yoʻl-transport va muhandislik-kommunikatsiya infratuzilmasini yaxshilash va obodonlashtirish boʻyicha kompleks tadbirlar 3-ilovaga muvofiq;
2021-2022-yillarda Namangan viloyatining Pop tumani “Chodak” qishlogʻida ijtimoiy soha obyektlarining moddiy-texnika bazasini mustahkamlash hamda taʼmirlash boʻyicha manzilli roʻyxat 4-ilovaga muvofiq;
2021-2022-yillarda Namangan viloyatining Pop tumani “Chodak” qishlogʻida ishsiz fuqarolarning bandligini taʼminlash boʻyicha prognoz koʻrsatkichlari 5-ilovaga muvofiq tasdiqlansin.
2. Quyidagilar Dasturni amalga oshirishning ustuvor yoʻnalishlari etib belgilansin:
“Chodak” qishlogʻini ijtimoiy-iqtisodiy jihatdan rivojlantirish, aholining, xususan xotin-qizlar, yoshlar va kam taʼminlangan fuqarolar bandligini taʼminlash orqali ularning daromadlari va turmush darajasini oshirish;
aholini tadbirkorlikka keng jalb qilish va oilaviy tadbirkorlikni yanada rivojlantirish uchun qulay shart-sharoitlar yaratish;
muhandislik-kommunikatsiya va ijtimoiy infratuzilmani rivojlantirish, shu jumladan, ichki yoʻllarni va ijtimoiy soha obyektlarini rekonstruksiya qilish va qayta taʼmirlash, aholining toza ichimlik suv, tabiiy gaz, elektr energiyasi bilan taʼminlanganlik darajasini oshirish;
ijtimoiy soha obyektlari holatini yaxshilash, binolarini taʼmirlash, hududlarini obodonlashtirish, moddiy-texnika bazasini mustahkamlash, aholiga koʻrsatiladigan xizmatlar sifatini tubdan oshirish;
turizm sohasini rivojlantirish uchun shart-sharoitlar yaratish;
xizmat koʻrsatish va servis sohasini jadal rivojlantirish orqali soliq tushumlarining barqarorligini taʼminlashga erishish.
3. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Namangan viloyati va Pop tumani hokimliklari tegishli davlat boshqaruvi organlari, tashkilotlar va loyiha tashabbuskorlari bilan birgalikda bir oy muddatda Dasturga kiritilgan loyihalarni amalga oshirishning barcha bosqichlari, shu jumladan, loyihalarni foydalanishga topshirishning aniq muddatlari koʻrsatilgan tarmoq jadvallari ishlab chiqilishini taʼminlasin.
4. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi hamda Namangan viloyati hokimligi bilan birgalikda:
davlat boshqaruvi organlari, xoʻjalik birlashmalari hamda mahalliy ijro etuvchi hokimiyat organlari tomonidan Dasturda nazarda tutilgan chora-tadbirlarning belgilangan muddatlarda amalga oshirilishini tahlil qilib borsin va muvofiqlashtirsin;
muammoli masalalarni muntazam ravishda oʻrganib borish hamda ularni hal etish yuzasidan tezkor va amaliy choralar koʻrsin;
zarur hollarda, belgilangan tartibda kelishilgan loyiha hujjatlari mavjud boʻlgan taqdirda, loyihalarning qiymati va ish oʻrinlari sonini saqlab qolgan holda Dasturda belgilangan loyihalarning manzilli roʻyxatiga oʻzgartirish va qoʻshimchalar kiritish boʻyicha takliflar ishlab chiqish choralarini koʻrsin.
5. Oʻzbekiston Respublikasi Bandlik va mehnat munosabatlari vazirligi Oliy va oʻrta maxsus taʼlim vazirligi hamda Namangan viloyati hokimligi bilan birgalikda “Chodak” qishlogʻidagi ishsiz yoshlar, xotin-qizlar hamda oʻzining kasbiy malakasini oshirmoqchi (yangi kasb egallamoqchi) boʻlgan fuqarolar uchun qisqa muddatli oʻquv kurslarini tashkil etsin.
6. Oʻzbekiston Respublikasi Sogʻliqni saqlash vazirligi va Namangan viloyati hokimligi Tez tibbiy yordamni rivojlantirish jamgʻarmasi va mahalliy budjetning qoʻshimcha manbalari mablagʻlari hisobiga “Chodak” qishlogʻi hududida istiqomat qilayotgan aholining sifatli tibbiy xizmatlardan foydalanishini taʼminlash maqsadida hududdagi tez tibbiy yordam shoxobchalarini tibbiy xizmat uchun maxsus avtomobil vositalari, portativ rentgen va ultratovush apparatlari bilan taʼminlasin.
7. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi hamda Namangan viloyati hokimligi bilan birgalikda Dasturda nazarda tutilgan, markazlashtirilgan mablagʻlar hisobidan moliyalashtiriladigan investitsiya loyihalari koʻrsatgichlarini har yili aniqlashtirib va yangilab borgan holda 2021 — 2023-yillar uchun Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturini shakllantirishda inobatga olsin.
8. “Oʻzsuvtaʼminot” AJ, “Hududiy elektr tarmoqlari” AJ, “Hududgaztaʼminot” AJ Namangan viloyati hokimligi bilan birgalikda aholini elektr energiyasi, tabiiy gaz va ichimlik suv bilan taʼminlash boʻyicha muhandislik-kommunikatsiya infratuzilmasini rivojlantirish, shuningdek, Dastur doirasida amalga oshiriladigan investitsiya loyihalari asosida ishlab chiqarish korxonalarining muhandislik-kommunikatsiya tarmoqlariga oʻz vaqtida ulanishini hamda ularga mavjud resurs va texnik imkoniyatlardan kelib chiqib talab etiladigan tabiiy gaz va elektr energiyasi yetkazib berilishini taʼminlash choralarini koʻrsin.
9. Oʻzbekiston Respublikasi Qurilish vazirligi buyurtmachi va loyiha tashkilotlari tomonidan ishlab chiqilgan loyiha-smeta hujjatlarini davlat ekspertizasidan oʻtkazsin va qurilish-montaj ishlari boʻyicha davlat-arxitektura qurilish nazorati oʻrnatilishini taʼminlasin.
10. Namangan viloyati hokimligi har chorak yakuni boʻyicha Dasturda nazarda tutilgan tadbirlarning bajarilishi holatini xalq deputatlari Namangan viloyati va Pop tumani Kengashlari yigʻilishlarida muhokama qilib borish choralarini koʻrsin.
11. Namangan viloyati hokimligi:
manfaatdor vazirliklar va idoralar, xoʻjalik birlashmalari va loyiha tashabbuskorlari bilan birgalikda manzilli parametrlarning soʻzsiz bajarilishini, bu borada investitsiya loyihalarining oʻz vaqtida va sifatli amalga oshirilishini hamda yangi ish oʻrinlari tashkil etilishini taʼminlasin;
har chorak yakuniga koʻra Dasturdagi loyihalarning oʻz vaqtida va sifatli bajarilishi boʻyicha amalga oshirilayotgan tadbirlarning natijadorligini yigʻilishlarda muhokama qilib Vazirlar Mahkamasiga axborot kiritib borsin.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Namangan viloyati hokimi Sh.Sh. Abdurazakov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 28-aprel,
244-son
Vazirlar Mahkamasining 2021-yil 28-apreldagi 244-son qaroriga 1-ILOVA
2021-2022-yillarda Namangan viloyatining Pop tumani “Chodak” qishlogʻini kompleks ijtimoiy-iqtisodiy rivojlantirish dasturining maqsadli parametrlari va moliyalashtirish manbalari
Vazirlar Mahkamasining 2021-yil 28-apreldagi 244-son qaroriga 2-ILOVA
2021-2022-yillarda Namangan viloyatining Pop tumani “Chodak” qishlogʻida sanoat, xizmatlar koʻrsatish, servis va qishloq xoʻjaligi sohasida amalga oshiriladigan loyihalarning manzilli
ROʻYXATI
* Loyiha qiymatlari loyiha-smeta hujjatlarini ishlab chiqilgandan soʻng oʻzgartirishi kiritilishi mumkin.
Vazirlar Mahkamasining 2021-yil 28-apreldagi 244-son qaroriga 3-ILOVA
2021-2022-yillarda Namangan viloyatining Pop tumani “Chodak” qishlogʻida yoʻl-transport va muhandislik-kommunikatsiya infratuzilmasini yaxshilash va obodonlashtirish boʻyicha
KOMPLEKS TADBIRLAR
* Loyiha qiymatiga loyiha-smeta hujjatlari ishlab chiqilib, ekspertizadan oʻtkazilgandan soʻng oʻzgartirish kiritilishi mumkin.
Vazirlar Mahkamasining 2021-yil 28-apreldagi 244-son qaroriga 4-ILOVA
2021-2022-yillarda Namangan viloyatining Pop tumani “Chodak” qishlogʻida ijtimoiy soha obyektlarining moddiy-texnika bazasini mustahkamlash hamda taʼmirlash boʻyicha loyihalarning manzilli
ROʻYXATI
* Loyiha qiymatiga loyiha-smeta hujjatlari ishlab chiqilib, ekspertizadan oʻtkazilgandan soʻng oʻzgartirish kiritilishi mumkin.
Vazirlar Mahkamasining 2021-yil 28-apreldagi 244-son qaroriga 5-ILOVA
2021-2022-yillarda Namangan viloyatining Pop tumani “Chodak” qishlogʻida ishsiz fuqarolarning bandligini taʼminlash boʻyicha
PROGNOZ KOʻRSATKIChLARI