Buxoro shahrida “Barqaror rivojlanish maqsadlariga erishishda parlamentlararo global hamkorlik” mavzusidagi xalqaro forumni oʻtkazish toʻgʻrisida (852-IV-son)

09.04.2021

Oʻzbekiston Respublikasi Oliy Majlisi Qonunchilik palatasi Kengashi Oʻzbekicton Respublikasi Oliy Majlisi Senati Kengashining

qoʻshma qarori

2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturining 3-bandi ijrosini taʼminlash maqsadida Oʻzbekiston Respublikasi Oliy Majlisi Qonunchilik palatasining Kengashi va Oʻzbekiston Respublikasi Oliy Majlisi Senatining Kengashi qaror qiladilar:

1. Quyidagilar:

Barqaror rivojlanish maqsadlariga erishishda parlamentlararo global hamkorlik xalqaro forumining (bundan buyon matnda Global forum deb yuritiladi) konsepsiyasi 1-ilovaga;

Global forumni oʻtkazish reglamenti 2-ilovaga;

Global forumni oʻtkazish boʻyicha Tashkiliy qoʻmita (bundan buyon matnda Tashkiliy qoʻmita deb yuritiladi) tarkibi 3-ilovaga;

Global forumni 2021-yil 23-24-iyun kunlari Buxoro shahrida oʻtkazish boʻyicha tashkiliy chora-tadbirlar dasturi 4-ilovaga muvofiq tasdiqlansin.

2. Tashkiliy qoʻmita:

Global forumni yuqori saviyada oʻtkazishga qaratilgan chora-tadbirlar rejasida belgilangan vazifalarning oʻz vaqtida amalga oshirilishini taʼminlasin;

Global forum ishtirokchilarining kelib-ketishi, vizalari rasmiylashtirilishi, transport bilan taʼminlanishi va ularga tibbiy xizmatlar koʻrsatish masalalarini muvofiqlashtirib borsin;

Global forumni oʻtkazish bilan bogʻliq axborot-tahliliy va boshqa hujjatlarning oʻz vaqtida hamda sifatli tayyorlanishini taʼminlasin;

Global forum oʻtkaziladigan joylarning texnik va telekommunikatsiyalar bilan jihozlanishini, obodonlashtirish va yoʻl taʼmirlash ishlari olib borilishini tashkil etish, shuningdek, Toshkent va Buxoro shaharlarida (yoki boshqa shaharlarda) zarur mehmonxonalarning tayyor boʻlishi va band qilinishini taʼminlasin;

Global forum oʻtkaziladigan joylarda qatʼiy sanitariya-epidemiologik nazorat oʻrnatish choralarini koʻrsin;

dunyodagi mavjud sanitariya-epidemiologik vaziyatdan kelib chiqqan holda, Global forumning ayrim ishtirokchilari uchun onlayn qatnashish imkoniyatini taʼminlasin.

3. Oʻzbekiston Respublikasi Oliy Majlisi Qonunchilik palatasining Xalqaro ishlar va parlamentlararo aloqalar qoʻmitasi, Oʻzbekiston Respublikasi Oliy Majlisi Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi hamda Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi bir oy muddatda:

Oʻzbekiston Respublikasi Tashqi ishlar vazirligi hamda Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti bilan birgalikda Global forumda ishtirok etish istagini bildirgan xalqaro tashkilotlar vakillari, xorijiy olimlar, ekspertlar va mutaxassislar roʻyxatini shakllantirib, Tashkiliy qoʻmitaga kiritsin;

mamlakatimizdagi hamda xorijiy davlatlardagi sanitariya-epidemiologik vaziyatdan kelib chiqib, Oʻzbekistonga kelish istagida boʻlgan xorijiy mamlakatlar parlamentlari aʼzolari, parlamentlararo tashkilotlar, BMTning tarkibiy tuzilmalari (organlari va qoʻmitalari) vakillari, olimlar, ekspert va mutaxassislarning kelib-ketishi xarajatlarini respublikamizda akkreditatsiyadan oʻtgan xalqaro hamda xorijiy tashkilotlar tomonidan qoplash yuzasidan Tashkiliy qoʻmitaga asoslantirilgan taklif kiritsin.

4. “Yuksalish” umummilliy harakatining Global forumning kun tartibi, yalpi va shuʼba majlislari, boshqa tadbirlar (seminarlar, davra suhbatlari, ilmiy konferensiyalar, mahorat darslari, taqdimotlar, brifing, matbuot anjumanlari va boshqalar), shuningdek, madaniy dasturlar ishlab chiqish yuzasidan Jamoatchilik maslahat kengashini tuzish taklifiga rozilik berilsin.

Jamoatchilik maslahat kengashiga rahbarlik Oʻzbekiston Respublikasi Oliy Majlisi Senatining Xotin-qizlar va gender tenglik masalalari qoʻmitasi hamda Oʻzbekiston Respublikasi Oliy Majlisi Qonunchilik palatasining Oila va ayollar masalalari boʻyicha komissiyasi zimmasiga yuklansin.

“Yuksalish” umummilliy harakatini Jamoatchilik maslahat kengashining ishchi organi etib belgilash tavsiya etilsin.

Jamoatchilik maslahat kengashi tarkibini shakllantirishda ilmiy doiralar, fuqarolik jamiyati institutlari, xalqaro va xorijiy tashkilotlar vakillarini jalb etishga alohida eʼtibor qaratilsin.

5. Oʻzbekiston Respublikasini barqaror rivojlantirish sohasidagi Milliy maqsadlar va vazifalarning 2030-yilgacha boʻlgan davrda amalga oshirilishini nazorat qilish boʻyicha Parlament komissiyasi, 2030-yilgacha boʻlgan davrda barqaror rivojlanish sohasidagi milliy maqsadlar va vazifalarni amalga oshirish boʻyicha Muvofiqlashtiruvchi kengash hamda Oʻzbekiston Respublikasi Oliy Majlisi palatalari huzuridagi Yoshlar parlamentlari:

2021-yilning 1-mayiga qadar Global forumning kun tartibi, yalpi va shuʼba majlislari mavzusi hamda maʼruzachilar yuzasidan takliflarini Jamoatchilik maslahat kengashiga kiritsin;

barqaror rivojlanish sohasida tavsiyaviy xususiyatga ega boʻlgan deklaratsiya, rezolyutsiya yoki boshqa hujjatlarni qabul qilishga oid takliflarni hamda ushbu hujjatlarning loyihalarini Tashkiliy qoʻmitaga taqdim etsin.

6. Oʻzbekiston Respublikasi Oliy Majlisi palatalarining qoʻmitalari 2021-yil 10 — 20-iyun kunlari Barqaror rivojlanish sohasidagi milliy maqsadlar va vazifalar doirasida amalga oshirilayotgan islohotlar mazmun-mohiyatini keng jamoatchilikka yetkazish uchun Barqaror rivojlanish haftaligini oʻtkazsin, unda har bir maqsad boʻyicha turkum davra suhbatlarini tashkil etsin hamda yakuniy takliflarni Tashkiliy qoʻmitaga kiritsin.

7. Oʻzbekiston Respublikasi Yoshlar ishlari agentligi Oʻzbekiston Respublikasi Oliy Majlisi palatalari huzuridagi Yoshlar parlamentlari bilan birgalikda bir oy muddatda Barqaror rivojlanish haftaligi doirasida Barqaror rivojlanish sohasidagi milliy maqsadlar va vazifalarning bajarilishini targʻib etuvchi “Hech kim eʼtibordan chetda qolmaydi!” shiori ostida respublikaning barcha hududlarida turkum tadbirlarni oʻtkazishga qaratilgan chora-tadbirlar dasturini ishlab chiqsin.

8. 2030-yilgacha boʻlgan davrda barqaror rivojlanish sohasidagi milliy maqsadlar va vazifalarni amalga oshirish boʻyicha Muvofiqlashtiruvchi kengash Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi bilan birgalikda 2021-yilning 1-iyuniga qadar “Oʻzbekiston barqaror rivojlanish maqsadlari sari” nomli kitob-albomini oʻzbek, rus hamda ingliz tillarida tayyorlash va nashr etish choralarini koʻrsin.

9. Oʻzbekiston Respublikasi Moliya vazirligi 2021-yilning 1-mayiga qadar Global forumning xarajatlar smetasini ishlab chiqsin va belgilangan tartibda Oʻzbekiston Respublikasi Vazirlar Mahkamasiga kiritsin.

10. Mazkur Qoʻshma qarorning ijrosini nazorat qilish Oʻzbekiston Respublikasi Oliy Majlisi Qonunchilik palatasi Spikerining birinchi oʻrinbosari A. Saidov va Oʻzbekiston Respublikasi Oliy Majlisi Senati Raisining birinchi oʻrinbosari S. Safoyev zimmasiga yuklansin.

11. Ushbu Qoʻshma qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2021-yil 9-aprel,

852-IV-son

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2021-yil 9-aprel,

KQ-211-IV-son

Oʻzbekiston Respublikasi Oliy Majlisi Qonunchilik palatasi Kengashining va Oʻzbekiston Respublikasi Oliy Majlisi Senati Kengashining 2021-yil 9-apreldagi 852-IV/KQ-211-IV-sonli Qoʻshma qaroriga 1-ILOVA

Barqaror rivojlanish maqsadlariga erishishda parlamentlararo global hamkorlik xalqaro forumining

KONSEPSIYASI

1-bob. Umumiy qoidalar

1. Mazkur konsepsiya Barqaror rivojlanish maqsadlariga erishishda parlamentlararo global hamkorlik forumini (bundan buyon matnda Global forum deb yuritiladi) oʻtkazishning maqsadi va vazifalarini belgilaydi hamda ularni amalga oshirishga qaratilgan dasturlar va keng koʻlamli chora-tadbirlarni ishlab chiqish uchun asos boʻladi.

2. Global forumning asosiy maqsadi barqaror rivojlanish maqsadlariga erishishda xalqaro tajriba almashish, mavjud muammolarni aniqlash hamda ularni bartaraf etish choralarini koʻrish, milliy maqsadlar va vazifalarni amalga oshirishda yangi usullar hamda vositalarni qoʻllash, Oʻzbekistonning bu boradagi ijobiy imijini xalqaro maydonda yanada yaxshilashdan iborat.

3. Global forumning asosiy vazifalari quyidagilardan iborat:

Oʻzbekistonning barqaror rivojlanish sohasida erishgan yutuqlari hamda tashabbuslarini dunyo hamjamiyati oʻrtasida targʻib qilish va shu orqali mamlakatning xalqaro obroʻ-eʼtiborini mustahkamlash;

barqaror rivojlanish maqsadlariga erishishda parlamentlararo hamkorlikni kengaytirish, rivojlangan mamlakatlarning ilgʻor tajribasi, amaliyoti va innovatsion yondashuvlaridan keng foydalanish;

barqaror rivojlanish maqsadlariga erishishda parlament nazoratining taʼsirchan shakllaridan keng foydalanishga qaratilgan takliflarni ishlab chiqish, davlat organlarining parlament va jamoatchilik oldidagi hisobdorligini taʼminlash, ularning bu boradagi saʼy-harakati va imkoniyatlarini birlashtirish;

barqaror rivojlanish sohasidagi milliy maqsadlar va vazifalarga erishishda qonun hujjatlarini yanada takomillashtirish;

barqaror rivojlanish sohasidagi masalalarni xorijiy olimlar, ekspertlar va mutaxassislar, xalqaro tashkilotlarning vakillari ishtirokida muhokama qilish hamda bu borada nazariy va amaliy tajriba almashish.

2-bob. Global forum tashkilotchilari va ishtirokchilari

4. Oʻzbekiston Respublikasi Oliy Majlisi palatalari, Oʻzbekiston Respublikasi Vazirlar Mahkamasi, Oʻzbekiston Respublikasini barqaror rivojlantirish sohasidagi Milliy maqsadlar va vazifalarning 2030-yilgacha boʻlgan davrda amalga oshirilishini nazorat qilish boʻyicha Parlament komissiyasi (bundan buyon matnda Parlament komissiyasi deb yuritiladi), 2030-yilgacha boʻlgan davrda barqaror rivojlanish sohasidagi milliy maqsadlar va vazifalarni amalga oshirish boʻyicha Muvofiqlashtiruvchi kengash (bundan buyon matnda Muvofiqlashtiruvchi kengash deb yuritiladi), Iqtisodiy taraqqiyot va kambagʻallikni qisqartirish vazirligi Global forumning asosiy milliy tashkilotchilari hisoblanadi.

Birlashgan Millatlar Tashkilotining (bundan buyon matnda BMT deb yuritiladi) Oʻzbekistondagi doimiy koordinatori, BMT Taraqqiyot Dasturining Oʻzbekistondagi doimiy vakili, BMT ixtisoslashgan tashkilotlarining Oʻzbekistondagi vakillari, xalqaro va xorijiy tashkilotlar Global forumning xalqaro hamkorlari hisoblanadi.

5. Global forumda dunyo mamlakatlari parlamentlari, parlamentlararo tashkilotlar, yoshlar parlamentlari aʼzolari, BMTning tarkibiy tuzilmalari (organlari va qoʻmitalari), xalqaro va mintaqaviy tashkilotlar, davlat organlari, fuqarolik jamiyati institutlarining vakillari, xalqaro va mahalliy ekspertlar, olimlar, soha mutaxassislari, jurnalistlar va boshqa jamoatchilik vakillari ishtirok etish uchun taklif qilinadi.

Ishtirokchilar tarkibini shakllantirish uchun tashkilotchilar tomonidan manfaatdor xalqaro tashkilotlar, parlamentlar, davlat organlari, fuqarolik jamiyati institutlariga Global forum haqida maʼlumot xati yuboriladi.

6. Global forumning kun tartibi, yalpi va shuoʻʼba majlislari mavzusi va maʼruzachilar roʻyxatini shakllantirish maqsadida Jamoatchilik maslahat kengashi tuziladi.

Jamoatchilik maslahat kengashi tarkibiga Parlament komissiyasi, Muvofiqlashtiruvchi kengash, Yoshlar parlamenti aʼzolari, yetakchi olimlar va mutaxassislar, fuqarolik jamiyati institutlari, xalqaro va mintaqaviy tashkilotlar vakillari kiritiladi.

7. Global forumni yuksak darajada oʻtkazish boʻyicha tayyorgarlik va keng koʻlamli tashkiliy tadbirlar rejasini taʼminlovchi chora-tadbirlarni tayyorlash hamda oʻz vaqtida amalga oshirish Oliy Majlis palatalari tomonidan tashkil etiladigan Global forumni oʻtkazish boʻyicha Tashkiliy qoʻmita tomonidan amalga oshiriladi.

3-bob. Global forumni amalga oshirishdan kutilayotgan natijalar

8. Global forumni amalga oshirish orqali quyidagi natijalarga erishish nazarda tutiladi:

BMT Bosh Assambleyasining “Barqaror rivojlanish maqsadlarini amalga oshirishda va inson huquqlarini himoya qilishda parlamentlarning rolini kuchaytirish haqida” maxsus rezolyutsiyasi qabul qilinishi boʻyicha xalqaro hamjamiyat uchun keng miqyosdagi targʻibot ishlarini amalga oshirish;

“Barqaror rivojlanish maqsadlariga erishishda parlamentlararo global hamkorlik” boʻyicha Buxoro deklaratsiyasini qabul qilish;

barqaror rivojlanish sohasidagi masalalar xorijiy olimlar, ekspertlar va mutaxassislar, xalqaro tashkilotlar vakillari ishtirokida muhokama qilinadi hamda bu borada nazariy va amaliy tajriba almashiladi;

barqaror rivojlanish sohasidagi dolzarb masalalarni muhokama qilish orqali bu boradagi global parlamentlararo hamkorlik yoʻlga qoʻyiladi;

2030-yilgacha boʻlgan davrda Oʻzbekiston Respublikasini barqaror rivojlantirish sohasidagi milliy maqsadlar va vazifalarga erishishda parlament, davlat organlari va fuqarolik jamiyati institutlarining saʼy-harakati va imkoniyatlari birlashtiriladi;

barqaror rivojlantirish sohasidagi milliy maqsadlar va vazifalar ijrosi ustidan taʼsirchan parlament nazorati taʼminlanadi;

barqaror rivojlanish sohasida mamlakatimizda erishilgan yutuqlar hamda tashabbuslar dunyo hamjamiyati bilan muhokama qilinadi, targʻib etiladi va shu orqali Oʻzbekistonning xalqaro maydondagi imiji mustahkamlanadi;

Barqaror rivojlanish maqsadlari xalqaro reytingida mamlakatimiz oʻrnining yaxshilanishiga erishiladi.

Barqaror rivojlanish maqsadlariga erishishda parlamentlararo global hamkorlik xalqaro forumini oʻtkazish

REGLAMENTI

1-bob. Umumiy qoidalar

1. Mazkur Reglament Barqaror rivojlanish maqsadlariga erishishda parlamentlararo global hamkorlik xalqaro forumiga (bundan buyon matnda Global forum deb yuritiladi) tayyorgarlik koʻrish va uni tashkiliy jihatdan yuqori saviyada oʻtkazish tartibini belgilaydi.

2. Global forum, qoida tariqasida, har ikki yilda bir marta yilning may-iyun oylarida yoki Global forumni oʻtkazish boʻyicha Tashkiliy qoʻmita (bundan buyon matnda Tashkiliy qoʻmita deb yuritiladi) taklifiga asosan boshqa vaqtlarda ham oʻtkazilishi mumkin.

3. Global forum, qoida tariqasida, Buxoro shahrida yoki Tashkiliy qoʻmita taklifiga asosan boshqa shaharda oʻtkaziladi.

4. Global forumning ishchi organi Oʻzbekiston Respublikasi Oliy Majlisi Senatining Devoni hisoblanadi.

2-bob. Tashkiliy qoʻmita

5. Global forumni yuksak darajada oʻtkazishga qaratilgan barcha tayyorgarlik va tashkiliy tadbirlarni tayyorlash, shuningdek ularni oʻz vaqtida amalga oshirish Tashkiliy qoʻmita tomonidan taʼminlanadi.

6. Quyidagilar Tashkiliy qoʻmitaning asosiy vazifalari hisoblanadi:

Global forumni yuqori saviyada oʻtkazishga qaratilgan barcha tayyorgarlik va tashkiliy tadbirlarni oʻzida aks ettirgan chora-tadbirlar rejasini ishlab chiqish hamda ularni oʻz vaqtida amalga oshirish;

Global forum ishtirokchilarining kelib-ketishi, vizalari rasmiylashtirilishi, transport bilan taʼminlanishi va ularga tibbiy xizmatlar koʻrsatish masalalarini muvofiqlashtirish;

axborot-tahliliy va boshqa hujjatlarni oʻz vaqtida hamda sifatli tayyorlashni taʼminlash;

tadbirlar oʻtkaziladigan joylarning texnik va telekommunikatsiyalar bilan taʼminlanishini, obodonlashtirish va yoʻl taʼmirlash ishlari olib borilishini tashkil etish, shuningdek, Toshkent va Buxoroda yoki boshqa shaharlarda zarur mehmonxonalarning tayyor boʻlishi hamda band qilinishini taʼminlash;

Global forum oʻtkaziladigan joylarda qatʼiy sanitariya-epidemiologik nazorat oʻrnatish choralarini koʻrish;

chora-tadbirlar rejasini oʻz vaqtida va sifatli ijro etish boʻyicha vazirliklar hamda idoralar faoliyatini muvofiqlashtirish, shuningdek Global forumga tayyorgarlik koʻrish va oʻtkazish bilan bogʻliq boʻlgan boshqa tashkiliy masalalarni hal qilish.

7. Tashkiliy qoʻmita taklifiga asosan Global forumni oʻtkazish boʻyicha tashkiliy ishlarga xalqaro tashkilotlar, xorijiy nodavlat notijorat tashkilotlari jalb qilinishi mumkin.

3-bob. Global forumni tashkil etish va oʻtkazish tartibi

8. Global forum oʻtkaziladigan yilning may oyida Tashkiliy qoʻmita tomonidan Oʻzbekiston Respublikasi Tashqi ishlar vazirligi hamda Buxoro viloyati (yoki boshqa viloyat) hokimligining takliflari asosida tegishli vazirliklar va idoralar bilan birgalikda ushbu tadbirlarni oʻtkazish bilan bogʻliq boʻlgan tashkiliy chora-tadbirlarni hamda Global forumning xarajatlar smetasini nazarda tutadigan Oʻzbekiston Respublikasi Vazirlar Mahkamasining farmoyishi loyihasi tayyorlanadi.

9. Tashkiliy qoʻmita Global forumni oʻtkazish bilan bogʻliq tadbirlarga munosib tayyorgarlik koʻrish va ularni oʻtkazish boʻyicha chora-tadbirlar rejasini ishlab chiqish hamda uni amalga oshirish tizimini joriy etadi.

10. Global forumni oʻtkazish boʻyicha davlat organlari va tashkilotlariga quyidagi vazifalar yuklanadi:

Oʻzbekiston Respublikasi Tashqi ishlar vazirligi:

Oʻzbekiston Respublikasi Senatining viza talabnomalariga asosan Oʻzbekiston Respublikasining chet eldagi diplomatik va konsullik vakolatxonalari tomonidan, shuningdek zarur hollarda Islom Karimov nomidagi “Toshkent” xalqaro aeroportida Global forumning xorijiy ishtirokchilari uchun kirish vizalarini konsullik yigʻimlari va haqiqiy xarajatlarni qoplash uchun hisob raqamiga yigʻimlar undirmasdan rasmiylashtirish;

Oʻzbekiston Respublikasida akkreditatsiyadan oʻtgan diplomatik korpus hamda xalqaro tashkilotlar vakillarining Global forumda ishtirokini taʼminlash;

Oʻzbekiston Respublikasi Davlat bojxona qoʻmitasi — Global forumda ishtirok etishi uchun Oʻzbekiston Respublikasiga tashrif buyuruvchi delegatsiyalar hamda delegatlarning bojxona nazorati va rasmiylashtiruvidan oʻz vaqtida oʻtishini taʼminlash;

Oʻzbekiston Respublikasi Ichki ishlar vazirligi va Milliy gvardiyasi — Oʻzbekiston Respublikasida delegatsiyalar hamda delegatlarning xavfsizligi hamda Toshkent va Buxoro shaharlarining (yoki boshqa shaharlarning) tadbirlar oʻtkaziladigan joylarida xavfsizlikni taʼminlash;

Oʻzbekiston Respublikasi Sogʻliqni saqlash vazirligi — Global forumni oʻtkazish davrida tadbirlar oʻtkazilishi va mehmonlar yashashi kerak boʻlgan joylarda samarali sanitariya-epidemiologik nazorat oʻrnatish hamda sifatli tibbiy xizmat koʻrsatilishini taʼminlash;

Oʻzbekiston Respublikasi Yoshlar ishlari agentligi — Global forumni tashkil etish va oʻtkazish jarayoniga koʻngillilarni (volontyorlarni) jalb qilishni taʼminlash;

Oʻzbekiston Respublikasi Madaniyat vazirligi Oʻzbekiston Kinematografiya agentligi bilan birgalikda — Global forumning ochilish tadbirida, tanaffus va tushlik vaqtida milliy fon (jonli), tadbir ishtirokchilari uchun tashkil etiladigan rasmiy qabulda konsert dasturi hamda multimedia taqdimotini tashkil etishda yuksak professional mahorat va tajribaga ega boʻlgan yosh sanʼatkorlarni belgilangan tartibda shartnoma asosida keng jalb etishni taʼminlash;

Toshkent shahar va Buxoro viloyati (yoki boshqa viloyat) hokimligi, Oʻzbekiston Respublikasi Turizm va sport vazirligi — Global forum qatnashchilari va mehmonlar uchun mehmonxonalardan joy ajratish choralarini koʻrish;

“Uzbekistan airways” hamda “Oʻzbekiston temir yoʻllari” aksiyadorlik jamiyatlari — Islom Karimov nomidagi “Toshkent” xalqaro aeroporti, Buxoro (yoki boshqa shahar) xalqaro aeroporti, Toshkent va Buxoro (yoki boshqa shahar) temir yoʻl vokzallarini hamda ulardagi VIP zallarini delegatsiyalarni kutib olish, kuzatish va ularga xizmat koʻrsatish uchun tayyorlash;

Buxoro viloyati (yoki boshqa viloyat) hokimligi — Buxoroda (yoki boshqa shaharda) keng koʻlamda obodonlashtirish va koʻkalamzorlashtirish ishlarini amalga oshirish, Global forum oʻtkaziladigan binolar hamda hududlarni talab darajasida tayyorlashni taʼminlash;

Oʻzbekiston Kinematografiya agentligi va Oʻzbekiston Milliy teleradiokompaniyasi — Global forumni targʻib qiladigan qisqa metrajli hujjatli filmlar yaratish va ularning namoyish etilishini tashkil qilish.

Oʻzbekiston Savdo-sanoat palatasi, Badiiy akademiyasi va “Hunarmand” uyushmasiga Global forumning xorijiy ishtirokchilari uchun esdalik sovgʻalari berish boʻyicha takliflar ishlab chiqish va Tashkiliy qoʻmitaga kiritish tavsiya etiladi.

11. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston Milliy Axborot agentligi, “Dunyo” axborot agentligi, Oʻzbekiston Milliy teleradiokompaniyasiga Global forum oʻtkaziladigan yilning mart oyida ushbu tadbirlarning maqsadlar va vazifalarini mahalliy hamda xorijiy ommaviy axborot vositalarida keng yoritish media-rejasini ishlab chiqish va tasdiqlash uchun Tashkiliy qoʻmitaga taqdim qilish tavsiya etiladi.

Tasdiqlangan media-reja asosida Global forumni oʻtkazishga tayyorgarlik koʻrish va uni oʻtkazish boʻyicha amalga oshiriladigan ishlarni mahalliy va xorijiy ommaviy axborot vositalarida muntazam yoritib borish taʼminlanadi.

12. Global forum formati yalpi, shuʼba majlislar, turli tadbirlar (seminarlar, davra suhbatlari, ilmiy konferensiyalar, mahorat darslari, taqdimotlar, brifinglar, matbuot anjumanlari va shu kabilar) shaklida oʻtkaziladi.

Global forum, qoida tariqasida, ikki kun davom etadi.

Global forum videokonferensaloqa shaklida ham oʻtkazilishi mumkin.

Global forum ishtirokchilari uchun madaniy dasturlar ham tashkil etilishi mumkin.

13. Global forum oʻzbek, ingliz va rus tillarida ish olib boradi. Tashkiliy qoʻmita taklifiga asosan tadbir boshqa tillarda ham olib borilishi mumkin.

14. Global forum dasturi Tashkiliy qoʻmita, Jamoatchilik maslahat kengashi, Oʻzbekiston Respublikasini barqaror rivojlantirish sohasidagi Milliy maqsadlar va vazifalarning 2030-yilgacha boʻlgan davrda amalga oshirilishini nazorat qilish boʻyicha Parlament komissiyasi hamda 2030-yilgacha boʻlgan davrda barqaror rivojlanish sohasidagi milliy maqsadlar va vazifalarni amalga oshirish boʻyicha Muvofiqlashtiruvchi kengash aʼzolari takliflari asosida shakllantiriladi hamda tadbirlar boshlanishidan kamida ikki oy oldin tasdiqlanadi.

Yalpi yigʻilishlar reglamenti:

maʼruzalar — 20 daqiqa, chiqishlar — 10 daqiqa.

Shuʼba yigʻilishlar reglamenti:

maʼruzalar — 15 daqiqa, chiqishlar — 7 daqiqa.

15. Global forumni axborot bilan taʼminlash quyidagi yoʻnalishlarni oʻz ichiga oladi:

axborotni ommaviy axborot vositalarida joylashtirish, jonli efirga uzatish;

maʼlumotlarni http://nsdg.stat.uz/ veb-sahifasida va ijtimoiy tarmoqlarda joylashtirish;

matbuot anjumanlari oʻtkazish.

Global forumni oʻtkazish boʻyicha Matbuot markazi tuziladi, uning faoliyatida mahalliy va xorijiy ommaviy axborot vositalari ishtirok etadi.

Global forum Internet jahon axborot tarmogʻida oʻz veb-sahifasiga ega boʻlishi mumkin.

16. Global forum yakunlari boʻyicha ishtirokchilar tomonidan barqaror rivojlanish sohasida tavsiyaviy xususiyatga ega boʻlgan deklaratsiya, rezolyutsiya yoki boshqa hujjat qabul qilinadi.

Global forumning yakuniy hujjatlari BMT, EXHT va boshqa xalqaro tashkilotlarga, parlamentlarga yuboriladi, shuningdek tashkilotchilarning veb-saytlarida va ommaviy axborot vositalarida joylashtiriladi.

4-bob. Global forum ishtirokchilari va unda ishtirok etish shakllari

17. Global forumda dunyo mamlakatlari parlamentlari, parlamentlararo tashkilotlar, yoshlar parlamentlari aʼzolari, BMTning tarkibiy tuzilmalari (organlari va qoʻmitalari), xalqaro va mintaqaviy tashkilotlar, davlat organlari, fuqarolik jamiyati institutlarining vakillari, xalqaro va mahalliy ekspertlar, olimlar, soha mutaxassislari, jurnalistlar va boshqa jamoatchilik vakillari ishtirok etish uchun taklif qilinadi.

18. Ishtirokchilar Global forumning yalpi va shuʼba majlislarida, tadbirlari (seminarlar, davra suhbatlari, ilmiy konferensiyalar, mahorat darslari, taqdimotlar, brifinglar, matbuot anjumanlari va shu kabilar) hamda madaniy dasturlarida qatnashishi mumkin.

19. Global forumda ishtirok etish — maʼruza bilan chiqish qilish, mahorat darslari oʻtish, munozaralarda qatnashish yoki tinglovchi sifatida qatnashish tarzida va boshqa shakllarda boʻlishi mumkin.

20. Global forumda ishtirok etish shartlari quyidagilardan iborat:

ishtirokchilarning oldindan elektron roʻyxatdan oʻtishi yoki ishtirokini boshqacha tarzda tasdiqlash;

dastlabki ekspertizadan oʻtkazish uchun maʼruzalar matnlarini yoki boshqa materiallarni taqdim etish;

Global forumga shaxsan tashrif buyurish (agar videokonferensaloqa shaklida oʻtkazilmayotgan boʻlsa).

21. Tashkiliy qoʻmita taklifiga asosan Global forumda ishtirok etganligini tasdiqlovchi sertifikat berilishi mumkin.

5-bob. Yakunlovchi qoidalar

22. Global forumning dasturi u boshlanishidan kamida bir oy oldin Tashkiliy qoʻmita tomonidan ishtirokchilarga yuboriladi.

23. Global forumni moliyalashtirish Oʻzbekiston Respublikasining Davlat budjeti mablagʻlari, mahalliy budjetning qoʻshimcha manbalari, xalqaro tashkilotlarning mablagʻlari yoki homiylik xayriyalari, tashkilotchilarning mablagʻlari yoki qonun hujjatlarida taqiqlanmagan boshqa manbalar hisobidan amalga oshiriladi.

Ushbu mablagʻlar Forum doirasida mamlakatda transport bilan taʼminlash hamda ishtirokchilarning ovqatlanishi, mehmonxonada yashashi bilan bogʻliq xarajatlarni qoplash uchun yoʻnaltiriladi.

Barqaror rivojlanish maqsadlariga erishishda parlamentlararo global hamkorlik xalqaro forumini oʻtkazish boʻyicha Tashkiliy qoʻmita

TARKIBI

1. T.K. Narbayeva — Oʻzbekiston Respublikasi Oliy Majlisi Senati Raisi, Tashkiliy qoʻmita hamraisi 2. N.M. Ismailov — Oʻzbekiston Respublikasi Oliy Majlisi Qonunchilik palatasi Spikeri, Tashkiliy qoʻmita hamraisi 3. S.S. Safoyev — Oʻzbekiston Respublikasi Oliy Majlisi Senati Raisining birinchi oʻrinbosari 4. A.X. Saidov — Oʻzbekiston Respublikasi Oliy Majlisi Qonunchilik palatasi Spikerining birinchi oʻrinbosari 5. X. Freyzer — BMTning Oʻzbekistondagi doimiy koordinatori 6. E.F. Gadoyev — Oʻzbekiston Respublikasi Oliy Majlisi Senatining Budjet va iqtisodiy islohotlar masalalari qoʻmitasi raisi 7. R.A. Alimov — Oʻzbekiston Respublikasi Oliy Majlisi Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi raisi 8. D.X. Fayziyeva — Oʻzbekiston Respublikasi Oliy Majlisi Qonunchilik palatasining Xalqaro ishlar va parlamentlararo aloqalar qoʻmitasi raisi 9. M.A. Kadirxanova — Oʻzbekiston Respublikasi Oliy Majlisi Senatining Xotin-qizlar va gender tenglik masalalari qoʻmitasi raisi 10. M.A. Varisova — Oʻzbekiston Respublikasi Oliy Majlisi Qonunchilik palatasining Oila va ayollar masalalari boʻyicha komissiyasi raisi 11. J.A. Qoʻchqorov — Oʻzbekiston Respublikasi Bosh vazirining m�liya-iqtisodiyot va kambagʻallikni qisqartirish masalalari boʻyicha oʻrinbosari — Oʻzbekiston Respublikasi iqtisodiy taraqqiyot va kambagʻallikni qisqartirish vaziri, Muvofiqlashtiruvchi kengash rahbari 12. A.A. Abduxakimov — Oʻzbekiston Respublikasi Bosh vazirining oʻrinbosari — Oʻzbekiston Respublikasi turizm va sport vaziri 13. kelishuv asosida — Oʻzbekiston Respublikasi Prezidenti huzuridagi Xavfsizlik kengashi apparati masʼul xodimi 14. E.T. Yuldashev — Oʻzbekiston Respublikasi Bosh prokurorining oʻrinbosari 15. O.Z. Nasritdinxodjayev — Oʻzbekiston Respublikasi moliya vazirining birinchi oʻrinbosari 16. A.N. Karimov — Oʻzbekiston Respublikasi adliya vazirining oʻrinbosari 17. F.N. Arziyev — Oʻzbekiston Respublikasi tashqi ishlar vazirining birinchi oʻrinbosari 18. L.Sh. Kudratov — Oʻzbekiston Respublikasi investitsiyalar va tashqi savdo vazirining birinchi oʻrinbosari 19. A.Sh. Inoyatov — Oʻzbekiston Respublikasi sogʻliqni saqlash vazirining birinchi oʻrinbosari 20. Sh.U. Turdikulova — Oʻzbekiston Respublikasi innovatsion rivojlanish vazirining birinchi oʻrinbosari 21. U.Sh. Begimqulov — Oʻzbekiston Respublikasi oliy va oʻrta maxsus taʼlim vazirining oʻrinbosari 22. U.U. Sharifxodjayev — Oʻzbekiston Respublikasi xalq taʼlimi vazirining birinchi oʻrinbosari 23. K.T. Olimov — Oʻzbekiston Respublikasi maktabgacha taʼlim vazirining birinchi oʻrinbosari 24. E.M. Muxitdinov — Oʻzbekiston Respublikasi bandlik va mehnat munosabatlari vazirining birinchi oʻrinbosari 25. J.Sh. Nosirov — Oʻzbekiston Respublikasi madaniyat vazirining birinchi oʻrinbosari 26. A.S. Nazarov — Oʻzbekiston Respublikasi suv xoʻjaligi vazirining birinchi oʻrinbosari 27. Sh.J. Teshayev — Oʻzbekiston Respublikasi qishloq xoʻjaligi vazirining oʻrinbosari 28. O.A. Pekos — Oʻzbekiston Respublikasi axborot texnologiyalari va kommunikatsiyalarini rivojlantirish vazirining birinchi oʻrinbosari 29. Sh.U. Sobirov — Oʻzbekiston Respublikasi ichki ishlar vazirining birinchi oʻrinbosari 30. A.X. Qoʻldoshev — Oʻzbekiston Respublikasi favqulodda vaziyatlar vazirining birinchi oʻrinbosari 31. B.T. Abdullayev — Oʻzbekiston Respublikasi Milliy gvardiyasi qoʻmondonining birinchi oʻrinbosari 32. R.J. Usmanov — Oʻzbekiston Respublikasi transport vazirining oʻrinbosari 33. A.Oʻ. Aqqulov — Oʻzbekiston Respublikasi turizmni rivojlantirish davlat qoʻmitasi raisining birinchi oʻrinbosari 34. A.I. Maksudov — Oʻzbekiston Respublikasi Ekologiya va atrof-muhitni muhofaza qilish davlat qoʻmitasining raisi 35. B.A. Begalov — Oʻzbekiston Respublikasi Davlat statistika qoʻmitasining raisi 36. A.A. Abduvaliyev — Oʻzbekiston Respublikasi transport vazirining oʻrinbosari — Avtomobil yoʻllari qoʻmitasi raisi 37. A.Z. Saʼdullayev — Oʻzbekiston Respublikasi Yoshlar ishlari agentligi direktori 38. M.A. Tillabayev — Inson huquqlari boʻyicha Oʻzbekiston Respublikasi Milliy markazi direktorining birinchi oʻrinbosari 39. J.O. Ortiqxoʻjayev — Toshkent shahar hokimi 40. B.K. Zaripov — Buxoro viloyati hokimi 41. A.I. Neʼmatov — Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti direktorining birinchi oʻrinbosari 42. A.A. Xodjayev — Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi direktori 43. A.J. Xodjayev — Oʻzbekiston Milliy teleradiokompaniyasi raisi 44. A.K. Koʻchimov — Oʻzbekiston Milliy axborot agentligi Bosh direktori 45. Sh.T. Kudrathoʻjayev — Xalqaro press-klub rahbari 46. F.F. Abduxalikov — Oʻzbekiston Respublikasi Kinematografiya agentligi direktori, Oʻzbekiston elektron ommaviy axborot vositalari milliy assotsiatsiyasi raisi 47. S.L. Suyarov — “Dunyo” axborot agentligi direktori 48. A.I. Ikramov — Oʻzbekiston Savdo-sanoat palatasi raisi 49. A.V. Nuridinov — Oʻzbekiston Badiiy akademiyasi raisi 50. B.M. Bekmurodov — “Yuksalish” umummilliy harakat raisi 51. F.X. Otaxonov — Oʻzbekiston Respublikasi Oliy Majlisi huzuridagi Qonunchilik muammolari va parlament tadqiqotlari instituti direktori 52. O.O. Izzatillayev — Oʻzbekiston Respublikasi Oliy Majlisi Senati devonining Xalqaro reyting va indekslar bilan ishlash boʻlimi mudiri, Tashkiliy qoʻmita masʼul kotibi

Izoh. Tashkiliy qoʻmita aʼzolari boshqa ishga oʻtgan taqdirda, ularning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.

Barqaror rivojlanish maqsadlariga erishishda parlamentlararo global hamkorlik xalqaro forumini 2021-yil 23-24-iyun kunlari Buxoro shahrida oʻtkazish boʻyicha

TAShKILIY ChORA-TADBIRLAR DASTURI

T/R Tadbirlar Ijro muddati Masʼullar I. Tashkiliy masalalar 1. Global forumni oʻtkazish uchun infratuzilma obyektlarini (binolarni) koʻrib chiqish. 15-maygacha Buxoro viloyati hokimligi, Moliya vazirligi, Turizm va sport vazirligi, Iqtisodiy taraqqiyot va kambagʻallikni qisqartirish vazirligi 2. Global forumda Oʻzbekiston tomonidan ishtirok etuvchi ekspertlarning roʻyxatini tuzish. 25-maygacha Oliy Majlis Senati, Oliy Majlis Qonunchilik palatasi, Iqtisodiy taraqqiyot va kambagʻallikni qisqartirish vazirligi, Tashqi ishlar vazirligi 3. Oʻzbekiston Respublikasining chet eldagi diplomatik vakolatxonalari bilan hamkorlikda delegatsiyalarning tarkibi, tashrif kunlari va dasturini (kutib olish, kuzatish va boshqa tadbirlar) ishlab chiqish. 5-iyungacha Tashqi ishlar vazirligi, Oliy Majlis Senati, Oliy Majlis Qonunchilik palatasi 4. Global forum dasturi va tadbir ishtirokchilarining roʻyxati loyihasini tayyorlash. 1-maygacha Oliy Majlis Senati, Oliy Majlis Qonunchilik palatasi, Iqtisodiy taraqqiyot va kambagʻallikni qisqartirish vazirligi, Tashqi ishlar vazirligi 5. Global forumning xarajatlar smetasini ishlab chiqish va belgilangan tartibda Vazirlar Mahkamasining farmoyishini tayyorlash. 1-maygacha Moliya vazirligi, Vazirlar Mahkamasi 6. Global forum tashkilotchilari — Oʻzbekiston Respublikasi Oliy Majlisi palatalari, Vazirlar Mahkamasi, Parlament komissiyasi, Muvofiqlashtiruvchi kengash, Iqtisodiy taraqqiyot va kambagʻallikni qisqartirish vazirligi nomidan taklifnomalarni tayyorlash va ularni forum ishtirokchilariga yuborish. 25-maygacha Oliy Majlis Senati, Oliy Majlis Qonunchilik palatasi, Tashqi ishlar vazirligi 7. Global forumning xorijiy ishtirokchilari uchun kirish vizalari va boshqa hujjatlarni rasmiylashtirish bilan bogʻliq masalalarni hal etish. 1-iyungacha Tashqi ishlar vazirligi, Oliy Majlis Senati, Oliy Majlis Qonunchilik palatasi, “Oʻzbekiston temir yoʻllari” AJ, “Uzbekistan airways” AJ, “Uzbekistan airports” AJ 8. Toshkent-Buxoro-Toshkent yoʻnalishi boʻyicha Global forum ishtirokchilari uchun temir yoʻl va avia chiptalarini band (bron) qilish va maxsus reys tashkil qilish. 1-iyun Oliy Majlis Senati, Oliy Majlis Qonunchilik palatasi, “Oʻzbekiston temir yoʻllari” AJ, “Uzbekistan airways” AJ, “Uzbekistan airports” AJ 9. Global forum logotipini, sumka, papka, bloknot, qalam, beydjik, banner, bayroq, kuvertka va boshqa anjomlarni tayyorlash. 1-iyungacha Buxoro viloyati hokimligi, Toshkent shahar hokimligi, Oliy Majlis Senati, Oliy Majlis Qonunchilik palatasi 10. Forum ishtirokchilarini tadbirlarga kirish huquqini beruvchi beydjiklar bilan taʼminlash. 20-iyungacha Oliy Majlis Senati, Oliy Majlis Qonunchilik palatasi, Iqtisodiy taraqqiyot va kambagʻallikni qisqartirish vazirligi, Tashqi ishlar vazirligi 11. Global forumning xorijiy ishtirokchilari roʻyxatidan kelib chiqib, masʼul vazirlik va idoralarning rahbarlari hamda xodimlarini biriktirish boʻyicha takliflar tayyorlash va Tashkiliy qoʻmitaga kiritish. 1-iyungacha Oliy Majlis Senati, Oliy Majlis Qonunchilik palatasi, Tashqi ishlar vazirligi, Iqtisodiy taraqqiyot va kambagʻallikni qisqartirish vazirligi, Ichki ishlar vazirligi va boshqalar 12. Toshkent shahridagi (A. Navoiy nomidagi milliy kutubxona) binosida, Toshkent va Buxoro shahridagi aeroport va temir yoʻl vokzallarida, Global forum ishtirokchilari joylashgan mehmonxonalarda va tadbir oʻtkaziladigan joylarda Global forumni oʻtkazish bilan bogʻliq shtablar faoliyatini tashkil etish. 10 — 24-iyun Toshkent shahar hokimligi, Buxoro viloyati hokimligi, Oliy Majlis Senati, Oliy Majlis Qonunchilik palatasi “Oʻzbekiston temir yoʻllari” AJ, “Uzbekistan airways” AJ, “Uzbekistan airports” AJ, Turizm va sport vazirligi, Ichki ishlar vazirligi 13. Ommaviy axborot vositalarida Global forumni yoritish boʻyicha matbuot markazini tashkil etish va uni quyidagi texnik jihozlar bilan taʼminlash: Kompyuterlarni oʻrnatilgan tartibda Internet tarmogʻiga (WiFi) ulanishi bilan (20 dona); oʻrnatilgan tartibda shaharga chiqish telefonlari (4 dona); printer (4 dona), nusxalash-koʻpaytirish texnikasi (4 dona), rangli skaner (4 dona); kanse�yariya anjomlari; beydjiklar; televizor (“Oʻzbekiston 24”, “Uzreport” va Euronews telekanallariga ulangan holda) 4 dona; jurnalistlar uchun press-vol. 15-iyungacha Buxoro viloyati hokimligi, Axborot texnologiyalari va kommunikatsiyalarini rivojlantirish vazirligi, Milliy teleradiokompaniya, Milliy axborot agentligi, “Dunyo” axborot agentligi 14. Global forum veb-sahifasini yaratish. 1-iyungacha Iqtisodiy taraqqiyot va kambagʻallikni qisqartirish vazirligi, Axborot texnologiyalari va kommunikatsiyalarini rivojlantirish vazirligi, Parlament komissiyasi, Muvof�qlashtiruvchi kengash 15. Muzokaralar oʻtkazish zallarini oʻrnatilgan tartibda ovoz kuchaytirish va sinxron tarjima qilish uskunalari bilan taʼminlash. 15-iyungacha Buxoro viloyati hokimligi, Axborot texnologiyalari va kommunikatsiyalarini rivojlantirish vazirligi 16. Global forum oʻtkaziladigan joyni vaqtincha foydalanish uchun kompyuter, printer, nusxalash-koʻpaytirish texnikasi bilan jihozlash. Tadbirni tayyorlash mobaynida Buxoro viloyati hokimligi, Axborot texnologiyalari va kommunikatsiyalarini rivojlantirish vazirligi 17. Toshkent va Buxoro shaharlarining koʻchalarida plakat va bannerlar joylashtirish. 1-iyungacha Toshkent shahar hokimligi, Buxoro viloyati hokimligi 18. Global forumda, delegatsiyalar aʼzolari yashaydigan joylarda, aeroport va temir yoʻl vokzallarida ishlash uchun tarjimon-volontyorlar bilan taʼminlash. 20 — 26-iyun Yoshlar ishlari agentligi, Tashqi ishlar vazirligi 19. Global forum ishtirokchilari uchun esdalik (suvenir) sovgʻalar tayyorlash. 1-iyungacha Buxoro viloyati hokimligi, Oʻzbekiston badiiy akademiyasi, “Hunarmand” uyushmasi, Oliy Majlis Senati, Oliy Majlis Qonunchilik palatasi, Moliya vazirligi, Iqtisodiy taraqqiyot va kambagʻallikni qisqartirish vazirligi 20. Global forum doirasida tashkil etiladigan rasmiy qabul, norasmiy kechki ovqat, tushlik va kofe-breyklar oʻtkazish. 23-24-iyun Buxoro viloyati hokimligi, Tashqi ishlar vazirligi, Moliya vazirligi, “Oʻzbekoziqovqatzaxira” uyushmasi II. Axborot-tahliliy va mazmuniy masalalar 21. Global forum dasturi doirasida rasmiy tadbir va marosimlar ssenariysi va sxemasini ishlab chiqish (kelib-ketish, marosimlarni ochish va yopish, matbuot anjumani, rasmiy va norasmiy uchrashuvlar, kofe-breyk, fotosuratga tushish, madaniy dastur). 1-iyungacha Oliy Majlis Senati, Oliy Majlis Qonunchilik palatasi, Tashqi ishlar vazirligi, Madaniyat vazirligi, Toshkent shahar hokimligi, Buxoro viloyati hokimligi 22. Ochilish va yopilish marosimlarida, yalpi va shuʼba majlislarida, matbuot anjumanlarida, ikki tomonlama uchrashuvlarda chiqish soʻzlarini va axborot-tahliliy hujjatlar tayyorlash. 5-iyungacha Oliy Majlis Senati, Oliy Majlis Qonunchilik palatasi, Iqtisodiy taraqqiyot va kambagʻallikni qisqartirish vazirligi, Tashqi ishlar vazirligi 23. Oʻzbekistonning Barqaror rivojlanish sohasida erishgan natijalarini aks ettiruvchi infografik bukletlar tayyorlash va ularni tadbir ishtirokchilariga yetkazish. 1-iyun Davlat statistika qoʻmitasi, Iqtisodiy taraqqiyot va kambagʻallikni qisqartirish vazirligi, Oliy Majlis Senati, Oliy Majlis Qonunchilik palatasi 24. Ommaviy axborot vositalarida boʻlajak forumni oʻtkazishga bagʻishlangan koʻrsatuvlar va reklama roliklarini tayyorlash hamda efirga uzatib borish. iyun Milliy teleradiokompaniya, Xalqaro press-klub, Milliy axborot agentligi, Elektron ommaviy axborot vositalari milliy assotsiatsiyasi, Oliy Majlis Senati axborot xizmati, Oliy Majlis Qonunchilik palatasi axborot xizmati 25. Barqaror rivojlanish sohasidagi milliy maqsad va vazifalar doirasida Oʻzbekistonda erishilgan yutuqlarni aks ettiruvchi 5 — 7 daqiqali hujjatli film tayyorlash. 1-iyungacha Elektron ommaviy axborot vositalari milliy assotsiatsiyasi, Milliy teleradiokompaniya, Oliy Majlis Senati axborot xizmati, Oliy Majlis Qonunchilik palatasi axborot xizmati, Iqtisodiy taraqqiyot va kambagʻallikni qisqartirish vazirligi 26. Global forumning ochilishi marosimini OAV orqali jonli namoyish etish va ish jarayonini yoritish. 23-24-iyun Milliy teleradiokompaniya, “Uzreport” telekanali, Milliy axborot agentligi, “Dunyo” axborot agentligi, Xalqaro press-klub, Elektron ommaviy axborot vositalari milliy assotsiatsiyasi 27. Global forumning yakuni toʻgʻrisida axborot materiallarini tayyorlash va chop etish. Tadbir yakuni boʻyicha Milliy teleradiokompaniya, Milliy axborot agentligi, “Dunyo” axborot agentligi, Elektron ommaviy axborot vositalari milliy assotsiatsiyasi 28. “Barqaror rivojlanish maqsadlariga erishishda parlamentlararo global hamkorlik” boʻyicha Buxoro deklaratsiyasini qabul qilish. 24-iyun Parlament komissiyasi, Muvofiqlashtiruvchi kengash, Tashqi ishlar vazirligi III. Xavfsizlik masalalari 29. Favqulodda vaziyatlardan muhofaza qilish va xavfsizlikni taʼminlash maqsadida: Oʻzbekiston Respublikasi Favqulodda vaziyatlar vazirligi qutqaruv xizmati xodimlaridan iborat ishchi guruhlarni shakllantirish; texnik kommunikatsiyalarning barqaror ishlashi, turli konstruksiyalarning mustahkamligi, mehmonxona majmualari va forum oʻtkaziladigan obyektlar va ularning 150 metr radiusida joylashgan obyektlarda tekshiruvlar yoki yongʻin-profilaktika koʻrigini oʻtkazish; ushbu joylarda radiatsiya va kimyoviy miqdorni oʻlchash punktini tashkil etish; tezkor qutqaruv guruhlarni shakllantirish va ularning delegatsiya aʼzolari yashaydigan joylarda kecha-kunduz navbatchiligini tashkil etish; Global forum xavfsizligini taʼminlashda favqulodda vaziyatlar davlat tizimiga kiruvchi xizmatlar va boshqa idoralar bilan hamkorlikda obyektlarda sodir boʻlishi mumkin boʻlgan favqulodda vaziyatlarni hamkorlikda bartaraf etish boʻyicha maxsus-taktik oʻquv mashgʻulotlarini oʻtkazish. 10-iyungacha Favqulodda vaziyatlar vazirligi, Ichki ishlar vazirligi, Milliy gvardiya 30. Toshkent shahar va Buxoro viloyati Favqulodda vaziyatlar boshqarmalari tomonidan tadbir oʻtkaziladigan obyektlar va ularning atrofida favqulodda vaziyatlarning oldini olish hamda yongʻin xavfsizligini taʼminlash maqsadida yongʻin-qutqaruv boʻlinmalarini navbatchiligini tashkil etish. Forumga tayyorgarlik koʻrish va oʻtkazish vaqtida Favqulodda vaziyatlar vazirligi 31. Toshkent va Buxoro shaharlaridagi mehmonxonalarning texnik holatini tekshirib borish (lift, elektr energiyasi, yongʻin xavfsizligi, suv va issiqlik taʼminoti va boshqalar). 10-iyundan boshlab tadbir yakuniga qadar Toshkent shahar hokimligi, Buxoro viloyati hokimligi, Energetika vazirligi, Uy-joy kommunal xizmat koʻrsatish vazirligi, Turizm va sport vazirligi, Favqulodda vaziyatlar vazirligi 32. Xorijiy delegatsiyalarning kelguniga qadar shahar infratuzilmasini tayyor holatga keltirish (temir yoʻl vokzalini tayyorlash, shahar boʻylab harakatlanishni ishlab chiqish, turli obyektlarga tashriflarni uyushtirish, gid-tarjimonlar bilan taʼminlash va hokazo). 15-iyungacha Toshkent shahar hokimligi, Buxoro viloyati hokimligi, Madaniyat vazirligi, “Oʻzbekiston temir yoʻllari” AJ, Turizm va sport vazirligi, Ichki ishlar vazirligi, Tashqi ishlar vazirligi 33. Global forum ishtirokchilarini avtomashina va avtobuslar bilan taʼminlash. 15-iyungacha Vazirlar Mahkamasining Xoʻjalik faoliyati boshqarmasi, Toshkent shahar hokimligi, Buxoro viloyati hokimligi, “Oʻzavtosanoat” AJ 34. Toshkent va Buxoro shaharlarida aeroport va temir yoʻl vokzallarida delegatsiyani kutib olishdan tortib shahar boʻylab transportlarning (kortej) yoʻnalishlarini ishlab chiqish. 25-maygacha Ichki ishlar vazirligi, Favqulodda vaziyatlar vazirligi, Milliy gvardiya, Buxoro viloyati hokimligi 35. Global forum doirasida harakatlanadigan barcha avtomobil yoʻllarining texnik holatini tekshirish, delegatsiyalar joylashgan mehmonxonalar, tashrif buyuradigan obyektlarning koʻchalaridagi yoʻllarni sifatli taʼmirlash, yoʻl chiziqlarini chizish va yoʻl belgilarini oʻrnatish. 25-maygacha Transport vazirligi huzuridagi Avtomobil yoʻllari qoʻmitasi, Ichki ishlar vazirligi, Buxoro viloyati hokimligi 36. Toshkent va Buxoro shaharlaridagi aeroportlarda delegatsiyalarga viza rasmiylashtirishni taʼminlash. Arizalar kelib tushishiga qarab Tashqi ishlar vazirligi 37. Toshkent va Buxoro xalqaro aeroportlari, temir yoʻl vokzallarida hamda ulardagi VIP zallarida xorijiy delegatsiyalarni kutib olish, kuzatish va ularga xizmat koʻrsatish holatlariga tayyorgarlik koʻrish hamda delegatsiyalarning yuklarini tezkor yetkazib berishni taʼminlash. 15 — 30-iyun “Uzbekistan airways” AJ, “Uzbekistan airports” AJ, “Oʻzbekiston temir yoʻllari” AJ 38. Delegatsiya aʼzolarining Toshkent va Buxoro shaharlari aeroportlarida va chegara nazorat-oʻtkazish punktlarida bojxona va chegara nazoratidan toʻsiqlarsiz oʻtishlarini taʼminlash. 15 — 30-iyun Chegara qoʻshinlari, Davlat bojxona qoʻmitasi, “Uzbekistan airports” AJ, Tashqi ishlar vazirligi 39. Delegatsiyalarning harakatlanish xavfsizligini taʼminlash, ularga xizmat koʻrsatish uchun ajratilgan avtomashinalarning texnik holatini tekshiruvdan oʻtkazish, delegatsiyalar yashash joylarida va tashrif buyuradigan obyektlarda jamoat tartibini saqlash. 15 — 30-iyun Ichki ishlar vazirligi, Milliy gvardiya 40. Tadbir mobaynida tez yordam avtomashinalari va tibbiyot xodimlarining aeroport, temir yoʻl vokzallari, forum binolari va delegatsiyalarning yashash joylaridagi navbatchiligini hamda qatʼiy va samarali sanitariya-epidemiologik nazoratini taʼminlash. 20 — 25-iyun Sogʻliqni saqlash vazirligi 41. Global forum oʻtkaziladigan joylarda va delegatsiyalar joylashgan mehmonxonalarda uzluksiz elektr energiyasi, issiq va sovuq suv bilan taʼminlash. 23-24-iyun Energetika vazirligi, Uy-joy ?ommunal xizm?t koʻrsatish vazirligi, “Oʻzbekiston milliy elektr tarmoqlari” AJ, “Hududiy elektr tarmoqlari” AJ, “Issiqlik elektr stansiyalari” AJ, “Oʻzsuvtaʼminot” AJ 42. Global forum oʻtkaziladigan joylarda lokal tarmoqlarning kiberxavfsizligini taʼminlash. 22 — 24-iyun “Kiberxavfsizlik markazi” DUK, Axborot texnologiyalari va kommunikatsiyalarini rivojlantirish vazirligi 43. Madaniy va tarixiy obidalar roʻyxatini tuzish, Global forum ishtirokchilarining guruh boʻlib obidalarni tomosha qilish uchun harakatlanishlarida xavfsizlikni taʼminlash. 20 — 25-iyun Turizm va sport vazirligi, Madaniyat vazirligi, Ichki ishlar vazirligi, Toshkent shahar hokimligi, Buxoro viloyati hokimligi